D-BLUE CH☆20 by Sammy♤
D-BLUE 20
by Sammy♤Rawn chhawp zuaiss
DUATI POV.
"Muhil rawh" Cindy chuan a ti hmuk a, a phone leh ka phone chu a lukham hnuaiah chuan a dah hmak.
"Tinge Zorema chu heta dawn kal ve i phal loh reng reng a ?" a tih chuan "Ka sawi peih lo" ka ti hmuk.
"Tikhan nangmah bawk i buai a. In awmdan hi hmangaihna vang nge ât vang pawh ka hre lo ve" a ti a, hahthlak tih hmel zetin a thaw hak.
Ka ngawi reng a, a ruk chuan ka lungawi lo ve em em ringawt.
Cindy chuan thu min hrilh sep sep a, Zorema nena kan awmdan tichiang vat tur te leh hetianga dinhmun chiang lova awm reng lo tur te chuan min ti bawk a, kei ka rai vang nge a thusawi ka ngaihthlak pah chuan ka lo muhil daih.
Ka phone ri chuan min ti harh a, Cindy lukham hnuai ami chu ka va ban a, a delh nghet mai bawk sia.
Mahse ka lak hma chuan a tawp hman a, en pawh en zui lem lo chuan ka tho a, khum bul dawhkana tui chu in mai tumin ka ban a, a lo ruak vek.
Tuium chu la in ka tho a, room ațang ka chhuah chuan ka inchhuih khet a, "Tunge light hi off ziah ni ?" tia phun niah niah in light chu ka on a, choka tui chu va thun in ka in nghal khawlh khawlh.
Light ka off leh dawn lai chuan pawn lam ațanga min ko thawm ka hre ta tlat.
"Duati" a rawn ti leh zauh a, ka hmulthi a ding nghal sung sung.
Dar zat ka en a, zinglam dar 2 chauh. Tun angah tunge min ko anga???
Ramhuai ka rilruah a rawn lang a, room tlan luh nghal ka tum chu "Duati i ni em ?" kawngkhar rawn che dat in a rawn ti leh a, Zorema âw ang riau va hria in ka ding leh a.
"Duati" a rawn ti leh.
"Zorem ?" hlau deuh reuh tak chuan ka ti a, "Imm Duati ka ngai che" a rawn ti.
Hmanhmawh takin kawngkhar kalhna chu ka hawng a, mahse a kawngkhar ka hawn hma chuan thil ka hrechhuak leh thut a, ka hmulthi a ding leh nghal vek.
Hawng lovin kawngkharchu ka kalh leh a, tun angah Zorema helaia a awm nachhan tur ka hre lo reng reng.
Ani pui hi tawhsual tawkin a boral a ni lo maw? An boral hian an thla hian an mi ngaihte an tlawh țhin an tih tak kha...
Zorema a thi tihna em ni ?
"Zorem" ka ti leh țiau va, ka ngaihtuahna mai mai chuan min ti hlauthawng lutuk.
"Imm Duati kawng hi min hawn dawn lo em ni ?" a rawn ti a.
"Nangmah i ni tak tak em ?" ka ti "Keimah ngei ka nia lawm. Ka ngai che a ka rawn kal anih hi" a ti a, kawngkhar chu ka hawn sak nghal.
A thla mai mai ni lo amah ngei a ni tih tichiangin ka hawn velah chuan min kuah nghal vawng vawng a.
Pawn lam ațanga thli rawn thaw lut vang chuan ka mur uai uai mai.
"Lut phawt ang, a vawt si" tiin ka luhpui a, kawngka ka kalh lai te chuan ka hnunglam ațangin min rawn kuah a, "Ka ngai lutuk che, ka ngai lutuk che a i sawi ang pawn ka awm thei lo" a ti a. Ka biangah te chuan a fawp a keiin ka lo nawr sawn thung.
"Lo tuar ve mai ta che, ka rawn haw țep tawh tho a" ka ti a, "Ka thei lo nih hi! Min be duh bawk si lova, kan awmduh lo pawh tih tawh laia min biak duh loh phei kha chuan hun kal muan a, second khat te hi a rei zia i hria em ?" a ti a.
"A rei ka ti ve hleinem, second khat chhungin penhnih ka pen hman" ka ti a, "Ka tan chuan a rei.... Second khat danah mit ka khap a, ka mit hi a thip vek hman, chutiang khawp chuan second khat hi i tello chuan ka tan a rei lutuk" a ti a, chhan leh tuma ka kâ ka ang zuau tawh chu "I țawngthei lutuk" tiin min kuai dak a, min fawp nghal vawng vawng.
A inlahrang a, min kuahin ka samah a fawp leh a, "Ka ngai che tih hi sawi hreh țhin viau suh" a ti hluk.
"I lo kal tur i sawi lawk si lova, khawiah nge i mut ang" ka ti a, "Țhutthlengah ka mu mai ang" a tih chuan "A hreawm ang" ka lo ti a.
"Eee.... Chhuatah hian mutna ka siam che nga i mu duh ngem ?" ka ti a, ka en chho ha.
"Imm..." tiin min rawn fawp leh zauh va, inlahrangin pindanah chuan kan inzui lut a, puan phah chi kan neih ang ang chu lakhawmin sitting room lamah chuan kan pawm phei a.
"Helam phei chu a vawt sia, a hreawm deuh mai thei a ni" tiin mutna chu ka phah sauh sauh a, a nuam thei ang ber tura ka phah hnuah sin tur ka va lak sak a, puan pakhat chauh chu a lum ka rin loh avangin ka nu te room ami chu ka va laksak belh bawk a.
"Mu vat rawh, khua a var har tawh dawn lo, motor i rawn khal chau bawk si" tiin puan chu ka thlepthuah nghal thlap a, thawh ka tum chu min pawt bet a, "Ka bulah lo mu ve rawh" tiin min pawt tlat.
"Aw mahse light khi kan off lawk ang" ka ti a, ka kut chu a thlah hram a, mahse light off na ah pawh min zui hram.
A ban min lukham tirin a saisir zawng chuan kan mu a, a kut lehlam chuan ka dul chu a chul heuh heuh.
Diktak a sawi chuan ka ngai ve tho a, a rawn kal ve pawh hi pawi tihna ka neih loh bakah min ngaih avanga rawn kal anih tak tak ngat phei chuan ka lawm dan leh ka duhdan hian van a tawng pha țep ang.
"An lo țhang chak hle mai a" a ti a, ka nghawng zawnah chuan rawn thaw lum hakin ka nghawng chu a fawp a.
"An nu pawh hi a lo chhelo zual a" a ti a, ka khi ve sak.
"Țawng țawng lo khan muhil rawh" ka ti a, min rawn ngheng hnai sawt sawt a, ka dul a chul na chu ka âwm lamah a sawn chho a, "Muhil lo ang, tihian awm reng ka duh" a ti a.
"Naktukah i chau lutuk ang" ka tih leh pawh chuan "Zankhat mut loh mai maia engmah ka ni dawn lo" a ti a, thaw hakin alam hawi chuan ka inher a.
"Engtiang chen in nge min ngaih ?" ka ti a, "Chutiang an in zawt ngai em ni ?" a lo ti let.
"Ka hre duh alawm" ka ti veleh a, "Ka sawifiah zo lo" a tih leh chuan pangchang takin "Sawi pawh sawi thiam loh chu min ngaihdan a van nep ve" ka ti a, min melh chhuk ran a.
"Tuifinriat thûk ber ai pawha thûk ka thinlung ațang hian ka ngai che a, tuifinriat kama țiauvut mal te te hmang hian ka ngaih zia che ziak chhuak dawn ta ila chu'ng zawng zawng hmang pawh chuan ka la sawifiah zo chuang lovang. Nî khi nih a, i tan chauha èn ka chak a, arsi leh thla te khi i la itan chauh ka êng țhin ang. Chutiang chuan midang zawng zawng zingah ka duh bîk che in ka hmangaih bîk che a, ka duhsak ber bawk che" a tih chuan ka nui ver ver a, a âwm-ah chuan ka bei hle hle.
"Duati heta țanga kan let hunah chuan ka rualin rawn haw ve tawh rawh aw" a ti a, "Ka duh danin ka rawn haw ngawt thei hleinem, ka û te ka nu te, i chhungte nen pawh pangngai taka inbiak leh te angai anga" ka ti a.
"Ngai teuh lo, tupawh hian i duhthlanna chauh kan nghak. Vawikhat ka tihnat tawh che vangin rin leh ka harsa dawn tih chu ka hria, mahse min ring ngam la ka duh" a ti a.
"Kan awmdun lo anih chuan inrinna a awm har anga, inhmangaih zual zel lam aiin inlakhran zelna a zual zawk ang" ka chhan hma chuan a rawn ti leh a, ka lo ngawi ta kar.
Lehlam hawi chuan ka inher leh a, ka hnute a rawn hum leh chat.
"Anih Azualteiin 'i fa ka pai' ti emaw in rawn tibuai leh ta che se la" ka ti a, a nui lum hak.
"Azualteiin ka fa a pai theih dan eng kawng mah a awm lo" a ti a, "I ngaih em em kha chuan ka daisual thui bik lo ania" a ti a.
"Ka awih lo! Kha leh chen inzui tawh kha inhmang tawh em em ang" ka tih chuan ka hnute chu a țham deuh salh a.
"Ana!!" Ka lo ti țhat.
"Sawi sawi suh.... ka hnuaia i awm lai hmel bak kha ka mitthla thei lo. Ka lalsiala i ti tho dawn" a rawn ti a, "Enge lalsiala chu ?" ka sawi zawh rual deuhthaw chuan a hnuailam chuan min rawn nek salh a, ka hrethiam chiah.
"Zaktheilopa, i nupui pawh ka nih loh hi...." tiin a kutah chuan ka beng a, "I thiamloh vek anih hi" ti a ka khabe a vuanin min kuai her a, min fawp deuh ngawng ngawng.
Min kuai zangthalin ka chungah a rawn bawk nghal zur a, ka lu zawna a kut pahniha in bengin min beng chhuk run.
"Zing anih țep tawh hi Zorem" ka tih chuan
"Zing anih hma chuan kan tih vat a ngai reng alawm...."
><><><><><><><><><><><
"A vawt hle mai a" tiin ka thingpui no ken chu Zorema ka pe a, țhutthleng hniamah chuan ka țhu thla ve nghal.
Zorema chuan a tual mei chhem chu tuah țhat pahin min rawn en a, "Nichin mai kha chuan lum tiin i thlan khan ka hre sia" a ti a, "Zoremsang!!" ka ti țhat.
A nui a, "Sawi awm leh awm loh hi hre rawh" ka tih chuan "Nangmah vang hian mi zawng zawng mi chut, mi mawl hriat in min hre vek tawh tho a ho emai" a ti a, a thingpui chu a dawt ri khulh.
"In ah chuan awm ila chuan coffee ka in awm sia" tiin a thingpui no chu a en vang vang.
"I duh leh haw leh rawh. Lo kal rawh pawh ka ti lo hrim hrim che a" ka tih chuan "Ka ti mai mai nih kha. Thingpui hi tui lawm, thingpui ah pawh a sen hang han ni se" a rawn ti nem duai chu ka melh rawm rawm a, "A eng aiah chuan nge khatia i țawng vel a ?" ka ti a, "Awww... i hrethiam lo thei lutuk, i bulah ka inti naute ve anih hi" tiin khap zuk zuk in min en a, ka chek tlak tlak.
"Ei sual i nei em ni? I mize danglam chak lutuk hi, nge damloh rukna i nei zawk ?" ka tih leh chuan "Ka ngai reng che tih loh hi insawiselna dang ka nei hran lo" a ti a, khap fuk fuk a nui suk suk in min en a, țawngkam te lah hi a arte tui thiam reuh a, min melh lai ringawt lehnghal.
"Rawng ka'n bawl ange ?" tiin ka tho a, inchhung ka lut ta daih.
Chaw ka chhuang a, ka chhuan hnu rei lo ah ka nu te an rawn tho a, Zorema an hmuh chuan an phul hlut.
Pu Kunga tual mei rawn ai ve chuan Zorema chu a be duh khawp mai a, Zorema hnathawh te chu a lo zawt chîk em em.
Zorema sipai bang anih a hriat a, lehkhabu a ziak ve tih a hriat phei chuan ka bulah a fak khawp mai a, a fak dan lah chu tlangvalin nula hnena a țhianpa țan a lo la ve ang mai hi a ni a.
.
.
.
Haw leh rawh intih tawp chi pawh a ni tawh si lova, Zorema chu Christmas hmang tur chuan a awm ve ta a.
Cindy lah chuan a khak fek fek zel lehnghal.
Zorema chu lo ah te a feh ve a, tual mei mût atan thing te a pu ve a, rin ai tak chuan nuam a ti phian bawk a.
Kan boruak chu duhthusamin a țha a ni mai e.
><><><><><><><><><><><
Urlawk zan a ni ta der mai!
Kan tualah chuan meipui kan chhep a, dar riat tlang thleng chuan ai puitu kan nei ve nak nak a, dar 9 an rik chhoh meuh chuan kan chhung leh Pu Kunga te nupa tehtlawng chuan kan ai a ni tawh.
"Meng rei lovang u, zingah thawh hma angai dawn si" ka tih chuan "Ti awm lo thei. Tlaivar zana kan tlaivar ve loh in le" Cindy chuan a lo ti nghut a.
"Anih chuan tinge hetia kan awm tawp a, eng emaw eitur te ngaihtuah ve ila" ka ti a, "Awii a rai ber ber in chutia i rawn tih le. Keini chu kan eitur kan nei vek tawh tiraw Zorem ?" Cindy-i chuan tiin Zorema lama mit ko san zeuh pah chuan a ti a.
"Enge in tih a? Thil tih ruk in tum em ni ?" Zorema melh pah chuan ka ti a, "Ar hem tur bazara in kal hlan khan ka pa ne kan lo puah a, nakin deuhah kan hem ve dawn nia" Zorema chuan a rawn ti a, "Cindy thusawi kha sawi chiang rawh u" ka ti hmuk.
"Engmah ni lo, ar hem na telh tur beer kan chah a" Zorema chuan a rawn ti leh a.
"Zu nen an ti ngai em nii ?" Pu Kunga chuan a lo ti.
"Beer te chu zu ang pawh ni hleinem pu, Sprite ang hi nimai" Cindy chuan a ti a, "Chutiang te chu ka ei ve thei nang, bakah khawi ami nge in hmuh reng reng a ?" ka ti a, "Lungngai suh, ar pumhnih ngawt alawm kan puah. Pakhat chu a lawngin kan ti dawn nia" Zorema chuan ka dara min rawn kuah pah chuan a ti a.
"Aaaa.... khawi ami nge Beer chu in neih? Christmas dawn hian hetiang hi an khap țhin sia" ka ti leh a.
"Aaaa, han inkhap ve mah se inkhap sen a ni lo. A zuar a te hian zuar lo pawh ni se a in leh a ti țhin ate bawk hian an rawn pu lut zel tho tho" ka nu chuan a lo ti a, ka ngawi ta daih.
"Va leng ve rawh u, kàwn an chei te saw va en ve teh u" ka pa chuan a ti a, "Ka peih lo e a" tiin hmawlh chuan lei chu ka thai kual a.
"Leng ve ila, inah hian i awm reng a" Zorema chuan a rawn ti zawi ve sup a.
"Ka peih lo" ka lo ti leh.
"Va leng rawh u... ar chu kan lo hem ang. Len sawi hian țang țung zel suh Duatpui" Cindy chuan a rawn ti hlar a.
"Reilote tak tak va leng ang, kan va en zuai anga kan haw leh dawn nia" Zorema chuan a ti a, ding uaiin min pawt tho ve a, "Pheikhawk lum va bun rawh, slipar hi zanah hian bun ziah suh" a ti a, amah zawk chu inchhungah chuan a va lut a pheikhawk chu rawn la chhuakin min bun tir deuh thlap.
Min kaitho a, inkai rial chuan ka kal dun ral ral.
Kàwn ah chuan mi an lo awm ve nual a, keini pawhin thla te chu kan la ve bawk.
Rei vak loah chuan kan haw leh a.
"Enge i ngaihtuah a ?" in kan thlen hma deuh chuan Zorema chuan a ti a, "Engmah ka ngaihtuah lo" ka ti mai.
"En pawh min en țha duh lo" a tih chuan "Ka en reng che lawm... College vel ka ngaihtuah. Ka rai sia, lehkha zir vak ka peih dawn si loh bakah ka thei awm si lo" ka ti a, ka thaw hap.
A ni tak reng a, ka ngaihtuah chhuak deuh thut a. Dam te a kan awm chuan kumthar kan kai leh vat anga, semester exam ang mai mai kha anih tawh dawn loh avangin lehkha zir veleh viau a ngai dawn a, rai chung chuan ka zir vak vak a, ka innawr luih vak vak theih ka ring bawk si lo.
"Kal zawm i lo la tum em ni? I chawl tur angin ruahmanna ka siam vek tawh" a ti a, "Tum e..." ka ti a.
"Nau i pai tawh a, zir leh kher kher a ngai tawh lo. I zir loh pawn kan awm thei tho ang" a tih chuan melh ralhin "Chutiang ngawt a ni lova, nakinah fate kan neih ve chuan nu lehkhathiam lo neih te kha an zak anga...." ka tih chuan min lo țawng khalh vat a, "Teuh lo mai !....... Ka nu hian pawl 5 chauh a pass a, tun thleng hian ka la zahpui lova, lehkhathiam lo ngaihin ka ngai hek lo. A fate țha taka min enkawl theihna hi lehkhathiam a nihna chu a ni mai. Kan fate hmahun tur chu ngaihtuah reng reng suh, a tu a zawk zawk pawh min chhun se nunchhang țha lo an zir hauh lovang" a rawn ti a.
"Aa! Min chhun chuan an lerh ve hlek thei bawk a" amah bawkin a rawn tih leh chuan ka nui ta hak.
In kan thlen leh hnu chuan Pu Kunga ber chu guitar nen a lo țhu run a, amah te chuan a lo zai ral ral.
Cindy chuan "Ar hem ka hnehsawh zia hi" tiin amah chu a lo in fak nghal zat bawk a.
Kan țhu veleh chauh tih chuan Zorema chu guitar chu a rawn pe a, "Duati tan han zai teh" a ti a, "A chi dawn mii" Zorema chuan khi vun vun chungin a ti a, proffesional tawkin guiter chu a han herh vel a.
"Ka zai thiam si a, ka hla thlûk ah in tawlhthlu ang tih a hlauhawm alawm!" Zorema chuan uangthuang tak chuan a rawn ti leh a, "Aaaa.... zai mai mai teh. Lengzem ngei kha han sa la" ka nu chuan a lo ti ve a, "A tar tar in Lengzem te hi in han tia, in lerh reuh mang e" Cindy chuan a lo ti a, "A sir ațang hian i lo rak bengchheng ve chhen a" ka nu chuan nui chungin a ti let a.
"E he he hee! Chutiang te a mi tih ka arsa hem hi i ei ve lovang" Cindy chuan thutak deuh hian a rawn ti let a, "Nangpui hi ei i phal lo reuh tak tak ang a" ka nu chuan a ti a, "Bengcheng suh u, kha Zorema a zai dawn kha" ka pa chuan a lo ti a, Zorema lam chu kan en țhap.
Zorema chu vawihnih khat a'n "Eherm" a, guitar chu a han perh ri țhiang țhiang a, min rawn en in a nui suk.
Chutah no em em lo âw thum chhal in a rawn zai a,
" Mahriakte'n ka len laiin e,
Ka tawng ta e phu loh lenmawii;
Suihlung zawng a dum zo ngei mai,
A khum zo rèng an awm nem'aw "
Min rawn en in a nui leh a,
" *Min dem lul su ka hril zel dawn,
A sakhmelmawi ka lungdam na;
A sakruang'ah sel tur ka vai e,
A țha hluan kei ariang lungmawl tan reng hian e.
Khuanu leng malsawmna ni ta'nge,
Engah kher nge biahthu min hlan le;
Kei a sakhmel a tu chhing lo,
A ngurpuinun ka iang nem le.
*Min dem lul su ka hril zel dawn......"
Min rawn en chung kher bawk chuan a zai a, a zai zawh velah chuan Pu Kunga pui bawk chuan kut a lo beng leh a, "I thiam tak tak anih kha a, nu ho i hla thlûk ah an tawlhthlu lo chauh alawm" a ti a, "Hahaha..... A Christmas hla lo viau a, mahse Duati sak khum hi ka châk ve hrim hrim a" Zorema chuan a ti a, pu Kunga te ho hian an bawl tih a hre lo emaw ni.
"Khatia i lo zaithiam leh thu thiam vang anih dawn kha Duati pawh hian a lo thlang nalh che ni ?" ka pa chuan a rawn ti ve khauh va, "Aaaa.. mi hi bawl bawl teh suh u, hla thlang rawh u i zai mai mai ang u" Zorema chuan a rawn ti ve bawk a.
"Duati han sawi ve reng reng teh. Zorema chu a lo zaithiam vang chuan em ni i lo duh a ?" pu Kunga chuan a ti a. A upa pa chuan mi chhaih dan tur lah hi an hre lehnghal a.
"Awi a! A hma in a zai ngai reng reng lo" ka ti a.
"Hman zanah pawh phone ah khan a rawn zai kha" ka pa lah chuan lo la ti ve a.
"Khakha a vawikhat zai ka hriatna nih kha. A duatlai te ka ni ve a, min zai sak ve bawk ang chu. Bakah nupa-ah kan insiam tawh a induh chhan inzawh inzawh pawh ngai tawh lo" ka ti hmuk a.
An nui dar dar a, ka nu chuan nui chuang hian "Keichu i pa hian min zai sak ve ngai lo reng reng. Inkhawm naa a zai tih loh hi chu ka hre khât khawp mai" a rawn ti ve a.
"In ninawm, a tar tar hi in țawngthei. Zorem perh rawh, i duh duh kha sa la an rawn zawm ve mai ang che" Cindy chuan a ar hem avang meikhuk na mit sen rum nena rawn hawi chhuah pah chuan a ti a, kan vai nuih ta vek.
><><><><><><><><><><
Christmas inkhawmah chuan chhung chuan kan inkhawm ve a, Cindy nen pawh in anga kan țhui tir kawr chu ha in mawi kan inti viau mai.
Zorema chuan inkhawm bana thingpui leh chanban an sem chu a la ve ngei a, mahse a chanban chu a lo keng thiam chiah lo niin.
Chhanban funna changel hnah chu a lo ti thler a, a kut lawngin chhangban chu a keng a, a lo inti berh vek.
Ka nuih vak vak a, a la lawm lo em em zui.
Zorema kut kan tihfai hnu chuan chhungkuain thla te kan la a, chutiang chauha lak chu Zorema chuan a lo duhkhawp lo nasa mai a. Kan haw a kan inthlak hnuah min inchei tir a, i rai lai thlalak room a tar tur tiin min lakpui leh a, photographer an awm loh vang erawh in duh angin a mawi lo deuh a, mahse Zorema a lawm hle tho.
><><><><><><><>< Time Skipppp
Christmas leh kumthar chu dam leh hlim takin kan hmang a, kumhlui thah zana zanlai inkhawmah te pawh kan inkhawm țhap.
"Tunkum chu kum țhat kum a va ni dawn chiang tak" Zorema inkhawm ve lah chuan a ti sek bawk.
Chhungkua a kan sawi hnuah leh Zorema chhungte lam nena kan inbiak hnuah inhruai leh chu rem kan ti tlang a, ka û pawhin Zorema chu a insiamțha ve takzet tawha a hriat avangin sawi buaina a nei hran lo.
Cindy chu phai lama chhuk leh vat angaih avangin keini aiin a haw thla hmasa a, keini erawh Cindy haw thlak ațangin karkhat zet kan cham belh leh tawh.
In sawiselna ka nei hran lova, ka dul erawh phir an nih vang nge a lian chak a, thla ngana hmang mek chauh ni mah se rit ka ti viau tawh.
Zorema chu ka pa rualin a feh ve țhin a. Thlasik ni chu a sat dan a na si a, nisâ hnuai a hnathawk ngai lo tihtakah a thu khak a, hmangaih viau lo phei ila chuan hnawl vang vang na tham in a hmelchhe chak.
Mahse ka hmangaih êm a, a hmel ang midangin an put ve loh vanga thlang kha ka nia, ka hmangaih lo phal lo hrim hrim.
.
.
.
Zorema, ka nu leh ka pa chu an feh leh a, keiin in lamah thawmhnaw te sep ho chu su in naktuk lama haw kan tum tawh avangin ka inpack țha ve bawk a.
Tlaiah chuan hma deuhin rawng ka bawl a, Zorema te pawh ni tlak hma tuivawta la inbual ngam awm velah an rawn haw a, kan hawn tur thlai hnah leh țhenkhat te chu an intihfai chhung chuan ka lo pack fel a. An han intihfai zawh chuan chaw kan ei zawm mai bawk a.
Zanah chuan Pu Kunga te chhung chu an lo leng a, an zo artui chu kan hawn ah min rawn pe ve a. Zorema lawmthu a sawi luam a, pu Kunga nen chuan ka hriat ve hlau niawm takin eng emaw hi an sawi zui sep sep.
UManui chuan kan haw thlak hunah a harsat loh chuan tiin eng eng emaw min lo chah ve bawk a, ka thawn chhoh ngei tur thu chu ka hrilh ve ngei a, mahse ka theihngilh palh takin tiin phone hmanga min rawn hrilh leh turin ka ti tho bawk.
Zorema tih loh vei zui hi ka nei tak tak bawk silova, ka theihngilh leh daih kha a hlauhawm tlat.
☆a sei țha sia, han comment leh diat diat ula aw hmelțhaho☆
"A vawt hle mai a" tiin ka thingpui no ken chu Zorema ka pe a, țhutthleng hniamah chuan ka țhu thla ve nghal.
Zorema chuan a tual mei chhem chu tuah țhat pahin min rawn en a, "Nichin mai kha chuan lum tiin i thlan khan ka hre sia" a ti a, "Zoremsang!!" ka ti țhat.
A nui a, "Sawi awm leh awm loh hi hre rawh" ka tih chuan "Nangmah vang hian mi zawng zawng mi chut, mi mawl hriat in min hre vek tawh tho a ho emai" a ti a, a thingpui chu a dawt ri khulh.
"In ah chuan awm ila chuan coffee ka in awm sia" tiin a thingpui no chu a en vang vang.
"I duh leh haw leh rawh. Lo kal rawh pawh ka ti lo hrim hrim che a" ka tih chuan "Ka ti mai mai nih kha. Thingpui hi tui lawm, thingpui ah pawh a sen hang han ni se" a rawn ti nem duai chu ka melh rawm rawm a, "A eng aiah chuan nge khatia i țawng vel a ?" ka ti a, "Awww... i hrethiam lo thei lutuk, i bulah ka inti naute ve anih hi" tiin khap zuk zuk in min en a, ka chek tlak tlak.
"Ei sual i nei em ni? I mize danglam chak lutuk hi, nge damloh rukna i nei zawk ?" ka tih leh chuan "Ka ngai reng che tih loh hi insawiselna dang ka nei hran lo" a ti a, khap fuk fuk a nui suk suk in min en a, țawngkam te lah hi a arte tui thiam reuh a, min melh lai ringawt lehnghal.
"Rawng ka'n bawl ange ?" tiin ka tho a, inchhung ka lut ta daih.
Chaw ka chhuang a, ka chhuan hnu rei lo ah ka nu te an rawn tho a, Zorema an hmuh chuan an phul hlut.
Pu Kunga tual mei rawn ai ve chuan Zorema chu a be duh khawp mai a, Zorema hnathawh te chu a lo zawt chîk em em.
Zorema sipai bang anih a hriat a, lehkhabu a ziak ve tih a hriat phei chuan ka bulah a fak khawp mai a, a fak dan lah chu tlangvalin nula hnena a țhianpa țan a lo la ve ang mai hi a ni a.
.
.
.
Haw leh rawh intih tawp chi pawh a ni tawh si lova, Zorema chu Christmas hmang tur chuan a awm ve ta a.
Cindy lah chuan a khak fek fek zel lehnghal.
Zorema chu lo ah te a feh ve a, tual mei mût atan thing te a pu ve a, rin ai tak chuan nuam a ti phian bawk a.
Kan boruak chu duhthusamin a țha a ni mai e.
><><><><><><><><><><><
Urlawk zan a ni ta der mai!
Kan tualah chuan meipui kan chhep a, dar riat tlang thleng chuan ai puitu kan nei ve nak nak a, dar 9 an rik chhoh meuh chuan kan chhung leh Pu Kunga te nupa tehtlawng chuan kan ai a ni tawh.
"Meng rei lovang u, zingah thawh hma angai dawn si" ka tih chuan "Ti awm lo thei. Tlaivar zana kan tlaivar ve loh in le" Cindy chuan a lo ti nghut a.
"Anih chuan tinge hetia kan awm tawp a, eng emaw eitur te ngaihtuah ve ila" ka ti a, "Awii a rai ber ber in chutia i rawn tih le. Keini chu kan eitur kan nei vek tawh tiraw Zorem ?" Cindy-i chuan tiin Zorema lama mit ko san zeuh pah chuan a ti a.
"Enge in tih a? Thil tih ruk in tum em ni ?" Zorema melh pah chuan ka ti a, "Ar hem tur bazara in kal hlan khan ka pa ne kan lo puah a, nakin deuhah kan hem ve dawn nia" Zorema chuan a rawn ti a, "Cindy thusawi kha sawi chiang rawh u" ka ti hmuk.
"Engmah ni lo, ar hem na telh tur beer kan chah a" Zorema chuan a rawn ti leh a.
"Zu nen an ti ngai em nii ?" Pu Kunga chuan a lo ti.
"Beer te chu zu ang pawh ni hleinem pu, Sprite ang hi nimai" Cindy chuan a ti a, "Chutiang te chu ka ei ve thei nang, bakah khawi ami nge in hmuh reng reng a ?" ka ti a, "Lungngai suh, ar pumhnih ngawt alawm kan puah. Pakhat chu a lawngin kan ti dawn nia" Zorema chuan ka dara min rawn kuah pah chuan a ti a.
"Aaaa.... khawi ami nge Beer chu in neih? Christmas dawn hian hetiang hi an khap țhin sia" ka ti leh a.
"Aaaa, han inkhap ve mah se inkhap sen a ni lo. A zuar a te hian zuar lo pawh ni se a in leh a ti țhin ate bawk hian an rawn pu lut zel tho tho" ka nu chuan a lo ti a, ka ngawi ta daih.
"Va leng ve rawh u, kàwn an chei te saw va en ve teh u" ka pa chuan a ti a, "Ka peih lo e a" tiin hmawlh chuan lei chu ka thai kual a.
"Leng ve ila, inah hian i awm reng a" Zorema chuan a rawn ti zawi ve sup a.
"Ka peih lo" ka lo ti leh.
"Va leng rawh u... ar chu kan lo hem ang. Len sawi hian țang țung zel suh Duatpui" Cindy chuan a rawn ti hlar a.
"Reilote tak tak va leng ang, kan va en zuai anga kan haw leh dawn nia" Zorema chuan a ti a, ding uaiin min pawt tho ve a, "Pheikhawk lum va bun rawh, slipar hi zanah hian bun ziah suh" a ti a, amah zawk chu inchhungah chuan a va lut a pheikhawk chu rawn la chhuakin min bun tir deuh thlap.
Min kaitho a, inkai rial chuan ka kal dun ral ral.
Kàwn ah chuan mi an lo awm ve nual a, keini pawhin thla te chu kan la ve bawk.
Rei vak loah chuan kan haw leh a.
"Enge i ngaihtuah a ?" in kan thlen hma deuh chuan Zorema chuan a ti a, "Engmah ka ngaihtuah lo" ka ti mai.
"En pawh min en țha duh lo" a tih chuan "Ka en reng che lawm... College vel ka ngaihtuah. Ka rai sia, lehkha zir vak ka peih dawn si loh bakah ka thei awm si lo" ka ti a, ka thaw hap.
A ni tak reng a, ka ngaihtuah chhuak deuh thut a. Dam te a kan awm chuan kumthar kan kai leh vat anga, semester exam ang mai mai kha anih tawh dawn loh avangin lehkha zir veleh viau a ngai dawn a, rai chung chuan ka zir vak vak a, ka innawr luih vak vak theih ka ring bawk si lo.
"Kal zawm i lo la tum em ni? I chawl tur angin ruahmanna ka siam vek tawh" a ti a, "Tum e..." ka ti a.
"Nau i pai tawh a, zir leh kher kher a ngai tawh lo. I zir loh pawn kan awm thei tho ang" a tih chuan melh ralhin "Chutiang ngawt a ni lova, nakinah fate kan neih ve chuan nu lehkhathiam lo neih te kha an zak anga...." ka tih chuan min lo țawng khalh vat a, "Teuh lo mai !....... Ka nu hian pawl 5 chauh a pass a, tun thleng hian ka la zahpui lova, lehkhathiam lo ngaihin ka ngai hek lo. A fate țha taka min enkawl theihna hi lehkhathiam a nihna chu a ni mai. Kan fate hmahun tur chu ngaihtuah reng reng suh, a tu a zawk zawk pawh min chhun se nunchhang țha lo an zir hauh lovang" a rawn ti a.
"Aa! Min chhun chuan an lerh ve hlek thei bawk a" amah bawkin a rawn tih leh chuan ka nui ta hak.
In kan thlen leh hnu chuan Pu Kunga ber chu guitar nen a lo țhu run a, amah te chuan a lo zai ral ral.
Cindy chuan "Ar hem ka hnehsawh zia hi" tiin amah chu a lo in fak nghal zat bawk a.
Kan țhu veleh chauh tih chuan Zorema chu guitar chu a rawn pe a, "Duati tan han zai teh" a ti a, "A chi dawn mii" Zorema chuan khi vun vun chungin a ti a, proffesional tawkin guiter chu a han herh vel a.
"Ka zai thiam si a, ka hla thlûk ah in tawlhthlu ang tih a hlauhawm alawm!" Zorema chuan uangthuang tak chuan a rawn ti leh a, "Aaaa.... zai mai mai teh. Lengzem ngei kha han sa la" ka nu chuan a lo ti ve a, "A tar tar in Lengzem te hi in han tia, in lerh reuh mang e" Cindy chuan a lo ti a, "A sir ațang hian i lo rak bengchheng ve chhen a" ka nu chuan nui chungin a ti let a.
"E he he hee! Chutiang te a mi tih ka arsa hem hi i ei ve lovang" Cindy chuan thutak deuh hian a rawn ti let a, "Nangpui hi ei i phal lo reuh tak tak ang a" ka nu chuan a ti a, "Bengcheng suh u, kha Zorema a zai dawn kha" ka pa chuan a lo ti a, Zorema lam chu kan en țhap.
Zorema chu vawihnih khat a'n "Eherm" a, guitar chu a han perh ri țhiang țhiang a, min rawn en in a nui suk.
Chutah no em em lo âw thum chhal in a rawn zai a,
" Mahriakte'n ka len laiin e,
Ka tawng ta e phu loh lenmawii;
Suihlung zawng a dum zo ngei mai,
A khum zo rèng an awm nem'aw "
Min rawn en in a nui leh a,
" *Min dem lul su ka hril zel dawn,
A sakhmelmawi ka lungdam na;
A sakruang'ah sel tur ka vai e,
A țha hluan kei ariang lungmawl tan reng hian e.
Khuanu leng malsawmna ni ta'nge,
Engah kher nge biahthu min hlan le;
Kei a sakhmel a tu chhing lo,
A ngurpuinun ka iang nem le.
*Min dem lul su ka hril zel dawn......"
Min rawn en chung kher bawk chuan a zai a, a zai zawh velah chuan Pu Kunga pui bawk chuan kut a lo beng leh a, "I thiam tak tak anih kha a, nu ho i hla thlûk ah an tawlhthlu lo chauh alawm" a ti a, "Hahaha..... A Christmas hla lo viau a, mahse Duati sak khum hi ka châk ve hrim hrim a" Zorema chuan a ti a, pu Kunga te ho hian an bawl tih a hre lo emaw ni.
"Khatia i lo zaithiam leh thu thiam vang anih dawn kha Duati pawh hian a lo thlang nalh che ni ?" ka pa chuan a rawn ti ve khauh va, "Aaaa.. mi hi bawl bawl teh suh u, hla thlang rawh u i zai mai mai ang u" Zorema chuan a rawn ti ve bawk a.
"Duati han sawi ve reng reng teh. Zorema chu a lo zaithiam vang chuan em ni i lo duh a ?" pu Kunga chuan a ti a. A upa pa chuan mi chhaih dan tur lah hi an hre lehnghal a.
"Awi a! A hma in a zai ngai reng reng lo" ka ti a.
"Hman zanah pawh phone ah khan a rawn zai kha" ka pa lah chuan lo la ti ve a.
"Khakha a vawikhat zai ka hriatna nih kha. A duatlai te ka ni ve a, min zai sak ve bawk ang chu. Bakah nupa-ah kan insiam tawh a induh chhan inzawh inzawh pawh ngai tawh lo" ka ti hmuk a.
An nui dar dar a, ka nu chuan nui chuang hian "Keichu i pa hian min zai sak ve ngai lo reng reng. Inkhawm naa a zai tih loh hi chu ka hre khât khawp mai" a rawn ti ve a.
"In ninawm, a tar tar hi in țawngthei. Zorem perh rawh, i duh duh kha sa la an rawn zawm ve mai ang che" Cindy chuan a ar hem avang meikhuk na mit sen rum nena rawn hawi chhuah pah chuan a ti a, kan vai nuih ta vek.
><><><><><><><><><><
Christmas inkhawmah chuan chhung chuan kan inkhawm ve a, Cindy nen pawh in anga kan țhui tir kawr chu ha in mawi kan inti viau mai.
Zorema chuan inkhawm bana thingpui leh chanban an sem chu a la ve ngei a, mahse a chanban chu a lo keng thiam chiah lo niin.
Chhanban funna changel hnah chu a lo ti thler a, a kut lawngin chhangban chu a keng a, a lo inti berh vek.
Ka nuih vak vak a, a la lawm lo em em zui.
Zorema kut kan tihfai hnu chuan chhungkuain thla te kan la a, chutiang chauha lak chu Zorema chuan a lo duhkhawp lo nasa mai a. Kan haw a kan inthlak hnuah min inchei tir a, i rai lai thlalak room a tar tur tiin min lakpui leh a, photographer an awm loh vang erawh in duh angin a mawi lo deuh a, mahse Zorema a lawm hle tho.
><><><><><><><>< Time Skipppp
Christmas leh kumthar chu dam leh hlim takin kan hmang a, kumhlui thah zana zanlai inkhawmah te pawh kan inkhawm țhap.
"Tunkum chu kum țhat kum a va ni dawn chiang tak" Zorema inkhawm ve lah chuan a ti sek bawk.
Chhungkua a kan sawi hnuah leh Zorema chhungte lam nena kan inbiak hnuah inhruai leh chu rem kan ti tlang a, ka û pawhin Zorema chu a insiamțha ve takzet tawha a hriat avangin sawi buaina a nei hran lo.
Cindy chu phai lama chhuk leh vat angaih avangin keini aiin a haw thla hmasa a, keini erawh Cindy haw thlak ațangin karkhat zet kan cham belh leh tawh.
In sawiselna ka nei hran lova, ka dul erawh phir an nih vang nge a lian chak a, thla ngana hmang mek chauh ni mah se rit ka ti viau tawh.
Zorema chu ka pa rualin a feh ve țhin a. Thlasik ni chu a sat dan a na si a, nisâ hnuai a hnathawk ngai lo tihtakah a thu khak a, hmangaih viau lo phei ila chuan hnawl vang vang na tham in a hmelchhe chak.
Mahse ka hmangaih êm a, a hmel ang midangin an put ve loh vanga thlang kha ka nia, ka hmangaih lo phal lo hrim hrim.
.
.
.
Zorema, ka nu leh ka pa chu an feh leh a, keiin in lamah thawmhnaw te sep ho chu su in naktuk lama haw kan tum tawh avangin ka inpack țha ve bawk a.
Tlaiah chuan hma deuhin rawng ka bawl a, Zorema te pawh ni tlak hma tuivawta la inbual ngam awm velah an rawn haw a, kan hawn tur thlai hnah leh țhenkhat te chu an intihfai chhung chuan ka lo pack fel a. An han intihfai zawh chuan chaw kan ei zawm mai bawk a.
Zanah chuan Pu Kunga te chhung chu an lo leng a, an zo artui chu kan hawn ah min rawn pe ve a. Zorema lawmthu a sawi luam a, pu Kunga nen chuan ka hriat ve hlau niawm takin eng emaw hi an sawi zui sep sep.
UManui chuan kan haw thlak hunah a harsat loh chuan tiin eng eng emaw min lo chah ve bawk a, ka thawn chhoh ngei tur thu chu ka hrilh ve ngei a, mahse ka theihngilh palh takin tiin phone hmanga min rawn hrilh leh turin ka ti tho bawk.
Zorema tih loh vei zui hi ka nei tak tak bawk silova, ka theihngilh leh daih kha a hlauhawm tlat.
☆a sei țha sia, han comment leh diat diat ula aw hmelțhaho☆
Comments