D-BLUE CH☆19 by Sammy♤

 D-BLUE 19

by Sammy♤


Ch☆19



DUATI POV.



Karkhat zet ka cham veleh tawh a, kawm vak tur ka neih loh avangin UManui leh Pu Kunga chu ka kawm ve ber an ni mai a.



Kei mi hman lutuk, Pu Kunga lah inbul hnai leh tihloh ram vel chhuak chi ni tawh hek lo kan inkawm reng mai a, kan hman dun lutuk lah chuan naute hming tur te kan sawi a, kan nileng ve țhak zel.



Darkar tinin Zorema call ka dawng ti ila ka sawi sual lovang. Engmah sawi tur hre lo pawhin min rawn be reng a, a rawn zai ziah bawk.



Naute thla li a tling țep tawh a, in enkawl tur te chuan min rawn chah mawlh mawlh. Engkim mai chu nu in a fa thil zir țantir a hrilh ni awm ang mai hian min hrilh reng a, ka pa ni awma mawi a ni.



Pu Kunga lah chuan 'Zorema nupui' ti hlirin min ko a, achang phei chuan a ngeiawm lek lek țhin.



><><><><><><><><><><><><><



Ni sawm  ka chamna chiah ania, ka nu leh ka pa chu lo lamah an kal a, kei in ah ka mu mai mai thung.



Lo lamah kal ve chu chak viau mah ila ka pa in tun kum lo neihna chu a hmun a rem lo lutuk a, intihpalh vel a hlauhawm a tih avangin ka kal ve ta lo.



Țhutthleng ah puan sin in ka mu a, Zorema hla rawn sak țhin ho chu ka a audio pangngai ka download a, ka ngaithlak berah ka nei ta hlawm.



Hla play chu ngaithla in ka muhil dawn siar siar țhin a, tuala naupang țe thaam chuan min ti harh leh țhin a. A khât tawkin Zoreman a rawn call ve reng bawk.



Ka muhil leh țep tih chuan ka phone chu a rawn ri leh a, en pawh en mang lo chuan ka la a  "Nangchu min lo call reng a, ka muhil dawn"  pangchang tak chuan ka ti a.



"Awiii!! Lalduatpuiii...."  Cindy âw ngei mai chuan rawn ti vak.



Ka meng kawk a, ka phone chu ka en a. Zorema ni lovin Cindy call zawk a ni tih ka chiang chiah.



"I thi ta emaw ka tia ?"  țhut chhuah pah chuan ka ti a,  "Khanglang zawk che hian! Enge inkhaw lama Christmas i hman tur pawh i sawi loh va. Mi biak ve pawh hi i tum ngai reng reng lo mai"  vui hmuipu takin a rawn ti a.



A dik reng bawk a, keimaha ka buai ve em avang hian tumah hi ka be lova, bakah Zorema hian min lo be ve peih em bawk nen tumah hi biak enah ka en lo a ni hlawm  ber zawk. Mahse Cindy meuh ka lo be țhin lo leh kan khaw lama Christmas ka hmang tur tih chinchan engmah ka hrilh loh vang chuan ka inthiamlo ve deuh.



"Kan kal thut a, ka pa khan tumloh deuhin min hruai ve lawm"  ka ti ta daih a,  'Ka hrilh theihngilh che lawm'  ka ti anih vaih chuan a rawn thinrim dawn lutuk.



"A pawi lo. Ka hrethiam tho che. Hahdam i mamawh, mahse i bulah keipawh ka rawn hahdam ve ang"  a ti a, a nui zui hak..



"Rawn kal i tum veleh ringawt tawh em ni ?" ka tih chuan  "Aw kan rawn tlan mek.... Hmu chak che in khulam ațang pawn ka rawn haw ve em em a, i bulah Christmas ka hmang dawn a ni ringawt.  Bakah naute pian hunah ka awm ve thei dawn silova,  an rawn pian hma tala an bula tal tam ve kha ka duh"  a rawn ti duah a.



"Dah ang.... kan rawn thleng țep"  tiin engmah ka sawi ve hma chuan a dah daih zui.



Dar zat ka en chuan chhun dar 11 chiah a la ni a, Zorema chu ka call a, a la thei lo.



Vawihnih ka call leh a, a la lak chuan loh avang chuan a buai anih ka ring a, WhatsApp ah message thawnin data off ka tum lai chuan  number lawng ațangin message ka dawng a. Mahse a țangkai vak ring lovin en pawh chu ka en peih ta chuang lo.



Data chu off in hla chu ka play leh a, ka chhing leh ta siai siai.
.
.
.

Țawng lawng lawng riin min ti harh a, phak chualin ka țhu chhuak.



Kawngka ka khar țhat thlap chu a lo inhawng hiau tawh a. Choka lamah thawm a ri rak rak a, ka mut lohna țhutthleng dangah chuan zin bag leh eng eng emaw a indah ruih bawk.



"Tluang deuhin in thleng dawn nia" pawna Cindy țawng lawng lawng ri chu ka hria a, a thlen chin hi a hriat ania.



A rawn lut a, keiin ka puan sin chu ka lo thlep țha mek.



"Heiha! Motor ka rawn chuan hah tehreng nen min lo lawm tu chu sawi loh  hmeichhe raipuar thophang hmelchhe zet ka hmu a, ka mood a chhe vek"  a ti a, ka melh hrek.



"Ka rin aiin in rawn thleng hma a.... Tu nen nge in lo kal a ?" ka ti a.



"Mi motor ah ka rawn chuang chho maw le...... Thingpui ka lum a i duh ve dawn em? Cake tui tawk ka rawn keng ania"  tiin choka lam a pan a, vawitam kan inah hian a rawn kal ve tawh bawk a, a mikhual lo ve khawp mai.



"Tak tak a, i duh leh mu leh rawh. Dar 2 chauh a la nia. Rawng chu ka lo bawl mai ang"  tiin thingpui no hnih hnen a rawn let a.



Țhutthleng bana thingpui no chu hungin "Nakinah i pa hnenah centre emaw side table siam tir turin ka la ti ang"  ti nuah nuahin a bag chu a hai rak rak a,  cake chi hrang hrang a rawn phawrh.



"I va rawn lei hnem ve...."  tiin ka stool kei aia upa lek lek tawh chu ka va la a, a laiah chuan hungin thingpui no chu ka dah a.



"Ka lei ni hleinem. Zorema min lo thawn vek..." a ti a,  "Engaa!! Zoreman i rawn kal dawn tih a hria em ni?" Ka ti hluai.



"Hria e.... ka rawn chuan chhohna pawh kha a hmelhriat te lawm. I lukham tur te pawh min rawn thawn a" a ti a, lukham chu a rawn phawrh chhuak.



Ka en tawp a, eng aiah chuan nge maw lukham ber kher chu  a rawn thawn ni? Bakah hetiang cake zozai te pawh.



"Engtin nge i rawn kal dawn tih a hriat a, i va hrilh em ni ?" ka tih chuan "Hrilh lo! Ka be peih reng reng lo. Amah zawkin alawm hetah i awm tih rawn sawi. Kan inah rawn kal a,  'Duati thil ka thawn duh sia, kei ka kal thei bawk si lo'  a rawn tia. I vitamins tur min rawn thawn bawk a. Apple leh grape te pawh min rawn thawn...."  a tih chuan ka ngawi tawp ringawt.




Vitamin te chu ka awmchhung daih tur ka keng ka ti mawlh mawlh a, apple lah case khat a lei kha ka keng chho vek a ka la ngah lutuk.  Lukham a rawn thawn tel kher bawk a, eng chu hria ni țhin maw aw.....



"Cake ka rawn ei chho țhen tawh zawk anih hi. Mahse a tui reuh tawp. Nakinah a leina zawh angai ni ?" a ti a, a ei mual mual.



"A thu hrimin lukham te hi i chah reng reng em ni ?" a ti a, "Chah lo chah lo. Keipawn enge a rawn thawn nachhan ka ngaihtuah hi " ka ti hlar a,  "Min vin vak vak suh....."  a lo ti let veleh hlar.



Ka thaw hak a, thingpui chu ka in veleh tawp.



Thingpui te in zawh hnu chuan ka indahfel pui a, Zorema lukham rawn thawn chu ka en vung vung. Zorema hian hman ațang tawhin lukham engvanga ngai pawimawh em em nge maw anih le. Che hlek se 'lukham' , a awmzia pawh la hre nek lo ve a.



Cindy chuan a bialpa nena an inkar a sawi bakah kan chungchang min zawt a, țha tak chuan ka sawi mai a.



"Heiha! Vawikhat pawh rinhlehawma a awm leh nih chuan theihngilh vang vang ang che. Naute chu nei pawh ila a tello pawn i enkawl thei dawn lutuk" a ti a,  a inngaihtuah thinrim belh a ni chèk ang chu a thaw leh hawk țhin.



Rawng kan bawl laiin Zoreman a rawn call a, Cindy rawn thlen tawh leh tawh loh min zawt hmasa ber.



"Thleng tawh.  Hetiang vak vak thil rawn thawn a ngai em ni? Vitamin pawh ka nei ka tia,  apple lah a la tam. Lukham te hi engatan nge i rawn thawn ?"  ka lo ti hlar a.




"Zanah i muttui loh ka hlau alawm.... Bakah vitamin i ngei thut te ka hlau a, apple te kha chu Pu Kunga te pawh kha sem ve la i phal chuan" a rawn ti a,  "Ka ngaihtuah che lawm"  a tawpah chuan a rawn ti sap.




"Chupawh ni se.... Mi ngaiah pawh a mawi lo. Ka nu leh pa ngaihah pawh" ka ti a,  "Mawi leh mawi lo ka ngaihtuah hman lo Duati.  Nangmah chauh ka ngaihtuah che a nimai" a tih leh chuan ka thaw hak a, "Hmm... Hman ațang tawhin thil mawi i ngaihtuah ve ngai lo hrim hrim. I fate nen hian kan la hrisel țha a, ngaihtuah lutuk kan ngai lo maw Lalchithlahpa"  ka ti a, a rawn nui hawk hawk.




"Nia ka la thlah zel dawn alawm. Keimahni ang tawk sawm vel i hrin chhuah hunah ka duhtawk chauh ang" a rawn ti a, chu a thusawi avang kher chuan ka lai ringawt.



"Ka buai deuha dah rih ila" ka ti a, "Aw... zanah ka rawn bia ang che" a ti a, call chu ka cut nghal.



Phone chu ka dah hma chuan WhatsApp message chu ka check leh a, number lawng pahnih ngawt ațangin message ka dawng.



Ka en hmasak zawk ah chuan  *I hmu em ?*  tih a ni a, a dp ka en a, a awm lo. A user name lah awm lo. Reply chuang lo chuan ka delete nghal a.



Pakhat chu ka en leh a, chhun lama min rawn thawn kha a ni. Thlalak a ni a, Thlalak chu ka en chiang a, heichu kan nupa room a ni tlat.



Kan nupa room ang deuh aniang pawh ti dawn ila mi pindana kan nupa thlalak lo intar ve ngawt nachhan tur a awm lo.



Min rawn thawntu dp chu ka en a,  Azualtei leh Zorema thalak a ni a. A username ka en leh a, Azualtei bawk. A about ah lah A&Z tih a hmang bawk a. Engtin nge he mihring hian kan nupa room thlalak chu a neih theih?  Bakah Zorema nen an ințhen tawh a, engvanga Zorema nena an thlalak chu la hmang a, about ah thleng thleng pawha la ti nge a nih?  Nge Zorema hian dawt min lo hrilh leh char char zawk?



Min rawn thawn hun chu chhun lama Zoreman ka kal a lak theih loh lai vel kha a ni a, Zorema hian dawt min lo la hrilh reng em ni?



Zoreman dawt min lo la hrilh char char tur anga ka ngaih chuan a hma ang bawk khan ka âwm ah hian min hnawh tet tet tu a awm a, min vilh ka ti mai.



Zorema chu ka call lehnghal a, rei loah a rawn la.



"Hello" hmeichhe âw hian a rawn ti a, ka mit nghal sulh in ka hria.



" Hello Duati !" a rawn ti leh a, "UZorema chu room ah a kal a, chokaah phone a theihngilh a" a rawn tih leh chuan Ramtei a ni tih ka hre chiah. Azualtei emaw tiin țawng pawh ka țawng ngam lo kha ania.



Ka âw ka thian kharh a, "Ee i dam maw Ramte"  ka ti a, "Aw dam e... Helam chu kan țha nangmah zawk kha i in enkawl țha em ?" ka mangan ruk mekna min hriatpui lo tih hriat zetin a rawn ti zang vah.



"Aw țha lutuk e. Ramte thil zawh duh che ka nei a ?" ka ti a,  "Aw min zawt la"  a tih chuan  "Azualtei a lo kal ngai em ?" ka ti tawl.



"Kal ngai lo. E! Vawikhat chu a lo kal" a tih chuan ka lung chauh ni lo, keimah chawp hian ka su dup dup nimai hian ka hria.



"Mahse UZorema awm laiin. A rei veleh tawh lutuk" a rawn ti leh.



"Ni engzat vel nge liam tawh ang ?" ka tih chuan  "Ni riat ni kua" vel aniang" a rawn ti a, a awmzia chu heta ma chhoh hnuah tihna ania.



"Mahse zing lam hna kal hun velah hian ania, UZorema pawh awm lo. In nupa room ah khan a lut lui a, kan inhau hrep a" a rawn ti a, "Anih Zoreman a rawn kal tih chu a hria em ?" ka ti leh a, "Hre lo, ka hrilh lo hrim hrim. A zaktheilo ka ti nia, ka lo ben hrep kha!" a tih chuan awih tur nge awih loh tur tih pawh ka hrethiam lo.




ZOREMA POV.




"Aw awm e...... chhunah khan a muhil ve a, tunlai chu a dam țha lova. Ahmaa a khawsik kha a rawn awm nawn leh a" Ramtei chuan min en ran pah chuan a ti a, "Khawiahmah a kal lo maw ?" speaker a on nghal avang chuan ka Duati zawhna chu ka hre hman a.



"Aih kal lo. UTeitei a lo kal a, damdawi a rawn pe a. Abak chu inleng pawh kan nei lo" Ramtei chuan a ti leh.



"Anih...." ka tih leh lai chuan  "Duati min ring ve la" ka ti fan raih a, phone chu la in room lam ka pan pui nghal.



"Kan inbiakna kha i rawn ngaithla ve vek em ni ?" a tih chuan "Aih.... Ka awmna i zawh lai chauh khan" ka ti a.



"Anih i awmna ka zawh lai khan dawt i rawn sawi tir em ni ?"  a ti leh.



"Duatiii....." ka ti deuh hluai. Enge maw a hriat a, hetiang zawhna min zawh reng ni. Nge heihi ka enthla reng dawn che a tih ve na kha emaw ni zawk ni?



"Ka hmangaih che, ka hmangaih che, ka hmangaih che, ka hmangaih che, i lungawih loh chhan sawi rawh le"  ka ti fan raih.



"Lungawi lohna ka nei lo. Mahse dawt min hrilh tlata hriatna ka nei a. Azualtei rim ka hre hnai"  a ti a, Azualtei bawk. Lalsangzuali amah ai pawh hian ka ning tih a hre awm tawp si lo.



" Eng dawt mah ka hrilh lo che. Min rin loh chuan kan awmdun silova, nangmah i inti hah mai mai dawn ania. Rilru hahdam i mamawh kha. Keichu ka rinawm reng. I lo haw hun chiah ka nghaka a ni mai"  ka ti a,  "Tunah hian ka rilru a na mek. Azualtei khan engtin nge kan nupa room thlalak a neih theih ?" a rawn ti a, chu kher chu ka hre bik miah lo. Oh! A rawn kal ni khan a lo la hman a ni ngei ang!



"Duati ka hre bik lo!"  ka ti let a.



"A dp ah pawh in pahnih thlalak a awm a, a about ah thlengin i hming a la dah. Zoremsang dawt mai mai min lo hrilh a, Azualtei nen inhnimhnai reng chunga rinawm ber anga dawt min lo la hrilh reng anih vaih chuan..." a ti a, a chawl dat.



"Duati i bulah ka lo kal ve mai anga. Kan awmdun silova,  i rai rilru no thinchhia leh thîk thu chhe  kual vel nen thîk loh tur pui pui nen khawi khawi emaw ami i ngaihtuah khawm anga, nangmah i inti na telh telh zawk ang" ka ti a. "I țawngkam kha ka ten" chuzawng chu a chhanna.



"Duati K-a-r-i-n-a-w-m-a-n-i-a " ka rinawm thu chu sipel thlapin ka sawi a.



Phone chu a rawn dah daih zui.



Eng chiah nge maw Lalsangzuali mai mai chuan a lo va hrilh leh ni. He mihring hi chu mipa ni se sawisak ka chak țhin.



Cindy chu ka call a, "Duati kha ka lo bia" a lak rual chuan ka ti a.



"A be peih lo che" a rawn ti veleh nghal tawl.



"Zorem tinge maw i tih țah reng mai le ?" a rawn ti leh a, "Azualtei i țhen tak tak thei lo anih chuan Duati rawn hel rawn hel lo hian Azualtei nen chuan inneih ula, hlim deuhin awm rawh u. Duati rilru ti phawklek tawk chauh ringawt hian rawn ngaihsak țhin suh" Cindy bawk chuan a ti a,   "Tinge maw in hriatthiam theih loh zawk le? A rilru hmin a, neih leh tumin ka bei ve mek anih hi. Lehlamah Azualteiin min lo tibuai ve reng a. Duati khan engvanga kei aia Azualtei ring zawk nge anih reng reng a ?" ka ti a. Ka thaw hawk.



Ka hah ve tho alawm. Enge a tih ang? Damdawi ei a theihngilh angem? A inthuam lum țha angem? A mutna a hreawm leh hreawm loh thlenga ka ngaihtuah laiin Azualtei thusawi pakhat vang mai mai in min ring lo ringawt a.



"Innu hiii.... thil ngaihtuah kual vak vak ching anih sa bakah a rai rilru no zual si a. A hmuh phak lo-ah i awm a, ahma in i lo lerh pherh ve hrep tawh nen rin mai chu i harsa dawn tih i inhre ve lo maw ?" a ti a.



Ka chhang lova, ka ngawi reng. Ni e, rilru no sa anih bakah ahma in ka lo rinawm lo ve tawh bawk nen rin chu ka harsa viau ngei ang. Mahse heti hian ka rinawm ve a, ngaihtuah pawh ka ngaihtuah ve lawm.



"Athu hrimin engvanga rawn kal ve lo nge maw i nih le ?" a ti leh a, "Amah khan a phal hleinem"  ka ti a.



"Mawla..." tihzawng a sawi a, call chu a cut ve hmak.
.
.
.
Ka mu chu ka inlet ka inlet a, Duati ka biak loh vang chuan ka muhil thei lo.



Ka call a, a la duh bawk si lo. Vawi 100 ka call tling tawh ti ila ka sawi sual hauh lovang.



Cindy lah in a la duh lo bawk a, ka ngaihtuah chu a tawi turh nimai hian ka hria.



Duati  chu ka call leh a, a la duh chuang lo. Dar 9 chauh a ni a, a la mut chu ka ring em si lo.



Ka inngaihtuah vung vung a, closet a ka thawmhnaw inkhai ho chu ka la thla a, ka insiam mawlh mawlh.



Ka insiam zawh chuan ka motor chahbi la in ka chhuak vut a,  "Khawnge i kal dawn ?" tiin Ramtei chuan min lo au zui a.



"Duati bulah" tiin engine chu ka start a, Duati te khaw lam pan chuan ka inkhalh chhuak nghal.