MR.EXCELLENT CH: 6-10 by~Sammy♤
MR.EXCELLENT
By ~ Sammy♤
Ch ~ 6
"Ninawm i tawngthei" Mimi chuan ner khum nang in a ti a. Sawi zawm in "Sir Jona hian bialnu....." a sawi zo hman lo.
"Mango ka lo lak che Pui" tiin Loryi chu a rawn au phei a, Mimii pawh chu insum tum niawm tak hian a "Heiha" chhuak halh.
"Tinge in tawngtheih a, in luruh hi a rin em em le..... ngawi reng khan rawn phei a har em ni ?" Mimii chuan a ti a.
"I hmelchhia nih chu" Loryi chuan lo ti duh lek.
"Kha Ruth, Strawberry flavour ka rawn lak che" tihpahin min pe a. Mimii chuan sawi zawm in "Sir Jona hian bialnu, a first love aniang chu a nei thin a, mahse a bialnu chhungte khan Sir Jona hi an duh lo a, chuan a bialnu kha pasal an neih luih tir ta" a tih chuan ka hmel ka lo ner nung a, "Chumi vang mai mai chuan maw ?" ka ti a. Nia mi puitling tawh chutah pawh mipa pâ tawk lehnghal in chutiang vang chuan nupui neih a duh loh chu ka ring chiah lo a ni.
"Aih, chu lo pawh a la awm alawm. Heichu tlem ka hre ve hman. Middle kan kal vel lai khan nia, Sir Jona pawh hi a la upa lutuk lo ang. Bialnu hi a nei leh a chu chu tuna a status a mi kha ania. Sir Jona nen hian an induh tawp a, Sir Jona nu hian a duhpui lo a, mahse Sir Jona kha chuan neih kha chu a tum tho hmel...." a tih chuan tun chanchin a sawi emaw ka ti pek a "An inneih dawn hnai a mi ?" ka lo ti a.
"Ka hre bik lo. Sir Jona hian a duh ka rin tawh loh chhan chu a hmeichhia khan a lo bum a, mipa dang a um san a" a tih chuan ka chal ka ti chuar tap a. A love line chu tluang lo ve hlaw maw.
"Mahse Sir Jona hian a duh thei bawk sia, a fel bawk si a ngaihdam theih ka ring" Puipuii chuan a rawn ti a.
"Keichu ka ring lo, vawihnih ngawt a bum ania" Lory in a lo to ve thung a.
"Mahse status ah te a hmang reng tho sia a la duh aniang" ka ti a.
"Keichu ka ring chiah lo. Duh nise a nei tawh ang. A kum hi ngaihtuah ula, ka nu aiin a naupang hret ringawt" tiin Mimii chu a nui ar ar a.
"Hmmp, thla a lakpui ziah danah a la duh ang. Nge hmeichhia pawh bumna ngaiah vawi sarih bum nawn theih kan nia lawm" Puipuii chuan a rawn ti leh a.
"Kan ni lo. Bakah mipa leh hmeichhia kan in ang lo" Loryi chuan a lo ti a, kan ngawi ta duk.
Mipa pawh nise a la duh viau chuan engvangin nge a ngaihdam theih loh ang. Mahse ngaidam in pawm leh ni se zawng nupui ah a nei loh reng ka ring lo.
"Aaa ka ngaihtuah zui peih lo" ka ti vak a.
"Ania sin, keichu kan thian zinga tu emaw ber nen hian inngaizawng ila" Mimii chuan vei neih loh hmel zet hian a rawn ti chhuak a ka rilru in 'keimah nen' ka lo ti.
"Ninawm chan loh tur ringawt sawi mai. In bialpa te chanchin theuh rawn sawi ru" Loryi chuan a rawn ti a, mahse ka phone a rawn rik avang kan ngawi thap a. Ka en chuan Sir Jona a lo ni.
Mak ka tih em avangin lak nachang pawh hre lo in ka en vung vung a, "Tunge ?" Puipui in a lo tih chuan harh zawk in receive chu ka hmet a. Ka thiante en kual pah chuan ka bengah ka nawr a.
"Hello" ka ti sep a.
"Ruth" lehlam atang chuan thatchhiat hmel zetin a rawn ti a, "Aw..." ka sawi zawm hma chuan "Loryi te inah i la awm em ?" a rawn ti a.
"Aw awm e" ka ti mai a.
"I rawn haw lamah lehkhabu rawn la kawi ta che" a tih chuan "Eng lehkhabu ?" ka ti a.
"Pol. Science, i la nei si lo a, in lama zir atan ka ta hi i hmang mai dawn nia" a ti a "Ka thiante ta ka copy thei tho alawm" ka tih chuan "Copy tur a tam si a, ka khawngaih che lawm. I haw hunah rawn lam kawi ngei ngei rawh aw" a ti a.
"Aw le" ka ti a.
"Tunge, lehkhabu chungchang te i sawi a" Loryi chuan a lo ti a, phone chu Sir Jona chuan a rawn off tawh emaw tiin ka dah a.
"Sir Jona ania. Haw pahin lehkhabu rawn la kawi rawh a tia, a ta min hman tir dawn a" ka ti a. "Awiiii, a va nuam dawn. Ka kal ve duh ania" Mimii chuan a lo ti a.
"Ka zak deuh a, an in a kal kha. Chawlh te a ni sia an chhungkua an kim awm sia" ka tih chuan "Tunah hian an inah sawn mi pali vel bak an cheng lo. Chutah pawh Sir Jona saw innghak ber anih saw" Loryi chuan a rawn ti a, hmm a chhungte chuan val senior innghak atan an hmang a ni maw.
"Nia kan kal dawn nia" ka ti a, "in bialpa te kha rawn sawi tawh ru le", Loryi bawk chuan a ti a.
"Sawi hmasa ber rawh Ruth" Puipuii chuan a rawn ti a, chhuat pher phahah chuan bawk thla thap in keimah chu min en a, zawi muanga pher a thutthlak ve pah chuan "Bialpa pawh ka nei lo" ka ti a.
"Ex tal i nei ang" Puipuii chuan a lo ti vat.
"Nei ve e, mahse class 10 ka kal lai mi daih tawh" ka ti a.
"Sawi ve hrim hrim rawh, hei i mipa duhzawng ang te" Mimii chuan a rawn ti veleh a.
"Ka ex chu Aizawl ka awm lai khan ania. Amah chu sang lampang, rawlthar chhuak ah chuan a pian a mawi, a hmel chu Tlanhlua te ang hi" ka ti a, ka thusawi an lo ngaithla thap.
"Sawi tur em em pawh ka hre lo. Ka mipa duhzawng chu, caring deuh ni se ka tih rual in rude se ka ti bawk" tiin ka nui a.
"Keipawh ka ni thin, hei min care deuh tu tur ang hi ka duh a, mahse ngeiawm deuh ni se hi ka ti tho bawk sia" Mimii chuan a rawn ti veleh a.
"Mahse a pawimawh berah chuan kei ai upa deuh hi ka duh a ni tawp. Hmeltha ka tih ve deuh pawh hi kei aia an naupan chuan ka tui lo nghal vek" ka ti leh a. "EehhSir Jona ang hiii" Puipuii chuan mit ko san zuk zuk in a lo ti a.
"Nia, amah ang hi. Min han duh se chuan...." ka ti fan raih a, min han duh em em in min atchilh bur se, lo induh der khum bawk ila. Ka ngaihtuahna vang chuan ka nui a.
"Sawi ve tawh ru" ka ti a, an pathum chuan sawi zawh hun pawh awm thei lo in an sawi kawkalh nuai a, a tawpah erawh Sir Jona chu dream man ah a lang ta zat zat tho.
Tlai rawngbawl hun awm ah Mimii leh Puipuii nen chuan kan inzui haw a, Puipuii chu a phur lutuk.
"An in ka la kal lo a" Puipui in a tih chuan "Keipawh" Mimiin a rawn ti zat.
Sir Jona te in ah chuan kan kal ta pauh a. A lo reh thuap mai.
Puipuii leh Mimii kal dawna phur em em chu luh pawh an lut ngam lo.
Inchhunga lut in Sir Jona chu ka au a, room atangin sam pawr tawkin a rawn chhuak a, chutah kawr a la ha lo zui. Puipuii leh Mimii rawn lut ve duh lo chuan an chan ropui lutuk.
Body build thin tih chiang lutuk, a abs leh vline te chu hnar thi phung a en chi.
Ka thawk ka ip a, a abs leh vline ai pawn a hnute chu la mawi zawk.
A hmel ka en chho a, min en kur.
"Aa ah... ka lo... lehkhabu.." ka ti bah nak a. A nui suk.
"Min lo zui teh" tiin roomah chuan a lut leh a, ka zui lut.
A lehkhabu ken min pe mai dawn emaw tiin ka ban a, a keng bet tlat.
"Ruth" a ti sup a. Ka en melh nghal kar.
Mit taka in en chuan zam a awl khawp mai. Ka hawisawn vat a, ka hawisawnna ah a hnute bawk ka melh fu leh. Ka hrawk thian kharhin a lehkhabu ken lai chu ka en ta tawp.
"I duh ang mipa kha ka ni lo. Ka caring lo a, ka sual hran chuang bawk hek lo" a tih chuan meng zau kawk kawk in ka en leh a.
"Engtin...."
"Chumai bakah nang aia upa deuh i duh a, keichu nang aiin ka upa fe thung"
Lalpa! engtin nge a hriat theih. Tinge hetia sawi chhuah kher le, min hnawl chiang bal tihna em ni. Ka zak lutuk chu ka hmai ka hup tawp a, chet pawh ka che ngam tawh lo.
"Call i off emaw ka tih vangin ka phone kha ka dah tawp a, mahse i off si lo a ka tum loh tawp in in thusawi kha ka hre vek" ka ti a, awiiii ka zak lutukkkk. Tinge maw call kha a off tura ngaiin phone kha ka lo dah tawp le.
"Min en teh" tiin ka hmai hupa kut chu a rawn la sawn a, ka en ngam chuang lo.
Ka biang dawm in amah entur chuan ka khabe a pawt dak a.
"Min en rawh. Ka sam tuak siar siar te leh ka khabe hmul tuak tawh te, ka mit hnuaia vun chuar tan tawh te hi i hmu thei in ka ring. Hei vang ringawt pawh hian min duh bansan rawh" a ti a, a thusawi te chuan ka tah an ti chhuak ringawt.
Tawlh hnung hret in ka hrawk ka thian kharh a.
"Aa, ka haw tawh mai ang ....." tiin lehkhabu pawh la lo chuan ka chhuak a.
"Ruth" tiin min rawn zui a, mahse ka ding lo.
"I va rei ?" pawn a awm Puipuii leh Mimii chuan an lo ti a.
"Ruth ka..." Sir Jona chu a rawn chhuak ve a, Sir Jona kawr ha lo an hmuh a an meng zau ve kawk chu ka hmu.
"Lehkha zir tha ru aw, kha le lehkhabu chu" tiin min pek a tum a.
"A ngai lo Sir, ka pa te kan chah tawh alawm" ka ti a, ka thiante pahnih pawh nghak lo chuan ka kal nal nal.
In ka thlen chuan "Ka khuasik dawn in ka hria" tiin ka mu hmak a, Sir Jona thil sawi te chu ka ngaihtuah.
A thusawi dan te, a tawngkam hman te nen min duh ve tihna a ni angem? Mahse min duh ni se khatiang em em khan amah duh lo tura min tih tawp kha a rinawm si loh. Nge a upat tawh avanga duh lo leh iai mai turah min ngai.
Hah, iai a? Keimah zawk hi atan chuan ka iaiawm zawk daih si a.
Sir Jona chu a upat vanga iai loh thu hrilh ka duh a, mahse ka tan a zahthlak lutuk bawk si. Min duh ve em ka hre miah lo a, min duh ring lo bur mah ila min ngaihtuah ve tho ang tih rilru ka pu reng.
Min lo text tawh miah lo a, ngaihtuah loh ka tum pawn ka ngaihtuah lo thei lo.
Khatia min hnawl na ang deuh a min tih hnu atang phei kha chuan ka atchilh bur a ni tawh. A tira thianten an duh anga duh loh tum ber hian anni ai mahin ka atchilh bur tawh.
Sir Jona chu a inlahrang ka ti dawn e, min biak a duh lo hrim hrim pawh ka hre lo. Class ah chuan pangngai deuhin min bia a, a fala thil sawina hun takngial pawh awm ngai lo.
Ka mizia chu a hma aiin ka harh lo a, Loryi chuan zep ka neih leh neih loh min zawt thin a, mahse ka sawi ngai lem lo.
Thian inkarah pawh zep chin hi chu a awm ngei ngei thin a, kan thian inkara hriat ve thiang lo chu Sir Jona nena kan chungchang hi a ni mai.
Hah... chungchang sawi tur pawh ka nei em ni? Ka duh tih a hria a, amah duh tawh lo turin min ti a, chuzawng chu.
Mahse min pehhel a, min hmuh loh der te, min biak duh miah lo te hian ka duhna a zual zel zawk tlat mai bawk si.
Ka awmdan chu ka hrethiam tehnuai lo. Sir Jona avang chuan a vawikhat nan mipa avangin ka tap a, chupawh a bialnu hlui nena an thlalak status a a hman vang a ni.
A rawn hmang fo kha a ni a, mahse tun tum a rawn hmanah chuan an inkuah chial na a ni a. Birthday lawmna hmun niawm tak a ni bawk.
Mipa vanga hetianga la awm ngai miah lo ka ni a, ka lehkha zir leh thil ei that loh ah ka tuan a.
First Term examah pawh ka ti chhe hle a, ka pass tawk tawk a ni hawt.
Ka awmdan te, Sir Jona ka duhdan te ka ngaihtuah hian keimah pawh mak ka in ti a, a rawn thleng thut nimaiin ka hria.
Love at First Sight an tih ang chu ni lo mah se a rawn thleng thut a, ka dawngsawng thiam meuh lo chu a ni.
MR. EXCELLENT
By ~ Sammy♤
Ch ~ 7
First Term examah pawh ka ti chhe hle a, ka pass tawk tawk a ni hawt.
Ka awmdan te, Sir Jona ka duhdan te ka ngaihtuah hian keimah pawh mak ka in ti a, a rawn thleng thut nimaiin ka hria.
Love at First Sight an tih ang chu ni lo mah se a rawn thleng thut a, ka dawngsawng thiam meuh lo chu a ni.
............
First Term exam karkhat kan la chawl thei a, school chawlh lai tiin ka nu leh Bawihte chu Aizawl lamah an zin a, lehkhabu pawh ka chah lutuk viau mai.
Ka pi nen chauh a awm kan ni a, ka pi chu ka nu angin a phun peih ve lo a, min duat zawk bawk nen Sir Jona ngaihtuah duh lo thin viau mah ila hunawl ka ngah lutuk vang chuan ka lo ngaihtuah leh veng veng thin.
Ni, a upa tawh a. Tleirawl, class 12 zirlai mai mai chu min duh vak lo a ni ang. Bakah a bialnu nena an inneih a an hlim dawn chuan pawi ka tihpui ta lo.
Duh ber te an hlim chuan hlim zir ve zel mai i la. Loryi ten 'Phu loh leh chan loh' an tih kha a dik chiah a ni.
Ani chu van zau taka arsi ang hi a ni a, a eng mawi a, midang hlimna a thlen thin. Mahse a mawi zia chiah ka hmu in ka hre thei a, a bula hnaia kal a, biak emaw ka taa siam theih a ni si lo.
Ngaihzawng an duh ngawih ngawih te then a, lungleng a kiu vawng vawng thin ho hi ka hrethiam ta khawp mai. Kei a sir atanga lo duh ve mai mai tu pawh tikhawp hian ka rilru a na ania.
Tu mai pawh hi kan lak dan a zirin a lo na vel vek dawn anih ber hi a.
....................
Nilaini a ni a, kan thianho bakah Tlanhlua leh kan thenawm rawlthar nen kan bazar chhuak ve a. Bazar ai mah chuan mi thil zawrh sawisel tura kan hi kan ni ngawt.
Puipuii leh Mimii tawngthei lutuk chu kan mipa kalpui te pahnih pawh chuan an nuih an nuih a, tih ngaihna tak an hriat loh hmel em em bawk.
Kan bazar haw chu kan in a hnaih ber avang in kan in ah kan lut khawm dial a.
"In ah ka va haw phawt" kan thenawm rawlthar Joseph an a tih chuan "A ngai lo, la thu ve rawh" Puipuii leh Loryi chuan an lo ti a, an pawr bawk a a thu khup zul zul.
"A lum dan hiii" tiin Loryi chu a phun a.
"Ee thil tha deuh ka hria. Vur siam ang u" Mimii chuan a rawn ti a.
"Khua a lum sia, an lei duh viau ang. Hei in veng velah hian kan zuar anga" a ti leh a. Kan lo aw tliar tliar.
"Siam nghal i la" Puipuii chuan a rawn ti a.
"In in ah hian siam mai ang u Ruth. I nu te awm chuang lo" Puipuii chuan a ti a, ka pi ngawi renga lo thu ve chuan "Ni e siam rawh u. Mahse hnawk then fel leh vek tur" a ti a, kan aw dual.
Mimii, Loryi leh Puipuii chu vur siamna hmanrua tur leiin an kal a. Joseph a chu a thil lei dah turin an in lamah a phei zawk bawk.
"Ka number te kha lo save ve ta che" Tlanhlua chuan a ti a. "Status i ngah theih chuan peih lo" ka ti a, status ngah thei deuh hi ka ning a, heivang hian mi number te hi ka save mai mai ngai lo.
"Ka ngah ngai lo. Save rawh" a ti a, ka phone chu phawrh chhuak in Tlanhlua number chu ka save a. Instagram notification ka dawn ho chu ka en leh hlawm.
"Thla la ang" ka ti a, ka phone chu thutthleng nghenchhanah ring chuan ka tung a.
Slow-motion chuan lak pui ka tum a, a rawn zai tan chiah a, Tlanhlua chuan min nam bu lawp lawp a, kan thlalak ah chuan engmah a lang fuh lo.
Vawikhat ka ti leh a, ka sam te a lo tuai thur leh.
A bul tangin ka ti leh a, a inpost tur chu a biang ka hmer sak a. A sam te tuai thur ve in, kan thlalak tum chu inlanchhiat tir tumin kan phe a, tu amah mah chu kan lang tha lo.
Kan nui hawk hawk a, "I sam hi..." tihpahin a phing zual lai chu a siam tha a, chutih laiin kawngkapui lam atangin "Aa Sir, enge i lo tih ?" tih ri a awm a, ka hawi phei a, Sir Jona chuan min lo en run mai.
Mit ti zim sun a min en reng chuan ka awm ka ti nuam lo hial. "A tawk" tihpahin Tlanhlua kut chu ka beng thla a, chutah Mimii te lam hawiin a nui a, "Ruth-i nu hi biak lawk ka tum maw le. Ruth i nu a awm em ?" tiin min rawn zawh zawm a.
Nichina a hmel nen khan a in ang tawh lo, tunah chuan Mr. Soft ang chiah chiah kha a ni mai.
"Aa, aih... An zin a" ka ti a.
"Aww, ka'n biak duh tehreng nen. A number min pe thei em ?" tihpahin a rawn lut phei a.
"A aw... engah nge i biak duh a" tihpahin ka phone chu ka la a.
"WhatsApp ah khan min rawn thawn mai ta che" a tih chuan ka lu ka bu nghat a.
"Eng ah ni hran lo. Palai chungchangah a nia" a tih chuan ka en a, nuisâng in min lo en ve bawk.
Palai chungchang maw? Nupui neih a tum em ni? Mahse a ni nupui palai turah ka nu in enge tel ve na a neih?
"I nu number chu?" a tih chuan harh zawk in WhatsApp ah chuan ka pe a.
"Sir Nupui i nei dawn mi ?" Puipui in a lo ti a, Puipuii chu chhang mai lo in a nuih ringawt a, en kual in "In va kim ve, eng emaw tih innei chiang" a ti a, mit ti sun , min rawn en leh chuan ka ip zawk. Enge maw a awmzia hi le.
A message chu ka dawng a, *A nuam hle ang maw??* tih a ni a, a awmzia ka hre lo reng reng.
A bialnu nen an inhauh thinrim laiin a rawn kal zawk emaw ni le.
"Aw, vur siam kan tum a, min dawr ve rawh aw Sir" Loryi chuan a lo ti vat.
"Tehreng mai, in rawn zawrh chuan ka dawr ang cheu. In tihlai kha tih zawm ru" tiin min rawn en leh a, a chhuak zui.
*Hei hi ka rindan chiah kha a nia* tih a rawn thawn leh a.
*Engggggggg???* tiin ka reply a.
"Ahma pawn in awmdun hi ka hmu dun ziah cheu lawm. An sawi dik anih dawn hi" a rawn ti leh a, a thil rawn sawi ka hrethiam lo lutuk chu reply pawh ka reply tawh lo.
"Kha kha in zirtirtu maw ?" Joseph a rawn let chiah chuan a ti a, Sir Jona kha a rawn hmu hman chiah niawm a ni.
"Aw" ka lo ti a.
"A va hmeltha ve" a mipa ber meuh pawh chuan a ti fan raih.
"Ehe Josepha hi a tuai" Mimii chuan a rawn ti a.
"Ka tuai lo, kan veng chhunga hmeichhe ho hian an duh hlawm sia ka la hmu ngai lo a. Mipa tan pawh hmeltha anih chuan hmeichhe tan phei chuan a tha dawn lutuk ringawt" a ti a, "Dikchiah" Puipui in a lo ti a.
Ka phone chu en leh in Sir Jona status update chu ka en a.
'Tleirawl Hmangaihna' tiin a rawn hmang.
'Ka rilru ah chuan nupui a nei tak tak dawn aniang a' tih rawn awm nghal a.
Tuna a bialnu hi a tlangval tak tak hmaa a ngaihzawng ni khan Loryi te khan an sawi niin ka hre tlat.
"Sir Jona chu nupui a nei hnai dawn aniang a" ka ti a, "Tinge ?" Loryi chuan a lo ti.
"A status ah Tleirawl Hmangaihna tih a rawn hmang a. A bialnu hlui status a a hman kha a tlangval hma mi a ni lawm ni kha ?" ka ti a.
"Aw. An inneih tak tak dawn em mi aaaa ?" Mimii chuan a rawn ti a.
"An inneih dawn aniang, status a up khat khat nen a up chhunah khatiang thu han up" Loryi chuan a lo ti veleh a.
"A status i hmu thei mi ?" Puipui in a tih chuan "Aw, anu number a save a, anu phone atangin ka en thin. Status a up ve chhun pawh Pathian thu" Loryi chuan a ti a.
"A bialnu nena an thlalak kha a up tawh ngai lo mi ?" Ka lo ti a, "Aw a ti nghut"
Enge awmzia? Keiin a bialnu nena an thlalak kha ka hmu chuai chuai a. Nitin a rawn up ang a ni.
Mahse Loryi nu phone atangin a lang veleh chuang miah lo. Enge maw awmzia le?
"Sawi zui loh tur. Chan loh di ania, a ho mai mai. Nei rawh se, a fa te tu emaw tal chu kan faten an nei ve thei mah na" Mimii chuan a rawn ti a. Kan vur siam tur chu kan buaipui nghal.
Tlanhlu an min biak buai char char avang leh kan thil siam a hautak reuh em avang chuan Sir Jona pawh chu ka lo ngaihtuah leh ta lo a.
Sitting room lama ka phone ri chu Loryi chuan a va la a, "Sir Jona an a lo call anih hi" a rawn tih chuan "A pawimawh niang la rawh" ka ti a.
"Ruth-i ka ni lo a, Sir" tih a rawn ri nghal a.
"Aw lawks aw" tiin choka lamah chuan a rawn phei a, "Lory hei hi lo chhiar zel teh" tiin Mimi in a lo ko peng a, phone chu ka la a, ka benga ka dah rual chuan "A nuam bawk maw ?" a rawn ti nghal a.
Ka thiante chu ka en kual a, min ngaihsak lo tih ka hriat chuan ka kalsawn a.
"Enge ?" ka ti a.
"Bialpa te i nei bawk sia" a rawn ti a. A tawngdan te leh a tawngkam chu amah hi ang lo ka va ti tak.
"I â ami. Nangmah i ni em Sir" ka ti a.
"Ni ni ni, Tleirawl duhna lek" a rawn ti leh a.
"Ka ning i sawi duh sawi vat rawh" ka ti a.
"Engvangin nge ka message i reply loh a ?" a rawn ti.
"Zawhna min zawt si lo a, rawn reply dan tur ka hre lo che" ka ti a.
"I thiante bulah sawi tur i hriat tehreng nen, ramhuai ka ni mi. Enge sawi tur i hriat loh a ?" a rawn ti a, enge maw a hriat a hetia a rawn awm vak vak ni.
"Ahma pawn ka hmu dun ziah cheu" a rawn ti leh a.
"I sawi awmzia ka hre lo Sir. Ka buai si a, ka dah mai ang" ka ti a, ka dah nghal daih. Awmze nei lo lutuk.
Enge a hriat a 'Ahma pawn ka hmu dun ziah cheu' tih ringawt sawi. Ka thiante nen te chuan min hmu ziah ang chu, thian kan nia, kawng te kan kal ho a, school ah pawh kan thu ho bawk a. Ruih a neih zawk emaw ni le. Mahse ruih chi ti ngai lo in ka hre bawk si.
Choka a ka luh phei leh chuan "Sir Jona hian hei an ruih emaw, zu emaw ruih theih hi a tih awm ang hi in hre ngai em ?" ka ti a.
"Tinge ?" Loryi chuan a lo ti a.
"A tawngdan kha ruih neih a ang lutuk a" ka ti a.
"A chau aniang, school chawlh lai hi chuan an leiletah a kal thin a" Puipuii chuan a lo ti a, ka lu ka bu nghat nghat.
Thil kan tih zawh chuan rawng bawl ve tur tho te annih vangin an haw hlawm a.
Josepha erawh ka pi in chaw ei a a sawm avang leh amah a phur em vang hrim hrim in chaw a rawn ei dawn a, "Rawng ka bawl pui ang che" ti ve tlat a. Kan pahnih chuan kan bawl pa pauh a.
Chaw ei hma si, Josepha inbual kan nghah chhungin ka nu te ka phone a, Bawihte an nuam a tih zia a rawn sawi a, keiin ka nu chu lehkhabu rawn hawn ngei ngei tur chuan uluk fahran in ka chah leh a. Josepha rawn phei hnu chuan chaw te kan ei zui a.
Ei hmun leh sil ngai te chu Josepha chuan min tihpui leh vek a, thleng a sil lai chuan "I va han fel tak em aw, pasal tlak i ni" tiin a dar ka lo malis a, "Aw ka la fuh lutuk" Loryi chuan rawn ti thut a "Min ti phu lawm" ka lo ti vak.
"Ka status a, midang pawn lo hmang chhuai chhuai rawh se" a ti a, "Bialnu i nei em Joseph ?" a ti a, "Nei ve e" Josepha lah in a lo ti a.
"Aw a hmu chuang lo, a hmu ta a lo then phah che leh a duh tak tak lo che tihna" Loryi chuan a ti leh hmiah a, "I va han tawngthei tak" tiin Josepha pawh chu a nui tawp.
Chokaah chuan kan pathum chuan kan inkawm a, inkawm ti ila mahni phone theuh kan en.
Loryi video lo lak chu status ah hmangin *Thleng sil min awl zat zat thei lo chu ka nei dawn lo* tiin captain ah smiley dah teuhin ka hmang a, Sir Jona an rawn view hmasa ber zui.
Ka pi tawng ri chu ka hre leh thin a, in leng a nei a ni mahna.
"Bawihte, thingpui hang kha min lo lum teh" ka pi chuan a rawn ti a, "Aw no hnih em ni ?" tia ka zawh let chuan "Aw a sen hang in aw" a rawn ti a, thingpui chu ka lum zui.
"Ka duh ve Ruth" Loryi chuan a lo ti a.
"Tar thil te hi lawm siah" ka lo ti thung.
Thingpui ka siam zawh chuan ka keng phei a, ka pi inleng chu ka rin loh lutuk mai a ni.
Sir Jona chu ka pi nen chuan an lo ti ti a, Sir Jona ka en chuan min nuih ver ver a, ka hmu sual emaw te ka ti zawk.
MR. EXCELLENT
By ~ Sammy♤
Ch ~ 8 - 9
Thingpui ka siam zawh chuan ka keng phei a, ka pi inleng chu ka rin loh lutuk mai a ni.
Sir Jona chu ka pi nen chuan an lo ti ti a, Sir Jona ka en chuan min nuih ver ver a, ka hmu sual emaw te ka ti zawk.
Choka lamah chuan ka lut phei leh vat a "Sir Jona-a a lo leng" ka va ti tawl.
"Sir Jona maw ?" Loryi chuan a ti a, "A lo leng tak tak" ka ti leh a, anmahni bia ai chuan mahni inbia ka ang lek lek.
"Ehhh.... nuam i ti awm ?" Josepha chuan a ti a, "Enge ka tih ringawt anga ?" tiin sitting room lam chu ka dak de de a, ka pi nen chuan an titi tui nasa.
Keimah vanga rawn leng a ni lo tih chu a chiang a. Hmmpp, a upa tawh a, tar bak a kawm duh lo reng ang chu.
"Lo thu teh Ruth" Lory in a tih vang chuan ka thingpui siam na hnuhma te chu a dahfel a, a bulah chuan ngawi reng in ka thu thla a, Sir Jona message rawn thleng chu en pawh ka en duh lo.
"Kan nu hmelthat dan hi en teh u" tiin Josepha chuan a bialnu thlalak chu min rawn hmuh tir a tum a.
"Aw nakinah, nangmah in va en rawh" Loryi chuan a ti hlar a, "Thinchhe sia e" tihpahin Josepha chuan lehlam a hawi deuh hmak a, ka lo nuih thung.
"Min hrilh vek rawh" Lory in a tih chuan "Eng maw ?" ka ti a.
"Sir Jona nen in awmdan ?" a tih chuan ka thinphu a rang hman a, min manchhuak ta vek em ni ang.
Thup la tum hram hram in "Engtin nge kan awm? Hei tunah i bulah kei ka awm a, Sir Jona ka pi bulah a awm bawk a" ka tih chuan a chek hluk a.
"Hrethiam lo der suh. Vawiinah a message i reply loh vanga a rawn call atang che khan ka hrethiam vek. In ni mi? Keini number pawh a save ve loh laiin WhatsApp ah te rawn bia che a" a tih chuan za lo tak nui in "Chutiang a ni lo. A message kha a pawimawh sia, thil min zawt a ka reply lawk loh vang anih kha" ka ti a, a awih loh hmel lutuk.
A hmui ti pawrh vak in "Zep neiin maw kan tih dawn a? Tunah min hrilh vek law law rawh, anih loh chuan Puipuii te ka hrilh ve anga, kan zawt chhuak leh dawn tho tho che" a tih chuan ka thaw hak a.
"Engmah a awm lo" ka la ti talh.
"Sawi mai la, sswi a har viau mi ?" te chu a la ti deuh deuh a, Sir Jona an amah duh tawh lo tura min tih ang kha chuan ti ve se Sir Jona hi a hmuh ngam pawh ka ring lo e. Sawichhuah nuam leh insawitheih nana hman chi hi a hlawl lo.
"Sir Jona bulah bialpa a nei ka ti dawn" hre chak bawk si min zawh ngaihna hre tawh bawk si lo chuan a rawn ti ringawt a.
"Ti rawh, keia bialpa neih leh neih loh kha ngatan nge a tih ang" ka ti a, ka nuih a zat rualin keimah chu a rukin ka zak tawp.
"Sawi teh, anih loh chuan school ah ka sawi darh dawn ania" a tih chuan "I â mi ?" ka ti a, "Sawi ve mai la" a ti vak a, "Thinchhe si, ka haw dawn" tiin Josepha chu a ding hluai.
"A la hma em hi, in ah tih tur i nei lo thu ve mai mai rawh" ka lo ti vat.
"Aih kan nun hmeichhe dang bulah ka thu tih a hria a, a thinrim lutuk" a ti a, "I over, in la bialnu nei ber. Haw rawh" Loryi chuan a lo ti a.
"Min thlah ka ngai lo nia, muttui vawng vawng u" tiin ka tawng leh tur chu min tawng khalh a.
Korean ho tihdan a saranghae sign a kut a tiin Loryi chu a hmuh a, "Muttui aw Thinawrh" a ti a, a chhuak zui nal nal.
"Amak ka ti, kei takngial pawh min ring lo a. I thian ka lo ni lo nih hi" a ti leh hmuk mai a.
"Ka tan sawi a zahthlak zia i hre si lo a" ka ti a.
"Ka bulah zah tur a awm lo. Ka hre ve chak lutuk" a ti a, amah ka en vang vang hnuah a Sir Jona an kan thil sawi a hriat thu leh amah duh lo tura min tih vel te ka sawi a.
Ka sawi zawh veleh chuan, ka kut chu a la a, amah leh amah chu a inben tir ringawt.
"A duh chiang lutuk che Ruth" a ti a, "I â deuh tawh a mi? A sawi zawng zawng ka sawi zawh hnuah pawh 'a duh che' lo la tih" ka ti a, dawhkanah chuan a bawk a, "Keichu thih mai ka duh. Ka thlir na atang hian i thlir ve lo a tin ni. Heiha" a rawn ti chhuak dap a, a la nui khi hui zui.
"Ka va haw teh ang. Heiha, zan pawh ka mu thei dawn lo nih hi" a ti a.
A ding hluai a, "A la hma em hi" ka tih chuan min en vang vang a, "Sir Jona nen in inneih huna in awmdan tur ka dream dawn" a tih chuan ka beng chawrh a.
"Over viau suh" ka ti hmuk.
"Tak tak in, mut hma ka duh. Naktuk zingah insuk ka ngai a" a ti a, choka atang chuan kan inzui chhuak a, "Loryi hi kan thlah lawk nge aw Pi" ka tih chuan an lo hawi dun a, Loryi chuan ka banah min lo sik.
"Ana lutuk enge min sih kher a ?" pawn a kan chhuah hnu chuan ka ti a.
"A rawn hawi dan kha a hmeltha em alawm. Mit ti zim sun a a rawn en che kha a hmelthat dan kha" a ti a, "Ka ning haw mai mai rawh" ka ti a in mangtha zuiin an in lam panin a kal zui a.
In ka lut leh chiah tih chuan ka pi chuan "Bawihte in Sir kha han thlah nghal law law teh" a ti a, Sir Jona pawh chu kawngkhar lam a rawn pan mek.
Kut kuangkuah at in kawngkhar bulah chuan ka lo nghak a.
A chhuak a, ka chhuah ve loh vang chuan rawn hawi let in "Pawn thleng min thlah ve dawn lo mi ?" a ti a, "Nangchu mipa inia, a ngai kher em ni ?" ka ti a.
"Aw" a tih chuan ka chhuak ve mai bawk a, a hnunga kal in kawngpui pangngai thleng chu ka thlah a, a kal mai dawn emaw ka tih laiin min en vang vang a, "Dawn ti sei nu" a ti sup a, "I haw dawn lo mi ?" ka ti thung.
A mi uap a nat tawh nen min en vung vung zui bawk si a, chet pawh ka che tha ngam ve dawn hleinem.
A in lam panin a kal zui a, keipawh ina lut lehin kawngka te chu ka kalh fel nghal a.
Ka mut dawn chuan ka phone chu ka check leh te te a, Sir Jona message chu pathum lai a lo awm tawh a, chuan a la online bawk.
A message chu ka en tum in chat ah chuan ka lut a, mahse ka lut chiah tih chuan *This message was deleted* a rawn ti daih a, ka hmuh hlau si chu enge min rawn thawn kher ni.
"Thing lutuk mai" ka ti sep a, "Dar 10 arik hi chuan mut tawh tur" Sir Jona message chu a rawn thleng a.
"Aw lee" tiin ka reply a, ka phone chu off in ka dah a, tawngtaiin ka mu zui.
..............
A tukah chuan kan vur siam chu kan zuar a, hmun hniha inthen in Puipuii, Mimii leh Tlanhlua chuan Puipuii te vengah an zuar dawn a. Kei Loryi leh Josepha te chuan kan vengah kan zuar dawn thung.
"Nang tlangvalah pawisa bag hi lo ak rawh" tiin Loryi chuan Josepha chu bag chu a ah tir a. Josepha pawh chuan engmah sawi lo in a ak ve mai bawk a.
Lory in a hnehsawh bawk a, kan hralh zur zur mai.
"A tawngthei sia, bazar velah secondhand zuar se, au lung lung se a inhmeh ngawt ang" Josepha chuan a ti sar sar a.
"Ka hre pha vek ania, ka neih che a ni ngat loh chuan secondhand chu ka zuar lul lovang" Loryi chuan a ti hlar a. "Rawn tawng ve reng suh, i customer te kha ngaihtuah rawh" Josepha chuan a ti a, kei ka lo nui thung.
"In Sir Jona-a kha in zawrh ve dawn em ?" Josephan a tih chuan "Ka hre lo, zuar zel phawt ila. Kan la neih leh kan zawrh ve dawn nia" Loryi chuan a ti a, Loryi thil zuar chu Josepha nen chuan kan zui ve hi a ni ringawt.
"Va zawrh ang u" Sir Jona te in bul kan thlen chuan Loryi chuan tiin a pen ang vut vut a.
"I tê sia, i tuan lah hi tha phian a" Josepha chuan a lo ti a, "Nupui atan ka awhawm reng asin" Loryi chuan a ti liam puat a, Josepha pawh a nui leh tawp.
An kawngka chu a lo inkhar a, Loryi chuan pawn lam atang chuan kik karh karh in "In awm em ?" a ti a.
"Awm e" inchhung atang chuan hmeichhe aw hian a rawn ti a.
Loryi chu thilsual ti a manchhuak ang mai hian a rawn meng phawk vak a, "Kal ru, kal ru" zawite tiin amah chu thawm dim leh hmanhmawh deuh siin a kal leh hlawk hlawk a, eng nge maw a hriat ni.
"Tunge nge ni a..." tih ri inchhung atanga a rawn awm leh chuan "Tlan ang u" tiin vur bawm nen chuan a tlan vak a, Josepha nen chuan kan tlan veleh tawp bawk a.
"Tinge in tlan vak vak a ?" Sir Jona nen chuan kan intawk hlawl.
"Aaa Sir, in ah i awm nange ?" Loryi chuan hah hmel zeta thawk pahin a ti a.
"Hei dawrah ka kal lawk a" tiin a thil lei chu a khai kang zeuh a.
"Ee...hehe, hehehee...", Loryi chu zat loh hmel deuh in a nui a, Sir Jona chuan chal ti chuar tapa en in keimah chu min rawn en leh a, mahse tukina a message ka chhan loh chu hre reng in ka lo hawisawn daih.
"Vur rawn zawrh che kan tum a ?" Loryi chuan a ti leh a, "Mahse hei in tlan dawr dawr bawk sia" Sir Jona chuan a ti a.
"Nia, excer kan la vel anih kha" tihpahin Loryi chu a'n zimar kual vel a, Josepha nen chuan kan lo nui huk a, Sir Jona pawh chuan a awih loh hmel lutuk.
"Min lo zui ula" Sir Jona chuan a ti a, an in lam pan chuan kan zui phei leh hlawm a.
"Ka lo lut ve lo mai ang" Loryi chuan a ti tlat a, Josepha nen chuan kan lut a.
"Eng vur nge in neih a ?" Sir Jona chuan a ti a, an choka lamah chuan kan zui ve zel a.
"Kan nei nual" Josephan a tih chuan a rawn hawi zawk a, choka bathroom niawm tak atang chuan nichina hmeichhia kha niawm takin a rawn chhuak a, a hmel ka en chiang chuan ka meng awk.
Sir Jona an status a a hman ziah nu, Lory ten a bialnu hlui an tih ngei kha a ni.
"Enge ni a ?" a ti a, "Hei ka student te annih hi, vur an siam a, leisak ka tum a" Sir Jona chuan a ti a, chunu chuan min en in Josepha chu a en leh a.
"Eng ang nge ?" tiin vur bawm chu a hawng a.
Ka chhan dawn chiah chuan "Eng vur nge awm vak thin a, cherry stick ang te pawh kan siam a. Abc vur ang pawh kha kan siam bawk a" Loryi chuan boruak ngam zeta chunu vur bawm hawn tum chu a lama pawthnaihin amah chuan a hawng nghal a.
"Cherry stick hi a tui asin Sir, Ruth-i siam a nia" tiin Sir chu a melh ha a, tuna a awmdan leh Sir Jona a biak dan zawng zawng chu kum khat chhuak inngamtlak deuh ang hi an ni.
Sir Jona chu a nui suk a, "Cherry stick chu panga aw. Pakhat ka ei chhin anga, a tui viau chuan adang pawh ka duh ang" tiin min rawn en a, ka lo hawisawn leh daih.
Tun angah a bialnu hlui nen an awmdun ania, an pahnih chauhin chhun reh laiin in khatah, inngaizawng in inkawp tha leh lo se awmdun nachhan tur a awm lo.
A bialnu hlui lah chu a la hmeltha in a no sur lehnghal a, keimah chu ka lo insit ngawih ngawih.
"A vai hian lei law law la, a tlem tawh em hi" Loryi chuan vur bawm en pah chuan a ti a, "A tam mah mah ang, naupang ei tur pawh kan awm si lo" a ti a, "Imm, min dawr teuh a, kan lawm lutuk aw Sir" Loryi chuan a ti a. Vur bawm chu chhin tha in kan chuuak zui a.
Kan kal hla deuh ta maw tih chuan Loryi chu inhumruh in "Ka thinrim lutuk" tiin a ke a per tan tan a.
"Leh ngawt zel hian" ka tih chuan "Haw ang u, pathum chiah a awm tawh a, kan pathum in ei ang u" a ti a, amah chuan hma a hruai a.
"A period hnaih loh pawn Mood swing hi a nei niang tiraw ?", Josepha lah chuan a lo ti.
"Aniang" tiin ka dar ka chhin ak a, Loryi chu kan zui a.
...................
"Sir Jona te in a lo awm ve kha a bialnu hlui Ruatpuii anih kha" in kan thlen kan thut hahdam hnu chuan a ti a.
"Ka hria lawm, a hmel atang khan ka hre nghal" ka lo ti a.
"Ex a va nei hmeltha ve a" Josephan a lo tih chuan "Tha i tih chuan va nei rawh" Loryi chuan a lo ti leh hlar. Ka nuih leh tawp a, Loryi hi Josepha a awm ve hian a thinchhe zual thin in ka hria a ni.
"I va han ngam em em. Sir Jona te kha i thianpa ang mai khan i bia a" ka tih chuan min en a "Engmah hi i hre si lo a e" a ti a, ",Engmaw ka hriat loh? Sawi vek rawh" ka ti nghal.
"Ruatpuii nen khan hmanah chuan kan inkawm thin a, keini ai chuan a upa deuh a, mahse a rualpui te hian an kawm duh hlawm lo. Amak asin, tu amah khan Ruatpuii hi kawm en ah an en lo ka ti mai. Chuan kan inkawmngaih tawp a, mahse highschool a kal dawn in Aizawl lamah a kal ta daih a, a awm char char a, class 12 anih laiin a rawn haw a, Sir Jona nen hian an inngaizawng ta..." a tih chuan "Anih enge in inkawm loh chhan ?" Josepha chuan a lo ti a.
"Chu Aizawla a awm vang chuan a ni ber mai. A rawn haw hnu khan Aizawlah chho leh ta miah lo a, chumi chuan highschool ka kal ve chiah. Chuan vawikhat kha biak in ah kan inhau hrep a, chuta tang chuan biak pangngai emaw, thian anga inkawm leh tih vel chu teuh lo tak a ni" a ti a, thil tenawm deuh sawi ang mai hian a ner nawng zui.
Sawi ve tur pawh ka nei lo, bakah Sir Jona ber in min duh bansan rawh atia, a bialnu hlui tuna a bialnu ni leh ta chungchangah ngat phei chuan sawi tur ka nei lo.
Mahse a ti awm lo khawp mai, chutiang a inkawm nasa chu khaw danga awm vang maia han biak duh lo a, han induh khum vel chu a thing ka ti hle.
"A luck phian lehnghal a, a eng hi nge maw an duh ni ?" Loryi chuan a ti leh a.
"A that reuh em kha. Amah no sur a, hmeichhe nû deuh kan sawi thin ang hi...." ka sawi zawh hma chuan "A ni lo Sir Jona bialnu hlui anih tawh vangin i hmu hmeltha anih kha. Thik deuhreuh na nen khan mahni i intehkhin kual anga" a ti a, a sawi dik lutuk chu ka en tawp.
"Mahse in Sir Jona kha chuan a duh hmel ka va ti lo ve" Josepha chuan a lo ti a.
"Mipa hi kan hmeichhe duh deuh te bula kan awm hian kan danglam vek zel ania aw" a rawn ti leh a.
"Engtin nge in danglam thin a ?" Lory in a tih chuan "In awmdan ang khan a ni mai. Kan lungphu te hi rang ve thin a, an mita min han en a, an han nuih te phei hi chuan kan lai ve thei lutuk. Mahse mipa inti pa thin kha kan nia, hmeichhia te ang hian kan tilang ngai lo a, an hre lo mai mai lawm" a ti leh a "An mit a kan en loh cheu in tu mitin nge kan en cheu nga ?" Loryi chuan a ti a, "Aaaa nang hi chuan min hnial chak hrim hrim" Josepha pawh chuan a ti ta thlawt.
Mimii te ho rawn thlen chuan eitur te kan siam a, lungkham nei map lovin kan nui khek leh tuar tuar a.
...................
Ka phone ri chuan min ti harh a, ka mutna sir lama ka dah chu ban in meng mang lo chuan ka la a, "Ruth i tho tawh em? Vawiin school tur anih kha i hria em ?" lehlam atang chuan a rawn ti a, Loryi a ni tih ka hre thei.
"Vawiin te chu kan la chawl alawm" ka ti a, "I la tho lo ni maw, tho rawh. Dar 8 a ri dawn tawh. Nizanah Sir in group ah a rawn post a" a tih chuan ka thu chhuak ve ta nge nge a. Ka phone chu speaker a dah in "Ka'n en chhin ang. Tinge vawiin chu chawlh tur a la ni sia" ka ti niah niah a.
"Aw en la, intifai vat rawh, dar 9 ah tan tur ania, chaw te i ei hman lo nge. Ka rawn sawm ang che" a ti a, a duh a sawi zo a, a dah hmak.
Group ah chuan Sir Jona chuan a lo post a, chupawh dar 10 vel in.
"Hneawm lutuk" tihpahin ka tho chhuak a, Sana ka en a, dar 8 leh minute 5 lai a ni tawh.
Che nghal vut vut in ka inbual a, ka sam pawh ka su lo.
Pheikhawk leh mawza bunin room atang chuan ka chhuak a. "Pi kan school thut dawn a, chaw kan ei thei tawh em ?" ka va ti a.
"Aw ei thei tawh, vawiin chu in la chawl emaw ka tia. Han insiam vat la, chaw ei ka lo siam dawn nia" a ti a. Room ah tlan lut lehin ka insiam a, ka sam pawh ka thawh tirh a a awm ang ang in ka tawn khawm tawp. Nge maw Jonathana pawh chu, thlamuang tak taka a zirlai naupang te min chawlh tir hian hreawm a ti niang. Chawlh han rei lo tehreng nen hian hneawm lutuk.
Chaw chu ka bar sawk sawk a, sana ka en a, dar 8 leh chanve ni tawh. Loryi pawh hi a va han rawn lang har em em ve.
Ka ha ka nawh lai chuan rawn lang a, "Ka hah lutuk, ka rawn tlan char char" tiin a rawn thaw hlawi hlawi.
"Tiffin pawh.. aaaa... pai ngai lo ang" ka ti a, kan chhuak zui.
Josepha scooty khalh chhuak tur nen chuan kan intawk a, "Ehe! In school dawn em ni ?" ani pawh chuan a ti ha a, "Aw school dawn. Khawnge i kal dawn, min han thlah lawk teh" a ti a, Josepha chuan a bana sana chu a en a, "Eee, a tlai tawh anih hi. Khawiah nge in school a awm ?" a ti a, "Tlangah" Loryi chuan a ti ringawt a, Josepha pawh chuan a lu a bu nghat a, kan school lam pan chuan kan inphur phei vawk vawk a.
School kan thlen chuan dar a ri chiah a, scooty atang chuan a zuan in kan zuang thla a, Josepha chu lawmthu hrilh mawlh mawlh in class lam panin kan tlan a.
Class ah Puipuii leh Mimii te chu an lo awm tawh.
Kan hmel an hmuh veleh chuan "Class 11 an kal ve lo. Class 12 section kimin kan kal" an lo ti nghal a.
"Tinge..." ka thut naa ka bag dahthlak pah chuan ka ti a, "Anni chuan hna an thawk. Section zawng zawng in" Mimii chuan a ti a, "Enge awmzia ?" ka lo ti leh thung.
Mahse min chhan hma chuan Sir Jona a rawn dak a, "Tute nge tlai kha le ?" a ti a, mipa lam atang chuan an ding tliar tliar a, "Hun hi inngaipawimawh lo riau mai, na vak lova hrem chu in ngai" a tih lai chuan Loryi nen chuan muangchangin kan ding a.
"Nangni pahnih kha in tlai ve em ni ?" a tih chuan ka lu ka bu nghat nghat a.
"Thu ru, in vaiin. Vawiin chu ka ngaidam ang che u" a ti a, class dang lam panin a kal leh nghal.
"Ka hrawk a za tlat" tiin Loryi chu a khuh lui vak vak a, "Enge i khuh luih vak vak a ?" Puipuii chuan a lo ti.
"Ka hrawk a za nimai a" tihpahin min rawn sik a, min chhiah tih ka hrethiam chiah.
"Keichu tlangval senior hmangaihna hi tawrh zawh a har dawn ka ti" a rawn ti leh chuan a hnungah ka beng a, a nui vur vur zui.
Kan school kal chu rilru pek ava har tak. Kal thut kha kan ni bawk sia, muthlu thuau thuau turin kan kal a ni ringawt.
Banah chuan Tlanhlua te nen kan haw rual a, mahse an peng an thlen chuan Loryi nen tlawng kan kal dun a.
"Keichu a nuam ka ti" Loryi chuan a rawn ti chhuak a. "Leh ngawt zel a" ka tih chuan "Sir Jona hian a duh ve chiang che lawm" a tih chuan a tukkhumah ka beng a.
"I tawng ring bawk sia, thu awihawm deuh tur hi sawi ve la aw" ka tih chuan "Ania lawm le. Mi â a ni lo a, a ti lang mai mai duh lo ang" hriatchian hmel deuh hian a ti leh a, ka ner khum ringawt.
................
A kar leh atang chuan school chu kan tan nghal char char a, kum tawp a board exam tur kan ni bawk a, min tan pui khawp mai.
School chawlh hma camp te an sawi a, mahse zirlai naupang in duh lo an tam zawk avangin camp lo tur chuan kan inngai a. Mahni in lama tan viau angai tihna a ni mai.
Ka nu te pawh an rawn haw leh tawh a, lehkhabu pawh min rawn hawn a, ka pa thleng in an rawn hawn.
Sir Jona chu ka pehhel char char ti mai ang, tul lo ah chuan ka be lova, phone ah lah ni se a message pawh a rul tawk chauhin ka chhang thin a. Min duh lo ro ro a, rilru tihnat ai chuan exam turah rilru pek a, lehkha tha deuha zir phawt ka duh.
Mahse a chang chuan message ngeiawm deuh deuh te hi min rawn thawn thin a. Zankhat chu a Instagram profile screenshot hi min rawn thawn a, "Heihi engtia tih tur nge ?" a rawn ti a.
Ka nui hak a, "Ti khan ti tura rawn insawi apiang kha ti zel mai rawh" tiin ka reply a, lehkha ka zir pawh chuan ka nui leh thut thut zel a, khawi atanga Instagram chu hria nge maw anih ve reng reng le. A phone khawih dan tur te chu ka mitthla a, mahni chuan ka nui ver ver reng.
Phone ringawt chu ka rilru ah a awm a, a tawp ah chuan ka phone chu la in data ka on a, Sir Jona message bawk a rawn thleng hmasa ber.
"Ka thiam lo nih hi, ka rawn leng mai dawn ?" tih a lo awm a, a rawn thawn atangin minute 3 liam tawh. Reply ta lo chuan ka dah leh a, rilru pek tum zetin ka lehkhabu chu ka en leh a.
Mahse ka zir leh tak tak hma chuan Lory in rawn call a, lehkha ka zir leh zir loh min rawn zawt a, ka zir thu leh ka rilru a a luh theih loh thu ka sawi a.
"Ka ning tawh, zanin chu keipawh ka zir thei thlawt lo" a ti a, "Keipawh, phone ringawt ka rilru ah awm" ka ti a, "Keipawh..." a tih leh chuan call dang a rawn lut a, "Lawks aw, call dang ka dawng" tiin caller id chu ka en a, Sir Jona a ni.
Ka lak rual deuhthaw chuan "Tunge i biak a ?" Lehlam atang chuan a rawn ti a, "Ka thiannu" tiin ka chhang a.
"Ka rawn kal ania, hetiang hi ka ti thiam ve lo" a ti a, "Lehk...." ka sawi zo hman lo, a dah nghal daih.
Sana ka en a, dar 9 a ri tep tawh. A rawn fiamthu emaw ni aw. A bialnu pawh a awm awm reng si a, nge maw kei kher chu min rawn zawh.
A bialnu chungchang ka ngaihtuah chuan ka thinrim ve ringawt a, lehkha zir ring tawk tawk in ka chhiar lui vak vak a.
Minute 2 hnu velah ka nu in min rawn ko a, in Sir Jona a lo kal a, a be lawk duh che niang" a rawn ti a, room kawngkhar lam chu ka en a, ka khap fuk fuk ringawt.
A rawn kal tak tak aniang a ti rilru chungin ka chhuak a, Sir Jona chu thutthleng pakhatah chuan a lo thu vang a, amah a sang sia, a thu ngil bawk sia, a lawrh zuah mai.
"Lo awm teh u, Bawihtea hi ka'n mutpui lawk ange" tiin ka nu chu roomah a lut nghal daih a, nia Bawihte hi Aizawl atanga an rawn haw khan amah hian a mu duh tawh lo a, ka pa angai lutuk kha awih mut a ngai zel tawh.
"Lehkha te ka zir ve a" tiin a thut lohna thutthleng ah chuan ka thu a, thawh chhuah a, ka thutna bula rawn thut pah chuan "Tihian hreak ka rawn pe lawk che ni mai" a ti a, ka khup dawmin ka thu ngil ve at.
"Ngatan nge Instagram chu i tih ve a ?" tia ka en chu min lo en kur a, ka hawisawn leh nghal nghal daih.
"Ka inla young thar leh e ka tia" a tih chuan "Innu tan maw? Innu awm reng sia enge kei min rawn zawh daih a ?" ka ti a, ka thusawi chu ka zak lutuk. Sir Jona a nih vang hrim hrim hian ka zak a, mahse ka ngei em a, ka zak lo der hmak ang.
Min en reng avang chuan "Enge min en reng a ?" ka ti leh a, ka tawngkam leh tawngchhuah dan ang lo lutuk a, ka khur ru der der hi hria se chuan min nuih hrim hrim ang.
"Mi i thik in tihian i hmel a awm thin dawn a ni maw tih ka ngaihtuah mai mai" a tih chuan ka meng awk a, a thusawi in min ti lai lutuk chu ka hawisawn a, pangngai deuha awm hram hram tum in "Khapawh kha innu tan in.lak young i zir na zel em ni. Khawi i phone chu ?" tiin ka kut ka phar a, a phone chu min pe mai a.
A wallpaper ka hmuh chuan ka meng lek kawk a, a wallpaper ah chuan ka lang chiang lutuk ringawt. Engtin nge maw ka thalak te hi a neih theih ni.
"Hmmp heipawh hi innu wallpaper i hman dan tur i zir zel na niang maw ?" ka tih leh chuan a rawn nui chhuak hawk a.
Melh nghal hrek in "Enge? Nuihzatthlak ka sawi mi ?" ka ti a, a lu thing mat mat in "Aih, chhunzawm rawh" a ti a, Instagram ah chuan ka lut a, a prolife set kim lo chu ka set sak a, min tih tir bawk a ka duh duh danin ka set hmak a. A bialnu khan a hmuh hun a duh leh siamthat veleh mai rawh se.
A pp dah dawna select turin Gallery ah ka lut a, awi awi awi ka pic a tam lutuk ringawt.
MR. EXCELLENT
By ~ Sammy♤
Ch ~ 10
Melh nghal hrek in "Enge? Nuihzatthlak ka sawi mi ?" ka ti a, a lu thing mat mat in "Aih, chhunzawm rawh" a ti a, Instagram ah chuan ka lut a, a prolife set kim lo chu ka set sak a, min tih tir bawk a ka duh duh danin ka set hmak a. A bialnu khan a hmuh hun a duh leh siamthat veleh mai rawh se.
A pp dah dawna select turin Gallery ah ka lut a, awi awi awi ka pic a tam lutuk ringawt.
"Engtin..." sawi zo lo chuan ngawi leh daihin ka hrawk ka thian kharh a, "Heipawh hi i bialnu thlalak i gallery a i dah dan tur i zir chhin na mi ?" ka ti leh a, ka tawngkam zawng zawng chu ngeiawm hi a ti ve tawh ngawt ang.
"Imm, nakinah chuan amah ka dil anga, ama phal nen thlap a phone ah pawh ka thlalak wallpaper ah a hmang ang" a ti a, 'a lo nih tak chu' ka rilru chuan ka ti a, a takah erawh "Hmmhh" ka ti hmuk ringawt.
"I pic pawh a awm loh hi, eng nge pp ah i hman ang ?" ka ti a, "Nakinah ka hmang mai ang, nangmah kha in add teh, a ni lo, engtin nge khatiangah khan an infriend thin ?" a ti a, ka thutdan her meuhin ka tglek.
Ani lah chuan a khupa a kiu nghatin a khabe a dawm a, min la en ve kal zui a.
"I hre lo tak tak nge i hre lo der ?" ka ti a, "Ka hre lo" a tih chuan "Engmaw i hriat loh, i hre lo der nge der lo tih nge i hre lo tak tak tih chu i hre lo maw ?" ka ti a.
"Ka hre lo" a ti leh a, "Hei hi en rawh.." tiin a phone screen chu chiang tawkin ka en tir a.
"Helaia search button hi i hmet anga, chuan i mi follow duh user name i search anga, i follow ang" ka account search a, hrilh pah zel chuan ka ti a.
Uluk deuh in ka phone ken chu a en a, tunah chuan a khup pakhat chu a kut pahnih a vuan in a khai kang a, a then leuh leuh.
Ka phone ken chu ka keng hla tial tial a, a hma lamah a rawn awn ve duai duai a, ka keng hnai telh telh a, a tawlh hnung telh telh a, ka nui hak. A phone en ringawt chu a ngaihtuah a, engtin nge a awmdan pawh chu a hriat loh zawk ni ?"
"Nichin khan tumaw i lo biak a ?" a rawn ti leh hlawl a, "Loryi" ka ti tha mai.
"Khawi min lo en tir ?" a tih chuan ka en a, a thutdan ngai ang khan la thu in ka lam hawiin a rawn thle ha a.
"Ka phone room ah ka dah daih" ka tih leh chuan "Han la teh" a ti a.
"Engatannn??" ka ti fan raih.
"Ka en duh, Instagram te kha min follow back ve rawh" a ti a, a awmdan mak lutuk chu ka thaw hak ringawt.
"Sir" ka ti a, "Imm" a ti ve mai.
"Enge a tunah hian i la haw loh chhan ?" ka ti a, a rinloh deuh ka sawi nge a chal ti chuar nang in min en a.
"Chu ka sawi chu, i phone chu han la teh" a ti a, thaw leh hawk in ka phone chu ka la a, kan sir chu ni lo se ka hnawt haw tawh chiang ngawt ang.
Ka phone a hmeh en chuan a nui suk a, hrechhuak zawkin rang lutukin ka chhuhsak leh a. Ka theihngilh chiang lutuk, a thla ka lak ruk sak na kha wallpaper ah ka hmang tak alawm maw le.
Ani a thu a, kei ka ding si a, min en rawn en chho in a nui a, "A va za awm ve ?" tiin wallpaper chu ka thlak nghal a.
Enge maw Sir Jona ka ngam thar riau leh tawngkam ka duh uluk loh viau chhan hi ka hre lo. Kan in anih vang a ni maithei ni.
"Loryi nen in inbiakna chu ?" a ti a, call history chu ka hmuh tir a, "Call record te i ngaithla duh nghe nghe em ?" ka tih chuan "Aw" a rawn ti leh mauh mai a, "Ka uang anih kha ka record lo" ka ti a, "Anih enge in sawi ?" a la ti hram.
"Kan sawi maw 'Sir Jona hian homework hi min pe tlem ve deuh se' tih kan sawi" ka ti a, haw tawh se ka ti lutuk chuan kawngkhar lam chu ka hawi a, "Mahse pek loh cheu chuan lehkha zir nachang in hre si lo a" a ti a.
"A hunah chuan kan zir ve mai dawn lawm, i student te hunawl pek loh hi nuam i ti hrim hrim" ka ti leh a, kawngkhar lam chu ka la hawi reng.
"Ka haw tawh mai dawn em ni ?" ti a ka kut a rawn vawn chuan "Ka kut vuan kher lo khan haw rawh" ka ti a, a nui suk.
"Anih.." tihpahin a tho tuih tuih a. "Kawngkhar thleng saw min lo thlah la" a ti a, hnial tawh bik lo in kawngkhar thleng chu ka thlah a.
A kal hma chuan min en leh vang vang a, "Dawn ti tam nu" a ti leh a, a kal nghal nal nal.
Ka en liam hnu chuan kawngka chu kalhin ka hawikual a, chutah ka kâ hup chunga au vak vak in ka zuang kual a, "Enge a? A fawp che mi ?" ka nu chuan a rawn ti thut a, phu zukin ka nu chu ka en a, a mu tawh dawn tih hriat takin a sam a thlah a, a mutkawr var a ha bawk nen a rapawm lutuk.
"I mawl thei lutuk nu" ka ti vak a.
"Nangmah lawm mawl, i pi leh i nau an mu tawh khatia au vak kha mawlthlak lutuk" a ti a.
"Ka chhun reng reng lawm" ka tih chuan "Enga ?" a rawn ti leh a, "Engmah ni lo muttui" ka ti a, room ah ka lut nghal.
Lehkha zir pawh rilruah awm tawh lo, khumah ka let thla nghal tawp a. Sir Jona awmchhung zawng ka ngaihtuah let chuan ka biang leh hmai mai ni lo, ka taksa pum chuan ka sa chhuak vek in ka hria.
Awiii, ka thlalak te a nei anih chu! Ka mit ngei hian hmu mah ila ka la awih lo. Loryi ka hrilh chak tawh lutuk hi, ka za vek in ka hria.
Nichin khan ngam viau mah ila ka ngaihtuah let a, zak lo ka inti khawp mai.
Khumah chuan mut pawh muhil thei lo in ka let kual sek a, a tuk zingah chuan dar 8 velah bui lukin ka tho a, mut kham lo zetin school kal turin hmanhmawh deuhin ka insiam a.
Nizana zak mang si lo kha school a Sir Jona ka hmuh chuan ka lai tlat a, ahma pawha melh that ngam loh nen tunah phei chuan a lam ka hawi tha ngam lo tawp.
Chu ai ka zah zual na turin mizo period ah mizo teacher in hla a explain laiin ka lo muthlu a, min hrem in class pawnah min din tir a, Sir Jona class atanga rawn chhuak chuan min la hmu zui.
Heiha, chetthatna kawnga hmuingil ve thei lo ka nih ngei hi!
Kan school bang haw lam chuan Sir Jona bialnu ka la hmu zui a, ka vawiin hun chu a pherh kual vel vek.
Zanah pawh lehkha zir lo in ka mu hmak a, mutthilh lah chu ka la harsat em em zui a.
Ka muhil thei thlawt lo chu ka u ka phone a, ka û bulah chuan ka han phun hrep.
Ka thawl ve hawk chuan ka hria.
..............
Kan ti nek nek a, second term exam a ni leh tawh. Second term exam atang chuan board exam hma chu school kan chawl tawh dawn a, December thla laihawlah kan exam anga, exam zawhah kumthar lama results nghah a ni leh mai.
Sir Jona nen chuan kan inbe zeuh zeuh a, mahse exam tur ka nih vangin min be vak ngai lo a, ti ve ringawt ila min be peih lo zawk nge ka hre lo. Mahse zirtawp zan hi chuan a rawn leng fo mai a, ka nu lah hian min chhaih a ching lehnghal.
...............
Ka History note chu ka tihtlak palh avangin Tlanhlua note chu ka copy a, a bulah chuan ka thu ve hmun.
"Mipa leh hmeichhia inthutpawlh loh tur" rei pawh ka copy hma chuan kan hma taka dingin Sir Jona chuan a rawn ti a.
"Enge awmzia ?" ka ti ha.
"Note ka copy lawk a sir" a hmel lawmloh hmel lutuk avang chuan ka ti a.
"I thutnaah va copy rawh. Tun atang chuan mipa leh hmeichhia thutdun tawh loh tur" a ti a, amah chu a chhuak leh nulh.
Ka note copy lai nen chuan ka thutna lamah chuan ka phei a, "Thikthu chhe hle mai maw" Lory in a lo tih chuan "Ngawi hmak rawh" a ti a, a then tha mai.
Note ka copy zawh chuan Tlanhlua chu ka pe leh a, ka pe lai tak chu rawn hmu fuh leh chat tawh. A thinrim ka hlauh avang chuan ka thutna lamah let lehnghal ka tum a, mahse hrechhuak zawk in Tlanhlua tui chu in ka dil a.
Enge maw mipa leh hmeichhe inbiak phal loh a sawi tel hleinem. Bakah thinrim nachhan tur a nei lo reng reng.
School kan bang a, kan thian ho chuan nui khek tuar tuar in kan kal a, Sir Jona chu chak deuhin a rawn tlan a, "Thinrimna chu a nei nii ?"Loryi bawk chuan a lo ti a, a darah ka beng tawk.
"Van mi te chu helamah hian kan han kal ange" Puipui chuan an pen dawn chuan a ti a, "Ni e, intawlhthlu dawn nia" Loryi chuan a lo ti a, an tawng an inhriatphak chhung chu inhnial in an au dun lang lang.
Ka school ban veleh chuan engdang ti lo in lehkha ka zir nghal a. A bu pum hian zir ila, zir sual a awm lo ber.
Tlai chaw ei dawnin ka chhuak te tawk a, ei zawhah room ah lutin ka zir lehnghal char char.
Zan dar 8 velah ka nu a rawn dak de de a, ka note chhiar zawt zawt pah chuan "Enge ?" ka lo ti a.
"Inleng i nei, i nei polite khawp mai ka leng min ko haw" a rawn ti a.
"Tunge ?" ka thil chhiar lai chawl chuan ka ti a, "In Sir Jona-a rawn chhuak vat teh ka leng leh duh ania" a ti a, sitting room lamah ka chhuak phei vat.
Sir Jona chu thu ngil at in a hawi vual vual a, a lehlam lehlamah chuan a kut dahin a kut pakhat chuan a khup chu a beng thuk thuk bawk.
Ka nu chuan "Lo inkawm ula, sawtah khan i nau ka kalsan tawp sia ka va ngaihven leh ange" a ti a, a chhuak leh daih.
"Hetah hian lo thu teh" ka nu chhuah rual deuhthaw chuan a ti a.
"Lehkha te ka zir duh asin" tiin a thutlohna thutthlengah chuan ka thu a.
Min en nasa lutuk a, a rukin ka lai leh em em tawh.
"Min en vak vak zel lo la" zah loh hmel tak chuan ka ti a.
"Hetia ka en chian em em che pawh hian i eng lai nge ka duh ka hre thei lo" a rawn ti hlawl.
"En...." engmah ka sawi hma chuan "I hrethiam lo nge, i hrethiam lo der ?" a tih chuan amah chu ka en ringawt a. A mi en na vang ringawt pawha ka laih tawh nen a thusawi nen phei chuan ka sa vek thei.
"Ka sawi chu, ka duhna che hi i hrethiam lo der tiraw ?" a ti leh a, ka ka ho ringawt.
"Nang chu i ti nuam lo thei e" ka ti ringawt a. Ka bulah chuan a rawn thu phei.
Ahma a tih dan ang chiah khan ka kut a vuan a, "Min en teh, ka sam tuak leh ka khabe hmul tuak siar siar tawh te hi i hmu anga. Hei hian ngaihzawng, duh leh nupui tur tha ka mamawh tawh zia ka lantir a, chuvangin inneih mai ang ?" a ti a, "Engaaa!!??" tiin ka kut chu la sawn in ka tawlhsawn deuh a.
Amah pawh chu meng kawk in "Ka sawi tum a ni miah lo" tiin a lu a thing nawk nawk a.
"Eng lo, i exam zawhah tha deuhin innei ang? Oh! inneih bawk chu, i exam zawhah..." a ti bah nawk nawk a, a che buai vek.
"Heiha, i bulah chuan kei kum 30 val pawh hi ka zam chhe der mai" thaw hak in a rawn ti a, ka hmai leh biang, kut leh ke, sa vek in ka lo en a.
"Hei leh chen khawvel eng lo hmu tawh mah i la hmeichhe bula ka duh thu sawi hmasak ka la neih loh bakah ka fa te rual ka la ngaizawng ngai lo a" a tih chuan "I fate rual ka ni lo" ka lo ti leh hmanhmawh.
MR. EXCELLENT
By ~ Sammy ♤
Ch ~ 11
"Hei leh chen khawvel eng lo hmu tawh mah i la hmeichhe bula ka duh thu sawi hmasak ka la neih loh bakah ka fa te rual ka la ngaizawng ngai lo a" a tih chuan "I fate rual ka ni lo" ka lo ti leh hmanhmawh a, ka kâ chu ka hup vat. Nge maw tiang hunah hian ka insum theih loh viau ni.
"Tawngkamin ka sawifiah thiam lo a, ka chetzia pawh in tihlan dan ka hre lo. Ka duh che a, mahse i lehkha zir ka tihbuai ka hlau si che a. Mahse ka zep thei lo, ka ngaihtuah reng che a, darker, minute leh second tin in. Engpawh ti ila ka hrechhuak zel che, i nui hmel ka mitthla atangin a bo thei lo." a tih chuan a sawi tu a thusawi chu ka'n hmehbel nawn vel a, ka hriat sual a ni bawk si lo.
Engtik lai mahin Sir Jona hnen atang hian hetiang dawn hi ka beisei lo. Beisei loh chu sawi loh, khami ni atang khan chanloh di an sawi thin angah hian ka chan hmak tawh.
Mahse han fiam kual vel ka duh, a thusawi te chu ka la hre duh, tute emaw atan chuan ril a ni lo, mahse a sawitu a mitmeng leh tawngrik dan atangin a ril dan zuk hmuh phak a ni hauh lo.
"Min duh tawh suh i tih atang khan duh tawh loh che ka zir" ka tih chuan min en kawk a. Hreawm a tih hmel deuhin ka hria.
Comments