MR.EXCELLENT CH: 11-15 by Sammy ♤

MR. EXCELLENT
By ~ Sammy ♤

Ch ~ 11


"Hei leh chen khawvel eng lo hmu tawh mah i la hmeichhe bula ka duh thu sawi hmasak ka la neih loh bakah ka fa te rual ka la ngaizawng ngai lo a" a tih chuan "I fate rual ka ni lo" ka lo ti leh hmanhmawh a, ka kâ chu ka hup vat. Nge maw tiang hunah hian ka insum theih loh viau ni.


"Tawngkamin ka sawifiah thiam lo a, ka chetzia pawh in tihlan dan ka hre lo. Ka duh che a, mahse i lehkha zir ka tihbuai ka hlau si che a. Mahse ka zep thei lo, ka ngaihtuah reng che a, darker, minute leh second tin in. Engpawh ti ila ka hrechhuak zel che, i nui hmel ka mitthla atangin a bo thei lo." a tih chuan a sawi tu a thusawi chu ka'n hmehbel nawn vel a, ka hriat sual a ni bawk si lo.


Engtik lai mahin Sir Jona hnen atang hian hetiang dawn hi ka beisei lo. Beisei loh chu sawi loh, khami ni atang khan chanloh di an sawi thin angah hian ka chan hmak tawh.


Mahse  han fiam kual vel ka duh, a thusawi te chu ka la hre duh, tute emaw atan chuan ril a ni lo, mahse a sawitu a mitmeng leh tawngrik dan atangin a ril dan zuk hmuh phak a ni hauh lo.


"Min duh tawh suh i tih atang khan duh tawh loh che ka zir" ka tih chuan min en kawk a. Hreawm a tih hmel deuhin ka hria.


"Nia, ka hrethiam tho mai che. Tleirawl te i la nia, kei chuan tar lam ka hnaih zel a....." a tih chuan "Sirrr" ka lo ti vak a, min en zawk.


Keimah zawk chuan a kut chu ka vawn sak a, "I kum upat vangin ka duh lo lo che. Kei aia upa ka duh ka tih tawh kha. Min duh let ve hi ka awih thei lo a, rin a harsa a, hetia ka mit ngeia ka hmuh a, ka beng ngeia ka  hre chung pawn dawt emaw ka la ti fan a......" ka chawl dat a, "Mahse ka duh em em che lawm. Tih tak tak na in" a tih chuan ka nui hak. A thu rawn sawi dan zei lo lutuk chu ni ka nuih ni, a thusawi chu rawn thlum em em lo mah se ka laka a rilru put dan a sawichhuah tumna anih avangin a thlum ka ti tho.


"Nia, keichu zirlai chauh ka la nia" ka tih leh chuan "Chutiangah buai angai lo, in exam tep tawh a, i pass hunah kan inneih dawn nia" a rawn ti leh chuan ka meng leh kâwk. Nge maw inneih pawh chu a sawi chhen le.


"Ka tih awmzia chu i naupan vang emaw i dinhmun vangin ka iai lo che" ka hmel awmdan avang chuan nge a rawn ti leh a.


Sawi tur pawh ka hre tawh lo. Mahni a awm a au vak vak a, sapatal ka chak.


"Tun atang chuan mipa dang be mai mai tawh suh" a rawn ti leh a, ka lu ka bu lap lap a  kan in en na atang chuan ka hawisawn nghal daih.


Min rawn thut hnaihin min rawn kuah a, "Ka lawm e" a ti sep a, engmah sawi zawm tawh lo chuan min kuah hlu hlu.


"A û" kawngkapui lam atang chuan a rawn ti thut a, Sir Jona nen chuan kan hrang dawrh.


Ka ding a, Sir Jona a zi mar kuak vel a, Bawihte chuan "Hei ka lo hawn che" tiin saranga a khai eitur vel chu min pe a.


Ka nu chu a hnungah muangchangin a rawn kal a.


"Keipawh ka va haw nge" tiin Sir Jona chu a ding hluai a.


"Aw la leng la, a la hma lawm" ka nu chuan kan lam rawn pan pahin a ti a.


"Aaaa, Ruth-i hian lehkha zir leh te a duh ang ka ve phei ange" a ti a, ka nu a tawng leh hma chuan "Nia, kal rawh ka thlah ang che" ka tia, kawngka lamah chuan ka nawr phei a.


Pawn kan thlen chuan "Haw turin min va duh ve" a ti hmuk a. "Awww, nangmah i haw duh a, lehkha te zir leh rawh min ti ni lawm ni?" ka ti a, "Nia zir leh rawh" a ti tha veleh mai a.


A kal mai dawn emaw tiin en turin kawngpui lam hawi chuan ka inkuangkuah than a, mahse kal ta mai lo chuan min rawn kuah hlun a, "Ka ngai nghal che" a tih chuan ka khap fuk fuk ringawt. Hetiang thu vel vawikhatmah la dawng ngai lo ka nih bakah kan sir hnen atangin a ni bawk sia, ka la zak ru chem chem.


A in la hrang a, ka biangah chuk zeuhin a tawlhhnung a, a kut pahnih chuan a kekawr ipte chu zen tat(trat) a faifuk rat rat in kawngpui lam pan chuan a kal a.


Ka en liam hnu chuan inchhungah ka lut a, "A û" Bawihte chuan a lo ti nghal a, nichina a thil min pek khai chung chuan "I bulah ka lo mu duh chak" a ti a.


"Ka lo mu duh chak chu enge ?" ka ti. Ka  bula a mut duh thu a sawina a ni a, mahse tawngkam dik lo lutuk a a hmang chu ka ngaithei thak lo.


"I bulah ka lo mu dawn" a ti leh a, "Angai lo, thil i ei leh nga khum i ti bal" ka ti a.


"Ka ei lo ang. Phone ah thil en i la ka ei lo ang" tiin a thil khai chu a dah a.


"Ka bulah rawn mu mai mai rawh" ka nu chuan a lo ti a.


"Mahse a û phone ah cartoon a awm alawm" Bawihtea chuan a ti a, "Anu phone ah pawh awm lawm Bawihte" ka tih chuan "Mahse anu in a awm lo ti.


Pasaltha kan ngaithla zel a" Bawihtea chuan a ti a, "Nu cartoon te enpui ve thin rawh" tiin room ah ka luhsan hmak.


Room kawngkhar chu kalhin thawm ka ngaichang te te a, ka nu te chu an roomah an lut ve tawh niin ka hria.


Khumah chuan let thla tawp in lukham chuan ka hmai ka hup a, ka ke leng vak vak in ka au nghek.


Tun ah tak hian ka nun hi par chiang tak a ni.


Khumah chuan thawm dim tak siin ka sapatal a, a tawpah mu zangthal in ka thaw hle hle.


Ka ngaihtuah a, tikhan inngaizawng kan ni ve mai dawn sia. Lawks min bem em? Nachin khan min bem ni Sir khan? Chuan keipawn ka chhang chuang em ni? Ka chhang lo, a ni lo ka duh tih ka sawi taka. Huihaa!! Min ti â zo vek tawh.


Nula tlangval inngaizawng ang ka ni tawh! Khawvel nawm dan hiiiii.
In zirtirnu tu emaw in star deuh innihpui ve tawh em? Ka feelings hi ka sawi chhuak thiam lo, a nuam lutuk hi tah mai te ka duh.


Ka ngaihtuah chet chet a, thil ni lo ni lo thlenga ka ngaihtuah chuan mahni ngaihtuahna mah ni se ma zak chem chem.


Eng eng emaw ngaihtuah chuan ka lo muhil ve a, zan lam boruak la kal tluang zel nge mu har viau mah ila ka tho hma em em mai.


...................


Sir Jona nen chuan inngaizawng chu kan ni ta a, mahse phone ah chupawh text bakin kan inbe lem lo. Exam a hnai telh telh a, ka lehkha zir a tihbuai a hlau em em a, amah hi ka bulah a inthlahrung dêk zel zawk hian ka hria.


Kan inngaihzawn thu chu ka thiante ka hrilh duh lo a, tumah in hre lo se kan duh zawk vang a ni.


Val senior tih takah a caring a, Mr. Soft, Mr.Handsome, Mr. Perfect a lo nihna zawng zawng chu khum zakin keimahah chuan Mr.Excellent a ni tawp.


Min han kuah a, a âwm a bei te hi an thlamuanthlak bik khawp a, mahse mak deuh chu ka biangah bak min fawp ngai lo a, a chang hi chuan ka hmuia min fawh hi a tum ve ut ut thin a, mahse ka biangah hian a ti leh daih zel a. Ka chak vang em em ni lo mah se mahni bialnu te han fawh ngai loh tawp chu ka ngaih pawh a ti tha lo zawk.



................... Time Skip



Second Term kan exam a, board exam turin inbuaisaih leh char char. Sir Jona chuan question study in a pawimawh leh rawn chhuak ngei tura a rin ho te min hrilh a, a chang in ka lehkhazir te min vil a, kan awmdan chu naupangchhiat chang awm mah se a nuam viau lawi bawk si.


Zirtawp zan a ni a, zirtawp zan hi chu zan dang ang bawkin pangngai taka a rawn len zan a ni thin a, keipawhin lehkha zir ka lo tum lem lo.


A rawn leng ngei a, ka nu bawk chuan a lo thlek leh vung vung thin.


Bawihtea lah chuan a ban bul leh dar te chu a len avangin mawi a ti a, a lo malis thul bawk.


"Nu va mu teh u, Bawihte mut a chhuak tawh" ka ti a, hetia tih tawp loh chuan ka nu hian a en lai thei mai ang.


"Oggy ka en duh" Bawihte chuan Sir Jona a malis na chu tawpin ka nu lam chu a pan nghal a.


"A tlai tawh tak anih hi, lo kal teh i thawmhnaw te hi thlak a ngai" tiin roomah an inkai lut a, Sir Jona chu rawn thaw chhuak hak.


"Nangmah awm ngai bawk, i chhungte awm ngai bawk" a tih chuan ka melh hra a, nui hawk hawk in "Ka fiam mai mai che nih kha" tiin ka darah min rawn kuah a.


"Naute kan neih hunah chuan chhun tur a nei tha dawn khawp mai" tiin ka darah chuan a hmer salh a.


"A chhun fuh loh phei chuan a lerh ngawt ang" ka ti a, "Mi tamtak rilru a ti na tu a ni dawn alawm" a ti a, "Ringawt zel a" ka tih chuan "Aw ngaihtuah la, ka hmeltha a nangmah vang hian hmeichhia mai ni lo mipa te rilru thlengin ka ti na asin" a tih chuan awih lo lutuk in ka en a.


"I over ngei mai. Anih chuan chung rilru i tih nat ho chu va neih rawh" ka ti a.


"Neih duh ila ka fate rual hi ka ngaizawng lo ang che" tiin ka biangah a piai a, biang piai leh 'fate rual' tih ka hua tih a hriat avang hian a sawi fo a, ka ngei lutuk chuan melh ha in "A ni maw Ka pa Jonathan" ka ti a, ka kut kuangkuahin ka thut hlat hlek.


Nui hawk hawk in "I rilru hah nih kha, ka lo malis ang che" nui hawk hawk a tiin a tho a, ka hnung lama kal in ka dar chu a rawn hmet a.


"Ka peih lo" tiin ka lo tal a, "Lehkha te i zir nasa sia, zanah i meng rei thei si" tiin ka dar chu a hmet a, a za ka ti lutuk chuan "Ka ning,  a za nia" tiin ka thu sawn a.


Ka hnunga kal leh in a hmet leh a, "A zaaa" nui ar ar chung chuan ka ti a, min dek a, kei za ti in ka lo tal vak.


"Ka peih tawh lo ka hah. Naupang naupang fiam hi chu tha a heh" tiin a rawn thu tha a.


"Ka naupang maw? Immhh immh immmmhh" tiin ka dek ve a, a thut ngaiin ka thu reng.


A zak, a nghawng a nak leh a beng bul velah ka dek chung pawn a nui lo.


"Dek ka lo haw lo a lee" tiin min nuih a. "I huat loh pawn nui der ve ta che" tiin a darah ka beng a.


"Thu mai mai rawh" tiin min kuah a, a âwm ngheng in ka ke chu thutthlengah chuan ka hlang a ka thu diai.


"Kan inneih hunah chuan...." a tih lai chuan "Kan in dang nghal ang" ka lo tihkhalh a.


"In dan chu i va hmanhmawh ?" a tih chuan "Nangpawh inneih i hmanhmawh tho lawm"  ka ti a. "Ka upa tawh a, fa neih te pawh ka chak tawh" a ti a, "Anih tinge Ruatpuii kha i neih mai loh ?" ka ti a, "I mawl siah" tiin ka chalah min pen ri kawk.


"Min pen ziah suh" tiin ka chal chu ka tuai a, "Ka tihpalh" tiin min pen na lai chu a chuk zeuh.


"Fa ka nei chak ka tih vang khan hmeichhe dang lakah ka ti hleinem. Puitling vat vat la, nangmah nena neih ka duh lawm" a ti leh a.


"Ka puitlin tawh hi, kum 19 ka ni tawh" ka tih chuan "Keipawh kum 36 ka ni tawh lawm" a rawn ti a, a insawi upa tih ka hre reng.


"A ni maww.... i va la naupang" ka ti hluai a. Hrelo a kum zat diktak hre lo ang deuh chuan ka awm a.


"I thianten nupui an nei vek tawh a, fa te pawh an nei tawh sia. Fa i awt si, saw i first love a la rawn nuthlawi zui a i lo luhkhung daih ange aw" ka tih chuan ka chala min pen leh in "I tawngthei sia" min ti a, "Nia kei chu ka la naupan a ka pa Jonathan" ka ti leh a.


"Kan awmdun lai hi chuan midang chanchin sawi suh" a ti a.


"I va tan ve, First love can never die an tih kha  a la die lo mi? Hmmmh" ka ti hmuk.


"Amak tan lam anih loh chu. Nangpawh i...." a ngawi dat a. "Enge kei chu ?" ka lo ti leh hmanhmawh.


"I tleirawl lai i ngaihzawng sawi ka tum a mahse keimah ka ni bawk sia" a ti a, amah chu hlim hmel em em hian a nui vur vur.


"Nangmah lo bialpa ka nei ve tawh aw ka pa Jonathan" ka ti leh a, "Tunge Tlanhlua ang deuh i sawi kha mi? Chuvang em ni Tlanhlua hi i biak ziah a ?" a rawn ti a, a tawngdan chu thikna a tel tih ka hre thei. 

MR.EXCELLENT
By ~ Sammy♤

Ch ~ 12


"Nangmah lo bialpa ka nei ve tawh aw ka pa Jonathan" ka ti leh a, "Tunge Tlanhlua ang deuh i sawi kha mi? Chuvang em ni Tlanhlua hi i biak ziah a ?" a rawn ti a, a tawngdan chu thikna a tel tih ka hre thei.

"Ka be ziah lo, nangmah zawk hi i bialnu hlui nen khan ka hmu dun ziah cheu" ka ti leh a.

"I thik em ni ?" a tih chuan "Thik e, ka bialpa in hmeichhe dang a biak chuan ka thik ve bawk ang chu" ka ti leh a, a kut chu ka khal sak niap niap.

Keimah bawk chuan "Mahse ka ngaihtuah thin a, achang chuan ka awih lo thin kan inkar hi. Ka la naupang si a, ka zei lo bawk si, mize ninawm deuh ka la nei zui a, ka tawngthei tel bawk si. I bialnu hlui te nen ka intehkhin lo thei lo" ka ti leh a.

A kut ka khalh sak chuan ka kut chu a hum a, "Chutiang ngaihtuah suh, nangmah chiah hi ka duh em em che tih inhre tawp rawh" tiin ka sam ah a fawp a, ka thaw huai.

Eng eng emaw sawiin kan nui dun hak hak a, dar 10:30 velah a haw a, keipawh ka mu zui nghal a.

Zingah chuan hma taka thoin lehkha ka zir a, ni chhuah hnu in room atangin ka chhuak chauh a.

Ka pi leh Bawihte an nilum aiin pawnah an thu a, ka nu erawhin rawng a bawl thung.

"Thingpui a awm em nu ?" tiin choka ah chuan ka lut a, "Awm e, kha siam sa kha lo in tih lum rawh" a ti a, pawn ka pi te nilum ai nah lamah chuan a chhuak a.

Thingpui ka tih lum lai chuan "Mate puanpho tura ka dah ho kha rawn la chhuak teh" pawn atangin ka nu chuan a rawn ti lang lang a.

Ka thingpui tih lum chu no a thli chhuakin bathroom lama ka nu thawmhnaw pho tur dah chu ka la chhuak a.

In chhunga lut lehin ka thingpui no chu ka la a, pawn nilum ai tur chuan ka chhuak veleh.

"Vawiin chu i room tlemin tihfel angai, i û naktuk lama rawn haw thlak a tum tlat" ka nu chuan thawmhnaw pho pah chuan a ti a.

"In sawirem ang chi tal pawha pasal neih tir ka duh" ka pi chuan a lo ti bawk a.

Ka û rawn haw chhan tur ni a ka rin chu hman kum a a bialpa boral ta vang bawk kha a ni ngei ang.

"Ka nu thin hi i ti awm lo thei lutuk. A la naupang a, pasal neih nan a la tlai hleinem" ka nu chuan a lo ti a.

"Kum 30 a tling tep tawh a upa lo a ni em ni? Nangpawh Bawihte pa nen in inneih kha chuan i la naupan hle kha. Kum upat lutuk hnuah chuan nau pai te a harsat anga ama buaina tur vek. Pasal nei lo a awm tum ngawt te zawng, a tar chhiat huna dammawh hritlan te tawk se a unau te emaw nangni'n in buaipui reng thei dawn lova, tiang atan te hian kawppui te an tha" ka pi chuan a ti leh chhuar chhuar a, ka nu chuan a chhang tawh lem lo.

Chhunah chuan ka room chu ma sizing hlek a, ka û hi hetah a awm tlem avangin room hran hi a nei ve lova, a rawn haw chang chuan ka pi emaw ka room ah emaw a duh zawk zawk na ah a awm ve mai zel.

Mi chimlim tih takah tun tum a rawn haw pawh a thawmhnaw dah na tur drawer a rawn hawn tel leh anga, chung vel hun na tur chuan a ni ka sizing ni.

Ka theihtawp chuan ka ti fai a, bang kil te chu a bal em tih ka en vek bawk.

Ka room ka tihfai chuan ka ti sa sa sa tiin ka nu te room leh ka pi room chu ka hawl fai ve bawk a.

Tlai lamah rawng ka bawl a, Sir Jona nen kan intext pah a, vawiin lamah an leilet lama a kal thu te, sangha a man thu te min hrilh a, a thlalak te min rawn thawn bawk.

"Ka lo leng kawi dawn nia" a rawn tih chuan "Angai lo, i hah dawn sia haw la awm hahdam vat zawk rawh" ka ti a, mahse min reply tawh lo.

Ka bai chhuan chu chawk in lehlama ka alu kan chu ka chawk let nghal a.

"Ehee, leilet lamah i zu tlathla a ni maw ?" ka nu tawng ri a awm a, pawn lam chu hawi ve mah ila bang bak ka hmu lo.

"Mate thingpui kha han siam teh, kurtai nen khan rawn la la Athana nen kan lo in ang" ka nu chuan a rawn ti lang lang a, Sir Jona chu a rawn kal ngei tih ka hre mai.

A hah dawn dawn nen haw ve phawt mai awm ania.

Flash a thingpui kan dah sa chu ka thli chhuak a, ka nu kurtai chhuan em em nen chuan ka chawi chhuak a.

"A va lawmawm dawn ve" ka nu chuan a lo ti mek a, ka va chhuah ve chuan sangha a lo keng a.

"Hei Athana hi pe rawh, sangha te min la rawn pe zui a" tiin sangha nen chuan choka lam a pan a.

"Nu ka bai chhuan kha chawk nghal teh" tiin ka au zui.

"I hah dawn dawn nen" tiin a bulah chuan ka thu thla a, "Ka hmu che a ka hahdam sawng sawng" tiin thingpui chu a in a.

Thingtlangpa ang takin iptepui a ak a, hnathawh pheikhawk sipai tial a tial a bun bawk a, hah hmel deuh hian a thaw hawk hawk a, "Tuivawt te i in duh em ?" ka ti a.

"Duh lo e" tiin thingpui chu a in leh.

"Vawiin enge i lo tih a ?" amah chuan a rawn ti a, "Ka u a rawn haw dawn a, room te ka sizing a" ka ti a.

"I dil sangha te chu an lo tha em. I rawn man haw hlawm ringawt lehnghal" keimah bawk chuan ka ti leh a. Nui suk in "Tha e, kan inneih huna ruai sa atan pawh an hmantlak ang" a ti a, ka nuih let tawp.

Inneih hi a sawi fo reng a, a thiante nupui nei, an fate nen a an leng vel thin hi a awt ve anih ka ring ta ber.

"A thau lutuk mai a saw. Enge in buh thar te a tha em ?" ka nu chuan a rawn ti a, thut ve pah chuan a thingpui no tur chu a la bawk.

"Buh pawh innei maw ?" ka lo ti a.

Sir Jona chuan nui sun sun in "Nei vek ee... Pathian zarah kum dang ang bawk a ni e" a ti a, an thusawi ngaithla zui tawh lo chuan choka lamah chuan ka lut leh a, ka nu tawng lang lang chu ka hre pha reng a, Sir Jona tawng erawh ka hre lo.

Ka chawhmeh siam chu ka nu'n a lo suan vek tawh a, Sir Jona sangha pek chu a chhum nghal niawm tak bawk a ni.

Sangha Dil an nei a, buh an thar bawk a, ka va hre lo em em ve. Tlangram huan an neih tel te ania ka rin ni.

Hmarchapui chu rawt turin ka kang vuai a, ka nu in "A lawmawm lutuk, anih chaw ei tui aw" a tih ri chu ka hria, Sir Jona chu a haw dawn a ni ang.

Rei lo ah ka nu chu a rawn lut reng a, "A va han tih chi tak em" tiin intihtheih hmel zet in a sangha chhum chu a rawn en a.
"A tawi dawn bawk sia maw" tiin a'n chawk let vel a.

"Athana hi chu e ka va han duh chiang tak. Kan vanglai chu ni se i chang lo ang maw le" a ti a, ka en tawp.

Ka nu hian tha hi a ti chiang em asin, hei vang hi nia a lo len pawn a lo en vung vung zel ni.

Zanriah kan kil laiin ka u in a rawn call a, video call in.

Ka nu chuan kan chaw ei lai vel chu a hmuh a, cooker chu dawhkana hung in cooker nghen chhan chuan phone a tung a, "Sangha kan hmeh" tiin Bawihte chuan ka u chu a sangha ei chu a hmuh a. A changchhiatthlak ka tih avangin ka off ta daih.

Chaw ei kham hmun te ka tihfel hnuah ka phone ka khawih a, Sir Jona nen bawk intext pahin ig ah ka lut a, ka lut khât bawk a, post a tam khawp mai.

*Lehkha zir rawh* min rawn ti a,
*Zanin chu phone ka khawih ve lawk dawn* tiin ka reply thung.

*Angai lo, lerhna bul anih kha. I zir dawn loh chuan ka rawn leng dawn* a ti leh a.

*ka zir dawn, mu mai mai rawh. Rawn reply tawh suh data ka off nghal dawn* tiin ka reply a, a in deliver rual chuan WhatsApp airplane mode ka on nghal.

A rawn len chuan vawiin lamah a hah ve tho si a, mu hma zawk rawh se.

Ig ah pawh active status chu ka off daih a, ig ah ka online tih a hriat leh si chuan ka chan chi chhe tak tur a ni.

Reels en in thuttlengah chuan ka mu a, "Lehkha zir ta che" ka nu chuan min lo ti.

"A la hma" tiin ka en zel a, ka nu tepawh thenawmah damlo kan paha leng turin an chhuak zui a.

Ka inrin hmaa ka chala min rawn pen tu vang chuan tho chhuak zawk in "A va na ve Ka pa...." ka sawi zo lo. Sir Jona hmel hmuh ka inrin nen Josepha nui vur vur hmel ka hmu daih.

"Lehkha zir ta che" rawn thut pah chuan a ti a, "Ka zir char char, ka zir loh lai i rawn hmu mai mai" ka ti a.
"Engtik in nge i rawn haw a, exam dawn dawn ah" ka ti a.

"Exam te chu thlakhat a la awm alawm. Ka rawn chawl zuai anih hi" a ti a, "Tu emaw i ngai a ni lo maw ?" ka tih chuan "Ti awm ang lo thei e" a rawn ti nghal a, "Ehhh, tunge ka sawi a'n hre nghal a" tiin ka chhaih a.

"I ninawm, ka haw dawn" tihpahin a tho thurh a, "La haw lo ang" tiin a kawrah ka pawt a. Kawngkapui lam atangin hrawk thian kharh ri a rawn awm a, Sir Jona chu a kut a eng eng emaw khaiin a lo ding reng.

Josepha ka vawn na chu ka thlah a, Sir Jona chu ngaihnobei lo zeta Josepha melhin ka thutna lam a rawn pan phei a. Ka bulah rawn thuin ka kut a rawn vuan nghal chawt.

Josepha chuan a hrethiam a ni ang "Tak tak in ka va phei teh ang. Ka nu'n kuhva lei turin min tira ka rawn lut kawi mai mai" tiin rang lutuk a chhuak a, Sir Jona lam chu hawiin ka nuihtlawn a. Mahse ka kut min vawn na chu thlahin a thu hla det.

"Tinge i lo kal duh a, mu hahdam mai mai ta che" tiin ka thut hnaih a.

"Rawn kal lo ila chuan enge thleng ang pawh i hria mi ?" a ti hmuk a, a titau ve emaw ni.

"Hria e, lehkha ka zir ang" tiin a kut chu ka vawn sak a.

"I zir loh kha, mipa anih kha i lo biak", a ti leh hmuk ah chuan ka nui hak a.

"Ka zir char char a, ka zir loh lai takin i lo kal anih hi. I thik em ni ?" ka ti a, "Thik lo thik lo" a ti leh hmuk.

"Anih chuan tinge i tum bur a ?" ka ti a, "Lo leng suh min tia, mipa dang chu an lo leng leh tho a" a ti a, a va han naupangchhia tak!

"A nu in kuhva lei turin a tir a, a rawn lut kawi lawk anih kha. Lak kawih i tum ve hrim hrim" tiin a kut chu ka khal a.

"Mi khawih mi khawih suh" tiin ka kut chu a thingsawn a, ka melh nghal hra.

"Aw le, ka pa Jonathan. Ka khawih i duh lo a, i first love faten an kaih che kha chu i duh tho a" tia kut kuangkuah in ka thut hlat deuh a.

"Enge maw i sawi ve niap niap le? Tu fa mah ka kai love" lo ti ve bawk.

"A ni maw ka pa Jonathan" a lam hawiin ka ti fan raih a, a chal ti chuar nang in a chek tlak tlak.

"Thil hi hre lo bik pawh ka ni lo" ka ti leh hmuk a. Ni e, a bialnu hmasa ber fanu a pawm lai te kha ka hmu ve vek, engmah ka sawi buai duh lo mai mai zawk a.

"I hriat chu sawi teh, ka hre ve chak" tiin min rawn thut hnaih a.

"Min rawn hnaih suh, ka hriat apiang i hriat ve zel zel a ngai lo" tiin ka tawlh sawn leh a.

"Khawmaw i kut chu a na mi? A pilh em i thinrimpui sia ka lo en chhin" a tih chuan ngei lutuk in ka melh a, tunah tak hian ka beng hawisawk chak. 

MR.EXCELLENT
By ~ Sammy♤

Ch ~ 13



"I hriat chu sawi teh, ka hre ve chak" tiin min rawn thut hnaih a.


"Min rawn hnaih suh, ka hriat apiang i hriat ve zel zel a ngai lo" tiin ka tawlh sawn leh a.


"Khawmaw i kut chu a na mi? A pilh em i thinrimpui sia ka lo en chhin" a tih chuan ngei lutuk in ka melh a, tunah tak hian ka beng hawisawk chak.


"Min beng leh chak tawh em ni?" ka rilru hria niawm tak chuan a rawn ti a.


"Aw, ka beng hawisawk chak che. I bialnu hlui te chanchin sawi tawh suh ang che" ka ti a.


"Aih ka hmui hi charh phuih loh chuan ka sawi zel dawn" tiin a hmui chu a ti pawrh tar a.


A biangah chuan dawm in ka han chuks zeuh a, "Tikhan ngawi hmak ang che" tiin ka inlahrang nghal a, a ruk tak chuan ka zak.


Min la fawp miah lo a, keimah zawkin a hmuiah ka chuk hmasa zawk bawk sia, a zahthlak.


"Kha chuan a sir bak a ti phui lo" tiin ka biang dawmin amah en turin min kuai her a, a rawn awn hnaih telh telh avang chuan ka mit ka chhing tawp.


Min fawp ta ngei e.


A hmui chu a nem nel thep a, mahse a dai diak.


Ka zei em em lo a, a hmui in ka hmui a rawn tihdan dan chuan ka lo dawh tawp.


Rei ngial kan infawh ve hnu chuan kan inlahrang a, a âwmah a hmai ka phum nghal daih.


A nui suk a, kei ka zah a zual thung.


"Ka la chhangchhe dawn chauh anih hi" tiin ka hnung a beng thek thek a.


Ngawi reng in engmah sawi lo chuan kan inkuah ta reng.


.................


"AuNunui lo thleng" tiin Bawihtea chu a rak chûl a.


Ka û chu a rawn chuan thlakna  Jeep atang chuan a rawn chhuak a. Jeep lah chu a la mawi em em zui.


Tlangval hmeltha deuh hi a rawn chhuak tel bawk a. Ka û chu a bia a, kawngkhar bula ding ka nih vangin enge an sawi ka hre lo thung.


"Khata ding reng lo khan an bungrua te va chhawk ta che" ti chungin ka nu chuan min kal pel fua a. Ka û te pahnih chu a va be luam a, a thianpa hming te chu a zawt niin ka hria.


Ka nu chuan an bag te chu khai puiin an rawn phei a, ka û thianpa chuan ka sawi lawk tawh ang ngeiin drawer bawm chu a rawn chawi phei bawk a.


"Thingpui va lum rawh" ka nu chuan a ti a.


"A ngai lo Mate, kan rawn puar haw lutuk" ka û chuan a lo ti vat.


"Inchung room ah kha ka lo ti fai tawp a" ka nu chuan a ti a, ka lo en reng tawp.


Inchungah room pahnih a awm ve a, mahse kan hmang ngai miah lo. Engtik laiin nge a tihfai hman ni.


"A pawi lo, a awm thei vek. Tiraw Adrian ?" tiin ka u chuan a rawn haw pui pa chu a melh zauh a.


"Imm, ka awm thei vek" Adriana chuan nui chungin aw thum bel bul hian a ti a, a vawikhat tawng atang chuan ka û bialpa a ni tih ka hre nghal thei.


Bialpa a nei tha hle mai, a chhiat kir ker reuh nen. Lawks, ka û in bialpa a nei maw? Ka thil ngaihtuah avang chuan ka meng zau kâwk a. Adrian an ka û melh chhuk run a a nui sun sun chu ka hmu.


"Mate Adriana hi han inrempui la, room i ti fai tiraw ?" ka û a ti a, tawngka pawha chhang lo chuan ka lu ka bu nghat nghat.


Adriana bag pakhat chu khaiin inchung lamah chuan ka chhoh pui a.


Room hmasa zawkah chuan ka lut thawr a, a tihfai a lo la ni lo zui.


"Aaa hei hi a ni leh lo" tiin ka chhuak leh a, a lehlam room chu ka en a, heichu a ni tawh e.


Roomah chuan lut in bag chu ka dah a, "I room tur hi a nuam dawn teh ania. Zanah pawh a chhuah ruk theih, hei helai atang hian" tiin thlanglam tukverh chu ka hawng a, ka hawithla vang vang.


"Chhuah ruk na atan chuan a den mah mah lo maw ?" nui chungin a rawn ti ve a.


"Nia, a den tawh nih hi. Kan naupan lai chuan kan chhuak ru thin. Chuan helai hi bathroom ania" tiin bathroom te chu ka kawh hmuh a.


"I thawmhnaw thlehna tur drawer pawh a awm. Thleh pui i duh em...?" ka ti nghal zat a.


"I û nen chuan in ang lo hle mai maw" a ti daih a, "Nia, kan chhang pawh a khât alawm. Inneih in tum em ?" ka sawi zawh rual chuan ka lei ka chhuah tut a,  ka hmui chu sih hlawk ka chak. Tawng insum thei lo lutuk, hetiang ka rilru a awm sawichhuah ka ching hi sim tur thei turin dil char char a ngai.


A nui suk a, nuam lo ka ti chuan "Eng lo ania, ka sawi tum pawh a ni lo" ka ti niah niah a.


"A pawi lo, i û in mizia min hrilh tawh.  Hei i pi lung ka tih awi chuan inneih ngei chu kan tum ania aw" tiin a nui leh a.


"Anih ka zuk chhuk phawt ang aw, tikhan chawl hahdam la" ka ti a, min chhan hma in ka chhuak daih.


Room ah ka zuk lut a, ka û chuan a drawer chu a lo rem khawm mek.


"Khi pa khi i bialpa a ni tak tak em ni ?" ka ti thawr a.


"I tawng ring si, i sawi a lo hrepha ange ?" a ti a, zawi te in "Nei ngei ngei ang che" ka ti leh.


"A fel hmel sia, a pa bawk si" ka ti leh a. Ka û chu a nui hak a, "I star em ni ?" a tih chuan "Awm ang lo thei e. Ani ai tha ka nei" ka ti vak.


Ni, Adriana ai chuan Sir Jona a la tha lehchhawng.


"Hmm, ve ngei a. Phone a min rawn hrilh in Sir. Jona kha em ni ?" a ti a, "Thil te hi i hre lo sia Hmmh. Sir Jona chauh a ni tawh lo. Kan inzui na rei tawh" uar fahran chuan Sir Jona chu ka fak zui a. Hui papa rawn hawi chhuakin a kutzungpui pahnih chu a rawn ti pir va a "Congratulations" tiin a then tha.


"I hmelchhiat teh reng nen hian engtin nge U Arians khian a duh che a" a rawn then hmelchhe lutuk avang chuan ka ti a, a bag atanga a thawmhnaw phawrh chhuah pahin "Min thik em ni ?" te chu la ti zui.


"A awm ang lo thei ee.... Bialpa i nei bawk sia, anih U Tetea  kha....??" ka ti fan raih a. Mahse tun tum chu nidang ang lo takin mittui tla miah lo in min chhang.


"Ani chu a kal tawh a, lo let thei tawh lo na na na chu ka thinlunga ka riah tir reng a tul hleinem. Tuna ka awmdanah a lungawi lo viau a lo nih tak leh pialral kawngkharah kan inchhuahchhal tawh mai aniang chu"


U Tetea chu ka û bialpa hmasa ber ania, U Adriana a bialpa anih ka rin sa nachhan pawh a âw thum pa lutuk vang kha a ni.


U Tete chuan sual rawng bawl ve in zu in atangin damdawi inchiu chi ah a lut chho a, ka û hian a hmangaih em a chuti chung chuan a thlathlam duh lo a, ka u vanga tihtak zeta nghei a tum ta a, a nghei kim thei tep tawh tihah 'a suffer hmel ka hmu thei lo' tiin amah hringtunu ngeiin a lo pe leh a, chu chu zo lo in OD in a boral ta a ni.


U Tetea boral hnu atang hian ka û hian mipa dang a hnaih leh kan hre lova, chuvang ania ka pi pawh khan sawirem pawn pasal neih tir tur a tih nachhan. Mahse hei khawilai tlangval  hmeltha a rawn thur chhuak nawlh a, tha  phian mai.


Zanriah kan ei lai chuan ka pi chuan U Adriana chu thil a'n zawt uluk khawp a.


Ka rin dan chiahin DGP (Director-General of Police)  a ni bawk, khatiang em em a Jeep mawi a neih vang hrim hrim pawh khan eng officer emaw nih kha chu a phu ve hrim hrim!


Zan lehkha zir hma in Sir Jona nen kan inbia a, naupang in leng an nei nge a bengchheng khawp mai.


"Vawiin i hah em? I û te chu an lo haw em ni ?" a tih chuan "Aw haw a, thianpa chhelo deuh a rawn nei haw" ka ti a.


"Keimah aiin maw ?" a rawn ti.


"Nang ai chuan tha lo e, officer ania...." uar fahran chuan U Adriana chu ka fak zui a, "Athana lo pawm lawk mai teh a" a bialnu hmasa ber rawn nuthlawi ta aw ka hriat chuan ka thusawi chu ka tawp chat a.


"Va nuam awm ve" ka ti nghal hmuk.


"Thinrim nghal lo la, an rawn leng ve mai mai anih hi" engmah pha eih lo in a rawn tih chuan ka thinrim phah vek in ka hria.


Hmeichhia ka nia, ka thîk ve bawk ang chu. A bialnu hlui a lo duh em em thin an in ah a leng a, a fa te a la pawm sak zui.


"Tinge i ngawih daih, i thinrim lo tiraw ?" a rawn tih chuan "Thinrim lo eeee..... lehkha ka'n zir tawh nge aw ka pa Jonathan" ka ti fan raih a, ka dah nghal hmak.


Min lo call let ringin ka chang deuh a, mahse min rawn call let miah lo.


Ka lehkha zirna dawhkana ka lehkhabu dah chu ka en reng a, ka thil chhiar pawh chu ka rilru ah a lut thei lo.


A rawn call leh emaw min rawn text leh tal ka ring ania. Mahse a rawn ti miah lo.


A bialnu hmasa ber fa awm in a buai mek aniang.


Naute a lawm ve sia, a'n chhaih nui anga, a bula a nupui ang tawka a bialnu hlui lo thu ve tur ka hmuh te chuan ka thin chu a sa vek in ka hria.


Mahni leh mahni chu ka intithinrim a ni ber.


Lehkha zir pawh ngaihsak lo chuan ka mu a, a thlalak chu en in ka tawng char char.


Call leh kha chu ka duh tawh bik bawk si lo, khumah chuan muin ka ke ka leng chiam ringawt zel a, tunah hian ka thinrimna hrikthlakna tur ka duh.


Tho thurhin pawnah ka chhuak a, "Khawnge i kal dawn?" ka û in a lo tih chuan dawra ka kal lawk tur thu sawiin ka chhuak a.


Ka hmuh remchan ber kan inhma deuha theihai kung la lian vak lo chu ka pan a, a zar lian vak lo pakhat chu uaiin a hnah te chu ka pawt thla pawp pawp.


Sir Jona anga ngaiin "Tenawm pa, i bialnu hlui chu i va ngai awm ve" tiin a kuai tliak rawp a.


A dang chu kuai leh in "Ka ngaidam mai mai dawn lo che" tiin a kung te chu ka beng a, ka kick bawk a. Mahse ka duh aia ka lo kick nat avangin ka ke chu na tiin ka dawm vat a.


"Min khawih let ve maw? I va zak lo ve" tiin pawr tulh tulh in a zar dang chu ka kuai tliak leh a.


Ka kut leh ka ke ka tihnat em em hnu chuan in ah ka lut leh a, ka thaw a sa vek.


Ka û te chu nuih insum tih hriat taka min melhin an khi thaw a, kei la pawr chuan "Enge !??" Ka ti vak a, roomah chuan lut in kawngka chu ka khar ri bur.


Ka thawmhnaw chu hlip in bathroom ka lut a, mahse tui ka deh chuan ka kut leh ke chu a thip sep sep mai.


Inbual zo vatin ka chhuak a, light eng a ka in enchian chuan ka kut chu a pilh nual a, ka ke pawh chuti tho.


Inthlak vat in damdawi ka hnawih a, Jona-a vang vek, vawikhat min rawn call a har loh tehreng nen min rawn call ve zawk mai se.


Theih se, thah daih ka duh. Buaina a tam, a luck bawk si. Kan inneih vat lo a nih phei chuan ka chang lo takngial dawn.


MR.EXCELLENT
By ~ 14


Theih se, thah daih ka duh. Buaina a tam, a luck bawk si. Kan inneih vat lo a nih phei chuan ka chang lo takngial dawn.


Khumah chuan ka let thla leh a, tun tum chu ka mu mai mai tawh.


Ngaihtuah pawh ka nei thei tawh lo, an awmdan vel tur chu ka ngaihtuah kim vel vek tawh.


Hmeichhe dang ni se tiang em em hian ka thik angem ka hre lova, mahse a bialnu hlui nen kher, an inkawp laia a lo duh em em thin nen kher a ni zui a.


Hmmmh, a nu in a duh dawn bik lo!


WhatsApp ah leh Ig ah chuan ka online kawp a, Sir Jona message chu rawn lut chiah.


"Lehkha i zir lo em ni ?" tih a ni a, mahse reply lo in ka seen ringawt a, a message dang rawn lut leh ho chu seen pawh ka seen tawh lo.


Kan thianho group ah chuan ka va rak a, lehkha an zir bik lo tih hriat takin an rawn tawng leh zawt zawt hlawm a.


An hming ka save dan chu thlak vek in chat chu ka screenshot a, Sir Jona hide in status ah ka hmang a, anau phone atangin a hmu leh dawn tih ka chiang emai.


Reels en in Ig ah chuan ka online ta daih a, rei loah ka û pawh rawn lut.


"Kan tha maw ?" rawn mut pah chuan a ti a, "I ha te hi nawt ve phawt zel rawh" ka lo ti.


"A fai vek tawh" tiin min rawn thawk khum a, "A uih" tia ka hnar ka lo hup chu ka chalah a kuk fawk.


"Mi kutthlak te i ching ve tawh a hmmh" ka ti a, "Enge buaina deuh te a awm em ni?" a ni thawr a, "Eng buaina ?" ka lo ti let hlauh.


"Theihai kung te kha i va tawng nasa sia" a rawn tih chuan ka zak ru chem chem.


"Min lo enthla law ??" ka ti vak a, "U Adrian an a hmu ve em ?" ka tih zawmzat.


"Aih, ka lo enzui che a" a ti leh mai a, "A that chu, a zahthlak dan a zia. Mahse engvangin nge min lo en a" ka ti leh a.


"Tihian nakina i sawipui leh atan" tiin a mut dan chu a siam rem sauh sauh a.


"Sawi rawh le, Athana nen chuan engtin nge....?" a ti a, ka ngawi rauh rauh. Sawi tan dan tur pawh ka hre lo.


"Aaa.... a bialnu hlui nen an inbia a, inbia ti ila a bialnu kha an inah a leng a, a naute te kha a pawm sak vel a" ka ti a, ka aw ki chu a naupangchhia lek lek.


"Chuan...." a tih chuan "Chuan a awm tawh lo, eng ni vak ang ka thinrim call pawh min rawn call duh lo a, 'Thinrim suh dededei' a la rawn ti zui a" ka tawng hmasak ang lo takin ka ti vak a, kan chhungte dang an mu tawh tih ka hriat avang chuan ka lei ka chhuah tet.


"Ahma in buaina in nei mi ?" a ti leh a, ka chhan hma chuan ka phone a rawn ri a, Sir Jona ngei chu a lo ni tawh a, mahse ka dah hmak. Ka status vang mai mai in min rawn call anih kha.


"Ahma leh tunah pawh a bialnu hlui te bawk. I hriat ve tho chu ka ring a, a bialnu hlui te kha a duh em kha...." ka ti hliai a. Diktak chuan ka hlauthawng ve tho lawm, Loryi sawi 'duh tak tak se a nu engatanmah a ngai lo ang' a tih kha ka hrechhuak a. Ni, duh se ama tawngkam atakah a nu nupui tur a ni dawn hleinem a.


"Lungngai suh, a bialnu hluite chu a hmangaih tawh lo ang...." ka û a rawn tih leh chuan "Chu chu enge a awmzia, hmangaih tawh lo ang tihte chu, keichu ka hmangaih che pawh min la ti lo. Hmangaih pakhat chauh kan nei thin" ka ti a.


"Aww ka naute, i la nau deuh a ni" tiin a ban leh bawp lehlam ve ve chuan min rawn khan a.


"Hmangaih hi duh duh zat a neih theih. Mahse kan hmangaih apiang te hi kan tana khuanu ruat an ni vek kher lo a, kan tana khuanu ruat pawh kan hmangaih an ni kher lo"


"Hmangaihna diktak in lo inhmangaih in lo inthlah thei ta lo se" ka tih leh chuan "Hmangaihna dik chu eng nge?? Hmangaihna dik ber a awm thei hleinem. Lalhmingliana Saiawi chuan 'Mi tupawh in mi hmangaih se la, a chhan engvang pawhin ni se; chu a hmangaihna chuan damchhung a daih chuan hmangaihna dik a ni mai' a ti a. Tuna a bialnu hlui hi hmangaihna tak tak in hmangaih se Ruatpuii kha a kawp leh miah lo ang. Chutiang zel in Ruatpuii kha hmangaih ni se nang a kawp leh miah chuang lo ang che" a rawn ti dap dap a.


"Mahse induh khum chu a phu ve hrim hrim aw, enge a bialnu hlui chu a biak fo nachhan. Hrem chu a phu, Adrian hi chuan ka hriatah hmeichhe dang a be khât hle. Pawimawh thila a bia anih pawn min hrilh thlap zel"  a ti a, "Min insawitheih khum kher suh, in inthen leh maithei" ka ti a, mahse U Adrian an 'neih ngei chu ka tum' a tih kha ka hrechhuak.


"Muhil rawh, lehkha i zir miah lo lehnghal a. Hun a uiawm mut na hmang rawh" ka û chuan a ti a, ka phone ka en leh zawk a, silent a ka dah tak avang khan a rawn ri lo hrim hrim a, mahse misses call chu tam ngang mai.


A message te pawh chu en lo in phone chu ka off a ka mu zui hmak.


Zing hma tâwk a tho in ka intifai a, zai rat rat in thingpui ka lum a. A vawt reuh sia, an lo thawh huna a lum deuh nan heater te ka lo an sak a.


Rei loah ka nu a rawn tho a, kaihthawh ngai lova ka tho hma a hmuh chuan "I mang lam a tha deuh a ni maw ?" a ti a, "Lehkha zir ka duh a" ka ti tha mai.


Ka û a rawn tho a, midang pawh an rawn tho a, kei room ah lehkha zir turin ka lut ta daih.


Nizana ka û sawi kha ka ngaihtuah a, rilru hah nachhan tur ka nei lo. Tha takin lehkha hi zir ila a tha a ni mai.


"Mate field ah excer kan la dawn. Kan zu tlan kual teh ang" ka û chuan room a rawn lut in a rawn ti a.


"Nia zu kal rawh u, mahde U Adriana kha veng tha la" ka ti zeuh.


"Lo kal ve la" a tih chuan lehkha ka zir duh zawk thu in ka chhang.


Nilengin lehkha ka zir ti ila ka sawi sual lo ang. Sir Jona ngaihtuahna hun ka insiam lo hrim hrim.


Ka la thiam loh te leh hun kan neih zat te chu ka en a, ka tang hle loh chuan fail thei reng ka ni.


.......................


Lehkha ka zir char char!


Hun awl insiam miah lo in, ka zir ti ila dawt ka sawi miah lo ang. Kar 3 huntha a la awm a, tang tak ka ni.


Sir Jona chu zirtawp zan apiangin a lo leng thin na a, a hma angin kan inpawh loh riau bakah lehkha ka zir ka duh vangin ka haw hma tir thin a. Ka lehkha zir tihbuai a in hlau ve tho si nen mawlh tu nei tun ang mai hian a haw thin.


A lo len apiang erawhin a text leh call chhang turin min ti ziah a, phone ka khawih tawh ngai lo thu in ka chhang thin thung.


Ni e, a awm nuam tur chu a ni bik lo. A lo len chang leh min hmuh changin Tlanhlua nen emaw U Adriana emaw midang nen min hmu ziah a, ngaihtha tur chu a ni bik miah lo.



SIR JONA POV'S.


A û rawn haw thu leh a thianpa nen an nih thu te, a û tan chuan a duhpui thu a sawi lai chuan Ramengi chuan "Athan lo pawm lawk teh" tiin a  nau chu min rawn pe a.


"A va nuam awm ve ?" a rawn ti nghal hmuk.


"Thinrim lo la, an lo leng mai mai anih hi" ka tih chuan a ngawi ta daih a.


"Tinge i ngawi daih, i thinrim lo tiraw ?" Ka tih chuan ka tawngkam ngei lutuk dan in "Thinrim lo e, lehkha ka'n zir tawh nge aw ka pa Jonathan"  a ti fan raih a, a dah nghal hmak.


Call let ka tum zet na lehkha a zir duh chuan ka ti buai mai mai awm si a, tiin text ka tum a, mahse ka nau pawn chuan venthawn nei miah lo in min zung khum dur dur.


"Eee i nau hi, a tha lo tawp mai" tiin Ramengi chu ka pe a, lo leng fo lo se ka duh. Mahse ka nu zek zawk hian lo sawm ziah.


"Naute ania engmah a la hre hleinem" ka nu chuan a lo ti vat a. Room ah lut in ka kekawr chu thlak mai ka tum a, mahse a zung hnem phian mai ka underwear thlengin a huh vek.


Phun hlukin ka inbual a, tuilum tawkah inchiahin ka awm veng veng.


Tlangval mah ni ila tun ang thlasikah chuan tuivawtin ka inbual ngam bik hleinem a.


Ruth-i nena kan awmdan zel tur te ka ngaihtuah a, class 12 a exam zawh hunah palai tirh chu ka tumdan a ni.


Amahin ruahmanna, college emaw thil dang zir a tum emaw a neih ka hre lo a, mahse neih ngei chu ka tum ruh bur.


Tleirawl te mah nise ka duh a, ka nu chuan lo duh lo eng ang mah se ka nei dawn tho.


A buaithlak ber thin erawh duh ai chuan a la puitlin lo hi a ni. Aaaa.... ka duh tho. Engtin pawn awm se, a mize naupangchhia lek lek te hi peih lo zawk se, ti hian dawn titamtu ah.


Ka inbual zawh chuan ka inthlak felfai a, Ruth-i chu text leh ka tum zet a mahse a lehkha zir laklawh lai anih chuan ka tih buai hlauin ka text leh ta lo.


Chanchinthar ka la en loh ho chu en in ka thu kar a, Ramengi te nufa pawh an haw tawh.


WhatsApp a Ruth-i online ka hmuh chuan ka text a, a hmasa ber chu a seen a, mahse min reply lo.


Ka message dang chu a seen lo a, mahse a online reng tho. Amah a ni lo zawk emaw ni aw ka ti deuh.


"In intithiam lo a ni maw ?" Rokima chuan a rawn ti a, ka lo hre mai lo.


A phone ka hmai zawna a rawn dah chuan ka en a, Ruth-i status group a mipa nena an rak vel na a ni.


"Inrunluih stage hmachhawn vel mek" Rohlua chuan a lo ti.


A status chu ka zawng a, mahse a status ka hmu ve miah lo.


"A hide che nih kha" Rohlua chuan a ti a, ka chal ka ti chuar nang. "Mipa a hmang sia a hide che nih kha" a tih chuan ka hrethiam ta deuh.


Ka call a, mahse a busy hmak. Ka call nawn tluk tluk a, a vawikhatmah a la lo.


Ka text ax chupawh reply chu sawi loh seen pawh a seen lo.


Beidawngin ka phone chu ka dah a, Ramengi te nufa chu a haw viau em ni? Thik lo tur khan kan inhrilh chiang viau tawh a, nge maw hmeichhia hi an thîkthu chhiat em em.

"Tleirawl â a la ni zawk a, nuthlawi han ngaizawng ve teh. I bialnu hlui nen tihpalh thil thua kawnga in intawh pawn i bialnu hlui kha a trim hrep mai ang" Rohlua chuan a rawn ti a, heipawh mi lerh an sawi ang tak hian kawi tinah ngawihzawng a hung a ni tawp.


"Naktuk velah chuan pangngai veleh mai ang, naupang dan alawm" Rohlua chuan a ti liam leh puat a, Ruth-i intih puitlin ve tawh zia lah hre bawk si lo.


A huat laklawh chuan a haw reng anga, exam boruak nen lehkha te a zir that theihloh phah a ngem aww...

................


Ka text leh call a chhang tawh ngai miah lo a, a thinrim hle a ni ang.


Vawikhat Tlanhlua nena ka hmuh dun erawhin ka lungawi tehchiam bik lo.


An in ka len zanin sawichhuah ka tum zet a, mahse engmah sawi loh chu a tha zawk a ka hriat avangin ka ngawi  ta rih.

MR.EXCELLENT
By ~ Sammy♤


Ch ~ 15


An in ka len zanin sawichhuah ka tum zet a, mahse engmah sawi loh chu a tha zawk a ka hriat avangin ka ngawi  ta rih.


An exam chu a hnai telh telh a, an in a ka len pawhin a lehkha zir ka veng a ni ber.


Eitur leh viatmins te ka leisak a, a exam tur chu ka theihtawpin ka tawiawm ve a, mahse a lehkha zir nasa lutuk vang nge min la be tha duh chuang der lo.


Rohlu an 'vai ho chuan exam dawnah an fate sangha an ei tir thin a, chu chuan thluak a ti chak duh e an tia' ti a min hrilh avangin dil sangha te ka zu man leh lawp lawp bawk a. Chutianga khawpa ngaihsak leh an in a kai tam na na na chu miin an lo hre lo thei lova, ka nu beng pawh a thleng ve ngei.


Mahse ka rin loh tak maiin kan inkawp tak tak leh tak tak loh min zawt a, a duh loh thu emaw bansan tura min tihna thu a chhuah lo. Ni e, a fapa hi ngaihzawng thlak kual reng turin ka upa tawh lutuk tih hi a hrethiam ve tawh a ni ngei ang.

............


December kan chuangkai a, boruak pawh a Christmas tawh hle a. Ruth-i ten exam an nei mek bawk.


A tang lutuk a, vawikhat phei chu a tlu tawp a, kan hauh rawn luai luai hnu chuan a inthlahdul ve ta deuh.


Kan pahnih chauha kan awm laiin thil ka sawi pui a, a hma ang bawkin a rul tawk te te in min chhang tho.


"A vaiin i chhang vek thin em ?" ka tih chuan "A vai a chhan chu a har khawp mai" a ti duh lek a. Mahse dawhthei takin amah ang rual ka nih laia lehkha zir ka nin avanga ka tum bur thin te kha ka hrechhuak a, zai ngai zelin ka bia a.


"Kan thiam loh a chhuah pawn kan thiam ang kha ziah hmak zel tur, chawina a ni lova, paper kan check hian a hma lam leh a hung lam kan check uluk a, an chhan that hi chuan kan duhtawk thin ania" ka ti dap dap a, "Imm" tihtawpin min chhang leh.


"Tang ulh lutuk suh, i fail pawn a pawi miah lo ania" ka tih leh chuan min rawn en ve a.


"Ka fail chuan ka beinawn dawn a, i upa rei mai mai" a ti a, ka khi suk.


"Sawichhuah loh hi chu ka duh
viau a, mahse i bialnu hluite nen a hmuh dun thin cheu hi chu nuam thin lo lawm" a ti a, min ngaihsak hmel pawh pu lo in hmun dang a en daih.


"Ka sawi chian tawh em kha, anni chu engatanmah ka ti lo. Ka tleirawl lai tak tak ami te an ni a. Kum upat tawh sam pawh tuak dawn tawh lama ka bialnu hi ka kalsan phal che i inring em ni...?" ka tih chuan min en vang vang a, "A lo nih tak chu Ka pa Jonathan" a ti fan raih a, a la lungawi lo hle tih ka hre mai.


"Tikhan thu la, i duh duh hunah i haw dawn nia" tiin lehkha a chhiar zawm a, ngawi rengin ka lo en ve ringawt.


.................



Exam an zo ta.


Exam an zawh zan chuan len ka tum a, mahse leng lo turin min ti tlat a. An in an thianhoa exam zawh lawm an tum thu a sawi.


"Engmah ka ti buai dawn lo cheu" ka tih tlat avangin len chu a phal hram a.


A tirah chuan Adriana leh a û nen chuan kan inkawm khawm a, mahse a û te chu an lengchhuak veleh daih.


A thiante rawn kal hma chuan kan awmdan vel chu sawipui leh ka'n tum a. Inneih ka sawi dawn chuan thudang a sawi ta zel mai.


Rei tawh kan awm hma chuan a thiante an rawn thleng a, mipa pathum vel an tel ve a, Tlanhlua chu tel ve bawk.


Ka awm ve tih an hriat chuan an ti deuh hlawm niin ka hria. Choka lamah an phei diak a, an rak ri niah niah hlawm.


Ruth-i chu a rawn phei a, "Heivang hi nia lo leng lo mai rawh ka tih. I awm ve chuan nuam lo an tia" a rawn ti a.


"Ramhuai ka nih loh hi, ka hlauhawm loh" ka ti ve hmak.


"Mahse teacher te i ni ve a...." a tih leh chuan "Venthawn ka ngai lo, ka hmu lo der thei che u" ka ti leh a, haw mai mai chu ka tum bik miah lo.


Sawm chu an tling ve ang, an zi nuai nuai mai. Ruth-i chhungte dang hi an zin hlauh a, a vanneihthlak.


Sitting room lamah chuan rawn pheiin an lam vel a.


Reels an ti emaw tiang ang te chu an tiin ka hria.


Ruth-i pawh chu a nui bawk bawk a, a lam vei zawr zawr.


A lam chu a thiam lo hran lo, mahse an mawng an han ti poh leh an awmbawr an han eu pawng belh thin chuan ka mit a ti kham riau.


"Sir thla la ve ang" Puipuii chuan a rawn ti a. An thianho chuan thla min rawn lakpui ve vawk a.


Mahse midangin chutia thla min rawn lakpui vek avang chuan Tlanhlu nen kher chuan Ruth-i chu an lam a, kut te an inkaih sak nia maw le.


"Sir lo en rawh" an tih ve chhen zel avang chuan camera lam chu ka hawi zeuh zel a. Mahse Ruth-i te lam chu ka en reng.


A kawng te a dawm sak!


"Hey!!" ka ti thut a, an vai chuan min en thap.


Ka inthlahrung leh deuh si chuan "Aaa lam lam kha chu duhtawk teh u. Zai lam han ti ve teh u" ka ti ringawt a, "Nia.... Tlanhlua hi a zaithiam lutuk asin" Mimi in a rawn ti chhuak a, ka thusawi ber kher chu ka inchhir lehnghal.


Track play in Tlanhlua chu an zai tir a, an sak tir berkher lah chu Spi te nupa sak chhawn 'Ka Hmangaih Che' tih a la ni zui.


A hmeichhe part ah pawh chuan a sa vek dawn emaw ka tih laiin Ruth-i chuan a rawn zawm a "Hrilh thiam a har ka ti valmawi, duhluat vang che hian em ni rin har ka ti biahthu di min hlan hi....." a rawn ti ve a, ka ding hluai a, kut phar meuhin "A tawk e, a tawk e. In zai thiam lutuk" tiin keimah chuan za lo tawka nuiin ka kut ka beng a, mak tih hmel zetin min en hra hlawm.


Loryi chuan nui ruh ruh chung hian "Ni e, a tawk. Teacher hmaa love sang sak ala te kha in zak lo mi ?" a rawn ti a, min mitmei zeuh. He nau hi chu awww..... a fing a ni. Fa ka neih hunah pawh hming ka phuah tir ve khawp ang.


"Kan thil siam ei vat vat ila haw ang u" a ti leh a, ka kut zungpui pahnih mai baka ka kezungpui te nen lama like pek ka chak khawp mai.


Choka lamah chuan an inzui phei dial a, thlamuang deuhin ka thutna ngaiah chuan ka thu thla leh.


Ig ah online ve in eng enge maw ni chu ka en a.


Ruth-in min khawih danglam sak emaw, amah in thlalak leh story a up vel tih lohah hi chuan amah va text nan bak hian ka hmang ngai lem lo a, ka hrelo khawp mai.


Request message ho chu ka en a, 'miss' tih tawpa indah teh 'janeischillin' ti a indah te, 'notmikey' ti a indah te, a then phei chu ka chhiar thiam lo.


An message te chu ka en thla den den a, mizo an ni lo ti dawn ila mizotawng chu an rawn hmang ve tho bawk si a....

'Hy, dammo?'

'Ivan melsa'

'Ge tih'

'Nupui nai toh m'

'Celo hle mei'

'Z' aia 'x' rawn hmang te, 'i' ai a 'y' rawn hmang kher te. A tam mai, a then phei chu ka chhiar thiam lo.


Ka ngaihtuah ta mai mai a, tunlai tleirawl/rawlthar te zinga tawng dik lo, a dik hriat reng pawh type dik loh talh te, changkanna emaw, an lang cute tlat emaw intih vanga mahni tawng sawisak ching kan tam hle tawh in ka hria. Hei hi a tha lo takzet.


Mizo te chu kan mawl na hi a thuahthip lutuk a, mahni tawng pawh type dik thei hawt lovin hnamdang tawng (English, Korean, Hindi) thiam kan hmanhleh a ni a, changkanna duhawm loh tak zawng a ni.


Choka lamah chuan Loryi chu a au lauh lauh reng a, an intifel zung zung a, an haw darh ta hlawm a, Ruth-i chu ka bulah a rawn thu tum deuh bar.


"I va tum nasa ber bur ve ?" ka tih chuan "Khavang kha ania lo leng lo mai rawh ka tih" a tih teh ngawt a, naupang titau ang mai hian a chik ngher ngher a.


"Ka hne ka awmdan hi. Ka thinrim a, ka thinrimna pawh ka ti lang thiam lo ania" a tih chuan a darah ka kuah a, "Ka chungah bawk em ni? Min sawisa vak dawn em ni ?" ka tih zawh rual deuhthawin ka samah a kek a.


"A tha ang, hetia ka tih chak na a rei tawh" a ti a, ka lu vun chawpa pawhthlak tum ang hrim chuan a sam chu a pawt nghek nghek mai.


"A na na na na" ka ti chul a, min thlah in a thu tha a.


"Mipa dang ka biak khan engtin nge i awm ?" a tih chuan "Ka awm tawp" ka ti a.


"I thik lo em ni ?" a tih chuan ka en reng a.


"Khatia i kawng dawm tir a lam ve leh, kut inchelh chunga lam vel te kha nuam i ti niang ka tia" ka ti ve deuh hmak a.



RUTH-I POV'S


"Awww thla te min lakpui ve ngai lova. Min lampui ve ngai bawk si lo" ka ti niah niah a. A attention chu neih ka tum a ni ber.


"Khatia lam kher kha engnge a tul na" a tih leh chuan "Tunlai khawvelah anih hi kan awm Ka pa Jonathan. Ka kum rualpui te chu taksa lang vek tep tep in an lam a, an bialpa te nen te thla an la a" ka ti leh a, amah ngaihsak lo awm deuh in lehlam ka hawi hmak.


"Kawr ha mang loa lam chu i duh tihna maw ?" tiin min kuai her sawk a, "ana" ka ti ve that. Enge maw a ngaihtuahnaah hian awm ni.


"Tunge ka duh ti, thla lak dun te ka duh ve ka ti mai lawm" ka tih khum nghek a.


"Ramengi fapa nena thlalak te chu i phur tehreng nen" ka ti hmuk a.


"Kan la lo ti mah la ka hmu vek" engmah a sawi hma chuan ka tihkhum a.


"Aw le, a hahthlak khawp mai. Thik tham a ni lo, ka sawi ngun tawh..." a tih lai chuan "Anih chuan be reng lo la, a fate kha pawm sak reng lo la. Helaia Tlanhlua nena kan dingdun mai mai pawh i ngaihtheih bik loh kha. I bialnu hlui nena tha taka in inbia chu eng angin nge ngai se min tih a...?" ka au a ni ber.


"Vawi engzat nge ka duh vanga bia ka ni lo ka tih. Ka nu in leng ah a sawm....."


"I nu in lenga a sawm avangin enge i biak kher. Rohlua pawn a be ngai lo hrim hrim" ka tih khum leh a. A lungawi hmel tawh bik viau lo.


"Amak eee, tiang hian awm lo la. Thil hrethiam lo rual pawh i ni tawh lo" tiin a ding hluai a.


"Ka ni, ka la naupang em a. Buaina kan ngah a nih hi, inthen ila Ramengi chu nei mai rawh" ka ti a, boruak chu a reh nghal duk.


A rawn thu leh a, "Thil ni lo lo i ngaihtuah a, i â zo tawh anih hi" tiin ka kut a rawn vawn a tum chu a kut chu ka lo vai sawn a.


"Engmah hi i hmu thiam lo zawk anih ni. Inneih thei pawh ni ila i nu vang kerkawr sawn kan inngaih rei lovang" ka ti a, a nu in a keichu ka la naupan thu leh Ramengi nen inneih tir a tum thu min hrilh kha a hre viau lova, ka rilru tur engtin nge a hriatthiam ang ni.


"Haw tawh rawh, mut ka duh" ka ti a.


Ka bianga dawm in min en vang vang a, dam zetin ka hmuiah a rawn fawp a, ka lo chhanglet miah lo thung.


"In exam zo tawh a, rilru hah na tur a awm tawh lo. Thlamuan leh rilru dam deuhin awm rawh. Ka be dawn miah lo ania" a ti a, ka chhang lo.


A tho a, a chhuak zui.


Che chang lo in ka thu reng a, thil tamtak a lo lut a. A hmaa fiamthu ti tak deuha 'exam zawh hunah chuan palai ka rawn tir anga, kan innei ang' a ti te kha ka ngaihtuah a. Tunah chuan a thleng thei ngai dawn si lo. Kan la inzui rei loh lutuk vangin em ni kan inkarah hian buaina a thlen? Ni lo, chutiang vang a ni lo hrim hrim.


A nu vang bawk, chutia Ramengi duh hle si te chu a tirah inneih tir tur alawm. Lo duh lo kual vel lo khan.


A fapa hi engtin nge ka hnar theih anga, tiang khawpa min duh tu, min duat a min ngaihsak em em tu hi engtin nge thlah theih se min tih.


Engvangin nge maw min lo iai ve em em? Engahmah ka ngai bik lo tih a inhre lo!


Ni, engahmah ka ngai lo anih chuan Sir Jona nena inthen maw? Hnai lo e, Sir Jona hi ka nei ngei ngei dawn. Mahse tunah rih chuan hetia buai hi a phu lutuk, Ramengi emaw Ruatpuii a biak changin eng angin nge ka ngaih hre ve rawh se.