MY ANGEL ♡

 

MY ANGEL♡

CH-4

IRENE-I POV

"Zak lo, i tan te chuan" a ti a, kan dah leh ta phawt.

"Bialpa i bia ni maw?" AuJordana chuan min chhaih chak hmel zet hmel pu hian min zawt a, "Enge ?" ka ti pawr hlur. 

"Hei" tihpahin bawm min rawn pe a, nui nghal ver ver in "Enge ?" ka ti a, bawm chu ka hawng nghal. 

"Heihi ka pass present ami? I van rang em em ?" ka ti a, bawm chu hawng ala har hrep zui. 

"Nia i results kha ka hre tawh lawm" a ti a, bawm chu ka hawng a, a la intuam leh cheu. 

"Awii ka duh lutuk....." tiin Jacob Elordi chuanna phone cover chu ka en a, ka pass thu ka hriat ai pawh khan ka hlim zawkin ka hria. 

"Hetiang tihna chang hi engtin nge i hriat a ?" ka tih chuan "Ka hmel chang ni lo in ka thluak pawh a tha a, chuan i duhdan ang tak a ni em ?" a ti a, a intihtheih hmel viau lehnghal. 

"Ka duh rapthlak. Ka lawm lutuk ania" ka ti a, "Chuan kha hei i bazar na tur" tiin pawisa min la pe bawk. 

"Chuan chhuah na tur i nei in ka hria..." a ti a, ka melh nghal haw. Chhuahna tur kha ka nei ngei a, mahse a ruka chhuah ka lo tum kha ania. 

"Aw mahse...." ka tih chuan "Lo insiam la, ka va insiam ve nge" tiin a chhuak daih. 

Ka message tone ah chuan ka phone chu ka en vat. 

*In ha lum rawh aw, pawn chu a vawt teh ania* tih Hruaizela message  a lo awm vang. *Aw le* tiin ka reply a, phone chu dahin ka thawmhnaw lum hak tur chu ka la chhuak nghal.

Ka chhuak tur chu ka nu chuan "Khawnge i kal dawn ?" min lo ti vat a, "Ihmaw nu...." ka ti hluai. Hruaizela nen kan inhmu dawn tih sawi ila min hlap duh maithei a, chhuah chhuanlam tur chu sawi tur a va vang tak. 

"Sawtah kan kal dawn a" AuJordana chuan a room atanga rawn chhuah pahin a ti a, a va insiam vei thlap nia maw le. Kalna tur a nei ve emaw ni. 

"A va pawimawh awm ve ?" ka nu chuan min rinhlelh hmel tak hian a ti a, AuJordana chuan "Hei hi kan pe lawk dawn" tiin paper bag hi a rawn khai lang va a, min kuah chhuak nghal nal nal. 

"Khawnge i kal ve dawn a? Chuan enge kha kha ?" pawn kan chhuah hnu chuan ka ti a, nui suk suk in "Ka bialnu pawh a pass ve a, thil ka pe dawn" a ti a, "Engaaa?" tiin ka melh haw. 

"Rei lo la, gate ah sawn min lo nghak dawn nia" a ti a, min kalsan nal nal. 

Bialnu a nei ve tak tak emaw ni le? Mahse a pass ve a ti bawk sia tunge a bialnu chu? A va la naupang awm tak. 

Ngaihtuah buai duh loin kan kawmthlang in lam chu ka pan thla a, a hnai zawk tiin kan in piah deuha step atang chuan ka kal a, Hruaizela sawi ang takin a vawt reuh khawp mai. 

Mi varandaa Hruaizela ding chu ka va hmu a, pan phei mai loin ka ding vang vang phawt. 

A vawt a ti ve hle nge a ding hle hle thei bik lo a, ka rei ati deuh nge min rawn call. 

Ka phone ri a hriat chuan a rawn hawi a, a rawn nui vur vur. 

Ka pan phei a, "Ka rei em ?" ka ti khawmawi ve vel. 

"Rei lo, ka thleng deuh chiah" tiin min chhang a, "A vawt i ti em ?" a ti zawm zat. 

Ka lu ka thing mat mat a, "Mi varandaah kan awm tawp a...." tiin ka hawi kual a, an kawngkhar inkalh ka hmuh avang chuan "Eee..... an awm lo anih hi" ka ti tawi tak. 

Hruaizela chuan min nuih a, en pawh ka en tha ngam lo. 

"Keichu a nuam pawh ka ti lo" ka ti hap a,  "Eng a hi ?" tiin min zawt let a. 

"Hetia inngaizawng anga inhmuh vel hi, kan inngaizawng chuang si lo a" ka ti veleh. 

"Kan inngaizawng angah ngai mai la" a tih chuan ka en a, min lo en ve reng avangin kan in en ta reng. Ka laih tak tlat avang chuan hawisan pahin "Khawnge min pek tur chu" ka ti ta a. Ka tawng chu a buai tep mai. 

 "I duh zawng a ni em ka hre lo a, mahse i ngainat ngei chu ka beisei ania" tihpahin thi a rawn khai chhuak a, silver niin arsi lem hi a locate ah lian lem lo tak hian a indah a, a simple tawp. 

"A van mawi!" ka ti sep a, hetiang ang hi ka beisei lo hrim hrim. 

"Khawi ka lo awrhtir ang che" tiin min kuai her a, "Arsi lem hi ka 'starte' ini tihna anih hi. Phel suh aw" tiin min awrh tir a, inher lehin "Ka inhmeh em ?" ka ti let var. 

Min nuih var var a, a lungawi hmel viau. 

"Keichu engmah pek tur che pawh ka nei lo" ka ti zuai raih a, "Naktukah min bazar pui la" a tih chuan ka en a "Chu chu present ah ka ngai ang" a ti a, "Imm.... Pawisa ka nei lawm.... Aaa thil ka dawng tha tawh e, pawisa leh phone cover pawh ka dawng tawh. Class 12 pass nih reng mai ka duh" thi locate khawih pah chuan ka ti a. Min nuih hawk hawk. 

"Leng ang aw, mi varandaa awm i hreh sia" atih chuan ka chhan hma chuan min kai a, kan in panna kawng pangngai zawk lamah chuan min kalpui. 

Zawimuangin kan kal a, a thil tihzawm tur te min hrilh a, college zawm lo in a pa sumdawnna a chhunzawm tur thu thlengin a sawi.

"I thei dawn mi? I la naupang ve tho sia" ka tih chuan min nuih mai a, "Kum 21 ka ni tawh dawn a, a tawk viau zawk lo mi ?" a tih chuan "21 maw? Kan inrual emaw ka ti char char" ka ti a, a nui leh tawh. 

"Ka bula i awm hian i nuih a za thin a mi?" ka ti a. "Aw, min ti hlim thin" a ti a, a thusawi vang chuan ka lai ringawt lehnghal. 

Kut inkaiin engmah pawh sawi chuang lo chuan kan kal a, a nuam ka ti phian lehnghal. 

"College i kal chuan mipa chhelo an tam dawn si, min be duh tawh lo anga" a rawn ti a, rang fahran hian "I mawl a mi? Tunge mahni bialpa ni tep te be lo ngai a" ka ti a, a rawn nui leh tawh. 

"Min nuih ziah suh aw, ka be lo tak tak mai ang che" ka tih chuan "I bialpa tep maw....?" tiin a nui uar sauh. Ka tum bar a, kan gate kan thlen dawn hnaih chuan a nui tawp chauh. 

Gate bulah chuan AuJordana chu a lo ding vang. 

"Saw saw i û kha a ni em ?" tihpahin a ding a, "Immm" ka ti ve sep.

"Inmuttui tawh mai ang" tiin amah hmachhawn zawng chuan ka ding a, kei aia a san avangin ka en chho ha. 

"Ihmaww....." tihpah chuan ka u lam chu a en vang vang a, ka hmuiah chuan a rawn fawp zauh a, ka ding khawng at thung. 

"Muttui aw" tiin a kal a, a la lan theihna hla deuh tak atang pawh chuan a ban a la rawn vai.

Ka ding reng a, muttui tihna chang pawh ka hre ve lo. AuJordana min rawn au thawmah chuan harh zawkin ka inher a, kan in lam chu ka pan phei ve nal nal. 

Ka muthmunah chuan ngaihtuahin ka hmui chu ka khawih leh ngawt zel a, ka ngaihtuah ka ngaihtuah chuan ka zak ringawt lehnghal. 

.

.

.

.

Ka phone ri chuan min ti harh a, en mang loin ka pick. 

"Morning Lalhmelthanu" titu vang chuan ka harh zawk. 

"Enge zing zingah min lo call a ?" ka ti pawr vak. 

"Ka ti harh che em ni?" a tih chuan inti tho hma takin "Teuh lo, ka inbual a" ka ti ngawt. 

"Vawiin bazar tur kha theihnghilh suh aw" a rawn ti. 

"Aw ka theihnghilh lo ang. Dah rih ang aw... Eee nizan te i mutui em ?" ka ti bah nak nak a, "Aw mutui e, ka mumangah ka hmu che. Mahse intifai phawt rawh, chaw ei tui aw" a ti a, kan dah leh ta phawt.