MY ANGEL ♡

 

MY ANGEL ♡

CH-3

 

IRENE-I POV

Ngawi reng chuan ka thu a, ka thutpui ber Puipuii rawn kal si lo a ka ngawi kar mai. 

Nidang ang chu ni se ka harh leh viau anga, mahse ka hnunga thu hi ka hlau deuh tlat a, engmah ka ti ngam lo.

"Ka lo thu ve ang aw" Rokima chuan a rawn ti sa sa a, "Aw lo thu rawh" ka lo ti vat. 

Chawhma class chu kan kal tluan ta phawt a, Rokima nen tehtlawng chuan kan inkawm a, nidang ang lo takin Lalkimkimi rawn lawr eih lo. 

Canteen ah kan thu a, khua a lum a, ka thu duhdah leh thin chu Rokima'n mi khak zeuh zel. 

"In tur ka lei teh, ka kawchhung te hi a sa vek" ka tih chuan a kal ve mai bawk a. Hruaizela te thian ho thutna lam atanga min ko ri ka hriat chuan ka hawi phei a, min ko tupa chu Hruaizel an a hnungah a chum ri awk. 

Hruaizela chuan "Sir Mka'n a ko che" a rawn ti a, "A ni maw ? tia kal mai ka tum chu ahma min tihder dan chu ka hrechhuak a, tum hmukin ka thu leh. 

"Enge i va tum ve ?" tihpahin a intur lei chu min rawn pe a. Lo lak pahin "Khawvel hi ka hne, pasal neiha tlanbo daih ka duh" ka ti a, a nui hawk hawk. 

"Innei i la kan tlanbo daih dawn a mi ?" a tih chuan "Mi bialpa ka duh awzawng lo. Bialpa tur ka'n zawng ve nge aw" ka tih hlut a, ka thusawi chuan ka nuih te a ti za zawk.

"Eee enteh...." ka ti hluai a, a mit ko min khum ak.

"Ka hmel atha lo tak tak a mi ?" ka tih chuan a thil in lai hak meuhin a nui chhuak hawk hawk a, ka va han ngei tak. 

"Zawnga hmeltha min ti lo mah la ka hmeltha tho" ti hmukin bathroom lam ka pan daih. 

Wash basinah chuan ka hmai te ka phih a, class room lam ka pan leh daih. 

Class ka thlen hma in Hruaizela ka hmu a, min en run run a, engmah sawi lo in min kai a min kalpui hlawk hlawk. 

"Heyy..... Min thlah rawh. Khawnge min kalpui  i tum a" tiin ka tang ve a. 

"Sawi lawk tur kan nei" a ti nghut. 

"Ti hian sawi mai rawh. Ka hlau che nia aw" ka ti a, school naupang dang ho lah chuan min lo en tawp. 

School tanky bulah min kalpui a, "Hetah kher sawi angai mi ?" ka ti vak a, amah ka hlauh deuh vang pakhat a ni. 

Rilru buai hmel deuhin a thaw hak a, "Bialpa i nei em ?" a rawn ti chhuak halh.

'i mawl ami ?' tih melh hian ka melh a, thiantha emaw inhmelhriattha pawh ni lo nge ka bialpa neih leh neih lohah lo buai ve ngawt. 

"I nei em ?" a rawn tih leh chuan "Ngatan ?" ka ti let a, a chang tha beng bawng viau bawk. 

"Ka hre duh. Rokima nen khan inni ve mi ?" a tih chuan za lo deuhin ka nui a, "I hriat ve kher pawh ngai lo. Nge min biak ve ziah a, ka hua che tih hi i inhre lo mi ?" ka ti vei hmuk. 

"Tinge, i bulah chuan nelawm thei tur berin ka awm thin asin" a rawn ti ve bawk a, "I chiang lo a mi ?" ka tih khum nek a, ka kal nghal daih. 

Mahse ka kal thui hma chuan "Tun atang hian ka bialnu i nih kha aw" a tih vangin ka ding a, lehhawiin "I mawl tak tak a mi? Ka hlau che ka tih vang khan min zuam i tum ringawt ange AuMama bulah ka sawi nimai" tiin ka kalsan nghal nal nal. 

A mawl nge a â pawh ka hre lo. A bialnu nih maw? Teuh lo mai a!

.

.

.

.

HSSLC RESULTS DAY 

"Mate vawiinah maw in results a chhuah dawn kha" ka nu chuan min zawt a, ka lu ka bu nghat nghat.

Hun a liam zung zung a, vawiin hi class 12 results chhuah ni a ni der tawh. 

Kimkimi call ka dawng a, "Vawiinah ka lo leng dawn nia pass lawm ang u" a rawn ti a. "I fail dawn kha" ka lo tih chuan "Mahse in pass dawn tho a, Puipuii nen in inbe tawh em ?" a tih chuan "Aih" tihzawngin ka chhang. Puipuii phai lamah 12 a zir tak avang khan kan inbe khat viau mai. 

Call dang lo kal chu ka en a, Vanlalhruaizela ni. 

"Call dang a awm a, dah ang" ka tih chuan "Aw" a tia a dah nghal hmak. 

"Enge ?" ka ti tawng a. 

"Tunge i biak a ?" rawn ti ve nghal zat. 

"Ka duh duh ka bia nga" ka tih chuan "Tha deuh hian min chhang ve thin la. Ka duh tawh lo tawp mai ang che" a tih chuan ka ner nang nang a. "Min duh loh hi ka duhthusam" ka tih khum ngat. Class 11 kan kal laia 'ka bialnu i ni tawh' min tih atang khan min la tibuai char char a, official takin inkawp lo mah ila 'aw' ka pawh lohna chiah hian kan inkawp lohna a dal tawh. 

"Vawiinah tiraw results a chhuah dawn ?" a rawn ti ta daih a. 

"Imm" tih zawngin ka lo chhang veleh. Hmeichhe nelawm tak ka nih ngai hran loh bakah Hruaizela nen kher kan inbe sia sawi tur a vâng.

"Ka pass chuan min duh ve tawh la" a tih chuan ka hmui ka  ti pawrh vak a, "Ka duh dawn lo che!" chiang fahran chuan ka ti a, vui âw tak hian "Mahse a ruk chuan min duh ve tawh tho tiraw ?" a ti a, ka chek hluk. 

"Ka hne ania aw, duh itih reng chuan ka block dawn che nia" ka ti hap a, min cho zetin "I duh leh min block la, number ka ngah em ?" a ti ham ham. A ni lah taka, ka block hnem tawh. Number dang atangin min rawn be zel tho a, block pawh ka block peih tawh lo. 

"Ka lo leng dawn aw, zannnn.....ah ?" a ti fan raih a, ka in a lo len chu min dil a ni zawh mah. 

"Aih lo leng lo ang" ka tih chuan a reh hmuk a, "Ka tih chhan chu results chhuah ni te a ni dawn a, inleng te kan nei dawn nia" ka ti tha leh a. "Chu confi bîk ve a" min la rawn ti zui. 

"Aaaa confi lam a ni lo... Ka hne a, nakinah kan inbe leh dawn nia chaw ei tui" ka tia ka dah hmak. 

"A bialpa bia ni maw ?" AuMama chuan mi lo ti leh hmanhmawh. 

"I tawngthei thâibawihpa" ka tih chuan a chip hmak. 

 AuMama'n nupui a nei tawh a, annu chu tunah a rai mek a, kan la cheng ho bawk. AuJordana erawh 'mi rilru ka tina dawn emai' tih tanin la single ve char char. 

Kimkimi chu a lo leng a, thiam lo zetin a zai awr awr. Dar 12 a ri tawh a, results chuan rawn chhuah tih a nei lo. 

"Ka ril atam, eitur ka va siam ange ?" tiin ka tho thurh a, chokaah eitur siama ka buai nak nak lai chuan ka phone chu rawn ri a, ka en chuan Hruaizela ni. 

Kimkimi chu ka va en a, phone a lo hmet leh mual mual tawh. 

"Hello" 

"I pass" a rawn ti teh thawr.

"I â mi ?" ka tih chuan "Engeeeee? Results a chhuah kha, i pass thu ka lo hrilh mah mah che hi" a ti a. A rawn thutak hmel tawh avang chuan ka thin phu chu a rang sawt. Mahse ka la awi duh chuang lo. 

"I awi lo mi? Lawks aw, whatsaap ah ka rawn thawn ang che" a ti a, ka message tone chu a rawn ri nghal keuh. Ka en dawn lai chuan "Irene kan results a chhuak" a rawn ti a. Pic chu ka en nghal. 

"Ka pass!"

"Kan pass!" LalKimkimi nen chuan kan au rual a, Lalkimkimi lawm lutuk chu a zuang chiam. 

"Nang i pass em ?" tiin Hruaizela chu ka zawt a, engmah a sawi loh vang chuan a pass lo anih ka ring a, ka hnem ve ngei. 

"Ka fail pawh ka tih loh kha" a rawn ti leh rauh a, "Anih chuan engah nge i awm a ?" ka ti chiam. 

"Ka pass ve e, letter te pawh ka hmu...." a tih chuan nui ver ver in lawmpuina thu te ka'n hlan veleh ngei bawk a. 

"Dah ang aw, i chhungte hrilh ve vat la i results kha" atih chuan "Nangpawh khan hrilh rawh" ka ti a, kan dah ta phawt. 

"Tunge i lo biak a ?" Kimkimi'n a tih chuan Hruaizela anih thu ka sawi a, "Hmm.... In ngaihsak dun vel ve a" tiin a meng zuk zuk a, a chum tawk. 

"Awii anuam e, Rokima pawh a pass. Enteh keichu ka lawm ee...." a ti leh vawng vawng a, a pass chu a lawm thawkhat tih ahriat. 

"Keichu ka chhungte bulah ka fail der phawt dawn. Nangpawh la hrilh suh. Enge i siam? Ei phawt ang" ka melh haw a, "Kei ai pawn i tawngthei" ka ti hap. 

Zanriah kan ei lai chuan chaw chu ka eitui lo der vel a, UMami (AuMama nupui) chuan "Mate i dam lo mi ?" rawn ti chiah. 

"Dam e" ka ti tawi tak a, ka results min zawt har hlawm lutuk chu min ngaipawimawh lo tih rilru pu in a thinrim tun thei. 

Kan chaw ei kham chuan ka thu khawmuang lui leh a, tumah chuan min zawh an la tum chuang lo. 

Ka room pan ka tum lai chuan "Eee Mate, vawiin nilawmi Results chhuah ni kha" AuJordana chuan rawn ti chhuak. 

"Aw" tihzawngin ka chhang a, ka ding zum zut.

"Enge i results chu ?" a tih chuan ka ngawi reng a, lei lam ka bih tlat bawk. 

Ka pa chuan hrawk rawn thian kharhin "Aa... Engpawhnise....." a tih lai chuan "First ah ka pass" ka ti chhuak hap a. Ka nu in "Enga!" rawn ti. 

"First ah maw!?" AuMama chuan a rawn ti a ka lu ka bu nghat nghat. 

"Yesss....." tihpahin AuJordana chuan min rawn kuah nawk nawk a, "Nawk nawk zela che" ka nu chuan a lo ti hlut. 

Ka chhungte dang chuan lawmpuina thu min hrilh sap sap hlawm a, AuMama chuan "Anih Mate i pass tawh sia. Enge zir zawm i chak ?" a rawn ti a, ka ngawi vang vang a, "Aaa... Singapore a awm turin ka training ang" ka ti chhuak hap a, ka û te ho chu an nui dar dar. 

"Min nuih suh u, nu ka roomah ka lut dawn aw" ka tih zawm zat a. Ka roomah ka lut nghal. 

Hruaizela call chu ka pick a, hei vang hian ania room a luh pawh kha ka tih vat vat. 

"Tinge min lo call reng a, vawiinah pawh vawithum kan inbe tawh" ka ti leh nghal tawng a. 

"Kan inngaihzawn hunah phei chuan darkar tin kan inbe dawn lawm" a rawn ti veleh a, ka hnar ka tum dat. 

"Lo chhuak lawk la, i thil tur ka lo ken che a" a ti a, ka room tukverhah chuan ka dak chhuak ve ngawt a, kan inhnung thlang lam mi vanranda bak ka hmu thei tawp si lo. 

"Eng thil tur maw ?" ka tih chuan "Aww i pass lawmna tur" a ti zawi sap a, "A ngai kher a mi? Keichuan engmah pek tur che pawh ka nei lo" ka ti a, a rawn nui hawk. 

"Min pe ve rawh pawh ka ti lo a, lo kal rawh aw, i room tanga lan theihna mi varandaah khan ka lo awm ang" a tih chuan "Hey..... Mi varandaa awm i zak lo a mi ?" ka lo ti leh hmanhmawh. AuJordana rawn lut ve chiah.