MY ANGEL ♡

 

MY ANGEL♡

CH-2

Irene-i Pov.

"Mate" tiin AuMama chuan min en a, a mi melh dan chuan ka ngaih a ti tha lo. 

Unau zinga hmeichhe awmchhun ka nih bakah tar lam fa ka ni a, ka pangchangin ka hlauthawng hma em em a, AuMama min en dan vang ringawt chuan ka nu chunga thil tha lo thleng tur angin ka ngai ringawt. 

"Mama Gate bula ka dah ho saw va la lut teh" ka nu chuan a rawn ti lawng lawng a, tap tep in ka nu chu ka ko a. Mak tih hmel taka min en in "Enge a? I tap a mi ?" a tih chuan "Ka tap tep a, Mama'n i accident a tia" ka tih chuan AuMama kawngkhar rawn lut chuan "A awiawmloh. Engmah ka sawi loh kha" a rawn ti. 

"Mahse min en danah khan i sawi dawn tih ka hre vek" ka tih chuan ka nu chuan "Aaaa.. a ho mai mai emai. Han inthlak la i nu Zari te inah kan leng dawn nia" a ti a. 

"Tunge chu chu? Aaa .... Ka leng peih lo e nu" ka ti nang nang a. "Zawhna i ngah si han inthlak phawt teh" a tih chuan ka room lam ka pan nghal. 

A muangchang thei ang ber chuan ka inthlak a, ka inbual leh te te a. Ka nu chuan min lo kalsan daih se ka ti a ni. 

Ka nu hi ka ngai viau e ti lo khawi kawi kip mai pawha in zui erawh hi chu ka peih leh miah lo thung a. 

"Mate min lo zui dawn em ?" Ka inbual lai chuan ka nu min ko ri chu ka hria a, bathroom atang chuan "Aih..... Lehkha ka lo zir ang" ka ti let lang lang.  A kal ta niang thawm chu a awm zui lo a, keipawh inbual pah chuan ka zai rat rat. 

Ka inbual zawh chuan bathrobe ha in ka zai chhuak al al a, sunscreen body lotion chu ka inchulh mial mial. Ka tihdan ve reng a ni a, zan pawh ni dawn mah se sunscreen hi inhnawih lo chuan ka awm thiam tawh lo. 

Ka thawmhnaw hak tur ka zawn leh lai chuan ka phone ka hrechhuak zawk a, drawer atanga la chhuakin inha ta lo chuan ka khawih leh te te. 

Ka room kawngkhar chu a rawn ri koh a, "Mate i thianpa a lo leng ania" AuMama'n a tih chuan ka rilru in 'tu ka thianpa nge ka ti nghal' achhan chu thianpa ka neih awm hi ka in hre miau si lo tin ni. 

"Tunge ?" tihpahin kawngkhar chu hawngin ka dak chhuak a, Lalrokima lo nui khi hui mai.

"Inthlak phawt la" AuMama'n a tih chuan ka la inthlak lo tih ka inhrechhuak leh chiah. Ka va han hahthlak thin tak! 

Kawngka chu khar lehnghal in ka inthlak sawk sawk a, va dak chhuak leh in "Enge i lo tih dawn a ?" Rokima bulah chuan ka ti tawng. 

"Ka lo leng. I room a luh chu i phal lo mi ?" a tih chuan "Anu in mipa luh tir suh a ti. Enge i lo kal reng reng a?" tih leh pahin ka chhuak a. He mihringina kan in a rawn kal nachhan tur hi ka hre eih lo tin ni.  

"I nu thu i van awih em em" a tih leh chuan "Nia kei chu naupang fel ka nia" ka ti a, min ei loh hmel zet in a ner nang mai. 

"Chhuk ang" tiin inhnuai lamah ka chhuk thlak pui a. "I û te mi mi pahnih kha ?" tia min zawh chuan "Aw, an hmeltha tiraw? An mahni ka chhun vang ania keipawh ka hmelthat" ka ti nghal zat zat a. "I hmeltha pawh ka ti lo e a" a tih chuan ka ding dat a, chhan ka tum lai chuan kawngka lam atangin "Lalrokim tinge ka kalna apianga hmuh tur i awm a ?" Puipuii âw chuan a rawn ti a.

Puipuii chu AuJordana chuan a lo chhaih nghal a. 

"Ka hne ka be hman lo che...... Enteh amak lutuk" AuJordana vin hrep pah chuan a rawn ti nghal hluai a. A sawi zawh hma chuan "Mahse ka ril atam. I u Mama'n eitur ka siam lo leng rawh atia ka lo leng" a ti leh nghal zat a, tawng hi chu a duh bawrh bawrh thin. 

"Chokaah a dah" AuJordana chuan a lo ti a, eitur an siam tih reng reng ka hre lo. Tunah tlai tawhah lehnghal. 

"Khawnge AuMama, ka nu awm si lo a tunge rawng bawl dawn?" tiin AuJordana chu ka en a. Min chhan hma in Puipuii chuan "Lo kal rawh ka bawl pui ang che. Thil kan sawi dawn nia" tiin choka lamah chuan min kai phei a, Rokima chuan min rawn zui ve zel bawk. 

Puipuii zawk chuan chaw chhum te chu a siam a, fridge te chu hawngin "Kha Maian hi hîk r'u. Âlu hi fry turin ka lo chan ang" tiin siam tur chu a sawi ang zawt zawt bawk a. Rokima chuan ka beng bulah "Chhungkaw nuber atan a tha dawn asin" a la rawn ti zui. 

"Vawiin extra class kan la chu maw bawn lutuk" tih pahin a thutna te chu siam rem sauh sauh a. Rokima lah chuan a che chu hmuhnawm ti deuh hian en veuh veuh zui.

"Mate Office lamah ka pa ka lam dawn ania aw" AuJordana chuan a rawn ti a, ka lu ka lo buk khum nghat. 

"Ih maw...." Puipuii chuan a ti leh te te a, a pehhel rei tawh lutuk chu ningin "Sawi vat rawh ka hne" ka tih nghek. 

"Kan class ah khan Ruatfeli nu kha a lo kal a, Hruaizela a rawn zawng a" a tih chuan ka ner sak a, Hruaizela anih vang hrim hrim hian ka ngaithla phur lo. 

 "Tinge ?" Rokima chuan a lo ti vat a Puipuii chuan Ruatfeli a rai thu leh Hruaizela a puh thu chu a hrilh a, a mipa ber chuan "A va mak ve.....!" ti hluai. 

"Lo ngaithla r'u. Hruaizela kha extra class a la si lo a. Miss Sangi kha Ruatfeli nu chuan ankhum vak a. Awiii a nasat dan chu! Ka nu chu nise ka zak thei ngawt ang" a tih zawm zat a.

"Chuan Ruatfeli fa chu Hruaizela fa a ni tak tak tihna mi ?"  Rokima'n a tih chuan Puipuii chhan hma in "Awii ni se, Ruatfeli nu chuan ankhum hrep se. Ka ngei ania Hruaizela saw" ka ti hlaih hlaih a. AuMama chu chokaa rawn luh pahin "Tu chu nge i ngei a, khatiangin an tawng pawng pawng ngai em ni" a rawn ti a, Hruizela ka ngei thu leh vawiina min tih zah dan te chu ka hrilh a, engahmah ngai lo tur chuan min ti ve ngial mahse ka ngei tho. 

"Eitur ka dah cheu kha in ei em? Va ei r'u rawng chu ka lo bawl mai ang"  atih chuan Sitting room lamah kan phei a. 

Rokima leh Puipuii chu an inkawm a, keiin phone ka khawih thung. 

Hruaizela te chungchang chu ka ngaihtuah chhuak a, amak ka ti reuh. Kan inrual chuan kum 17 bak an la ni dawn bik lo a, tiang tihna chang hriat mai chu a. Khawvel chhiat tawh dan hi e. 

.

.

.

Nilaini a ni a, first term exam chawlh lai anih vangin bazar kal tumin taxi ka chang a, Kimkimi nen innghahna hmun tur kan sawi lawk tawh a Puipuii chu ka sawm duh ta lo. Rokima nen khan anni ve ta nge nge a, Rokima'n a hel peih bakah min nawr nasa bawk a, ka sawipui char char a. Anni ve hram. Rokima nen tak pawh kan inkawmngaih phah a, Puipuii nena an inkar thil thleng te chu mi lah hi a hrilh vek zel lehnghal. 

Taxi chu a vang phian lehnghal a, din reng ai chuan tiin muangchangin inngahna tur lam chu ka pan a, Kimkimi call in ke a ka kal thu chu ka hrilh a, min lo nghah char char tur thu sawiin kan dah. 

Ka zawna horn ri vakah chuan ka phu zuk a, chuti tehchiama han hmeh chu tu mimawl nge tih hriat tumin ka en a, Lalhruaizela lek. 

"Khawnge i kal dawn?" a tih chuan "Keimah hi maw ?" ka ti ha a, min bia chu a awiawmloh em vang a ni. 

"Aw nangmah" chiang fahran chuan a ti a, ka mit ka khap fak fak ringawt. 

"Ka bazar dawn" ti hmukin hmalam chu ka pan a, tha taka a zawhna ka chhan thlip thlep chhan tur a awm lo reng reng. Bakah Ruatfeli nena an chungchanga Ruatfeli a tihdanah pawh khan ngainat hi ka tum lo, min be lo tawp mah se pawi pawh ka ti lo. 

"Lo kal rawh ka lo thlah ang che"  atih chuan ding chuang lo chuan "Thlah ka ngai lo. Hmun hran hranah kan kal dawna thlah theih pawh ka ni lo" ka ti a, ka thusawi chu a hriatphak leh phak loh pawh ka hre lo. 

"Tu nen ?" ka sir lawk atang chuan a rawn ti a, ka kalsan vang vang tawh emaw tia. 

Amah chu en in "I hriat loh chuan i chaw ei tui loh phah dawn mi ?" ka tih chuan rum zetin min melh a, a helmet chu siamthain a tlan nghal vang vang. Nge mi a melh ve rum ringawt le? A pawi engmah ka sawi tawp si lo. 

Kimkimi nen chuan chau zawr hnepin kan bazar a, lei tur kan hre dun sia kan bawr dun khawp mai. 

Ice-cream hawkers bulah chuan kan ding a, Rokima rawn lang veleh hlawl. 

"Tinge khawi hmunah pawh hian i awm a ?" ka tih chuan a kut pahnih chuan ka darah vuanin kawngpui lehlam hawi chuan min nawr a. 

"Saw saw kan dawr ania" a ti hap. 

"Electronics dawr saw in ta maw ?" Kimkimi chuan a lo ti a. "Aw, a nih ve saw"

"Ka rawn hmu cheu a, ka rawn kal a. Lalthinchhia i lah hian min vin ziah lehnghal tihpahin ka chalah chuan min nawr a, ka vin leh vak hma chuan tu emaw hian min nek deuh lawp a, Rokima chu a tlu nghal deuh tawp. 

Phawk zet chuan ka hawi kual a, Hruaizela chuan "I tha em ?" a rawn ti sup. He mihring hi engtin nge a lo awm ve theih? Chuan Rokima a rawn hnek ringawt lehnghal! 

"Enge a ?" tiin ka lo zawt let thung a, min chhanna pawh chu ngaihsak lo in Rokima chu athat leh that loh ka zawt a, min chhan hma hma chuan a ri leh chawrh a. Duhtawk mai lo in Hruaizela chuan thutbetin a la hnek zui. 

Ka thil ken chu ka thehthla tawp a. Tawp tura hrilhin Hruaizela kawr hnungah chuan ka pawt a, Kimkimi chu dawih chi tih takah a lo ding tap pur mai. 

Kan awmna bawr vela awm te chuan an rawn thelh ve ka ring ania, mahse ding chungin min lo en tawp hlawm nia maw le! 

Rokima chuan a khawih let ve lo a, a thi phung tawh mai si. Ka tihngaihna hre lo chu ka tap ve titih tawh. 

Tap pur chung chuan "Thlah rawh" tiin Hruaizela chu ka kek dak awr a, kan inmelh chiang ngang mai. 

A rawn tho chhuak a, ka tap chu min en reng ringawt. 

"I va sual ve. I pawi kan sawi loh kha" ka ti pur a, Rokima mu chu ka kaihthawh ka tum a, a la rit hrep zui. 

"Enge a ?" Rokima'n an dawr ni a a sawi lam atang chuan an rawn au a "Min lo pui teh u" hawi pheiin ka ti vak a. 

"Tap reng suh Lalsangkim" Kimkimi tap pur chu ka ti a, Hruaizela tlan liam tur chu ka va hmu hman bawk. 

"Eeee.... Enge thleng a ?" Tlangval pakhat chuan min rawn pui a, Rokima te dawr lam a mi te pawh chu an rawn thleng a Rokima a hmai vel a thi nasat avang chuan damdawiin lam an panpui nghal a. Kimkimi nen chuan inkhawibawr chunga zui chu a ni chiahin ka hre si lo a, Puipuii chu kan call a thil thlen dan chu hrilh in damdawiin lama kal ve mai tur chuan ka hrilh a Kimkimi nen chuan kan haw thung. 

In ka thlena ka nu'n min lo hmuh chuan a chiai nasa a, ka kut vela thisen ka kai vang chuan a ni. 

"Tinge hetia i kut hi a awm a ?" ti chûlin ka thil khai te chu min laksak a, "Nu ka tha" ka chhuak hap. Mahse ka sawi zawh rual chuan Hruaizela chetdan chu ka ngaihtuah let a, ka han ngaihtuah let chiah hian ka tim ur ur thei.

"Anih chuan enga ti si nge i kut te hi ?" a ti leh hluai. Ka sawi tawh ang khan tar lam fa ka nih bakah hmeichhe awmchhun ka ni a. Ka tha lo ni a an hriat hi chuan an buai vek zel.

Ka nu che buai phelh lutuk chu vawiin ka thil tawn chu ka hrilh vek a, "Ava rapthlak! Min ti hlau hman lutuk alawm..... Han intifai phawt teh" atih chuan ka room lam ka pan nghal.

Tlaiah chuan tui ti lo zetin chaw chu ka ei ve a, ka chaw ei dan chuan ka û te pahnih leh ka pa chu a ti buai nge ka dam leh dam loh te min zawt tawp. 

Ka nu chuan ka thil tawn vel chu a sawi a, dawhkan chu thawhsanin ka kut ka sil a. AuMama chuan "Kan tello chuan chhuak vak tawh lo se tha ang" a rawn ti chhuak hap. 

"Chuan Mate i thianpa chu enge a an a ?" ka pa chuan a lo ti thung. 

"A chhungten zankhat tal riak turin an ti a" ka ti tha mai bawk. Puipuii nen kan inbiaknaah khan a tha angin sawi mah se khatiang anga kut inthlakah kha chuan a that viau erawh ka ring hran lo. 

"Naktuk lamah i ûJordana nen in va kan ve dawn nia" a ti tha leh mai a. Ka nu chuan "Bawihte han mu rawh" a rawn ti ve bawk a, hnial lo chuan ka room lam ka pan nghal. 

Khuma mu in ka phone ka khawih a, Kimkimi, kei leh Puipuii groupah chuan thil kan sawi mai mai a. Hruaizela chu ka ngei mai pawh ni tawh lo la huat tawp thu te ka sawi a, ka thinrim kal laklawh lutuk che a hreawm zawk. 

Ka kawngkhar chu a rawn ri rak a, AuJordana chu chips leh drinks nen a rawn lut. 

"Zanin chu i roomah ka lo rîm dawn che" a ti a, mi â ang deuhin a la nui vur vur zui. 

"Mama thiannu te chhung an lo leng a" ti lehin a rawn mu ve a, a drinks rawn ken chu a hawng nghal zat. 

"Enge an lo tih a ?" tihpah chuan ka phone chu ka dah a, a chips rawn ken chu ka hawng ve nghal.

"Ka hre lo. Inneih vel an sawi dawn ni in a lang" a tih chuan mak pawh ka ti hran lo. An inzui rei ve tawh a, senior lamah an tum ve chauh zawk a ni. 

"Anih nang bialpa te i nei ve tawh em ?" a tih chuan "Nei lo..... Keichu ka luck lo a" ka ti a. Min nuih hak hak in "Mate thil ka hrilh ang che aw" a ti a, a nui tawp daih lehnghal. 

"Engea min ti hlau lawm" ka ti hlak. Ka û te hi kei aiin an upa fê a, min fiam dan hi ka zo lo lek lek thin. 

"Lehkha hi zir tha suh. 12 i pass hunah pasal neih i duh loh chuan....." a rawn ti a, melh hra hra in "I mawl deuh mi? Anu bulah ka sawi mai ang aw" ka ti nghal hlar. 

"Ka nau neihchhun i nia ka hrilh ve mai mai che nih kha. Keichu bialnu ka ngah tawh lutuk" rawn ti daih. 

Chhan ka tum lai chuan ka phone a rawn ti a, Puipuii leh Kimkimi group call an lo nei. 

Ka lak rual chuan "Enge itih a?" Kimkimi'n rawn ti hlar. 

"AuJordana nen kan ti ti a" ka tih chuan AuJordana chuan "LalKimkim hmeltha nu" tiin Kimkimi chu a lo chhaih zui nghal. 

"Ka hne, dah ang u. Jordan val senior luck lo pa" Kimkimi chuan rawn ti vak a, a ri tut a a tawp nghal hmak. 

"A'u Kimkimi hi i duh mi ?" ka tih chuan â min tih hmel zetin a nui a, "Enge i duh a ang alawm" ka tih chuan "Ka naute duhawm te ka nau te vek innih hi" atih chuan "Chupawh nise i duh loh chuan chhaih ziah suh. A lo duh che nga i duh leh si lo nga a rilru anat chuan ka beng hawisawk dawn che nia" ka ti kha kha, min la nuih ta deuh deuh. 

Zingah AuJordana chuan min kaitho a, mahse tho duh lo in ka mu lehngat. 

Ahnu lawkah ka nu in min rawn kaitho leh a, thu chhuak ve mah i la a thu sawi te chu engmah ka hre lo. Ka mut a chhuak lutuk ringawt. 

"I hria em ?" a rawn tih vak chuan "Aw...." ka ti fan raih a, "Anih chuan kan kal dawn ania aw" atih leh lai chu ka hria a, a chhuah lai erawh ka hre tawh lo. Ka mu leh nghal thlawrh thlawrh. 

Ka harh chuan dar 10 a lo ni tawh, ka phone ka en thuak thuak a. Whatsaap ah number lawngin "Tihpalh" tih te hi message hi a lo awm a. Tu tak chu ni ang maw. 

Choka lamah ka lut a, ka chhungte chu an reh thuap mai. 

Ka nu ka au a, min chhang miah lo. An room ka en a a reh thuap mai. Ka chhungte chu ka zawng a, tumah ka hmu lo. Ka hlauthawng lutuk chu ka tap pur a, ka roomah lutin ka phone ka la a, ka nu ka call nghal. 

A ring kuit thak a, ka call nawn leh. 

Ka nu'n "Aw bawihte" a rawn tih rual deuhthaw chuan "Nu khawnge in awm a ?" ka ti tiau a. 

"Ka hrilh ka hrilh che kha, I pu a damlo a, i pa nen kan kal. I tap em ni a ?" tiin min zawt zat a. 

"Aw ka hmu lo che a" ka tih chuan chek hlakin "Khatiang khan i awm ka ring rengah! Naktukah kan lo haw leh dawn lawm. I û te thu kha lo awi la" a tih chuan "In va cham rei dawn ve. Naktukah school kan lut dawn ania" ka tih chuan "I pu dinhmun a zirin kan cham rei deuh maithei. School kal te mai mai chu i nula tawh kha" a tih chuan "Aw.... Min hruai ve ta cheu. Ka lo be tawh dawn lo cheu" ti hmukin ka dah a, ka phone chu silent in ka charge nghal hmak. Min kaihthawh lai te khan min hruai ve mai awm ania. A telloa ka tlei loh zia a hre ve reng a, min hrem a tum ve hrim hrim a ni chiang lutuk. 

.

.

.

.

"I tau suh aw" AuJordana chuan min chhaih pah chuan a ti a, ka melh leh ralh zel. 

"Mama pawn nupui anei dawn nangpawn nei rawh. I chi a hût dawn" ka tih chuan min melh no tehchiam lo. Ka nu te an rawn haw lawk thei lo a, ka pu a tha vak thei lo nen an rawn haw san lawk ngam lo. 

"Chhuk rawh, tlaiah ka rawn lam dawn lo che nia" a tih chuan "I zaktheilo a nih chu. Anu bulah ka sawi mai ang" ka tih khum nek a, ka kalsan nal nal. 

"Min lo nghak teh" ka hnung lam atang chuan a rawn au a, ka lo ding ve mai. 

"I hmai chu a la duk deuh anih kha" ka tih chuan "Nia, tlem te in" a tih chuan ka nui ro hak a, "Inthiamlo tawh suh ka tih kha aw" amah chuan a rawn ti a. Mahse a hmel ka hmuh chuan inthiam hi a har thin. Hruaizela sawisak chhan kha hre lo mah ila Keimah vangah ka inpuh ve tawp. 

"Puipuii nen in rawn rual nange" ka tih chuan "Aw, vawiin chu a kal dawn lo a" a ti a, school building lam pan chuan kan kal. 

Class ka luh chuan Hruaizela ka hmu a, ka thutna hnungah a thu lehnghal. 

Rokima a sawisak ni atang khan ka hmu khât a, school hi a rawn kal leh kal loh ka hre ngai lo.