MY ANGEL ♡

 

MY ANGEL ♡

CH-1

Irene-i Pov. 

"Mawh!" tiin ka hnung chu a rawn kheuh reng a, ka ning lutuk chuan hawilet pahin "Enge chheban" ka ti vak a, "Bengchheng lo khan aw" Sir Muanpuia chuan rawn ti nghal.

"Min vin vak kher ngai mi" te chu a la ti zawk zawmaha Rozaktheiloa hi. 

"In bengchheng lo thei em ?" kan piah atangin Hruaizela'n a rawn ti a, "I lo buai a ngai lo mu rawh" Rokima chuan ngeiawm zetin a lo chhang a, "Lalrokim ngawi mai mai rawh. I hneh dawn mi ?" Puipuii'n lo ti nghal. 

Hruaizela chuan a rawn chhang zui lo ve teh khiah a, rawn chhang leh se chuan Rokima inla huai ve nen an insual dawn chiang sia.

Lunck break dar a ri a, a rik rual deuhthawin ka hnung a ri chawrh. 

"Tinge a? I kutthlak tur hian school ka lo kal lo aw" Rokima en pah chuan ka ti a, a la nui sawng zui. 

"Canteen ah chhuk ang. Vawiin chu tiffin ka rawn keng lo" Puipuii chuan a ti a, canteen lam pan chuan kan inzui thla nghal.  

Kan hma viau in ka hria ania, thil ei tura kan thut fel meuh chuan Hruaizela leh athiante an lo ri nak nak tawh. 

Irene Lalnunkimi ka ni a, class 11 ka zir mek. 

"Enge min kalsan a ?" Kimkimi chuan a rawn ti bai bai a, kan section a in an loh vang hian innghah hi a har thin. 

"Henu hian tiffin a pai lo a" ka tiin Puipuii chu ka kawk a. 

"Min lo nghak ve tawh ru aw.... E enteh u thil sawi tur ka nei" rawn thut pah chuan a ti teh hluai a. 

"Amak tawp. Mi fate hi an lo nasa ka ti....." a tih lai mek mek chuan "Sawi vat mai rawh" Puipuii'n lo ti leh hmanhmawh. 

"Kan section a mi Ruatfeli kha in hria em ?" a tih chuan kan lu kan bu nghat nghat a. Section B a Ruatfeli te chu lar ve em. Hruaizela bialnu ania, Hruaizela'n hriat a hlawh em a, chuvang pawh a ni pakhat. 

"A rai an tia" a rawn ti chuan "A rai maw!?" Puipuii nen chuan kan ti rual thawt aw. 

"Tawng zawi rawh u" tihpahin min beng. 

"Awww...... An sawi dan chuan Hruaizela fa an tia" a tih chuan mak hi ka ti lutuk. Hruaizela te lam chu ka en a, nichin a kan au vang nge min la rawn en ve zui. 

"Thingi va en kher suh" Puipuii lah chuan mi la ti zui. 

"Tak tak a mi ?" Kimkimi chu ka zawt a. 

"Ka hre lo, an sawi dan ania" a tih chuan Puipuii'n "Keichu ka awi tho a, ka awi lo bawk a. Mahse tiang em em annih ka ring lo. Hruaizela hi tiang lamah hian keichu a englo vak ka ring lo"  a ti a, keilah pek chuan "Nanga lo rin loh angai lo.... An duh te chuan e...." Ka sawi lai mek mek chuan ka dar rawn ben thak pahin ka bulah Rokima bawk chu a rawn thleng a, kan thusawi lai chu kan tawp nghal thap. 

"Tun ang khaw lumah mi bul chêtah thu suh" Kimkimi chuan a lo ti zêk a, amah lah chuan engahmah a ngai lo lehnghal. 

Ka hmingin min rawn ko lauh riah ka hawi chhuak a, tumah min ko tur awm ang phei chu ka hmu law. 

Eng eng emaw kan sawi lai chuan Hruaizela hi kan dawhkan bulah a rawn ding thut a kan en thap. 

"Aram Sir Mka'n a ko che" a rawn ti chu ka zak lutuk ka kun nghal daih. Mi zingah thiante min koh fiam danin min rawn ko nulh ania. 

"A hmanhmawhthlak hmel" a tih chuan amah pawh chu en lo in ka tho a, Teachers room lam panin ka kal nal nal. 

Kum hnih ngawt kan kal ho ve tawh a, ka hming pangngai te chuan min koh ve awm ania. Ka hming a hre lo zawk nge maw ni. 

Sir Mka nen chuan kan intawk a, "Min ko mi Sir" ka tih chuan bo deuh hian "Aih ko nang" a lo ti leh hu a, ka va han zak thuahhnih tak. 

Sir Mka'n min ko bawk si lo, Hruaizela khan min tihder tihna zawk a ni hrim hrim ang. Awiii an thian ho khan an lo nui nasa leh tawh ngawt ang. Engtin nge canteen a thu mai mai khan Sir Mka'n min koh leh koh loh a hriat theih ka rin reng reng ni. 

Ka zak lutuk chu Canteen ah pawh chuan ka let duh tawh lo a, Hruaizela te thian ho khan min lo nuih dawn chiang lutuk. 

Class ah ka kal a, ka thu hle hle. 

Dar a rik leh hnu chuan an rawn lut khawm tak tak a, "Tinge i lo kal leh lo. Insual an awm a hmuhnawm rap" Puipuii chuan a rawn ti a, 'ka hlauh dan chu' tih awm lo 'hmuhnawm rap' hi ti ve ziah. 

"Sir chuan engatan nge a lo koh che a ?" a tih chuan Hruaizela class rawn lut chu ka melh rum a, min rawn en chuan ka hawisan rang lutuk. 

"Min ko lo hrim hrim" tiin Puipuii chu ka chhang a, "A ko lo che maw ?" a tih chuan "Hruizela khan min tihder aniang. Ka zak e, min tihder tu ber lah chu engtin mah ka ti ngam der si lo"  ka ti nang nang a. 

"Ka van khawngaih che" Puipuii chuan ti ve bawk mah se min nuih uar uar tho. 

Kan class neih tur kan neih zawh hnu chuan extra class a awm a, mahse ka awm zui peih loh vangin ka inkhung tha mawlh mawlh. 

"I haw dawn a mi ?" Rokima chuan ka hnung atangin a rawn ti a, "Aw haw dawn" ka lo ti hmuk. Ka hne. Puipuii a star a, keimah zawk min tibuai char char. 

"Haw rual ang aw" tihpah te chuan a inkhung tha deuh deuh lehnghal. 

"Keichu class ka la awm dawn a min lo haw san mi ru aw" Puipuii chuan a ti ve bawk a. Rokima nen chuan peih lo deuhin kan inzui chhuak. 

"Ke in haw ang bus chuan a rei lo. Thil sawipui che ka duh" Rokima chuan a ti a, melh ralh in "Bus pawh ke tho in lawm a kal" ka tih chuan "Tawngtheinu" tihpahin ka chalah min pen kawrh. 

Eitur ka lei ang che a tih vang chuan ke in kan kal hnak hnak a, Puipuii a duh zia leh tihpui char char tur chuan min ti deuh chhen. 

"Ka tihpui che lawm, mahse ngaihzawn hi j phurawm lo ve a. Keipawh ni ila ka duh lo ang che" ka tih chuan "Enge min duh loh nachhan tur? Ka hmeltha a chuan ka fel a, ka pian lah a fuh thlap...." a tih zat zat lai chuan Bike hian min rawn su thawi fua a, Rokima lamah ka pai phei dawrh. 

"A va mawl e" tiin Rokima chuan a au zui a, tunge maw nih reng reng ni kawngsir theih tawpa kan kal chunga mi rawn su tep mai chu. 

"I tawngtheih vang" tiin Rokima chu ka mawhpuh a, ani lah chuan "Enga..... Eeee! Irene bialpa i nei ve em ?" a tih chuan "Nei lo" ka lo ti leh hmuk a. Kan in lam peng kawi na kan thlen avang chuan engmah a sawi leh hma in ka pen kawi san daih. 

In ka thlen chuan AuMama leh AuJordana  an lo awm a, ka nu awmna ka zawt nghal zat a. In ka thlen a ka nu a awm loh hian ka kim lo tlat zel hian ka in hre thin. 

"Mate" tiin AuMama chuan min en a, a mi melh dan chuan ka ngaih a ti tha lo.