KA DUH BER LAST CHAPTER

|| KA DUH BER LAST CHAPTER ||

A TAWP AH NOTE KA DAH ṬEUH DAWN A, STORY THAR TUR TE PAWH KA SAWI DUAH DAWN CHUVANGIN A TAWP NOTE CHHIAR VEK TUR 

>>>>>>>><<<<<<<

Ka nau neih a hnai ta! U Hmingmuana nen pawh kan inring ang reng hle tawh a, Thlasarih hmel kan hmuh aṭangin U Hmingmuana chuan kan ṭhenawm hnai ve ber ami Pa Tluangtea (ani tan chuan ṭhianpa han tih mai theih tur) hi a lenchilh deuh chawt a. A chhan pawh Pa Tluangtea chu fa nei tawh ani a, an fa neih lai vela a awmdan a zawt uluk viau ṭhin ani awm e. Nu Sangpuii'n ka bulah, "Heti teh tlawng hi kan ni mai si a, hei la thar eihlo kan nia! Khu lama kan pi te lah rawn kal an theihloh hmel a zah pawh dawn lovin sawi rawih mai ila; hei inpa, Pu Tluangtea nen hian kan phût sang khawp mai cheu" a ti ṭhin e atia. Pa Tluangtea lah chuan, "Nau neih te mai mai, i dawr i nghah chhung pawn kan lo nei fel vek hman" tiin a lo fiam ṭhin ani awm a. Sawi uan mah nise mi a ti thlamuang ve huai mai. 

Ka la sawi loh char char chu U Hmingmuana hian Bazar ah khan dawr ava nei ta. Dawr tiah Workshop ani mai. Kan piangthar dâ leh ṭhin pa hi ka rin ai daihin alo hausa a, khawvel thil lamah emaw pathian thu lamah pawh nise. Tlang sawiah chuan a tleirawl chhuah aṭangin tleirawl awmṭha duhlo leh leh chhungte ti hming chhe tu ani a. Sawmi leh Zorini pawh khan 'piangthar dâ leh ṭhin' an tia nih kha. Mahse kan piangthar dâ leh ṭhin a ngei hi pathian ah a hausa in hlimna anei ka ti mai. Amaherawhchu zan mut dawn mut chhuak tawh ṭhut pawh ṭhu ngil thei tawhlo laia inla fekfawn taka a ṭawngṭai ṭhin erawh ka ning ru ang reng viau. 

U Hmingmuana rawng bawlin a che surh surh a, kei erawh hahdam zetin sofa ah ka ṭhu mu der der. Kawngkhar a rawn inhawng ri rawk a, ka pa, Mapuia leh Zonuntluanga an rawn lut hlawl. 

"Eng thil nge ni ?" tiin U Hmingmuana chu arawn chhuak a. Keiin mak ka tih nen ani ve chu hre lawk sa ang hrim in an pathum hma ah chuan a ding kak teu a. Tho chhuakin ahnungah, a ban vuanin ka va ding biru ve ṭat. 

"Hruaii, ka pa pai chung khan pasal dang neih chu i rilruk em lo ang tiraw ?" Mapuia chuan a rawn ti a, "I thusawi kha zak hle la, let leh rawh" ka ti fak a. Chhantu ka nei ṭha tih ka inhria a ka pa pawh nise tharum lamah chuan hlau lo hlawm tak ka ni. 

Mahse mahni pate lo zin ve pawh ṭhu tura han sawm miahlo chu amawilo a, "Pa..." ka ti hman chiah a, ka pa chuan, "Hei hi maw i awm duhdan, midang fa paiin i dul a kawh puar luah a, mipa dang inah ila awm hawrh hawrh ania" a rawn ti mai a. Ka hawi haw ringawt. 

"E Pa Ding, chutin an ti ngai love. Rawn lut ula ṭha deuhin i sawi zawk teh ang u" U Hmingmuana chuan a rawn ti dam thlap a, ka pa erawh in chetsan a tum hmel viau lo. An din reng tak vang nge U Hmingmuana vek chuan, "Inthu hriat a diklo anih ka va ring em, Hruaii hian midang nilo in ka fa ngei ani a pai ni" a rawn ti a. Kei erawh ka pa te pawh en tawh loin ahnungah a kawr hnung ṭhamin ka biru hmak tawh. 

"Hetah rawn kal teh" a ti fiak ṭhak a, U Hmingmuana hnungah chuan ka la biru ngawr ngawr. "Hruaii a luhlul zawng hian min nek suh, mualpho tam ai chuan ka thu awihla a ṭha ani mai" a rawn tih leh rual in U Hmingmuana hnung aṭang chuan min pawt chhuak nawk a, "ka duh lo" tiin ka ban chu ka vai vak a U Hmingmuana hnungah ka biru leh nghal. "Hruaii i pa ka nih hi" a rawn tih chuan, "Mahse min hmangaih lo" ka ti zat a. Ka kâ aṭanga rawn chhuak ni mahse ka inthiamlo lehnghal. Mahse  sawi ngei ka duh a, U Hmingmuana ban vuan ran chung si chuan ka pa hmachhawn thei tur chuan ka ding chhuak a, "Pa, ka pa ini; Mahse min hmangaih lo! Nang chuan ka ṭhatna tur niawm takin iti a mahse i mualpho hlauh vang zawk ani. Mahni fanu neih chhun chhiat tawhna ah pawh hma ila ngam lo a, ka thil thlen hnu aṭang khan i bula ka awm hian ka thla a ngam lo a. Mahse makpa atan pawha i duhlo em em bulah hi chuan ka thla ngam in a nuam ka ti. Ka khawvel tur chu ka siam tur ani tih a hma khan ka lo hrethiam ngailo a, ithlazar hnuaia awm a in ngaiin ka hlim ve em em ṭhin. A pawi taber chu nang chuan ka nu awmloh hnu ah nupui fanau neiin chhungkaw thar i din a, kha kha ka lo hrethiam ngai lo. Mahse tunah chuan a danglam tawh a, keipawn khawvel thar ka nei tawh. Ka chak lohna leh ka tlin lohna a min dawm a min kalpui pui zel tur ka nei tawh a; i bula lo let thei ka ni tawh lo. Nangpawn ka nu nena in nunhlui hriatrengna a min ngaiin min theihnghilh rawh." Ka pa nena kan tawpna chu ka siam ta rup mai!  sawi zawm leh in "Khawngaihin hmangaihna hming chhala min khawihchhiat duhlo tu hmel pawh kha hmu reng ka peihlo, induh chuan ani tello khan in awm thei anga. Ani erawh kan lawmlo tih inhre rawh se!" Ka ti leh ta fak a. Ka pa chu ka thusawi vanga lawmlo tih hriat takin a thaw kawk kawk a, "a ṭha e, i mangan lungngaih hunah min rawn bawhbuai reng reng suh ang che" a ti ram hmak a, a chhuak zui hmak. Mapuia chuan min en kawl in, "Ka fa chu ka la rawn lam ang, mi awmherh bula a awm ka phal dawn awzawnglo" a ti hrawk a, a chhuak zui ve. 

"I kal ve dawn lo mi ?" Ṭap ṭiau chuan Zonuntluanga ding reng chu ka ti a. A dar chhin ak in, "Buaina siam turin ka rawn kal ve hleinem" a ti nui suk a. Keipawh ka nui hak. U Hmingmuana chuan ka kawngah a kut rawn rawlh pahin, "Ṭap suh, chhe per pur lutuk" ka hnar piai pah chuan arawn ti a. Ka ṭah nui ta tawp. 

U Hmingmuana chuan Zonuntluanga chu a hman chuan heta rawn chho ve turin alo chah hi alo ni a, ka awmdan ah ka khawhar lo khawhar thei hmel aniang Sawmi leh Zorini Aizawl lama an buai lai tak alo ni bawk si, Zonuntluanga hi 12 a fail pek a, an exam awl lai tak alo ni nen thik chung chung in alo zuk chah ve rawih a. Ka lungrunpuia nge nge thil hi angaihtuah kimin mi hi a ngaihtuah em em mai ni. 

Khua a thim chuan kan mu anileh der mai tawh, ka mut hi namen lo in a rawn chhuak a U Hmingmuana'n ka kut a khal a khal chuan min ti harh leh ṭhin. "Khawmaw, ka mut a chhuak" tihpahin ka paihsan a, tawlh hniam in ka awm ah a hmai a zu phum daih a. Sawi chi ani em ka hrelo a, mahse mak deuh chu U Hmingmuana hian ka pi te khuaa kan awm lai tih loh kha chu min khawih leh tawh miah lo. Ka rilru a nuamlo viau ṭhin a, min khawih hreh nge nia nga nau pai laia hman hi aṭhalo zawk pawh ka hrelo. 

Zonuntluanga chu in nghak turin ka ti a, U Hmingmuana pek tura ka siam Tiffin chu khaiin U Hmingmuana dawr lam ka pan a, khawchhung nilo mahse bazar hi an tam thei em a motor pawh a tam phian. U Hmingmuana te dawr ep ah chuan kawng kân theih hun nghakin ka ding a. U Hmingmuana chuan min rawn thlir phei vung vung pahin min rawn call a, ka lak rual chuan, "Tinge irawn kal?"  arawn ti teh thawr a. Ka hmel ka ner nawng nawng. "Eitur ka siam a" tihpahin kawngpuiah chuan ka chhuk a, ka sir lam leh vei lam ka en uluk viau bawk..

"Min rawn call la, ka rawn haw mai thei zawk asin" atih chuan pen ṭan pahin, "ka lo kal ve chak hrim hrim alawm" ka ti a. Ka sir a P.W.D hnathawk pakhatin nawrlirh nen min rawn pel tur chiah tihah chuan ka hawi phei a. Mahse a rang lutuk a, engmah ka hre hman lo. Phone a ka mi biak pa in khawk rum rum khawp a 'ding rawh' a ti ka hre chiang em em a; mahse kawngpuiah chuan vawm bei ang thlawp hian ka thal a, P.W.D hnathawk pa nawrlirh in ka pum a delh chu na tiin ka ṭhen nghal chawk chawk. 

Thisen! Thisen chu kawngpuiah chuan a luang a, hei hi keimah aṭanga rawn chhuak em ni a nih ava han tam em em ve. U Hmingmuana rawn tlan phei chawn chawn chu na tih vanga ṭhen chawk chawk in ka en a, min delhtu thehsawn lawpin min pawm kang a, min rawn su tu car seat hnung lamah chuan min ṭhutluh pui a. A khalhtu chu damdawiin lama inkhalh nghal turin a ti vian hrawk bawk. 

Ka pum chu nat namen lohin a na a, hmel siam chhiat dan tur pawh ka hre tawh lo. Khawvel hi tawp pawh nise ka vui lo ang. Tun anga na neih a khawvel awm reng ai chuan ka thlang zawk. Ka thisen chhuah nasat vang nge ka meng hleithei lo nghal a, ka hmaia min beng thak thak in, "Muhil suh, harh rawh" a rawn ti vin chiam reng a. A aw ah hlauhthawnna a awm a min vin chiam chiam pawh chu ka dem hran lo. 

J

Kan ding su lup a, damdawiin chhungah min thlawh luh pui ani deuh ber a, U Hmingmuana chu a au nghal ruai ruai a, ka meng theih hlawl tawhloh vang chuan ka mit ka chhing a. Engmah hriat ka nei zui ta lo.  

______________________

Tu emaw in ka kut arawn tuai a, a hmuiin ka kutchung a deh chuan ka hriatna thazam zawng zawng hi arawn kir nimai in ka hria. Ka kut chu ka ti che a, ka kut ṭang leh ke ṭang kham deuh ut hlawm chu ka ti che kual a, ka meng chhuak riai riai. "A harh ania" hmeichhe aw sin lam mah chuan a ti a. Pakhat chuan ṭah aw ti tih in "a harh" a rawn ti ṭiau mai. Ka hawi kual a, khum bula dingin min lo en ṭhap hlawm a, an karah chuan U Hmingmuana chu a rawn inrawlh lut a, ka hmuh chuan ka lunga chhia in ka ṭah a chhuak ngawih ngawih a. Ka ban chu zawi zetin ka phar a, min rawn pan hnai ruakin min rawn kuah vawng vawng a. Doctor niawm takin, "in dim ala ngai dawn ania" arawn tih chuan U Hmingmuana chuan inlakhran a tum a, mahse keimah zawk chuan ka kuah bet tlat. 

Ka ngai a, ka ngai lutuk. Tunah tak phei hi chuan amah ah incharbeh daih hial ka duh. "Ka duhtakte" tihpahin min nawr hla deuh a. A hmel chu a cher ve deuhin ka hria, a mitkhur pawh tla ve duk. Hrechhuak thutin ka pum chu ka en a. A thep vek. Accident tirh aṭanga thleng tur ka hriat lawk sa ni mah se ka laka aṭanga nunna nei, ka thawk rual a thaw ve a, ka ei leh in ang apiang ei leh in a ka kalna hmun apianga min zui ṭhin awm talo thut chuan min ti mangang a, ka hawi kual ruai mai. 

Min taksa ah min kuah bet vek a, kei ka zawi vek thung, "inah min lo hmuak dawn a, anu hi damṭha taka i awmloh chuan kan haw thei dawn lo ania" a rawn tia. "Dawt min hrilh suh" ṭap ṭiau chungin ka ti vak. Min hnem nana dawt a sawi ka duhlo, naute a awmlo tih chu ka hriatna thazam hian khawilai emaw ber aṭangin min hriattir a. Ka na! Naute a awm lo tih chuan min ti na ngawih ngawih a, engtiang hmang pawha lo awm nimahse anu ka ni a, thlakaw pum la awmdun lo mah ila kan thlariat hman dunah khan amah ka hriatrengna tur thil atam lutuk. Pianglo ngaiin an ṭap ngailo an ti a, keizawng ka fa piang ve hmanlo ngaiin ka ṭap ka ṭap anih hi!

Thlakhat ṭha tehmeuh damdawiin a ka awm hnuin kan chhuak a, rilru na leh taksa chau ka la fawmkem a, ka tla duk mai. UHmingmuana nen tehtlawng kan ni a, a hmel ka vung vung phei hi chuan ka khawngaih lutuk hi ka ṭap leh tawp zel. A sam sei ngai reng reng lo hi a sam a buk chhup a, a hmel a dawldangin a biang aki rût a. Amit khur lah zan mutṭhalo tih hriat rengin atla duk a, ka damloh harh theihloh lai vela mangang taka a awmdan tur te ka ngaihtuah phei chuan ka khawngaih lutuk ringawt. 

Naute chu inbul ah an phum a, ṭha takin a inhung a. A thlan pawn thlan lung anei nghal thlap. Ka hmuh tirh chuan awm mai dan ka hrelo a, ka ṭap thei hleklo chu mak ka inti. 

Hun a kal bek bek a, thla thum lai a liam leh ta. Ka nitin hna chu U Hmingmuana an hnathawhna a zui emaw kan pahnih a in a awm ani tawp. Mahni in ka chhuak ngai lova, ka chhuah pawh a phal hek lo. Tlai tinin naute thlanah ka kal a, tih tur em em nei silo in ka tap ka tap ṭhin. 

Tlaikhat kan nupa a rawng kan bawl chu purunvar rim ka ti thei leh der lo. Tun hnai chu rim huat hi ka ngah leh tawh lutuk a, a chawhmeh ei chak zawnga ka rim huat a awm chuan a eilo mai zel a, ei tura ka tih pawn, "nupui te thil huat na na na" a ti nui nui zel a, ka ti lui duh ta bik ngailo. 

U Hmingmuana chuan min en in, "Hruaii" a rawn ti vut a. Ka en chuan hmel tak ren run a min en in, "Ka hmangaih che" a rawn ti thut a. Ahmel a tak rum ul si a, hlauthawng deuh takin, "keipawn" ka ti ve ngawt a. Nui sukin ka hmuiah chuan, "chuk chuk chuk chuk" tih pahin min rawn chuk mawlh mawlh a, a hnuah inla hrang vutin dawhkana chuan min hlang chho a, ka biang tawn tawn a vuanin uluk leh uar zetin min fawp a.  Pangngai taka mif fawh takah chuan ka chhanglet ve reuh tan tan a. Kan infawh reng lai chuan anui suk anih chu! 

Ka mawng chu ṭham tawkin min pawm kanga a kawngah ka kherh vat. Gas chu off zauhvin pindan lam min panpui a, inla hrang vatin, "Rawng kan bawl kha..." ka tih chuan ka mawnga bengin a ṭham zui tawk a. Amah  chu ka va nawr na sauh, "A hmin sa hi ka ei phawt ang che" tihpahin min fawp leh a, chhan let loh theihloh a infawh lah hi a thiam a! 

"Lalapa ka rai!" bathroom aṭanga ka chhuah chuan ka ti nghal vak a. Khuma rilru inkhap hmel pu zeta min en tu pa pawh a meng awk mai. Ading chhuak vut a, "Naute.." tihpahin rai puar din dan posi  a dingin a dul a'n dawm ngawt pek a, atthlak tizetin ka lo nuih hak. 

"Naute kan nei dawn!" Tihpah chuan min rawn kuah vawng vawng a, ka chhipah a fawp zui tawk. 

Kan zan mutna ah chuan mi enge a duh ka zawt a, mi engpawh a duhthu a sawi a. "Anih tuai emaw patil lo ni ta se" ka tih chuan, "Mi eng ang pawn rawn piang se ka hmangaih vek. A nu leh pa'n hmangaihna leh beiseina nena kan en reng chuan a nihdan tur ang baka kal chu a duh biklo ang"a rawn ti a. Kei zawhna ngah ta reng reng chuan, "A nih a englai ber hi nge i hlimna lai ber ?" ka ti leh a. Nui sun sun a ka dul chul in, "Ele fa ka neih dawn hi! A hma te chuan ka beisei lo lutuk che hi chi thlah loin angai ngai a ka let ka inring a" a rawn ti mai chu ka va han nui nasa tak. 

5years later

Kum nga a liam leh meuh chuan kan fapa pawh kum li lai ani tawh a. A chhang tur kan pai veleh mek tawh. 

Mi hian eng nge khawvelah i huat ber min ti tase khawvela ka huat ber chu ran chaw rawn fak ṭhin ho hi ka ti ngei ngei ang. Pu Thangṭhuama phei chu ka haw hlawm tawp. A Jafa archaw fak kha kan naute in ahmu pek a, apa bulah "apa archaw lei ang" a ti ngawt a, "ar pawh ineih loh kha ngatan nge archaw itih" ka tih chuan fiah mang hleilo hian, "Pu Thangthuama pawn ar alian duh ati. Apa archaw lei ang" zuk ti tlat pek a! Apa in "kan lei dawn nia" a rawn tih chuan, "lei ngailo" ka lo ti ṭhat a. Ṭullo a pawisa hmanna hi hre dun pafa lutuk. 

Kan zan mut hmunah a sawi leh a,"Naute in a duh sia, arte nen kan lei nga" a rawn tih dek dek chuan, "Khawiah nge a in i sak ang, tual zawl ah sawn ka phal hlek lo nia. Chuan tunge enkawl reng reng anga" ka ti hmarh hmarh a. "Inchung zawl ah hian kan sa..." a ti leh hman ṭawk tihah, "Ee, ni a sa lawm. Nangpawh inchung zawlah khian rangva inchung chauh neiin in sa la han awm rawh. I duh bik dawn mi" ka lo ti leh a. "I ṭawngthei sia maw" a rawn ti a. A sawi chiang thei sia ṭawngthei min tih tawh hi chuan ka ṭawngtheih hmel bik ngawih ngawih. 

"Ṭawngtheih vang pawh ni mi? Thil hi in ngaihtuah thui ve lo a, nau kan nei ṭep tawh. Jeremy pawh i duat khuchuk a, awm ngaihna a hre tawhlo nih saw, hma hun thlir lo deuh deuh hian thil hi in tia, khawmaw ṭham vak ziah suh" tihpahin ka hnute a ṭhamna ka beng a; tihngaihna min hriatloh hmel zetin a "hmmm" deuh vak ringawt. 

Zan rei lamah Jeremy chu kan room ah rawn lut a, apa in asir lama mut tir a tum chu ka bula a mut duh tlat avangin a laiah amu a, "i nu hnute ban suh ang che" apa zawkin ka hnute hum ran chungin a fapa naupang zawk a vau khar khar. 

Ka pa nena kan inkar ṭhat leh tak dan ka hrilh ang cheu. Thawkhat lai khan U Hmingmuana hian a dawr kal haw zu rawn inhaw hi a ching zeuh zeuh a. A tirah chuan a taksa a chau anga a in ve niang ka ti mai a, a tihzawm pawh ka ringlo. Mahse tlai tin a rawn nam haw ta ziah a, min be duhlo in min pehhel dan tur a zawng niber hian ka hria. A ṭhian Sangpuia ka hmuh chuan ka zawt ta rawih a. Kan ṭhenawm va piah ve deuh hlek ami tlangval Hlima nen kan inngaizawng emaw alo tia. Mi sawi alo hria niang min ringhlel tawpin min zawt dawt ngam silo hian zu alo in ve chu niin. Ka nuih hi aza khawp mai a. Mahse tihbuaia tih mangan kha ka duh a. A hnathawk kal hlanin kan nufa in kan insiam vek a, kan khaw lama zin thlak ka tum ani. Hrilh miahlo chuan kan kal ta. Khua kan thleng ṭepin a call ka hmu ta chiah a, a ruilo ve teh khiah emaw ni pangngai zet hian, "Khawnge in awm ?"a rawn ti a. "Kan haw" tihbak in ka lo chhanglo. 

"Khawiah" a rawn tih chuan "ka pa te khua ah, zurui reng bulah ka awm reng peihlo" ka sawi zawh rualin call a in cut hmak a. Ka phone chu ka en he haw, khatiang reng reng a han inngaihsak loh mai amah zawk chuan ngaihzawng anei anih ka ring rum rum. 

U Hmingmuana te inah (kan in tipawn a sawi theih tawh mai ang chu) ka lut a. Ka hrilh lawk tawh vangin min lo lawm hle a, Mipa fa awmchhun ani a Jeremy phei chu lawm tak anni. An bulah chuan zin mai mai tur angin ka insawi a, U Hmingmuana zu in vel pawh ka sawilo. 

Zan anih thleng chuan a call ka dawng leh miahlo a, ka call duh ta bik lo. 

Dar 10 Jeremy ka tih mut awm veleh ka pa in min rawn phone a, "hei inpa hi" a rawn ti mai. Ka pa te ina kanpa awm tih ka hriat chuan ka nu leh pa (U Hmingmuana nu te) hrilhin ka zuk kal vat a. Ka pa nen khunkhan zetin anlo ti ti. Min hmuh taka chuan kan inzui haw vata, min la be duh der lo lehnghal. Zanah pawh min hnungchhawn zawngin amu kut a, pawi ka va han tilo tak. 

Zingah ka pa ka zuk bia a, ka thu hriat chuan min va han ti nui hnem char char tak. Kan Hmingmuanpuia hi a lo inhmu chhuak chiang hle a, ka pa hnenah ṭhingṭhi in, "min ngaidam rawh u,mahse in fanu tello hian ka awm theilo a. Zu pawh ka in tawh lo ang" tiin amah alo inzuk puan vek a. Ka pa chuan, "ilo haw tih kan hre ve der silo a, a â ta mai maw kan ti lawm" a ti a. Ka nu leh pa leh Jeremy ni te ho pawh chu thil awmdan ka hrilh ta vek a. Kei ai ai in annui nasa. A rawn thawh chhuah chuan kan lo nuih ṭha hlawm a, tumah lah chu min nuih let duh der lo. 

Chaw ei laiin ka pa chua  a rawn sawi a, puitling tak leh mi thu vang mai maia chhungkaw tichhe zawnga khawsak loh tur anih zia te a sawi a. Kan ngaithla ṭhap. Jeremy pek chuan, "Apa chu amah te inpuan vel" a rawn tih ve chuan kan vai nuih ta vek. 

Kan zin remchang tiin man kan inhlan a, zin remchang mai maia ka man hlan theih ani chu ka hlut loh hmel bik ngawih ngawih hian ka hria a, mahse khata ṭang khan ka pa nen pawh kan inkar a ṭha a, kan inbe pawt leh reng tawh. 

>>>>>>THE END<<<<<<

*Ka duh ber* story a tir aṭanga tawp thlenga i chhiar avangin ka lawm e. 

Batery 11 chiah ka nei tawha ka rawn sawi puat puat mai ang aw 😆

Mak si tak ni bawk si chu hemi story hma lamah khan arpui khuang ka rawn ziah kha, kha kha tak tak ani. "Arpui a khuang ngai silo a" inti maithei a, ni e, a khuang ngailo reng a mahse a khuang a a hawilam in a cheng a nula khan sàwn a pai thin. Entir nen in thenawm te inlam hawiin arpui a khuan chuan an nula zing a tu emaw ber khan sàwn a pai dawn tihna nih chu! Mahse hmeichhe awmlo chhungkua annih chuan ka hre bikloa, tunlaiah mipa pawh an rai thei tawh a, an rai tho chu ka ring 😂

Story thar....

1. Forbbiden Love

2. Siali S2: Sawiselbovi

3. Jealous aka A zûn

4. Farewell

1. Ka ziah duah hman tawhlo vangin tihian sawi ang: Vincent leh Rose thawnthu ani dawn a, Vincent chu Rose-i nu in midang alaka a fanu Wendy pasal ani. Mahse Wendy chuan nau a pai theilo a, nau a pai theilo anih chuan a pasalte chhungkaw zingah chuan hmuhhmaih char char ani dawn a. A nu punin anu chuan a fanu pakhar Rose chu anau tana fa pai sak tur chuan a ti a. Duhlo engang mahse a pawm angai. Tichuan Rose chu Vincenta'n zu rui ni a an hriat apiangin a room ah an luh tir thin a. An thil tih hi tumah hretu an awmlo maw an tih laiin mi pakhat chuan alo hre ru kiau si a....... (Translate tur ang ani a, tawng bungraw neih sa in daih lo mahse ka hawh chawp nawk nawk ang 😆)

2. Siali chu sawivak ngailo in inhre in ka ring e

3. Jealous: a nih a ah tak chuan hei hi A zûn kha ania. Doctor leh a damlo, a damlo awmpuinu kara hmangaihna.

Tlem.....

"Khuma hmeichhe mu chu ka en a, damlo khuma mu mah nise ka awt ngawih ngawih" hmangaihna an tih ang chu a dawng vek bik asin. Kawngkhar a rawn ri rak a. Mihring ka hmuh tawha ka bei la ti dawng ber leh la beisei san ber ka ta ni ve ngailo tur rawn lut mek chu ka melh ngawt ngawt a. 

Ka bul a rawn thlen chuan, "Min mutpui rawh!" Ka lo ti deuh tawl. 

Thawnhnu pahnih ani dawn ani mah zawk 😂

4. Farewell: Pasaltha deuha love story Time travel lam a tam sia a dang deuhin ka rawn ti rawih. Karma chungchang ka sawi hi a nihdan loin ka ziak a, karma chungchang hre deuh khan rawn sawi kher lo ula zahthlak 😂

♡ FAREWELL ♡ CH-1 BY RAMDINI JAHAU



"Mampui.... RAMMUANPUI!!" a ri khawk rum rum a, ka'n ngaihthlak chian chuan ka bul hnai mai ah ani.

Zangthal zawnga ka mu chu ka let nawk a, min chhui pawp ni mai hian ka hria. 

"That rawh u" pakhat in a ti a. 

"Hmeichhia anih hi" pakhat in a ti veleh a, an inhnial zui nghal bap bap. 

Ka mit ka meng a, thingkung zar hnah kara chhum lo lang paw ve riai riai chauh chu ka hmuh theih chhun an ni. 

Lengkir bula awm ang riak in a ri hum hum a, mahse 'Mampui' ti a au thawm erawh a hliah zo lo thung.

Silai a puak dur a, ka sir ah mi pakhat hi a rawn let tawp. Mahse a inthuam dan chuan min va han harh chian tir em!! 

Rang zet a tho in ka in en kual a, ke lawng in ka awm, kekawr ni lo in Ngotekherh ngei mai chu ka hnu bih bawk a. Ka sam ka chhipa ka tawn bawk tawp kha a inthlah phelh phung bawk, chung chu engtin nge second reilo te chhunga ka hriat kim hman ka hrelo, chempui hum chunga inhrohsa kuk kuk pahin tlangval pakhat hian kan lam a rawn pan a, a hma zawnah amah ang tlangval dang hi a rawn ding teu. 

Kan lam rawn pan tu chuan, "Thi sawn rawh!!" Tihpahin a chem hum chu avai pawp a, au tuar in ka ban chuan ka mit ka hliah a. 

Ka thu chhuak hlawl!!

"Kha zawng kha em ni ?" Doctor chuan a rawn ti sup a. Chhang mai lo chuan thawk ka la deuh kawk phawt. 

Tui no a tui thlitchhuah sa chu keng in min rawn pan a, "Mrs. Delder, ka rin dan chuan i nun hmasa ah i cheng niin ka hria" a tih chuan ka thu chhuak a. A tui min pek chu ka ban nghal zat. 

"Parallel World an tih ang hi em ni ?" 

"Nilo e" a lu a thing mat mat a. 

"I nun hmasa ani! Ka rin dan chuan he thil hi damdawi hmanga tihdam theih ani lo" a sawi lai mek mek chuan ka tuiin chu ka hak a, ka khuh zui bawrh bawrh. 

"Mangchhia ang maia rapthlak hi maw!?" Ka ti hlawl. 

Tissue min pek pah in a chairah chuan a thu thla a, a tarmit kar atanga chiang zeta min en in, "Mangchhia i ti phal meuh ang maw? Hetiang case khawih thin hi hmelhriat ka nei a...."

"Lawk in, case iti em ni?? Kei hi ka â miah lo nia" a thusawi pawt chat chuan ka lo ti vat. 

"Mrs. Delder pian nawn lehna an tih ang hi i rin zawng ani em ?" min en kar chung chuan a ti a. 

"Teuh lo"

"Karma an tih hi i hria em ?" a tih chuan bangbo zet in ka en. 

"Karma chu eng nge ni!?"

"Ka hmelhriat pakhat in a sawi dan chuan nun hmasa kan nei a, chuta kan thil tih zawhloh chu kan nun lehna ah hian min rawn ṭhing ṭhin. Tam tak chu a hunlai ami ang khan an rawn piang a, thenkhat erawh pangngai takin. Mahse thenkhat chu an nun hmasa a thil pawimawh tak an hlen si loh te kha an rawn kalsan a, chu chuan mang lamah te ahriat tir ṭhin,  kei chuan a dik takin ka sawi thiamlo. Ka theihna piah lam ani. Hei hi la la, i pan dawn nia" tihpahin lehkha hi min pe a, tu emaw address in ziahna ani.

Damdawiin ka chhuahsan hnuah ka apartment lam ka pan a, ka mumang bawk chu ka rilru ah a rawn lut.

Christian ka ni a, heng pian nawn leh na tih vel hi ka rin loh bur tur thil ani. Mahse Dr. Saunder khan min hrilh chiang viau si. 

Thla leh a ka pasal neihna turin kan inbuaisaih mup mup tawh a, mizoram lama ka chhungte pawh a thei ang ang chu a rawn thleng tawh. Mahse a pasal nei tur a ber hi ka buai a, mahni pawh in buaipui thei lo in he ka mumang maksak zet hian min tibuai a. Ka mangang in Dr. Saunder ka pan ka ta ngawt ani a, ani lah chuan damdawi hmanga tihdam theih anih loh thu leh ka nun hmasa lam a lo sawi hleuh mai si. 

Pali zingah khian pahnih a thlan theih a, induhlo vek anih pawn plot dang ka la ngah nia 😆 10 talin in rawn thlan loh chuan ka ziam dawnlo re re

Whatsapp grp atanga chhiar vote duh tan hei link aw

https://www.facebook.com/groups/991354610918230/permalink/4289410901112568/?app=fbl

A tawp ber ah chuan ka va lawm em, story regu lo tak chung pawha min chhiar chhuah sak avangin ka lawm em em a, chutichuan sawi leh hram ang ads click leh comment kha min lo tihsak hram ula aw ☺️