KA DUH BER CH-9

 ||KA DUH BER CH-9 ||

A chetdan avang chuan ahma thil thleng chu ka mitthla uar uar a, nam sawnin mittui nen, "ka duhlo, ka hlau" ka ti ta ṭiau. 

Kei ai maha hlauhthawn hmel zawk hian min en a, a chal leh ka chal chu a rawn insik tir a, "ka hria alawm, mahse tuna i hlauhna kha i hneh angai" a rawn ti sap a. Ka chil ka lem nghal khawlh. Eng ngaihtuahna nge a neih ka hrelo, ahma zawngin hetiang hian a awm ngailo. 

Lehlamah chuan a sawi chu a dik, ka hlauh ka hneh a, ka ti reh vat angai alawm. Kan hmahunah pasal nei mai tur ang ka ni tawh a, mahse ka ngam ngang silo ani. Pathian ka hlauh vang em em pawh nilo in keimah ah timna a awm a, a awm ah bawk ka nam leh. Chumi rual deuhthaw chuan a ai uar in min rawn fawp a, ka kut pahnih chu la in a kut pakhat chuan chung lamah a man bet hmiah a. 

"I ti dawn lo tiraw?" ka ti leh ṭuak ah chuan rilru buai hmel zet in min en a. Mahse ka sawi erawh chuan awmzia a awmlo tih hriat takin ka kekawr kawng lam chu a dap a, ka panty nen chuan ka khup vel thleng a pawt thla nghal a. A kut a ka hmeichhiatna a tawh rual chuan min rawn fawp leh a ka chhanglet hran lo. 

A mipatna hrawl zet chuan ka hmeichhiatna a a nawr kual nawk nawk a, ka mit chhing in ka ip ngar ngar thung.

A rawn nawr luh rual chuan ka kut a vawnbehna chu a thlah a, rak deuh ṭhat in a nghawngah ka kuah nghal ṭai. 

Ana lutuk! Ana lutuk tlat, a hma ai mah zawk khan ana in ka hria. Che zawm lo chuan a chawl vang vang a, chet zawm loh avang chuan ka lu chu ka nghat thla dat a mahse anat dan chu a tur et et mai in ka hria. Mitmeng thim ruih hian min en a, min rawn fawh leh veleh a ai chiangin a rawn lut. 

Ka ṭhen deuh chawk chawk a, "a rei lo ang" aw khur deuh ti tih a sawi pah chuan min rawn fawp a che zui nghal zat. 

Ka taksa chu a ṭang mar ut a, ka tha a khur hialin ka hria. Ka ke ler aṭanga ka chhip thleng chuan tih danglam nimaiin ka inhria a, reilo te ah ka tha khur te chu a rawn reh a, ka zawi deuh hnawk. A rawn lum deuh puat puat a, ka sir ah chuan alet veleh nghal tawp. 

A bul set ah chuan min hnuk hnai a, ka chal ah fawp in a awmah chuan min kuah bet hle hle. 

"Ka ti na che em ?" A rawn tih chuan ka lu ka thing nar nar a, ka chhip ah arawn fawp zauh. 

Ka na miaulo ani. Natna ai chuan nawmna in min tuam zawk a, kha thil kha kan ti lo ang tih ka hlau zawk mah. 

Inbe lem lo chuan kan ngawi dun kar a, ka rilru ah 'ka rai angem' tih alo lan rual chuan ka mumang chu ka hrechhuak a. Ka dul chu ka khawih nghal vat. 

"Ka pum..!!" sawi zo lo chuan ka ngawi ta daih. Eng rilru nge ka put ni ka mumanga ka rai avang khan atak rama ka dul thep chu mak ka ti ringawt anih chu! Ka mumangah lah khan pasal ka nei a, ka pasal hmel kha hmu mah ila tunge anih ka hre lo, mahse ka rai khan U Mapuia fa ka lo pai daih si. 

Ka thaw hak a, ka sir ami chuan ka ṭhat leh ṭhat loh min rawn zawt nghal vat. Chhang lo chuan ka melh reng ringawt a ka ngaihtuahna ah chuan thil pakhat chiah a awm. 

Kei hian nau ka lo keng reng hi ani lo maw!!

_______________________

Palai chu kan khaw lamah chuan an kal ngei a ka pa chuan chhungkuaa an lo inrawn ve phawt tur thu sawiin an in thlah kha ania. 

Zanin hi an len leh hun chiah tur niin vawiin ah kan haw dawn a, ka phur lem lo. Ka pi leh pu chu ka la ngaiin an bula awm ka la thlahlel hle na awm reng theih ani bik silo. 

Sawmi nen kan inbiak ṭuma exam ka tum leh tum loh min zawh chuan zirna lam ka rilru a ka dah takloh zia ka hre chhuak a. Ka chal ka dawm deuh vawng vawng ringawt.

Pawl 12 pawh chhuak hawt silo hian pasal neih ka lo helhhawlh vei ngawt a, hetiang ka nih ngailo nen kei hi ka chawmawlh zo tawh anih ber hi! 

U Hmingmuana bulah ka sawi ve ngei a, "duh leh in exam zawh kan innei anga. A hlat lutuk dawn leh exam hma in kan inneih anga ani mai" a ti then a. A thusawi danah lah chuan keimah nilo inneih ngawt chu a buaipui zia a hriat a, exam hma in lo inneih ngawt ila mo thar nih leh lehkha zir kha chu ka fawmkem kual theilo hrim hrim dawn a, exam zawh ah pawh lo innei dawn ta ila ka lehkha zir kawngah kan hma a ka pasal neih tur chuan ka rilru la pengin ka zir thei chuang awm tawp silo. Zir nana an rilru leh hun ka hmansak miau loh avangin tu amah lah hian min ngaihtuahpui der silo. 

Tum bar bar in ka thawmhnaw chu ka thlep a, ka thinrim chhan ka hre lo na tuk tina morning wish min pe ziah tuin a min pek loh vang ani a ka ngai hmiah. 

"Ka duhtakte, haw chu iva phur lo hmel ve ?" A vawikhat nan min be ve hram. 

"Phur lo" ti chauhin ka lo chhang a, min en deuh vang vang in ka hria. 

Ka thawmhnaw ṭhenkhat chu kal leh huna rin turin ka dah a, ka ipte nen chuan ka inkhai chhuak nghal. 

"Pu lo zin ve ula ?" An mahni ngen ti tih chuan ka ti a, ka ke rek vel lah chu ana ngut ngut zui a. A vung leh dawn emaw ni!!

"Nakinah pasal ineih hunah kan rawn kal dawn lawm" ka pu in dam zeta a rawn tih chuan titau insawh nghawng nghawng pah hian, "Ka nei har dawn lutuk. Min ngailo si" ka ti nui nui a. 

"Khai khai khai,kan ngai lutuk che a mahse kan awm ho reng thei rihlo anih hi. Naupangchhia deuhin awmlo la, inulat tawh em kha" ka pu chuan a rawn ti dap dap a. U Hmingmuana pawh chu alo chhuak ve mek bawk. 

Ka pu bawk chuan min lo kuah leh in, "fel deuh in awm la, in enkawl ṭhat tur che te ei ṭeuh ṭeuh tur" a ti a, ka bu deuh nghat nghat. 

"Ni e, i sual chhuah lo la, i pa pawh a rilru hah ve tho ania" ka pi chuan alo ti leh dap dap a. 

"Ka hria lawm" ka lo ti sap. 

"Kan chhuak thei em?" Min rawn pan phei pah chuan U Hmingmuanana chuan a rawn ti phei a. Enge maw a khai bawr em em bik ni keiin bag pakhat a ka inkhung fel laiin anin bag pahnih leh neuh neuh a hmang bik. 

A motor chu a'n start a, "Le lokal rawh le"atih chuan ka pi leh pu chu ka kalsan hleithei ta tlat lo. 

"Apu lo kal ve mai ruu!!" Ka ti ṭiau a, "a mawl ṭhin, kal vat rawh. Ṭah a tum ngawt emaw ni?" Ka pi chuan min fiam pah deuh chuan a rawn ti a. Keiin a kuta kaiin ka pawt deuh sek. 

"Bawihtee, le kal tawh rawh. Nakin ah a remchan veleh i pi nen kan rawn kal dawn lawm" ka pu in alo ti ve bawk a. Mahse ka la lungawi tlat lo, U Hmingmuana pawh rawn let leh in an pathum chuan nau thlem tak te hian min thlem a, engtin tin emaw ka lungawi ve hram. 

"I tum hmui kawh lutuk, naupangin an en duh lutuk che" motor lam pana min kuah phei lai chuan a ti a, rang fe in ka hawikual vat. 

"Tumah an awm lo" tihpah chuan a hma ai mah in ka hmui chu ka ti kawh. 

A nui hawk a, motor kan thleng chawpchilh nghal. 

"Ka hawn theihloh hi!" Ka pawh vak vak pawha a inhawn theihloh avang chuan ka au nghek a, pakhat lah chuan awlsam tein min rawn hawnsak hleuh si. 

Ka ṭhu tum lut bar bar a, kan tlan chhuak ṭep tih ah, "Heyy, la kal suu" tihpahin Rinsangi a rawn tlan phei a. 

Thaw hluam hluam in, "Kha kalkawnga i ei tur" tihpahin eng eng emaw a rawn bun rawih a. 

"E i va fel ve!" Ka ti tawi tak a. 

"Inpa min lei tir vek anih kha!" a la rawn ti awlsam then zui. 

"Min ngai ve dawn lo mi ?" A rawn tih chuan, "Dawnlo dawnlo, kal mai mai teh" ka lo ti mai a. 

"Hmm kal ru, min ngai dawnlo si" a ṭah aw deuhin ka hria. 

Kan tlanchhuah hnu chuan ka rilru nuam leh silo chuan ka va au leh a, "Rinsang ka ngai dawn lutuk che nia, api leh pu kha min duat sak la ka lo kal leh hunah thil ṭha tawk ka lo hawn ang che" mittui nen a ṭang kawp tawhin ka ti deuh par par a. Ka hnung lamah chuan min lo pawt bet ṭun lehnghal. 

"Hruaii zawngi ka duh leh ka duat ang, lo kal pawh angai tawh lo. I sual ropui si" a rawn ti let veleh a, ka ṭhu thla nghal dat. Hetia ṭawng nilo zawng hlir a chhan hi min ngaihzia a sawilan thiam ve na kha nia. 

"Eng nge khatia mi lo vawn a!!" Ka tih hlur chuan engtin maha min chhanglo in ka kut chu a rawn vuan a. Ṭap ṭeuhin ka lo paih san. 

A hnu ah keimah bawkin la leh in akut pakhat chu ka khal sak niap niap a, mittui tla pur chungin nih chu ka khal sak ni!!

"Lo kal lo la chu ka haw miah lo ang mawle" tiin amah chu ka'n mawhpuh leh ṭhin a. Awmzia erawh awmlo, a ṭawngtheih tehreng nen a reh duk mai. 

Ka lo muhil nge ni ka harh chuan kan lo la tlan a, ka ṭahna vanga hnar pik deuh tak chuan, "kan van tlan rei" ka ti phut a. A rawn hawi phawk hra mai. 

"Lunglei lamah kan peng lawk a" a rawn tih chuan phawk deuh taka en in ka maw deuh vak a. 

Sir lam kawng deuhah motor chu a ti thi nghal duk. 

"Lungleiah kan in tur ah kan kal dawn" tihpah in khawimi nge pawh ka hriat loh eitur motor hma mi chu ala a, ei theih turin a siam zui mawlh mawlh. 

Ka hmuia min rawn fawh zeuh pahin, "i thil ei hun apel daih tawh nia aw" a rawn ti sap a. Eitur chu amah chuan min barh chhunzawm zat. 

"Lunglei ah chuan enge kan tih dawn?"

"In thar ah zankhat kan riak anga, chuan kan haw ang" a rawn ti a. 

"Tinge ?" Ka ti deuh tawp. Zankhat riah maw, min hrilhlawk silo. Lungleiah in a nei tih reng reng ka hrelo. Bakah a sawilang ngai lo hrim hrima ka tan chuan hriat ngaihna aawm lo. 

"Mahse i sawi lawk lo a"

"Nangmah chiahin i hrelo mai mai lawm" a rawn ti leh then anih chuan ka pi leh pu tepawn anlo hre sa ani maw!

Ka thil ei chu ka hak a tui min lo pe vat. 

"Khawiteh, keimah pawn ka ei ve thei reng. Tlan leh rawh" tihpahin ka chhuhsak a. 

"Hei hi eng nge a va tui ve ?" Tihpahin chhang niawm tak chu ka hmawm leh zat a. 

A lamah ka hnai deuh thuta, min fawp nghal ngawng ngawng a, rei vak loah insiamrem leh nghalin a tlanchhuak zui nghal a. Kei erawh ka awm ngaiin ka awm reng, ka thil hmawm luh tak chiah pawh kha aka chhungah a awm daih!

A ṭhial ri zui ruap ruap a. 

"Ka duh leh!!" Ka ti deuh tawp. Ni e khatiang em em a fawh nuam ka tih kha ka la hrelo. Ka hrethiam lo, 'ngawng ngawng' ti ta tho si khan a dam thlap bawk sia. A nuam ani tawp!

"Mawhhh, min lo fawp leh teh" ka ti nghal chul. 

"Mawh mawh mawh vawikhat chiah" a fawh chu a ngen in ka ngen ani. Mahse ka ngen pa lah chu a ṭhu kawh vei luau ringawt a. 

"Vawikhatmah pawh min fawp tawh suh" tiin ka ṭhu tum hmak a. Chu veleh ma khabe a hmer alama min kuai hnai a, na leh chiang zetin min fawp tawk a. A tawk der. 

"Hmelchhe pa, ka biang iti na vek" ka ti sap a. A ngawi leh kar tawh thung.

Ka ke hlangin ka ṭhu tawm kak a, a kut lain ka khal leh niap niap. 

Tunhnaia ka awmdan ka ngaihtuah a, ka zak let chem chem. Ka pu te lakah leh U Hmingmuana laka na intihpanchan zia ka ngaihtuah zui phei chuan ka zak biang sen ṭawn ṭawn thei!

"A u" ka tih chuan a rawn imm su dut a, ka nui sak. 'Apa' tia koh kha chu aduh ta nganglo aniang, "Min u rawh" a ti mauh mai a. Keia lawmah tlain amah runluih nan tak hian ka la hmang zui. 

"Ka sual ee!" Ka tih chuan, "Timaw ?" A rawn ti ban charh a. A ṭawng duhdah lutuk chuan min ngaipawimawh lo tlata ngaiin, "Ka sual lo, i sual fe zawk" ka'n titau aw leh ringawt a. 

"Kha i sual zia kha, naute lianpui hi ini ringawt" a rawn ti dut a. A kut ah chuan ka sik vak. 

"Ana ana, naute lian inilo" a rawn ti chul a. 

"Ka duhtaktei inia" a rawn ti liam leh puat a. 

"Kan inneih hunah min duat angem?"

"Keh thei dawma ka dawm ka lalfanu hi engtin nge ka duatloh phal ang che" a tih chuan ka'n lai nasa khawp a. Ani phei chu a nui hawk hawk thei. 

"Hmanah Sawmi'n piangthar da leh ṭhin ati che, i sual thei sia tinge i fel thut"

"Thlarau thianghhlim pawl tharna ka dawng ani mahna"

"Uang lo in"

"Tihdanglam in ka awm!"

Amah bawk chuan sawi leh in, "Ka sual hran hleinem, kan tleirawl chhuah lai kha chuan ani maithei a. Mahse i nausen laia aṭang khan nangmah vang liau liau hian ka fel" a nui sak, kei erawh in mak ka ti. Ka nausen laiin a rawlthar tha zat hunlai alo chuangkai daih tawh bik a.Kum engzat nge anih ang!!

"I pian kum hian nau nei an tam khawp a, ka insual hliamna ṭhui turin damdawi inah kan kal a, tah chuan ka hmu che a. Ka nunah khatiang em ema danglama ka awm kha ka hre ngailo. Nangte hian i pianhlim aṭangin min tibuai tihna nih chu. Nausen pakhat duhawm zet avang mai khan ka nui leh anh vur vur ṭhin a, ka farnu te rualin in inah khan ka rawn kailut fo a, nuthlawi rai rual zet tawh kha nausen, sên taktê vang khan ka buai let tawp" a thusawi chuan a ti hlim nge ni a nui vur vur a. 

"Chuan sawi zel rawh" ka lo ti hmanhmawh. 

Nui suk hian a sawi zawm a, "Mi khan ka sual ve hrim hrim emaw min tia, mikhual laka indah cham nih pawh kha ka hlawh hnem" 

"Tinge ilo insualpui zel ami?" Ka lo ti leh thawt a. Kiai suk in akut ka khal sak chuan ka kut chu a rawn hum a, "Mikhual kha ka ngaina lo, an hmuh che emaw in inbula kal kha ka phallo a. Ṭullo ah ka insualpui fo mai, a bul ber chu ini zel"

"Keimah vangin mikhual ho i sawisa a !?" Ka tih chuan ka kut chu a hum nghet sauh a, "Aw, a chhan chu tu mipa mah in a i hmel anhmuh ve kha ka remti lo. Naupang mah ni ula Zonuntluanga nena in inkawm fo pawh kha ka lawmlo ṭhin" Ka nui chhuak huk a, min rawn en nghal zawk. 

"I van pa, keilo hmeichhe dang vangin insual ve miah suh" ka ti sep a. 

"Insual dawn e" a rawn tih chuan ka en nghal run. 

"Kan fanu tan, kan fanu chu tumah in antih ṭah loh nan kan ven angai dawn lawm" a tih chuan ka nui var var a. A thusawia kan a tihzel chuan min ti lawm a, a nuna ka pawimawh ve zia ka inhre thar a. Keimah vanga insual ṭhin ka bula ṭhu mek pa hi ka duh hluah hluah. 

💦💦💦💦💦💦

2:01am Ka mut ava han chhuak over ve.... ka duhlai pawh a thleng hmanlo na asei viau chuan ka hria. Vawiin chhunah ka type belh anga ka hman chuan chapter thar a awm te pawh beisei deuh reuh ila