KA DUH BER CH-10
||KA DUH BER CH-10||
Rei fe kan tlan leh hnu ah in chu kan thleng a. Lunglei ati nangin khawchhung tak ani lova, a awmna laiah chuan in dang pawh a tam vak lo. In lian pangngai tak ani a, a awmna a zawl á¹ha reuh bawk nen a nawm hmel viau.
"Hei hi in in tho ami ?" Ka ti deuh ha a.
"Aww kan in. Kan awmna tura ka sak anih hi" a tih chuan mak ti fe in ka en a. .
"Anih kan khua a i in sak kha tu te ta tur nge !?" Ka tih chuan a dar chhin ak in, "Keimahni tho" a ti mai a. Kei ka kâ ka ang pam thung.
Kan lut a, a chhung chu a mawi phian, a simple reuh a, thing hmanga thil siam hmuh tur a tam viau bawk.
"Anuam iti dawn em?" Ka hnung aá¹anga min rawn kuah pah chuan a rawn ti a.
"Ka hrelo, mahse amawi ka ti" la hawi kual pah chuan ka ti a.
"Nakinah i duhdan takin ila thlak danglam dawn nia" tih pahin min kuahna a phelh a, kan bag vel chu khaiin pindan lam apan pui a. Ka la sawiloh chu in hi a chhawng ani lova, mahse zau á¹ha tak erawh chu ani.
"Lo kal la" a tih chuan ka zui vat a.
Pindan khum lu zawna thlalak intar avang chuan ka âng pam ringawt.
Ka thlalak!!
"Amawi iti em?" A tih chuan ka en a, chhan ngaihna ka hrelo. Ka en nawn ka en nawn a, keimah ka ni ngei si. Mahse thlalak ah chuan tun aia ka naupan deuh lai tih a chiang a. Camera lam en in ka nui a, ka biangsum neih chhun ding lam ami chu a lang kalh bawk.
"Tah khian eng nge ka tih !?"
"oh! Nilo khi khi keimah ka ni em?" ka ti bah nuai a.
"Aw kum 12 i tlin kuma ka lak anih khi!" A rawn ti mai a. Kum 12 ka nih lai mi maw! Anih chuan thlalak hi ava la thar in ava á¹ha si ve.
"Mahse ava la mawi ve !?" Ka tih chuan, "Thlalak pangngai ani hleinem, lem ziah anih hi" a rawn ti mai a. Chhan ngaihna reng reng ka hrelo.
Ka thlalak..... nilo ka lem ziah chu ka en a, ka hnuk a ulh tlat. Ani hian engtiang chiahin nge min lo buaipui tawh le. Ka hriat chinah pawh hian tamtak ani tawh a, ka hriat loh a thuhruk hi engzat nge la awm ang? Anin heti khawpa min buaipui laiin keiin amah hlauin ka lo hlat á¹hin ani a. Khatih lai te khan kei a tleirawl chhuak chiah ve mai kha mawl min tih leh a ruk taka min beidawnsan chang a ngah ka á¹hin in ring ta. A hma zawnga a awmdan tur te chu ka ngaihtuah a, ka chhungril hi ati na veng veng.
Zonuntluanga nena inngaih taka kan awm te khan a rukin hreawm alo ti awm si, U Mapuia nena kan inkuah a hmuh phei kha chuan U Mapuia sawisak hrep duh hialna rilru aput te pawh ka ring. Midang lakah chuan eng rilru pawh lo pu se ka haw ta lo, kei min duhna hi alo nasa em ani.
"I á¹ap em ni?" Tihpahin ka hma ah chuan a rawn ding a, ka kuah nghal thlawp.
"Ka â iti em ?"
"Ka â iti em, a hma khan i khawhar á¹hin dan tur te kha ka lo ngaihtuah ngai lova, chuti a hnekin i hlat theih ang ber a ka awm hriau hriau á¹hin te kha min hua em?" Ka ti sep sep a. Duat zetin ka sam a rawn chul a, "Tunah chuan ka bulah i awm tawh lawm" a rawn ti dam thluam.
"Mahse ka mawl alawm, lo ngaihtuah ve che ila chuan heti tehhrepa hun kan hman hi angailo tur ania. Tunah chuan ka pasal pawh ni la neih hlu engmah ka nei tawh lo a, engkim ka ngaihtuahna tawi vang vek" ka ti leh par par a.
"Shhhh, chutiang an sawi ngailo. I ngaihtuah tawi vang zawk anih hi kan awmdun theih. Ngaihtuah thui viauin i mit len sang viau la chuan ka chang hauh lo ang che" a awm che dawt khawpin a nui a.
"I englai mah hi duh bik leh duh loh bik ka neilo. I engkim hian ka lung a dum a, i hming ringawt pawh hian ka nileng hun a siam nuam thei tih i hre lo em ni?" a rawn ti hniam deuh sut a. Ka kuahna pe nghet sauhin ka inhnit uar zual sauh.
"awle i á¹ap phawt anga chuan i muhil dawn nia" tihpahin min pawm in khumah min nghat thla a, rawn muthla ve in a awmah ka lu nghatin ka hnung a beng nghal thek thek.
Ka lo á¹ap muhil tak tak aniang ka harh chuan ka bul ami chuan min bia nimai hian ka hria a. Eng emaw ni sawiin a phun sep sep a, enge asawi lah chu ka hrechiang thei hauhlo zui.
"Min bia em ni?" zawi zeta ka tih chuan chhuat ah a tla ri dup a. Ṭhu chhuakin ka mit ka nuai zui chat chat.
"Enge tah khan itih a!?" chhuat lam en pah chuan ka ti a, "ka tla" a ti ringawt a, a duhtawk der.
"Zan ani tawh mi ?" mut leh tawp pah chuan ka ti a, ka tho peih thlawt lo.
"Aww, chaw ei turin kan nghak che a" rawn thawh á¹uih á¹uih pah chuan a ti a.
"Khati khan tho suh, putar chaklo deuh i ang" ka lo tih zeuh chu a duhlo zetin aner nawng.
"I la tho peih lo em ni?" A rawn ti dam leh thluam ang lawi a.
"Tunge chaw lo ei dawn ?"
"Ka á¹hianpa"
"Anih min lo pawm tho" tihpahin ka ban chu ka phar hluai a.
"Inti naute nu" tihpah chuan min rawn pawm ve mai bawk a.
"Inbual lawk ka duh e" ka tih chuan inbual tur leh ka inbual chhunga ka thawmhnaw hak tur alo dah fel tur thu a sawi a. Bathroom ah chuan ka lut nghal mai a.
"He kawrfual lian deuh hi khawi mi nge" tihpah chuan khuma kawrfual lo in phar diai chu ka en a.
"I hak tur a ka dah, awm ati nuam ang ha rawh" alo mauh meai.
"Ka tet em hi, ka hak phei chuan ka thlawk dawn sin" tihpah chuan a dang lak tum chuan bag chu ka hai a. Thawmhnaw engmah alo awm tawh lo.
"Wordrobe ah khan ka khung lut vek tawh" tiin amah chuan ava la chhuak leh a.
Inthlak mai ka'n tum nghal zet chu tawp leh chawt in ka en ang he haw a, ka en chu hrethiam lo nge a mitko alo san ak zui a. Thaw deuh hak in, "Ka inthlak dawn, lo va chhuak ve la" ka ti a. A tukkhum tuai nauh nauhin a chhuak zui mai.
Ka inthlak zawh chuan choka lamah ka lut a, amah tiat vel lawih mipakhat leh kei aia lian deuh tur hmeichhia nen hian anlo ding ran a.
Mipa zawk in min rawn hmuh chuan, "E, ani hi em ni ?" Min kawh zeuh pahin U Hmingmuana chu a zawt a. A á¹awngkam hman duhdan chu a polite lo hi ka lo ti hmanhmawh.
"Aw.... duhtakte hei ka á¹hiante" tihpah chuan an hming a sawi a. Mipa zawk chu Tlana, Tlansanga ani a, a hmeichhia erawh Rosalyn tia an koh á¹hin thu bakin a sawi lem lo.
"Le kan ei dawn em ni?" Rosalyn chuan a rawn ti a. Chaw pawh ei mai theihin anlo siam vek tawh chu niin.
Kan ei zui a, kan á¹awng tamlo hlawm hle. Chutia hmelhriat pawh ni lemlo te nena kan han kil ho chu ka ni deuh á¹un mai a, chaw te chu ka ei em pawh ka hrelo. Kan ei lai chuan mipakhat dang hi a rawn lang hlawl a. An inbe nghal bawrh bawrh hlawm chu ka lo en mawl hlawm tawp.
Inpawh hmel takin an inbe bawrh bawrh nen ka kiltawih dak mai.
U Hmingmuana lah chuan min ngaihsak lo em em bawk nen ka kham daih a, ngawi rengin pindan lamah ka kal ta daih.
An la á¹awng lawng lawng a, kei ka tum bar. U Hmingmuana chu ka haw riau, a á¹hiante hmulo rei viau pawh nise kei min theihnghilh hmak kher.
Pindan kawnkhar chu tlem hawng kauin ka va bih dek dek a, a lang thei chin aá¹ang chuan U Hmingmuana chu ka va hmu ngei a. Mahse a bul seta Rosalyn chu a ding ve bawk a. Rang zetin kawngka chu ka khar ri bur.
Darthlalang hmaah chuan á¹huin ka in en vang vang a, Rosalyn-i aia ka chhiat bikna ka zawng nghal ruai.
Ka hmai, vun mam á¹ha tak ka nei a engti kawng pawn Rosalyn ai kha chuan ka á¹ha. Ka hnar, ka hmui leh ka mit thlengin chik zetin ka in en a. Rilru a duhtawka Rosalyn-i aia á¹ha ka intih hnu chuan mut tumin ka intintuah a. Sana ka en chuan dar 9 alo ri der tawh.
Thim hlim ka chaw ei kham ka lut kha tunah mut hun tawhah pawh min rawn ngaihsak miah lo nia, ka chhungril hi ana nghal veng veng mai.
Tunah chaw ei hun ani tawh lo a, thawm lah chu a reh nghal viau bawk si, kawngkhar chu hawng kauin ka va bih leh dek dek a. Mi hmuh chu sawiloh a reh hian a reh tlawk tlawk.
Hmuh zau tuma ka hawikual lai chuan ka phone a rawn ri a, ka phu chiang ngang mai. Phun hlukin ka phone ka va en chuan Sawmi alo ni.
"Min ti phu lawm" ka ti nghal tawng a.
"Mate tinge i pa hi !?" A rawn ti daih.
"Ka hre nang, engtin nge a awm a ?" Ka ti nghal chul. A rawn sawidan ki ah khan tawhsual atawk emaw a damlo na viau anih ka ring nghal ngawt a.
"Engtin mah a awm lo, zanin palai kal leh kha i hria em?" A rawn ti a. Ka thaw huai mai. Chutih rualin palai kal te chu ka rilru ah a rawn lang zawt a, zanin hi an kal leh hun tur kha ani ngei a. Mahse U Hmingmuana á¹hiante vangin ka lo mangnghilh daih a. Ani pui lah hian ngaih tiá¹ha lo tawkin a rawn sawi nen, ka thin aphu deuh dup dup a.
"I pa khan alo haw tir lawm, hetiang anih chuan i pa hian inneih aphallo ani chiang lutuk" a rawn ti bawl mai a. Ka chhang mai theilo, ka pa chuan tinge alo haw tir leh ang le? Tiang ah chuan thil an sawifel vek tawh á¹hin in ka hre sia. Nge ni a, ka pa nen hian kan la inbe lo reng reng a, ka duhlo a ring zawk em ni ang.
"Mahse lungngai suh, vawikhat ala awm alawm" rawn ti tak mahse a tlangpuiin vawithumna pawh hian awmzia a awmlo tlangpui á¹hin si.
Pindan kawngkhar rawn ri lam chu ka hawi a, U Hmingmuana chuan min en ngur chungin min rawn pan a, keiin ka lo en kiau.
Ka phone chu min rawn chhuhin a benga nawr beh chu a rual a, min en chhuk run chungin a 'umm' thum dut dut a. Ngaihtuh mumal nei theilo in ka lo en reng ringawt.
A biak zawh chuan dam dap hian, "Kan mu tawh dawn em ni?" A rawn ti leh lawi a.
"I hre tawh em ?" khuma á¹hut thlak pah chuan ka ti a.
"Mut phawt ila kan sawi dawn nia" arawn ti a. Bathroom ah a lut leh phawt a, kei ka mutdan ka lo siamrem thung.
Bathroom arawn chhuah aá¹anga a rawn mut thleng chuan ka lo en kar a, engmah sawilo chuan a'n á¹awngtai te te phawt a.
"Mu raw, á¹hut tlaivar i tum ami ?" Ka en vung vung lai chuan a rawn ti a. Rang lutuk in ka lu ka khuh ringawt.
A lama min pawt hnaiin a ban chu min kham tir a, ka kham na lam a kut chuan ka sam a chul zatt bawk a, a kut lehlam erawh in ka dul bawk a tuai leh tawh.
"Engtin nge i hriat ?" Ka tih chuan, "Ka nu'n min rawn phone a" a ti mai a. Ka á¹awng zui tawh lem lo. Ani pawn sawi tur a hrelo nge a á¹awng chak vaklo pawh ka hrelo a ngawi dak a. A reh nghal vawng vawng mai.
"Ka pa hian inneih phal ta lo tlat se engtin nge kan tih ang ?" ngaihtuah thui vak lo chuan ka ti liam puat a. Ani lah chuan awlsam fe in, "Tah hian kan awm char char anga, kan tar a kan fate an hlen hnu thlengin, kan inkarah i pa a tel ve tawh lo" a rawn ti hmuk a, zawt fu lo hi ka va han inti mai mai tak.
"Anih Rosalyn-i kha tunge ?" ka tih chuan ka á¹hiannu tiin min chhanga a duhtawk der.
Rei fe kan ngawih hnu ah, "I thik em ni ?" Nuihza aw lek lek in a rawn ti a.
"Aw tlem te in" ka tih chuan a awm che dawtin a rawn nui a, melh chhoh hau pah chuan, "Tlem te tak tak in ka thik.... hetiang tiat hian aniang" tihpahin ka kutá¹ang pahnih chuan ka'n teh vel a. A nui hawk hawk.
"Nui tawh suh" ka tih chuan a nuih aza zual sawt emaw tih turin a nui nasa zual a, thinrim in sir lamah chuan ka tawlh phei daih a. A hma nuih za em em si kha tawp hmakin min rawn pawt leh a, second pawh tling lo ah ka awm ngaiin ka awm lehnghal der.
"Rosalyn chu engvangin maw i thik ?" A khabe a ka chip nawr ne ne pah chuan a rawn ti a.
"Tlemte anih kha, thik tihna pawh anilo" ka lo ti deuh hmak.
"Awle anih chuan mut á¹ha rawh le, zing thawh hma i ngai dawn nia" a rawn ti sup a. Puan chu min khuh á¹ha nghal mawlh mawlh bawk.
"I kut pahnihin min lo kuah teh" ka tih chuan ka chal a fawpin a kut pahnih chuan min rawn kuah hlun a, a awm ah bei kak in ka mit ka chhing zui hmak.
Eng thil rim nge pawh hriatloh rim na lutuk vang chuan bathroom lamah ka tlan lut a, ka va uak nghal tuar tuar.
Pindan kawngkhar chu a rawn ri á¹huai a, "Hruaii!" A rawn ti hrawk nghal bawk. Chhan pawh chhang theilo chuan ka uak leh phawt a, bathroom a rawn thlen lai hriat hman siloh hian, "Engkim a á¹ha maw ?" Ka hnung chul pahin a rawn ti thluam a. ,Ka thophang hmel leh, ka sam hnawk nuai kara mittui tling deuh pam chuan ka en chho ha a, "a rim chhe lutuk a" ka ti deuh á¹uak.
"Awle aá¹ha e, tho la" tihpah chuan min tung tho a, "i hmai te hi phih la, thil rim chu ka va tibo ang" ka sam chul mam á¹hat pah chuan ati a. Ka chala fawp zauhin min chhuahsan nghal.
A chhuah aá¹anga reilo te ah rim pawh chu a rawn da tial tial a, ka hriat theih chin chu pindan chhunga la chambang ho chu ani mai ang. Intifai sawk sawk in ka chhuak a, sitting room chu a lo ni deuh thlap mai.
"A van mak" ka tih deuh hliai chuan thingpui no nen a rawn inchawi chhuak a.
Ka bul a rawn thlen chuan a kut ban pakhata min rawn kuahin ka hmuiah a fawp zauhva, "Pindan ah lo mu rih mai ta che, choka chu chawhmeh rim khan a ti chhe vek a" a rawn dam dap a. Chhang ta mai lo chuan a zak a zen tlangin ka kuah vak aá¹ a, awm ah ka hmai ka nawr deuh vak.
"I innawr na nge ?" tiin amah chuan min nawr sawn a, tum luau a, "Pindan ah ka awm peih bawk lo, ka kuah pawh i duh lo" ka ti kawh luau a. Sofa lo hnai berah chuan let thla nghal tawp.
"Kan inti naute lehlawk dawn ani maw ?" Tihpah chuan a tray chawi lai chu dawhkantê ah chuan rawn dah a, min rawn bawhthuah nghal zatin ka hnute chu a á¹ham tawk a, kei ka lo á¹e á¹hat.
"Lalanu, tete ka duh" tihpah chuan ka kawr chu hlim chhoh a tum a, a bana lo ben sawk sawk pahin, "Tar lerh tho rawh" ka lo ti chul a. Ka koh dan avang chuan a á¹hu tum vei hmak a. "Anih tar hmelá¹ha" ka tih chuan a rawn nui hawk a. A pa in a fa a chhaih ang mai hian ka zak a min dek in min chhaih nui nghal uar uar.
"Tho rawh le, kan leng kual dawn nia" thaw sa phunga min chhaih hnu chuan a rawn ti hluai a, la nui tet tet chuan ka tho chhuak a.
"Ka thil siam ka va en leh lawk nge" tihpah chuan chokaah a lut leh lawk a. Alo chhuah chuan kawngkhar lam panin kan inzui chhuak a.
"Excer pahin ke in kal mai ang aw" a tih chuan ka bu deuh lap lap a. Mahse ka chawn vel chu melh thla in, "Ka ke hi a vung a ngem ?" ka ti a. A vung loh tur thu a min chhan chuan kan inkai chhuak zui a.
Rei kan kal hma chuan bazar niawm tak hi kan thleng hlawl a, mak ka ti ang reng viau. In awmna kha a fal ve viau khan ka hria a, in tamlohna a hetiang bazar a awm mai chu a mak ve em a. Mahse U Hmingmuana ka zawh chuan khaw per tak tak ho tan bazar hnaih theihna tur anih thu leh hetia en ai a alûn á¹hin thu asawi mai a.
"Sangha saw kan lei nga kan haw dawn nia" a rawn tih chuan ka bu nghat a, aban chu nghet em em in ka vuan ringawt.
Mi lah chuan min en hrek hrek hlawmin ka hria a, U Hmingmuana chu ka en a, kei ka hawi á¹it dak laiin ani chu dak deuh vah in akal bik a, amah anga awm tum chuan ka insiamrem ve vat.
"Nghasen hi i ei duh em ?" Tihpahin kawng sir maia dawrtê ah chuan a ding kawi a. Ka chhan dawn laia a zuartu hmel ka hmuh chuan chhang loin ka en kal a, chunu lah chuan U Hmingmuana ngawt a en.
U Hmingmuana nen chuan ka entawn a, en reng lohna chi pawh anilo zing kara hmuh atan chuan ahmelá¹ha em ani! Pakhatin a en ngawr ngawr in pakhatin a hre miah lo thung a, mahse chuti chung pawh chuan ka thik. En ngawih ngawih thama zing kar kar aá¹anga ka ahmelá¹ha sar chu ka kuttin hriam tawk hian ka ham pilh vek chak.
"Duh mahse hetah lo kal teh, hmundang ami lei ang" tihpah chuan ka pawt nawk nawk a, a tha thlah lai ani bawk a ka pawt kal ve mai.
Sangha dawr hmaah chuan kan ding dun leh teu a, a zuartu nu chu upa lam ve tawh mah hi ani a. A en ve vung vung tawh lem lo, ngaihá¹ha tawka ka awm lai chuan a fanu tur niawm tak hi a rawn lang hlawl a, sangha zuartu chu be a be ru nghal sar sar. Chutah sangha zuartu chuan, "Kha kha kha a thau hmel inti lo em ni ?" A rawn ti a. U Hmingmuana chuan, "Bawihi hian thau deuh a ei thei lova" a tih chuan, "E anih chu mawle, farnu i nei hmelá¹ha hle mai" a rawn ti a. Meng rang vakin U Hmingmuana ban chu ka vuan nghet sauh a, "A farnu ka ni bawk lo, a nupui nia sin ka nih" ka ti hmuk a, "Sawtah sawn va en leh chhin ang" tiin ka kai sawn leh dawr dawr. Ka chetdan chu mak anti deuh aniang min en vung vung ngawt a, ka ngei lutuk chuan ka hmel ka siam chhiat khum lo chauh.
Pitar dawr bawk ah kan en leh a nuisâng hian, "lo en ru, eng ngha nge induh a" a lo ti dam thluam a. Chutia ngaihá¹hatlohna tur a awmlo a ka hriat hnu chuan U Hmingmuana ka vawnna chu thlah in sangha ho chu en kual den den a mahse eng ngha nge annih a, ruh nei leh neilo annih pawh ka van hrelo.
"I duh zawng i hmu nange ?" A rawn tih chuan inkawh pahin, "Maw, keimah maw! Ka thlang reng reng lo, sangha anni tih chiah ka hria a ka thlang thiamlo reng reng" ka ti nawk nawk a. Dawr nghaktu nen chuan an nui hak.
"Innu chu ala naupan deuh bakah raino ah a hunlai tak alak lai ani maw ?" A rawn ti a. A ngaihna ka bo viau na a farnu emaw min ti velo chu ka lawm viau ang lawi a.
"Rai lai chuan engpawh hi kan eitui a, a á¹ha vek mai" tihpahin U Hmingmuana sangha thlan chu a fun a. U Hmingmuana'n pawisa a pek lai chuan, "Tlangval oh ka tih bawiha! Kha innu kha duat rawh aw, hmeichhe dang melh san re re suh, ala naupan hmel bakah á¹ap mai tur hmel apu reng si" min en pah chuan a á¹hen á¹haw a, za vak loin ka nui ve suk.
In lam panin kan kal nghal par par a, chulai bazar boruak chu ka nin bakah a bazara chu ka ngei tlat.
In kan thleng chuan ka'n uak leh a, bathroom ka thlen lai pawh ka hrelo. Bathrooma ka uak tuar tuar lai chuan ka phone ri ka hria a, U Hmingmuana'n a chhang aniang a reh zui maia. Ka luak chhuak ziaawm hnu chuan hmel phelh phang hian ka chhuak a. Khuma á¹hu in ka phone a hum ran a, min lo en ngur bawk nen ka tawi hrut hrut mai.
"He mihring hian engtin nge a rawn biakpawh theih che ?" Chang rawta a tih chuan ka meng awk a, "Tu..." ka tih laiin ka phone chu ka lamah a rawn theh thla á¹huai a. Chhar in rawn call tu chu ka en vat a, U Mapuia alo ni.
Ka en vat a, min melh puak dawn emaw tih tur khawpa na in min melh a lei lam ka bih nghal ngur. He thu ah kher hi chuan a hriatloh ang bawkin ka hrelo ve tho sin le, engtin nge ka number a neih ka hrelo a, engtin nge ka phone ah hian a number alo awm theih dan lah ka hre bawk lo. Ka hriat zawng chua nichin maiah a rawn call a, call lo chhang tupa hi a thinrim hle tih zawng ani.
Thawm ah chuan min rawn pan tih ka hria a, ka din ngai chuan ka ding tawp.
"Ka zawhna kha angai reng ania, engtin nge a rawn biak theih che? Kha mihring phiansen nen khan inbiak chu ila chak viau em ni?" min dinchilh ran chuan arawn ti a, kan indin hnaih lutuk chu a thinrim thaw sa te nen lam chuan ka hre thei.
"Ka..ka hrelo, engtin nge ka number aneih ka hrelo kan inbe ngailo" ka ti bah nawk nawk a. Ka khabe ahmer in a hmel en theih tur chuan min kuai dak a
"A rawn be si che chu anih kha, i pa in ka palai alp hnar zel nachhan hi ani mai lo maw ?" Keimah min dem na rawngkai chuan a rawn ti a, chu chuan ka á¹ah a ti chhuak ut ut.
"Ka hrelo, ka hrelo engmah. Kan inbe ngailo engtin nge ka phone ah khan a number kha a awm pawh ka hrelo" ka ti leh nawk nawk a. Ka khabe a hmer na chu thlahin min hnungchhawn zawngin a ding a, dak in a sam chu a tuai deuh puat a. Chutah chang lam mah chuan,"Kan haw dawn lo, hetah hian kan awm char char ang. I hrechiang em ?" tihpah chuan a rawn lehhawi thut a. A thinrim vang nge amitmeng sen rum chuan min ti hlau a, ka tawlh hnung hret.
"Ka sawi chu i hria em ?" Tihpah chuan a rawn pen hnai a, kei ka lo tawlh hnung zel.
"Ka sawi chu i hria em !?" rawn kun hnai deuh pah a a rawn tih hrawk chuan ka phu nghek a, ka phone ken lai chu arawn ri zawm ve zat.
A zawhna pawh chhang talo chuan phone chu ka benga nawrbeh ka rual a, "pa" tih leh "Hruaii" tihbak kan sawi hman lo. Bang a ri á¹huai a ka phone chu a keh chhe nghal vek.
Ka hma dingpa thinrim mitmeng nen a min en ngur tu chu engtia han hmachhawn tur nge tih pawh ka hrethiam tawh lo. A hma ai hnaia rawn kun hniam in,"Ka sawi chu i hria em!" A rawn ti chiang fel fak a. Ka en kiau ringawt chu hahthlak min tih hmel zetin athaw ta hawk a. Thil a rawn sawi leh hma chuan, "Ti lui lo ang, haw phawt ila chuan ka pa rilru chu hneh kan tum zawk dawn nia" á¹i deka ka ti chu ka inchhir ngawih ngawih.
A rawn kun hnai a, hmai insi lo chauha kan ding chu ring fahran hian a rawn á¹awng a.
"Engvangin nge kan haw ang? Kan haw nga chuan ka mihring phiansen nen khan in innei anga maw!? A teuhlo! He i pum chhunga afa a awm hi duhtawk rawh se! Kan inkarah hian i pa emaw tu mihring mahin tel ve na anneilo" a rawn ti chang rat a. Kei erawh ka thu hriat avang chuan ka ding tlawn zuah ringawt.
"Kei hi engtin maw!.... Ka pum ah chuan tu fa maw awm a?" ka ti deuh sap a. Chutah a thinrim hmel chu mangan hmela inthlak in, "Duhtakte" a rawn ti sup a.
"Tu fa maw ka pai chu sawi rawh ka tia lawm" ka ti ta á¹hak.
Comments