SIALI CH-7

 

◍SIALI◍ CH-7 BY RAMDINI JAHAU

Zing kara chho leh ka tum chuan Nu-i chuan, "bazar phawt ila, thil engmah hawn chho leh lo te chu. Duh leh chawhnu lamah i kal dawn nia" atih tlat avangin chawhnu lama haw zawk tur chuan ka inruahman ta zawk a.

Siampuii chungchang a haw ka ni a, phone atanga ka nu rawn sawi dan aiin a ho phian lawi si. Nimin khan keimah zawk khan ka lo va kalchilh zawk leh ta nghal a. A ni lah areh hmak bawk si a. Tun tum chu thil hrethiam in arawn haw ve tawh te pawh ani mahna le.

Kan chaw ei lai chuan Lawma arawn lut hlawl a.

"In hmelchhiat lai lah hi ka rawn nang thei siah" tih pahin ka room lamah a chho a. A rawn reh zui hmak.

Thil pawimawh sawi duh anei anih ringin chu chu ka kham vat a. Room lam ka pan chho ve nghal.

"Eng nge, tun tun ah" ka ti lut a.

"Vawiin lama chhoh leh mai ilo tum ami ?"

"Aw tum deuh mai e, rin aiin Siampuii a fel leh phian sia"

"A va tha ve chu, a in hmuchhuak ve tawh te pawh ani ang a. Engpawh chu nise chhoh erawh chu i chhoh theih mai hmel loh"

A file ken chu min pe a, "Chawlh ila tih chu kan hre na, mahse kha kha min han buai fel pui teh" amah bawk chuan atih zawm leh.

File chu ka'n en thuak thuak a. Lawma chu en in, "Heite chu, Junior ho kut tur ani lo em ni ?" ka ti a. Ni e, mi chawlh la lai intihbuai nan chuan a ho lam deuh hret chu ani.

"File a inziak ang ngawt kha anilo. A sual kha te tham viauin lang mahse khami phenah khan inthup a awm zel a. Hei hi en leh rawh" tihpah chuan file dang chu min pe leh a.

"Khang ho zawng zawng kha tun thla chhunga kan Heroin man tawh ani a. I hrethiam em, kum khat ah pawh kan man ngailoh thlakhat chhung lekin kan man a. Mahse a bul pui ber hi kan hre theilo. Kha file kha en let leh teh" Ka file en lai chu arawn sawi fiah zung zung a. Ka file en tawh pawh chu ka en nawn leh a.

"Anih chuan a bulpui ber hi amah atanga rawn intan hi anih in ring deuh ani maw ?" Ka ti nghal a.

"Ni chiah e"

"Mahse engvangin nge officer satliah hetiang ti tura min tih a ?" Ka tih chuan, "Midang zawng zawng an hlawhchham tawh. Kei mahni hian kan lo hre har zawk a, khang ho kha chu kan hriat ve hnu ami chauh anih kha. Kan hriat hma khan alo tam awm iti ve em ?" a rawn ti a. Ka lu ka bu nghat.

"Kan ram hi kan lo chhe hle mai, Senoir zawk te in an tih theihloh nau zawk te kut a han hlan chu a. Eng kan ni bik tawp nang. Hna hi bansan a dawr nghah mai mai te ka lo rilruk lai lehnghal ?" Fiamthu ti tak deuh chuan ka ti a. Alàwm ah atla ani teh chek aniang chu pum dawm meuh in a nui a. Nui phuh deuh thawt thawt hian, "I nau hian a sawi dik anih hi, chu hmeichhia chu ka hre ve chak khawp mai. Hmeichhia ah i chhuak dawn" a rawn ti a. Keipawh ka nui ta tawp.

Inhnuai lamah chuan kan inzui thla a, Nu-i hnenah Bazar angaih loh thu leh ka chhoh leh rih dawn loh thu ka hrilh a. Lawma nen chuan Station lamah kan inzui chhuak veleh nghal.

ANGELA LALRUATPUII POV.

"Nu, apa engtik ah nge alo haw dawn" Awmawma chuan mutchhuak tih hriat reng hian arawn ti sep sep a.

"Naktuk ah lo haw dawn lawm bawihpui, lo kal rawh ka pua ang che" tih pahin ka thu thla nghal a. Ka hnungah chuan arawn bei zawi ngiai mai.

Karkhat zet a cham tawh a, eng tak chu zuk ti ni maw. Awmawma lah hian angai ropui si, tlai tin 'naktuk ah alo haw dawn' ka tih hi ala awih thei mai zel zawk a.

Ka awih hliau hliau lai chuan Hlimi chu arawn ri deuh lawng lawng a, ka bul dawhkana thleng awm chu la lawk in ka tin ran a, a ka hup nghal chawih.

"Mi polite nu rawn au vak lo khan irawn lut thiamlo mi" ka ti a.

"A harh chuang loh kha"

"A harh tep alawm"

"I thinchhia anih chu, tep ringawt te chu aho"

"I hmel anih chu, chaw i rawn ei dawn chuan rawng bawl rawh" tih pahin room lamah ka lutsan nghal daih. Rawn au ring deuh se chuan ati harh hrim hrim ang. Thleng khan ka lo tin hman hlauh zawk a.

Khum a ka nau mut chu ka'n en vang vang a, ka kaitho leh zawk dawm maw ni chu ka ti. A mu lai sia, zanah a meng rei vak angem aw, nichin khan awi loin ka lo bual harh zawk lo ni. Awi, mahni buai buai hi chuan ka va han buai ve chiang tak.

Kaitho duh leh ta biklo chuan fan te a on sak a, 'eng nge tih hmaih ka neih le aw ?' tih ngaihtuah neuh neuh pahin choka lamah ka lut phei ve a.

"Puipuia hruai ve ingai lo mi ?" Hlimi'n a tih chuan ka thil tihtur ka hriatchhuah zawh siloh chu ka hrechhuak a. Sana ka en chuan dar 3 alo ri tawh.

"Awww, ka va han buai nawk nawk tak em ?" tihpah chuan ka chhuak zui a. Hla deuh hlek a Bawiha rawn tlan chu ka hmu a, 'aww sawpa sawn min va hruai teh se' ti rilru chungin ka lo nghak ran a. Mahse arawn thlen phei chuan Puipuia'n a hnunglam atangin alo kuah tang a.

"Ehee, Bawiha lo hruai che ka tum chiah a" tih pah chuan ka pawm thla a.

"Engtin nge irawn hruai haw ve tehdaih a ?" Bawiha chu ka zawt a.

"Amah te a alo kal hnek hnek kha ka hmu a, i hruai theihnghilh anih ka ring a" a rawn ti ve mai a.

"Awii, tinge nangmah chiaha ilo kal a, min lo nghak te che" Puipuia en pah chuan ka'n ti deuh hluai a. Peih loh hmel tawk hian min lo en ringawt a, school ah an infiam hah ve dawn bawk nen mahni a haw arawn tum ve ngei chu niawm sia, ni asa si ka khawngaih reuh lutuk.

"Ka theihnghilh a kawng ka lo, mahse ilo hruai haw a kan lawm e" Bawiha en chuan ka ti deuh hmuk a. Puipuia inchhung lamah ka kai lut nghal vat a.

"In va rawn thleng hma leh si ve" Hlimi chuan alo lawng lawng a.

"Mihring tawng zawi ta che, khawvel ah hian nangmah chauh i awm lo" ka lo ti nghut a, thawm dim nachang hre reng reng lo mai.

"I thinchhiat chhiat nen hian engtin nge Puipuia pa hian a duh zawk che le, thau ropui si" a rawn ti a.

"Ngawi rawh, amah ini lo a min duh chhan tur lo ngaihtuah ve suh" ka ti leh hmak a. Puipui a chuan, "a thau lo" ri hniam sut a lo tih pahin min rawn kuah a. Inti thei zetin Hlimi chu ka mithmul ka san khum a, min eilo zeta a hmui tih pawrh pahin a kalsawn nal nal.

"Khawi inhlip la kan inbual dawn nia" tihpahin a form chu ka hlihsak zung zung a.

"Angel anilo ànu" tih pahin alei a chhuah tut a. A che lai ve reuh lutuk chuan ka nuih ati za, nui put put chung chuan, "Aww sawi rawh le" ka ti a.

"Keimah in ka inbual duh e" a rawn ti a.

"Nga timaw ?" Ka tih chuan, "Miss 'in tlangval tawh a, mahni nu te inbual tir tawh lo tur, nangmah ni a inbual vek tur' ati a" a rawn ti reuh a.

"Mahse nangchu ila tlangval hleinem" ka tih leh chuan alu a thing nar nar a, "aih ka tlangval lawm, apa pawn 'ka awmloh laiin i nau leh i nu lo veng rawh' ati lawm" ati leh a.

"Api pawn 'tlangvala' min ti ziah" amah bawkin atih leh chuan ka nui lo theilo. He nau hi chu a duhawm chiang alawm.

"Awlee, ilo tlangval tawh tak si ah chuan nangmah in i inbual dawn nia. Mahse kawngkhar bulah ka lo ding ang" ka ti ve a. Bathroom lam panin kan inzui phei a.

"Aih, tahkhan lo ding suh" a ti leh tlat.

"Tah tang hian ka lo en dawn che lawm" ka tih chuan, "aih min hmu vek dawn sin, a zahthlak" a ti leh reuh a.

"Anih kawngka hi khar mai ang aw" tih paha pawh khar ka'n tum chu, "aihhhh, ramhuai alo kal ang" a rawn ti vak a.

"Uiha, 'tlangval ka ni' itih kha, tlangval in ramhuai an hlau ngai ami ?" Ka'n ti fiam vel a.

" A zahthlak lawm, ka sazu i hmu vek dawn sin" a rawn ti leh a. Ka nui huk, teuhreuh te a khai uai ve a, ala zahpui ve zui a ah!

"Aw anih ka kal dawn" tih pah chuan ka kalsan a.

"Ṭhe ṭhaw a che, i ha mawi loh tehreng nen i hmui hup chung hian nui thin rawh" chutia ka nui vur vur Hlimin min lo hmuh chuan alo ti a.

"Êm tah sual i an an nen mi hi lo sawisel ve ziah suh" ka ti a. Mi rawn chhan leh a tum chu lo tawng khalhin, "Ninawm i tawngthei si, rawng kha bawl rawh" tihpah in room lamah ka luhsan hmak a. Thutthleng ri chawrh ri leh, "Anaahhh" tih ri in a zawm nghal a, ka nui suk.

Ka phone chu ka la a, Putara chu ka call nghal a. A la dawnlo maw ka tih tawh hnu a la ve hram a, "I va buai ve" ka ti nghal tawng a.

"Ka induh khum che" a rawn ti ve hmak.

"I zak em, nuam iti lutuk a rawn haw nachang ihre lo anih kha" ka ti vak a. Ka bula Awmawma muhil chu hrechhuak leh in ka chu ka hup a.

"Ka haw zawk anih hi" a rawn ti leh hmuk a.

"I rui ami ?" Ka ti thlawt.

"Ka rui ami? Ka rui lo" ati leh tawp a. Ka phone chu ka hmai zawna lek kangin ka en haw. Eng ahria chu nimaw, khaw en lai laiin a rui emaw ni.

"Lalhmachhuan i va za ve" ka ti leh nghek a. Lehlam atang chuan arawn nui huk.

"I va han thinchhe tak" nuih chung chuan arawn ti a.

"Ka thinchhiat vang anilo, i mawl vang anih kha. Mi te rawn chhang tha ve ta che" ka ti leh a.

"Sorry, min ngai lo lutuk a." a rawn ti sup a. Ka nui vur vur a, "Keichu ka hrelo, a chang chang bakin ka hrechhuak lo che a. Ka ngailo che niang" ka ti a.

"Hmm, anih chuan rawn haw pawh ava phurawm loh ve" arawn ti hniam sut a.

"Rawn haw suh ka ti kher ami, ka ngailo che ka ti mai alawm" ka ti leh hmuk a.

"Ninawm, kha aia thlum deuh te khan min rawn ngai ve ta che" keimah bawk chuan ka ti leh a.

"Anih engtia ngaih nge i duh a ?"

"Chute chu i ngaihtuah ve tawh em em ang chu, a sawichhuah ka tum tawh a" ka ti bui bui a. Chutih rualin ring fahran hian, "Anuuu" Puipuia'n arawn ti nghek a. Tlan phei vatin, "i nau amu, tinge i au vak" ka va ti a.

"Towel min lo dahsak lo nih kha" alo ti a. Keimah leh keimah chu â inti zetin ka chal chu ka beng a, towel lak tuma rooma lut kha ka ni reng sia.

"Khawi lo kal rawh, ka pawm ang che" tihpah chuan ka pawm lawp a.

"Eee i fai lo, i nal vek" tih pahin ka nghat thla leh a. Ka tleng leh puat puat.

"Mahni in i inbual ve ngawt a, i fai miah loh hi" hruk fai mawlh mawlh pah chuan ka ti a.

"Mahse keimah inbual ka duh lawm, api pawn 'i nu i ti hah lutuk ang, tlangval viau tur' ati lawm" a rawn ti leh a.

"Ka bula i awm lai chuan keima thu chiah awih tur, anu bulah chuan naute ila ni tho tho. I hre em? " ka ti hmuk a. Alu a bu nghat nghat.

Mahni a thil ti thei pawh ala nilo a, chutia lo hrilh ziah mai.

_______________________

"Puan i pho a ?" Rawn ti tu chu ka en a, "Inti polite vak angai ami? Ka pho tih i hmuh reng hi" ka ti a.

"Thutak zeta biak ve che tum pawh hian a theih loh reng reng" a rawn ti ve hmuk a.

"Min be lo mai la ti nia" ka ti leh hmuk a.

"Aw anih kha, i birthday em em hi chu i theihnghilh ani biklo ang tiraw" tih pahin uite, te tih takah tê em em hi min rawn pe a. Phawk zeta en in, "Ka birthday ania mi, vawiin ni engzat nge ?"

"Eheeee, vawiin ka birthday" tihpahin ka au vak a. Inchhunga tlan luh ka rual a.

No

"Anu, apa in alo phone a" Awmawma chuan alo ti a. Ka lam hawiin phone arawn lek kang bawk a, Jacoba hmel buk chhup mai ka hmu nghal.

"Awi leh putar, i va han hmelchhe em em. I hmuihmul te kha ziat fai ta che" ka ti nghal a.

Awmawma chuan "Uite" tihpahin ka uite pawm chu arawn la a. A tlanpui nghal ter ter.

"Ka lo haw huna nangman iti ang chu, ka buai lutuk anih hi" chauh hmel zet chuan ati a.

"Chauhna tur engnge itih? Hna i chawl in ka hre si a"

"Nia, laklawh thut a awm a. Ka'n pui lawk mawle, ka zawh fel veleh ka rawn haw ang" a ti leh a, a chauh hmel lutuk chu ka khawngaih ang reng.

"Immm, anih chu. A nih chuan muhil rawh, i mitmeng te kha a dul vek ania" ka tih lai mek mek chuan Awmawma chu ka chunga rawn lawn in, "apa apa, happy birthday kan ti dawn" a rawn ti chul a. Jacoba chuan, "Eng nge bawihpui ?" Alo ti thung.

"Miin min hrilh a, anu in birthday ati dawn" a ti leh chul a. A thusawi thiam ve dan lah chu a! Ka birthday tih hrilh atum ani ve ngei ang a.

"Aaa, ka birthday ani tih...." Ka sawi lai mek mek a ka thil hmuh avang chuan ka tawp chawt a, ani pawh arawn meng phawk nghal tha.

"Eng nge kha kha awmzia ?" Ka ti nghel that a.

Ka hmusual miah lo nichin khan, chiang zetin hmeichhia khan a rawn fawp alawm! Ni e, ka hmusual lo, ka mitvai pawh ani miah lo.

A rawn thu mar awt a, "Angela kha kha...."

"Tunge ni babe ?" Rawn sawitu chu a bul hnai maia ding ani tih hriat zetin a hawi zawk a. Phone chu ka off nghal hmak a. Call a rawn luh leh nghal avang chuan ka switch off nghal hmak.

Kha thil kha eng nge ni ngai ? 'Babe' Babe maw!? Jacoba'n ngaihzawng dang anei maw? Mahse ngaihzawng nei tur chuan abuai lutuk bawk si. Mahse khanu khan arawn fawp chiang alawm, an inkar ah thil awmlo nise a fawh nachhan tur kha a awm em ni?

"Anu, uite hi mi ta ami ?" Awmawma'n arawn tih chuan ka harh zawk a.

"Aahh aww, aih nangma ta tur ani kha" ka ti chuan a khek raih a. Sofa a Bawiha lo thu reng chu ka en a, hriatthiam loh hmel zetin min lo en.

"I lawm em ?" Awmawma chu ka zawt leh a.

"Aw, a hming pawh ka phuah tawh" a rawn ti chul a.

"A patea hnenah hian 'ka lawm e' ti rawh le" tihpahin Bawiha chu ka en a. A hmel a ber nasa.

"Apatea inia mi?" a'n ti phawt a. Bawiha pawn a lu alo bu ve mai. Awmawma lah pek chu uite pawm chung chuan Bawiha lamah chuan ava kal phei a, a mal chungah a va thu tharh a.

"Apate ka lawm e......" Tihpahin a'n be zui siam siam a. Bawiha lah chuan peihloh hmel zetin min lo en a, ka nuih suk.