SIALI CH-6

◍SIALI◍ CH-6 BY RAMDINI JAHAU

Aizawl ka thlen thlak chuan in lam pan lovin Siampui te in lamah chuan ka kal phawt a. In lam pan hmasa lova an in lam ka pan chhan chu kal vat a, buaina sawifel vat a let leh vat ka duh vang ani.

Inchhung ah chuan ka lut tawp a, ka rin loh tak main ka nu leh pa an lo thu.

Phawk zeta min en in, "Bawiha engtik in nge irawn thleng" ka nu chuan arawn ti ha a.

"Ka lo thleng chiah, Muanpui khawnge i û a awm ?" Ka ti bung nghal ngut a.

"Room... Room ah a awm" Muanpuii chuan arawn ti nawk nawk a. Midang chu enkual thuak in room lamah chuan ka lut nghal a.

Siampuii chu darthlalang hmaah towel chhing teng venga dingin alo in enkual vel a. Ka lut thawm ah chuan arawn hawi zawk a, nui suk a rawn inher in min rawn pan a. Ka din na ngaia dingin a chet zia chu ka lo thlir reng.

"Ilo thleng hma hle mai. Nge ni a?........ Min ngai lutuk zawk" ka nghawnga min rawn kuah pah chuan arawn ti a. Ka lu chet eihlo in ka nghawng zawna ahmai sin zet chu ka melh chhuk run a.

.

"I kut hi dahsan rawh" ka ti fak a. Engah mah ngai lovin a nui mai mai.

"I la thinchhe reng ani. Kan fate an tha em ?" Ka beng nuai niap niap pah chuan ati a.

"Kan fate !?" Ka ti nawn ve sap a.

Ka nui ro hak.

"Siampui, zahna hi nei teh. I fate an ni love" ka ti chang fak a. A kut chu ka pawh thlaksak nghal hlawk.

"Ouch, min dim ve ta che. Nupui te dimna chang pawh hrelo" a rawn ti leh a.

"Rosiampui! Nang ang mihring hi ka nupui ini ngai love" tih pah chuan ka chhuahsan a. Ka nu leh pa chuan min nghak niawm takin kawnhkhar bulah chuan anlo ding a. Pel puatin ka chhuak zui.

Inlam panin ka tlan zui a, ka thlen chuan inchung room lamah ka intheh chho nghal.

Hmeichhia, ka hmeichhe hnaih leh ka duh ber ani a. Ka neih avang khan ka hlim em em thin, mahse hun hian mihring hi min lo hruai dang theiin hun hian kan nihna diktak hi alo herchhuah pui nge nge thin.

Room lehlam a Nu-i nui har har reng a, a landan chuan Angelai te abia anih hmel.

"Ka û pawh alo thleng tawh in ka hria, a room ah ka va kal ang" tih leh a chapal hrut ri chu ari nghal zat a.

"U ka lo lut" tih pahin arawn lut nghal rawk a.

"Enteh, Bawiha apa saw sek iti em? A kawr te hlip vel" "E i hmu thei leh lo" arawn ti nui lut nghal bawk bawk a.

"Apaaaaa" Bawihpuia âw in arawn tih zawm ve zat.

"Apa api alo leng a" arawn ti lawng lawng a.

"Tu api nge bawiha ?" Nu-i chuan lo ti vatin awmze nei zet chuan min rawn en vat a.

"Anî ihmaw, api lo pawh kha pî dang ka nei reng a, chu chu anu nû ania"

"Awww bawihte, anih anû chu min lo biak tir ve", Nu-i bawk chuan ati leh a. Keimah bawk chu min rawn en leh.

"Lalzei, nû ini tawh tih ka lo hre hleinem" chimawm zet chuan ati a.

"I hmel anih chu" lehlam ami in arawn ti nghal zat.

"Khaw maw Laljacoba ami? Ka'n lo be ve ?" Angelai nu âw ngei chuan arawn ti deuh lang lang a.

"Biak ve kher zel kha" tih ri in azawm nghal zat bawk.

"Aw hello Jacob" arawn ti nghal tawng a.

"Ummm", ka lo ti deuh nghut a. Nu-i lah chuan, "makpa interview ani bawk a, i zam ve deuh ani maw" arawn ti sep sep a. Ka en hrawk chuan minla nuih san uar uar zui.

"I thleng tluang maw ?"

"Aw ka thleng tluang chu nih hi"

"Kha ilo leng ani maw ?" Ka chhang bung lutuk a ka hriat avang chuan keimah vek chuan ka ti leh a.

"Aa aw hei, nau ka lo awm pui e ka tia"

"Min awm pui bawk lo, ka nau awm min en anih kha" Angelai chuan alo ti bui bui a. Ka nui huk tep.

"Aa aw nang nge nge i va fel thin tak" ka'n ti chu Nu-i chuan ka mal puia rawn tlawh in, "mawl lian, nangmah nilo in amah zawk kha nu aw. A nu sawitur zawk niawm tak i sawi a" sehchilh nawk chuan arawn ti a.

"Aa nia, i awm silo a ka naui lah hi lungleng ve thei ropui si..... A kha inbe teh u, hei mi beng beng mai" tih pahin phone chu a pe a.

Lehlam atangin arawn tawng tawh mahse ka bula beng lo dawh ve kar tu chu en in, "nakin ah kan inbe dawn nia" tih pahin ka off hmak.

"Tinge i off hmak a ?" Arawn ti a.

"Ka biak duh hunah ka phone atangin ka be mai ang, mi inbiak na lo hriat ve zel zel angai lo"

"Khaw maw chhuak teh. Mut te pawh ka duh" tih pahin ka nawr nawk nawk a.

"Eng nge i hriat a, iva tawngthei sawt ve" tih pahin a chhuak tau nghawng nghawng.

Ka'n ding deuh vang vang a, ka thil ngaihtuah chu duhlo zetin ka lu ka thing mat mat a. Bathroom lamah ka lut nghal daih.

______________________________

Chaw kan ei mawlh mawlh lai chuan ka nu chuan, "Bawiha naupang enkawl tir chu tha iti mai lo em ni ?" Arawn ti a.

"Bakah fate lo enkawl chu itan a hahthlak em a" arawn ti leh a.

"Ka fa te an nia lawm, annu nilo bula dah chu angaihngam awm loh zawk" ka ti tha mai a.

"Chhuana nu, chuti zawngin an sawi ngailo. Kan tûte anni a, duhlo a min pe tu te hnen a pek leh chu thilmawi pawh va ni hawt lo chuan" ka pa chuan arawn ti ve a. Ka nu pawn engmah asawi zui bik lo.

Naupang ho ahmangaih loh vanga sawi ani lova. Mahse tu tak ni mang bawk silo ai chuan mahni fahrin ngei chu min hmangaihna asang zawk lo thei bawk silo. Ka pa erawh a tu leh fate a hmangaihna chuti lua in ti lang thinlo mahse kan hnung hi adawl tha a. Pa nih a tlin ngawih ngawih ti ila asual lo ang. Tun tum kan thu ah pawh hian kan ngaihtuahna a inrual vel viau ka ring. Buaina ber chu ka nu vang hian a khawbaw leh vek angem tih ani.

"Pa zanah in leng leh dawn mi ?" Nu-i chuan arawn ti a.

"Leng dawn lo, a pawimawh zawk kan ni tlat", ka pa chuan alo ti a.

"Ka pa hi i fiamthu ve deuh reuh ami ?" Nu-i bawk chuan ati hlut a. Chaw ei lai laiin kan vai nuih huk.

Ani reng lah taka, an mahni zawk buaina rawn siam tu leh felfai tak a tihfel theih reng anih laia a hnawk zawnga chet tum tlat chu keini tan chuan en liam phawt a, loh theihloh huna 'a tawk e' tih kha ani mai.

Khuma ka phone ri ngawt dat dat chu ka ban vat a. Ka benga ka nawr beh rual rual chuan, "Pathlawi, nula tharlam i zuk chhai a. Inti luck tawkin irawn haw pawh min hrilh nangeee" arawn ti vak a.

Nui sup hian, "ka lo thleng chiah a, inhrilhna hun pawh a awm hleinem" ka ti a.

"Anih chuan inhnuai lamah hian rawn chhuk teh. In tur i lei ngei chu angai" a ti lung lung a, phone atangin hre bawk inhnuai lam atangin a tawng ri ka hre bawk. Indaihzai ngat ngar khawp ani.

"Khi kan pathlawi khilam kawng nala tawlh thlu pawh arawn chhuk alawm" a kawng dawm a ding deuh al chung chuan alo ti lawng lawng a.

Nu-i te thiandun leh Mapuii te anlo nui hawk hawk hlawm a.

"The thaw (thre thraw aw) che chuan. Kha in va lian tawh ve" Mapuii dul puar ve ak tawh chu en in ka ti a.

"Khai aaa... Thla khat tha pawh i awm bo hman em lova, kum hial liam tawh ang maia i sawi le" inti thupui fun zetin Lawma chuan arawn ti a.

"Ka awmbo rei iti viau lo em ni ?"

"Teuh lo mai a! Ti teh, kan inkuah chhuak khat si a chhuak lawk teh ang" tih pah chuan ka darah arawn beng thak thak a.

"Ulawmsang, innu i theihnghilh daih ania" Nu-i chuan arawn ti a.

"Awww ah, Bawihi lo kal rawh ka thlah ang che. Jacob lo insiam rawh" tih pahin an nupa chuan an in kuah chhuak a. Nu-i inleng pawh arawn lut ve nghal zat.

"Ú i chhuak ve dawn em ni ?"

"Dawn lo dawn lo, I Ûlawma khan a sawi ve mai mai anih kha" ti liam puatin room lamah ka lut chho leh nghal.

Drawer chunga ka phone dah chu alo ngawr dar dar a, ka en chuan Angelai alo ni.

"Putar min va han ngai lo ve" lehlam ami chuan arawn ti nghal sap a.

"Nikhat em pawh ka la awmbo loh hi" ka tih chuan, "aw anih chu" tihpahin call a cut nghal hmak.

Ka phone en a, "ahaaaa" tih pahin ka'n call let a. A'n la duhlo zui ngei lehnghal a ah!

*Jacoba fate nu ka ngai em em che* tih chuan ka va text a. A seen reng a, a rawn reply duh eih lo.

*Ka fate nu ka ngai che ka tih chu* ka va tih leh chuan, *i hmelchhia* tih zawngin arawn reply. Ava hahthlak thin e awww!

Love Emoji chu ka va send tuar a, love lo te pawh ani ang ka thil thawn pawh hi ka hre nei nuaih tawh lo. Ka call leh nghal zat a. A la ve ta hram. Mahse, pawr leh ring em em mai hian, "Eng nge putar, message i rawn thawn zawt zawt a, a ri zawm zat a nau aharh phah hi i hre em ?" Arawn ti vak a. A thinchhe mai si!!

"Ava pawi ve" ka'n ti ve deuh vawng vawng a.

"a pawi pawh iti lo ang, i tum sa anih kha. Ka haw tlat che i hman hunah pawh rawn haw rih lo la tha ang" a ti hmarh hmarh a. A âw ah chuan nau a àwi anih hmel.

"Ka tum lui hleinem, call i la duhlo anih kha"

"Aw tunah pawh ka la duh lo reng, mahse nau i rawn ti harh a, ka rawn hau lawk che anih hi. I awm lai pawn ti harh reng. I awmloh lai te hi chuan rawn ti harh mah ta che........ Mangtha muttui" a duhzawng asawi zo a off hmak.

"Khai leh!!" ti hluaiin ka phone chu ka en deuh thlawt.

"Bawiha, ava mak vung vung ve ?" Ka nu in

arawn tih chuan min la ti phu zuk zui.

"Aaa,aw... Eng nge nita ?" Ka ti bah nak a.

"Aaa eng nilo e, eng eng emaw kan sawi dawn emaw ni ka ti deuh a" tih pah chuan arawn lut a.

"Aww, eng nge sawi i duh deuh a ?"

"Aaa eng nilo e, engtin nge Siampuii leh naupang hi engtin nge kan tih ang"

"Engtia tih vak pawh a awm em ni? Siampui hi sual kawhmawh bawl hi sim tir ila atha veleh mai ang"

"Chutiang ngawt anilo, naupang ho ka hmangaih loh vang pawh nilo in kawl tir ve mai chu atha lawm ni aw ka ti"

"Ka nu, chutiang ngawt ani hleinem. Ani rawn sahawk kual velin a naupang arawn sawi sek hi ngaiah neih loh tum teh. Eng vak anih loh phei chuan Thawhtan lama haw chhoh ka duh. Naupang pawh an ngaihtuahawm, Angelai kut a dah ringawt pawh amah ala naupang ve si"

"Mi kutah idah tihna mi? Tinge i rawn haw thlak pui ve mai loh aw"

"Tu kut ah nge i dah reng reng, hmelhriat loh hnena dah chu ava tha awmlo ve"

"Hmelhriatloh ani hleinem nu, naupang pawn an ngaina lutuk alawm"

"Nu hlauthawng suh, mo thar inei tep tawh lawm....... Thingpui in duh ve em ?" Nu-i chuan kawngkhar bul atangin arawn ti a.

"Bawiha, eng nge awmzia ?" Ka nu chuan arawn ti ha a.

"Thingpui chu iduh em nu ?" Nu-i bawkin alo ti leh.

"Aw, ka rawn chhuk ang........ Bawiha han sawifiah deuh teh, Naupang ho chu i ngaihzawng hnenah chuan i dah ta mai em ni ?"

"Aw, ngaihtuahawm anni hleinem"

"Chutiang, ava tih chi loh ve. I nuSangpuii te kha han pawh mai tur che lawm" a tih chuan nui suk hian, "Nu Sangpuii fanu lawm ka nu"

"Awhawwww, Bawiha chutiang a han tih te chu, i nuSangpuii fanu te kha chu ala naupang viau ani lawm ni? Chutiang te chu haw chhoh vat i ngai" ding uai chung chuan ati a.

"Ngaihtuah suh nu, mi tha lawm anih. Naupang pawn an ngaina lutuk"

"Atha ber dawn emaw ni? Kei ka lo rilruk ve mai mai chu Siampuii mizia hi han enthla deuh ila, inhruai that leh mai te ka duh deuh a" atih chuan ka tum loh deuhin, "Ka nu!!" Ka ti vak a.

"Sawi dik loh ka nei mi, I fapa nu ania, hmeichhe dang i fâ hmangaih pui theih tur che buaipui buaipui ai chuan amah hring tu ngei chu atha lawm" arawn ti a.

"Ka nu, Bawiha ringawt i ngaihtuah a, kei leh Bawihpuia te hi min ngaihtuah ve ta che. An mahni hmangaih tu maw? Amah ni hringtu ai hian Angelai hian ahmangaih fe zawk" ka ti a.

"A tir ah te chuan ani vek ang chu, chutia ani i duh tak viau leh naupang ho chu pe ta mai ila ani mai lawm"

"Ka nu bawngraw in pek chhawn mai mai theih an nia mi? Mihring ve tho anni, chuan hei hi Bawiha ka fa emaw itih bik tlatna kha dahbo rawh ani hi ka fa ani......"

"Eng nge in rik le lu a ?" Ka sawi hmaa ka pa in arawn tih vang chuan ka ngawi hmak a. Ka thusawi tum chu ka ngaihtuah chianga ka pa khan min rawn chhanhim ani ringawt a lawm le.

"Eng nge in sawi em em, pindan lamah mu turin ka lo nghak reng che a" ka pa in atih chuan ka nu chuan, "lo mut ve mai tur che lawm, zankhat na na na hi chu ka la riahbosan ve ang che mawle" ati nghal bawrh bawrh a.

"A eng aiah chuan nge maw i'n riahbo ve ngawt ang u. Lo kal teh mu teh ang, kuah lum tur te pawh kan duh ve a, a reng reng ah Bawiha pawh vawiin rawn chhukthlak lamah arawn insawh chau ve thei a, ngahnge ilo va tihbuai reng. Bawiha mu rawh nangpawh" ka pa chuan arawn ti veleh.

"Nang lah hi mipa tih awma mawi lo hian tawng duah zel ringawt mai, kal vat vat teh, khawlum lai kara kuah lum tur te itih mai mai" ka nu chuan ati leh hlak hlak a, an inzui chhuak ta.

Intifai ve sawk sawk in ka mu ve nghal a. Nichin khan ka pa kha rawn kal hmanlo nise chuan thil pawi lutuk a thleng kei ang. Kei lah hi ka nu'n naupang chungchang asawi tawh hi chuan lawmlo nghal ngawt zel. Mahse ka dik ve reng, nichin a ngaihdan te phei kha chu tih chi loh lutuk. Inhruai that leh a, ava han hnai mai mai lo tak. Ka ngaihtuah hian bawihpuia naute sen chauh anih laia a awmbo san leh a hnute tui takngial pawh pe duhlo a a kalsan lai te kha ka hrechhuak.

Ka thaw hrawk a, kawng engkim ah hian hmeichhia hian ro an rel in hmeichhe pakhat lek pawn tiang em em hian chhungkaw hnih min han tibuai ania.

Ka thil ngaihtuah chu ka rilru khawi emaw laia dahthat tumin thawk ka'n la vang vang a, ka ka bula let ngat ka phone chu la in ka hmet eng nghal pap. Screen ah chuan Angelai message arawn lang tuar a. Ka'n en nak chuan mahni in ka khi vur vur.

Emoji arawn dah tlar thla pùt a, a then ah lah, *tinge

message i seen loh*

*Hey, i lerh ami a*

*Hmeichhe dang i hmuh chuan i ngal ruh ka khawng tliak ang*

*Lian zawk mahla ka hlau lo che*

*Message te hi seen ve la*

*Seen lo tawp rawh, Putar mangtha* atih hnu minute 5 hnu velah, *i awm lo a kan reh ruih mai*

*Putar naupang kawi kawm thiam i zin daih a, kan ngai che rawn haw rawh*

*Eng nge maw itih le ?*

*Min chhang ve ta che*

*Aw min chhang suh, nuam iva ti ve. Rawn haw tawh miah suh ang che cham hlen hmak rawh mangtha*

Henu pui rauh hi amah pawn a in be thinrim thiam anih hi mawle! Ka nuih za nuih hawk hawk hreh ve bawk hi chu ka hmui ka inhup khur dar dar a, ka awmdan chu tullo ti zetin ka kut chu ka'n dahthla leh a. Keimah bawk chu ka chetdan innuih in ka hmui ka hup leh. Angelai bulah ka awm tam lutuk a, ka tuai zo dawn te a ka hriat tlat chu ni.