SIALI CH-11

 

SIALI CHAPTER-11 BY RAMDINI JAHAU

Hey! Please comment and click the ads down by the story 💦

____________________________

"Ka ning tlat, ka haw dawn" tih deuh hmuk pahin Hlimi chu a chhuak tau nghawng nghawng a, "Ka va thlah nge" tiin ka û chuan a zui chhuak ve bawk a. Bawihpuia chuan, "Anu hnute chu lei ang u" a rawn ti a. Putara nen chuan kan in hawisan nghal vat.

"Aw aw.... Khawiah nge lei tur" Putara chuan arawn ti daih a. Felfai-i chu nui put put in, "I chhe emai ah! Hnute an lei dawn reng reng lo" a rawn ti a. Putara chuan nui deuh hau in min en ngawt mai.

"Hnute kan lei dawn lo maw ?" Tihpah in Bawihpuia chuan min rawn en chho kiau a, "Dawn.... Dawn e, i nì kha engmah pawh hrelo nih kha" tihpah in ka pawm kang a, pawn ah ka chhuahpui ve ngawt. Felfai-i chu nui hawk hawk in, "Khapawh, che chhe dun lutuk. Eng nge i chhuahpui ve ngawt, Bawihpuia khan hnute a ngheina rei lutuk tawh" a rawn ti a. Ka chhan ngaihna hrelo lai kual vel lutuk chuan en pawh en tha duhlo in, "ka len pui dawn ani ve mai a" ka ti daih a. Chu te phei chuan anuih ati za belh emaw tih turin a nui uar sauh a, rum deuh nghut in Mama te in lam chu ka pan pui daih.

Bawihpuia te unau mut dan ka siamrem hnu chuan ka thaw chhuak hawk a, Puipuia mu chu ka en a, a chawn a vual deuh chu ka zuk hmu a, ka en chian chuan a lo vual a. Engtiang em em hian nge avuak le. A muhil thaw sak sak chu ka en a, a zawng zawng in hrethiam vek kher lo mahse kan thu tlangpui hi chu a hre ve thin si a, ka khawngaih ang reng.

Ka nu te room a puan lak belh tumin ka chhuak a, "Naupang ho chu an muhil tawh mi ?" Rawn ti thut avang chuan ka thlawk lo chauh.

"Tawng thut thut hi kum upat na in aken tel ami ?" Ka ti a. Min chhan hma hma chuan inhnuai lamah ka chhuk thla a, "Eee, eng nge inla tih! Insum deuh teh u" Hlimi leh ka û in ei tum niawm fahran a hnaia an lo thut chuan ka ti hluai a, sana ke melh nghal zat bawk.

"Dar sawm arik tawh khi. Haw tawh ta che" Hlimi en chuan ka ti a, "Hmeichhe ràwpa hian riahpui tur che in min ti ka lo riak dawn" Hlimi chuan alo ti sam et a. "In mawl ami le, riahna kan indaih lo, tahkhan i mu peih anih loh chuan haw rawh. Riah pui pawh ka ngai awzawng lo, Bawihpuia te unau an awm" ka ti leh hmuk a. Ka nu te room ah chuan ka lut a. Ka nu te an awmlo tih ka hmuh chuan, "Autlan khawnge ka nu te hi ?" Kawngkhar atanga dah chhuah pah chuan ka va ti leh laklawh a, "Vawiin chawhnu lama an zin chhuah kha i hre amaw ?" A rawn ti a. "Hre miah nang" tihpahin ka lut leh daih.

Dar zat pawh ngaihtuah leh tawh lem chuanglo chuan ka nu te chu ka'n phone leh thawr a, a in lak rual rual chuan "Mut hun anih hi bawihte" ka nu âw ngei hian thatchhe zetin arawn ti a.

"Nu in zin tih pawh ka hrelo reng reng" ka ti bui bui.

"Aw i muthilh lai khan kan kal a, naktuk kan riak leh nga a tuk leh a kan rawn haw ang" ka nu chuan arawn ti leh dap a. "Aw anih muttui u, in zinna ah chuan cherna damdawi tha deuh an hriat leh hriatloh te lo zawt la" tihpahin phone ka dah nghal deuh hmak a. Puan leh lukham vel pawm bawr teuh chung chuan ka chhuak leh a.

"In va han zaktheilo tak" tihpahin ka û leh Lalhlimi indût chu lukhama han vawm ka tum a, ka tum loh dan deuh in ka in vai kawkalh a, ka tlu dawn tawh tih ah Putaran min rawn man hman a, ka kawr nghawngah kher arawn pawt bawk sia ka nghawng min rek a, "Mawla, ka thi dawn" tih pahin ka chum tawk a, min thlah thut a, ka la thu thlawrh zui.

"Ka ning lutuk..... Nun han fair loh zia hi. Hmelchhe ho, eng nge inlo indût khanglang a, nangmah ni vang, inngaizawng pawh ni hleilo. Chhe hmuar hmuar lutuk" tihpahin ka puan thlauh ho chu ka chhar khawm a, Putaran min rawn chharpuia a kun duk duk lai chuan, "Nangpui pawh hi haw tawh ta che, naupang ngaihtuah an ngailo. In ah hmeichhia mahni chauhin i hnutchhiah a, ngaihtuah te pawh i ngaihtuah lo mi ?" Ka ti khum nek a, Lalhlimi chuan, "Nangmah zawk kha nih kha chhe hmuar hmuar chu, han mu hmak teh" a rawn ti a.

"Mu dawn e mu dawn e, chhe chhawng chhuk chho ho" tihpahin ka room lamah ka inpawm chho a. Putaran min rawn zui chhoh chuan ka hau duh miah lo a, a chhan chu hauh hrep ka tum vang ani.

Room kan lut fel chiah tih chuan amah hmachhawn in ka ding teu a, melh deuh vang vang in, "Tinge Puipuia i vuak a ?" Ka ti sap a, âw tih rum ka tum tehreng nen a rawn chhuak no phian.

"Min ngaih vang mai mai lehnghal in, min haw viau mah la naupangin tihsual an nei lova, kutthlak kher angai hleinem" ka sawi zawng chuan ka mittui a rawn parawl kuang a, "ka mittui hi tla mahse ka tap lo ania" keimah vek chuan ka tihzawm leh a.

"Engvangin nge ka huat ang che ?" A rawn ti daih. Chhang lo chuan thaw deuh hawkin ka mittui rawn parawl chu ka kut hnung lamin ka tuai fai a. Puan chu la in khum sir ah chuan ka dah nghal a.

"Tinge khatia itih a ?" A rawn ti a.

"An mangchhe reuh sia, an tlak loh nan mawle ?" Ka ti mai a.

Engmah kan sawi zui lova, ka mutna tur siam rema ka kun kut kut lai chuan ka dar tawn tawn a vuanin min amah hmachhawn zawng chuan min dintir a, "Tinge i tah ?" Tihpahin min kuah bet a, "i sual lutuk a, keimah vangin i fate i vuak phah a. Pianpereki bulah min kalsan daih bawk a, i sual lutuk" ka lo ti tuau a.

"Ka tihpalh, ka tum vang pawh anilo" tihpah chuan min kuah deuh ngawih ngawih a. Nghet zetin ka lo kuah ve bawk.

______________________________

"Intha leh tawh maw !?" Hlimi chuan arawn ti vak a. "I mawl tak tak anih hi, i pa inah kan awmlo tih hria la, tawng zawi rawh" ka lo ti hmuk.

"Khawnge Siamcheri kha ?" Awih loh hmel zeta min en in a rawn ti a.

"Ka hrelo, eng nge ka û nen khan inlo infawh ve ngawt a ?" Ka ti daih chuan meng no kual vel hian, "Min lo fawp a ka infawp ve tawp. I û hian min ngaizawng chiang" a rawn ti a.

"Ni e, nangpawh hian ngaizawng ve rawh" tui in deuh khawlh khawlh pah chuan ka ti leh a.

"Monu atan min duh ve tho nimaw ?" A rawn tih chuan, "Ka hrelo, hmu zo lo ve ve chu in inhmeh dawn em a ka tia, mahse ka monu tur atan chuan ka iai ve deuh tlat che" ka tih chuan. "I hmel anih chu !". A rawn ti hmuk a.

"Chu ka sawi chu, khawnge Siamcheri chu ?" A rawn ti leh a.

"Ninawm, amah vengtu ka nia mi ?" ka lo ti deuh hmuk.

"I mawl e lawm, teh tikhan Siamcheri arawn lan hunah a duhlo leh che nga. Tunah a awm lo a afate enkawl tur bakin a duh lo che" a rawn ti hmuar hmuar a. Tui chu in leh in ka inngaihtuah muk hmel zetin hma lam chu ka thlir a, mahse engmah ka ngaihtuah miah lo. Ka rilru ngaihtuahna thluak hi a blank vek.

Chutah amah pawh en chuanglo chuan, "Mi hlim ve dawn lai lai hian lunghnurna tur thil hi rawn sawi ve ziah" ka ti a.

"Chutiang lam anilo, ka hmangaih vang zawk che ani. I hrem i rilru nat te hian ka rilru hi alo na ve thin a, pathlawi zaktheilo vang mai mai lehnghal phei chuan. Nangchu ka pianpui ka unaunu ang inia, i nat hi ka duh lo lawm" min rawn kuah pah chuan arawn ti a.

"Ni e, min hmangaih in sawi ril viau mah la min kuah suh le! A lum lum nen, kal teh" tihpahin ka nawr sawn a.

"Thutak hi i sawipui theih thlawt loh, ka sawi chu awih mai rawh" a rawn ti a.

"Ange mi le...." Ka sawi zawh hma in, " 'ange' tih a awm ngai mi ?" A rawn ti a.

"Awm ngai lo e, mahse sawi anuam e lawm" ka tih mai chuan, "Sawi nuam tih vang maia hman reng tur ani hleinem, kan hriat a, kan sawi theih bawk hi chuan kan tawng hi a dik taka hman hram tum tur, nakinah chuan 'ange' tih kha dik emaw an tia nga, kan tawng hi aboral mai dawn.... Ka sawi chu awih la, lo induh khum ve deuh rawh" a rawn tih zawm pat a.

"I tawngtheih zia hi. Kha hei hi ei rawh....." Tih pahin a kâ ah chuan eng emaw ni hi ka hnawh a.

"I hrem, ka û vang vek lawm. Alo va vo vel a" tui bawk in pah chuan ka ti a.

"Engtin !?" Thil thial tuam tuam pah chuan arawn ti a.

"Ka damloh ni khan ka mutthilh hlanin Pianperekin alo call a, ka û khan alo la a ......"

"Chuan engtin zel ..?" Alo ti hmanhmawh.

"Thawt thawt che chuan le, ka hrilh ve lo tawp zawk dawn che mawni"

"Sawi rawh sawi rawh" a rawn tih chuan ka sawi zawm leh a, "Chutia phone alo lak chuan pakhatnu khan keimah emaw tiin alo tawng nghal buan buan aniang, ka û chuan ava kalchilh nghal a. Siamcheri ava beng a, Putara amah leh afate min hmuh tura an rawn kal leh a nih chuan keimah zawk hi min sawisak tur thu alo va sawi a"

"Tinge, nangmah chu sawisak a tum kher che a ?" A rawn tih chuan, "Eee ka hre bik lo, kan awmna chin a in ang reng a, ka hriat chin ka hrilh bawk che a tikhan kan in ang tawk viauin ka hria" ka ti a.

"Nang hi lawm tawngthei chu" a rawn ti hmuk a, tui chu a in ve khulh khulh.

TIME SKIP 🍂🍂🍂🍂🍂🍂🍂🍂🍂

"Aaa tinge kohhran chaw eikhawm kan nei dawn mi ?" Kan inah upa deuh deuh thu thup ka hmuh chuan ka ti hluai a, min rawn en thap.

"I va â mai mai thin tak, chaw ei veka rawn leng annih hi. Thingpui han lum teh" ka nu chuan alo ti a. Choka lamah ka lut phei ve mai.

Thingpui ka chawi phei lai chuan, "Apu Khup tinge inlo len ?" Ka ti lang lang a, ka nu bawk chuan, "An lo len chhan pawh chu iva han hrechak awm em em ?", A rawn ti a.

"Aw putar deuh deuh anlo leng ngai lo a, amak e lawm" ka lo ti a. Ka nu chuan min lo khak vat a, midang an nui ham ham.

"Ih e, i thiannu Hlimi ten palai min rawn tir anih hi ?" Pu Khupa chuan arawn ti a.

"Aaa, eng palai nge !?" Ka lo ti hu.

"Aaa mo in nei tep anih hmel" a rawn ti leh a.

"Aaaa anih chuan ka û nen an inneih dawn tihna mi. Pa keipawh pasal ka nei duh, palai tir ve ang u" ka ti nghal var a.

"I â mai mai emai, hmeichhia in palai tirh thu awm suh" ka nu chuan alo ti vat.

"Heii, Lalhlimi te pawn an rawn tirh hi" ka lo ti ve leh.

"Awww, heite chu i û leh Lalhlimi tih thianglo tih zar anih hi !" A rawn ti leh a.

"Apu Khup eng nge tih thianglo chu ?" Pu Khupa melh chung chuan ka ti a. Pu Khupa leh midang anlo nui suk suk hlawm a.

"Ava mak, Lalhlimi araii... A rai tihna nih chuh!!" Ka nu chuan arawn ti a.

"Maww!! A rai maw !?" Eee...." Ka'n ti deuh vang vang a, "Mahse kei chu arai hi mak pawh ka tilo, ahma pawn an indût lai ka hmu tawh. Engtin nge rai duh zawk le" ka ti leh vang vang a.

"Ngaihtuah buai duh suh, han mu teh" ka nu chuan alo ti a. Mahse kei chuan, "Aaaa pa palai chu tir ve ang u, a ngaihna awmlo reng reng, ka vah te enkawl hian ka tar vuai chhe vek dawn" ka ti a.

"Awii, henu zahloh zia hi" tihpahin min rawn tin uai uai a, ka room ah ka tlan lut chho nghal nal nal.

_____________________________