SIALI CH-10

SIALI CHAPTER-10 BY RAMDINI JAHAU

Hey story! Welcome to my guys 😆 Please comment and click ads down by the story 🙂

_________________________

Ka tukkhum ah chuan tu emaw hian min rawn beng a, thinrim zet a ka tukkhum nuai vut vut a, "Tunge, i mawl ami ?" Ka ti vak a.

"Ka beng a ngawng lo au vak vak zel suh" ka û chuan alo ti hlak a.

"Mi thil ngaihtuah lai lai in khati khan rawn ti mah ta che, lungphu chawl pawn ka thi thut thei" ti leh nuah nuah in ka room lam ka pan chho nghal a.

"Kal nal nal zel ma ta che, inleng ineih saw" min rawn tih zui chuan Rinfela te lo thu kur chu ka hmu ve chiah.

"Ee, inlo leng a" tihpah chuan ka nui tawi tak a, ka thu phei ve nghal.

Ka û hi eng ahria ni maw Rinfela pawh a be chhe tawh lo a, a lo leng te hi kei ai mah mah hian alo lawm zawk thin in ka hria.

"In fel sia thingpui ka'n lum ve hnap ang cheu aw" ka ti a, Muanawma chuan, "aaaaa, thingpui chu a tar bakah a thingtlang ee" a rawn ti a. "Zak rawh zaka, chutiang teh a itih, kha vang nih kha bialnu pawh i hmuh zawh loh. Hmeichhia hian mipa changkang leh hawisang satliah an duh hleinem...." Ka sawi lai mek mek chuan ning zet hian, "aw anih va lum rawh, keichu a thlum in thianpa chu a hang in" arawn ti zawt zawt a. Kei lah pek chuan, "I zak em, a lum tu tur ka duh dan in ka lum ang, a then a thlum a siam a, a then a hang a siam kha buaithlak. Thingpui in lamah hi chuan a inlungrual theih ve lutuk, a hang a in vek tur" ka ti sak deuh hmak a. A sen hang ngat in ka siam sak ta vek.

Muanawma chuan ner nawng nawng hian, "induh tar sia maw, tuilo lutuk. Dawr ah eitur ka dap teh ang" tihpahin a tho thurh a, a chhuak zui nghal daih a. Rinfela chu ka bulah a rawn thu phei a, a thingpui no chu dah pah in min en deuh vang vang a, "Ka hrelo" ka lo ti deuh nghut.

"I indiet te hi nilo maw? I cher bawk si, thlarau kal thei hi i ang" a rawn tih chuan rum tawkin ka en a, "Mi chaw ei theilo buai lai lai a indiet te ilo sawi" tihpahin a darah chuan ka chum dawt a.

"Anaa" tih pahin ka kut chu a lo man a, min en deuh vang vang a, ka hmui chu enin a rawn hnai deuh hret hret a, min fawp dawn anih ringin ka lo maimitchhing ve tawp a. A thaw lum pawh ka hre thei tawh tih ah chuan, "Anu ka duhlo" Hlimi âw in a tih a rawn tih chuan kan phu deuh zawk a, kan la intauh zui.

"Awi an zahlo ziah hi, infawh te an tum vel" inthlahrunna nei eih lo chuan ala rawn ti lut ham ham zui a.

"Ràwpi, rawn au vak kher angai mi? I rawn kal hma pawn keipawh ngawi rengin ka awm reng" choka lam atang chuan ka û chuan arawn ti a. A awm ve tih ka hriat phei chuan ka zak lutuk chu ka beng asa hut hut mai.

"Chheban min lo khak rawh ka ti che mi. Nangpawh eng nge, mahni farnu te infawp lai pawh chu ilo en? Fawh tur i hmu zo ve lo mi ?" Hlimi lah chuan ati nek a.

"Ka hmu zo lutuk hi tumah ka fawp peih lo zawk"

"Ka awih.... I ring em? Fawh tur i hmuh zawh veloh vang anih kha, mahni farnu te infawp tur pawh ilo en tawng tawng kha hrem, nupui nei rawh. I hmeichhe ràwp pawh areh mai ang Ràwpa" Hlimi chuan alo ti ve leh a, ka u chuan nui sun sun hian, "Min nei la, hmeichhe ka ràwp tawh lo mai ang" a ti zauh a. Hlimi chu a lai deuhin ka hria. "I hmelchhia" tih pah chuan a lei a chhuah khum zawk a, ka bulah chuan arawn thu thla ve nghal a. Ka u bawk chu nui hawk hawk hian, "i va han zeilo tak, i laih pawn i thiannu te infawp tur bulah khan zuk thu kher mah ta che, an infawp duh nga sin" a rawn ti a. Hlimi tawng hma chuan keimah chuan, "Ka ning tlat, leng rawh. Lenna tur i hriat loh pawn mama te inah Jordana te va awm rawh" ka ti a. A awm ve a min ti lai zo vek tawh. "Inho mai mai emai" tih pah chuan a room ah a lut chho ve hmak.

"Tichuan eng maw inlo infawh tum ve chhan kha, inzak lo hi ka tia" a rawn ti deuh bawrh bawrh a, Rinfela chu ka dara min kuah in a nui deuh vur vur a, kei pek chuan, "Ka chaw ei theilo a chaw eitui na min pek atum a" tih pahin ka nui lui deuh vak vak a. Chutih lai chuan kawngkhar atang hian Muanawna chuan, "Lalhlimpui ka hmu fuh ta che, vawiin ah khan engtin nge min tih kha" a rawn ti khur khur a. Hlimi chuan, "Rawn inti pasaltha vak suh, eng nge i khai kha" tihpahin a pan phei a, Muanawma chuan a hlau let zawkin ka hria.

Rinfela chuan, "Ka tihpalh" a rawn ti deuh sup a. "Engah chuan maw ?" Ka lo ti deuh haw.

"Kha, nichin ami kha ...." A rawn ti deuh nuah nuah a, a lai ve lutuk a ka nuih a ti za. "Engmah anih loh kha" tihpahin ka nuih deuh huau huau a. Ka nuih ve lai tak mai chuan Putara àw ngei chuan, "Angela i û a awm em ?" A rawn ti a. Ka inher zawk. Amah ka hmu thut leh a âw ka hre thut chu ka thlarau hi a thlawk chhuak lo chauh ti ila ka sawisual lo ang.

"A aw, aw awm e. A room ah a awm" Ka ti deuh nawk nawk a, engmah sawi zawm loin ka û room lam pan chuan a kal mai a, Rinfela chu en in, Putara hriat theih tur ni si hian, "Bialnu te hi nei ve tawh rawh, i hmel te achhe lo a, nge i lo nei ru reng tawh zawk lo maw ?" Ka ti deuh lawng lawng a. A rawn hawi let lo a, keiin a hnung lam chauh pawh chu ka en zui ngawng ngawng. Ani ngei saw lawm, ka chaw ei theihloh a, eng ei chakna mah ka neiloh na chhan leh ngaihtuah nei silo a, ka rilru ti hah em em tu leh zan mu theilo a min siamtu chu.

"Duh ten min duh ve siloh hi chuan...." Rinfela'n arawn tih fan raih chuan Putara hlir ka rilru ah a awm tih ka hre chiah. Thaw deuh hawk in, "Aw, a hma khan duh inei tih kha i sawi tak. I try ve reng reng lo mi ?" Hmel ner nang chuan ka ti a.

"Awii enteh u, keimah vangin Muanawma leh annu anlo inhau anih chu" Hlimi chuan a rawn ti vak a. A la nui vak vak zui a, "Hlimek pangngai thin rawh aw" Pakhat pa lah in alo ti deuh hmuk a. Ka chhan dawn lai tak chuan Rinfela chuan, "Aw..... Amah hian a hrethiam lo lutuk a" a rawn ti a. "Ava zia lo, duh tawh lo mai rawh" pawi tih hmel zetin ka lo ti a.

"Awii, chutiang chuan alo ti vel a? Then daih rawh. Enteh u, Sangchhiai khan Muanawna duh ve ang ten, an inkara inrawlh ang ten min lo sawi vel anih chu" thutna pam rawn pan pah chuan arawn ti hmuar hmuar a, chhang lemlo in Rinfela bawk chu ka en leh daih a, "Eng nge kan sawi lai kha...." Ka tih lai takin "anuu" Bawihpuia âw in a rawn ti a. Ka ding deuh hluai. A rawn tlan phei ter ter a, kawngkhar bulah a Felfai-i a ding thung.

Ka din avang chuan min kuah phakna chinah min kuahin a rawn tap nghal hluam hluam a, Felfai-i chu ka en a, a mittui tling deuh piai in a lo ding ve reng bawk a. Hamhaih lek lek in Bawihpuia chu ka pawm kang a, a hnungah chulin a tah chhan chu ka zawt a. Tap pur chung chuan, "Apa in min hau" a rawn ti a.

A hnunga chul sak pah chuan, "akhai aww,,, tinge ka naute hi anlo hauh a. Bang rawh le, apa kan hau dawn nia" tiin ka thlem a. Tap pur chung bawk chuan, "A û lo kal pawh a phallo" a ti leh a. Ka tap lungrun lutuk mai chu min ti tap ve dawn dawn mai.

"Awii, ka naute hi ka khawngaih emai. Apa kha kan hau dawn nia aw bawihte, sual lutuk" tiin awih pah deuh chuan ka thlem a. Ka thutpui a, a mittui leh hnaptui zawng zawng chu ka kawr awmah a tat fai vek a. Mit bui lak a rawn hawi chhuakin, "Apa bulah ka awm duh tawh lo" arawn ti reuh a. Pakhat a tap bang zo chiah a, pakhat a rawn tap lut veleh. Ka mak ti tawh lutuk chu Felfai-i chu ka en a. "An ngai lutuk che a, zan pawh an mu theilo. Ka û hian rawn tihbuai reng che a duh bawk silo" a ti a. Puipuia phei chu min rawn pan ngam lo in Felfai-i bulah dinga tap deuh pur in Felfai-i chu a vuan a. Rinfela te pawh chuan leng ve renga chiloh anti deuh nge haw tumin an ding deuh hluai a, "Angela kan haw phawt mai ang" an tih chuan ka en haw ringawt a, chhan nachang pawh ka hrelo. Hlimi zawk chuan, "Chuti mai tur maw, ni e kan buai ta nuaih a hei zan dangah inrawn leng leh mai dawn nia" upa tawngkam tak hian arawn ti a, ka rilru chhungril chuan, "I va han chhe zep zuap tak" a ti mawlh mawlh a, chutianga lo intih na chi anilo tih ka hriat vang erawh chuan ka sawichhuak bik lem lo.

"Eng awmzia, chuti em em a min ngai te chu nangpawn rawn len pui mai ta che. Puipui lo kal teh" tihpahin Puipuia chu ka hui phei a. A rawn phei ve ngei a mahse ka bul te ah thuin en pawh min en ngam lo. Ka kuah hnai a, "Tinge i pa chuan lo len a phalloh a ?" Ka ti a. Bawihpuia zawk chuan, "anu a damlo ati a, a û pawh a vua lawm" ati a. "Bawiha a vua che mi ?" Tiin Puipuia chu ka en vat a, a lu abu nghat nghat a. Felfai-i chu ka en leh a, engmah sawilo in min lo en ve reng. "Khawi lai ah nge avuak che" tihpahin Puipuia achu ka hma ah ka din tir a, Bawihpuia chu ka bulah ka thut tir a, Puipuia kawr vel chu ka'n hlim a, a hnung zangah hmun hnih ah hian a lo vual deuh a, a ban puam a, tlem a lo vual deuh bawk a. Amah ka en chuan ala tap deuh par a, ka khawngaih lutuk chu ka kuah a, "Khawnge i nu, inu a awm lo em ni ?" Ka tih chuan Felfai-i chuan, "A kalbo lehna arei tawh alawm" a rawn ti a. Mak ka ti takzet.

Ka û room a Putara lut kha an la rawn chhuak ve miah lo a, kan thawm te pawh hi an hre ve lo mawni.

"Aw tap tawh su le, i pa kan hau dawn nia..... Lo kal ru, intifai lawk ang u Bawihpuia'n a hnap min tat vek a" Boruak tih zangkhai tum zet chuan ka ti a.

"A û lawm, kei chu ka hnar pawh afai vek" tiin Bawihpuia chuan ahnar chu alo kawk chiah a, kan nui deuh hawk. "I â si, anu i tah vangin a fai reng lawm" Puipuia chuan la tap deuh si chuan alo ti a. "Ee, a û chu a tahnui vel ani, tiraw bawihpui ka tih chuan" Bawihpuia chuan nui deuh uar uar in, "A û chu hmeichhia lawm" alo ti a, Puipuia chuan, "ka ni bawk lo" alo ti hmuk a, nei deuh suk suk in ka room lamah ka chhoh pui a

Bawihpuia pek chuan ka pawm lai chuan ka hnute chu arawn tham a, "Heyy" lai deuh rutin ka ti a, amah ka thlauh tep zui. "A dup vek" tihpahin a la nui ang har har zui a. Tih ngaihna hrelo in ka nuih ta tawp.

Ka inthlak mawlh mawlh lai chuan Bawihpuia chuan, "Anu tete ka lo hne" nui vur vur in arawn ti a. Ka chhan ngaihna hrelo lutuk bawk chuan ka en leh haw ringawt a, "Ati mai mai nih kha, amawl lutuk a" Puipuia chuan anau chu alo tihsak a. "Ka ti mai mai lo, ka hne chak lawm. Kan inbula naute pawn anu hnute hne lawm" Bawihpuia chuan arawn ti a. Hrethiam deuh chiah in ka inthlak sawk sawk a, "Lo kal ru le, Bawihpuia hnute tur lei ang u le" ka ti a. Bawihpuia chuan phur fe hian, "Yayyy, hnute ka hne dawn" atia min rawn zuan a. Pawn kangin kan chhuak a, ka û leh Putara chu an rawn chhuak a, Putara chuan mak tih hmel zetin Bawihpuia ka pawm chu arawn en a, hauh ka duh viau na in ka la insum rih. Bawihpuia chuan, "Apa hnute kan lei dawn" a ti a. Ka û leh Putara chuan, "Engaa!?" an ti rual thawt.

Bawihpuia lah chuan chhan zui tih awm lo, "Bye bye" tihpahin a pa chu a ban avai khum hmak a, a lei ala chhuah khum zui ah. Putara chuan achal ti nuar nangin keimah chu min en a, Bawiha te unau chu inhnuai lamah ka chhuk tlak pui hmak.

"Khawnge in kal a ?" Hlimi leh Felfai-i lo lut chiah ka hmuh chuan ka lo zawt a, "Kan bialpa te kan inhrilh" Hlimi'n alo ti hmuk.

"Ràwpi khawiah mah bialpa kha i hmu zo lo" ka lo tihsak a, Bawihpuia chuan, "àni chu abialpa ka hria, kan inbul ami ania'h" tihpahin Felfai-i chu alo chhaih ve nghal zat a. He nau han nghal tet tut zia hi, tun atangin tiang anih chuan aw, nakin ah chuan 'hmeichhe ral' an la ti dawn chiang khawp. "Bawihpui, i hmui hi thuiping then ang aw" ka tih chuan a hmui hup vatin, "aih, anu hmaiah ka la chuk duh" a rawn ti a. Ka pawmna tang chuan tal thla in, apa te bulah chuan a kal a, "Apa min lo pawm teh" tihpahin apa chu a han zuan a, a chet dan chu kan lo en thap. Apa in a pawm kang veleh apa hmuiah chuan a fawp a, tal thla lehnghalin min rawn pan leh a, a hmui chu chip tatin min pawt a, ka kun hniam veleha a kut tereuhte a ka biang tawn tawn vuan ve in ka hmuiah a rawn chuk zeuh ah, an lo nui hak hlawm.

Ka û chuan, "Awmawma chu Hlimsaràwpi ai pawn a zei zawk" a rawn ti keuh a, "i chhe chhawng chho anih chu, apa in a zirtir vang mai mai nih kha" Hlimi chuan alo ti vat a. Ka û leh Felfai-i an nui huah huah a, Hlimi a ding thinrim tun a, kei leh Putara erawh kan ding lai deuh rut mai.