BETWEEN US CH-15

 

BETWEEN US CH-15 BY RAMDINI JAHAU

REMRUATSANGI POV. (Deniz-i nena an chhuah lai ah khan azawm aw) 

"I nu in ahre tawh em ?" Ka plate bih ngur a ka kun lai chuan arawn ti a. 

"Maw ?" A awmzia ka hriat loh em avang chuan ka ti a. 

"In chungchang hi mawle, Simon nen a inchungchang hi" a rawn tih chuan ka thil thial lai chu ka tawp chawt a. 

"Hre lo" ka ti tawi tak. Ka ngaihtuah ngai miah lova, ka nu hian Simon nena kan inkar hi hre tase enhtin nge ni ang? A thawng viauin hmangaih ka neih vangin a hlim ang nge, ka chunga mi daih ka kawp chu a lawmlo viau zawk ang. 

"I rilru abuai..... A ni em ?" A rawn ti leh a. Ka chhang lo. 

Ka kut chu rawn vuanin min en a. "Hlauthawng suh, a hre dawn tho a. Midang hnen atanga diklo taka a hriat ai chuan nangmah ngei hian hrilh rawh" arawn ti dam thluam a. 

"Anih ka hrilh chuan a pawm i ring em ?" 

"Pawm lutuk ang. A fanu inia lawm" a rawn tih chuan ka bu nghat a. Ka kut chu la in ka ei zawm leh mial mial. 

Ka haw kawngah chuan ka nu ka hrilh dan tur ka ngaihtuah a. Engti kawng pawn hrilh dan tur chu avang ka ti thlawt. 

"Boo!" Ka lung phu nasa lutuk chu ka tlu lo chauh. Simon chu ka melh rawm rawm a. 

"I mawl ami! Lungphu chawlin ka thi lo chauh anih kha" ka ti fak a. 

"Sorry" tih pahin a beng a pawt zeuh. 

"Hmmmp" tih pah chuan ka kalsan a. 

"Catty catty catty" tih pah chuan hnunglam atang chuan min rawn kuah a. 

"Ka ngai lutuk che a" a rawn ti a. Min zuan vak. 

"Heyy, ka paw zo lo che. I len len nen" ka ti vak a. "Anih ti tal hian min hnuk" tihpahin a uaih uaih in min uai. 

"Hmela i rit lutuk" tih pah chuan ka nghawnga a kut dah chu ka pawh phelh ka tum a. 

"Min hnuk rawh.... Ka ngaih viau man che min hnuk thei" 

"Ding tha teh, i lian si. Min ngaih leh ngaih loh te chu ithu nia ka hnuk peih kher lo cheeee" ka ti leh vak a. Awmzia a awm loh vang chuan a kut chu seh tumin ka'n pawt a. 

"Khawlhi, mi seh tum ziah" tih pahin a ding tha nghal vat. 

"Vawiin nilengin inhmu loin ka ngai ve em em che a. Min va duat lo ve" ati bui bui a. 

"I va han chhe tak" tihpahin achal ah chuan ka nawr dak awrh a. 

"Eee, khatia mi tih. Ka hmangaih vang che ni hi aw" tihpah chuan min pawm kang lawp a, a car dahna lam min pan pui nghal a. 

Car seat a min nghah rual chuan ka hmui ah arawn fawp zauh a. Ka sam chu chul mam in ka biang tawn tawn ah chuan a vuan a. A hmui a hma zawnga ti kawh turin ka biang khuap vak a. Thei leh theilo in, "eng nge a ?" Ka ti a. Ka tawng zawnga ka hmui che chuan a nuih ati za nianh anui vak phawt a.

"Ti hi chuan zawhte note nilo in bawng note i ang" a rawn ti a amah lah chu ala nui kur kur zui. Ka ngei lutuk chu a kut chu pawhthlak sak tumin ka vawn hnana a hma ai na in min khuap. 

"Ana ania" ka tih chuan nui chung hian, "tikhan min han fawp chhin teh. Chuan ka ti tawh lo ang" a ti a. Nui kur kur in ahmui chu arawn ti kawh ve a, ka hmui silo chiah chiahin arawn dah a. Amah lah chu ala nui khur char char zui. 

A chhe reuh bawk sia ka nuih ati za ve tho. 

Ka hmui chu a hmui si tur chuan kan ti kawh zual a, ala si theilo. 

"Lo awm hnai ta che" ka tih chuan a rawn awm hnaia a mit a'n la chhing ve ngei zui a ah. 

Ka nuih aza bawk sia, kan pahnih chuan kan nui khur dun ngat ngat a. Mahse chu thil atthlak lutuk chu tih kan tum tho bawk sia. Ka theih tawpa ka hmui ka tih kawh hnu chuan ka va tawk ve de de a. 

"I rei e Catty" a rawn ti. 

"Nang anga hmui pan thlarh thlawk vu vu thei ka neih loh hi" ka ti a. 

"Anih keiman ani mai" tihpah chuan min rawn fawp tawk a. Ala nui vur vur zui. 

Ka thutna lam atang chuan leng leh lenglo in driver seat lama luh a'n tum leh tlat pek anih kha! 

A thu fel chiah maw tih ah, "ee ka ngaihzia che pawh ka la ti lang lo" tih pahin min kuai hnai a. Ka hmui ah bawk chuan a chuk in min chuk mawlh mawlh. 

"Ei zawh vek mai hi i duh em ?" A rawn ti a. 

"Min ei zo phal lo, ka tello te chuan awm i peih dawn hleinem" ka tih chuan nui hawk hian, "ka dawlh che nga ka kawchhungah hian ka pai reng dawn che lawm" a ti a, keipawh ka nui tawp. Vawiin tlai amood fuh dan em em hi, pheichham man te ai pawha a hlim zawk hial ania ka rin ni. 

"Min hruai bo i tum ringawt ami a ?" Kan kalna lam chu ka hriat loh em avangin ka zawt a. 

Ka kut chu a kut lehlama la kang in a fawp a. 

"Thil hmuh tur che ka nei a, nilo thil pek tur che. I duh dawn lutuk" tih pah chuan hma lam melh ngur chungin a nui vur vur.

_________________________

"Engtin!?" Mak ti lutuk in ka hma a inding chu ka en tlawk tlawk a. A din dan leh a hmun vel chu ahma ang chaihin ala awm vek. Ka pa ka hrechhuak a, ka mittui chu a parawl nghal kuang mai. 

Ka hnung lam atang chuan min rawn kuah a. 

"I duhzawng ani em ?" A rawn ti a. 

"Aa,, aw.... Engtin, engtin nge i hriat ?" Ka ti a. 

"I engkim hi hriat loh ka nei hleinem. A chhungah luh i duh em ?" A ti a.

"A chhungah kan lut thei dawn mi, a neitu te an awm ang" ka tih chuan chahbi hi ka hmai zawnah arawn khai va va a. 

"Ti hian a neitu te chu kan ni aiai lo mi ?" A rawn ti a, ka nuih ta tawp. 

Inchhung ka lut chu mak tihna in ka khat, engkim chu ahma ang chiahin ala pangngai vek a. Ka pa la hrechhuak uar uar a, ni e, hetah hian kan chhungkua khan hlimna zawng zawng nen khan kan cheng ho thin kha ania. Mahse tunah chuan kei leh ka nu chiah kan ni tawh.

Ka biang chu arawn lum thla pap a, Simona hmuh hlauin ka hru nghal vat. Thawk la hawk in ka nui a, amah hmachhawn zawngin ka ding nghal. 

"Ka lawm e" ka ti sep a. Min kuah in ka sam ah chuan a fawp a, "i duh leh i awh apiang tihsak che a pek che hi ka duh" a ti a. 

"Anih chuan thla(moon) min lak ta che" ka ti a. 

Hmel nur nang a min en in, "I ti tak tak em ?" A rawn ti a, ka lu ka bu nghat. 

"Kan in ngaihtuah ang aw Catty" tih pah chuan a'n dak deuh vang vang a.

"Laksak che chu ka duh a, mahse...."

"Eng nge mahse ?" Ka lo ti vat. 

"Ka lak che anih chuan in kan awmna a inhlat bawk nen ka lak chhungin i khua alo har hman lutuk dawn asin" a ti a. 

"Chhuanlam siam thiampa" tih pahin ka nuih tawp. 

"Ka ril atam, haw ang" tihpah chuan ka pawt a. 

"Catty, zanin chu hetah riak ila" arawn ti. 

"Aih. Simon englo...." Ka chawl dat a. 

"Englo, zanin ah kan chungchang hi ka nu hrilh ka tum deuh a" ka tih chuan a ding mar zawt a. 

"Hrilh suh" a rawn ti hmuk. 

"Ka hrilh loh chuan tute emaw hnen atangin ahre dawn tho tho a, ka hrilh vat zawk atha in ka hria" 

"Nilo, i hrilh chuan min ka lak atanga lak hram a tum ang che" 

"Engvangin? Chutiang in ati lo ang"

"I hre lo, i nu hmel ka en hian min pawm duh tur hmel apu lo" 

"Awle, i hrilh dawn nia. Mahse ka lak atanga lak hran che atum anih ngat chuan ka zawng che a ka hmuh na che hmun atangin a hmuh leh tawh ngai loh na turah ka tlanbopui dawn che. I hria em ?" Amah bawk chuan  rawn tih zawm leh hmuk a. Ka meng phar awk mai. 

"Awle, i ril atam tiraw? Thil ei ila kan haw dawn nia" tih pahin ka chalah chuan a fawp a, min kai chhuak nghal a. 

__________________________

"Nu tinge thawmthaw te kha i pack a ?" Ka nu lo in pack mawlh mawlh ka hmuh chuan ka zawt a.

"E, bawihte i haw maw? I thawmhnaw thenkhat chu ka dah vek tawh a mahse lo en fel teh a kim em ?"

"Aww, mahse tinge ?" 

"Kan insawn thei tawh dawn a bawihte" 

"Maw! In sawn maw !?" Khawiah?" Phawk zet chuan ka zawt a. 

"Umm, anihna takah chuan I nutei te kan zawm dawn a" arawn tih chuan chhang zui loin ka thawmhnaw ho chu ka en fel mawlh mawlh a. 

Zan kan mut thleng pawh chuan ka hrilh dawn leh dawn loh ka inngaihtuah char char a. 

Zan rei lamah chuan a khum lam chu ka en a, a reh thuap mai. 

"Nu" ka ti sawi tiak a. A rum ve deuh nghut a, a la muhil bik lo ani ngei ang. 

"Thil hrilh duh che ka nei a" 

"Umm, mu phawt la naktuk ah min hrilh dawn nia" 

"Mahse tun sawi ka duh sia lawm" 

"Anih sawi rawh le" 

"Ngaihzawng ka nei a"

"Thil pawi tak pawh ani hleinem, puitlin lam i pan ve zel tihna anih chu" a rawn ti mai a. 

"Mahse nu ka ngaihzawng chu..." Ka chawl dat a. 

"Eng nge, a sual em ni? Ruihhlo tih aching em ni ?" 

"Aih"

"Anih pathlawi ami ?" A rawn ti leh a, amah pawh chu a nui ri ve deuh sup a. 

"Aih, mahse kan dinhmun ai sang ami ania. Amah chu i hria asin" 

"Hmangaihna ah chuan kan dinhmun aia sang leh hniam tumah an awm hleinem. Ka hriat zawng anih chuan atha anih chu, inhmelhriat that tir kher a ngai dawn lova" 

"Mahse Simon alawm nu" ka tih leh chuan areh nghal vawng vawng mai. 

Engmah arawn sawi tawh dawn lo emaw ka tih hnuah, "Muhil tawh rawh, naktuk ah hna thawh tur ineih kha" a rawn ti a. A inlet tha sawt sawt ri in a zui nghal zat bawk. 

Zankhua chuan ka muhil lo ti ila a sual kher lovang. Naktuk ah engtin nge ka nu in min tih ang? Eng nge asawi ang tih chu ka ngaihtuah ngut ngut ani mai. 

Khua alo var a, ka nu chuan engtin mah min be lo a, engmah sawi pawh ka tum bik chuang lo. 

A tawp a tawp ah room ah min ko hrang ta thlawt a. Ka va luh chuan khum ah a lo thu a, ka lut chu min lo en vut a. 

"Engtia rei nge ni tawh ?" 

"Aaah, thla, thla nga vel" ka ti bah nuai a. 

"Ala rei lem lo bawkah inthlah in harsat vak dawn loh chu" arawn tih chuan ka en vat a. Thutak fe hian min lo en ve bawk. 

"Nu" ka ti tuak a. 

"Bawihte, i rilru tih nat ka tum lo" tih pah chuan min rawn kuah a. 

"Mahse bawihte, ani ang chu ka tan a sang lutuk" tih pah chuan ka sam chu a chul a. Mittui nen ka ni pûr tawh mai. 

"Mahse nu nangpawn 'hmangaihna ah chuan kan dinhmun aia sang leh hniam an awm lo' itih kha" ka ti deuh tuak a. Ka ngaihdan ah kha chuan nizan a tawngkam zawng zawng te nen khan engmah sawi buai lova min pawm sak ve mai ka ring kha ani a. Mahse ka ngaihdan ang ngawt chu alo nilo nasa. 

"Hriatthiam tum rawh bawihte, inla inzui reilo bawk a thil har ani lo ang" a rawn ti dam thluam a. 

"Mahse nu ka hmangaih alawm" ka ti a. 

A inla hrang a, ka sam chulin min en vang vang a, a mitmeng chuan hrethiam turin min duh takzet niin ka hria a, mahse keimah hian hriatthiam chu ka duhlo. 

"Bawihte, i tawpsan chuan a rei lo ang. Ngaihtuah rawh, a nin hmangaihin duh ve ringawt che se mahse a chhungte hian keini ang chu engtik ah mah aneih che an rem ti dawn chuang lo. Kan insawn dawn, amah hmulo leh be lo a i awm chuan i thei em em ang" a rawn ti sep sep a. 

Ka nu hniala inhauh pui ka duh silo, a thusawi chu aw pawh mai a harsa ka ti bawk si. Ka tap deuh pur a, ka mit atanga mittui luang chhuak chu ka dang seng lo. 

Ka chhungril kilkhat ami hian a thusawi hnial chu a duh a. Mahse ka thei ngang lo. Ka lu chu ka bu nghat nghat a. 

"Bang rawh le, engkim atha mai ang." tih pah chuan min kuah leh a, "ilo haw hunah kan chhuak nghal dawn nia" tihpahin min chhuahsan zui a. 

Ka din na ngaiah dingin ka mittui chu tih tlak loh tumin ka bei a. Ka tum nasat poh leh, ka ngaihtuahna ka pai reng chu arawn lian zual a, ahma ai nasa in a rawn tla leh thin. 

Khumah chuan ka thu thla a, tah loh tum in ka dak vang vang. 

Darkar khat vel ka in buaipui hnuah ka bang thei hram a. Ka hmai te phih tha sawk sawk in ka chhuak zui bawk a.

Engtin nge Simon ka hrilh ang? 'Awmzia kan awm dawn chuanglo' tiin thlahna thu ka siam ang nge, 'min tlanbo pui rawh. Ka nu in kalsan tur che in min ti a ka theilo' tiin amah ka ngen ang. 

Ka ngaihtuahna a buai a, hmeichhe dawihzep mahni hmangaih te pawh hmangaih ngamlo khawpa dawih nih ka duh lo a, nu thu zawm lova tu emaw nen a tlanbo a, chhungte ti hmingchhetu nih ka duh bawk silo. Duhthlan ngai duhthlan tur hre bawk silo ka ni ber e. 

Oh, vawiin hi Events awm ni tur ani tih ka theihnghilh palh. Ka hmanhmawh thar leh hnuhnawh a, ka thlen veleh chuan inthlakna lam ka pan nghal sawk sawk. 

Ka inthlak lai lai chuan Simon arawn lut a, lehlam hawi turin ka lo ti nghal ruai. Hepa hi(h)! Ka inthlak lai hian min rawn hmu thei lutuk. 

Ka hmuiah min fawp vak a, a âwm ah ka beng deuh dawt dawt. 

"Kan inhmangaih tak te pawh an lo awm anih hi" rawn ti tu lam chu kan en a, Puii ani. 

Engmah sawilo chuan ka chhuahsan a, hall lamah chuan ka va buai ve nghal nawk nawk. 

"Hey, i va tlai ve ?" Alice-i chuan alo ti a. 

"Umm" ka ti deuh tawp. 

"Vawiin a thu puan tur kha ka nghakhlel takzet" phûr zet chuan arawn ti a. A sawi zawm dawn emaw ka tih laiin a tray chawi lai nen min kalsawn san daih. Vawiinah eng thu nge an puan dawn a? Alice-i a phûr bawk a, thil tha tak anih ring phawt ang. 

"Remruat" ka hnung lam ka hawi nghal a, Pu.Tluanga nen kan inhmachhawn nghal thawr mai. 

Nui vur vur hian, "I chungah hian lawmthu sawi mawlh mawlh ka duh ani. Hetiang taka ropui hian anih ka ring pha lo" a rawn ti a. 

"Ka thiam ve zawng anih a, i duh hi ka lawm hle zawk ani" ka ti a. 

"I account ah keimah ngeiin i hlawh ka lo thun dawn nia" tiin hnial hman miah loin a kalsan zui nal nal. 

"Ahemm, i induh ka tih dan ah hian eng emaw chu alo awm chiang anih hi tiraw ?" Alice-i chuan arawn ti phawr phawr a. 

"Ka induh ami ?" Ka lo ti daih. Diktak chuan induh min ti chu a awm ka ti viau, tun hnai te hian ka be khat ve em a. 

"Induh tehreng e.Hmmmm pasal ineih hunah phei chuan...." An ti deuh vang vang a. Hrethiam lo zet hian, "pasal ka nei dawn hleinem" ka ti a. 

"Em em a che, hetiang tawh ah pawh la zep te chu! Helai a hnathawk zawng zawng chuan Simona'n nupui a nei dawn tih kan hre vek ang chu" a rawn ti a. Ka en phawk nasa. 

"Chuan nang nen in inkawp a, nang lo tunge aneih ang? Keichu ilo che rang hi ka ti, engtin nge anu leh pa hian hnial lem lo ami ?" 

"Kan inneih dawn reng reng lo!" Ka ti hlawl a.

Ka hnung lama no keh ri avang chuan ka lehhawi zawk a. Mahse no keh aia thui ka va hmu. Simon ding khawng luah ka hmu a, a hnung lam tanga a kawng rawn kuahtu kut chu alo vuan bawk a. Puii ani ngei ang, anih chuan Alice-i'n nupui anei dawn atih kha Puii tihna saw em ni? Rei en lo in ka hawisawn vat a. Alice-i min biakna pawh ngaihsak loin a tray chawi lai chu laksak in ka kalsan nal nal. 

"Hey" Sawmzuala chuan min lo ko ding a. 

"Hey, intur i duh em ni ?" Ka tih chuan nui var var in ano chu arawn lek kang va va a, za lo zetin ka nuih ve sak. 

"I tha maw ?" A ti deuh sup a. Ka lu bu zeuh in kalsan mai ka'n tum a. Ka ban ah vuanin min ti ding leh a, "Pawn lamah ka lo nghak dawn che nia" tihpah in min thlah a, amah chu a kal zui daih. 

___________________________

Stage atang chuan Pu. Tluanga'n thu a sawi mawlh mawlh a. Ka sir  hnai taka rawn ding chu tunge ka hrelo. Mahse ka beng bul ah rawn kun hniam deuhin, " 'Mangtha' tih nan ala tlai lo ania"  a rawn ti sap a, Puii ani tih ka hre nghal thei. 

Ka en a, min lo nuih var var. Stage lam chu a en a, "Engnge ka tih theih kha i hrelo tiraw? Ka hrilh ang che ka tih theih hi hriat i chak dawn lo, chuvangin tunah khan i rilru anat hma in tlanchhuak rawh" a ti a. Simon nen kan in en ran mai. Inneih chungchang vel chu asawi tihna em ni? 

"Tlanchhe rawh, a tlai hma in" a rawn ti leh sap a. A hmel ka en chuan alo la nui var var reng a. Pi. Tluangi'n arawn sawi ve chiah bawk e. 

Simon chu ka en a, a mitmeng ah chuan mak a ti tih a lang chiang a. A hmel zawng zawng nen chuan engmah ahre lawk biklo tih lah chiang reng. Puii chu Stage lam pan chuan a a kal a, ka mittui rawn tlak tum chu duhlo zetin hnunglam ka hawi a. Inthlakna room lam ka pan daih. 

Ka inthlak sawk sawk a, hmanhmawh zetin ka chhuak lehnghal a, pawn lamab Sawmzuala alo ding deuh vang a. Min hmuh chuan car khawngkhar chu min hawnsak vat a, duhlo na chi ani loh vangin ka lut ve mai bawk a. Hma lam atanga rawn hel kualin driver seat ah chuan a rawn thu lut nghal a, engine startin a tlan chhuak nghal. 

Side glass atang chuan hnunglam chu ka en a, Simon chuan min rawn thlek vang vang a, van lam hawia thaw hawkin hall lamah a let leh nghal. 

Keipawh chu thaw hawkin ka thu tha a, tah loh tum in chunglam ka melh ngar ngar a, chuti chung pawn arawn tla hram tho. 

A duh vanga nupui nei tura tih ani bik lo tih ka hria a, mahse ka hriatchian tlukin tun hi atawp hun tak ani tih ka hrechiang bawk. Duhlo teh mahse nupui a'n nei anga, a rei hunah a rilru te thlakin a hlim em em ang, ka nu sawi ang khan ala reilo bawk a, a hlim thei em em ang. 

A hlim anga ka hlim ve thei ta lo anih pawn dem tur an awm lo. Ka duhthlanna ani a, he ka duhthlanna ah hian amah ngei in min dem anih pawn ka pawm thlap. Ni e, dawihzep taka amah thlang ngam lova kalsan tu ka ni a, min haw ngawih ngawih rawh zawk rawh se. 

______________________

A chang leh ka mu a, a chang leh ka thu a. Ka vei kual sek thul. Ka phone ka off miau avangin engmah athawm engmah ka hre zui lo a. A reh vawng vawng mai ani. 

Ka mu chu ka thu chhuak leh hlawl a, ka mittui chu tih tlak loh tumin chunglam ka melh leh nghal ngar ngar. Kawngkhar rawn inhawng thawm ah pawh chuan ka hawisan theilo, ka hawisan anih vaih chuan ka mittui chu ka dang zo dawn tlat lo. 

"Mi â nu leh!" Tih pah in Alice-i chuan min rawn kuah a. Chunglam ka la en ngar ngar. 

"Tap rawh mawli, tuman kan dem lo che. Mahni i inhrem mai mai tih i inhre lo mi ?" A rawn ti ve deuh pur a. 

Ni e, ka va han inhrem nasa tak. Ka mi hmangaih kalsan turin thu tlukna ka siam ani a, amah thlahnan ka mittui takngial tlak tir pawh la ngam lo ani a. Ka inhrem mai pawh ani lo, ka dawihzep ngawih ngawih zawk ani. 

Hun min pe nge, min hrethiam pawh ka hrelo,ka chhungte chu an reh vawng vawng a. Keimah in Room ah chuan ka thu ngat ngat. 

A changin ka mittui a tla leh thin a. A changin ngawi rengin ka thu leh thin bawk a. Ka ngaihtuahna ah Simon arawn lang a. Engtin nge a awm ang? Min zawng ang nge, ka hlimna ka pan ni a ngaiin min thlah turin rilru alo siam fel ve tawh zawk ang? Ngaihtuah loh tum teh mah thil theih ani bawk silo, duh ka thlang sual ni te hialin ka inhre tawh. 

____________________________

Room kawngkhar rawn ri leh rak avang chuan ka mittui te chu ka hru hul a. Alice emaw ka nu anih ka rin nen, rinloh deuhin Sawmzuala arawn lut a. Dim thei ang bera khawngkhar khar pah in, "Hey" a rawn ti sup a. Za lo zet a nuih in ka hmalam ka hawisan leh. 

"Umm, i tha em ?" Tih pah chuan ka bulah chuan arawn thu thla a. Engtin mah ka chhang lo. Ka kun deuh ngur a, hlim hmel zeta hawi chhuak leh in zang vah hian, "Ka tha lawm, ka'n inphih fai anga hnuai lamah kan chhuk thla dawn ania" ka ti zung zung a. A rin aiin ka chhang tha nge ni, mak ti zetin min en a. 

"Aw awle, ka lo nghak ang che" a ti bah deuh nuai. 

Bathroom a ka awm lai chuan eng eng emaw ni arawn sawi a, ka bengkhawn lem lo. 

Inhnuai lama kan inzui thlak chuan ka nu leh Deniz chu kawngkhar lam atangin an rawn inzui phei a, "Lo kal an awm em ni ka nu ?" Ka tih chuan min rawn en thap. 

"Eng nge khatia min en thap a ?" Ka ti hmuk a. 

"Aaa awmlo e, ilo tho chhuak peih a ?" Ka nu chuan arawn ti a. Ka lu ka bu nghat a, choka lamah chuan ka lut zui nghal daih. 

"Remruat i tha em ?" Deniz-i chuan arawn ti a. 

"That lohna chhan tur ka nei em ni ?" Ka lo ti let a. 

"Aaa Simon...."

"Khawngaihin sawi lo teh, ani nupui nei tur chu engvangin nge ka lo thatlohpui tehchiam ang" ka ti vak a. Midang zawng hi Simona nupui neih tur vanga kalsan ka ni anga ngai se ka duh vek. A kalsan zawk tu ka ni chung pawh hian mahni hma ka van sial ngat ngat tak em! 

Midang ho hmuh ah chuan tha tak anga lan tumin ka au in ka nui chiam reng a. Ka awmdan chuan an ngaih te ati thalo zawk ten ka hria. 

Sawmzual a haw dawn chuan gate thleng ka thlah a, phûr hmel zetin zan lama rawn leng leh tur chuan ka'n sawm ve ngei a, alu abu ve nghat nghat tho. 

Sawmzuala a tlanchhuak chiah tih ah luh tum ka inher a, tu emaw in ka ban na zeta hmer in min pawt hawi sawk a. Min pawt tu hmel ka en chuan Simon ngei mai chuan rum zetin min lo en a, keiin phawk zetin ka en ve bawk a.

A car dahna lamah chuan a pawh min pawt phei a, duhlo zetin ka ka tang ve bawk a awmzia ava han nei thui lo tak. 

"Min thlah rawh, anih loh chuan ka au dawn nia" ka ti thla ve rawk a. Ding dat in arawn inher a, ka lo en ve kiau bawk a. 

"I duh chuan au rawh tunge ka lak atanga pawt hrang thei che kan en dawn nia" ri hniam sut hian arawn ti a. Ka chang ngam tawh lo reng reng. 

Car seat ah chuan a theh in min theh thu lut a, hma lam atanga kal kual nghalin driver seat lamah chuan arawn thu a, car chawp chuan kan che lawih thei. Kawngkhar chu a khar ri leh dawp a, a tlan chhuak mai dawn emaw ka tih laiin a thawk ala vang vang a. Amah leh amah chu inbengdaih a tum te pawh ani mahna le. Kei erawh ache en in ka thu ngawi kar mai. 

A inbengdai dawn emaw tih laiin a rawn au thut a, steering chu chum deuh pawp in engine a start a min tlan chhuahpui nghal nal nal. Engmah sawi ngam ani bawk silo, ka ke chu hlang chho in ka khup ah ka khabe ka nghat a, inkuah khawm tat in ka thu ngawi reng. 

Khawi dawrah emaw hian min kalpui a, chutah erawh zaidam hmel fahran in min kaichhuak a.   Kan thu mai dawn emaw ti laiin min kalpui zel a, dawr hnung fal deuh lai lamah chuan dawhkan alo awm a chutah chuan min va thutpui a. 

A tawng hma chu tawng ka tum lo a, tum pawh ni ila sawi tur ka hrelo. Thawk a'n la leh vang vang thin a, inbengdaih a tum ni ngei chuan ka hria a. Mahse awmzia a neilo a ni ngei ang, thip zep hian min rawn en in, "Engvangin nge Sawmzuala nen khan in awm dun ?" a rawn ti rum rut a. Dawhkana akut dah chu a thinrim tih hriat takin a hum rut bawk a, mahse eng nge ka hriat ni diktak a chhan mai chu ka duh tlat pek lo, "Ka chhan kher che angai em ni ?" Ka ti let a. Van lam hawiin a thaw deuh hawk a. 

"Min chhan kher angai em maw? Engvangin nge min chhan loh ang? Ka zawng che a, nimin zawng zawng leh nizan zankhua in. I phone i off a, zing kar atanga i awmna hriat tuma ka buai laiin nang Sawmzuala nen inlo awm dun mai mai a" a rawn ti deuh fak fak a. 

"Chu chu eng nge buaina, nangpawn nupui inei dawn a sawi ka nei bik ami ?" Ka ti ve that a. 

"Ka nupui neih leh neih loh tur sawi angailo, Sawmzuala nena in awm chhan chu sawi la a fel vek ani mai" a rawn ti leh thawt a. Ka zaidam biklo nen a vin chiam chu ka ngaithei bik lo nasa. 

"I duhdan ang apianga ka awm bik hi a tulna ka hrelo" ka ti leh that a. 

A hma aia nem deuh zawk hian, "Khawngaihin, kei lo mipa dang inhnaih tih ka hriat ringawt pawh hian ka â lo chauh ani a, khawngaihin ka thinrimna ti sosang belh turin engmah ti suh" a rawn ti a. 

"Engmah ani lo, ngaihdam min rawn dil mai ani" ka ti tha veleh a. 

"Chuan ilo ngaidam mai a, ahm ang khan a hnaih leh ang che maw !?" A rawn ti leh buan buan a. Ding uai chung chuan, "Min vin chiam suh" ka ti a. 

"Thu rawh" a rawn ti hmuk. 

Mahse thut tumlo zet chuan ka ding deuh ran a, a hnu ah, "Thu rawh inbengdaih ka tum ang" a rawn ti a, ka thu thla leh. 

A sam chu tuai deuh puatin van lam chu hawi chuan adak vang vang a. Pik zet a athawk leh hawk hnuin min en a, dawhkana ka kut dah chu arawn vuan a. 

"Min kalsan i tum chhan hi ka hrelo, mahse ka ngen duh che khawngaihin ka kiangah awm la,  min hmangaih keimah chuah i nunah min dah rawh. I tello chuan ka awm theilo, i hria em ka hmangaih lutuk che a. I awm ve lohna hmun apiang hi ka atna hmun ani. I hmel ka hmuh lohin mi â angin ka zawng chiam che a, ka taksa si chet a i awm reng loh chuan ka ngaih a ngam theilo. Midang hmangaih i nei anih pawn chumi chu bansan rawh, in pahnih in hmangaihna let ai nasa khan ka hmangaih che. Khawngaihin ka kiangah awm la, min kalsan duhna rilru kha pu suh" a ti zawi sap a. A mitmengah tih tak na ka hmuh chuan ka lawm a, mahse lawm thei ka ni silo. 

Ka kut chu a vawnna atangin ka lasawn a, hriatthiam loh hmel zetin min en a thaw deuh hak in ka en a, ka thusawi tur nghahhleh hmel zetin min en leh tawh. 

"Umm, ti hian.... Ti hian tawp zawk ang" ka ti deuh sup a, ka sawi lai chuan a hmel pawh en ngam loin ka kun daih a, ka kut chu ka insual tir nawk nawk bawk. 

"Maw !? Eng... Engvangin? I tello a ka awm theihloh zia ka sawi hnuah pawh chu chu maw i duh chu !" A rawn ti leh thawt a. Nichina a zaidam na ve te kha chu a kiang leh vek tawh. 

"I awm thei dawn lawm, nupui inei anga engkim i theihnghilh vek mai ang" ka ti leh sep a. Dawhkan a chum ri bur a, min la ti phu chiam zui. 

"Kan bul tan dan a ho'h ang bawkin tihian tawp ila. Engkim theihnghilh tur pawn hriatreng tur thil tih kan nei chuang lo va, thil harsa pawh ani lo ang" ka ti leh a. A ding vut a, ka ban a vuanin ka thutna atang chuan aphih in min phih tho a.  Rak deuh that pahin min vawnna chu ka en a. A bul hnai seta  min pawt hnai a, "Ni e, nupui chu ka nei khawp ang, chuan ka hlim ngei bawk anga. Mahse i tel ve zel ang" a ti nghut a. Pawn lamah min kai chhuak lehnghal a. 

Car ah bawk min thuttir leh atum chuan ka inthing deuh bawk a. Rin lo deuhin min vawnna a thlah nghal. 

"Ka sawi ang khan tihian kan tawp chu ni rawh se. Hlim reng la, ka tello in hmalam i pan dawn nia" ka ti a. Ni e, tuna ka ti luih hram hram loh chuan nakinah keimah zawkin hi awm harsa ti tur ka ni a, a rilru na hmel ka hmuh ringawt pawh khan hreawm ka ti ani a, tunah hran luih ka tum anih loh chuan thil atha lo zel zawk mai mai ang. 

Hahthlak min tih hmel zet chuan akawng dawmin athaw hawk a. 

"Atha lawm, car ah hian lut rawh ka thlah ang che" arawn ti chhuak hlawl a. Ka rinloh dan deuh chhanna ka dawn avang chuan ka hamhaih letling a, mak ti zet chuan ka en reng ringawt a. 

"Lut la" tih pahin kawngkhar chu min hawnsak a. A âw te chu ahma a thinrimna neilo ang maiin a dam leh thluam tawh a, engmah sawi loin ka thu lut a. A rawn thut luh ve chuan min biak chu sawiloh en pawh min en eihlo hian a tlan chhuak zui nghal a, chu thil avang chuan ka chhungril khawi lai emaw ni hi lawmlohna in a khat a. Ka ni nghal tun mai. 

Hrethiam se tih leh ka sawi kha zawm se ka tih kha ani lawm ni ka duh. Mahse tinge, ka sawi hrethiam takin ka sawi ang in a awm ani a ka lawm chuang eih silo. Ka en thin a, ani lah chuan min ngaipawimawh lo zetin hma lam a melh ngur bawk si, chungte chuan ka awm ati nuam lo in hreawm tihna ah min hruai lut a. Ka tello a a hlim theih kha ka duh ani lawm ni? Mahse tinge ka tello chuan ahlim dawn anih si chuan keimah ah lawmna a awm ve siloh? Zawhna hlir ani. 

In thlen hma kawiah chuan car a ti ding a, "Helai thleng hi nimai rawh se, i nu khan min lawm hmel vak silo a" a rawn ti a. Chet mai nachang hrelo in ka lo thu reng a. Min rawn sawi deuh pah hian, "Hey, ka pawmchhuah kher che chu i phût lo tiraw" a rawn tih chuan ka en a. Min lo en ve kar. 

"Aa aih" ti nawk nawk pah chuan ka chhuak a. 

"Hey, hlim deuh a i awm ka beisei ania" arawn tih chuan lehhawiin ka lu ka bu zauh a. Amah hnungchhawn zawnga ka din leh hnu chuan in lam pan chuan ka kal zui hnak hnak a. 

Hawilet tawh lo mah ila ka hnung lam ami chuan ka thinlung ah hian arawn lian sawt a. Ka thin hi a thip vawng vawng a, tunah min thlahna thu asawi ve ani! Ni e, a sawi chiang alawm. 

Heihi ka beisei leh ka duhdan ani lo! 

Min dan a, kalsan lo tura min tih avang khan; min hmangaih thu asawi mawlh mawlh avang khan amah kalsan thei emaw kha ka inti a, mahse nilo, hei hi ka duhdan anilo. Ka kalsan tur thu ka sawi a, kalsan lo tura min ngen tur khan ka duh. Ni lo, hei hi ka tisual ani! 

Motor tlan thawm ka hriat chuan ka leh hawi vat a, alet tawh tur a ka ngaih kha a lo la ding ran a. Ka insum theilo, ka pan phei a ka kuah nghal thlawp a, ka tap nghal hlawp hlawp bawk a. A nin duat zetin ka sam ah chulin min kuah hle hle a. 

"Aih aih, ka duhlo. Mi mawl pa min dang ve ta che. I tello in engtin nge ka awm theih ang" tap deuh hlawp hlawp chung chuan ka ti a. Engmah sawilo in min kuah ringawt a, chute chuan ka ngaih ati tha tawh lo. A rilru a thlak em ni tih chu ka rilru ah a awm a. Ka en chho deuh a hlauthawng zetin, "ka sawi chu i hria em ?" Ka ti vak a. Ka tah chhuak bawk nen, ka ti deuh per pur mai. 

"Tlanbo ang! Hmun hla tawkah min kalpui rawh. Aw, kan pahnih chauhin,eng emaw sawi rawhhh" tih pahin a kawr awm ah ka tham a. Keimah chu ka insawh deuh nghawng nghawng a, ani lah chuan chechang lo lekin min en ringawt a. Hlauhthawnna nen ka en let ve kar thung. 

Mawi zeta nuiin a kut pahin chuan ka biang tawn tawn ah arawn vuan a, "Awle, a tha e. I duh ang a piang kan ti ang" a ti a. Ka chalah fawpin min kai a. Car seat a zaidam zeta min thuttir hnuin a rawn thu lut ve nghal a. Min en deuh vang vangin ka kut chu la in a fawp a, "ka tih tah che vangin ka tihpalh. Mahse itah kher loh hi chuan engmah hi ihrethiam ngai lova" a rawn ti sup a. Mittui nen ka nui huh pur mai. 

Ka kut chelh reng chungin car chu a khalh a, kan tlan tawhna ah chuan kan let phei leh ziai ziai a. 

______________________________

"Hetah nilo Simon!" Ka ti vak a. A thaw deuh hak.

"Catty, tunah chuan hetah hian kan awm phawt angai. A theih ang arangin Mizoram hi kan chhuahsan ang tih ka tiam che" a ti sup a. Ka hnial zuilo. 

Inchhung ka lut chu ahma ka luh nen boruak a dang zar mai. A hma kar ah lawk kha chuan ka hmangaih berin ka pa hriatrengna thil min pek angin ani a. Tunah chuan ka hmangaih ber nen hriatrengna ni tawh lo a kalsan tur zawk a lut ka ni tlat. 

Ka hnung lam atang chuan min rawn kuah a, Ka beng bulah, "Mi â nu" a rawn ti sup a. Ka ât zia ka ngaihtuah letin keimah zawk chu ka nui suk a. 

Amah hmachhawn zawnga min kuaiher in min en vang vang a, "Hei hi iduh takzet em ?" A rawn ti a. Uar zetin ka lu ka bu nghal ngauh ngauh. Nui sukin min kuah leh a, "Duh em em lo pawh ni la keiman ka duh miau vangin rukbo hi chu ini dawn hrim hrim a" a rawn ti a. Nui ve hawkin ka kuah let a. 

Hei hi ani ka duh chu. A mi ngaihsakna, duatna leh hmangaihna, a mitmenga min thlakhlelhna lang nen. Ka thla a muang a, ka awmna hmunah hian ka hlim in ka thla amuang ngawih ngawih. 

2years Later

"Ka kawr a rawn pawt rawn pawt tu chu ka en a" hmeichhe naupang hmeltha zet mai hian min lo en kiau mai. 

"Eng nge ni ta naute?" Tihpahin ka thu hniam a. Alu a thing mat mat. 

"Oh hey, baby hetah ilo awm daih a ?" Tih pahin pa upa lam tawh hian arawn bia a. Naupang pawh chuan lo alo ban vat a, an pahnih chuan inchhaih nui deuh har har in a kalsan zui a. 

Ka dara min rawn kuahtu chu ka en a, Simon chuan zawhna mitmeng hian min lo en a. Ka lu thing deuh na na a, ka dar chu tuai vut vut in ka chalah a fawp a. Parking lot lam pan chuan kan kal zui a. 

Apartment kan thlen thleng chuan engmah kan sawi lo a, hmun dang pan loin khum ah ka thal nghal tawp a. Ka chung seiling chu melh vang vang in ka theihtawpa ring in ka au a. Thinrimna chu rilru natna in rawn thlak in ka tap zui a. Mu kawm chialin puan chu ka tham khawm a, chhuak zetin ka theihtawpa ringin ka tap zui a. 

Simona'n eng thawm mah arawn nei lova, hetiang hunah chuan keimah a ka awm hi a tha berin ahre tawh niin ka hria. 

Zan rei lamah chuan arawn mu lut a, hnung lam atanga min rawn kuah chuan inlet in ka kuah let a, ka dul ala puar vak lo bawk a inkuah vel chu ala harsa lem lo. 

"Kha doctor kha ka hua" ka ti phawng a. 

"Nau ka pai theilo a ti a, dawt asawi tiraw ?" Ka ti leh sep a. 

"Ni e, doctor dawheh tak ani" arawn ti a. Nghet zetin min kuah a. 

"Haw i duh em ?" A rawn ti sup a. Ka lu ka thing nghal mat mat. 

Ka nu chu ngai thin viau mah ila ka la hmachhawn ngam tlat lo. Bakah Mizoram a let leh a, mitmei veng leh reng reng a hun hman kha ka peih tawh lo. Tuna kan awmna ah hian ka lungawi hle a ani mai. 

"Awle, muthilh tum rawh" tih pahin ka chal chu ka fawp a. Thlamuang zetin ka mit ka chhing nghal diar diar. 

_______________________________

"Hna i kal dawn lo em ni ?" Tih leh dawhkana thut chu ka rual a.

"Yess, in lamah ka awmpui ang che ka ti" tihpahin coffe chu min rawn pe a. 

"Naute ka ni em ni ?" 

"Ni e, ka naute lianpui inih kha ?" Tih pahin ka sam chu arawn tuai thur a. Duhlo zetin ka hnar ka lo tum dat. 

"Min duat khawlo zo dawn anih hi" ka ti hmuk a. Ani reng lah takah, kum hnih zet kan awmdun ve ta a, mahse tuk khat mah hi ka la thawh khalh ngai lo reng reng. Ka la sawi tel hram duh chu, kan inneih miah lo. Inneih hi kan sawi lang ngai hran lova, Western ho dan takin ka ti mai. 

Kumhnih liam ta khan kan inhlui ah khan kan awm kha ani a. Simon khan helai hmun kan thlen theihnan eng thil nge atih ka hrelo a, mahse a chhungte nen nasa takin an inhau tih erawh ka hre chiang ani. A nu leh pa, aneih zawng zawng ti ila a dik ang. Ka tan a kalsan vek a, helai kan thlen khan ka pawisa tlemte khawlsa chiah kha neih kan nei a, engtin tin emaw hna a hmu a, neih kan nei miah lo chung khan hna ka thawh ve kha a phal miah lo thung a. Hemi vang ringawt pawh hian ka duh in ka zah ngawih ngawih a. Ka nau pai hnu ngat phei hi chuan ka rilru no kual vel hian inthiamlohna te hi ka nei leh thin. 

"Remruat!" Tihpah chuan ka darah arawn sawi a. Inthing deuh nakin ka nuih a, a hmel alo ti deuh hmuk mai. 

"I va tum ber bur ve ?" Ka tih chuan "Min ngaihsak lo lutuk" arawn ti hmuk a. 

"Lo kal teh" tihpahin ka ban chu ka phar a, inti pangchang zeta rawn kalin min rawn kuah a, min chawi kang deuh lawp a, te thatin tlak hlau zetin a kawngah ka bawp ka kherh nghal vat.

Ka hmuiah chuan arawn fawp vak a. Ka hmui chu ka tuai vut a, a chal ti chuar deuh tapa min en in, "khatia itih leh chuan i pum hian ka dawlh ang che" tihpahin ka hmai kual zawng zawng chu a fawp kual a. Ka kawrban chu pawtin ka hmai pum chuan ka'n hru thuak a. Phawk zeta meng in, "Ei zawh i duh tak tak anih hi" tihpah in room lamah min tlanpui a. Khumah min theh thla tawpin chimawm zetin a nui a. Ka ke ah manin khum mawng lamah chuan min pawt thla a, kei ka lo nui awr awr. 

Ka thawmhnaw chu dimlo leh hmanhmawh zetin a phelh a, panty nen chauh ka awm a. Amah ka'n en chuan eng thuam mah alo inbel tawh lo. Ka mit chu ka hup a, "Ka pu naupang hma ah khatiang in an awm ngailo" ka ti a. 

"Naupang nghal zet chuh!" Tih pahin ka kut chu a pahnihin a man kawp a. Min rawn fawp nghal tawn tawn a, tawp thutin min pawm kang leh lawp a, bathroom min luhpui nghal. 

Shower chu on nghal zatin bang ah min nawt betin nasa zetin kan infawp leh a. Chutih laiin a kut pawh a chawl bik chuanglo. Ka nak thla leh tai bawr vel chu a zut kual ruai a. Tisa chakna a so liamin ka thaw ve deuh halh halh tawh. 

Ka panty chhanah chuan ka hmeichhiatna chu a tawk da da a. Chutih laiin ka thawk ka lo ip ngar ngar. 

Ka panty chu hnawk ani deuh tawh ani, a sir ve ve ah chuan a pawt deuh thawt a. A tla hlawm nghal tawl mai a. 

"Kha doctor dawheh zet kha" tih pahin ka mal lehlam chu a chawi kang a, a mipatna khawng tha zet chu arawn nawr lut nghal tual tual a.

Ka thaw ka lo ip ngar ngar a, a full ta maw tihah ka thaw hawk a, ka hmui rawn fawp nghal in a che zui zawm mial mial a. 

A TAWP TA TAK TAK TA. 

Sorry Guys! Ka tawp duhdan lo deuhin ka ti ti tawp, mut ka mamawh uchuak lutuk tawh ani! 

Chuan he story regu lo zet a tawp thlenga min chhiarsak avangin ka lawm e ❤️