BETWEEN US CH-13

 

BETWEEN US CH-13 BY RAMDINI JAHAU

Alice-i chu melh rawm rawm in, "pawisa ringawt ka lungkham thin ami ?" Ka ti bung nghut a.

"Aw, bazar i peih leh pawh ka ring lo. I uikawm si, ba rulhna tur itia nga i dahtha leh hmak mai ang"

"Bialpa hausa deuh nei ve si, pawisa te hmansak ve ta che" amah bawk chuan arawn ti leh a.

"Chhe zet zawt nu" tih pah chuan ka chum tawk.

"Ka hnang, ka hnang" arawn ti nghal awl awl a, ner nawng nawng a en in, "i va han chhe ze zaw tak. Ngawi reng khan hna va thawk mai mai teh" ka ti hlak a.

Min chhiatkhum in min kalsawn san hmak.

Ka hnung lama âw thian kharh ri ah chuan ka inher zawk a. Simona chu hnai set sawt hian alo ding a, kan intoh tep hial ani.

"Mamawh inei mi ?" Hnathawk in a boss abiak dan tur ang chuan ka bia a.

"Ka room ah coffee min rawn pe ta che" tihpaha inher vutin a chhuak zui leh nghal daih.

Coffe chawi chung chuan a office lam chu ka pan a, Deniz-i Simon office lam pan kan intawk chiah.

"Hii" alo ti var a.

 

Rit zetin, "hey" ka ti let hram. Ka awmzia hi ka hrelo, mi chuan unau annei tih hrechhuak ta se an hlim anga, an unau te bulah chuan an tap chawt in ka ring. Mahse chutiang ngaihdan chu ka nei ve thei tlat lo. Deniz-i leh  anu hlat theih ang bera awm ka duh zawk.

 

Min nuih var var in, ka luhna tur chu kawng min kian a. Nuih let ve sukin ka lut a, Simon chuan a chairah thu in min lo en run mai.

Deniz-i chu a hma Simona hma ah chuan athu thla ve a. "Remruat no khat dang va la leh mai ta che" Simon in atih chuan ka lu bu nghatin ka chhuak leh a.

"Khanu kha kan dawr neitu te chhungkaw monu kha ani em ?" Alice-i chuan alo ti a. Alo hmu leh hman tawh niawm tak ani.

"Chutiang pawh ka va hre ve lo, Simona chiah hi fapa an nei sia"

"Aww, Pu H. Vanlazawma fapa H.Lalthlamuana zawk mawle" arawn tih chuan ka bo vek. Kan dawr neitu te a sawi emaw tia midang hming sawi ve leh daih.

"Chutiang ka hrelo..... Siam hmanhmawh ta che" tu chu ka ti leh pah a.

"I va han hawi zau lo bik thin em ?" Tih pahin an chek tlak tlak a. Coffee a siam sa arawn dah chu banin, "Nang i hawi zau a, atha ani mai lawm ni ?" Tiin ka kalsan leh nghal.

Deniz-i leh Simon chu urhsun hmel tawk hian anlo inbia a, ka luh pawh an lo hrelo. Ka hrawk kan then kharh chuan Deniz-i chu arawn thaw chhuak hawk a.

"Aw lo kal rawh. Simona chu i lak tir duh kher a " a'n ti muang ban charh a. Ka coffee dah chu aban duh reng tho sia.

"Remruat, nimin khan i haw tlang em ni ?" a rawn tih chuan hrethiam lo zetin ka en a. "Aaa, kan bazar zawh khan mawle. Sawmzuala nen khan ka hmu dun bawk si cheu a, in awmdun leh anih ka ring deuh mai mai" coffee no chu a hmuia chuktuahin a lem ri nghal khawlh a. Chhuak tur chuan kan inher ve nghal.

Engvanga kha thu kha rawn sawi nge anih? Simona nen a kan inkar ahre ve reng awm si a,  amah lah chuan engah mah ngai lo awm takin a awm hmiah bawk si.

"Ka kal phawt ang, Simon ka thusawi kha lo ngaihtuah chiang la tiraw ?" Tih pah chuan kawngkhar lam chu arawn pan a, kalna ka lo kian hmasa zawk a. Chhuah ve ka tum lai tak chuan ka ban ah vuanin min pawt her sawk a. Min pawt kal nghal dawr dawr.

"Hey, Eng nge i hriat a ?" Tih pahin min vawnna chu pawh phelh ka'n tum ve ngawt a, a theihloh nasa. Min vawnna ah chuan atha zawng zawng ahmang emaw tih mai turin a hmer na mawle!

A hma kan mut tawhna pindan ah khan min hruai lut a, khumah min theh thu hnawk.

 

Ka ban na lutuk chu ka en vat a, a duk ruih in ka hria.

"Engvang in nge ti hian min tih ringawt ?" Ngei zeta en chung chuan ka ti a. Puak leh mai tur hmela min en ngur chungin a kawr chung chu a phelh a. A piah drawer lam chu panin eng emaw ni hi arawn keng a. Ka hmaah arawn thehthla tawp.

"Remruatsang kha thil kha eng nge !?" Arawn ti fiak thak a. Ka phu zuk nghe nghe.

Ka hmaa a thil rawn thehthlak chu ka en a, thlalak ani. Mahse thlalak ah chuan Sawmzuala nen kan tlang tlat!

Nimin a Sawnzuala tap chunga ka kuah lai kha alo ni. Mahse engtin nge hei hi ani hian aneih theih?

"Khawi ami nge ?" Thlalak ho en chungchuan ka ti a.

"Khawi mi nge a pawimawh lo, sawifiah la ani mai" arawn ti rum leh ul a.

 

"Sawifiah tur a awm ami? I hmuh ang hian Sawmzuala nena kan thlalak anih hi" ka ti ve sak a. Min rawn hnai chilh nghal ruak.

Ka dar tawn tawn a vuan hian min rawn thing deuh nawk nawk pahin, "kha aia sawifiahna kha ka duh" ka hmaichhanah chiang fek fawk in arawn ti tuar a.

 

"Sawifiah tur pawh a awm lo" ka ti nghal tiau.

A thaw deuh hawk a, "Tap suh" arawn tih leh tuar chuan ka tum loh tawpin ka tap chhuak vak a.

Amah abuai leh si chuan min rawn kuah chung chung pah hian, "Tap suh, tap suh. Catty, ka tihpalh" arawn ti chul a.

 

"I tihpalh ani lo"

 

"Min ngaidam rawh, ka vin tawh dawn lo che. Thlalak ka hmuh khan ka thinrim lutuk a" arawn ti chul a.

"Le bang tawh rawh le, ka tihpalh" ati mawlh mawlh a. Chutiang taka min thlem avang chuan tah chi pawh ani bik lo. Ka bang a,ka sam chu min hui tak sakin, "I fel lutuk e, ka hau tawh dawn lo che" tih pah chuan ka biang chu a chul ngauh ngauh a.

 

Ka hmui a rawn fawp zauhin, "mahse catty, khawngaih takin thlalak chungchang kha sawi rawh" ka zai ngai zet chuan ati leh a.

A kawnga kuahin a âwmah ka bei a. "Nimin ah khan dawr pawnah alo awm a, Ka mangang lutuk khan ka hmu veleh khan ka kuah tawp alawm" ka ti a. A khabe ka chhipa nghatin ka sam chu a chul a.

"Awle, a the e. Min bum emaw ka ti a, ka chàn ang che tih ka hlau lutuk avang hian ka chhia leh tha hriatna hi ka hmang thiam thin lo" tihpah chuan min kuah nghet tawlh tawlh a.

"Min chàn dawn hleinem, kalsan tur che a min ngen lawm lawm hunah pawh ka kalsan lo ang che"  a âwm a hmai phum daih chung chuan ka ti a.

Ka rin loh deuhin min pawm kang thut a ka te nghal that.

 

"Hey, min dahthla vat rawh" ka tih chuan, "ka ti tap che si a, ka'n duat tawh ang che nge" tihpahin khumah chuan min nghat thla a. Kei ka meng phar awn mai. Ka ngaihtuahna a thil lo lut avang chuan puan chu pawt khawmin ka in khuh nghal hlun a.

Simon chu ka chunga rawn inbeng kang ur ur a, "hey, chhuak vat ang. Hnathawh hun anih hi" ka ti nghal  hlur a.

"Enge hnathawh chu i buaipui vak, a aia buaipui tlak zawk ka awm hi" ati duh lek a. Arawn awn hniam telh telh.

 

"Heyyyy, tho rawh ka duhlo" ka ti vak a.

 

"Hmm, eng nge ka tih dawna irin a ?" Arawn ti hmuk a.

"Aaa,,,, ihh...... Ka duat ang che itih kha" ka t bah nuai a.

Ka sira let thla tawp hian anui hawk hawk a, "khatianga duat che kha ka tum hauhlo. Mahse i duh chuan khatiang pawh khan kan induat thei tho a, arawn tih chuan ka thu chhuak hluai a.

"Hmela tho rawh, hnathaw hun anih hi. Induat hun ani lo" ka ti bak hlar a.

Min kuai mu leh vatin, "ka hria lawm, mahse nizan i mu tha lo lutuk a" ka mit hnuai chu a kutzungpui chuan a tuai nghauh ngauh a.

"I tah reilo teh reng nen i hmelchhe hman vek" arawn tih chuan ka tum deuh hmuk a.

"Oh, ka tihsual! Ka ti tawh dawn miah lo che, i mit leh akual vel hi  nat hmel zet in a sen val kual thin a tap tawh ngai suh ang che"

"Nangmah lo pawn min ti tap thei a" ka tih chuan a chal ti chuar tap chung hian, "Teuh lo, keilo ti tap tu che dang chu tupawh nise zalenin an awm lovang" ati bung nghut a, a ni leh nghal ul mai.

"Awle, ka tap tawh dawn lo" tih pah chuan ka va kuah a, nui ve suk in ka hmuiah min lo fawp zauh.

"Simon, mu lo in hna thawk ve zawk ila" ka tih chuan, "No, catty nizan khan i mu tlem uchuak lutuk" ati hluai a.

 

"Mahse hnathawh hun ania, midangin an thawh laia mut te chu adik hleinem. Kan hlawh lak a in ang vek" ka sawi pah chuan ka thu chhuak nghal deuh hluai a.

"Okay, anih chuan darkar 1 chiah ani mai bawihi. I mitmeng dul lutuk hi hmuh hreawm ka ti alawm" atih chuan ngaihdan ni vaklo in ka en a. Ni e, hnathawk turin ka chhuak ve bawk a, nizan ka mu tha emaw mu tha lo emaw pawh nise hnathawh chu ka tihtur ani a. Helaia lo mut der der bik chu thil dik alo lo ni. Anni an hah em em lai a lo mut mai mai a, a tawpa hlawh zat in ang veka lak leh tepawh hnathawh tur tawmbo san reng chuan hlawh lak te pawh minti phurlo zo dawn.

"Mahse hna te chu ka thawh tur ania" ka tih leh hram chuan, "bawihte, reilo te tak tak mula. I mit te pawh en teh, mut chu i mamawh alawm" rawn thut chhuah ve pah chuan ati a. Engtin pawn sawi ila a thu angai reng dawn ni a ka hriat avangin ka mu thla veleh mai.

 

"Tun bak chu hnathawhna ah hin min ngaihsak tawh suh" ka ti hmuk a. A lu bu nghat nghat in hmai insi chetin min rawn kuah.

Ka pum chu a chul kual a, ka chalah arawn fawp leh zauh thin bawk.

"Catty"

"Ummm"

"Catty, awm nuamlo deuhin i awm em ?" Arawn ti a. Chutianga awm nuam lo ka awmloh thu in ka chhang vat.

Min zawh chhan ka zawh chuan muangchanga min rawn en hian, "i rai hi ka ring deuh a" arawn ti a.

 

"Kan mutdun hmasak atang khan thlahnih aliam tawh a si a" amah vek chuan ati leh a.

"Ka rai lo aniang" ka ti sap ringawt.

 

"Ka zawt mai mai che nih kha, awm nawmloh phah nan hmang suh" ati leh a, ka lu ka lo bu nghut ringawt.

 

Ka ngaihtuah a, tun atanga ka rai leh rai loh a ngaihven anih chuan fâ hrin sak ngei turin min duh tihna ania. Ka tan chuan thil lawmawm anih rualin a lawmawm loh lam ka ngaihtuah thleng pha tlat. Kei hian naupai kawngah harsatna lo nei ta ila, fâ hrin sak theilo ni ta ila. Min kalsan angem? Min hmangaih loh phah angem? Ka rilru ah chuan arawn lang zut zut a, hlauhthawnna a in min chenchilh nghal.

Ka hmelah ka lo ti lang nge ni, ka hmai rawn dawm chung chuan, "Catty ngaihtuah zui suh ka tih kha" arawn ti sup a. Ka en kiau.

"Ka ngaihtuah hleinem....... Simon office ah hian eng nge itih ve ber thin ?" Thupui thlak tum zet chuan ka ti daih a.

 

Min en vang vang hnu ah, "ele hna ka thawk" arawn ti bung nghut a, a thinrim emaw ti a ahmel ka'n en chuan nui var var chung hian min lo en.

 

"Mahse engmah hi itih ve ngailoh hmel"

"Ka ti alawm, Mizoram lam hna hi ka pa hian a khawih a, ram dang leh states danga sumdawnna hran hran kan neih hi keima kut ani a, Mizoram ka awm chhung hi chuan ka inti awl ve mai mai nih hi"

"Mizoram ah i awm ngailo mi ?"

"Aw, ka hun tam zawk chu ram pawn lamah ka hmang..... I hria em, nang hi tawnglo che ni ila Mizoram ah hian ka awm kher lo ang, mahse nang hian min char hneh lutuk a, i ngawl hi ka vei anih hi" tihpah chuan ka biangah a fawp a.

"Anih Puii nen hian in inkawp rei tawh em ?" Ka tih chuan min rawn en zawk a, thutak zeta ka lo en vang chuan chhan a hawisawn leh daih.

"Rei tawh, kan naupan lai atanga sawizawm kan nia. Ka zin vel naah pawh min zui fo"

 

"Anih chuan chutiang taka inzui nasa chu tih thianglo pawh inti tawh ngei anga" ka tih sap chuan min rawn en leh a.

 

"Catty, chung chu thil liam tawh ania, sawichhuah lan kher atul hleinem" arawn ti dam thluama. Mahse ka chhungrila thikna awm hian sawi lan aduh tlat bawk si.

"Aih, chuti anih chuan arai iring em ?" Ka ti leh a.

"Remruatsang!" a rawn ti vak a. Mittui tling piau chungin ka en a, ka tap tur min hmuh chuan, "ka tihpalh catty, tap suh le" tih pah chuan min kuah a. Mahse ka ngaih atha theilo, Puii arai chuan Simon chu ka chàn sa ani a. Engvanga chu thil chu ngaihtuah ta thut nge ka nih pawh ka hrelo.

"A tha vek e, a rai dawn lo. Tih thianglo tih kan nei hleinem" arawn ti dam leh dap a.

"Kei hian nau pai theilo ta ila" ka tih tiau chuan, "ngaihtuah zui suh ka tih kha" ka mitah tak chuan min rawn en a.

"Ka hmangaih chhan che hi i naupai theih leh theihloh vang anilo"

 

"Aih, fâ i awh pe theilo che chu engatan nge itih ang ?"

"Remruatsang khatiang thil kha ngaihtuah suh. I hria em kan inkar hi, i tan ahmasa ber ka nih angin ka tan pawh ini a, kan inkar chu ngaihtuah rawh. Chutiang thil vang mai mai a kalsan tur che chuan min ring suh. Nangmana keilo midang thlanga min kalsan itum anih pawn chumi nen chuan ka thihchilh ang che" arawn ti piap piap a. A thusawi tawp avang chuan a darah ka chum taih.

 

"Min thihchilh in i hlim bik dawn mi ?" Ka tih chuan, "pialral ah kan awmdun thei dawn lawm" arawn ti a. A âwmah chuan ka lu ka thing nar nar a. Ka chhang zui lem lo.

"I mittui kha ka kawr ah i tat vek a, i hnaptui kha chu tat suh aw" arawn ti a. Rum tawkin ka melh chho.

"Ti kha chuan nangmah pawh i ang leh tawh, muhil tak tak tawh rawh" tih pahin min pawt hnai sauh a. A ban min lukham tirin a kut a âwmah min dah tir thlap a. Min ruah kuah hlun in a ban pakhat in ka hnung a chul hliau hliau a. Âw thum zetin a zai nghal bul bul.

"Tinge i zai a ?" Ka tih chuan, "ka awi mu dawn che, mu rawh" min ti a. Hnial duhlo in nuihza zetin ka awm ve hle hle.

 

Tun darkar maia thil thlen hnem zia kha, ka thu hriat zawng zawng te nen khan thlamuang zetin ka mu a. Kan pahnih inkar hi hmangaihna chu ani lo em ni? Ni e, anin hmangaih tih ka chianga keiin ka hmangaih em em bawk a. Hmangaihna nilo atan chuan thil uiawm tak ani, hun reilo te chhungin kan inhau a, kan intithinrim a, mahse a darkar vek ah inngaih leh in thlamuang takin kan mu leh thei ani a.

Hmangaihtu chu a thikthu achhia in a dawthei hle bawk a. A zaidam na in uang thu ken tel erawh anei ngai meuh lo. Hmangaihna chu amawiin khawvela hmangaih neitur leh hmangaihna dawng tura ka awm hi ka lawm hliah hliah.

Min lo comment sak ve thin ula.....‼️