BETWEEN US - 14

 BETWEEN US CH-15 BY RAMDINI JAHAU

REMRUATSANGI POV.

"Harh rawh le zawhte note duhawm" ka hnar piai pah a arawn tih chuan ka meng deuh riai riai a. Ka hmai si deuh lek lek in min lo en kur mai a.

"Lungphu chawlin min thih tir itum mi ?" Thawhphan pawh awmlo in ka ti nghal nghek.

"Tum em em hran lo ve" a rawn ti mai a.

"Shower nei zuai ila chuan zanriah ei turin kan chhuak dawn ania" amah bawk chuan arawn ti leh a.

"Zan ani tawh maw ?" Ka ti nghal ruai.

"Aw inphelh la"

"Engaaaa, a ruala inbual ka duh reng reng lo. Bakah thawmhnaw pawh ka nei ve hleinem" ka tib chuan, coffee table lam chu a kawk zauh a, "Saw ka lei vek tawh. Sawi buai theih i nei lo" tih pahin ka zak tawn tawna vuanin min tung tho nawlh a.

"Heyy, min hnehsawh thei viau suh aw" ka ti leh vak a. Nui sup hian, "Tun leh chiah hi aw" tih paha min pu nawlh in bathroom lam min pan pui nghal zat.

"Hey hey hey, i rual a inbual ka duh awzawng lo min dahthla rang rawh" tih pahin a hnungah chuan ka chum deuh vak vak a.

"Ave reuh thin che hian aw" tih pahin ka mawng arawn beng anih chu. Ka che zawm tawhlo reng reng.

Combo chhuat vawt zet ah chuan min nghat thla a, "lo awm la, i shampoo hman tur kan la nge" tih pahin achhuak leh.

Alo luh leha engtin mah ka awmlo tih arawn hmuh chuan, "ka phelh i duh kher em ni" arawn tih chuan rum tawka melh in, "lehlam hawi rawh" ka ti vak a. A hawi ve mai bawk a.

"Lehlam ka hawi char char te chuan inbual dun pawh kan ni dawn mi ?" Arawn ti bui bui a.

"A hmuna kan ding dun chuan...." Ka sawi zo hman lo, rawn inher a min pawt thut in min fawp a. Ka meng kawk a, ka nam sawn nghal vak bawk.

"Heyyy, lehlam hawi rawhhhhh" ka ti leh vak a.

"Eng vang in maw? Heng vang hian maw?" tih pah chuan ka nàk thla vel chu a zût kual a. Ka ip nghal chawih mai.

"Heng te" tih pahin ka awm bawr chu arawn tawk da da a. Panty chauh ka lo inbel tawh bawk nen ka mur uai uai thei.

"Hei nen, i pum hian" tih pahin ka hnute hmur kual chu a thai kual a, "i pum hian, ka ta vek ania. Ka hmuh hnu vek anih hi Catty" tih pah chuan a àwn thla riai riai a. Thaw dep dep in ka en.

Ka awm zawn ah chuan a thaw lum ham ham a, rawn hawi chho a ka mit ah tak min en in ka hnute hmur chu a liak kual a. Ka thawk ka ip vak a, a inlakhran rual chuan ka thaw hak.

"Simon, inbual vat zawk ang" ka ti tham tiak a, ka âw chhuah dan mai mai chuh!

"A tha lawm" ati ve mai bawk a. In be zui miah lo chuan kan inbual dun mawlh mawlh a, rilru hmanhmawh tawkin ka inbual a, ka chhuak hmasa zawk reng bawk a.

Ka thawmhnaw tur alei ho chu ka en a, panty leh brazier chu ka size dik chiah chiah alei nia mawle!

"Simon, heng engtin nge i size i hriat a ?" A lo chhuah veleh a ka tih chuan, nui vur vur hian, "i mut hlan khan ka hak tir chhin vek tawh che" a rawn ti a. Ka melh rum teh e.

Chutia ka melh rum lutuk chu rawn nui hawk hawk in, "Ka fiam che anih kha. Khatia i mawng bawr ka'n en khan ka hre thei mai" a rawn ti a.

"Chu hmeichhe mawng bawr en ringawt in an size i hre thei zel tihna mi ?"

"Ani mai niang chu"

"I va lerh ve ?" Tih paha hawi tau deuh hmakin thawmthaw chu ka nghal sawk sawk.

"Hair dryer i nei em ?"

"Nei lo" arawn ti hmuk a. Towel la in alam chu ka pan a, towel ka pek chuan angaihna a hriat loh hmel viau.

"Ka sam hi hru ro rawh" ka ti hmuk a, kut hma suih thanin amah hnungchhawn zawng chuan ka ding nghal.

Darthlalang lamah chuan min nawr kal dat dat a, darthlalang a ka hmel ka'n hmu chu keimah pawh ka phu zawk. Darthlalang chu pan hnaiin ka hmai vel chu ka'n en chiang a.

"Tingeee? Ka mit hi a vung ami?" Ka ti thlawt.

"Vung lo e, i tah vang kha ani ang"

"Ka van hmelchhe em em, nangmah vang anih hi" ka ti bui bui a.

" Apawi lo, hmelchhe zawk rawh. Ti khan ka mitah chiah mawi la atawk"

"Ka zawhte note duhawm em em te" tih pah chuan ka biangah arawn fawp a. Ka sam chu ahru nghal mawlh mawlh.

"Khua la thim bawk silo a, zanah chhuak mai ang. Ti hi chuan ka zak" kawngkhar bul kan thleng tawh nangin hetiang hmel bei bui nena chhuah chu ka zak ani.

"Tinge i lungngaih, i superman ka awm hi" tih pah chuan a'n in ti sek kual vel a. Per tan tan in a hnungah ka beng a, "ka zak alawm" ka ti a.

"I superman ka awm a, lo nuih tu che chu kan hnek thal thuai thuai mai dawn nia" uangthuang tak hian arawn ti a.

"Hmelchhepa" tih pah chuan ahnungah ka zuang kaia,a inrin hman ka ring loh nen alo inring nasa. Min lo vuan bet vatin min paw chung chuan a tlan kual chiam a.

Kan pahnih chuan kan nui dun hawk hawk.

______________

Thla nga zet buaina awm lovin kan inzui ve tawh a, chung thla chhung zawngah chuan buaina kan tawklo ti ila ka sawi sual lo ang.

Ka inngai in ka inthlahlel a, a chang chuan ka nu bula dawt sawiin office room thuhruk ah khan kan riak fo a. Kan riah dun vang ringawt in sex erawh kan hmang kher lo ania.

Mahse inlamah hian Rena khan min melh leh hrek hrek zel a, kan inkar thu hi ahria mawni le aw ka ti a. Pu Muana erawh chuan chiang takin a hre thung.

Simona'n a sawi dan in Pu Muana hian ka nu hi a hel ve deuh te ani awm e.

A tar atar hian anni pawh ah!

Amak ka tih leh deuh chu Sawmzuala leh Puii an reh hmaka. Nge ni a min thawn thut tumin thil an ruahhman zawk pawh ka hrelo.

Pu Tluanga ka chungah a fel em em a, afapa nen a kan inkar hi hria se ka chungah a tha in afel awm silo. Pi Tluangi chu sawi ngai lova chiang sa ani. Engtik lai pawn a chhungkaw member te tan lo chuan pawh ngam ngaihna a awm lo.

Hun eng emaw ti deuh atang khan ka âwm chhung hi arawn na thin a. Ka thin ani mah mah zawk in ka hria. Ka hlauthawng deuh chuan tumah pawh hrilh lem lo in ka in entir a. Ka doctor hmuh chu Deniz-i kher alo la nizui.

"Remruat"

"Ummm"

"Engtia rei nge anat tawh ?" Eng lehkha emaw ni en pah chuan arawn ti a.

"Ala rei vak lo, kar hnih vel chauh ala ni"

"Umm anih chu, tikhan lo awm la i damdawi tur ka va la nge" tiin a chhuak zui a. Rei vak loah arawn lut leh.

"Hei hi la rawh, ei hun tur ka tih ah hian ei chat chat la. Hemi bur i ei zawh ah incheck turin i rawn kal leh nga" tih pahin thil aziak mawlh mawlh a.

"Eng damdawi nge? Hlauhthawn awm ani em ?"

"Nilo e, Vitamins ania. I zia mai ang" tih pahin lehkha leh damdawi chu min pe a.

"Engzat nge damdawi hi ?" Ka tih chuan hmel nur nang hian, "Hmm, i û ka nih hi. Khatiang em em te kha chu ka tum tir duh che i ring mi?" a rawn ti bui bui a. Ka nuih ve ta tawp.

"Tih tur ineih loh chuan lunch ei dun ang hmiang. Vawiin chu ka free ni tak ania i vanneih khawp mai" a rawn ti nui var var a. Hnial lem lo in kan inzui chhuak nghal mai bawk a.

SIMON LALFAKZUALA POV.

"Atha angem ?" File ka en lai mek mek chuan arawn ti chhen a. A nervous viau anih hmel.

"Catty, nervous lutuk suh. Mihring ve tho lawm i hmachhawn dawn, a duhlo anih pawn a seh dawn hleinem che" ka tih chuan hnual deuh raih hian, "A tha vaklo itihna em ni ?" a rawn ti a.

"Ni lo e, atha lutuk. A duh dawn chiang sa. Mahse i nervous nasa lutuk vang khan anuih ngei ang che" ka ti a. Ka ban ah arawn beng taih.

"I hre em, hei hi hna pangngai ang ka thawh ve hmasa ber ania" nui deih sàng chuan ati a.

"Wow, hna hmasa ber maw! Catty professional emaw ka ti mai che sin" ka tih deuh hluai chuan, "mi thutak laia i fiamthu leh chuan ka bin ang che" a'n tia nih kha. Ka nui vak avang chuan a file chu la in a chhuak zui daih.

_____________

"Ava ropui em ?" Ka nu chuan a ti deuh hluai a. Ka nui sak. Catty kutchhuak ani bawk a mawi lo thei ani lo. Interior Designer tam tak te aia anep bik na ka hre hauh lo.

"Hi nute" rawn ti var tu chu melh pawh ka melh peih lo.

"Hi, Simon" A nu zawk chuan arawn ti a.

En zawkin "hi" ka ti ve hram. A fanu vang lel lul hian biak pawh ka peih lo. Eng eng emaw an sawi tak avang chuan ka kalsawn daih a. Remruati ka zawng pah deuh bawk.

Inthlakna room lam apan ka hmuh chuan a hnung lamah ka zui vat a.

A kawr phelh lai takin ka va lut fuh leh tawh.

Alo te deuh that a, "Hey, lehlam hawi rawh" arawn ti nghal chul a. 'Ka hmu tawh hnu nih kha' ka tih ka tih pawh hian ala zak tlat zel.

"Hmela min enthla thin ami? Min rawn nang fuh theih lutuk" ka hnungah chum pah chuan ati a.

"Aww, a hranpa a hmuh i phal silo a. Ka enthla tawp che" ka'n ti mai chuh! Rawn meng lian vakin, "lerh a" tih pahin min chum chiam a.

Kan rik nawk nawk hnuah a manbet thei hram.

"Tinge maw tunlai hi kut min thlak i hrat viau le"

"I lerh vang mawle" a ti deuh hmuk.

"Aww, nangmah hian min ti ler vek" tih pah chuan a hmuiah chuan ka fawp fak a. Ka âwm ah min beng dawt dawt.

"Aw haw, inhmangaih em em te pawh an lo awm anih hi" tih rih avang chuan a chawl a.

Puii alo ding run mai.

"Eng nge i rawn tih ?" Ka ti deuh hmuk a. Remruati erawh chhuah tum akal nghal mai.

"I nu in va zawng rawh a ti che. Hun thawl in mamawh deuh min ti a" Remruati hriat theih tur kher chuan a ti a.

Remruati pawh a ding deuh dat a, mahse rei ding lovin a kal zui lehnghal.

"Engmah tih tur kan nei lo" tih pah chuan ka kalpel puat a, hall lamah ka kal ve nghal.

"Ding rawh!" a rawn ti thawt a. Ngai pawimawh lo zetin ka kal pel puat.

"Engtia rei nge zep i tum a ?" A rawn tih chuan ka ding deuh dat a.

"I lo ngaihtuah buai angai lovang" tih pah chuan ka chhuahsan a. Min rawn um in ka hnung lam atang chuan min rawn kuah a.

"Khawngaihin, min fiam mai mai tih min hrilh teh. I tello chuan ka awm thei tawh lo anih hi" a rawn ti tiau a.

A kut chu pawhphelh tum in ka han vuan a, chutih lai tak chuan ral atangin Remruati ka va hmu a, min hmuh hman ka hlauh nen min hmu ta hram. A meng zau deuh kawk a, mahse rei ani lo. Hawisan in a thil tih lai chu a zawm mawlh mawlh.

Puii kut chu phih thla sawk a, a tap pùr hmel chu en in, "I ngaihtuahna kha hmang rawh, ka fiam ngei che. Mahse tun ah nilo in ahma zawng khan" sehchilh deuh nawk nawk chuan ka ti a.

"Tinge, ahma pawn tiang hi ini lo. A inhlan tiraw, ka ti ve mai ang" tih tuar tuar pah chuan a kawr chu pawh phelh a'n tum a. A biangah ka beng nghal thuai. A biang dawm chung chuan min rawn en a, nichina a tap hmel chu abo vek tawh. Ramhuai pitar nimai awma mawi hmel apu a, nui ro hak hian, "Lalfakzual! Kha chhiahhlawh nu vang mai mai khan kut min thlak amaw !?" A rawn ti leh tuar a. A sawi zawh rual rualin a biang a ri leh nghal chawrh.

A hma aia ring zawk in arawn nui uar uar a, "Vawihhnih maw! Anih kha chhiahhlawh nu kha kut i thlak ve tawh em ?" A ti vak a. Ngai pawimawh loin ka kalsan.

"Ding rawh, i zawhna che chu min chhang rawh" a rawn ti leh tuar a.

"Hre rawh, ani nen ka lakah intehkhin ngai suh. Ka nuna i pawimawh loh dan chu changpat èk ang ai pawn i pawimawh lo. Ani erawh chu mihring tawnga sawi theih loh khawpin a pawimawh" ka ti ve thawt a. Hamhaih hmel taka a ding ngawi reng chu thaw hrawkin ka kalsan nghal hmak.

Thinrim sa deuh nen Sawmzuala leh Remruati lo ding dun lai chu ka'n hmu nghal pang a.

Pan ka tum lai taka ka nu'n min koh avang chuan ning zetin ka thaw hawk a. Ka nu min kohna lam chu ka pan nghal.

"Bawiha khawnge Puii ?" alo ti nghal a.

"A mei ka nia mi ?" Ka ti deuh hmuk.

"Bawiha helam ah hian kal lawk teh ang" tihpah chuan ka pa chuan min kuah hrang ta daih a. Mr.Alam te chu kan va zawm a.

"Hey heyyh" tihpah chuan ka pa nen chuan an inkuah thuak thuak a.

"Thiana, hetiang ang a ropui ah hian ka la kal ngailo. Mizo zingah Events neih ropui ber ani hial lo maw ?" a ti a.

"Khai khai khai, ni bik suh e a. Mahse a duan tu hi chu ka fak thlawt keipawn"

" Mahse tinge hall chhungah intih, ka va han ui em !?" Mr. Alam chuan ati deuh vawng vawng a.

"Nia, hmun dang zawng tur khan hun kan neilo tlat a" ka pa chuan ati leh a.

"Anih chuan he Events ah hian eng lam nge ?"

"Aaa, thalai zawk te tih phûr nan leh product thar....."

Ka pa te pahnih chu an in be mawlh mawlh a. Kei erawh ka hawi kual rulh rulh thung.

Remruati counter bula amah chauh ka va hmuh vang chuan ka thaw huai a. Nichin a min hmuh dan a diklo bawk nen Sawmzuala khan eng thu khawlo mah alo sawi loh hram ka beisei.

Ka va pan a, a hnung lam atanga ka kuah chuan engtin mah a awm lo. A thil tih lai a tih zawm mawlh mawlh ani mai.

"Catty, zanin i bulah ka mu thei ngem ?"

"Aih" ati tawi tak a.

"Ka sawi awmzia chu Ka ú nena thil tih dun tur kan nei a" amah bawk chuan arawn ti tha leh a.

"Deniz-i i tihna em ni ?"

"Aw"

"Anih chuan hun dangah tihpui tur che in ka lo ti ang. Zanin chu chawlhhahdam i mamawh a lawm" tihpahin a beng kawm ah chuan ka seh a. Ngaitheihloh hmel zeta a dara min nawr sawnin ka lam arawn hawi a. A hmel awmdan atang chuan engmah a hriatthiam theih loh.

"Aaa, i hria nga hnaih ka duhlo tih chu, mahse mahni unaunu te na na na chu ngaih hun alo awmlo ve lo theilo" a ti a. Min hnungchhawn in a thil tih lai atih zawm leh mawlh mawlh.

"Catty, i duhlo zawng ka ti em ni? Min hrilh la ka siam tha ang" tih pah chuan ka kuah leh a.

"Awm..." Min chhan dawn laia 'Lady's and gentlemen' tih ri vang chuan a tawp chawt a, hall lam bawk chu hawiin. "Chu koh vat ini ang. Va kal vat rawh" a ti ta daih a. Engmah ka hre dawn rih chuanglo tih hria in a biangah fawpin ka kalsan ve mai bawk.

Ka nu leh pa chu Stage ah dingin ka pa chuan thu a sawi a. Rei vak loah keipawh min ko chho a. A thusawi chu la beng ah chuan a lut ngei a mahde lehlamah a chhuak lehnghal zel.

Remruati chetla chu ngun zetin ka en a, ka rindan rengin Puii'n a rawn dingchilh nghal thuai.

Puii chuan nui deuh sàng hian thil a sawi a, nui chunga sawi nih mahse Remruati hmel atang chuan thu lawmawm ani lo tih erawha hriat hle.

Ka nu thu rawn sawi avang chuan amah chu ka en zawk a. Remruati te lam ka en chuan mit meng deuh kawk kawk hian min lo en a, rei pawh min en ngam lovin min hnungchhawn zawngin a ding hmak a. Puii stage a rawn kal tur chuan eng emaw sawi hian a phun deuh sap a. Nui sàng in arawn kal a, Remruati erawh inthlakna room lam panin a kal leh nghal nal nal.

Puii chu mit ti zim sun hian ka melh a, ani nena inneih maw? A hnai lo lutuk. Ka nu chuan engvanga chutiang thu rawn sawi ngawt nge anih? Kei min rawn hmasa lo va, nge ni a Puii hian kan inkar hi atha tiin dawt sawiin min neih theih nan ka nu hi alo kar char char zawk em ni? Ka nu lah Puii nena infa, tu hmel lo ti ve chhen bawk nen.

Remruati um zui mai ka'n tum chu Puii'n ka banah min kuah ta tlat a. Mipui hma a han in tihbuai chiam kha a tha ber lo ve bawk nen. Ka pa chu ka va melh a.

Eng eng emaw a sawi a, chutih lai tak lehnghal chuan Remruati chu arawn chhuak leh chiah a, Puii'n min vawnna lai chu a hmuh hmel bik viau lehnghal.

Min en leh zawkin a chhuak a, ka hmela a kal lo tura ka duhna te kha ahrethiam lo mi? Puii ban chu ka pawtthla hnawk a. Ka pa thusawi pawh ka nghak hman tawh lo.

Ka tlanchhuak a, mahse Remruati te chu anlo tlanliam hman chiah. Lawk saw car saw! Sawmzuala car ala ni zui. Phiangsen hian!!

Ka office lamah ka lut phei a, ka hmuh remchan apiang ah chuan tuanin ka ri buan buan a. Thinrim thaw hrawk hrawk in ka phone chu la chhuak a, ka nu ka call nghal.

A lak rual rual chuan, "ka office ah ka pa nen rawn kal rawh u" ka ti tuar a. Ka off leh nghal hmak.

Dawhkana thil awm ho chu ka hui thla a, a dawhkan chawp chuan ka phih thuai thuai a.

Ka nu leh pa lo lut thawm a rawn awm a, ka nu chu rawn chek tlak tlak in, "bawiha tinge hetia i awm a ?" a rawn ti a.

"Engvanga ka nupui neih tur thu sawi ngawt nge inih ?" Ka ti tuar a.

"I nu kha tin vin suh" ka pa in alo ti ve nghal that a. In bengdaih tumin ka han thaw hrawk hrawk a. Chutah a aia nem deuh zawk chuan, "ka nu, min rawn hmasa theilo mi ?" Ka ti nghut a.

"Hrilh hranpa kher che i ngai em ni? Hei leh chen in inzui...."

"Kan tawp na arei tawh ka nu" ka ti bung leh nghut a.

"Eng engah !?" a rawn ti chuan, "Kum chanve dawn lai kan inbe tawh lo. Min ràwn miah lova i sawi avang khan i fapa hi ka buai anih hi"

"Eng eng.... Eng nge awmzia ?"

"I thusawi avang khan ka nula hnenah eng nge ka sawi ang"

"Nula a! Ngaihzawng i nei amaw !?" A rawn ti phawk hra a. Ka pa erawh angawi reng.

Engmah pawh sawi loin ka thaw hak a, ka chhuak zui nghal.

Ka phone phawrh in Deniz-i ka call nghal.

"Min mamawh tih ka hre thei" lehlam atang chuan arawn ti nghal var a.

"Remruati i bulah a awm em ?" Ka ti nghal tawng a.

"No, zan lam chauh a inhmu tur kan nia.... Buaina in nei em ni ?" a rawn tih chuan ka thaw hawk a.

"Nei lo" tih pah in call chu ka off leh hmak.

Thaw pik zetin car ah chuan lut a, kalna lam tur pawh hrelo in ka inkhalh chhuak a. Remruati ka hmuh huna ka sawifiah dan tur ka ngaihtuah pah nghal bawk.

Zanlai ani tawh, ka call ala theilo a. Han zawn ngaihna ka hre bawk silo. Sawmzuala an inah ka kalchilh tawp a, ani lah chu engmah hrelo in alo mu a. Mi muhil lai ka va kaitho ringawt ani.

Zankhua a awmna ka rin awma ka kal kual vek hnuah beidawng zetin ka thu hnawk a. Deniz-i nen pawh an awmdun lo. Khawiah phiangsen hian nge a awm ni.

In ah ka haw a, ka nu leh pa bakah Puii leh anu chu an lo awm deuh thap a. Ka nu chu alo vei thauh thauh.

Ka lut min hmuh chuan a ding chawt a, "Lalfakzual hetah rawn kal rawh" a rawn ti fak mai.

"Eng nge awmzia? Puii thlauhthla in mi hnuaihnung lutuk, mi ina awm mai mai maw i lo buaipui a ?" Arawn ti that a. Puii ka en nghal a, hmun dang en loin a hma lam alo en ngur a.

"Tu sawi nge ?" Ka ti ve fak.

"Tunge sawi a pawimawh lo. Hei hi hre rawh, eng ti kawng mah in chumi chu inei lovang. Kar leh ah Puii nen in inneih ang" arawn tih chuan, "ka nu!" Ka ti nghal tuar a. Ka nu chu a ip chawih mai. Ka pa pawn tun tum chu engmah a sawilo.

En kual hrek hrek in choka lamah ka lut phei a, Remruati te nufa room lam ka pan nghal. Room kawngkhar chu ka theh hawng pawp a, mahse room chu alo ruak huai mai.

Wordrobe leh bathroom te chu ka en a, a ruak vek. Nilo, Remruati te an chhuak maw! Thinrim zet in dawhkan inbung leh khum a puan awm ho chu ka phih hlawk hlawk a.

"Eng thil nge itih kha ?" Ka nu âw ngei chuan arawn ti that a. A lam hawi chuan, "Khawnge Remruati? Khawiah tehhrep nge i hnawhbo a ?" Ka ti rum ul a.

"Simon Bawiha" tiin ka pa erawh in min bengdaih a tum thung.

"Kha nu kha em ni chu chhiahhlawh nu chu? A ni tih min hrilh hlek suh" ka nu chuan arawn ti khur khur a.

"Aw ni e, amah kha ani. Chuan i hria em i fapa hi ani tello kha chuan ka awm theilo" ka tih leh tak ngul ah chuan ka nu chu a meng phar awn awn a.

A mak ti hmel chu thinrimna a rawn inthlak in, "Chutiang thu min sawi khum ngam tur ini em? Engtik khawtik ah mah, khawvel eng ka hmuh ve chhung chu ani ang mi hnuaihnung chu he ka inchhung ah hian arawn lut lovang" ati tuar a.

"Vanhlupui!" Ka pa in alo ti ve tuar bawk.

"A tha lawm, ani arawn lut theilo anih pawn kei ka chhual thei thung alawm" tih pah chuan ka chhuak zui nal nal a. Pawn ka chhuah chuan a rem ber ka car ke chu ka chhuih pawp a, a chung a chum nghal thuai bawk.

Ka phone chu phawrhin Pu.Muana chu ka call nghal a, ani hian Remruati te nufa awmna chu ahre ngei ang.

"Hello"

"Pu.Muan Remruati te awmna i hre mial em ?" Ka ti nghal tawng a.

"A aww ...." A rawn ri deuh rawk rawk a.

"Aw Zuala....." Zawi te te a rawn tawngin an awmna chu a sawi a. An awm ho lai anih hmel an awmdan ah.

Kan inbiak zawh hnu chuan ka inkhalh chhuak nghal a. Ka tlan chak tha bawk a, ka thleng vat.

Hei chu(h) Deniz-i te in ani ka ti. A awmzia chu heta insuan luh hi an tum tihna ania.

Door bell chu la hmet ri tlawng tlawng a, Deniz-i chuan arawn hawng a. Phawk zet a min en in, "Nang maw! Eng nge i rawn tih dawn ?" a ti bah nak a. Ka melh run mai, nizan a Remruati zawnga ka buai lai te khan ani hian a awmna kha alo hre reng awm si a.

"Remruati ka hmu duh" ka ti tawng a.

"Aaahh, a awm hleinem" a ti leh nawk a, thaw hawk in, "Dawt sawi duh suh" ka ti deuh hmuk.

Tawng tuma a àn zuau lai chuan, "Nubawih i va rei ve tunge a ?" Tih pahin Remruati nu chu arawn chhuak phei a. Min hmuh chuan ameng ve deuh kawk mai.

"Remruati ka hmu duh" amah en chung chuan ka lo ti nghal deuh tawp a.

"Min hrethiam la, ka fanu chu hetah a awm tlat lo" a rawn ti a. A âw atang chuan min lawm lemlo tih ahriat theih.

"Khawngaihin min hmuh tir hram rawh" ka ti leh a, ka thinrim na te chu insum thei tawh tak ka ni. Remruati hmuh loh mawlh ka hlau ani.

Thaw deuh hak hian min en a, "khawngaih ka dil zawk ache, ka fanu hi kalsan rawh. Nangni nena inzawmna neih kan duhlo" a ti hmuk a. Kawngka chu a khar nghal thuai.

Ka thinrim bawk si tih ngaihna hre bawk silo chu van lam hawiin ka au vak ringawt a, awmzia lah chu awm lo ang reng bawk si. Thaw pik zet chuan car ah bawk ka let leh a. Remruati a awmlo ti teh mahse Pu.Muana khan asawi chiang a, a awm tih ka chiang lutuk tlat.

Car a thu chung chuan Remruati pawn rawn chhuah hun chu ka nghak tawp.

Darkar chanve dawn ka nghah hnu chuan kawngkhar chu arawn inhawng hram ve ta hram a, ka mi hmuh duh ngei pawh arawn chhuak mahse a hnunga rawn zui tu mipa saw tunge ni?

Ka enchiang a Sawmzuala ani. Anih chuan ani pawh khan dawt min hrilh, tunah ka hmuh theihloh laiin ani'n a kalchilh thei bik maw!

Car atang chuan ka chhuk a, Sawmzuala chuan car ah lutin a tlan chhuak ve mek bawk a. Remruati lam chu ka pan phei mawp mawp.

A lut leh tur chiah chu ka man bet a, ka hmel ahmuh chuan thlahrang hmu ang maiin ameng phar awn awn mai lehnghal.

Huiham mumal lo tawka ka up chung pawn ala tawp hleithei lo 😆