◍SIALI ◍ CH-5

 



He chapter hi keimah pawn a lem ka ti ‼️

SIALI CHAPTER 5 BY RAMDINI JAHAU

"I bawl zo tawh em ?"  a tih chuan ka lu ka bu nghut a.

"Kan eirual vek dawn nge ahranpa in chaw ka pe dawn ?" Naupang lam hawi pah chuan ati a.

"Kan ei rual dawn nia"

"Aw anih chuan lo siam rawh" tihpahin naupang ho lam apan leh daih.

"Apa bulah thu rawh Angeli bulah ka thu dawn"  Awmawma'n a û ka lama rawn nawr phei ve dat dat pahin anglei a rawn hnuk deuh ti tih a.

"Awww, i thu dawn alawm" Angelai ati ve lung lung bawk a. An inhmeh vel lutuk chu ka nuih aza.

Awmawma chuan, "Apa chaw ka duh" tih pahin a thlèng chu dawhkanah a nghat rawk a.

 

"Hmmm, khatin tih loh tur. I kut sil ang" tih pahin Angela in a pawm sawn leh.

Kan ei mawlh mawlh lai chuan Angelai te thutna tang chuan arawn ti tawt (trawt) a. Kan in en nghal vat a. Ala uih em em zui.

"Angela!" Ka tih chuan phawk zeta min en hian, "ka nilo" arawn ti nghat a. Ka rinloh hmel ati deuh nge ni, "ka nilo ka tih chuuu" arawn ti leh vak.

"I ni ka tih loh kha"

"Mahse keimah emaw iti lawm"

 

Awmawma nui kur kur chu kan en a, a û lam en in, "aû apa hi a â e tiraw, keimah ka vawih a Angeli a mawhpuh daih" a nui leh kur kur a.

"Angel, ka ek achhuak" Angelai en pah chuan ati a. Angelai lah chuan ngei hmel tawka min en hian, "i tar tawh lutuk i ri hriatna te pawh kha akhawbaw zo tawh anih kha. PUTAR!!" arawn ti a. Awmawma akham pui nghal hmak.

"Apa anu in christmas min hman pui dawn em ?" Puipuia chuan arawn ti a.

"Christmas ala hla lutuk" ka lo ti liam puat.

"Mahse ahma khan in bulah ka lo hmang dawn ati a" ati leh a.

"I nu chu abuai lutuk, arawn hmang dawn lo. I chaw kha ei rawh" ka lo tih bung nghut vang chuan kun ngul chungin a chaw chu abar leh mial mial.

Siampui chu engvanga chutiang thu lo sawi nge maw anih le? A duh loh a fate keiin ka enkawl a, 'i fate an nilo' tiin min rawn chhuhsak tum pawh nise dikna aneilo. A duh thlanga akal liam tawh hnu a, ka fate rawn ti phawklek zawnga rawn chet atum anih chuan ka ngawi mai mai bik hauh lo ang.

"I chaw kha ei ta che" tih pahin ka tukkhum atang min rawn nam bu lawp a. A ti tu hrilh hranpa ka ngailo, chhàn pawh chhang zui lo in a kham daih. Room lamah ka lut bo nghal a.

"Aw apa chu putar ani tawh a, chaw ei khamah thut hahdam angai thin lawm" ka hriat phak tur ngei mai chuan a'nti deuh lawng lawng a. Thinrim a lak tum pawn a nuih loh theihloh.

Kawngkhar chu arawn inhawng dek dek a, Angelai chu rawn lutin, "ka ti mu ve ve tawh a, ka bulah an mu dawn nge i bulah" arawn ti a.

"Ka bulah in mu vek zawk dawn lo mi ?"

"I â ami! Eng nge i bulah ka lo mut ve ngawt anga ?" a rawn ti phawk hra a.

"Naupang ho i bula mut an duh a, kei ka fate telloin ka mu thei bik silo..... A thu hrimin dar 8 chiah ani sia iva ti mu hma ve"

"An mut hma chu atha daih zawk lo mi ?"

"Zan laklawh deuhah a thangharh a hlauhawm a, i buai ka hlau deuh mai mai mawle"

 

"Chutiang em em...." A sawi lak mek mek in doorbell arawn ti tleng tleng a, pik zeta thawk pahin kawngkhar lam chu apan a ka zui chhuak ve nghal.

Bawiha te pahnih chu sofa ah amut deuh thlap a, an la muttui hmel em em zui.
"Tunge, tun angah mi ina len hun ani mi ?" Tih pahin kawngkhar chu ahawng a. Pawn atang chuan vawiin a anbula lo awm ve tlangval pakhat kha arawn nui vur vur.

"Lalbawih, hetah eng nge irawn tih ?"

"Ka rawn rim dawn che"

Angelai chu ading vang vang hnuah, "e aw lo lut la" ati bah nuai a, keipawh an lam panin ka phei vat.

"Ee, Jacob inleng ka nei dawn tih ka hrilh theihnghilh daih che a" inthiamloh hmel tak chuan ati a. Hah nichin pawh khan 'tunge' ati pawr hlur reng sia.

 

Chhang lo chuan Single Sofa ah chuan ka thu thla a, remote chu la in t.v ka en zui hmak.

"Lo thu rawh" ati liam ve ringawt a, bawiha te pahnih an mu tih ahmuh si chuan, "e aw, ngawi rawh ka'n mut lut lawk ange" tih pahin  pindan lamah a pawm phei a. Pui duhlo in t.v chu ka en ngar ngar.

"Engtin nge hetah ka awm tih ihriat a ?" Angelain atih chuan Chupa chuan a tukkhum hiah pahin, "in In ah ka rawn kal a i û chauh alo awm a, engmah asawi bawk silo ka nghak ve tawp che a. A tawp ah inu te rawn haw in i awmna min hrilh chauh lawm" ati nuah nuah a. Ka nui  huk tep!

Eng eng emaw an sawi an sawi a sana ka'n en a dar 10 ari tawh. A leng rei ka ti lutuk chu ka ka'n vei leh thuak thuak thin a. An ni pahnih lah chuan mim ngaipawimawh eih lo zui.

 

A tawpah ka ning lutuk chuan ka phone chu ka'n be der ngawt a, pindanah lutin ka va inthlak sawk sawk a. Chhuah a hmanhmawh em em a kawngka lam pan in, "Angel, chhuah lawk na tur ka nei a" ka ti liam puat a. Rawn ri puat a, ka chhuak tur chu ka kawr hnungah a man bet a.

"Tun angah khawiah mah chhuahna tur inei lo" arawn ti a.

"Ka rei lovang a thil serious lutuk ania"

 

"Eng chu nge itih dawn? Hmeichhia ani em ?" Arawn tih chuan ka nuih aza lutuk chu ka nui huk tep a, mahse ka insum hram hram.

 

Kallo tura min duh chhan chu hmeichhia ka hmuh ahlau!

"Aw, ka hnathawk ania vawi...."

 

"Kal angailo. Bawiha haw rawh kan mu dawn" ka sawi zawh hma chuan ati bung nghut a. Ka nuih aza bawk si insum ngai bawk si chu lehlam hawiin ka then leh tawp zel a. A thianpa lah chuan, "ah ahh engmaw ?" Arawn ti a. Haw tura ati thut chu angaihna ahriat hmel loh ve hle ni.

"Haw rawh, ka mu duh tawh. Naktuk thawh hma angai" ati leh nghut a.

"Lo haw lo ang lo awmpui lawk rawh, chhuah lawk ka ngai si " ka'n ti dek dek chu

"Lalthantluang haw rawh ka tih chu!" arawn ti leh tuar a. A thianpa chuan bah nuai hian, "aw aww aww, muttui u" tih pahin a in pal chhuak nawk nawk.

 

Pindan lam atangin Awmawma arawn tap a, "i fapa chu va ngaihtuah rawh. Tun ang zan rei tawhah chhuah angailo" ati leh hmuk a.

"Aww ka rei dawn lo, lo awmpui lawk rawh" ka tih leh chuan.

"Aww kal rawh. Chhuak rawh" tih pahin min nawr chhuak nawk nawk a. Rang fahrana kawngka pawtin inchhung lam atangin akalh zui hmak.

Awmawma chu a awi ani ngei ang, a tap ri chu inpui lamah arawn hnai a. A zai ri rat rat bawk. Thawm pawh neilo chuan pawnah chuan ka ding ta reng a.

_____________________________

A zingtho kawngka rawn hawn rual chuan ka lut nghal a, engmah pawh alo sawi lo.

 

"Bawiha te anla tho lo mi ?" Ka tih chuan alu abu nghut a. Thingpui in tur min siamin room lamah bawk alut leh a. Eng paper emaw arawn ken chhuah hi ka hma ah rawn dah in, "chhiar rawh, i dan zawh tur anih kha" arawn ti a.

Ka'n en chu ka thingpui in ka hak tep, eng nge aziah in hre ve duh em?

Dan 1-na Angelai lo hmeichhe dang i melh tur a nilo.

2-na Zanah khawiah mah ichhuak tur anilo.
I chhuak lui anih chuan pawnah i riak zel tawh ang.

3-na A upa zawk inih angin Angelai i duat in a thusawi i awih thin ang.

4-na Khi thil pathum lek khi Angelai nen in inneih hma chuan i zawm tlat tur ani.

A tawp ber phei chu hrethiam lo zetin ka en haw a, ani lah chuan "eng nge ?" A lo bung nghut.

"Heng.... Nula tlangval inngaizawng kan nilova, inneih leh dan zawm" ka ti hluai a.

 

Thaw deuh hawkin ka thingpui chu ka in leh a.

"Ni reng e, nula leh tlangval inngaizawng nilo in Pa leh nula inngaizawng kan ni dawn reng alawm! Nang chu i upa tawh zawk a, thil pawh i hre tawh zawk chuvangin ka thusawi kha ngawi reng in awih ve mai rawh" Arawn tih chuan ka thingpui in chu ka phuh chhuak thawt a, ka khuh nghal bawrh bawrh. Ka hnunga min rawn chum deuh chawrh a, ka hnung ari thawt theiin ka hria. Ka hmui vel chu hru faiin ka'n en a min lo la en ve kal zui.

"Angela chutiang chu...." Ka sawi tan dawn chauh tihah akut arawn phar a. "Thlakhat chhung bak kan cheng ho dawn lova, i hria em thlakhat chhung chauh chuan kan inkawp ang. A bak chu i rilru min lo pe anih tak leh kan inkawp zel ang. Rawng kha bawl rawh" atih zawm zat a. Room lam apan leh daih.

A kal chu ka en mawl tawp, lehkha chu ka en a. A che maksak thei bawk si, inkawp tih vel asawi chuan ka nuih ati za tlat a. 'Pa leh nula inkawp' tih ngawt chuan ani ka nuih ti za ni. Lehkha chu enin ka nui a, tha tho zetin rawng ka bawl nghal.

________________________

"Inah hian lo mu mai rawh. Nizan i mu bawk silo, Awmawma hi lo awmpui la Puipuia chu ka thlah nghal mai ang"  tih pahin a bag ah chuan thil a khung sawk sawk a.

 

"Chuan dawr chu keiman ka rawn enkawi mai ang" a tih zawm leh a. Puipuia kaiin kawngka lam apan nghal vut.

 

"Mahse khawnge i kal dawn ?" An chhuah dawn tep chuan ka ti a.

 

"Aww College lamah ka kal ve bawk loh in" rawn lehhawi miah lo chuan ati a.

"Mahse i û in i class a cancel sak bawk si che a!"

"Eng mawww !?" Arawn ti let vak.

 

"Tlana khan thlakhat chhung i class a cancel sak che"

 

"Chutiang a theih ami ?"

 

"Aw theih e, a thlaleh atana i inhuam viau chuan"

"Eng nge awmzia ?"

"Engmah anilo. Tirawh le bawiha Angeli chu inah lo awm se ka thlah ang che" ka tih chuan Bawiha chuan, "apa vawiinah nu te hruai vek tur anti" arawn ti a. Angelai nen chuan kan in en zawk.

"Tunge ti a ?" Arawn ti dam thluam a.

 

"Kan miss in naktuk ah innu te nen lo kal vek ru an tia" ati a. Room lam atangin, "apa ka insiam vek ania aw" Awmawma'n arawn ti lut a.

 

Kamis rawn ha chhuakin a kilh sawi bei bawi a, a kekawr hak velah A sawih bawih bakah a letlinh zawngin aha a, a mawza lah ala inkhing lo zui.

"Awii leh, tinge ilo insiam ve ?" Angelai chuan nui chung chuan ava kai a.

"A û in naktuk ah kan chhungkua in kan chhuak dawn ati a" arawn ti a. Ka fapa chu ka en a, ni e tunah khan chhungkua ati ani! Bawiha chu ka'n en leh a inthiamloh hmel takin min en.

"Bawiha inu akal thei hleinem" ka ti fak a.

 

"Apa anu a awm lawm" Awmawma'n arawn tih chuan ka en a, Angelai nen inpawm in an lo innuih var var.

 

"Le kal ang u le, Apa Puipuia'n school a tlai ang. Kal ang u" tih pahin kawngkhar lam arawn pan a. Chechang loin ka ding reng, ka beng pawta min rawn pawt in, "Putar, naupang ti lunghnual zawngin engmah sawi tawh suh" ati chang rawt a. Ka bengah pawtin min hnuk chhuak dawr dawr.

 

Kawngka akalh fel hnuah car ah arawn thu lut ve a, "Angel, 'anu' ka ti thei tak tak che em ?" Awmawma chuan arawn ti a. Angelain, "Thei tehreng e"

"Anih zanah i bulah ka mu thei angem ?"

 

"Aww, nizanah pawh i mu lawm"

 

"Tak tak ami! Yayyy, nu ka nei ta! Apa, anu ka nei" a ti chul a. Bawiha ka en chuan min lo en ve reng a, ka en tih ahmuh chuan a hawisawn vat a.

"Putar start ta che" ka sir lam atanga arawn tih chuan rum nghut in engene chu ka start a kan tlan chhuak nghal vung vung.

Ka phone arawn ri a, ka en chuan ka nu alo ni.

"Aw nu....." Ka sawi hman tawk tihah, "motor khalh laiin phone hman loh tur" tihpahin min rawn chhuhsak a. "Tlaiah rawn biak i tum leh dawn nia, tunah chuan abuai" tihpahin a off hmak.

"Ka nu...."

 

"Ngawi ve mai mai la" arawn ti deuh thlawt. Keimah zawk chuan angaihna ka'n hrelo khawp a, ka ngawi ve tawp.

 

"Putar nangmah vang vek, Bawihpuia ka thlak theihnghilh daih hi aw" Angelai chuan ati nang nang a. Bawihpuia chu arawn inthuam ve dan ngai ngai khan alo la awm.

 

"Bawihpui, lo kal teh" tih pahin front seat lamah chuan apawm chho a.

 

"I kawr hi siam tha ila, i kekawr pawh hi phelh lawk ang aw ?" Ati dam thluam a.

 

"Aih, ka zak" arawn ti reuh anih chu.

 

"Timaw, a zahtheihloh. Khawi le ?" Angelain atih pawh chuan, "aih apa leh a û in min lo en an tum" ati leh tlat.

"An lo en dawn lo che, le khawi awm tha la" atih chuan awm tha ve mai a. Kawng tluanin an inchhaih nui tluang zak.

__________________________

"Eeee nangni chu, i fate irawn kalpui ani maw ?" Ahma a Angelain alo intihbuaipui nu pakhat khan arawn ti var a.

 

"Aw, bawiha hian kal turin min phût tlat sia"

 

"Aw ani maw, anu a awm silo a i hahpui thei ngawt lo maw ?"

"Hah pui lem lo e"

"Aaa ah, annu han ni ila chuan ka'n buaipui hneh dawn tehreng nen"

 

"Eeee ka pi, i lo buai angai lovang. Annu ka awm alawm" Angelai chuan arawn ti nghut a. Chunu chu hmel ner nawng nawng in a kalsan hmak.

"Putar khanu kha ilo ngaizawng anilo maw ?" a ti nghut a, ka nui huk.

 

"Nui suh, i duh leh va nei rawh" ati leh nghut a.

"Thikthu achhiat viau chuan min duh hle tihna ania. A pawi hranlo, ti chhe hle rawh" ka tih chuan min melh vakin, "Putar, khanu temtuam kha va luhkhung rawh" atia akal tau hmawk hmawk.

 

________________________

"Aaaa.... Nu ngaihtuah ve la, thlakhat chhung class min lo off sak tawp chu engtin nge ka tih anga ?" Angelai chuan ati vak a.

 

"Awww, i û tih ania. Keima tih pawh ni hleilo, eng nge mi rawn vin vak a !?" Anu lo alo la ti nghek zui a min rawn en zawk hian, "naupang an tha maw, i nu nen khan kan inbia a" tiin keimah zawk chu min rawn be ta daih a.

"An tha an tha, kan haw dawn" tih pahin min kai chhuak nghal dawr dawr.

"Ri vut vut zel suh"

 

"Ka thinrim asin, ka chawlhsan zawk daih dawn emaw ni ?"

"Chawl rawh" ka tih chuan, "i hmel anih chu, 'chawlhsan mai bik lo e' te lo ti ve ta che" arawn ti a. Ka nui leh hawk, a tawngkam maksak, nilo..... A tawngkam duhawm lutuk hi nuih pui loh a, hlim pui loh chi ani lo.

"Min nui suh" tihpahin biang sen tan tan in akal nal nal.

A lai ringawt ani awm e a!

 

Hun aliam zel a, karhnih aliam meuh chuanin Angelai nen pawh kan inngaih viau a. Naupang ho pawn nu tak ang takin an ngai niin ka hria.

Amah leh amizia hian ngainatloh theihloh in a siam a, abulah chuan naupang harhvang tak ang leh dawhtheih angai viau thung a, mahsa taksa te chum biang hmanhmawh phelenga ahan chet pui ve  ka hmuh te hian ka en vung vung loh hi chuan mimawl ah ka inchhuah ngawt tawh! A sam kir chiat leh alaih apianga abiang tai thin te hian zùn anneih anih ka ring hial! Hetiang taka kan pafa thuma kan atchilh mai nachhan te pawh hi ani ngei ang!

A tir ah khan ka nuih ati za ani a, mahse he thil hi thil diktak ani in ka hria. Hun reilote min rawn fin chhung pawha kan pafa hlim zia te ka ngaihtuah a, Angelai nen chuan nun hi anuam bik ngawih ngawih a hriatna te ka hial nia!

🍂🍂🍂🍂🍂🍂🍂🍂

"Putarte rawn haw hunah asawi mai theih em, ka buai deuh hlek a ?" Lehlam ami chuan arawn ti lang lang a.

"Umm, Angela ka thawmhnaw min lo pack sak thei ngem ? Aizawl lam a chhuk thlak vat ka ngai thut a ?"

"Chawlh ila nei rei tih ka hria ania, chuvangin dawt rawn sawi suh"

"Nia, chhungkaw thil zawk ah ania"

 

"E awle ka lo pack ang" tih pahin call a cut hmak.

________________________

"Kar khat chiah kan awm ho tawh dawna tinge i zin kher dawn a ?" Angelai chuan ati nang nang a.

"Ka rei lovang, chuan naupang ho hi...."

"Anni chu lo ngaihtuah suh, ka awmpui thei" ka sawi zawh hma hma chuan arawn ti a. Nui suk chuan ka kuah a, ka awmah ahmai phum in min kuah a, nilo ka awm pawh ani pha lo, ka dul zawn vel ani. A tap reuh emaw lehnghal ni.

 

"Tap suh fatty" ka tih chuan, "Fatty ka ni lo" arawn ti leh hlar a.

"Anih chuan Jacoba fate nu hi tap tawh suh se" ka tih chuan arawn thum huk a, keipawh ka nui ve sup. Jacoba fate nu ka tih hian alawm tlat thin a, heivang hian a lungawi loh thlem nan ka hmang thin.

Siampuii chungchangah Aizawla chhuk lawk ka ngai a, mahse chhungkaw thil anga ka sawi avangin a hre lo thung. Ka nupui hlui leh ka fate chungchang min zawt ngai lova, keiin sawi ka tum ngai bawk lova. Siampuii tello a nun ka hman theih zia tihlanna ni berin ka hria.

Ka phone rawn nghawr dar dar chu lachhuakin ka en a, ka farnu ani.

 

"Hello"

"Û bawihpuia te an mu tawh ami ? Eee lawk call ka rawn switch ang" a tih rual deuh tawhin video call except chu arawn lang a.

 

Ka expect ve leh, "Û bawihpuia te ka ngai lutuk ka hmu duh" arawn ti nghal lawng lawng a.

"Rawn over suh, an muhil tawh" Angelain alo ti a.

"Monu hual chu ava inti thu ve a ?" Tihpahin arawn nui huah huah a. "U lo tilang ve ta che" atih chuan phone chu kan lek sang a, kan phanih a lan theih ka duh vangin.

"Putar ka lan veloh khi" arawn ti hlar.

 

"Angela iva inti naute ve ?" Arawn tihbchuan Angelai chuan, "i û hian naute ah min chhuah atum lawm ati a. Nui a ui uar uar. Angelai leh Nui hi phone atangin an in be fo a, sual lo ve ve chu an inngaih vat a. Nu-in an chanchin ahriat phei chuan Angelai hi a be tha in, Siampui ang lo takin a ngaih hle a. Ka nu pawn naupang ninhlei deuh anih duh hmel ati!

 

"Kha ka u naupang enkawl tur i ngah sia, ka rawn chho tawh mai dawn maw ni..."atih chuan Angelai chuan, "eee angai lovang.I rawn chhuk hun tur diktak ah khan rawn chhuk la atawk" ati hmuk a. Nui chuan nuih uar uar pah hian, "Inngaizawng inkhata chen dun reng te chu eng eng nge intih pawh kan hre silo" Angelai thil zawhchhuah tum zet chuan ati a.

"I rilru kha ahmul ami? Chutiang eng eng mah tih tur a awm lo" arawn tih hmuk chuan kan unau in kan nui huk a. Ani ka nui tel chu min rawn en haw in, "eng nge inuih a ?" a rawn ti a.

 

"A engmah" tih pahin ka hmui chu ka chip hmak a.

"Min nuih anih kha, ka mu dawn" tihpahin khumah, ka len velohna ah a'n mu thla nghal vat a.

 

"Aw nui muttui" tih pahin phone chu ka dah a. Khum lam chu ka bih dek dek.

 

"Jacoba fate nuuuuu.....i bulah min lo muttir" ka va ti sa sa a.

"Angai lo, chhuat ah khan mu rawh" ati hmuk a. A puan chu ka pawt de de a, rawn thu chhuak hlawl hian, "putar hmelchhe pa" arawn ti a. Tho chhuak mut puan dang la in chhuat ah mutna chu asiam a. Mu thla dawp hian, "muttui" atia a in khuh hmak. A bul ah chuan ka mu thla vat a, ka va kuah chuan tal buai lovin alo awmtha ve mai a. Ka kut a kuah a, ka mala khan chung chuan kan mu ta hle hle.

Zan dangah kan mu dun ngai lova, 'i sual palh ang' tiin an bula ka mut ve aphallo a, a phalloh bakah room dangah min riah tir kher zel. Mahse zanin chu ka zin dawn vang nge a phal ve tlat sia hei.

"Ka thau mah mah in ihre ve em ?" Arawn ti thut a. En hau chung chuan, "muhil rawh" ka lo ti daih.

 

"Ka muhil thei hleinem" arawn ti hlar.

 

"Thau lo e, i tawk chiah" tih pah chuan abiang ah ka fawp a, a hmai si chetin ka mu tha nghal. Amah a ka ngei deuh pakhat chu mahni insit aching leh lutuk hi ni. Thikthu chhe tak kha ania, hmeichhia dang biak loh theihloh chang a awm thin a. A hmuh hian alo thik be thin a. Mahse, alo inkhaikhin zel a. A pian leh hmelah tluklo bik niin ka inhre thin a. Kan inhauh phah tam mahse awmzia a awm thei chuang reng reng lo.