◍SIALI◍ CH-3

 

Kiai deuh suk chuan min rawn en zawk a, "nupui ka nei hleinem" ahma lam en leh daih chung chuan ati a.

"Maw, fiamthu na chi anih loh hi" ka ti vak a.

"Ka fiamthu hleinem" ti ringawtin anui tawi leh tak a. "I thaibawih vang maia khatia tih kher" ka tih leh chuan anui leh mai a. Min chhang tawh miah lo.

"Tak tak in, ka hmu ve chak. I fate hian an chhun bawk silo che a, anu an chhun ami ?" Keimah vek chuan ka ti leh a.

A rum deuh nghut a, "Ni e, anu an chhun a" a rawn ti hmuk a, ka zawhna vanga thinrim ringawt nge, afaten an chhun lo ka tih vanga rawn  thinrim ringawt anih pawh ka hrelo.Ka inthiamlo ve det a. Mahse min chhan dan kha ka duhkhawp lo em a, eng nge rawn sawi tura ka beisei pawh ka hrelo. Mahse kha aia chhanna chiang zawk kha ka beisei tih chu ka chiang viau.

____________________________

Nihnih chu Jacoba te pafa vangin class ka chawl ta phawt a. Eng emaw hna anei ve neuh neuh nen abuai lutuk chu ka duhvang pawh ni em em loin ka nu duhdan in antan ka in volunteer tawp.

Ni hnih lek ni mahse naupang ho nen chuan kan innel ve tawh hle a. Mahse Jacob nen erawh innel na hun tak tak a awm theilo.

Naupang ho nu, a nupui tur ang reng reng rawn lang an awm lova, nupui ka neilo atih kha ka awih deuh tak tak a. Chuvang mai mai chuan ka'n i diet vel a, Ka indiet chu Ka u in alo ngaithei lo leh pek,  "Victoria Angel te zinga tel ve itum nge, pasal min um san thei turin inlak fit itum ?" Min han tia. Nikhat chiah ka la indiet a, thlakhat vel ka indiet hunah phei chuan ka roomah min kalh khumin pawn lama a duty reng duh te ka ring e a.

"Ka thau mah mah em ?" darthlalangah cguan in en in kan ip kual vel a, "aih Angel, kei chu i tawk chiah ka ti" Puipuia (Jacoba fapa upa zawk) chuan arawn ti a. Aww he nau ho chu ka va han duh chiang em, apa fapa pawh nilo mahse hei nau hi chu ka duh tho ka ring.

"I va han fel tak em? Lo kal rawh i nau mut hlanin ice cream ei ang" ka tih chuan phur fe hian min zui chhuak a.

"Puipui i nu i ngai em ?" Ka nu chuan min lo khak a. Mahse Puipuia chuan nui vur vur hian, "aih" a rawn ti a. Ka nu nen chuan kan in en nghal haw.

"Anih..."

"Bawiha" thildang ka zawh leh dawn lai taka  Jacoba âw ka hriat vang chuan ka ngawi daih a.

"Apa" tih pahin apan phei a. Ani pawh kan lam arawn pan.

"Vawiin an sual em ?"

 

"Sual nang aw, vawiin chu iva hma ve" ka nu zawk chuan alo ti zung zung a.

 

"Nia, vawiin chu ka rawn haw hma ve. Bakah Angelai lakah a inthlahrun awm a" a ti a.

"Awi ah, chutiang te. Ani hi chu inah a tangkai nep tho a, a pawi reng reng lo zawk ania" ka nu chuan a rawn ti leh a. Ka melh rawm rawm, "a tangkai nep" han intih tawl mai chu!

 

Nui chung hian, "ni e, khawnge Awmawma hi ?" A ti a.

Ka ang hman tawh mahse ka nu bawk chuan, "Bawihi room ah khan amu a, amah hian han la se rawn thlah law law cheu che rawh se. A muhil si a. Mahni chuan ibuai ang" Khai khai khai.... Tawngtam lamah hian ka nu ngei hi anih hi ka lo chhun ni.

 

"Zawimuang in aw" tih pah chuan car kawngkhar bulah chuan ka ding a, front seat ah ka thu a, mahni thau nen Awmawma ka pawm bawk si. Ka khat vek.

Chhuah pangngai pawn ka chhuak theilo, a tawlhin ka tawlh chhuak.

 

"Lawk aw" tih pah chuan chahbi chu tala ah chuan anawr nawk nawk a, eng ahria ni maw ala hawng lawk theilo zui.

"Ti nawk nawk lo la"ka ti a.

 

"Aw, i awmdan khan min ti hmanhmawh lutuk a" a rawn ti a. Kawngka chu ahawng nghal bawk a.

"Engtin nge ka hmel chu a awm a ?" Khuma naute mut pah chuan ka ti a.

"Kha i hmel" tih pah chuan ama hmai vel chu a'n kawk kual a. Ka lo en haw.

"Kha i hmai vel kha hah hmel deuh hian a awm a" a rawn ti a.

"Ka haw dawn" tih pah chuan ka chhuak nghal nal nal.

"Lo ding teh, aa englo naktuk ah chuan naupang lo ngaihtuah duh tawh suh aw" atih chuan ka hawi let a.

"Tinge ?"

"An mahni enkawl tu tur a awm tawh dawn a, chuan min buaipui avangin ka lawm lutuk, nakinah thil ka la treat dawn che nia" a tih chuan, "ka duhlo" tih pahin ka kal nal nal.

_______________________

"Laltlan, Jocoba saw annu hi khawnge a awm a ?" Kan chaw ei lai chuan ka nu chuan ka û chu a zawt hlawl a, vawiin ka nu thusawi ah chuan atha ber pawl anih ka ring.

"Ka hre biklo, kan la inkawm hman em em bawk silo a" ka û in a tih chuan ka nu chuan alu abu nghauh ngauh a, chhanna dang a awn tawh lo..... Ka hriatchak tehreng nen le.

♥*♡∞:｡.｡　　｡.｡:∞♡*♥

"Lalruatsang" ka hming alam rik thawt rualin ka lu ari nghal fawk a.

"Aaaa" tih paha hmel ner nang nang in Prof chu ka en a. Hmel rum em em a min lo en hian, "Tawng zuah zuah lo khan, thusawi te hi ngaithla ve thin ta che" a rawn ti a. Ka chhip a ka kut nghatin ka lu chu ka bu nghat nghat a. Thaw hawk in akal daih.

"Hey Angela, Lalbawiha chu i chhang dawn em ?"  Muanawma chuan arawn ti a.

"Lalmuanawm, bem pawh min bem lo a engtin nge ka chhan ang. Mi chhip nat lai lai a chutiang isawi" ka ti let hrep a. Ani reng bawk a, eng nge kan thu pawh hrelo in, "i chhang dawn em, i chhang dawn em ?" Lo tih reng chu aninawm em ani.

 

"Kan college piah deuh ah hian dawr thar a awm asin, tah chuan banah kal kawi ila" Hlimpuii chuan arawn ti a.

 

"Eng dawr nge ?" Ka lo ti hmuk.

 

"Awww, thawmhnaw. Kan bazar lohna pawh rei tawh kal ang aw ?" A rawn ti leh a.

Ka chhip dawm vang vang chuan, "Hlimi nupui anei lo mawle" ka ti ringawt a. "Engaaaaa !?" Alo ti hû.

"Nupui anei lo, vawiinah khan ka zawt a. Ka neilo atia"

"A tu a chu maw ?" Ala rawn tih chuan.

"Thluaki niminah hriat chakin min zawt a, tunah zawh ngai lovin ka sawi a hre leh tawp silo" tih hrep pah chuan ka melh rawm rawm a.

"Angela baby, thinrim suh. Han sawi zel teh, i sawi tawp a ka hrelo lawm" min thlem ti tih deuh chuan arawn ti a.

"Nupui anei lo iti mi kha ?" Amah vek chuan arawn ti leh a.

"Aww, ka bazar pui a...."

"Mawww! Angel iva che rang ve"

"Awii, kei chu thian mawl deuh neih hi hreawm ka ti e" ka lo ti hmak.

"Angela min rawn sawichhan ami a ?" Muanawma pek chuan alo ti. Ava hahthlak em!

"Ni e, nanglo thian mawl dang nei vak hek lo" Hlimi chuan arawn ti a. An inhnial tan chu nimai.

Kei kan hmelthaa nupui neilo mawlh chu ka rilru ah a awm. Dawt asawi tih dawn ila dawt a sawi duh awm tawp bik silo. Bakah a sawi thutak viau lehnghal. Aaaa.... A eng aiah chuan nge ani nupui neih leh neihloh pawh chu ka buaipui viau le. Neilo pawh nise a faten an tibuai lutuk, ka tan hun anei lo ang.

Ka ngaihtuahna vang chuan ka thu tum nghal bur a.

"Chuan sawi zawm rawh le" Hlimi chuan arawn ti leh a, ka tan hun anei lo tura ka ngaih vang chuan ka sawi phûr lo nghal vek.

"Ka ngaihtuah a, nupui neilo pawh nise a faten an tibuai hneh sia ka tan hun pawh aneilo ang" tih pah chuan ka ding hliai a.

"I â mi? Eng nge a hun chu i awh ve ngawt a. A thianpa nau mai mai inih rih kha" a rawn tih chuan ka mawl zia hrechhuak in lei ka chhuah tut a. Hlimi ka en chuan min lo melh kur.

Engmah sawi zui tawh lo chuan kan inzui chhuak a. A sawi dawr thar awmna lamah chuan kan kal a. Kei, Hlimi, Muanawma leh Bawiha te chu kan kal a.

"Lo leng ru" hmeichhia te  hmel felfai zet mai hian alo ti a.

"Englam nge in en duh ang" min lo zawt zung zung a. A fel hmel phian.

"Min lo hrethiam lawk ru aw" thawnhnaw kan en laklawh lai chuan tiin a kal a. Ka lo ngaihven teh chiam lo.

Mahse Hlimi'n ka bana a rawn sih ngawr ngawr vang chuan ka en a, keimah pawh min lo en lo chuan hmun dang chu alo en daih.

Mahse lo en ve lo tur  hi ka nia. Hlimi hawina lam ka en chuan ka awihlo lutuk vangin keimah leh keimah chu ka'n insik vel a. Mahse atak ani bawk si.

Nichin a hmeichhe felfai-i leh Jacoba chu inhaw lo tih hriat takin an lo ding dun a. Nilo, ding dun satliah pawh ani lo. Jacoba chuan nui chungin Felfai-i sam te chu a chul a, Falfai-i chu anui ver ver bawk a. Ka sawi thiam dan ber chuan Jacoba saw ka va hmu hlim. A nui hmel chu ka hmu tawh a. Mahse sawtiang em em a a nuih nasat saw chu ka la hmu ngailo.

Ka ngaihtuahna pakhat ni leh ta chu, "tunge saw nu saw ?" Tih hi ni. A bialnu mi? Ni e, a bialnu ani ang, puipuia te nu tur ang atan chuan a hmel ala naupang mah mah. Anih chuan Felfai-i saw Jacoba bialnu tihna . A awm vang saw em ni naupang ho pawh en angai tawh lo ang min tih?

Kei hi ka van â tak. Nupui aneih loh thu ringawt kha asawi a, chu chu inawmtlei nan ka duhtawk ve em em a. Mahse tinge maw ani ang mipa te chuan ngaihzawng aneih ka'n lo rin sa loh le.

Ka thil ngaihtuah vel vang chuan ka dinna ah cguan mittui tla pur hian ka lo ding a. "Hey, tinge? I tha em ?" Hlimi'n arawn tih chuan Jacoba chu kan lam arawn hawi a. Kei pawn lam hawiin rang fahran in ka inher a.

Ka mittui chu hruk ro  ka'n tum a, ka hru ro theilo. Khawi lai emaw atang hian alo kal lehnghal zel.

"Angela!" Min au. Nidang ah keimah min notice ve hian ka lawm thin a, mahse vawiin ah kher hi chuan ka duh miah lo. Hrelo ang hmak chuan Hlimi chu "kal ang" ka ti chul a.

"Angela" kan lam arawn panin ka hria. Hlimi chu ka pawt leh a, henu ho enge a hriat a. A tang tung mai. Ka tah chhuak bawk si, pakhatpa lah lo kal hnai ve zel bawk si nen chuan Hlimi te ngaihtuah lo chuan pawnah ka chhuak a.

Jacoba chuan min auin pawn thleng chuan min umzui a. A bawp sei zawk, ka pen thum pawh a pe khata hmang theitu zawk na na na chuan min rawn nangchin vat a.

"Eng nge min lo zui a, keimah ber ka kal te chuan 'ka hmusial aniang' ti a min lo zui loh tur che lawm. Chutiang ngaihtuah thiamlo tur khawpa tar pawh ila nih loh kha" amah chu en in ka ti nghek a.

 

"Ka tihpalh. Ekhai aww! Tinge i tah ?" Tih pah chuan a ding deuh chawt a. Mahse second 3 pawh nilo ang tih ah chuan rawn hnai vutin a awm ah chuan min kuah bet a. Min kuah beh hneh lutuk vang chuan han tan ngaihna pawh a awm lo. Pawi tilo zet chuan ka tap ta vak zawk a.

Darkar chanve vel ka tah hnu chuan, ka bang ve chauh a, ka hnunga chul hliau hliau chuan, "tap leh rawh" a rawn ti a. Rum nghut a in la hrangin, "ka peih tawh lo" ka ti hmuk a.

Nui suk hian, "anih chuan thuawih deuhin ti khan lo awm rawh aw, motor ka rawn la chhuak anga ka thlah ang che" a ti a. A kal zui nghal a.

Ka thiante hmuh tum a, dawr lam ka thlek chuan ka thiante reng reng hi an lo awm tawh awzawng lo. Felfai-i chuan tim hmel deuh hian kawngkhar zawna ding hian min rawn en a. Ka lo hawi sawn deuh hmak. Kei mihring fel lam aia sual lam hnaih zawk zel hian ka ngei rih tlat ani.

Eng nge, angaihtuahna te saw hmang ve se, pathlawi pawh nise lo ngaihzawn loh tur nia. Jacoba ngat phei chu a fuh si a. Hmeichhe duh chi ani tih te chu hre awm tak ania. 'eee kawp ka duh bik lo. Ka ngaihtuah a, ka duh ang hian mi pawn an duh ve dawn a. Ka lo kawp bik lo mai ang midang rilru ana dawn emai' tih ngaihtuahna te nei se.

Keimah vek lahpek chuan ka ngaihtuahna chu, "ni chiah e nang ai duh tu kan tam lutuk" tih pah chuan ka hmaa thil awm chu eng nge pawh hrelo in ka chhiatkhum vak ringawt a.

"Awlee, i lang duhawm lutuk. Mahse lo lut phawt la" Jacoba chuan arawn ti a. Awiii, ka zak lutuk. Khawi lamah mah khan ka lang duhawm lullo ang, tap zo hmel bui tur, chum sa nen han insiamchhiat mai pawh chuh.

Ka zak lutuk chu ka sa vek theiin ka hria.

_________________________

"Anute vawiin ah apa in alo kal tawh dawn lo ati  che a, mahse ilo kal leh tho" Puipuia chuan ati a.

"Aw in unau khan ka ngai lutuk cheu a" ka tih chuan Awmawma zawk chuan fiah vaklo hian, "Angel i tap ami" a rawn ti a. A pa lo nui chu ka hre thei.

"Apa Angeli tap"  apa hnenah chuan min zualko sak emaw ni reuh ni.

Jacoba chuan nui chung hian, "Angeli kha van atanga arawn tlak na ah khan a insawh a, chuvang niang a tiraw" a ti a.

Awmawm chuan, "Angel i insawh mi ?" A rawn ti leh a, Chutiang thu awihawmloh lutuk rawn sawitu chu ka en a, nui tha chung hian, "aw" chu ka tih veleh ve tho kha.

 

An in kan thlen chuan nidang ang lo takin nghaktu a lo awm a, Felfai-i leh Nu pakhat hi an lo awm a.

Puipuia te unau chu "apii" tiin an tlan lut nghal a, Jacoba ni anih duh hmel. Felfai-i chuan nuisàng hian naupang thil ka ken vel chu min lo laksak a, Jacoba chu a be vat bawk a. An awmdun chu hmu rei peih lo in ka kal nghal nal nal.

♥*♡∞:｡.｡　　｡.｡:∞♡*♥️

"Annu te an inhre taw, inneih te an gum hnai aniang hre lawk ila chuan ka lo indiet vello tur ania" tah pur pur pah chuan ka ti a.

Hlimi lah pek chuan, "i â hrim hrim, nupui aneih loh vangin ilo luangliam nghal em em ringawt a" a rawn ti a.

"I hmel anih chu, nangman 'keiin ka neih dawn loh chuan nangman nei rawh' iti nih kha" ka ti leh bui bui a.

"Chutak chu lawm i mawl na, mawl min ti hle a ka thusawi chu lo awih ru leh zek zel sia" a ti nek a.

"Hmm, mahse ka thinrim pui tho che. Khanu kha ka hmelma kumhlun ani nghal" ka ti a.

"Aw ni nghal rawh se, mahse nang chu i vanneih bik e" ka ti a.

"Eng nge ka vanneihna ?" A rawn tih chuan.

"A fapa nen inhming te in ang bik. Lalhlimpuiq ve tho nia"

"Ninawm, an mahni duh laiin an fate chauh kan chang hman zel ringawt mai. Ka haw dawn" tih pah chuan ading uai a.

"Ni e haw rawh, Agelai kha ilo hruai lerh ange" ka û chuan a rawn ti lung lung a.

"Awii, Laltlanzual ka haw lul lovang" tih pah chuan arawn thu tha leh a. Ava han peih tak, ka û runluih duh vang maia duh aia rei han len chu.

̶̶K̶̶a ̶̶t̶l̶a̶i̶v̶a̶r  ̶c̶h̶i̶a̶n̶g ̶l̶u̶t̶u̶k̶a ̶m̶i̶n ̶l̶o ̶ ̶m̶i̶t ̶a̶t̶h̶i̶p ̶t̶a̶w̶h ̶b̶a̶w̶k ̶n̶e̶n, ̶s̶p̶e̶l̶l̶i̶n̶g ̶m̶i̶s̶t̶a̶k̶e ̶k̶h̶a ̶c̶h̶u ̶m̶i̶̶n ̶l̶o ̶h̶r̶̶e̶t̶h̶i̶a̶m ̶r̶u ̶a̶w 🙃