◍SIALI◍ CH-1
◍SIALI◍ CH-1 BY RAMDINI JAHAU
MIDANG ANGIN A MOOD A CHENG NGAWIH NGAWIH KA NIH VE THINLOH VANGIN MIDANG ZIAH APHA LO ANG, MAHSE MIN LO CHHIAR SAK HRAM HRAM TUR IN KA NGEN CHE A, KA SAWI TAWH ANGIN INZIRNAN A ZIAK KA NIH VANGIN KA THU HMANSUAL ANG CHI TE KHA INTHLAHRUNG LO IN RAWN SAWI PAR PAR ZEL RU AW 🙂
CHHIAR ANG ༶•┈┈⛧┈♛
ANGELA LALRUATPUII POV.
Ka hla bu leh bible ka dahna bag hrui chu nghet zetin ka vuan a, ka kal hma chuan ka han hawi kual hmasa te te a. Zawi muang chuan kan pen phei a.
Kawng sir a thawm rawn ri hlek ah chuan ka hawi tang nghal hra zel a. Min hmu tu chu awm se, ka awmdan rùn lutuk vangin min khawng thlu tawp duh ang.
Kei a inkhawm bang ve hi, street lai êng uar hnuaiah pawh mahni in(house) ka pan ṭha ngam lo chu nia, ava han nikhualoh thlak tak.
Khaw awmdan lah hi ka hlau tih hriain min tihṭhaih atum emaw tih turin adur thim phui chha mup a, thli lah mi timur tawk lekin a thaw sung sung zui a.
Street light piah hlek a khuangthli kung zawn ka thlen chuan khuangthli zar chu arawn tla ṭhuai a, ka beleuh tuar hi ani ringawt. Ka en a, aro ani miah lo. A rah tamtawk hi alo awm a.
Awiiiii! Ramhuaiin alo ti tla ani hrim hrim ang tih ka ngaihtuah lai chuan ka hnung lam aṭang hian ka thla hliah vekin thla dang arawn lang a. Ka meng phawk ṭha ngei mai. Min pan in ka hria, awii ka hlau lutuk chu ka ding khawng tawp a. Ka ṭap nghal pur mai.
Ka dar arawn khawih!
"Ramhuaiiii!" titia rak tuar tuar pah chuan baklengin ka tlan a. Chu ramhuai chuan min la au zuiin ka hria.
Ka in kawi ka thlen chuan ka tlu bawk khup thawk a, lei châr ah ka hmai ka nawr. Ka rak phei vak vak chu ka û leng tur chuan min rawn pan a.
"Angela eng nge a ?" Arawn ti vat a.
"U ramhuai ka hmu" tih pah chuan ka kuah chung chung a, ka la ṭap pur zui.
"Laltlanzual, i nau i hau ami a ?" Inchhung aṭangin ka nu in arawn ti chhuak a. "A ṭah apiang hian ka hau kher lo" ka û in alo ti vak a.
"Nû,,, Ramhuai ka hmuuuu" amah chu ka pan phei a.
"Laltlanzual va en teh" tihpah chuan min lo kuah a.
"Lalruatsangi kha a over nih kha, Thanzuala leh thenawmpa annih saw" tihpah chuan a bike chu a ti nung vut vut a, a tlan chhuak nghal vang vang.
Gate lam ka'n en ve nak chuan Mama leh Tunge pawh ka hriat loh hian mipa naupang rawn kokichhuan in kan lam pan chuan an rawn kal a.
"Bawihte, va lut rawh. I û in a chhaih leh mai ang che" ka nu in atih chuan inchhungah ka lut nghal vat a. Ka pa min biakna pawh, "Laltlanzuala lo haw hunah hau rawh" ti a chhangin ka room lamah ka chho hmak.
______________________
"Lalruatsang ka hnek hma che hian rawn tho rawh" pawr fahran maia Ka û in arawn tih chuan tum burin ka tho chhuak a. Ka melh rawm rawm, farnu neih chhun ka ni ve em em a, zingtin 'hnek' hmanga inkaihthawh chu a lungawi thlak fahran lo.
"Ninawm" tih pah chuan ka chapal chu ka bun nawk nawk a, ka bun dik leh dik loh pawh ka hrelo.
"Awi awi awi, i va han nasa tak. Hmeichhia inih kha" tih pah chuan Laltlanzuala chuan akut zungchal ngatin ka chalah chuan arawn nawr a. Melh rum bak tih theih ka neilo.
"Amak ee, tinge inau hi itih buai reng a" ka nu in arawn ti lut a. Kei bathroom lamah ka lut hmak.
"Nu, i hrelo nih kha. A lerh lutuk, College ah mipa te tia" Ka û chuan ati a. Nimin, Bawiha nena kan inbia kha lo hre leh vek tawh nih hi.
"Awwww, be ve ang hmiang..."
"Inbe satliah pawh anilo nu"
"Chutiang anih te phei chuan a lawmawm nasa, duh aia a thau vangin ngaihzawng pawh aneih theih loh hi..." Oh! Ka nu min sawi dan kher kher chu le.
An inbe thawm chu ngaithla duhlo luiin lai zet chuan ka zai a.
Ka hrilh ang che u, Û emaw nau emaw mipa neih hi thil nuam ani lo. Ninawm khawpin an strick danger. Ka û hi kan college ah a thawk a, khawi ah pawh amit hi ka keng tel ani ringawt. Ka room te hi e, inchungah chupawh a room bultê-ah min han awmtira. A chhan pawh, "inhnuaia a awm chuan zanah inleng te anei ve nga, a mut hun ka hre thei dawn lo. Bakah zanah mi hmuh ruk te atum ang", a'n ti mauh mai nih kha!
Chaw ei lai chuan ka bul hnai fahranah hian arawn thu a, chaw a bar loh kar lak ah, "Tunge khapa kha. ?" Arawn tih loh leh, "be tawh suh ang che" bla bla bla, arawn phun sar sar reng a.
Ka ning lutuk chu ka tho thut a, min en nghal hra mai. Ka thleng chu ka dah tau sawk a, a keh nghe nghe in ka hria. Ka û chu rum tawka melh in, "hmela, pasal ka um san dawn che" tih pah chuan choka tang chuan ka tlanchhuak a. Ka û thawm ri nghal rawk rawk chu ka hria, sofa a ka bag dah chu ka la lawk a, choka lam chu ka en leh a, a kut pawh sil lo in arawn tlan a, nui chungin ka tlan chhuak nghal.
Gate lam pan chuan ka nui phei uar uar a, gate ka thleng tep tih ah chuan ka kang nawlh a. Ka û chuan adarah min pu liam nghal a, nui uar uar chung chuan ka ke ka leng chiam a. "Khawi maw min thlah te. Nû, Autlana hiii" ka nuih za bawk si nen, ka duh ang pawn ka au theilo.
"Min thlah teh, ka kal duh tawh nia"
"Angailo, kan kal rual thei reng" a ti nghut a, chungte hlei hlei chuan ka nuih ati za, tal pawh ka tal peih tawh lo.
Kan gate a mi lo kal ka hmuh chuan ka û chu ding turin ka ti a, lo kala ai mah chuan akut a ka bag a ken sawn ka mit ala tlat.
"Û ding teh, saw ka bag" ka tih chuan ding mai a, min dahthla mai dawn maw ti lai lai chuan, "khawi maw ?" tih pah chuan amah chu inher in min thing kual nawk a. "Hmela min dim ve ta che" ka ti that.
"I bag chu i ah hi"
"Saw saw saw, en ve ta che" tih pah chuan thei leh theilo in adar lehlamah chuan ka invuan tang chho a.
Nichin mi pa pawh kha kan lam panin arawn kal ve mek a.
"Khai!!" ka û chuan a'n ti hluai a, lo kal pa kha arawn nui phei ver ver. Awii, lei eden ani ringawt anui hmel saw!
"Jacob hetah nang ka hmuh tehdaih che a ?" Ka û chuan chibai pah chuan ati a, a awmzia chu ka û nen hian an inhria tih na. Woww...... chance ka va nei tha em!
"Nia kar hmasa khan kan rawn insawn a" ala nui reng.
"Eeee, chungte chu hetah pawh rawn sawi ve tur che lawm. Hetah pawh in ruak a awm reng a" tih pah chuan Mama te luah loh zawk chu a thlek zauh a. Chupa chuan nui chung hian, "niaa in rinlawk pawh awm lovin kan rawn insawn deuh thut anih hi"
"Aw ani maw, hna vang nge ni a...?"
"Nilo, ka sawi awmzia chu hna vang em em pawh anilo"
"Aw, anih chu. Chutiang anih a, awmngheh in rilruk te phei chuan in, hmundang hmundang tih a ngai lo nia" Aizee, hetah an awm ve dawn anih chu!
"Chuan eng nge innu a an a, fate kha i inneih belh leh tawh em ?" Ka û vek chuan arawn tih zawm a, Jocab atih chuan min rawn en ve chiah bawk a. Ka û thusawi vanga ka men phawk lai takin kan in en bawk sia, ka hmel chu... Awiiii rasgulla ka ang ngawt ang!
A nui kiai suk a, "tha ani mai, kan la neih belh lem lo" a ti a, a sawi duhdan chu a nupui a hmangaih loh hmel tawp. Mahse ka bengah hian 'nupui leh fate' tih ringawr hi ari nawn tluk tluk a, engahmah hma in ka tah achhuak nghal der.
"Chuan bag kha" ka lo zuai raih a.
"Uh, hei .. aw kha i bag. Thanzuala kha ka pe a, mahse 'nangman pe rawh' ati deuh tlat a" tih pah chuan a rawn lek kang a, ka û dar kar atang chuan ka ban tawk tawk.
Awi ka awmdan tur chu zahthlak e a.Hmela pawh hi min dahthlak ve mai tur nia, rit pawh min tilo maw ni.
Zah sa tawh nak laiin, "engtin nge i kawl daih theih a ?" Ka û chuan ala ti puam tut zui a, a mawl thei sia. 'Nizan' tih a sawi lang tawh reng sia, hriatthiam ve mai awm.
Jacob chu min en in a nui ringawt a, ka va han zak tak em. Ka û nâk ah ka sik vak.
______________________
"Bawihte, ka naute duatte" lehlam tanga Mama'n arawn tih chuan, "Eng nge ?" Ka ti pawr hlur a.
"Ka nau duat, ka duat hleitheih si loh te. I vah te school lova lam lawk la, i Usangi a rit tawh bawk sia, chhuah tir vak chi pawh ni tawh silo"
"I chhe zep zuap anih chu, rawn sawi kual duah lo khan sawi vat mai ta che" ka lo ti hlur a, mood uih lai lai a ah!
"Ava ninawm tei vet e, ka kal dawn reng" kawngkhar ka pel chiah tih a ka phone rawn ri chu tunge tih pawh en lem hleilo chuan ka ti vin nghal ringawt a.
"Lalruatsang i pawr thei lutuk, engvangin nge class i kal loh ?" Hlimpui âw ngei mai chuan chiang felfai zet hian arawn ti fak a.
"Ee, ka hre bik lo, ka rawn kalloh khan i zir loh phah mi, ka kalloh chhan hi keipawn ka hre bik lo maw mamte"
"Zawt zawt zel che hian, 'ka hre bik lo' ti tha ta mai che. Tereuh te hian i bial kerh a, ila tawngthei phian zui"
"Ka nuih aza tawp, mahse ka nui hman lo. Ka vah te hruai ka ngai tlat"
"Ehe ka pawimawh zawk lo maw ?"
"Nang chu nakinah thil tha deuh ka hrilh ang che, kha school ka pel leh daih tawh lawm, dah teh. Mi tibuai reng mai" tih pahin keimah zawk chuan ka dah hmak a.
Kan sawi tlem tehreng nen, ka kal chak ngei mai.
Gate pawnah chuan naupang an lo ri nak nak tawh a, ka nau te erawh ka hmu lo, an lo la chhuak ve lo niang.
Shalom deuhreuh an siamah chuan thu in ka lo nghak a. Gate lam chu ka thlir voh voh.
"Nangkha ding rawh" mipa naupang pakhatin mipa naupang pakhat dang hi a ko ding that a. Mipa naupangte chuan zum dak hian a ko tu chu a en a.
"Khawnge ka lalipop tur chu ?" A ti a. Mipa naupangte chu a ngawi reng, a zawttu bawk chuan, "i lo keng lo mi, lo keng ngei ngei tawh rawh ka tih che kha" tih pah chuan a awmah chuan anam ve deuh a. Ka en reng, an hmel atang chuan kum 9 rual vel tur chu anni tawh.
"Kha ka bag hi keng rawh" tih pahin mipa naupang bulah chuan a theh thuai a, ani lo man hman tawh silo nen leiah chuan atla a. Chupa chuan, "lo dawng ve ta che, engmah i thiam loh vang anih hi i nû pawn a tlanbosan cheu" tih pah chuan a nam deuh chawrh a. Leiah a tlu hnawk.
"Hey, khalaia naupang kha" tih pah chuan ka va pan phei a. Min hmuh chuan a thianpa chu a kaitho ve ang chu tih nak laiin min lo en kar nih chu.
"I thianpa kha kaitho ta che"
"Ka kaitho lo ang ka thianpa pawh nilo" aha, min chhan dan mai mai chuh. Naupang te te si!
Mipa naupang chu ka kaitho a, "nangpawh i va dawih ve, mipa ve si. Hnek ta che" ka ti a.
"Min hnek ngam lo, min hlau" chu naupang zet zet chuh!
"I va tawngthei ve, tihpalh te ti ta che" ka ti hrawk a.
"Ka tilo ang, ka tihpalh pawh anilo a..."
Ava han tawngthei, naupang te te si. Hetiang rual lek lehnghal.
"Awii, bawihte hetah ilo awm daih a" a nu niawm tak chuan arawn ti a. Kalsan pui atum nghal hmak.
"E e e ka pi, i fapa khan naupang hi ngaihdam dil phawt rawh se"
"Engvang ngawt in maw ?" A rawn ti let haw. A hmel chu vengchhak nu ang thei an tih kha niin ka hria.
"I fapa khan tawngkam mawilo taka a biak bakah, kut athlak"
"Chutiang aho lutuk mami, apa pawh awm loh hi" a ti liam leh puat a, chunu mai mai pawh chuh! Amah chiah hi nih hi a fapa hian achhun.
"Ka pi..."
" 'ka pi' a, i pi rual ka ni mi mami" kan thusawi nen inperhsan lutuk mai chuan rawn ti ta daih mai.
"Ka pi ini emaw nilo emaw, i fapa chuan ka fapa hi ngaihdam dil rawh se"
"Fapa i nei mi? Khawi ka va hmu velo ve" tih pah chuan a'n hawi kual vel a, ka va han ngei tak.
"Hey pitar meng rawh" tih pah chuan ka bula mipa naupang chu ka kawk a.
"Nui vak vak hian, mi fapa ka fapa ilo tih ve ngawt i zak lo mi? A pa'n hria se engtin nge itih ang" tih pah chuan min nuihsawh zet hian anui a.
"Ka hria e ka pi" tih paha ka dara rawn kuah tu chu ka en chho haw a, ka mi rin loh lutuk mai alo ding.
CHUANIN KA LA SAWI HMAIH, KA TYPE MUANG LUTUK A, DARKAR THUM THA AH PAWH HE TI BAK HI KA TYPE CHHUAK HMAN LO. MIN HRETHIAM HRAM ANIANG CHU 🤣
Comments