◍𝗦𝗜𝗔𝗟𝗜◍ 𝗖𝗛-𝟮

 ◍𝗦𝗜𝗔𝗟𝗜◍ 𝗖𝗛-𝟮 𝗕𝗬 𝗥𝗔𝗠𝗗𝗜𝗡𝗜 𝗝𝗔𝗛𝗔𝗨

𝗔𝗡𝗚𝗘𝗟𝗔 𝗟𝗔𝗟𝗥𝗨𝗔𝗧𝗦𝗔𝗡𝗚𝗜 𝗣𝗢𝗩. 

"Aaa... Ah ka pu" tih bah nak pah chuan ding sawn ka tum a. Mahse ka darah chuan min kuah nghet sauh.

"In buaina kha ka rawn hre ve hman chiah lova, insawi tha leh thei em ?" Nû zawk chu abia a. Kei chu ka ngawi dak tawh.

"Aa, eng nilo e. Bawihte i thianpa hnenah hian tihpalh ti rawh le" Nichina tenawm khawpa tawng khan, mifel ber angin an ti daih nih kha. Ka ngei lutuk chuan ka rilru in, "nu ni si lerh lutuk" tih pahain ka melh hrep. Amah pawh chuan ahre chuang hlei lo a.

"Anî" tih pahin ka vah te pahnih chuan min rawn kuah nghal chuk chuk a. An zirtirtu niawm tak kan lam pana rawn kal be mek ka hmuh chuan keimah zawk chuan ka pan phei a.

"E, nang ilo kal a" atih chuan ka ku ka bu nghut a.

"Englo nia, Eli hi vawiin ah akhua sik a,  damdawi kan ei tir hnu khan kan rawn haw tir ta lova. Mahse tunlai a damsak vak emaw ni aw ka tia, a cher riau bawk nen..."

"Aa, a damloh pawh kan hre hleinem. Vawiin lo nidang ah akhua asik tawh re re em ?" Ka ti veleh a.

"Nidanga a awm àwm ka pawh ka hrelo, mahse entir hrim hrim kha chu athat ka ring.... Eng vak phei chu ni nang ngaihthatnan khan nimai a tiraw ?" A rawn ti leh hluai a, ka hlauthawng hmel chu a hrethiam aniang.

"Nia" ka ti tawi tak a.

"Umm, Eli bye bye aw" tih pah chuan akut chu avei a, a kalsan zui nghal.

Eli chu ka pawmkanga, ka kut lehlamin Jordana ka kai bawk a. Ka rilru ah chuan inthlen vat vat chiah a awm. Eli chu vawiinah a khuasik tih ka hriat vang nge ka hmu nguai deuh tlat te hian ka hre tlat pek a. Chuvangin in thlenpui vat ka ngai.

Ka kal lam khan reilote ah ka thleng sia, haw lam chu athui ngei mai. Eli ka pawm bawk sia, a rit ve tawh reuh zek nen a hahthlak phian a, khaw lum nen thlan a chhuak duh par par ngei mai.

"Auuu" Eli nen chuan kan rak that a, tuihawk min dai per tu motor lah chu tlan liam vang vang. "Aaaa engtin nge tun ng khawro lutuk ah tuihawk indai per tur te awm theih a" kawngpui lehlam ka en chuan tleirawl pakhat scooty sil mek hian min lo nuih thaw mai a. En pawh en reu peih lo in kan kal leh nal nal a.

"Lo lut ve ta che u" kan zawn motor rawn din rual deuhthaw a rawn titu chu ka en a, amah bawk kha ni.

"Aa, kan bal bawk si a" ka'n ti zawi sap a.Kan berh sia, chuan luh tawp chu a inthlahrun awm.

"Eng anih loh kha, lo lut r'u" a rawn ti a, amah chu rawn chhuak nghal a.

Jordan  chu seat hnungah chuan ka thut luh tir a, nichin a naupang pawh kha alo thu ve a, ka lut ve tur chu, "helam ah hian lo thu zawk la" tih pahin front seat khawngkhar chu a hawng a. Hnial bik lo in Eli chu Jordana bulah chuan ka thut tir ve a, keipawh ahma lamah chuan ka thu lut nghal a.

Ngaihtuah ber pawh neilo chuan hma lam chu ka en ding ngur a. Chutah nichin thil thleng kha ka rilru ah rawn lang zawt a Jacoba chu ka en nghal. Hma lam chu alo melh ve ngur a. Chutia ka en lai tak chuan a rawn hawi ve thut a rang mangkhengin ka hma lam ka en nghala. A nui suk ri chu ka hre thei.

Bei zia lo thei e, nichin ah lah khan a fapa nu ang te khan ka lo insawi vel a, rawn hre hmanlo se chuan zia tur ania, rawn hre hman khanglanga. In a haw hunah a nupui a hrilh ngei anga, awii min nuih nasa dawn si. Zahthlak thei eee...

Ka in (🏠) zawnah chuan ding in a chhuk nghal a. Kawngkhar chu min rawn hawnsak thlap, Eli muhil chu arawn la a, mak ti zet a en chuan ka chhuk a, Jordana chu amah in alo chhuak ve bawk a. Eli lak leh ka tum chuan, "kal rawh, ka rawn pawm phei ang" ati a. A fapa bulah chuan lo awm turin ati a.

In (🏠) ka pan phei chuan Lalhlimpuiin kawngka bul atangin min lo thlek haw haw mai.

Ngaihsak lo chuan ka kalpel a, ka room ah chuan ka lut chho a, khum chu Eli mutna turin lukham vel ka rem tha a. Jacoba chuan arawn mut be mai bawk a.

"Aa, ka lawm lutuk aw" ka'n ti a.

"Engmah nih loh kha, ka kal nghal mai ang Bawiha'n min nghak sia" ka room enkual thuak thuak paha tiin keimah chu min rawn en a, ka kun nghal daih.

Kan inzui chhuak a, khawngkhar thleng chu ka thlah leh a, "kan lawm lutuk tak tak aw, i hmanhmawh bawk sia. Nakinah thingpui te rawn in ula tiraw" ka'n ti ve luam a. Ka pangngai hmel rap.

"Nia, chuan keipawh vawiin vang khan ka lawm lutuk ania. Ka kal ang" tih pah chuan a kal zui a. Eng nge vawiin vanga a lawm chhan chu ka hrethiam lo ngei mai.

"Angela kha kha tunge ?" Hlimpuii chuan arawn ti lehnghal zawt zawt a. Amah chu en in ka thaw hak.

"Anî ka kawr ka thlak duh" Jordan chuan alo ti a, ka phone arawn ri ve chiah bawk nen, "saw lo va thlak teh, ka room ah a thawmhnaw a awm" tih pah chuan choka lamah ka phei a.

"Aw eng nge ?" tui chu ka lem nghal khawlh khawlh bawk a.

"Angela!" Bawiha chuan arawn ti a. Thil ei tuam tuam paha rawn tawng a ang.

"Eng ngeee?"

"I û hi, ava den em em ve!" Arawn tih chuan ka tuiin ka hak a, ka khuh nghal bawrh bawrh a. Hlimpui chuan ka hnungah arawn chum tawk a, min chumna vang chuan ka hnang zawk dawnin ka hria. Ka phone chu la in, loud speaker ah chuan adah a.

"Engtin maw itih ?" a'n tia. Lehlam ami chuan by heart sa ang mai hian ka û in a tihdan chu arawn sawi par par a. A tawng kar lakah Muanawma'n, "Angela, Bawiha ngaizawng ngei ngei rawh. I û kha chhang pa teh nia" arawn ti ve bawk a. An han inhnial leh phawt zel a.

 

"Aw, nakinah kan sawi tha dawn nia. Ka buai rih" tih pah chuan ka off hmak a, hui papin Hlimpui chu ka en a. Hmel tum bar hian, "nichin ami kha ka hre ve duh" alo ti. Awiii, chuvang mai mai chuan atum ani awm e a! Hahthlak.

Ka'n nui phawt a, "Ngaihtuah zui suh, i chang tawh lo mi pa anih kha" tih pahin common room lam ah ka chhuak phei a.

"Maw maw, tak tak ami ? Ka hriat lohin ngaihzawng inei emaw ka tia, nichin te khan ache gentleman viau sia" ka bana rawn thing nar nar chuan arawn ti a. "Ninawm, che gentleman viau mahse mi pa lawm" tih pah chuan ka inthing nawk a. Ka room lam chu ka pan chho hmak.

"Amak kal daih zel lo teh, sawi chiang teh. Mi pa ani tak tak mi ?"

"Ni ni ni, dawt ka sawi i ring ami ?" Ka ti let hrep a.

"I vin thei si. Ka van ui, a hmelthat nen" khuma mut pah chuan an ti hliai a.

"Ringawta, a hmel pawh I hmu hman ami ?" Ka ti bawng tawt a.

"Hmu e, a sang si. A dar pawh i chen tha lo ania. 5.10ft vel chu ani hrim hrim ang"

"Awi awi awi, mit hi chu inei bik chiang alawm tiraw" eilo zet chuan ka ti a.

"Nei bik e, cara naupang thu pawh kha ka rawn hmu. Kha kha mi afapa chu ?" Atih zawm lehnghal zat a. Mit hi chu alo nei bik chiang anih hi.

"Ni e, ilo va meng nasa bik ve"

"awi, a nupui ihmu tawh em? Keichu a hmeltha sia mi pasal mai mai tur tan chuan ka ui" awii, a pasal atan a dream lehnghal tawh, zahna hi anei thlawt lo.

"Hmu lo. Ee enteh, vawiin ka zah zia chu" tih pah chuan vawiin thil chu ka hrilh a.

Nui uar uar chung hian, "keichu iti tha ka ti".

"Sawngi, i rilru ava chhe ve. Mi ka'n zak em em a"

"Aw rilru chhiat lam anilo. Tikhan atha lawm, a mahah in tatlut zel la, inhmangaih tir rawh. Chuan a nupui athen nga anei dawn che lawm. Ka pasal anih loh chuan nang tal in inei tur ni" arawn tih chuan za tawkin ka nui ve tawp. Ngaihtuah maksak thei lutuk.

 

Eli chu arawn rum ri tuah tuah a, Jordana'n amit nuai chat chat in min rawn kuah ve bawk a.

"Kha i nui ring lutuk a, Eli kha lo en rawh" tih pah chuan Jordana chu ka la kang a, puakpuan nen chuan ka chhuahpui a.

____________________________

"Awii, vawiin ah nû nasa deuh ka tawng maw. A vin theih zia chu, a rapthlak si" bai tui hawp pah chuan ka ti a.

"Khawiah maw ?" Ka nu chuan alo ti vat.

"Bawihtei te...."

"Hmeichhia inih kha, chhuak reng zel suh"  ka sawitum pawh ka sawi zawh hma hma in Ka û chuan min lo khak leh hmanhmawh a.

 

Pawr theih patawp hian, "Khawnge ka kal pawh ihria mi, lo tawng ve hman ziah zel suh" ka ti a.

Ka pa chuan, "kha kha kha, hmeichhe vin thei isawi zo chiah a, i rawn ti veleh nghal a. Kha kha animai sin, hmeichhia chu mi hi insawi insawi a, mahni hi in indahtha hmak zel a. I rawn sawinu pawh khan mi bulah, 'nula ve si, a nungchang amawilo ania aw. Mi lah a hlaulo si' ati ve ngei ngei ang che. Hmeichhia inia, tawngkam vîn lutuk hman te, pawr hlur zel ringawt te hi mawilo" a rawn ti dap dap a. Ka ngawi nghal kar mai.

Zaidam ka tum lo pawh ni bik lo, mahse a har em ani.

♥*♡∞:｡.｡　　｡.｡:∞♡*♥

Ka room kawngkhar bula lo ding ka hmuh chuan ka phu zuk a, ka inlukhup lehnghal. Ka awmdan chu mawl inti zetin ka puan chu kan keu dak dak a. Mahse alo awm tawh miah lo, kei hi ka hmusual ami a. Ka va â tak, tinge ka hmuh reng le, nizan ka mumangah pawh ka hmu tawh. Awii a phalna la loin mi pa ka lo hmu vel ania, ka va zahpuiawm tak!

 

Inti fai sawk sawk in inhnuai lamah chuan ka chhuk a, sofa ah chuan min hnungchhawn zawngin mipa pakhat hi alo thu a, a hma zawnah ka pa a thu ve bawk a, a in leng anih ka ring tawp.

Inti naute zeta ka pa bula thu tura ka pan phei chu ka mi hmuh avang chuan ka pa thutna chu helin choka lamah ka lut tlang daih. An thutna ka va hel ringawt sia mak min ti ang chu.

"Nu, tinge zing zing ah ava rawn kal hma ve ?" Midang in an hriat phak hlau tak si chuan ka nu chu ka zawt a.

"Tu ?" A'n lo la ti haw a. Jacoba lam chu ka kawk a. "E, bazar pui ah rawn sawm che atum a"

"Maw, keimah maw ?" Tih pah chuan keimah chu ka inkawk a.

"Aw, zingkar chawhmeh bazar lamah aniang. I û arawn sawm zawk a, mahse mipa ve ve chu eng leitur an zuk hre lo ang. Nangman kalpui mai rawh" a rawn ti leh puat a.

"Naute, I û Jacoba saw bazar pui angai ania aw" ka û chuan arawn ti a.

"Min tlawn suh, ka peih lo"

"Aa, Angela i peih vak loh chuan keimah pawn ka kal thei tho nia" Jocoba chuan a tukhum hiah nauh nauh pah chuan arawn ti lut a. Awww, ava han chet hit loh theih tak, lo hre hman ve ziah.

"Peih e, peih lo tur thu awm lo. Tih tur engmah anei lo. Va kal ru" tih pahin ka nu chuan a nawr in min nawr chhuak a.

Motor ah chuan ka thu tum bar a, nuam ati chiah lo niang, "aaa kan kal zawk nga, ilo chhuk ve pawh ngailo ang" arawn ti a. Engmah ka sawilo na'ngin a inthlahrung lutuk chuan ka awm ati nuam lo zo vek.

"U Jacob"

"Jacob min ti zawk rawh" arawn tih chuan ka en a. A lo nui sâng mai, avan hmeltha chiang tak.

"Awle atha lawm" tih pah chuan antam chu ka thlang a.

"Hetia zing kara i bazar dan ah hian nupui ngam tak chu inilo chiang ah, pa lianpui ni si hian i thaibawih em em mai mi" ka ti a. Za zetin arawn nui.

"Ka bazar vangin ka thaibawih tihna ani kher em ni ?"

"Ni e. Nangmah atir che a, nula dang i bazar pui leh bawk sia. A hriat chuan a thinrim awm. Ka hrilh zawk dawn mawni.... Ka pi hei engzat man maw ?" Ka thil sawi chu ka sawi zawm pat a.

 

Nuih hawk hawk pah chuan, "i ngaihdan dan ai mai ah!.... Kha chu la suh, ka faten an ei thei lo" arawn ti a.

Ka en nghal vat, " 'fate' maw, fa engzat nge ineih tawh a ?" Ngaih pawimawh hmel vak loh chuan ka zawt liam puat a. Mahse aruk chuan ka ngaipawimawh reng, fa pakhat chauh anei maw ka tia. Ka lo huphurh lo ve em em kha nia.

"Pahnih, mipa pahnih an nia" arawn ti a. Umm tih ringawt in ka chhang.

____________________________

"Aw enge ni ?"

"Aa i car ah khan ka phone ka theihnghilh niin ka hria"

"Aw, lo nghak rawh, ka zuk lak ang che" tih pah chuan achhuak a.

Ka lo ding ngawi kar a, chutih lai chuan pindan atang hian naupang tap ri hi arawn chhuak a, pakhat mit nuai chat chat chungin arawn chhuak bawk a.

Naupang chuan min hmu thut chu mak ati deuh niang, a ding dat a min en vang vang.

"Ka nau atap a" arawn ti tham chhal a. Ka'n hawi kual vut vut a, anu ni tur awm ang chu sawiloh keini lo mihring dang an awm lo reng reng.

"Bawiha, khawnge inu ?" Ka tih chuan " a awm lo" tiin min chhanga. Naute a tap reng bawk nen, tim deuh tak chuan pindan ah chuan ka va lut a, naute chu khumah inlet bat bat hian alo tap a, naute ti ila kum thum mi vel ani tawh ang.

 

Pawm kangin ka chhuahpui a, Jacoba chu alo lut ve chiah. Naute ka lo pawm ahmuh chuan a meng phawk deuh a, mahse nasa tak ani hran lo. Rawn ban mai atum chu a upa zawk chuan alo ban veleh tum hrang bawk sia. Kan in en a, nui chung chuan, "a pawilo" ka ti a. Amah pawh chu anui ve tawp.

Naute chu mut alo la khamlo nge ni, ka puak chuan reilote ah a muhil lehnghal mai a. Jacoba buai lutuk chu a khawngaihthlak zawk.

Eitur siam lai chuan a fapa upa zawk chu school turin ka lo siam a, a fate an awm tho sia, anu a awm lo chu mak ka ti.

A fapa school a kan thlah hnuah min thlah leh a. Zawh loh chu duh viau mah ila min tur tlat bawk sia, inthlahrung tak chuan, "aa Jacob, i fate an awm tho sia. Khawnge annu hi a awm a ?" Ka ti ta a.

Kiai deuh suk chung hian min rawn en zawk a, "Nupui ka nei hleinem"