BETWEEN US CH-9

BETWEEN US CH-9 BY RAMDINI JAHAU

REMRUATSANGI POV. [Heipawh tawi 🤧]

"Eng nge sawi ?" Alice chuan arawn ti a.

"Kan thusawi irawn ngaihthlak vek kha" ka lo ti a. Feli'n min lo auh vang chuan ka kalsawn zui a.

"Sir in a be duh che" atih vang chuan Simon anih ka ring a. Ka inngaihtuah hrep hnu pawh a ala call ala cut loh vang chuan phur lo tawkin ka chhang a.

"Aw sir" Midang an awm ve vangin sir ka tih angai ve tlat.

"Bawihte tinge sir min tih a ?" Ka rinloh deuh zawk chuan arawn ti a.

"Aah, nia... Midang an awm ve sia" ka ti ta ringawt.

"Ka ngai lutuk che" a rawn ti sup a. "Umm" tiin ka chhanh ringawt.

"Ka call ila ngailo a" arawn ti leh a.

"Nia, ka tlukpui palh a achhe daih lawm"

"Engtik in, i tlu na em ?" A rawn ti chul a.

"Na lo" ka'n ti leh tawp a. Diktaka sawi chuan mi biak mood ah ka cheng hlawl lo em ani.

"I tha em ? Naktuk ah ka rawn haw dawn a"

"Aw, engtik ah?.... Ka sawi amzia chu dar engzat ah ?"

"Zing lamah bawihte, min lo....." Ka phone ken lai chu min rawn phih thut a. Vin vak tum chuan tunge rawn phih tu chu ka en a, mahse ka hmuh peih lo ber te zing ami anih rih avang chuan inher in ka kal hmak a.

Pen khat, pen hnih, pen thum. Ka banah arawn man a, hawi letin a mit ah ka melh nghal kalh.

Ngaitheilo niawm tak hian arum nghut a, a phih in min phih chhuak nghal dawr dawr.

"Hey min thlah rawh" tih pah chuan leiah thu hniamin ka tang tlat a. Pawh kal harsa tawh miau hek, ka zak tawn tawn ah chuan rawn vuanin min tung tho zawt a. A pawm a min pawmin a room lam chuan a pen pawk pawk a. Ka ke ka leng chiam.

"Tal tal suh" tih pah in dawr kawngkhar zawnah tak mai chu min fawp anih kha! Ka tawp chiang asin, "i duh leh chuan tal leh rawh" tih pah chuan a pen leh pawk pawk a, ka awm hle hle nghal hmak.

Room kan thlen a, min dahthlak rual chuan chhuah nghal chu ka tum a, mahse kawngkhar zawnah alo ding hmak.

"Nichin a ibiak kha tunge ?" A rawn ti chang bawl a.

Ka chhang lo.

"Nichin a imi biak kha ka hre duh" a rawn ti leh a, ka chhang chuang lo. "Ka dawhtheihna hi fiah mi tum thin suh, tha taka sawi sawi rawh tih lai hian sawi thin rawh" a tih leh pawh chuan, "sawitur ka nei hleinem" tih te bakin ka chhang lo.

"REMRUATSANG! tunge i biak chu sawi rawh" a rawn tih vin tuar chuan, "Eng nge, i va hre chak ve. I hriatloh chuan i thih phah dawn mi ?" Ka ti let ve nghek a.

"Aw aw aw, ka hriat loh chuan ka thih phah dawn" a rawn tih chuan ka en haw a, mahse rei ani lo. Ka âw thian kharh in, "Sawmzuala" ka ti a.

"Tinge kha mihring kha i biak ziah" ahma ai vin lo deuh chuan arawn ti a.

"Hah, zak teh. I bialnu i then tak nen a hun inhman zawh hnu a hmeichhe dang laka thikthu pek chhiat viau chu anuam dangdai riau lo maw ?" Ka tih khum a.

"Mawww !?" Tih pahin awihloh hmel zet hian min en a, chungte chuan kei ka thinrim a kaitho pek a.

"Engmah, i bialnu hlui khan kan inkawp tih ala hre lova. Hrilh ka lo rilruk deuh mawle" ka ti a.

"I hrilh thei lo" a lo tih chuan, ka melh nghal hrawk. "Engvangin, ani ang mi tha thena kei ang mai mai inkawp min kawp leh si hi i zak deuh mi? Awle atha e, zak duh tawh suh. A chhan chu vawiin hian kar inkar atawp. Naktuk ah Sawmzuala arawn haw tawh dawn a, a awmloh hlana min enkawl that zia ka lo sawi dawn nia" ka sawi zo chu thawk ka la nghal hrawk hrawk a, vin satliah pawn ka vin lo ani.

Ka thusawi chhung zan khan engmah a sawi velo a, mahse thinrim inhrosa kuk kuk in min en thung.

Min rawn pan hnai hrut a thil sawi atum lai tak chuan, tlangval pakhat hi arawn lang hlawl a. Inthlahrun hmel tak hian, "aah sir nakinah ka rawn kal leh mai ang" tih paha chhuah leh mai a tum chu keiin remchangah ka lo la a. "Angailo, ka chhuak dawn chiah a" tih pahin ka chhuahsan nal nal.

Dawr chhung ka luh chuan min lo en hrek hrek in ka hria.

"Remruat i haw dawn mi ?" Alice-i chu inthlakna room a rawn lutin arawn ti a.

"Aw vawiin chu ka pa thlan tlawh te ka duh a, chuan zanah ka rawn riak dawn ania aw" ka tih chuan, khawngaih hmel fe hian min han en a.

"In inhau ami ?"

"Tu nen maw ?"

"Simona nen"

"I ho e a, kan inngaih ngailo zawk alawm" nui chung chuan ka ti mai a.

"Remruat i hmel atangin a hriat vek theih ania aw"

"Engtin nge ka hmel chu a awm a ?"

"Kha engtin emaw, awi ka sawithiam lo. I hlim loh hmel ani tawp" a rawn ti bah deuh niai a.

"Chu sawi oawh a sawi chhuah theihloh chu ka tha tihna nimai lawm" nui vak vak chung chuan ka ti a.

"Nuih luih kher pawh angai lo. Ka haw ve nghal daih dawn mawni le" a rawn ti a.

"Kal rawh, duh duh hunah a haw tawp theih loh. Kei chu ka dil a, va dil ve rawh" tih pah chuan ka kal a.

____________________________

Ka pa thlana hmeichhe lo thu ka hmuh vang chuan mak ka tih deuh vangin ka va pawh mai ngam lova.

Rei ngial ka nghah hnu pawh chuan a la awm reng . Tim deuh tak chuan ka panthla a.

"Ka pi" a hriat loh vang chuan ka'n au leh a. Ka ti phu nge ni, a rawn hawi phawk deuh hra a. A tap nge ni a bui deuh lak a, arawn hawi thut nen Keimah zawk chuan ka hlau tep ani.

"Aw enge ni mami" a rawn ti tham deuh chhal a.

"Aaa... Ka pa thlan ania. Nichin atang khan ka nghak che a, mahse ilo chho thei mai bawk silo a" ka tih chuan mak tih hmel taka meng hian, "I pa thlan maw !?" A rawn ti a. Thlan ahai anih ka ring.

"Aw ni e" ka ti leh chuan, "Urintluanga fanu ini tak tak maw mami ?" A rawn ti chhuak leh tiau a,

"Aw,, ahhh...." Sawi pawh ka sawi zo hman lo. "awi ka naute" tih vawng vawng pah chuan a rawn tap mai a. Sawi tur leh awmdan tur pawh ka hrelo, ka ding ngawi tawp a.

Rei ngial a'n tah leh hnu chuan a bang ta hram a. Thlan lungah chuan kan thu a, a la inhnit leh faih thin.

Kan ngawih reng lai chuan, "i nu adam tha em ?" A rawn ti hlawl a.

Ka en deuh vang vang hnu ah bah deuh nak hian, "a aw dam, dam tha e" ka ti nuai a.

"Ka hmuh lohna rei tawh khawp mai" keimah min bia pawh a ang lo. Chutah ka lam rawn hawi leh in, "Fanu anei hmeltha hle mai che, min chhun tak mai ka ti" a rawn ti nui vur vur a. Ka hrethiam lo lutuk chuan.

"Eng nge awmzia, tunge inih a ?" Ka ti a.

"Keimah ka lo insawi chuan i nu'n min huat belhchhah ang, kha hei la rawh. I nu i pe dawn ania" tih pahin card pakhat hi min pe a. Business card ani dawn emaw ka tia, ani miah lo.

"Mangtha phawt, a rem chuan nakinah kan la inhmu leh dawn ania" tih paha tho chhuak in akal zui a. "Mangtha phawt le" tih pah chuan ka vei liam ve bawk a.

Ahnu rei vak lovah chuan keipawh ka haw ve daih a, ka nu zawh chian ka chak em vang chuan ka pa thlan pawh chuan ka rilru ala thei tawh lo.

___________________

"Nu" choka ah chuan ka ti lut a, Pu Muana leh Simona nen chuan min lo en rual thawt.

"Eng nge bawihte ?" Ka nu in arawn tih chuan Simona chu ka'n en deuh ren rawn phawt a, chik fe mai hian min lo en ve bawk a. Alo haw chiah anih hmel.

"Inbe lawk ang.... Room ah" ka tih chuan. Hlauhthawn hmel tak hian, "thil thleng a awm em ni bawihte ?" A ti a. Ka lu thing mat mat chung hian, "aih a dang zawk ania" ka tih chuan thaw deuh huai hian, "lo va kal rawh, hei ka zo lawk nga ka rawn kal dawn nia" ati a. Room lamah ka phei nghal vat.

Simona'n min zui ni a ka hriat avang chuan ka tlan ti tih a, mahse room ka thlen hma chuan min nangchin hman tho. Puan sukna pindan ah chuan min nam lut rawk rawk a. Keiin a hmai zawn velah chuan ka kut ka pawngpaw vei tawp.

"A tawk" tih pah chuan ka kut pahnih chu a man bet a.

"Vawiin ah khan khawiah i kal ?" Aww ka kalna ah a lo buai leh kha ka ring reng ah.

"Ka kalna hi i hre zel duh anih chuan ka taksa ah hian eng chip emaw dah ve rawh" kalsawn teh" tih pah chuan ka ban chu ka pawt thla hlawk a. Nek deuh chawrh in ka chhuak daih.

Room ka luh chuan ka nu alo awm a, "khawnge i awm daih a, ka hmu silo che a"

"Puan suk tur a awm leh awm loh ka en leh vel mai mai mawle"

"Enge ni i sawi tur chu ?" Ka nu chuan ati vat a.

"Hei" tih pahin card chu ka pe a. A en chuan atum nghal deuh hmuk mai.

"Vawiinah ka pa thlan ah ka kal a, hmeichhe pakhat hi alo awm a, chunu chuan hei hi pe rawh min ti che a"

"Anih eng nge adang asawi ?"

"Amah ka chhun thu asawi a" ka nu chu a meng bial kawk mai. "Thil dang sawi ala nei em ?" A ti leh a.

"Aih, tunge anih ka zawh khan, "i nu'n nun huat belh palh ang atia" ka tih chuan, aw i hmuh leh pawn be tawh suh ang che" ati bung hmuk a.

ZAWMNA [Laklawh deuhin tah hian ka lo sawi mai aw, zan tlai tak tak a ka dah chung pawha min lo chhiarsak ve hram hram tute in chungah ka lawm em em a, chuan Ciara link min lo comment sak ziah tu chungah pawh khan lawmthu ka sawi a. Mahse thil pakhat, nizan khan comments ka dawng miah lova, nuam lo ka ti ru veng veng, lehkha ka zir khanglang vang khan ka tlai a. A hmasa lamah ka regu tawh loh vang khan tun tum chu zan reiah pawh ka rawn dah hram hram a. Comment a han fak duah pawh ka phut lo, emoji ang chauh te pawh a pawilo. In comments hrim hrim khan ziah ka phur ve phaha, khawngaihin comments kha min lo tihsak hram ru aw]

"I hmelhriat ami nu ?"

"Nilo" ati leh hmuk ringawt a. Mahse a awmdan ah hian a hmelhriat chu ani chiang alawm.

Engmah zawt zui lo chuan ka *um aw e* tawp a. Choka lamah aphei leh nal nal.

______________________

"Aw ka lo thleng tep" lehlam ami chuan ahriat phak loh hlau niawm takin ka ti lang lang a. Taxi driver chu hmanhmawh turin ka hrilh mawlh mawlh bawk a. Ninawm, rawn thleng tawh tho chu haw ve vang vang nghal mai se atha tur nia.

"Ka lo thleng, khawnge i awm a ?"

"I sir lam kha rawn hawi rawh" atih chuan ka hawi vat a, nui ver ver in ban alo vai a.

A bula car atang chuan Puii leh Simona an rawn chhuak a. Hah..... He khawvel inthen ah hian an inthen ber awm e. An lo awm ve kher vang chuan ka peihlo hmel chu phûr felhran hian ka thlak a, Sawmzuala chu nui ver ver in ka pan phei a.

"Hey" Simon chu ka en duh lo a, ani erawh in min en tih ka hre thei.

"i rei ka ti" tih pah chuan min kuah a, pawi ka ti hran lo, mahse ka hmuia arawn fawp zauh kher chu ka duhlo hle ni.

Ka sam chu chulin min en vang vang a, a hlim hmel hliah hliah. Mahse amah ah hian ka ngampa lo tlat tawh, achhan chu dawt min hrilh tih kha ka hrechhuak miau ani.

"Kan kal hmasa ang, in duh hunah rawn haw ve mai ru" tih pahin Simon chu akal nulh a, Puii chuan a awmzui vat bawk.

"Kal ang le, thil tha deuh ka rawn hawn che nia" ka kutah chuan kaiin a car awmna lam chu min pan pui a.

Car khalh reng chung chuan akut lehlam chuan ka kut chu avuan tlat a, a chang leh ka kut chu afawp leh thin a, nui vur vur hian min rawn en leh thin a. Ka nuih veleh tawp zel.

Simona te pahnih chu ka rilru ah an rawn lang zawk a, Simon khan a tihfel tawh thu min hrilh kha ania. Puii'n an inthen tih min hrilh leh chiah a. Thian angin an in en ka tih dawn chuan, chutiang ani thei bawk silo.

A hma kha chuan hetiang ang hi thleng se tih khan ka ngaihtuah thin a, mahse alo thlen chuan keimah zawk hi ka buai ti tih mai si. Ka chhungril tak atanga ka sawi dawn chuan phat theih miah loin Simona ah hian ka tang tan a.

Chuthil azual zel loh nan chuan tun dinhmun hi atha vel viau mai, mahse chu chu tun atana ka thil duh chu ani ta ber bawk silo a. Min ti hah!

"Remruat!" Ka hawi deuh zawk a.

"Aw, eng nge ?" Sawmzuala thutna lam ka va en a, alo awm tawh lo. "Bawihte, lo chhuak la" ka thutna lam khawngkhar hawng chuan alo ding reng tawh alo ni.

"Oh!" Nuih deuh pah chuan ka chhuak a.

"Eng nge i ngaihtuah" tih pah chuan akut chu ka vawn theih turin arawn phar a. "Eng nilo e" tih pah chuan ka kai a.

"Hetah hian tinge kan kal a ?" Kan hmaa thawmhnaw dawr lian ang reng tak chu ka en a.

"Zanin ah... Zanin ah lawm tur kan nei a, chutah kan hak tur kan lei dawn"

"Eng lawm tur maw ?"

"Tih teh, min hnial lo khan lut rawh" tih pah chuan amah chuan min kai lut a.

Mi tam vak lo hi an awm a, nula pakhat hi kan bulah lo ding in, "Sir helamah" tih pahin kalna tur chu min kawhhmuh a.

"Khatiang kha ka ha dawn lo"

"Bawihte amawi em hi ?"

"Nilo nilo, taksa alang tam lutuk" ka hmel chu ka ner nang nang a. Kawrfual panga vel chu pack tur chuan ati a.

"Le min thlan sak ve rawh le" tih pah chuan mipa thawmhnaw ho chu an rawn nawr a.

"Sawmzual thil...." A phone rawn rik avang chuan be turin a kalsawn leh rih a. A phone biak chhung chuan ka thil hrilh dan tur chu ka ingaihtuah a, ka sawi tlang tawp ang nge, pehhel deuh hlekin ka sawi ang. Sawi tawp kha chuan anuam bawk silo, ama tan leh ka tan pawh. Hrilh loh tawp lah chu ani bawk silo.

"Bawihte, kan kal mai dawn mi? Hna hmanhmawhthlak deuh tih ngai ka nei thut a" a tih chuan ka bu nghut a, kan chhuak zui nghal.

___________________________

Vai hla sak pah chuan kan room lam chu ka pan phei rat rat a. Puan sukna pindan zawn ka thlen chuan kawngkhar chu rawn inhawng thutin min hnuk lut nghal a, tal chu sawi loh te pawh ka te hman lo.

Kawngkhar ah chuan min nawr bet a, ka kut chu hnehsawh zetin ka lu chungah chuan a man kawp a min fawp nghal tawn tawn.

A ni teh thut lutuk a, ka hamhaih bawk nen ka buai vek. Ka chhanglet loh vang nge, inla hrang hlekin min en a, en pawh ka en be peih lo.

Dam deuh zawk leh ngen ngawl zet chuan min rawn fawp leh a, engtin mah ka la awm chuang lo.

"Tinge engtin mah i awm veloh a ?" A rawn ti sup a. Ka chhang lo a, en pawh ka la en chuang lo.

Kawngkhar chu a chum ri bur a, ka phu zuk.

"Remruatsang!" A rawn ti thawt a. A phu zuk tih bak chu engtin mah chuan ka la awmlo fo a.

Beidawn hmel zet a ka dara alu rawn nghah pah hian, "tiang hian awm lo teh, ka hlat a i awm hian hreawm ka ti nia" arawn ti a.

A dar tawn tawn a, vuanin ka nawr sawn a.

"Khawngaih takin hetiang hian awmlo zawk teh" ka ti thlawt.

Mak tih hmel zet chuan min en a, "eng nge awmzia ?" A rawn ti a.

Nui ro deuh hak hian, "Min bawl kual vel hi bansan rawh, i hnuaia thawk chu ni mah ila mihring ka ni ve a, thinlung, rilru leh chapona nei ve tho ka ni. Chuvangin khawngaih takin min tibuai tawh suh" ka ti a.

"Ti hian ti suh, eng chu nge i buaina ni a ?" A rawn ti deuh hrawk a.

"Kei nilo nang hi ibuai anih hi. Chhan awm loin ka lakah i thinrim a, Puii nen a in inkar i chingfel tawh thu isawi a....."

"Ni e, ama kâ atang ngei pawn i hriat kha. Eng chu nge i buaina la ni a ?" ka sawi zawh hma chuan arawn ti a.

"Ni e, Puii pawn asawi ngei. Mahse ka dinhmun hniam sa chu ti hniam zualin min hrilh ni khan nang nen inkal dun leh a. Eng thu mah pawh sawipui theih loh khawpin min thinrim khum a, ka rilru tur te hi ngaihtuah ve ta che. Chuti chung chuan ka thiamlo leh tho maw ?" Ka'n ti sak sak a.

A lu thing mat mat hian, "i thiamloh ani. Chhan awmlo in thinrim min ti a, mahse eng nge ka thinrim chhan. Puii nena kan chhuah dun ni khan ithil tih kha ka hrelo emaw iti mi ?. Sawmzuala nena in inbiakna te kha ka hre vek asin. Ka theihtawp in ka ngaihsak che a, ka thinchhia ka hria, mahse i lakah chuan ka insum hram hram thin. Ka hmangaih em che vangin. Mahse kei nilo in amah kha ibia a, a hnathawk rawn haw tir thei tur khawpin i zèm â a. Kei leh ani, nang zawk hian ani min fiam kual chu" Arawn ti tuar tuar a.

A thusawi vang chuan ka thawk ka ip tlat zuk nia. "Aw, tikhan kan tawp ni rawh se" ka sawichhuak thei chang chang.

"Khawiah mah ikal dawn lo" tih pahin ka kawngkhar hawn tawh sa chu arawn nam khar leh thawt a. Ka phuk zuk rualin ka biang alum thla pap. "Tap suh, kha i mittui kha dah bo rawh" a rawn ti leh tuar a. Ka mittui chu ka biangah a luangthla zung zung a. Ka hmaa ding mipa hi ka hlau ani tawp.

"Ka naute tap suh" tih pah chuan ka mittui te chu arawn hru a. Ka biang, ka mit, ka hnar, ka chal ah te chuan min fawp a, ka mittui te pawh chuang min tawm im san vek niin ka hria.

"Tap suh bawihte, ka tihpalh anih kha" tiin ka biang chu a chual hauh hauh a. Ka hmuiah bawk chuan dim zetin arawn fawp leha, "i hmui ti che rawh bawihte" atih chuan ka ti che lo ngam lo. Tuilo zetin chuan ka fawp ve mial mial a. Ani lah chuan ka mittui tla te chu a ngaipawimawh eih lo, min fawp uar telh telh a.