BETWEEN US CH-8

||BETWEEN US CH-8|| BY RAMDINI JAHAU||

||REMRUATSANGI POV.|| [A tawi over 🤧]

Thla a a liam a, tih luihna tak meuhin ti ang, ti luihna hmangin Simona bialnu ka ni ringawt a, a fair hi ka ti hlawl lo.

Pathian hian vantirhkoh hi min la tur in rawn tir se, a nung chung te hian min la se. Mizo zingah anung chunga vantirhkoh lak awmchhun ka ni mai tur tih te chu ka ngaihtuahna leh ka duhthusam ania, ho ve vet vet tak ani.

Mahse a thu ka awih chuan min care a, a thu ka awih vak loh pawn min care tho a, panchang ve viau tawh a awl. A chang chuan keimah ah hian a rilru ape tak tak emaw ni le ? Tih chang te ka nei a. Mahse ani chu mi awmthei chhungkua, duh duh nei thei ani a, ani ang in kei min duh tak tak hi ka ring leh thei thlawt bawk silo.

Mi hausa fate hi chuan a tlangpuiin thil hrang hrang hi an lawm a, nula pawh a ngai reng ai chuan pahnih pathum han kawp chu an duh ngei ang, ani pawh hi chutiang chu ani nga, a rei deuh hunah min ning ang a, a pangngai leh mai ang tiin ka inhnem leh tawp zel a. Mahse chumi hma chuan keimah zawk hi ka talbuai ka hlau tawh.

________________________

"REMRUATSANG!" rawn tih hrawktu chu ning zeta en in, "ENGEEEE!" kan ti pawr let vak a.

"Engvangin ve ka phone i lak loh ?"

"Enge thleng ?" Pu Muana chuan kan thawm alo hria niawm takin hmanhmawh takin arawn tlan a. "Engmah nilo, Remruati hi biak lawk ka duh a" tih pah chuan ka banah manin min kai dawr dawr a, kan room lam chu min pan pui ta mai. Ka nu kha! Nichin khan thawmthaw thlep tha khan alut bawk sia.

"Lawk lawk lawk lawk" aban chu ka vaithla a, a hmaah chuan ka va ding a, "eng nge ?" alo ti puam tut a.

"Ihh i... I room ah inbe mai ang"

"Engvangin maw ?"

"Kan room chu ka...

"Mipa i thukru anih kha" arawn ti bung nghut a. Awii ava han mak daih daih tak. Thutak zetin min la melh zui a.

"A awihawm loh emaiiii, khawia....."

"Ka awih chuang lo" ti puam tut chung chuan ka darah vuanin min vai sawn hlawk a, room lam apan nul nul.

"Khawimaw kal teh, i room ah inbia ang ka tih chu" a kawngka hawng tur chu ka dang ve tawk tawk a. Ani hetia a thlamuan em em chhan chu anu te an awm miau lova, mahse kei ka nu a awm tlat bawk si.

"Chha... Anih chuan min fawp phawt rawh" kawngkhar ah chuan a inbengkhalh a, min melh chhuk run lehnghal.

A nghawngah chuan ka ban rawlh chho in kan han fawp zauh va. Hmel nur nanga min melh hian, "hmmm, kha chauh kha maw ?" Arawn ti.

"Aw, kalsawn tawh teh"

"Aih ala tawk lo reng reng" tih pah chuan ka bek ah rawn vuanin amah zawk chuan min rawn fawp a. "Heyy, imm" tih pah chuan ka nam ve tak na a, awmzia awm lo. A ai na chuan min fawp in, ka kawngah vuanin min chawi lawp a. Rak deuh that in, a kawngah chuan ka bawp ka kherh nghal vat a. A nui suk a, min rawn fawp leh in kawngka chu ahawng ta mai. Min pawm chung chuan a lut a

Ka meng phawk vak a, ka nu lo awm ka rin vangin ka zak leh hlau bawk si chu a awmah chuan ka hmai ka thuk ru nghal a.

Ka rilru ah chuan ka nu in engtin nge min tih ang, min hau nasa dawn lutuk. Simona nu te a hrilh angem ? Tih te chu ka ngaihtuah a. Ka sa vek theiin ka hria.

"Tumah pawh an awm loh hi ?" Simon chuan arawn ti thum dut a.

Mak ti zeta hawi chhuak in, "ahh, an awmlo tak tak" tih pah chuan tal thlak ka tum a. Alo phal inkhaw lo.

"Khaw maw min dahthla teh, a lum si" ka'n ti daih a.

Min dahthla lemlo chuan khumah chuan min thutpui a, "tumah an awm silo a, tinge luh kha i hlauh viau a ?" A rawn ti a.

"Awwwww, ka nu a awm emaw ka tia lawm"

"Umm ka ngai che" tih pah chuan ka darah chuan a lu chu arawn nawr a. Engtin mah ka tih loh vang chuan, "maw ka ngai che ka tih chu" a rawn ti leh a.

"Chuang eng nge ?" Ka lo ti liam puat a, sawitur dang hre miau hek lo. Ka zam chhe lutuk chu ka sen tûk ania ka rin ni.

Nui suk hian min rawn en a, "ka call i chhang lo a" a rawn ti a.

"Hmm hmmh" tih pahin ka chhuk a, pawhdawha ka phone a vawmchhiat ka dah chu va la in amah chu ka pe a. "Engtin nge ka lak ang ?" Ka tih chuan. A lei chhuah tut hian, "Sorry, naktuk ah athar kan lei dawn ni" a rawn ti a.

"I lei pawh angailo, i duh a i vawm chhia lawm. Keiman ka lei mai ang. Thikthu chhe hler hlur si" tih pahin phone chhia bawk chu la in ka lal tau sawk sawk a.

Ka hnung lam atanga min rawn kuahin, "Tinge i duhawm em em a" a rawn ti a.

A naka nghawk sawk hian, "kal teh" ka ti a.

A nak chu na tih hmel tawk hian, a dawm a. Ka'n en leh vat a. "Ana viau mi ?" Ka tih chuan nui vur vur hian, "ka tihder che nih kha" tih pahin ka nghawnga manin ka nghawng chu na tawkin arawn fawp a ka rak that.

Chutih rual chiah chuan, pawn lam atang chuan. "Remruat, bawihte" ti paha ka nu rawn kal thawm chu kan hria a. Rang mangkhengin Simon chu bathroom lamah chuan ka nawr lut a, kawngkhar ka khar chiah tih ah ka nu arawn lut a. "Tinge i au vak a ?" A rawn tih chuan.

"Chuk... Chukchu ka hmu a" ka ti vat a. Bathroom khawngkhar bulah chuan ka ding ran bawk a.

"Khawiah i that tawh mi? Bathroom ah khawm maw ?" Tih pahin Bathroom a luh chu a tum a.

"Nu nu nu, ka that tawh" tih ruai pahin ka dang a. Min ringhlelh hmel tawk hian min melh a.

"Ka that tawh lawm nu, rawng i bawl tawh mi? Lo kal rawh ka bawlpui ang che" tih pah chuan ka kaichhuak a. Tlem a tlem ah min man lo chauh ani. Mipa ka thuru te khan a ngai vel a, amah zawk hi thuhruk ngai chu ani reng zawk hi a.

»»————><————««<————««»»————>

"Saw alo kal" Alice-in a rawn tih chuan ka en phei ve vut a. Puii lo lut mek chu ka hmu. Alice-i lam ka hawi leh chuan alo kalsan daih.

Min rawn nuih vur vur a, "Hey, hmu tur che in ka lo kal a. Hun tlem chu inei thei ang tiraw ?" A rawn ti a. Ka lu ka bu zauh.

______________________

"Sawmzuala'n nen intha vak lo em ni ?" Ka rinloh lam te daih arawn sawi vang chuan ka en kawk a, mahse ka insiamtha lehnghal.

"That loh pawh a awm lo"

"Ka call achhang duhlo ati che a"

"Chhang duhlo pawh nilo, hmanni deuh ah ka phone ka tichhe palh a"

"Oo,,, a nih tak chu. A awm loh hlan hian mipa dang ilo kawp san mai emaw ka lo ti hman dawn zawk a" ka mita en chung chuan arawn ti a. Ala nui sawng zui. Ka chhang lo.

"Chuan, I phone chu a thar ilei tawh nge ?"

"Aih" ka ti tawi tap.

"A zia lo e, ka leisak ang che ka tih chuan iduh dawn silo a, ka pawisa i puk duh em ?" A tawngkam chhuahdan chu pangngai viau mahse ahmel nen erawh a in support lo hle.

"A ngai lo e, i sawitur i sawi zawh tawh chuan hna ka la ngah sia" tih pah chuan ka tho a.

"Simon nen kan inthen a" a rawn ti a.

"Aw ava zia lo. Mahse ka tan eng nge a tangkaina ?"

"Tangkai hran lo e, ka hrilh ve mai mai che, thian inkarah chuan thuruk a awm tur anilo ani lawm ni ?" A ti a, ka enkar ringawt.

"Babe" Simon aw ngei chuan arawn ti a, min ko ngei a, mahse ka bula mi hi arawn ngaihtuah pha lo. Puii chuan, "My dear" tih pahin a biang ah chuan a fawp a. Aban ah chuan akai zui a. Simon chuan engtinmah a tilo. Keimah zawk chi min melh khui khui a. An pahnih chuan an kal daih. Eng nge kha kha? An inthen thu a sawi kha chuan mak ma ti lo a. Mahse an inthen thu asawi hnu a an infawp leh vel kha chu ka hrethiam thei thak lo.

Ka en zui a, Simona kha chhan awmloin athinrim ringawt a. An pahnih kaldun lah chu k la thik tehhrep zui emaw ni.