BETWEEN US CH-7

BETWEEN US || CH-7 BY RAMDINI JAHAU ||

Ka phone rawn rik vang chuan kan hrang nghal hlawk a, Simon chu phun zui hlukin khum mawng lama ka phone chu min rawn pe chho a, ka en chuan Sawmzuala ani. Oh.... Sawmzuala hi ka theihghilh daih ni.

'Tunge' ti niawm hrima min en ngur tu chu ka melh zawk zawk a, 'ka nu' tia phun sep in khum atang chuan ka tho zui nghal a.

"Ka ngaithla" ka benga phone ka nawr beh rual chuan ka ti nghal tawng a, khuma thu pa in min en ngur avangin ka tawng ring ngam lo.

"I va tawng zawi ve, i tha em ?" Lehlam ami chuan arawn tinghal zat a.

"Ka tha, hna kan ngah deuh a" ka ti leh a. Ka tawng dan chu abul tha hmuk hmuk viau.

Lehlam ami erawh chuan ka sawi nena inmil lo zetin, "ka ngai che" hahdam hmel zet chuan arawn ti a. Simon chu ka va en zawk a, min lo enchian em avang chuan ka hawisawn lehnghal.

"Umm" ka ti teh deuh tawp a, abak han sawi vak tur ka hrelo. Lehlamah chuan ka inthiam lo, kawplai nei rengin heti hian ka lo awm vel ania... Oh... Ka awm khawlo ka tihna pawh ani chuang miah lo nia.

Ka chhan dan vanga lawmlo tih hriat zetin lehlam ami chuan "bawihte, ka ngai che ka tih chu" âw pangchang tak chuan arawn ti a.

"Aaahh....nia keipawn. Hna kan ngah deuh hlek a" kan hnah ngah thu bawk chu kan sawi nawn leh a.

"Umm, inbuai viau ani ngei ang. Zan lamah ka rawn be leh ang che" asawi zawh rual rual chuan phone chu a in cut nghal a, chutia atih leh thut si vang chuan ka phone chu ka en haw.

"Enge arawn sawi" khum ami in arawn tih chuan ka hawi phei a, khuma thingthi chungin min lo melh kal mai.

Ka kal hnaia ahmaah chuan kut hma suihin ka ding a, "aaa... Kan haw thei tawh ngem ?" Ka ti deuh sap a. A lu arawn bu nghut.

A office atanga ka chhuak tur chu ka banah min man leh a, ka en haw.

"Aa... Kan haw rual dawn em ni ?" Arawn tih chuan melh nghekin, "i â em ni, âwm ang lo lutuk" ti nghekin aban chu ka thing thla a. Ka kal tur chu min koh leh vang chuan ka hawi let leh a.

"Hun min pe ang tiraw ?" Beisei mitmeng zet nen chuan min melh a.

"Aaa.... Simon, ka thei lo ang..." Ka ti dek dek a, apenkhat chu ka bul rawn thlen nan atawk viau. Min melh chhuk run chuan, "engvangin ?" Arawn ti nghut a. Kei ka lo thaw hak, a thinrim ringawt emaw ni!!

"I hriat angin kawplai nei ve ve kan nia, bakah pawn lamah ka boss inih angin inlamah pawh ka boss ini a. A remlo vel vek mai" ka ti hap a.

"Tunge i kawppui chu ?" Arawn ti bul nghut a, en haw chung chuan, "Sawmzuala" ka ti leh a.

Thinrim hmel taka hawi vawl vawl chuan, "tunge ani nen chuan in inkawp tih hrilh reng reng che a ?" A rawn ti vin tuar a, ka rinloh deuha arawn vîn vak vang chuan ka eu dawrh.

"Aah aaa ... Ka kal tawh mai ang" ti chuan ka inher a, engmah pawh ka hmu hmanlo, amah hmachhawn zawng chuan min her let rang lutuk.

Ka dar tawn tawn a min vuan chuan min thing deuh nawk a, "tha taka ka zawh lai che hian sawi ve mai thin rawh" arawn ti leh thak a,ka ip chawih thei. Ka ngainatna tur ang zawng zawng kha vawmbo ang diakin abo fai lehnghal vek.

"Sawmzuala'n min...."

"A sawi a i awih mai mi ?" A rawn ti leh a. Ka dawhtheihna in tlin tawh lo. "Aw, eng vangin nge ka awihlo ang ?" Ka ti let ve ta vak a.

"Achhan chu dawt anih vang mawle, nang leh ani kha in inkawp reng reng lo" arawn ti leh a.

Ka dar avawnna chu vai thla hnawk in, "nang hi i â zawk em ni ?" Ka ti vak a. Kan thawm chu aring tha viau mai.

Ka dara min thing deuh nawk nawk chuan, "eng dawt nge a hrilh che ka pawisa lo. Mahse ka ta tho ini, ani phiangsen khan neih tum eng ang che se mahse ka ta tho ini" arawn ti deuh tuar a. Kan infawh avang mai khan ata, a duh duh a atih kawi tur emaw min ti nghal ngawt emaw ni..!!

A vawihnih nana a kut chu vai thla lehin a hmaiah chuan ka beng leh a, "i harh chiang tawh em ? I ta ka nilo...." Min rawn melh na vang chuan sawi zawm theilo in ka ding ip chawih a. Thinrim inhrosa thaw kawk kawk ang mai hian a awm a. Ka benna kha a lana viau tihna em ni ?

Na zetin ka darah chuan arawn man leh a, ahma ai nasa min thing a, tal chhuah tumin ka theihtawpin amah chu ka nam ve tang tang bawk a; "nang hi inih hi thluak buai zawk chu, ngaihtuah rawh. Sawmzuala'n akawppui lem tura a asawmna te kha" arawn ti deuh tuar tuar chuan ka ni deuh bulh a, ka khaw hmuh te chu a phe vek a, Simona pawh chu ka hmuchiang mang lo.

Ka thluakah chuan thil arawn inlar zut zut a. Sawmzuala nena kan inbiak dan, a kawppui lem anga awm tura min ngenna te chu ka hrechhuak uar uar a. Mahse ka la hmuh ngai miahlo mi te thlengin ka hmu tel a, thawk lehkhatah an bo leh duak.

Ka pai deuh nawk a, Simon chuan âw dam deuh zawk hian, "i tha em ?" A rawn ti a. Ka melh nghal hrawk. Lungawihlohna leh thinrimna chuan min rawn tuam nghal ut ut a, a chhan berah chuan Sawmzuala dawt min hrilh tih ka hriatchhuaj bakah nichin mai khan engpawi mah sawilo niawm fahranin min rawn ve tlat ani. Huatna namen loin la haw nghal a, chuan ka hmaa ding mek pawh ka haw tel em em bawk.

"Min khawih suh" tih ram hmak pah chuan ka ding tha a, "i tha em ?" Tih paha min rawn khawih leh atum chuan ka ban vai vakin, "min khawih suh ka tih kha" ka ti vin tuar a, arawn phar uai tawh pawh chu atawp chat.

Thinrim em em in chulai hmun chu ka kalsan vang vang a, hna lam a let leh emaw in lama haw emaw pawh ka thluakah engmah a awmlo. Ka kal ngai chuan ka kal ngawt ngawt.

Ka ding thut a, ka awmna lai vel ka hawi kual chuan inlam ka pan ani tih ka hre thei. Sawmzuala biak ka ngai, ka'n indap rak rak a, ka phone ka ak reng emaw ka tih kha ka lo ak awzawng lo. In thleng vat ila Alice-i biak vat ka ngai. Sawmzuala chuan eng vanga dawt min hrilh nge anih ? Engmah hrelo pawh ni ila ka thiantha tak ani a, chutiang a dawt min hrilh mai chu ka hrethiam loin, awih harsa ka ti ni.

Khaw dur miah silo kha darkar pawh tling loah chhum chu arawn inlet but but a, ruah chu sur tum niawm in khawpui arawn ri nghal dur dur mai. In thlen nan kawi khat vel ala awm a, nidang a in leh dawr inkar hla ti em em si kha ka thinrim kawngkal meuh chuan a pal hnehsawh khawp mai. Ruah chuan min nan hman hlauin ka tlan a, khawpui chu arawn ti leh dur a, ruah arawn baw nghal hawk.

Chak thei ang ber chuan ka tlan a, gate ka luh dawn tep chuan tu emaw hian min kuai her nawk a, ka ban ahmer na lutuk chu ka ner sawj thei. Simona bak anih ka rinloh vangin en pawh en lo chuan ka thing thla hlawka, gate ah ka lut nghal.

Mahse ka va han cham rei lo chiang tak, ka hnung atang bawk chuan min pawt let lehnghalin ka kang nawlh a. Ka dul zawna aban insuih bet chu phelh tumin ka bei nghal ngar ngar a, ka ke ka leng chiam bawk.

A car dahna lamah chuan min pawm phei a, car ah chuan a hnawhin min hnawh lut ani ber. Kawngka arawn khar rual deuhthaw chuan chhuah tumin ka hawng lehnghal a, mahse ka chhuak hman leh ta chuang lo. Hepa han ran zia em em hi!!

A lam hawi zawnga min kuaih her chuan ka ban vai khum vak vak in ka ke chuan ka tlawh chiam bawk a. "Ngawi tawh rawh atawk" a rawn ti tuar rual chuan khawpui ri tuarin tek (trek⚡) tla in arawn zawm ve zat a. Ka tawp chiang kher mai.

Thaw hawk hawk a en chuan, "eng nge i duh ?" Ka ti a.

"Nangmah" arawn ti tawp a. Rum em em a melh chuan, "i mang ah pawh min nei lovang" ka ti fak a.

"Takzet che hian ah! Vawiin thil thlen hnu pawh khan ka lakah feelings i nei lo tih sawi tum suh".

"Vanneihthlak takin ka nei lo. Achhan chu ka hua che!!" Chiang zeta en chung chuan ka ti a.

Nui haka chal dawmin hmalam chu a en a, min rawn en leh in, "min huat nachhan tur inei em ni ?" nuihzat hmel tak chuan min rawn en a, chutianga a hmel aawm te chu ka haw ngawih ngawih vel vek mai ni.

"Nang hi mi lerh leh awm ngaihna hrelo, kawppui neih reng laia midang zar buai ching inih bakah dawt min hrilhtu thian hnaivai tak inih vang leh i engkim vang hian ka haw vel vek che" ka ti sak sak a. A nui lai chu tawp riai riai in thutak hmel zawk hian min rawn en a, "Sawmzuala dawt sawi ah khan engmah thiam lohna ka neilo min hmer tel suh, chuan ihria em, nupui neiin fà lo nei tawh pawh ni mah ila, keilo chu mipa dang in an nei dawn chuang lo che" a rawn ti a. A thusawi chuan amah chu an inti rapawm vek.

Rap zeta melh chuan, "mi tenawmpa, ka duh reng reng lo che" tih tuar pah chuan ham tum chuan ka ban ka vai nghal vuai a. Ka banah chuan mim manin min pawt hnai hrawk a, chiang zetin min en a; keipawn rum em em in ka en let ve kar.

"I duh emaw duhlo emaw, KA TA, KA TA, KA TA, HELAI A AWM THLENG HIAN KA TA!!" tih vin tuar pah chuan ka awm chu akut zungchal chuan arawn nawr deuh sawk sawk a.

Hmaichhanah inhnaih set sawt a sawi ani a, ka thawk atawp chawt thei. Khap fak fak in hlau em em chuan ka en a, "A chiang em ?" arawn tih leh tuar chuan ka lu chu ka bu nghat nghat a, ka biang chu alum thla nghal pap bawk a. Nichin a ka vin a, ka hlauh lohna te kha chu vawmbo ang diakin an bo nghal vek.

"Tap suh, Babe... Ka tihpalh, i tello chuan awm har ka ti tawh em a. Ka tihpalh bawihte" tih pah chuan a awmah chuan min kuah bet a, mahse amah ka hlauh lutuk na chuan thawk lak ati har vek a. Thawk ip tlat chuan ka tang deuh tung a chutia ka taksa awm chu a hrethiam ani chêk ang chu, ka darah min vuanin min nawr hla deuh a, "Engtin nge i awm, i tha em ?" A âw a amangang tih hriat zet chuan arawn ti a. Ka en tlawk tlawk ringawt.

"I tha em ka tih chu !?" Vìn zet chuan arawn ti a, ka mittui chu rawn baw nghal hawkin ka rum chhuak nghal a. A awmah chuan min kuah bet nghal hlun a, "Ka tihpalh, ka tihpalh" ati nghal mawlh mawlh a. "Ka tihpalh, ka thu ihnial a, i luhlul i chhuah hian ka lawm lo thin a" ka hnunga chul pahin ka chhipah te chuan min fawp a. Ruah lah chu ban tum loh hmel takin arawn sur nasa zuala, khawpui lah ari dur dur reng bawk, chutiang taka min ngaihsakna atih lan tawh chung pawh chuan ngaihngam takin ka tap theilo. A hriat hlau takin ka inhnit faih faih reng tho