BETWEEN US CH-4,5

 ||BETWEEN US|| CH-4 BY RAMDINI JAHAU||

||REMRUATSANGI POV.||

Sawmzuala chuan aphone rawn ri chu phun hlukin a kalsawn pui a.

"Tunlai hi intha vak lo mi ?" A liam veleh a Alice-i'n arawn ti nghal sa sa chuan mak ti zeta en in "Tu nen maw ?" Ka ti bawng rut a.

"Amak Sawmzuala nen"

"Eêêê.... Englo ania...." Hriatchhuah tum zeta ka ngaihtuah vang vang hnu pawn Sawmzuala nena inhauh chhan tur awm kan neih ka hre tlat lo "a awmzia pawh ka hrelo e ah !" Kan ti teh tawp a.

Min melh rawm rawm in "Remruatsang i chhul atha lo mi ? Tunge mahni ngaihzawngte nena inhauh leh hauhlo hrelo ngai" a rawn ti nang nang a. A thu rawn sawi vang chuan ka thil eilai chu ka hak thawt.

"I chiangkuang lo zawk mi? Sawmzuala nen kan inngaizawng thlawt lo" ka ti tuar a, thu awihawm loh lutuk arawn sawi vang chuan kan melh let veleh rawm rawm a.

"Nang hi...." Phawk zeta meng chung chuan ka ban leh ka hmai vel te chu a'n rawn en thuak thuak a. "I lu te hi ilo sawh khawlo ani lo maw ?" Ka lu thlek kual leh vut pah chuan ati a.

"Chhul thalo chu nangmah hi inih hi, mi damtha reng damloah min chhuah itum ringawt" tihpah chuan ka nam thu leh a. Sawmzuala pawh lo let veleh chiahin hmanhmawh zet chuan "Hna hmanhmawhthlak deuh a awm a, ka kalsan mai ang che u" a hmanhmawh ngang aniang kan chhan hma chuan akal zui nal nal a.

__________________

"Nu" ka nu chu a rawn hawi phawk nghal hra a.

"Bawihte, i va rawn haw tlai ve ? Vawiin hna eng nge a an ?" A rawn tinghal zung zung a.

"Nûûûû..." Ka ti leh vak chuan phu zuk hian min en phawk leh hra a. "Tinge Pu Tluanga ten fapa annei tih min hrilh loh ?" Lungawi loh vanga inthing deuh nar nar chuan ka ti a. Ka nu chuan ka thusawi chu ahrethiam chiahlo aniang min en haw ringawt a, chutah ka nu chu ka hnung lam en chuan anuisâng a. Ka'n en ve chuan Simon lek alo ni. Rang fahran chuan ka hawilet lehnghal a. Tinge maw ka che chhet chhiatlai hi a rawn nang fuh theih em em le...??

"Hei hi maw itih kha bawihte ?" Simona lam thlek zeuh pah chuan ka nu lah chuan ala rawn ti ta deuh deuh a. Ka hnung lam ke pen thawm rawn hnai zel lah chuan min ti chiai zo vek.

"Nu, Alice-i te inah ka riak dawn nia" tithla rawkin min chhan hman hma hma chuan inhera tlan nghal nal nal ka rual a. Ka nu in "Ding teh Remruat, mi ina riah ngawt atha lo" ti a arawn au zui lawm lawm pawh chu ka bengkhawn tawhlo. Gate ka chhuak tep tiah ka la tlubawkkhup thlawp zui a.

"I va la har ve" lehlam ami in phone alak rual chuan ka ti nghal tawng a, "eng nge... Tun ang zan rei rei ah ?" A rawn ti bak hlar.

"Mate pawn hi areh si, kawngka lo hawng vat teh" ka âw chu engtin emaw ka'n siam kual vel a.

"Remruatsang leh, tun angah eng nge i rawn tih dawn ?" Min ngaihtuahna âw tel deuh si, thinrim tel deuh bawk si chuan arawn ti a. A pen rik zui thlep thlep vang chuan arawn hawng dawn tih ka chiang nghal viau bawk a.

Kawngka arawn rik khak rual chuan phone chu ka dah a.

"Surprise"

"Tun angah an in surprise ngai mi ?" Alo ti bung nghut.

"Surprise chu engtik lai pawn a theih, khawmaw kalsawn teh kawng i dal" tihpah chuan ka neksawn a, adinna ngaia dingim chek hluk hian "i va han zaklo tak. Eng nge tun ang zan rei tawhah irawn tih dawn"

"Ka lo riak dawn a, zanrei pawh ala ni hleinem. Khawnge i û hi, a mu tawh mi ?" Ka pheikhawk phelh mawlh mawlh pahin ngaihsak lo zet chuan ka ti a.

"Zahna hi khawnge...."

"Hetah hian" tihpahin ka eitur ken ho chu kan lekkang a. "Z*wngi" tih paha rawn lut phei vein T.v a on nghal zat bawk a.

"La mu suh tho rawh" ka mutchhuak

lutuk thutthlenga mutthlak mai ka'n tum chu Alice-i chuan min pawt tawng tawng.

"Ka mut chhuak lutuk" ka tih pawh chuan "ala hma, khimi khi en zo leh phawt ang" ala ti tang tanga, thu mu deuh chuan meng mang lo chuan kan enpui leh rih a. Ka mut chhuak lutuk chu eng nge kan en ber pawh ka hre theilo.

"Hey.... I muhil suh" ka mit rawn keu pah chuan a rawn ti leh a. "Dar sawmpahnih arik tawh khi mu tawh ang" ka lo ti nawi niah niah a.

"Khi khi azo tep" ala rawn ti.

"Aw, anih chuan...." Ka kut vai vuai a ka sawi dawn lai takin ka phone chu a rawn ri a. Tun ang zan reiah tunge mawni le.

Mengmang lo chuan kan la tawp a, pawr fe hian "Mi â mi inih" ka ti ringawt a. Chu thu ka sawichhan ber a pawh chu ka hrechuang lo.

"Nangmah vangin ka â tep tawh chu anih hi" lehlam âw ri ka hriat chuan ka thungil nghal zawt. Alice-i chuan min rawn en vutin t.v lam a en lehnghal a. Lehlam ami tur awm ang chu rinsa nei tho mah ila "Tunge ?" Ka'n ti leh rih a.

Lehlam ami nui suk ri chu ka hre thei "I âw a danglam chak danah khan tunge ka nih chu i hai hauhlo tih ka hria nia" a ti thluama. Hrelo ang hmak chuan "Ka pu, min hai chhiava ani mai mai hi. Muttui le" tihpahin phone chu ka dahnghal hmak a. Simona ngei mai chu anih kha, tunang hunah eng vanga min rawn call nge maw anih le, engtin nge maw ka number te hi aneih theih reng reng ni. Ka thin lah chu chhan awm miahloin ala phu nasa em em zui.

"Tunge ?" Ka lam pawh en chuanglo chuan arawn ti a.

Simona hming type pah chuan "tumah ka ti liam puata"

"Tumah chu ani ang i harh nghal zawj kha, a number te kha i save lehnghal emaw ni" tihpahin ka phone chu arawn bih duk duk a, ka phone chu keng sawnin "T.v kha en mai mai rawh" ka lo ti hluk a.

"Ka hmu hman reng, Simona nih kha. Haw hle si nge a number te i save a ?" A thutdan ngaia thut pah chuan ati leha.

"Ka... Ka save chhan chu...." Sawi mai kan tuma A number ka save ngawt chhan kha ka hre hauh lo. "I haw tawp lo nih kha"

"Ka haw reng, ka save chhan te chu minlo call leh huna amah tih hriata ka lak loh theih nan lawm" ka ngaihtuahnaa awm hmasa ber chu ka phuchhuak tawp. Ka awihlo tih melha min melhin engmah sawi zuilo chuan t.v chu a en leh ta a. Keipawh kan thil eibang ho chu ka'n eitha leh a.

_______________

"Ehe, Remruati chu !" Alice-i û in ka zing tho min hmu thut chu arawn ti nghal hû a.

"Morning, nizan ka rawn kal khan ilo mu tawh a" ka ti ve mai a.

"Umm anih chu, thleng kha rawn inlak ve mai rawh" atih chuan thleng pakhat lain an chaw eina dawhkanah chuan ka thuthla nghal zat a.

"Thawphan takzeta chaw ei chu atui tehchiam lo khawp mai"

_____________

"Inthlah phawt iduh em ?" Cara ka luh chuan Sawmzuala chuan alo ti vat a.

"Aih, tihian apawilo. Engtin nge hetah ka awm tih ihriat a ?" Ka ti let thung.

"I nu in min hrilh a" a tih chuan ka bu nghat nghat a, ani pawh engine ti nungin a tlanchhuak zui ve nghal a.

Dawr kan thlen chuan Alice-i chu achhuak zui nghal nal nal a. Sawmzuala nen pawh kan chhuak zui a, "kan lawm lutuk ania" kan ti liam a.

"A hahthlak vaklo, kan thawhthawhna hmun a in ang reng a" ka hnung lam a en chuan ahmel nuisâng chu reh in ka kawnga chelhin min pawt hnai hrawk a. A awm a innemkhalhin ka enchho kiau a. Ka bianga rawn fawp hian "Tunlai hi i inla hrang riau mai" ati sep sep a. Hrethiam lo zetin ka kiau a.

"Come on, min ti hnual vek dawn. Zaninah double date neih kan nei dawn a, lo insiam la ka rawn lam ang che" a rawn ti leh lek phei chuan ka hawi â vek. Ka kawng min vawnna chu phelhin ka kut pahnih chu ala a, "ni hman nuam aw" tih pahin apahnih chuan afawp a, a office lam panin akal zui nghal a. A kallai chu tihngaihna hrelo zetin ka en liam thak.

Dawr chhung luh tuma ka inher chu dinglam office atanga Simona rawn chhuak mek nen kan intawk leh chiah a. Rum em em a min enin Sawmzuala office lamah atlang phei zuak.

Kei hi ka â tawh nilo maw ? Sawmzuala awmdan lah kha ka hrethiam ikhaw lo, Alice-i khan kan inngaizawng ang khan asawi a, kan inngaizawng tak tak emaw ni le. Mahse inngaizawng ni ila ka hre awm si a. Nula apum pa mahni ngaihzawngte hrelo nih ngawt thu awm bik bawk si lo. Aaaaa ka buai zo vek, ka chhul te hi atha lo tak tak aniang.

"Remruat" ka hnung lam atanga hmeichhe aw tliang tha zet maiin a min koh avang chuan ka inher let zawk a. Ka hmaah chuan hmeichhia, pian inkhaithli thazet mai leh hmelthat hmel tak, a makeup hman ina atilang chhia ani tih hriat reng reng hi nuisânga min en chung chuan a ding ran a.

"Aw.... Min hrethiam la kan inhre ngai em ni ?" Ka ti let ha a.

Nui hak hian "Remruati ini lo mi ?" arawn ti let daiha. "Ni e" ka lo ti ve nghut.

"Puii, Simon..."

"Hey Honey" Kan sir lam atanga Sawmzuala arawn tawng avang chuan ahawi vata keipawh chuti tho.

Sawmzuala ka bianga fawpin ka kawnga akut rawlh luh leh zat pah chuan ka hmaa hmeichhe ding chu "Puii inpa irawn veng dawn em ni ?" A ti a.

Ka en chuan abulah Simona alo ding ve kur. Anih chuan henu hi Simona bialnu tihna ani ngei ang, "anih ber dawn hi" tihpahin Puii chu anui var var a. Simona banah akuah tat bawk a. A ban neitupa lah chu min thah chak hmel tak hian min en ngur mai bawk a. Chutah Puii vek chuan "Sawma, Remruati hi...." A sawi zo hmanlo Sawmzuala chuan eng mitmei nge ahmuh ni angawi ta daih a.

"Kal tawh rawh u, a hnathawk inti buai" Sawmzuala zawk chuan arawn ti a. Simona chu a chhuak zui vut a, Puii chuan min nuih var var hian "Zaninah kan inhmu dawn nia" tihpahin Simona chu azui chhuak ve nghal a. Sawmzuala pawh chu akal zui ve mai bawk a.

Eng nge thleng ta neih nuaih hi ka hre lo. Sawmzuala ka ngaihzawng ani thut a, tunah Simona bialnu lah khan inhriatthang hmel takin min la be zui bawk nen. Kei hi engtiang chiahin nge hemi te ho nena inkungkaihna hi ka neih le ? Alice-i zawh ka ngai dawn anih hi.

"Alice, Alice"

"Eng nge ?"

"Lo kal teh, Sawmzuala nen khan kan inkawp tak tak em ni a ?" Kan ti thawr a.

"Umm" tih pahin alu abu nghat nghat.

"Kan inkawpna arei tawh em ?"

"Ka hre biklo, Dubai kan kal hnuah chiah khan insawichhuak a"

"Anih tinge, Simona te hi an tel ve daih theih a ?" Ka ti leh ha.

"Sawmzuala, Simona leh a bialnu kha thian annia, Sawmzuala nen in inkawp takah chuan an zingah khan i kal ve bek bek zel" kal bek bek an ti kher ah!.

"Anih chuan...." Sawi zawm tur kan ngaihtuah deuh vang vang a. "Remruati te pahnih kha inbe mai mai lovin hna thawk ru" kan manager in arawn tih teng chhuai chuan per nghal nawlhlin mahni hmazawnah kan kal nghal ve ve a.

Thil ka tih mawlh mawlh lai te chuan ka ngaihtuah leh thin a. A thlen dan hi ka hrethei thlawt lo, Simona leh Sawmzuala hi chu thian anni tih ka hria a, Simona chu boss sual tak ani ngei bawk a. Simona nena kan bo pawh kha ka hre ngei. Mahse Sawmzuala nena kan ngaihzawn dan leh Puii thleng thleng kha chu ka hre phak tawh lo. Engmah ka hrechhuak theilo chu ka tuitlakah khan ka puh ta tawp.

"Bawihte, khawiah maw inkal dawn a ?" Ka nu chuan min thlek dauh dauh pah chuan ati a.

"Sawmzuala nen kan leng dawn. Nu ka mawi em ?" Ka tih zawm nghal zat bawk a. "I mawi lutuk, mahse bawihte ngaihzawng inei tih min hrilh ngai miah lova" arawn ti a. "Nia nu, inhrilh hun kha kan neilo thei em a mahse hei tunah ihre tawh tho lawm tiraw" ka tih chuan alu chu abu nghut nghut a. Kan buaina tawh vel kha ka nu te kan hrilh lo hrim hrim a, tunah tak hi chuan ka ngaihzawng neih leh neihloh hi ka nu nen kan hriatdan a inrualkhat viau ang.

Sawmzuala rawn luh kher ka duhloh vang chuan gate bula nghah mai kha tha ka ti a. Ka nu bulah ka kal mai tur thu sawi chuan ka chhuak zui a. Simona room chu ka en a, a thim thuap mai. Thawk la hawkin ka kal zui a.

____________

Sawmzuala chuan a sana chu a bih deuh reng a, kan mi nghah te chu anrei ati ngang aniang. 'An rawn kal dawnlo anih hi' ti thlu tawpin eitur a chah zui a.

Thil kan ei mial mial lai chuan "Remruat tunlai hi i danglam riau ania" arawn ti sup a. Ka thil thial lai chu ka lem nghal kawk, engmah ka hriat loh thu hi hrilh atha ngem tih ka ngaihtuah nghal char char.

"Ah nia, ei zo phawt ila kan sawi dawn nia" ka ti ta tawp.

"Chuan sawi tawh rawh le" ka hnung atanga ka kawnga min rawn kuah pahin ka nghawng chu ahmui chuan anul thuak a, Ka lo thaw hak.

Amah en thei tur chuan ka inher a. Chil chu lem khawlhin ka sawi ta a, "englo nia... Kan chetsualn ah khan ka lu hi ka sawh diklo deuh nge ni, thil thleng mek hi awmzia ka hrelo" ka ti hap a.

"Honey, i sawi awmzia ka hrelo nia" dawhthei zet chuan arawn ti a.

"Ihh...Englo..... Kan inkawp chungchang vel te hi engmah ka hrelo. Ka hriattheih chinah chuan thian kannih thleng chauh kha nia" ka tih chuan arawn nui hawk a. Tawng atum chu tawng khalhin "Alice-i'n asawi khan amah kha a â emaw ka ti zawk a. Mahse Simona bialnu ina min hriat dan te kha mak ka tih bakah a tidik turin i awmdan hian alo zir ve bawk a" ka ti leh a.

"Honey, ila dam fel lo em ni ?" A rawn ti leh daih a. Mak ti zetin ka en.

"Ka sawi awmzia chu keini chu kan inkawpna arei tawh lawm, chuan naktuk hi kan anniversary ani nghe nghe bawk" a rawn tih chuan ka meng phar awn awn. Chutah nghet zeta min kuah chuan ka chhipah chuan afawp a, "ka duhtak, i damlo nasa takzet anih hi. Heng thil isawi chhuak vat hi ka lawm lutuk, nangmah hmangaih em em tu hi min theihnghilh hman tep anih hi" ka biang chu khuapin min nawr hla leh deuh a. "naktukah kan in entir dawn nia, min hnial mahla hnialna chu hnial thlak ani nghal" nuisk chuan ka hmuiah rawn fawp zauhin min kuah leh hlu hlu a.

Rei tawk fang kan lenhnu chuan min thlahhaw a, kan chanchin engkim ka zawh ang leh ka hriat tul atih ang ang chu min hrilh vek a. A thusawi chu a rinhlehawm viaua ka hriat loh vang chuan ka awih viau bawk.

"Lut phawt la" atih chuan mangtha mawlh mawlh in gate ah ka lut zui a. A tlan thawmin ri azui nghal zat bawk.

Kan room pan chuan ka zai rat rat a. Kan room ka thleng tep tih chuan Simona chu khawilai emaw ni tanga rawn chhuak nawlh hian ka bana min kaiin min kalpui hlawk hlawk a.

"Min thlah rawh, i â em ni ?" Tih pahin ka van a vawnna chu ka thingthla nawk a. Ka melh nghal rawm rawm bawk a, pik zeta thaw hrawk hian "khawnge in kal ?" A rawn ti chang bawl a.

"I hriat a tul nek love" tih pahin inhera

Kal mai kan tum chu ka banah bawk manin min pawt let leh nawk a. Ka ban chu ana zawk thei. Au rin chi ani tawh lo nen sehchilh nawk chuan min thlah turin ka ti a, ani lah chuan ka thusawi ngaipawimawh lo fe hian "inkal na sawi chu ahar viau em ni ?" Arawn ti leh fak a.

"Duh duhna ah kan kal...." Ka sawi zo hmanlo ka hmuiah chuan min rawn fawp thut a, ka tawp chawt. Ka namsawn dawrh a. Ka tunkhum leh ka nghawnvmg man kawp chuan min fawp leh a, namsawm leh dawrhin a biangah chuan ka beng ta thuai a.

______ZAWMNA_______

Thip em em a rawn hawi chhuak lehin min rawn pan vut a, tlanchhiat tuma ka inher chu penkhat pawh ka pen hman hma in ka banah bawk manin min kuai her leh sawk a.

"A fawh che kha chu I duh viau kha" thinrim aw chang rut a tihpahin min fawp leha, ka ban pahnih aman kawp a, ka tal hleihlthei lo. Thawklehkhatah ka ni deuh bulh a, tuipuia Simona'n min fawh lai chu ka hrechhuak thut a, hre let zelin Beacha kan kal vel te chu ka hrechhuak zawt zawt a.

Ka thah ka thlah deuh vang chuan min rawn fawp uar zualin ka kut aman behna chu ka kawngah arawn rawlh lut a. Kei erawh harh thutin rem leh remlo chuan a nâk ah chuan ka nghawk chawrh a. A hrang zui nghal dawrh. Melh rawm rawm chunga "tenawmpa" tiin ka kalsan zui a. Room luh dawna ka en leh chuan a awmna ngaiah a nâk dawm chung chuan min lo en reng a, leichhuah khum leh hramin ka lut zui a.

Ka nu chu akhumah chuan alo muhil bam tawh a, nilengin inchhung sekrek a khawihin ache buai char char a, puih theih ani silo nen achau viau ngei ang. Thawm dim takin ka nu ep chiaha khum ah chuan muangchangin ka lawn a. tawngtaiin puan chuan ka inkhuh tha a,muthilh tumin ka mit ka chhing zui mai a.

Darkar chanve vel ka mu tawh ang, mahse muthilh erawh a harsa lam hret ani. Ka nu mutna lam chu ka ena ani erawh ala mutyi ngang mai. Eng emaw ka ngaihtuah neuh neuh a, Dubai kan kal tirh a Sawmzuala nena inkawp anga kan lan te chu ka hrechhuak a, mahse tinge Sawmzuala khan ka bulah khan kan inkawp tak tak ang khan asawi kher le, mahse chu chu ka buaina ber pawh ani lo, ahma leh tuna Simona chet dan zawk chuan min tibuai. Chutah hrechhuak thutin ka hmui chu ka tuai nghal vak vak a, "tenawm lutuk, ngaihzawng anei reng a. Mipa lerh lutuk mai" tih pahin ka hmui chu ka tuai nawk nawk a. Ka nu chu arawn rum tiah tiah a, ka hawi nghal hra, a harh emaw ka ti hman tawh a mahse a inlet rem mai chauh alo ni.

Ka nu lam bawk chu ka en a, ka ngaihzawng neih alo hrelo viau pawh kha a áwm viau e, ngaihzawng nei miau lo kha chu inhriatsak ngaihna kha alo vang dawn em a. Kan buaina te hi hre ve ni ngat se chuan hnathawh chu sawiloh pawn tih sawi ringawt pawh hi min khap sak in nia ka rin ni.

_________________

"Tinge khatia i awm vak vak a ?" Kawng lam thlira ka ring ka fan uai uai chhan chu Alice-i chuan min rawn zawt a. Amah en zawk a kawnpui en leh pah chuan, "Sawmzuala rawn kal hun ka nghak" ka ti ve mai bawk a.

"Remruat a hrilh lo che mi ?" A rawn ti hû a,

"Eng chu maw ?" Tih pahin amah chu ka en a.

"Sawmzuala te chu azin daih lawm" a rawn ti heu mai.

"Ani maw, a zin dawn tih pawh min hrilh lo reng reng" ka ti chuai raih a.

"Keipawh min hrilh hranpa bik lo, tukin ah hmanhmawh tawka akal ka hmuh khan ka zawt a. A hrilh turah che ka ngai asin, ava ti awm ang lo ve" rawn ti ve niah niah in a thiltihlai chu azawm leh mial mial a. Ka iptea ka phone chu arawn ri ve chiah bawk a.

Ka lak hmanhma chuan atawp leh daih a, whatsapp message tone in arawn zawm zat a, ka en chuan Sawmzuala alo ni. Message pawh enlo chuan ka call back nghal a mahse switch off a inti tlat. Call nawn duh lovin message chu ka'n en a. Hna vanga azin daih thu leh a inthiamlohthu asawina hi alo ni. A phone a en hun huna ahmuh ah tiin reply tuma ka type lai tak chuan "Hnathawh laia phone khawih hi ka duhlo tih ka sawi tawh ani lawm ni ?" Ka hma zawna rawn ti fiak thak tu vang chuan ka phone chu ka thlauh a. Ka hawi chhuah chuan Simon chu ka hmaah alo ding run a.

Ka hmang reng pawh nihleilo, chutia ka hman ve apianga min rawn hmu ziah chu ka phone hman hun achang thin anih tepawh ka ring rum rum.

Phone chhar tuma ka kun lai tak chuan amah zawk chuan min rawn chhar khalh a, hawi kual paha "Helaiah hian movie an chhuah lo, in hna thawk rawh u" a tih fiak leh thak chuan midang hoin anhna thulh thak khawpin min en tih ka hre ve chiah.

"Chuan nang kha min rawn zui rawh" tihpahin ka phone pawh min pe lemlo chuan akal zui nul nul a. A awmdan chu awihlo zetin ka thaw hak ringawt.

Office kawngkhar chu ka kik karh karh a, chhunglam atang chuan rawn inhawng thutin min pawt lut nghal zawk a. Ka ban apawt na lutuk chu thing deuh nawk nawk hian "I â mi ?" Ka ti vin nghal thak a.

||BETWEEN US|| CH-5 BY RAMDINI JAHAU||

Pakhatpa lah chuan min melh khui khui a, a hmel nelawmloh lutuk chuan ka vin vak kha min inchhir tir zo vek.

Kawngka chu lockin ka lam hawi hian akawng dawmin ading deuh run a, chunglam hawiin athaw hak.

"Le, min hrilh rawh le" min en ngur chuan arawn ti ringawt a. Ka bo hu mai.

"I tluaka awm hmasa apiang hi i sawi hmasa thin mi ? Ka phone kha min pe rawh hna atam teh nia" ka ti let vak a.

"Zaidam taka ka zawh lai che hian sawi tha rawh, nizan khan khawiah nge inkal ?" A rawn ti leh a. Nizan Sawmzuala nena kan kalna chungchang alo la khel tih ka hrethiam chiah.

"Eng nge maw kan kalna pawh chu ilo hriat chak viau a, I pawisa chawia...."

Sawi pawh ka zawi zawh hma hma chuan vin zet a "I kâ hi adik zawng hian kal tir ve teh. In kalna chu sawi rawh" tihpahin bangah chuan min nembet rawk a. Chhan ngaihna pawh hrelo chuan hlauthawng leh hamhaih zetin ka en zum dâk ringawt.

Thaw hrawka inlahrang in "Lalpa leh.... In kalna sawi chu ahar viau mi ?" A rawn ti leh hluk a.

Keilah pek chuan "ka sawi kher angai mi ?" Ka la ti hram.

Beidawn tawh hmel tak hian ka hmai zawna akut pahnih phar meuh chuan "Aw, in kalna chu sawi rawh" a rawn ti leh a.

Chutiang em em hre duh chu chhàn loh chi ah pawh ka ngai tawh lo, "Dinner kan ei chhuak a chuan khawiah emaw ni min hruaia, chuan min rawn thla a; abak....."

"In kalna chu ihre thei lo em ni ? Engthil emaw hrilh che anei em ?" K sawi zawh hma hma chuan arawn ti leh a, ka lu ka thing deuh nawk nawk. A awmdan chuan min ti â zo vekin ka hria.

"Lo kal teh" tih pahin min pawt in a awmah chuan min kuah bet a. Awm dan tur pawh ka hrelo, a chetzia engkim chuan min ti hamhaih zo vek.

Ka samah chuan fawpin "mipa hnaih tawh suh ang che, abikin Sawmzuala ngat phei chu" arawn ti leh ringawt a. Ka chhan mai loh vang nge min kuah bet reng chung chuan "a chiang em" arawn ti a, ka la chhang chuang lo. Ka dar tawn tawn a vuanin min nawr hla hlek a, vin zet hian "A chiang em ka tih chu ?" A rawn ti leh tuar a. Rang mangkengin ka lu ka bu nghal chiam.

Tim deuh tak chuan ka kal thei tawh em tih ka zawt a, kal thei tawh thu asawi chuan ka phone arawn lekkang chu aphih a phih thla sawkin ka tlan chhuak ani ber.

Dawr ka lut leh tep tih chuan a office lam chu ka thlek leh zauh a, A chhunga awm pa sawn diklo na anei deuh emaw ni le tih te chu ka rilru ah a awm.

"Engtin nge a tih che ?" Alice-i leh Muani, Simona duh uchuak em em mai tuin ka hmel min hmuh veleh chuan min lo zawt vat a. An hmel ena ner nawk chuan "atangkai lo hna thawk ru" ka ban vai vuai vuai pah chuan ka ti a. Chek hluka 'ninawm' tih leh 'i hmelchhia' tih sawiin anthawk zawm veleh mai bawk a.

||SIMON LALFAKZUALA POV.||

Office tukverh atanga ka thil hmuh chuan ka thutna atangin min thawh tir zawk a.

A biangah te ala fawp ta deuh deuh. Awmhmunah chuan mahni ka lo insehruh ve teuh ringawt.

Eng emaw midang hriat ve hlauh hmel tak chuan an sawi a, an awmdan ah saw chuan tider mai mai kha an ang tlat tawh lo. Sawmzuala chuan a kuta fawpin a kalsan zui a. Keipawh office atangin ka chhuak zui ve nghal.

Remruati chuan min lo melh hra a, kei erawh Sawmzuala office lam ka panin ka kal tlang purh.

Kawngkhar pawh kik hmasa loin ka hawng nghal thuai a, thut pawh alo la thu hman lo. Ka lam rawn hawi chuan "eng nge ni ?" A rawn ti vut a.

"Eng nge in awmzia ?" Luh pawh lut loin kawngka a ding chung chuan ka ti teh deuhtawp.

Anih lah chu a hawi â heu mai. "Ka sawi awmzia chu nang leh Remruati..." A pehhel thei ang ber chuan kan ti leh a.

Lu buk nghut nghut pah hian "kan tha, buaina a awm em ni ?" A rawn ti leh a.

"Awm lo, englo...."

"Woww.... Nang hi, kan rilru hi a in ang tih ka hre thei, mahse....." A ngawi vang vang a. "Hmana duh deuh ka nei ka tih kha ila hria em ?" A rawn tih chuan ka bu nghut a.

"Ka mi sawi kha Remruati hi ania" arawn ti nih chu(h). Nui pah deuh si chuan ka thaw hawk a.

Rawn nui ve suk hian a ka lam rawn pan hian "Phat tum duh suh.... I duh phawt chuan ka tibuai lo ang che. Mahse Puii erawh ikut liau liau ani" ka darah rawn beng thak thakin a dawhkan lam chu apan phei a. A thusawi chu thiantha tak kara thilpalna lam nilo in, indeusawhma lam a pawl mah zawk. "A tha dang nei reng chu, engvanga ka ta chhia min rawn chuhpui tlat nge inih ?" Atih na ang vel ani.

Inti thinrim thlawn ringawt chuan ka office lam chu ka pan leh a, ka luh rual rual chuan dawhkana thil lo awm ho chu ka vaithla vek. Ka thaw sa bulh bulh bawk. Ka sawi thiam dan ber chuan ni khi ka kawchhungah an rawn sawn lut ang vel hi ani. Sawmzuala'n Remruati ata anga asawi khan keimah ah hian diklo lai a awm nghal a, diktaka sawi chuan ka ta nilo ang tlata ka ngaihna ka ti dawn nge ka ta nilo ka ta emaw ka tih tlatna chuan ka kawchhung hi atham er er a. Ka awmdan chu hremhmun pakhat ani ringawt.

Remruati hmuh tumin dawr lamah bawk ka kal leh a, Sawmzuala lut chiah chu ka hmu hman. Ka pen chu ti chak sawtin ka lut ve nghal a.... Mahse minti thinrim em em thei thil ka va hmu leh.

Puii bulah chuan ka va ding ve vat a, Puii pawh chuan ka banah alo kuah nghal tat a. Sawmzuala chu min runluih emaw tih mai tur hian a'n awm vel a. Sawitham nilo mahse a chezia chu ka haw vel vek. Mahse mak ka tih chu Remruati hian Puii hi ahriat hmel tlat lo hi ni.

Remruati ringawt chu ka melh ngur a, ka hmel chu alan that tehchiam a ringlo. Ani lah chuan min en tha ngam lo leh tanghal emaw ni.

Ngawi renga ka kal nul nul chu Puii chuan min rawn zui ve nghal a.

"Hah... Waiter mai mai maw" tih pahin couch ah chuan athu thla nghal thak a.

"Min la hrelo der vel khanglang emaw ni" amah vek chuan arawn ti leh a. Kei ka ngawi reng, hei vang hi nia hnathawhna ah hian rawn kallo se ka duh. Remruati te khawsak dinhmun ahriat chuan a enhniam nghal chiam dawn a. Ani hi chu hmeichhe inchhuang leh inla ve vehvawh alo ni bawk nen, Remruati chu a hmusit viau ang le. "Hah mahse Vanmalsawmzuala tan chuan atawk chiah tho" tham loh hmel zet chuan ati leh a. Kei erawhin Remruati te pahnih ngawt kha ka ngaihtuah thung.

"My.... Aaa heng thil hi eng nge ni a Simon" ka dawhkan vaithlak hnawk ho chu ahmu ve chiah ani awm e.

" 'My dear' min ti teuh khawp mai" ka lo ti daih thung.

"Simon fiamthu thawh hun anih loh hi, khawnge tifai tur hi an awm vek a ?"

"Nangmah khan tifai mai rawh"

"Engah !! Teuhlo.." tih pah chuan a inkuangkuah tha nghal than a.

"Ahar lo, tifai lawk rawh" ka tih leh chuan a kut pahnih chu ka hmai zawnah arawn lek kang va a, "heng ka kut te hi en teh, ka tina emaw engtin emaw ka ti hmel hem palh anih vaih chuan kan inneih zungbun mawi tak nen a inrem thei dawnlo sin" a rawn ti a.

"Tuna i awmdan ah hi chuan Ka nei dawn che em tihpawh ka chiang lo" ka ti deuh hmuk a.