BETWEEN US CH-3

BETWEEN US CH-3 BY RAMDINI JAHAU

Flat lam panin ka inkhalh chhuak nghal a, flat aia nuam leh changkang hotel room nuam tak leh appartment changtlung leh tha pangngai tak nei mah ila, keimaha he hmun ka tlawh anih hi chuan ka pan mek flat tluka nuam tihna hmun hi ka nei lo.

Ka speed achak bawk a ka thleng rang ngang mai. In khawngkhar chu hawngin hmanhmawh lem lo tak chuan ka lut a. Couch ah chuan duhdah zetin ka thu thla hnawk a. Ka phone chu rawn eng pap chu a ri-in a rawn zui nghal a, caller id ka en chuan ka nu alo ni.

"Aw nu"

"Hello bawihte, I tha em ?" Zangkhai vah hian a rawn ti a,

"Aw, nangni ka pa eng nge a an ?"

"A tha e, chuan Pui-i leh Sawmzuala te an tha bawk maw ? Chuan eng nge in Chawlh hmanna lam te ? Khalam boruak chu a zia viau lo maw ?" Min zawh hman loh hlau niawm hrim chuan a rawn sawi zo vek a.

Nui hak hian "An tha e nu, chuan boruak pawh a nuam pangngai a, engkim atha"

"A that nasat chu, min rawn be duhlo lutuk a I pa hian a ngai teh che nia" nuih kur kur pah hian a ti a, a bulah ka pa a awm ve ni ngei tur ni a nui thum ve dut dut chu ka hre pha. Eng eng emaw kan sawi hnu chuan kan dah a.

Ka nu leh pa chuan Chawlh hmang tura kal angin min ngai a, anihna takah chuan hna en fel tura kal ka ni zawk mah.

Ka thuamhnaw chu hlipin shower turin bathroom lam ka pan zui a. Combo lutin shower chu ka on nghal zauhva, mitchhing chung hian shower hnuaiah chuan ka ding dir tluk tluk a, ka mitthla ah chuan Remruati couch a- a mulai ringawt kha a rawn lang a rawn lang zawm zat a. A hmel kha ka lo enchiang ngai miah lo a, a hnar ngul tawk chiaha sang leh te lam lek lek te, a hmui sexy zet pawh kha!!!

A mit.... Oh!!! A mitmeng leh mit rawng ka hre hauh lo, a chhan chu ka enchian lai khan a muhil tlat!! Ka ngaihtuahna chu lu thing ngut ngut in ka nuihchhuah pui a. Hahthlak hian a(h)!!!

Towel chu veng tha mawlh mawlhin ka phone rikna lam chu ka pan a phone screen a hming rawn lang vang chuan ner sawk in la lo chuan closet lam chu ka pan a. Ka inthlak lai chuan door bell arawn ri ral ral a, tinge maw ka thil tih tibuai tawk chiah hian an awm hlawm le......

Ka hawn mai loh vang nge ni a ri nawn mawlh mawlh a, phun hlukin ka hawng a. "I va hawng har ve" tih pahin Sawmzuala chu a rawn lut tlang purh a, eng eng emaw a rawn khai bawk a. Kawngka chu kharin choka lama a lut tlang purh chu ka zui lut a.

"Pui-in ka call a chhang theilo a ti che" tih pahin whiskey chu a phawrhchhuakin ama in emaw tih mai tur khawp a thil awmna bel hian a che zui sawt sawt a.

"Shower ka nei a, ka lo hrelo niang" ka ti ve mai a

"Umm... Zanin chu zanriah kil dun ang hmiang. Pahnih chauha ti ti kan neih lohna pawh a rei tawh" mil melh zawkin a thil tih lai a tih zawm mial mial a. "Atha lawm, wine tui deuh ka nei" tih pahin wine dahna lam chu ka pan veleh bawk a.

"Aaa.... Ava tuilo tak" tih pah a tep chuap chuap in wine chu a lem sak a. Ka nuih tawp, sa a siam ve apiang hian tianga tuilo hian a siam ziah a, fak sak dawn pawn fak a phu hlawl thin lo 😆

"Hna lam eng nge in an ?" Thlang lam balcony ah thuin whiskey kan inchhawp bawk a. "A tha,nang helamah nge Mizoram lamah I zawm dawn" tiin ka zawt let a.

"Ka hrelo, duhthlan thian ahar. Helam nuam ka ti a, mahse mizorama hnathawh kha ka ngaih a ngam zawk bawk si a. Thu dang daih naktuk zan kha hun insiam ve tawh ang che" a rawn ti zat a.

"Eng nge naktuk ?"

"Dineout kha I theihghilh leh tawh em ni ?" Kan dineout dawn tih ka hre veleh chiah.

"Eng emaw thil a awm em ni ? Chutiang anih loh chuan hna ka buai viau...."

"Pui-i khan ka kawppui hruai turin min ti tlat lawm" ka sawi zawh hma chuan a rawn ti nang nang a.

"Mahse kawplai I nei em ni ?" A no a thil awm chu lem zeuhin "nei nang " a rawn ti heu mai a, a tawng danah chuan a kai tan tawh tih a hriat theih.

"Mahse Pui-i hnena ka sawi lai khan chuan ka nei a, tunah hmuh a duh a, neilo nih ka duh leh bawk silo a" a sawi leh niah niah a, ka nui hak. Hemi te pahnih hi chu an inkhinhg deuh reng. Mahse huatna vang chu a ni hranlo, inkawmngaih deuh inrem hleithei miah lo ang kha an nia.

"Tlawm I duh bawk silo chuan naktuk ah nula I zawn angai nih chu"

"Duh deuh mai chu ka nei a...... Taka I hotela thawk Remruati kha lo duat rawh aw" kan thusawilai nen a inperhsan zet chuan a rawn ti a. "A tangkai lo" ka lo ti deuh hmuk.

"Tangkai amah kha lawm ka rawn hruai dawn" a rawn tih chuan ka thil ken intum chu ka chawl dat, Remruati, Sawmzuala ngaihzawng ang in maw ??? A tha phian ang

"A duh ngawt dawn mi ?" I sam et chung chuan ka ka no a thil chu ka in a. Ka ngaihtuahnaah chuan Remruati luhlul zia a rawn lang a.

"I hrelo emai, Remruati te chuan min pui dawn Chiang lawm, zaninah pawh khan hna ilo pe teuh a chuvang mai mai lawm" a rawn ti leh nghek a. Anih chuan vawiina an inbiak a an thusawi kha hei ngei hi anih hi. Kal loh ka tum rilru a mahse Remruati che tla vel hmuh a chakawm tlat.

"Remruati chu a damtha vak lo anih hmel" ka ti liam puat a, "engtin nge i hriat a ?" Heipawh hi hmeichhia ang mai hriat kil kel hi tum fai vek. "Vawiin tlai chhung zawng khan ka bulah a awm a, lu haiin a tlu a chuan...."

"Naktuk ah tlawh a ngai nih chu... Heyh... Wow..... Nang hi hnaih duhna rilru pu miah suh ang che. Pui-i" a rawn ti zauhva kei ka thaw hrawk thung a.

"Buddy engtik ah nge inneih intum a ? I neih hma chuan ka nei dawnlo ka tih hi ka inchhir tan tawh" thutthleng bana a kiu khatin ka lawm hawi chuan a rawn indawm thle buk buk a. He mihring hi a rui chhe takzet tawh nih hi..."ka nei dawn lo, ka lengtar dawn" ka tih chuan meng mang lo hian "ni e, nei vat rawh. Ka duh deuh nu hi a senior tawh si ka neih hmain ral ka ngai mai ang aw" a ti niah niah a. Ka sawi kha a hre lemlo tih a Chiang ngang mai.

"Tunlai hi I reh riau mai. Hna lam harsatna awm em ni my dear" tih pahin Pui-i chuan ka kut chu a rawn vuan a, kei rawh in ding zetin kan dawhkan lam pana rawn kal te pahnih chu ka en ngur thung. Pui-i chuan a en ve ni ngei tur ni "oh... A rawn hruai tak tak ka ring lem lo a" a ti sap a. Kei erawh ka ngawi kar thung. Remruati zam hmel tak hian amah ipchawih a, ka en reng. Sawmzuala chuan a kut vawn hnanin a beng bulah eng emaw sawi ni hrim hian a kun hniam a. Remruati pawh chu thaw hakin a rawn hawi chhuak a, kan inmelh nghak kal mai. Ka bula mi chu en zawkin keimah bawk chu hlauhthawn hmel tak hian min rawn en leh a.

A rawn thlengphei chawpchilh nghal bawk a, inchibai nana abiang ka fawh chuan Chuang zetin ka fawp a, a chhan pawh ka hrelo nichin a Sawmzual-an a kut a vawn vang khan tih duhna rilru ka pu tlat.

Mak ti hmel zeta min en chu hmulo der in ka thutna ngaiah chuan ka thu thla leh dat a.

________

Mahni hmazawn ami theuh en in kan kun ngur a, a tawng ber te pahnih pawh in en lem loin an inbe ve char char. Pui-i chuan zawhna a zawt chipchiar khawp a, tuna i hre chauh anni a. A tullo hi ka lo ti khawp a.

"Chuan hna I thawk nge lehkha I la zir zawk ?" Pui-in atih leh chuan Remruati chuan a wine in chu a hak a, Puii chu melh hraw in ka khap a, engah mah ngailo niawm fahran hian a eizawm leh mial mial..... "Umm.... Kan kal tawh mai ang" tih pahin Sawmzuala chu a ding hluai a, "Mahse engmah inla ei loh kha, Pui-i thusawi vang anih chuan thupha ka chawi e" Remruati chuan min melh kalh a. A mit chu a fim uk deuh kalh a.

"Wow.... Kha chu I sawisual ah ka ngai ang, chutiang ang a tha vek. Mahse Bawihi hi a nuamsam chiah lo va" ka thusawi kha keipawn mak ka ti, mahse an pahniha an han awm tur kha ka ngaihdan a zuk ni tlat pek lo. Remruati chu rawn ding ve in Sawmzuala banah chuan a kai chat a, "Mangtha phawt mai u, hun nuam tak in hmang dawn nia" ka mita min en ran chunga sawiin a an kal zui a. A kawr hak inhmeh zia chu an kal hnuah ka hre veleh chauh.

_________

Thlakhat dawn kan awm tawh a, engkim a pangngai vek a. Mahse Hotel lamah ka kal tawh ngailo va, ka kal chang erawh chuan Remruati ka hlat theih ang berah ka tir bo thin.

Pui-in ka hotela hna a thawk ve tih a hriatchhuah ka hlauh bakah a bula ka awm hian eng emaw ni tak hian ka zam thin a. Chu thil chu atan keimaha feelings insiam chho mek ni a ka hriat vangin ka duh lo a, mahse chu thil duhlo hle si hi ka hmuh loh hian ruak leh kimlo riau a inhriatna ka nei tan der.

"My dear I hman tiraw ?" Tiin Pui-i chu room ah a rawn lut a. Nuih sakin a hmuiah chuan ka fawp zeuh a, ka hman thu sawiin kan inzui chhuak a.

Sawmzuala te pahnih leh keini pahnih, Jemairah beach ah intihlim turin kan kal a, a theihna kawngah pehhel tang tang mah ila Sawmzuala kawppui anga a lan miau avangin kan thiltihna reng rengah tel ani ta zel a, hetiang anih chuan ka duh aiin ka hnaih mah mah dawnin nia ka hriat ni.

Tuipui kamah chuan kan thu deuh thapa, "Remruat in intawn dan hi ila sawi miah lo" Pui-i chuan a rawn ti chhuak hlawl a. "Nia" Remruati chuan alo ti deuh sup ringawta, Sawmzuala nen chuan ri meuhin kan nui. "Eng nge in nuih? Sawma hi chuan a sawi dawn miah lo a nangman sawi la" A tih zawm leh zat a. Sawmzuala nen kan inmelh nghal ralh a, hetiang chungchang hi ansawifel tawh hram ka beisei.

"Nia, Kan intawn dan chu maw........ Kawng kân tuma kawngpui a ka kal lai takin Sawmzuala hi Campervan hian chak tawkin a rawn tlan a, kawng ka lo kan tur chiah nen min sut thawi deuh fua vangin ka tlu a, a tlan chak sia adin mai pawh ka ring tawh lo a mahse ka piah hla deuh a dingin a rawn let leh a hliam ka neih......... Saw lawng" Tih pahin a thusawi lai pawh sawi zo hman lovin lawng lian rawn kal lam chu a pan te phei chel chul a. Sawmzuala chu nui chungin a hnungah a tlan zui a. Pui-i chu ka en chuan "ka peih lo va kal rawh" tisup in a mu thla deuh hmak a. Ngaihsak zui lo chuan ka pan phei ve a.

Remruati chu lawngah chungah lawnin a hnuai lam atang Sawmzual-an thla a laksak mawlh mawlh bawk a.

Nui sukin lawngah chuan ka lawnkai ve a, a chhung lamah ka lut ve thung.

Lawng chhung chu ka en kual vel a, lawngliana ka la kal bikloh vangin dangdai riau chuan ka hre vek. "Awm in awm em ?" ti a rawn rik chhuahna hnuailam chu ka pan thla vut a, lawng chu a che tulh a, thawm kan ngaichanga a reh leh vang vang a, chutah "awm in awm em ?" Tih ri bawk a rawn chhuak leh a. Bathroom lam niin ka hria ka pan vut a. Toilet kawngkhar pakhat chu chhung lam atanga rawn inbeng ri deuh dat dat hian "Awm in awm em ka tang ania !!" tih hi a rawn ri chhuak a, lawkin a aw chu Remruati ni.

"Remruat" tih pahin a zawnah chuan ka ding vut a.

"Remruat, remruat" kawngka chu chumin ka au zui a. "Simon, Simon ini em ? Kawngka hi a inkalh daih nia" tih pahin khawngkhar handle chu a ri zui nak nak a. Hawn tumin kan herh kual vel a, ka hawng theilo.

"A hawn theih loh, chhunglam atang khan han herh leh teh" tiin ka au "a theihloh nia.... Engtin nge ni ang" a rawn ti deuh tiau a. "A tha, engkim atha nia. Chiai Suh..... Lo awm sawn rawh ka rawn nawr dawn nia" amah hnem mawlh mawlh pah chuan ka ti a. Engtin nge alo tan hman reng reng ni.

Tanhmun siamremin kawngkhar chu ka nep deuh pawp a, vawisawm dawn lai ka tih hnu pawh chuan inhawn a tum reng reng lo. Nitak pawn lamah khan midang an awm tak e, stepah chuan ka tlan chho vut a. Mipa sa tha zet zet pangnga vel chu an ding deuh khup a. Lalpa leh!!! Chek hlukin ka lu chu ka dawm vang vang. Tuikam-ah khan kan lo awm tawh reng reng lo!! Anih chuan nichina lawk che tulh kha a tlanchhuah vang hi alo ni maw leh!!

Ka thawm an hria tih hriat tak hian min rawn en vut hlawm a, an mahni lam chu ka ngaihtuah lo. Ka ngaihtuah chu engtin nge kan let ang tih chu ni.

French tawnga eng emaw sawi hian min rawn pan phei vutin pahnih chuan min rawn manbet a, a ngaihna ka hrelo hle. Pakhat chuan hrui rawn la in pakhatin woodchair a rawn keng bawk a, A ngaihna hrelo zet chuan ka hawi vual vual a. Chair-ah chuan min thutin a kut chu chiar hnung lama tawnbeh tum awm min hnungkhirh tlat a, nilo Remruati kha ala tang alawm, ka tal phut a, tal chhuakin lawnghnuai lamah chuan ka tlan thla leh puata, Kawngka chu ka tlawh deuh thuai thuai a.

Remruati chu chhunglam atang chuan a rawn rak ri deuh that a, "lo tawlhsawn rawh" ti deuh tuarin ka tlawh deuh pawp pawp a, paliana te ho chu rawn thlengin pahnih chuan hneh zetin min rawn man bet leh a, mizo mipa ah chuan lian leh sa tha pawl chu ka ni ngei a mahse anni lakah hi chuan ka te deuh tlat!!

"Min thlah ru" tih pahin ka nal deuh nak nak a. Kan thawm hria-in chhunglam ami chuan kawngkhar rawn beng dawt dawt hian "Simon, Simon engkim atha tiraw ?" A rawn ti a. Ka tawng tur chiah chu pakhat chuan ka kâ rawn hupin a reh duk a. Ahma zawnga hawn tuma kan herh vak vak pawh a inhawng thei eih lo kha paliana'n an herb ve chuan awlsam te chuan a rawn inhawng a.

Remruati pawr deuh fapa rawn chhuak chu a lo man in akâ a hup zui a, Remruati chuan phawk zet hian min rawn en a.

________________

"An sawi chu I hrelo em ni ?" Remruati chuan a rawn ti a. "Hrelo" ka lo ti deuh hmuk. "An rama hotel te nei ve lai si hi engtin nge i hria loh theih a" tal deuh phat hian a rawn ti hlar a. Chair inhnungchhawn zawnga hungin min phuar bet a,

Min phuar nghet ngang bawk a, a ni tal mai mai chuan min te che pha eih lo.

"French ah nilo in Dubai-ah nih hi ka awm" ka ti hluk a. "Aaa ka van Ning tak" tih pahin a ke a leng leh awrh a. Pakhat chuan Remruati chu melh in eng emaw sawi hian a nui suk a. Hah.... Ka ke chu leng kang vakin ka tal nghek a. Pathum vel chuan min rawn pan phei a, a hmelah chuan min tuk thluk tawp duh hmel. Mahse Remruati melh in an nui suk a, pakhat chuan min rawn phelh a pakhat chuan Remruati khabe ah vuan dak deuh vah hian eng emaw a sawi a, a sawi erawh ka hrethiam tlat lo "Simon ka hlau ania" A rawn ti deuh chul a. Min phelh zawh rual rual chuan tho thutin chupa chu ka va hnek thuai a. Phun hluk chuan min rawn hnek let a, ka hnek leh tur chiah chu midang chuan hnehsawh zetin min lo man bet a. Ka tal deuh laih laih chung pawn ka tal chhuak zo ngang lo. Ka hnek pa chu a thu deuh ber ni ngei tur ni, Remruati bawk melh leh a nui suk hian a ua deuh that a. Lawng hnuai lamah min chhukthlak pui a. Ka kut chu hnunglamah an phuar a Remruati erawh hma lamah an phuar thung. Lawng leng lo awmah chuan min nam lut rawk rawk in lawng chawp chuan min nawr chhuak vang vang a. Ka hnek pa khan eng emaw sawi a au lauh lauh hian ban a rawn vai a. An chho bo leh duak.

"Engtin nge kan tih ang" hawi vual vual hian a ti a, a tap deuh pur zui a. Kan hawi kual a, a reh hian a reh tlawk tlawk. "Hrep hian !!" Ka ke chu kan per vak a. Lawng chu a lei tawn zak zak a, "Che Suh, I hotel ang a lian anih loh hi" mangang âw nen thinrim âw bawk nen tap deuh tiau chuan a rawn ti a. Ka nuih a za lek lek zawk. A kut phuar chu en vutin min rawn en leh a "lo kal teh, min hnungchhawn la I kut kha ka lo phelh ang" a tih chuan ka pan phei rawk a "thih I duh mi rawn pen Suh,rawn tawlh rawh" a ti leh hlar a, ka thawlh phei zal zal kan lawng lah chu a te mai si.

"Lawng kar I thiam tiraw ?" A rawn tih chuan bu nghutin lawng karfung pahnih a pang tawn tawn a inkham chu la in tuiah chuan ka chiah thla ve tawp a. Ka thiam em chu ka hrelo a, mahse midang kar lai hi ka hmu ve fo tawh a, a har vak lovang tih rilru chuan ka kar ta tawp tawp a.

"tinge engmah ka la hmuh theih loh a" a kut a nisa inhliahin a hawi kual a, kan in-kar rei ngaihtuah hian khawilai emaw thleng thei tawh tur chu kan ni mawle.

"Thu mai mai rawh, kar I ti har nia" ka tih chuan phun nuah nuahin a thu thla a. "Nangmah vang vek anih hi" a ti nui nui a, nui ro hak hian "Keimah vang maw, tunge toilet a tang kha ?" Ka tih zawm zat a.

"Ka tang ngeia mahse rawn kal lo la chuan Sawmzuala a rawn kal nga tiang teh hrep hian kan awm lovang" hmai zangthal haw chuan a rawn ti vei sak sak a. "Hah....... Ani khan a kalsang vang vang dawn che, awmlo ila chuan khan ho khan anhralh daih ang che"

"Teuh lo" a rawn ti vei hlar a. Hetiang dinhmunah pawh hian a luhlulin midang chhan chu a pe na ngang mai

"Takzet che hian, a rawn chhan khawp che nih hi" deuhsawh tak chuan ka ti a.

"Heyy... Khatin sawi Suh, nang angin min duhna ti lang huam huam lo mahse min....." A sawi zawi hman lo, che phut in ka pawt hnai hrawk a. A hmui chu ka kharchilh hmiah a, a hamhaih deuh nge a meng deuh awk a. Rawn che phut hian min nam sawn dawrah, a tukhuma dawmin ka pawt hnai leh a ka fawp leh, duhlo zet a tal chhuah a tumna lamah

lawng chu let butin tuiah chuan kan pil nghal bur(h) a. Tui alo hleuh thiam lo nasa, tlak loh tuma a in ham vak vak chu ka va pawt a. Lawng inkhup chu a kawng chunglam chin ka bawh tir a. Kei rawh a tlang vuanin tuiah ka inchiah thung. A khuh zui bawrh bawrh a, tui alo hak hman hram anih dawn hi.



Thaw hlawi hlawi a rawn hawi chhuak hian "nang..." Tih pahin min ben tum chuan a kut a rawn lek a, man behsak in ka fawp leh a. A talna lamah a liluh leh puata, lawng tlang vuan chunga rawn chhuak lehin min ben bawk chu a rawn tum leh a, keiin ka lo fawp leh. A tal chuan a che buai leh dawn tih hria ni hrim hian a hmui a chip tang tung a. Nuisuk in ka thlaha, min melh rawm rawm in lawngah chuan a bawk thla hle hle a. Chutia awm tawp chu sawt viau lova ka hriat vangin lawng chu nawrin ka hleuh zeuh zeuh a. Vaukam thlen mai chu sawiloh tuipui chu a reh vawng vawng mai ni.

Khua chu a tlai telh telh a, mahse vaukam emaw lawng emaw pawh hmuh reng kan la nei thei lo. Remruati chu chauh hmel tak hian a thaw leh hawk zel a, lawng kal nana a ke chhek ve pawh kha a chhek tawh lo. Nisa lutuk kha a zo lo nge.... Nge ni a a hma awmdan ang khan a awm leh zawk!!

"Remruat" ka ko nghal chul a, "umm" tih te in min chhang. "I tha tiraw ?" Duh angin inngaihsaka pang indeh vel kha a rem teuh silo nen mangang zet chuan ka zawt leh a. Thawk hak paha mit chhing deuh chiai chiai hian "umm" a rawn ti tham deuh chhal a, "hey muhil Suh aw" kan ti teh deuh tawp a. "Umm.... Mahse a chhuak lutuk" a rawn ti leh deuh sap a. Nilo.... Muhil thei ani reng reng lo... "Heyh....en teh, min en teh" tih pahin ka ka bawk kai a ve nghal a, "eng nge ?" A la rawn ti deuh sup a. Chhan dan tur ka hriat leh tak vak loh vang chuan tuiah bawk chuan ka inchiah thla leh a. Rilru hmanhmawh leh hlauthawng deuh si chuan lawng chu ka nawr chhunzawm a, khât tawkin Remruati chu ka ko leh zauh zauh a, a la rawn rum ve zel peih e.

_________________

Thil ri deuh chuah chuah leh tui ri deuh hlap hlap hi ka hriat avang chuan ka meng riai riai a. Ka hriat theih leh ka hmuh theih danah chuan tiauvut ah bawk zawngin ka mu in ka hria. Ka thaw hak a......Ahhhh ka mitah tiau a lut. Inbeng kangin ka mit chu ka nuai zui nawk nawk a. Remruati hre chhuak thutin ka hawi kual nghal ruai a, ka piah hla deuh hlek ah chuan zangthla zawngin a lo mu ve bam a, a ke lam chu tuifawn chuan a rawn khuh leh hlup thin vang chuan aharh ani ngei ang a lu chu ni awm lohna lama a thlek sawn hlekin a ring chu a rawn kan uai uai a. Chutah engdang sawi lo chuan ka hming lam chuan a rawn au chhuak nghal a.

"Simon, Simon" inbeng zawm zatin hawi kual pah chuan a ti chul a. Ka lam a rawn hawi chuan ka ban ka lo vai lauh lauh a. Ngawirengin min rawn thlir vauh vauh.

"I tha em ?" Au deuh lauh lauh pah chuan ka pan phei a, ka ke chu a kham hrep lehnghal.

Hriat tham siloh a eng emaw sawi hian min rawn pan hlawk hlawk a. A hmel ka hmu chiang chiah chu leh !! Ka nui phih deuh thawt a.

"Eng nge min nuih elaw ?" Min melh run hian a rawn ti pawr vak a. Hrilh tumin amah chu kan kawk vu a, mahse nuih loh har tak ani. A mit bul vel chu a bui/vung deuh luk a, a hmui lah a pawrh deuh tuau a, a biang a tlathla pûr bawk a, ava han lang maksak tak.

Ka nuih vak vang chuan a ding tum bur a, chuti phei chuan a chhe zual.

Pum ma vek khawpa ka nuih hnu chuan "Tinge I hmai kha ?" Tih pahin ka kawk kual a, ka la nui zo hleithei lo.

"Tinge ka hmai chu ?" Tih ve vutin a hmai chu a'n dap kual a. Kei a bulah ka lo la nui char char. A biang a dap chuan a hrethiam ni ngei tur ani, a rak deuh chûl a.

"Tinge ka hmai hi ?"

"Tuna i hmel kha, midangin rawn hmu che sela chuan ramsa emaw an ti hrim hrim ang che"

"Nang hi ! Ngawi hmak rawh, nangmah vang vek anih hi" tih pah chuan min nam deuh vaka, ka lo inring lo nen ka thal tawp a. Ani lah chuan min rawn thutbet in, "nangmah vang vek anih hi" tih pah chuan min rawn khawih deuh buan buan a, ka âwm ah te chumin ka samah a kek thul. Kei ka la nui cheu.

"Nangmah vang vek, engtin nge kan haw leh tawh nga" a inhnit ri ka hriat chuan ka en a, a mittui chu hru in a tho chhuak nulh a, "tho rawh, ka riltam" tih pahin a hawi leh deuh hmak a.

"Ah....hey kan tha dawn lawm, kan haw leh em em ang" ka ti dek dek chu, "I hmelchhia nih chu, hetiang hmunah hian tu in nge min rawn zawng se itih a, mibo kan ni a, naktuk velah min la hmuh loh chuan kan thi angah an ngai ang" a rawn ti hmarh hmarh a, a tawng chu ka hlau let tep zawk ani.

"Ka nu thu kha awih in he hna hi zawm tawp lo ila chuan ti hian kan awm miah lo ang. Ka nu ka ngai" a mittui tling deuh pam chuan a rawn ti leh a. Ka tih ngaihna hrelo lutuk kuah ka tum chu inhnit deuh hlap hlap hian "min khawih Suh, min hruai haw loh chuan thi sa ah inngai ang che" a la rawn ti a. Hetiang hun pawha tawngkam aduh maksak lutuk chu ka nuih te pawh aza.

___________________

"Ka ril a tam eee " ramhnuai lam thlir dauh dauh pah chuan a ti a.

"Tahsawn eitur kan va zawng dawn em ni ?" Ka tih chuan rang fe a rawn hawilet pah hian "Teuhlo" a rawn ti vut a.

"Engvangin maw, I riltam ani lawm ni ?"

"Tam e, mahse a hlauhawm lawm rûl te, ramsa lian te awm tase..." A meng phawk vak a. "Aaaa ka ngaihtuah peih lo, ti hian lawng rawn kal hun nghak mai ang" a rawn ti leh hnuhnawh a. Lawng a rawn kal dawn leh dawn loh pawh hre tawp silo hi, â lutuk. Ka lu thing mut mut a tho chhuakin kan piah ramhnuai lam chu ka pan a.

"Heyh.... I â mi ? Lo let rawh" min rawn au deuh vak vak a. Ka kal ngai chuan ka kal pat a, "Heyy minlo nghak rawh" amah a awm chu angam bik chiah lo nge ni min rawn um veleh nghal a.

"Lo kal rawh eitur a awm loh hi, let ang."

"Khata tang khan engtin nge I hmuh ang ? Lo kal rawh.." tih pah chuan ka ban chu a vawn theih turin ka phar a. A rawn vuan ve mai bawk a.

Eitur chi ang kan hmuh mai loh avang chuan ka luh thuk pui zel a, hnimhnah tawih leh thinghnah tla tawih te chu rah anuam tehchiam lo hle a, mihring eitur awm ang chi reng reng lah chu hmuh tur avang ngang mai lehnghal a.

Ka hnunga kal chu a ding avang chuan ka en a, hawi kual zawk zawk hian "Simon let tawh mai ang, eitur pawh a awm loh hi" ka ban chu pawtin amah chu a inthing deuh nar nar bawk a. A hlauhthawm hmel tawh em avang chuan hnial duh ta bik lovin let pui mai chu ka tum a. Mahse kan kalna lam tur awm ang chu kan en let a, khawi lai ber nge kan kalna ka chhutlet thei hauhlo. Remruati chu ka en a, min en ve kiau hian, "eng nge ?" A rawn ti tham deuh chhal a.

"Kawng kan bo"

"Eng maw !? Tah hian kan kal kha..... Anilo tah zawk hian" amah pawh chuan kan kalna hriat tum chuan an en kual a, mahse hrilhhai taka min lo en hian "kallo ang ka tih mawlh mawlh kha, engtin nge kan haw tawh ang" a rawn ti a. Chhan ngaihna ka hrelo.

||REMRUATSANGI POV.||

"Ka thusawi kha awih nila chuan ti hian kan bo tawp lo ang" tih hmarh hmarh pah chuan ka hmaa hnim chu ka tawn phei pawp pawp a. Ka hnung ami lah chu kâ a nei lo emaw tih mai tur khawp hian a ngawi tlawk tlawk a.

Hui papa inherlet thawkin ka kawng ka dawm ran a. Mitmeng thip ram hian min lo en a.

"Eng nge, I thiamloh anih hi" ngei tawk chuan ka ti a.

"Tawng loin, che miah lo khan awm rawh" ka ke lam melh ngar chung chuan a rawn ti a.

Ka thusawi mil lo seta chutia a rawn sawi avang chuan ka ngei lutuk chuan "eng nge, ka chet chuan min that dawn em ni ?" Ka ti let vak a.

"I ke ami khan a that dawn che" a rawn ti sup a. 'Engmaw ?' tih pah chuan ka ke lam chu kan enthla a. Awi ka duhlo!!!

"Rullll !!!" Tih paha rak chel chulin ka zuang nghal chiam chiam a. "A tawk, a tawk. I rappherh vek tawh" Simona'n a rawn tih vang chuan Ka ding a. Thaw dep dep in ka ke lam chu kan en a. Rul chu a thi tawh tih Chiang em em hian ka ke hnuaiah chuan athî nen a lo awm zui a. Ka lo tum hlum daih anih kha. Chutia ka ke vela thisen kai ka rap leh ten bawk si chu "ka ke ah thisen a kai nia" a ti leh chel chul a.

"Thisen mai mai anih kha, a tha vek e" Simon chuan min pawh beh pah chuan a ti a. Ka ngawi zui hmak.

"Lo kal rawh ka lo pua ang che" tih pahin a thuhniam a. Keilah chuan ka duh bik thak lo. Ka ke chu kan bul hnim veleh chuan hru/tat nawk nawk in "keimah pawn ka kal thei" ti a hawi deuh lah chuan kan hmalam ah bawk chuan ka kal leh a.

__________________

Ni thla takngial pawh a hmuh theih tawh lo a. Keini lah chu vaukama chhuah leh mai chu sawiloh kan lut thuk telh telh emaw tih mai turin apik tawlh tawlh a Thla ava han muang lo Chiang tak.

Ka ril lah chu atamin ka tuihal em em bawk a, kal chu zawi hnawk hnawk tak ka ni.

"Tah hian riahna tur zawng mai ang" Simona'n a rawn tih chuan ka melh haw a, "teuh lo, a hlauhawm lutuk. Kan mut hlanin ramsa ten min bei tase engtin nge ni ang !? I duh chuan tah khan awm la, kei chu ka kal zel dawn" tih paha kal leh mai kan tum chu ka bana a rawn vawn avang chuan ka melh leh haw a. "Luhlul viau Suh, kal pawh I kal tha thei tawhlo anih kha"

"Mahse ka la kal thei lawm" tih pahin min vawnna chu ka thing nawk a. Luhlul zetin ka lal leh ngat a, ka bula ami chu phun hluk hian ka kawngah rawn manin min rawn pu nghal nawlh a.

"Hey mi mawl pa, min dahthla nghal rawh" a hnunga chum pah chuan ka ke chu ka leng vak vak a, ka ke chu manin a ban chuan a awmah a kuah bet tawp. A hnunga inbeng khalhin talchhuah chu ka la tum fan a. Ngawi tura min tih pawh chuan min dahthla nghal tura tiin ka la rak chel chul a, mahse kan bul hnaih taka ramsa thawm niawm tak ka hriat avang chuan ka ngawi ve nghal hmak a. Phawk zeta meng in ka hawi kual zawk zawk a, Simon chu "min kuah nget rawh" tih leh tlan a rual nghal a. Ka hnungah chuan zawhte niawm tak mahse zawhte aia lian zawk si chu rawn zuang chhuak ve nghalin min rawn umzui nghal a. Ka hlau lutuk chu ka mitchhing in Simona ban leh darah chuan ka kuah ngawt ngawt a.

Khuarah kan tla nimai hian ka hria. Simona chuan min kuah khawm vekin mit meng lo tur chuan min hrilh a. Minute nga vel dawn lai chu kan awm ngai chuan kan awm tlawk tlawk a.

Ka ke leh ka ban ah chuan eng emaw ni nal puat hi a tawlh leh hrut zel a. Eng nge tih hriat tum chuan kan meng a. Lalpa! Rul bawk !. Ka au hman hma chuan ka ka chu a rawn hup a. Amah chu ka han melh tawk tawk a, a mitmeng atang chuan chelo leh ngawi tura min duhzia a hriat theih. Rul bawk chu ka en leh a. Chau avanga ka thin phu dep dep kha hlauh avangin a rawn phu leh zawih zawih tawh. Nichin kan rul hmuh ai khan a lian zawk daih a. A la sei em em zui, tuna ka duhthusam chu, he rul hi hmanhmawh taka tlengin a kalna turah kal vat se tih ani. Rul chu an tleng zawt zawt thin ani ngai a, mahse he rul kher hi min runluih emaw tih turin second 30 dan ang chauh ten zuk tleng a.

Chutih laiin kan chung lamah chuan eng sa nge tih pawh hriat loh hi an insual niawm tak hian a ri deuh rawk rawk a. Pakhat chuan kan awmna chu rawn zuan khumin a lim phei zuk a, pakhat in um ni ngei turin a zui phei bawk a.

Tunah hi chuan haw ai mah chuan thihdang rih teh pawh ka thlang zawk ani.

"Ri chu I hre thei em ?" Simon chuan a rawn ti sar sar a. A ri sawi chu hriat tumin kan ngaithla chiang a, tui ri ni ngeiin ka hria. Ka lu ka bu nghat nghat a. Rul pawh a mei a hnuk liam chiah. "Tlem kal leh ila kan hmu thei tawh mai ang. I kal thei ang tiraw ?" A rawn tih chuan lu bu zauhin ka insiamrem zung zung a.

A rawn ding chuan chu ner sawkin ake lam a en thla vut a. Ka en ve chuan a ngal ret chu a lo thi nuan mai.

"Tinge I ke...?" Keimah vang tih ka hriat leh si vang chuan sawi zo loin ka en ha a. Min lo en ve kur avang chuan aw thian kharh in "Tah hian riak mai ang" ka ti thla ngawt a. A duhdan ani lo ani tehchek aniang chu engmah pawh sawi loin a kal zui hmiah a. Hnial dang ngam tawh biklo le hawihai zet chuan ka zui ta tho a.

Khua a thim tawh nen, ka chau ve tho bawk nen ka inchhuih leh khut khut thin a. Amah zawk chuan alo ning deuh nge ni a hnung chu puak rem thei tur chuan a rawn dawh a. Ka ding ngawi reng chu "lo kal vat la" a rawn tih dam diai avang chuan ka inpuak tir ta nge nge a.

A thim tawh em vangin ri rawn chhuahna lam nia kan hriat hriat chu kan pan mawp mawp tawp a. A khat tawkin 'tah hian riak mai ang' ka ti reng a. "Kan thleng tep ang" tih hlirin min chhang a.

Vawikhat a inchhuih tak khut vang chuan kan tlu a, tui niawm takah chuan ka bawk tlawrh a. Ka chal ka la toh zui. Simon chu ka au a,min chhang thei reng reng lo. Ka awmna vel chu dap kualin ka ding a, ka hma lama pen pah chuan ka au zel a. Pen li-na ka pen leh tur chiah chua ka awn thla tawp a. Boruak ah ka inthleh thla nghal vawn vawn a. Tuiah ni ngeiin ka hria ka pil lut burh a. Thawk lak ka tumna lamah ka hnar leh kâ ah te chuan tui ka hip lut a. Ka theih tawpin ka inhai chiam a. Ka chhungte, ka nu,ka pa, Alice leh midang ahma lama ka nuna thil thleng zawng zawng chu hun reilo te chhungin ka ngaihtuah let hman vek. Ka thi ngei dawna ka hriat avang chuan ka thah ka thlah a, ka khawlvel chu a tawp nghal vek.

1MONTH LATER

"Nu ka kal ania" choka lama a awm daih avangin ka tawng a hriatphak pawh ka ring lo. Kan room piah pool bula room chu ka thlir vang vang phawt a

Ka bag chu lain ka kalchhuak zui a. Gate ka pelh hnu chuan pawn lam atang chuan gate chhunglam chu ka en vang vang a. Karhnih vel ngawt chu ka awm ve tawh a, aneitu te awm ang tur hmel hmuh ka la neilo reng reng. Lehlamah chuan awm ka ti tho, ka nu room ka tawmpuiah ka awm deuh chawt a. Ka chhuah ve lahin hna zawng baka chhuah ka nei lova, in lian ngang ani bawk nen a awm viau mai.

Ka hnung atanga min rawn sut deuh chawrh avang chuan phun hluka inherin "Kawng en ta che" ka ti tuar a. Ka hmaa ding ka hmuh chuan "nang hi(h) !!" Amah kawh pah chuan ka hawi kual a. A bana kai chuan gate atanga lan theihlohna chinah chuan ka pen phei pui hlawk hlawk a.

"Tinge khawi hmunah pawh hian kan inhmuh reng a?.... Ngawiteh nang hian min zui ru em ni ?" Ka kutzungchala kawk chuan ka melh chho vaha, ani lah chu a nui heu reuh a, kim zánlo te pawh a ang lawm le.

"Khuanuruat antih ang hi kan nih mai iring ve em ?" Nui heuh heuh chung chuan a rawn ti heu mai a.

"I â mi ? Nang hi...." Ka melh haw a "Nilo nilo" ka ngaihtuahna chu tullo tizetin k phun chhuak hlut a, "I ngaihtuahna kha adik maithei ania" a rawn tih chuan ka melh leh haw a.

Ka ngaihtuahna maw, anih chuan ani hian min duh tihna em ni !? Aaa nilo nilo,ka lu chu ka thing deuh nawk a. engvangin nge athusawi chu ka rin ringawt a.

Chutia ka inngaihtuah vel chu min nuih chunga "Hnathawh nuam le Honey" atih chuan ka melh phawk hra a. Nui hmel pu reng chung chuan inherin ka chhuahna gate lamah chuan alut a, a thusawi mak ka ti lutuk chu chechang eihlo in a kal liam thleng chuan ka en a. Lawkin gateah khan alut tiraw? Eng nge atih dawn ?

Gate lamah chuan ka lim phei zuai a. Simona kawngka a alut chu ka hmu hman chiah. "Remruat tinge khatia I tlan vak ?" Pu Sawma'n min lo hmuh chuan alo ti vat a. "Aa nia, Pu Sawm, nichin ami kha tunge ?" Tih pahin kawngka lam chu ka thlek a.

"Zuala kha maw itih, Pu Tluanga leh Pi Tluangi te fa neihchhun anih kha" Awi leh!! "Anih chuan Simona hi he in neitute fapa tihna maw ?" Ka ti leh hram a.

"Ni e mawle, in inhria em ni ?" A rawn ti leh a, kan room piah deuha room bawk chu thlir leh deuh vang vangin "anih chuan saw saw aroom ani em ?" Ka tizawi sup a.

"Umm, tinge min va zawt chik angreng ve ?" A rawn tih lai tak chuan room chhung hliahtu puan zar chu a rawn inkeu hawnga, kan mi sawlai ngeimai chuan Chiang zeta min rawn enin a rawn nui suk anih chu(h)!! Rang zeta ka baga hmai hliah chungin ka tlan nghal nal nal a, Pu Sawma min auhna pawh chu ka ngaihsak hman lo. A hmel ka hmuh khan ka zak thar lutuk.

Kun ngur chuan ka kal tlauh tlauh a, tu emaw chu ka su deuh chawrh a, en lemlo chuan tihpalh tih pahin ka lehmai kan tum a. Ka banah min man tak avang chuan ka en vat a, Sawmzuala chuan mak tih hmel taka min en chuan "Remruat, I va hmanhmawh ve ?" A rawn ti a. Chhang lo chuan ka en reng a, "ka hmaiah diklo a awm em ni ?" Tih pahin a a hmai chu atuai kual vut a.

"Engvangin nge min hrilh loh a ?" Ka ti deuh sap a.

"Maw ? Engchu...."

"Hmela tinge kan awmna saw Simona in ani tih min hrilh loh ?" Tihpah chuan ka bag chuan ka vaw nghal deuh pawp pawp a.

"Ana hey, ana, ana.... Min zawt ngai biklo anih kha" ka vuakna lai tur zelah chuan a alo indang ve a.

"Mawl lian, engtin nge ka zawh ang che. An in ani ang tih rin ngaihna ka hre hleinem" ting deuh teu chung chuan ka ankhum vak a.

"Aaaaa.... Nula inih kha, nakinah chuan ka hrilh zel tawh ang che" ka dara min khawih de de pah chuan a rawn ti a. Ngei tawka enin ka bag chu ka ak thain ka thaw hawk a. "Khawnge I kal dawn ?" A ti deuh bawl a.

"Lo kal ka tum a, hna chungchang rawn hrilh che ka tum a" a rawn ti duam a.

"Ka hre daih tawh" ka lo ti leh deuh hmuk a.

"Tak tak maw ? Anih chuan...."

"Umm" Alam hawi chuan ka bu deuh nghut nghut a. "Zanriah min treat thei" tih paha avana kaiin ka pen pui hlawk hlawk a. Ka kal te chu ka zuang deuh ti tihin ka hria. "Remruat nangman hna I hmu a min treat tur zawk lawm"

"Teuhlo, hna ka hmu a min lawmpui dawn lawm" felber awm ang tak chuan nuisângin ka melh a. Lungsik loh hmel zet chuan âw min pawh ve hram.

___________________

"Remruat" dawhkan ka nawhfai lai laia, ka hnunga Alice-i'n min cheta ding chunga min rawn ko sek sek vang chuan ning zetin "eng nge ?" Tih pah chuan ka en a.

"En rawh" sehchilh nawka a rawn tih chuan a enna lam chu ka en ve vat a. Simona chu hmel nungsarh chuan arawn kal nghauh ngauh a. Alice-i chu kuai her nawkin "Hei hi lo tifai la dawr hnung lamah thil ka lo va enfel ang" hrilhru sar sar chuan ka kal zui nal nala.

Ka liam tep chu amah ngei mai ina min koh avang chuan ka ding chut a, mahse Sawmzuala âw ka hriat avang chuan ka kal liam zui nal nal.

Aaaa engmah hi a fuh theilo. Hna hi ban leh daih te ka chak rum rum.

_________________

"Remruat luia I tlak dan kha min la hrilh lo" Alice-i'n arawn tih chuan ka sabawp khel lai chu ka tawp chawt a. Vanlalmalsawmzuala leh Lalsiamkimi te pahnih pawn min melh kar.

"Ka hre biklo, zanah Simona'n min pua a chuan kan tlu a, tuiah khan ka Simona au chungin ka kala chuan ka tla tawp" sabawp bawk chu ka kaih leh a, thial tuam tuam chung chuan "tuiah khan ka tla a, ka thi tawh dawn emaw ka tia. Thil zawng zawng kha ka ngaihtuah kim hman vek. Mahse.... Ka harh leh khan Quarterah khan ka lo awm leh daih bawk sia" hawi deuh vang vang chuan ka ti a. Amak e lawm, tui ka tlak atanga khuma ka mut leh daih dan kha ka hrelo reng reng.

"I chal hi ala na em ?" Ka chal tohna lai rawn khawih pah chuan Sawmzuala chuan arawn ti a. "Na vak tawhlo" ka lo ti liam puat a.

"Mahse tinge haw kha I duh kher a ?" Alice-i bawkin a rawn tih chuan "I kam hi atam mah mah thin kha hei hi ei rawh" tih pahin aka ah chuan eitur chu ka hnawhlut a, min melh rawm chungin a thial ve tuam tuam tho.