BETWEEN US CH-10

 

BETWEEN US CH-10 BY RAMDINI JAHAU

REMRUATSANGI POV.

 

"Simon" Simona nu ngei mai chuan arawn au a. Pakhat pa erawh chu a hrelo nge a hrelo der zawk. A thil tih ngai ala ti reng. Simona nu chu au hla telh telh a, mahse kan lam panin ke pen thawm a awm tlat.

Simon chu ka nam sawn a, kawngkhar arawn in hawng ve chiah bawk, Pu Muana lo niin. 

"Simon i nu in a zawng che, huan hnung lamah ka tir phei" a rawn ti a.

"Aw ka rawn kal ang" Simon chuan ati mai a.

Pu Muana chu alu bu zauh hian, "a rawn hmuh cheu chuan Remruati tan atha dawn lo nia" ati a, kawngkhar chu a khar zui a.

"I room ah lut rawh bawihte" tih pahin ka biangah min fawp lehin a chhuak zui a. Kei chu ka ding tawp.

Ka mittui te chu hru hul sawk sawk in kan room lamah chuan ka phei a, ka nu alo awmlo hlauh chu ka vanneih khawp mai. Bathroom ah lut nghalin ka inbual a. Nichin thil thleng vang khan zanin chhuah pawh min ti huhphurh zual ngawih ngawih.

Tlai chaw ei lai chuan Simona te chhungkaw chaw ei chu ka nu nen kan vil a. Pu Tluanga leh Simona'n sumdawnna chungchang an sawi mawlh mawlh lai chuan Pi Tluangi chuan, "Bawiha, engtik ah nge inneih lam hi intih a ?" A rawn ti chhuak hlawl a. Simon chuan min rawn en zawk.

"A hmanhmawh thlak loh ka nu" a chaw thial leh nuap nuap pah chuan ati a, ka chhungril ah hian ka mit sulh thei. A thusawi khan Puii nen a an inkar ala hlat loh zia ati chiang viau a, chu chuan ani min ti mit sulh ni.

"Duhtak hmanhmawh thin suh an la naupang a, a hmanhmawhthlak loh emai" alo ti ve bawk a.

Pi Tluangi'n tui pe tura min tih pah chuan, "Tu hmel hmuh te pawh ka chak ve tawh lawm" a ti a.

"Hmuh te chu achakawm viau tawh nangin tur tut tur ani ngailo" Pu Tluanga chuan ati dam thluama tumah an tawng zui tawh lo.

"Remruat"

"Aw eng nge ni ?" Tih pahin tui nen chuan ka phei a.

Nui huah huah pah hian, "i thil ken kha chu dah daih rawh, zawh duh che ka nei zawk a" atih chuan ka no ken chu ka dah a.

"Aw eng nge ni ?"

 

"Lehkha ila zir tiraw kha ?"

"Aw, mahse kumin chu inkhawl ngah phawt ka duh a" ka ti a.

"Englo in, ti hian ti ang. Naktuk ah ka office ah i document nen lo kal ta che. Kan company hian company dang nena kan thawhhona turin  Event lian tham deuh hlek kan buaisaih dawn a. Chungthil chu min tihpui turin ka duh che"

"Aa ka pu..."

"Min hnial tum suh, hetiang lam hi i tuina ani tih ka hre tawh vek tawh nia. Lawmthu min hrilh la atawk mai" fiamthu titak deuh chuan min tih khalh a.

"Lungngai suh ka nu, tu inei vat dawn lawm" Simon chuan min melh pahin anu chu alo hrilh ve bawk a.

"A ka pu, ka lawm lutuk. Ka lawm..." Simon chuan dawhkan chum ri burin a tho thut a. Kan en thap. "Ka duhtawk" tih pah chuan a kal nul nul a, anu chuan a umzui ve nghal bawk a.

"Engah mah ngai su, damdawi a ei that duhloh chang hian azual leh thin a. Khawnge Muana kha, ei chhunzawm nghal mai ru" tih pahin Pu Tluanga chu a kal zui ve bawk a.

Ka nu leh Pu Muana te nen chuan dawhkan chu kan kil thap a. Pu Muana leh ka nu chu an induhsak bik riaua ka hriat tlat ni.

___________________________

"I mawi hle mai" min ti tu chu ka nuih ver ver a. Ka vawn theih turin aban arawn dah a, ka lo vuan vat.

"Mi an tam dawm em ?"

"Tam dawn lo, mi tlemte chiah kan ni ang"

Inchhungah chuan kan lut a, a sawi ang takin mi an tam lo. Mizo an tam loh danah sumdawnna lama an thawhpuite an nih ka ring ve hlawm tawp a.

Simon te pahnih lo awmsa na lam chu kan pan a, Puii chu Simona bana kuah chung hian alo hawi pir vah a.

Min hmuh chuan alo nui ve tak na a, mahse tih luihna hmang ang vela nui ani.

Sawmzuala leh Puii chu in mitmei zeuhin an kal hrang a, en pawh ka enzui peih lo.

Simon chu ka bul a lo ding ka mawi thu min rawn hrilh a, ka nghawng vel nul kual pah chuan, "chuan i rimtui lutuk" a ti leh a.

 

"Khawngaihin ti hian awm lo teh, midangin min hmu palh ang" tih pah chuan ka ding sawn deuh a. A hnar tum dat hian, "midang chu care suh, inkawp te awmdan tur ve reng anih hi" a rawn ti leh a. Ka en haw, ka tawng dawn lai tak chuan Sawmzuala leh Puii alo let avang chuan engmah sawizui lo chuan ka ngawi hmak a.

"Lam dun ang hmiang" tih pahin Sawmzuala chuan akut chu arawn phar a.

"I kut kha la sawn vat rawh, ka lam thiam lo" ka lo ti vak.

"Come on bawihte, thil har ani lo. Ka zirtir ang che" tih pah chuan min rawn kai a. Lamtual ah chuan min hruai phei a. A kut chu phar chhuak in, "le ka kut hi vuan la, chuan ka darah hian i kut dawn dah bawk rawh" ati a. A sawi ang chuan ka ti zel a. Lam hi thil har pawh alo nih tawp loh hi.

_______________________

" Mikhual  duhawm tak tak te u, zanin hian ka tana mi pawimawh tak leh ka engkim hmelhriat tir cheu ka duh a...."

A thusawi chu ka hre mang lo, ka hnunga ding pa hian min tibuai hnehsawh lutuk tlat. Ka hreawm ti lutuk chuan ka mit chu ka chhing leh sawk zel a, awm ngaihna pawh ka hrelo.

 

"Meng rawh" ka beng bula arawn phun sup rual chuan ka meng kawk a, ka lam pan Sawnzuala rawn kal mek chu ka hmu.

Ka hmaah chuan arawn thingthi a, zungbun hi rawn lek kang a. Mak tih luat vangin ka tlu lo chauh.

"Bawihi, hun rei tak atang tawh khan ka hre tawh che a. Ni e, tlin lohna tam tak pawh ka nei ang mahse...."

"Wow wow wow....." Kut beng ri thlep thlep in arawn zui ri nghal a, reh nghal duk in kawngkhar lam chu kan hawi phei thap. Hmeichhe, ahma a ka la hmuh ngai loh hi kan lam panin arawn pen ri thlep thlep a.

"Min lo hrethiam ula, kha tlangval kha biak lawk ka duh mai ania" tih pahin ka bulah chuan arawn ding a.

"Bawihi, ani hian eng dawt nge a hrilh che chu ka hrelo. Mahse nupui hual nei lai anih hi" Sawmzuala en pah chuan ati a. Ka phu zuk thei.

"Deniz, helai ah hian eng game mah rawn khel suh" Puii chuan alo ti vin that a.

"Oh! Nangpawh ilo awm ani maw. In pahniha in ruahmanna ani leh em.... Heng thil hi" a mit chet kual ralh pah chuan ati a.

"Deniz, eng nge iduh sawi la kal bo nghal rawh"  Sawmzuala chuan alo ti bawk a.

"Ka duh engpawh ani em ?"

"Aw i duh chu sawi rawh, mahse min rawn ti buai suh" Puii chuan alo ti leh a, Hall chhunga awm te chu kan tamlo viau khan ka hre na a, ri mur mur khawp chu kan lo awm tho anih hi.

"Engpawh, anih chuan nang hi lo duh ta tlat che ila" tih pah chuan Sawmzuala chu ava hnaihchilh a. Puii alo ri leh that a, Boruak a khawlo vek.

Zawimuanga tawlh hnung hret hret in hall atang chuan ka chhuak a. Bing deuhin inlam pan chuan ka kal nghal hlawk hlawk. Thil thlen dan kha tuihnai lo viau mahse Sawmzuala nena kan inkar tih tawpna chhan tur tha tak ani thung.

"Remruat!" Sawmzuala'n min rawn koh chuan ka ding a, ka bul arawn thlen chuan ka kut pahnih chu arawn vuan nghal a.

"Ka tihpalh nichin thil thleng vang khan, ka.... Ka ka hrilhfiah vek ang che" a rawn ti sawk sawk a.

"In sawifiah angai hleinem" ka lo ti dam thliam a.

"Aih aih.... Kaa.... Min ngaithla rawh, i thinrim lo tiraw dawt vek anih kha arawn sawi" mangang zet chuan ati vak vak a.

"Ka thinrim lo...."

"I thinrim lo tak tak tiraw? Aw lalpa!" Tih pah chuan min kuah nawk nawk in ka hmaiah te chuan min fawp nawk nawk a.

"Sawmzual, sawmzual" ka nam sawn a, "kan inkar hi tihian atawp nimai rawh se. Nilo, kan inkar hi thil tak tak ani ngailo hrim hrim a, chuvang chuan ..."

"Tinge, ka thinrim lo itih kha!" Ka tawng zawh ve hma hma chuan arawn ti leh a.

"Ni e, nichin thil thleng kha chu engah vak ka ngai hran lo. Ka hria Sawmzual, keini hi thian bak kan pel ngailo" ka tih chuan a meng kang deuh awk a.

"Aaa..... Engvanga ti nge inih ka hrelo. Ka haw hran lo che a, mahse thian bak hi chu kan pel theilo ani"

"Engvangin, khawngaihin chance min pe la..." A sawi lai chuan kan zawnah car arawn ding a.

"Let tawh rawh, an lo nghak thap ang che" tih pahin kawngpui chu ka pan a. Ka banah min manbet leh rih, "Simon ni zawk ta ila hun min pe angem ?" A tih chuan engtin maha chhang loin a kut chu ka dahthlak sak a. "Anih phawt le" tiin car ah chuan ka lut zui.

 

________________________

Simona awm ngheng chialin ka mu a, anin ka sam chul hliau hliau pahin a achangin a fawp leh zauh thin bawk a.

"Nangpawh hi ka ring lo che" a awm chu ka thai kual riak riak a.

"Dawt ka hrilh tawh che em ni ?"

"Aw"

"Eng dawt ?"

"Puii nen in inthen tawh thu isawi a, mahse ahnu ah amah nena fa inneih vat tur thu isawi leh bawk a..."

"I thik tihna em ni !?"

"Thik lo" tih pah chuan ka inbeng kang a.

"I thik lo takzet em ?" Atih chuan chhang loin bang lam chu ka en reng a.

 

"Bawihi thil ka zawt che nia" tih pahin ka dar ruak kang chu arawn fawp a. Ka nghawng vel chu arawn nul kual nghal zat bawk a.

Inhnit faih chung chuan alam ka hawi a, a mitmenga min ngaihtuahna thuk zet nen chuan min enin, "Bawihi, ka tihpalh. Atha e, engmah ka zawt tawh lo ang che" tih pah chuan min kuah a, keiin a awmah nam in ka nawr hla thung.

"Khawngaihin hetiang hi ka chungah ti suh, ka nun, ka nunah hian kei ai pawn thu inei zawk a. Mahse khawngaih takin ka thinlung, rilru leh ngaihtuahna zawng zawng ah hian chuan thu neih tum suh. Ka tana hmasa ber ini a, mahse heti hian tawp tawh ang. I duh chu ka pe tawh che in ka hria" ka ti zawi sup a.

Min en vawng vawng.

"Nilo, i hrethiam lo ni. Hei hi ka duh ber ani lo, sex, sex hi i lak atanga ka duh ber ani lo" nghet zet hian min kuah a. "Hetianga i ngaih hi ka duhlo. I hria em ka hmangaih lutuk che, ka ta a siam che ka duh a. Mahse ka lam hi i hawi thei thlawt bawk silo..... I hrethiam lo ni" a ti nuah nuah a.

Tap ni silo hian ka mittui chu aluang zung zung a. He mihring lakah hian tihpalh thilthu takzetin ka tlu lut a, inhai chhuah dan ala awm laia chhuah hi ka duh. Mahse, amah vek hian cham beiseina min hmuh zel bawk si.

_________________________

"Bawihi tho rawh le" ka sam ah chulin ka chalah chuan arawn fawp a. Zik mar talh talh pah chuan ka meng riai riai a. Simona nui hmel chu ka hmu hmasa ber.

Kan inhmu chiang lutuk chu, ka lai tlat pek a. Puan chu pawt in ka inkhup hmak. A nui nghal hawk hawk. Ka puan chawp chuan min pawm kang a, khek raih in ka kuah bet nghal chung chung a.

"Min dahthla vat rawh" ka tih chuan, "shhhh, bengchheng suh, midangin an hria nge ?" Tih pah chuan min dahthla a.

"Aa ka duhlo! Lehlam hawi nghal rawh" tihpah chuan puan tla chu ka chhar leh nghala ka inkuah khawr nghal  tat mai a.

"I zak thar leh vel a.... I mut hlan pawh khan ka duhtawk in ka belchiang hman tawh che" atih chuan ka meng kawk kawk a, "nang.. nang na..."

"Ka fiam che nih kha" tih paha min pawm kang lehin bathroom lamah chuan min luhpui a. Combo ah min luhpuiin shower chu a on nghal zat a. Ka inring hman lo lutuk chu ka ni puak mai. Ka sam chu hui kiangin ka nghawng chu na zet hian arawn fawp a, a darah ka chum taih.

Ka hmuia rawn fawp leh tawk in, "min bual thei" ati'a nih chuh! Kan palian ahi!

_________________________

Kan room lam pan chuan ka kal them them a, "bawihte!" Ka nu min kohna vang chuan ka inher let zawk.

"Aaa aww, aw eng nge ni nu ?" Ka ti bah nak a.

"Engtik in nge ilo haw, chuan tinge khalam atang khan irawn kal a ?" Tih pahin Simona room chu akawk a.

"Aa... Aaa... Nu ka lo haw chiah, Simona khan thil min rawn chaha chu chu ka pe nih kha" ka tih chuan awih hmel zetin alu abu nghauh nghauh a.

"Aw va inthlak vat rawh. Hna i kal dawn em ?"

"Aw, aw kal dawn. Ka va insiam ang" tihpahin room ah chuan ka lut  nghal a.

Ka phone rawn ri chuan min ti phu nghek.

"Eng nge ?" Ka ti bung hmuk a.

"Ka ngai che" a rawn tih chuan a fiamthu tih hre reng mah ila, ka vin let hrep a. A rawn nui hawk hawk. Eng eng emaw tangkai em em silo a sawi teuh hnuah a dah hram.

 

Kan pahnihin dawrah chuan kan kal a, ala hma bawk a midang anla awm vak lo. Simona office ah chuan kan lut hmasa a, rinloh takin Sawmzuala alo awm kur mai.

Min hmuh chuan hmel rum em em a, Simona en in arawn pana, arawn hnek nghal tawp mai. Ka te nghal tuar a, Sawmzuala lah chuan duhtawk mai loin a thut bet sauh sauh a, a hnek buan buan mai.

 

"Sawmzual thlah rawh" tih pah chuan thelh ka'n tum ve tak na a, awmzia ava han neilo chiang tak. Simon lah chu inrin hmang lova khawih anih vang nge, a hamhaih vang zawk pawh ka hrelo. Engtin mah ti let velo chuan a dawh tawp a. Pakhat pa lah chuan ahnek buan buan mai si. Ka mangang bawk si chuan hnek leh atum ruala akut a lak kan rual chuan Simon chu ka zuk bawh a. Ka hnungzang ari nghal thawt mai.

 

Ana lutuk chu then chawk chawk pahin ka eu nghal awrh awrh a. Tlangval sa tha pangngaiin a tiahpui hnek a hnek ani bawk a. Na vawt vawt tak ani.

 

"Nilo, ka tihpalh" a ti nghal ruai a. Simona chuan, "Hmela" tih paha tho in a khawih let ve nghal buan buan a. Pakhatpa lahin alo khawih let ve tawh bawk silo. A khawih na lutuk takngial dawn.

Theih leh theilo chuan ka ding kang a, "A tawk, Simon!" Tih pahin ka pan phei a.

"Atawk, Simon ATAWK!" tih leh thawt pah chuan ahnung lam atang chuan ka va kuah a. Tawp chawtin arawn hawi let a. "Bawihi, i tha em ?" Tih pah chuan min her let nawk a. Ka kawr chu a hlim nghal. "Lalpa leh !" Tihpah chuan ka kawr chu a pawt tha leh sawk sawk a.

"Damdawi inah kal ang" tihpahin min kai nghal dawr dawr a. "Mahse Sawmzuala pawh...." Ka tih chuan a ding leh thut a. "Amah arawn inbuaipui thei ang" tihpah chuan min kai chhuak leh nghal dawr dawr.

Alice-i leh hnathawk dang lo kal te chuan min lo en haw hlawm a, aww ava zia lo thin tak em.

"Engtin nge i awm ?" Tih pah chuan ka hnung chu a chul kual char char a. "Ka thaaaaaaa" ka ti vak. Minute 3 vel lek kan la thu a, vawi sawmhnih vel min zawt hman tawh ang.

"I tha takzet maw ?" Arawn tih leh chuan ka melh rawm rawm a. "O o o, result ka va en nge" tih pahin a tho nulh a, Doctor cabin ah chuan alut lehnghal. Heipawh minute 3 vel chhungin vawi 10 vel alut hman. Hahthlak zawk hian a!

Lehkha hi arawn bih chhuak a, "result a a landan chuan itha vek. Mahse i tha chiah maw bawihi ?" A rawn ti leh a.

 

"Ka tha! Nangmah zawk kha nih kha thalo" tih pahin a biang vel chu ka kawk kual a. A nui then thaw mai a, ka nui ve tawp.

Ka biang dawma min fawh atum chu nawr sawnin,"Hey i hmuiah thisen akai kha" tiin aban puamah chuan ka beng a. "I ten maw ?" A rawn ti deuh hmuk.