BETWEEN US CH-1

 

BETWEEN US // CH-1 BY RAMDINI JAHAU

||Remruatsangi POV.||

"Ti teh, hna chu kan hmu em em ang zawng tang tang phawt ila a awm mai ang" Alice-in a tih chuan thaw halhin kan hma lama dawr chu ka en a. Inhnêmna thuah chuan min hnêm lo pawl tak ani ngei ang. 

"Lo kal rawh vawiin atan hei chiah kan ti tawh dawn nia" tih pahin ka kalpui a. Nula pahnih chhuak nen chuan kan intawk chiah a. 

"Puih theihna cheu ka nei em nula ?" Pa la valai tak hian a lo ti var a. "Ka pu, hna ruak a awm tih kan lo hria a, chuan" beisei nei vel zet chuan kan en a. "Nula te u pawi ka ti khawp mai, nichin maia chhuak ta te nen khan kan lo indawr fel chiah a" a tih chuan a pawi loh thu a chhangin kan chhuahsan lehnghal a. 

"Engtin nge ni ang ? Ka nu lah hna atangin a bang bawk si. Hna a hmu mai thei bik bawk silo" rilru hah zet a tiin kan piah mai thutthleng ah chuan ka thu a. Alice pawh a rawn thu thla ve hnak. Karhnih dawn lai chu hna kan zawng tawh a, hna lah hi ala vang em em zui. 

"Heyyy kan inhmu thei lutuk hi vanneih ka inti ngawt mai" rawn ti deuh hluai tu lam chu hawiin ka khi suk ringawt a. Ka chhang lem lo a, Alice-i chhan ah ka dah tawp. 

"Remruati chu a va tum ber bur ve ?" A rawn tih zawm leh a, "Nia, a chau anih hi. Vawiin nilengin kan vak kual a" Alice pawh chuan phur vak lo chuan a ti sep sep a. "Anih dawn kha nangpawh I kha I hmel adik lo, Remruat tih tur dang inla nei em ?" Keimah zawk bawk chu min rawn zawt leh a. 

"Ninawm Lalsawmzual ka tawng peih lo nih hi" ka ti deuh bur a. 

"Aw emaw aih tih khan min chhang la tawk mawle, tawng duah kher I tum nih kha. Tihtur inneih tawh loh chuan ka thlah ang cheu chu" nui deuh hau chung chuan a ti a. Tho nalhin a car awmna lam chu ka pan nal nal a. Ka hah lutuk tawh. 

Ka thiante pawh chu an rawn thu lut ve nghal a. Kan tlan chhuah ruala ka phone ri ve zat chu ka en a, ka nu ni. 

"Aw nu"

"Bawihte ilo haw dawn tawh em ?"

"Aw nu kan lo haw mek"

"Thu lawmawm deuh hrilh tur che ka nei a, ka lo nghak dawn che nia" tih pahin a phone chu a dah zui a. Ka thaw hak a. 

"Remruat, I rilru ava hah hmel ve" 

"Hna ka duh" engdang sawi lo thlek bal pah hian ka ti a. 

"Hna maw ? Eng hna nge in thawh ve theih. Ka dawrah hna awl a awm dawn a chuan ......"

"Awii... Lalsawmzual I va fel tak em. Eng hna pawh ka thawk thei vek nia aw" Alice-i chuan a rawn ti deuh zawt zawt a, insum deuh tur ka mitmei ve na te chu a hmulo der hmak nia. 

_______________

"Bawihte han inthlak la chaw ei ka lo siam dawn nia" in ka luh rual a kanu in a lo tih chuan tawngka a chhang zui lemlo in ka bu zeuh a. A hming a ka room ve ah chuan Inthlak turin ka lut zui nghal a. 

"Bawihte vawiin lam eng nge in an ?" 

"Nu hna hi avang lutuk a...."

"Class I kal lo em ni ? Pawisa chu ngaihtuah suh ka tih kha. Tha deuhin lehkha hi zir phawt la atha nimai"

"Nu lehkha ka zir chuan eng nge ka tih chuan ang ? Tun ang ah pawh hna avan tawh nen, lehkha ka zir khan hun ka khawhral mai mai. Chu ai chuan pawisa thawkchhuak teuh ila, ba te rulh zawh vek kan ngai lawm" ka tawng chhuah dan chu ka duh aiin a rum mah mah. 

"Bawihte......" Min en deuh vang vang a. "Aa-ahh thu lawmawm ka nei a, hna ka hmu sin" 

"Tak tak maw nu? Khawiah nge ? Engtik atangin ?" 

"Vut vut thin a che, kar thar atangin ka zawm thei dawn a" a rawn tih chuan ka nui ver ver.

Chaw kan ei kham chuan ti fel zung zungin ka room ah ka lut nghal a. Khumah chuan ka let ka let kual a. Ka message tone vang chuan tho zawkin dawhkana ka dah chu ka ban a. Lalsawmzuala bawk.  

Kan collage ah hian kan senior thin ania, inhrawn rei ve hman lem lo a, mahse an chhuah hnu hian min biak zauh zauh hi a ching a, Alice-i te nen vengkhat anlo ni bawk nen, han hnar viau theih pawh ani thin lo. Amah hi afel bakah hian a hmeltha in a pian atha a, chumaibakah an la hausa tel bawk cheu bawk a. Keini ang induh khum eih loha min han kawm bawrh bawrh hi chu ngainat loh har tak ani. 

*Ka lo leng dawn*

*A ngailo ka mu tawh dawn *

*Pawilo i nu ka rawn rim nga nimai 😹* Hram chuan a.... Chhang zui tawh loin room atangin ka chhuak a, "Nu, Ka thiante an lo leng dawn nia" sitting room a ka nu lo thu bulah chuan ka ti a. 

"Aw bawihte tute nge ?"

"Sawmzuala te"

"Umm lo leng rawh se, kei ka chau riau mai mut mai ka duh" tih paha tho chhuak in room lam a pan nghal mai a. 

Kawngka rawn inkik ri kharh kharh lam chu ka pan nghal zat a, ava rawn thleng hma em em. "I va rawn thleng hma ve Sawm...." Kawngkhar bula mipa ding vang chuan ka tawp chut a. A chhip atanga a ke ler thleng chuan ka en chhuak hman vekin ka hria. Awi leh!! A pian nalh zia chu maw.... Mahse a hmel chu Sawmzuala a tluk lo!!

Kalo en rei deuh nge aw a thian kharh a "A-aww... Puih theihna che ka nei em ka pu ?" Ka ti bah deuh nak a, "nei e, he um ah hian tui thianghlim min dahkhah sak thei em ?" A ti deuh hmuk a, hmmm a tawngdan chu thu min pe tlat,a pa in emaw a ti em ni ? 

"Lawkin, helai hi I pa in anih loh hi, kha aia hawihhawm deuh khan min dil theilo em ni ?" 

"Theilo" ka va ngei ee.... "Pawi ka ti khawp mai ka pu, tui kan nei lo tlat" tih pahin kawngka chu khar mai kan tum a, a ke chuan a dang tlat. A ke chu kawngkhar chuan ka thlap deuh pawp pawp a. Nâ a hre theilo nge ni a dahsawn miah lo nia mawle. 

Thaw hak in ka melh hraw a,min en ve ngur bawk. 

"Eng nge i duh a ?"

"Tui" tih pahin a bottle ken chu a rawn lek kang va va a, "ka hrilh tawh che kha, tui kan neilo"

"Min pek hma chuan kawngka hi I khar bik dawn lo" ava han zaklo tak. "Ben I duh mi ?" Tih pahin ka kut chuan ka tin uai uai a, a lo la nui zui. Ka vin vak dawn chuan ka nu a rawn chhuak ang tih ka hlau bawk si. "Ka va Ning che e, kal teh ka inleng neihna tur I dal" 

"Min Ning si chuan min pe ta vat reng che" hah..... Heipawh hi khawilai mi hausafa awmtha duhlo bak zuk ni suh. A hmai zawnah chuan ka kut pahnih chu ka suih a, "ka pu...." 

"Enge a....Ee Simon !!" Ka sawi zawh hmaah Sawmzuala aw ka hriat vang chuan en haw a, an hria maw. Kei min en leh in "Ka rei em ? Thil ka rawn lei kawi a" tih pahin paper bag chu a rawn khai kang va va a, a thianpa bawk chu en leh in "Simon in in hria mi a ?" 

"Hrelo, I thianpa nih chuan kal tir teh" a paper bag chu laksak pahin choka lamah ka lut nal nal a. Lo inchingfel rawh se. 

A hnu deuhah chuan Sawmzuala chuan filter ami tui chu a rawn thun a, ka lo melh deuh hraw vang chuan a khah hma hma chuan a tlanchhuah pui lehnghal a. Min hlau der lutuk chu ka nuih te pawh a tiza. 

A hnu tv kan en leh naah chuan "Tinge tui kha I thun sak ve mai loh a ?" tiin min zawt a. Keilah chuan awlsam fe hian " a tawngthei sual chapo lutuk anih kha" ka lo ti puat a. Chek tlak tlak in a ngawi daih. Tui kha a phu lo reng ani, hawihhawm lo ropui si. 

An dawra thawk turin min sawm a, mahse ka duh bik chiah lo. Insawilut kan ang tlat. Kan inhnial fe hnuah lungawi vak lovin a haw a, keipawh ka mu zui ve nghal. 

______________

"Eng nge ?" ka ti phak deuh chuap a, "Remruat hna kan hmu" lemlam ami in a rawn tih chuan ka inperh tho nghal zawt. 

"Eng maw ? Kan hna dil kha kha kan tling tihna mi ?" 

"Aw, nichin khan call ka dawng a chuan.... Hna kan nei, hna kan nei. " Ani pawh chu a hlim hle tih ka hre mai. 

Ka phone chu dahin room atang chuan ka chhuak a, "nu hna ka hmu" ka nu chu ka va kuah chung chung a, "awi awi awi.... I va phûr em em ve. Khawiah nge ni reng reng a ?" Aw ka lo theihghilh daih. 

"Mahse nu Mizoram chhung ami ani lova" ka ti chuai raih a. 

"A theih loh" a ti nghal bur. 

"Mahse nu, ngaihtuah la ahna a hahthlak loh bakah hlawh a tha a chuan....."

"*Chuan* a awm theilo. Mizoram pawn chu sawiloh khawdanga awm pawh ka phalloh laiin..... A theih loh ani tawp" 

"Dubai ah nia. A neitu te pawh Mizo tho lawm" a lu chu a thing mat mat a. Ka sawi chuan a hrethiam dawn lo anih hi. Ka room ah chuan lut lehin nukimi ka call ta tawp. 

"Aw hello, Remte min va rawn phone khat ve ?" A rawn ti nghal bawrh bawrh a, "Aahh.... Nia kan buai ve thei lutuk a, enge intha tlang maw ?" Ka vel luam a. 

"Aw kan tha tlang e. Ni e, buaina neuh neuh hi lo awm ve zel a. I nu khan hna I zawng ve tih min hrilh a, eng nge i an a ?" Amah zawk in a rawn sawi hmasa chu ka thaw huai, sawiluh pui kha ka lo hreh lutuk a. 

"Nia Nute, hna ka hmu ve a...."

"Ehe Ava lawmawm ve, eng lam nge ni reng reng a ?" 

"Ih.. hotel ah nia hlawh pawh a tha a, mahse Mizoram ah ani lova"

"Athat viau rualin rampawn daih daih ah chuan a tih chi dawn em ni Remte ?"

"Nia, ka I sawitum chu ka hre tho a, mahse ngaihtuahla hna van zia te, na kan nghah si hna thawk lo in awm tawp theih ani bawk silo a, ka nu pawn rem a tilo a, nangtal chuan min remtihpui la" min hmu theilo mahse kut zaizir meuhin ka sawi a. 

"Nia a dik tho mai. Tunlai ah chuan hna a vang tawh sia, pawisa rulh tur tam bawk nen. I nu chu ka lo sawipui chhin dawn nia" 

"Awle nute ka lawm lutuk chuan mama kha min lo biak rawh aw"

"Awle tehreng mai" phone chu ka dah zui a. Ti kha chuan ka nu chuan a phal dawn Chiang sa a, tunah buaina zawk chu Alice-i nita. A û lah hi den mai sia maw. 

Intifai zung zung in chaw pawh eilo in ka chhuak a, 

"Aw Alice" phone ka benga ka nawr beh rual chuan ka ti a. 

"Awii rawn thleng vat teh, ka u bulah min sawi sak ka ngai nia" a tih chuan ka kal mek thu sawiin phone ka dah zui a. Keini hnathawk ve tur pawh hi a(h). Buaithlak dun lutuk. Ka kal tur chiah chu ka sira tuihawk awm chu a rawn per chhuai a. Awii ka duh vek. "Hey ding teh u, kawngpui zau tawkah hian helai chiah hi mi i hmuh a ?" Car lah chu a tlan liam vang vang. Ka va haw tak em. 

Phun hlukin ka kal zui mawp mawp a. "Nichina car kha chhia se" tih ringawt sawiin Alice-i te in ka thleng thak. 

"Ehe tinge I va huh nasa ve ?"

"Mimawl ka rawn hmu fuh a" ka tih chuan a nui chhuak hak. Min nuih avang a lawmlo fe a melh chung hian a û awmna ka zawt a. A û chu room atangin a rawn chhuak ve chiah a,biak tumin ka pan hnai a. "Remruat ka sawi peih tawh lo" alo ti vut a. 

"Enge I phal loh viau a ?" Ka ti nghal tawl a. Mood a duhlo sa nen alo tawng bung lutuk chu ka haw leh tlat pek. 

"Hna a thawh loh in eng nge a ei ang ? Nang lah nupui I nei tep a, amah a intodelh a zir ve angai tih teh hi hre ve ta che. I nupui tur lah kha rilru chhe kir ker si. In inneih hunah phei chuan a thah daih duh cheu nia ka rin ni" ka vin deuh thuai thuai a. An unau chuan min melh haw. "Enge khatia min melh hnaah I kal dawn ni lawm mi kal rawh" tih pahin an choka lamah chuan ka lut nghal daih a. A eng ber hian nge ka thin tirim em em pawh hi ka hrelo. 

"Wowww.... I lo bawn ngei mai, ka u chuan a phal thlap tawh" Alice-i chuan kut zungpui rawn ti pir va va pah hian a rawn ti a. Ka ner nak. "Atha nih chu kal hun tur an rawn sawi em ?"

"Aw...... Kar tawp lamah hmun dang ami ho nen kan kal rual thei vek dawn" 

"Umm anih chuan inthlakna tur min rawn pe teh" ka tih chuan room lamah a kal lehnghal a. 

__________________

"Va fimkhur viau ru aw" ka nu chuan min hrilh mawlh mawlh a. Kan piah ah chuan Alice-i te unau pawh an in hrilh mawlh mawlh mai. 

Thu an sawi fe hnu chuan kan inthlah fel ve thei hram. 

||SIMON LALFAKZUALA POV. ||

"Morning bawiha"

"Morning ka nu"

"I kal tawh dawn em ni ? Thil ei phawt la" 

"Pui-in min nghak reng tawh a ka kal mai ang"

"Awle nuam deuhin hun in hmang dawn nia" a tih chuan a biangah fawp zeuhin ka kalsan a. Pui-i te inlam pan chuan ka inkhalh chhuak nghal a. 

Tukin chu tuk dang anglo takin kawng chu a thawl zek. Reh zual deuh laiah chuan ka speed ka san a, ka tum loh deuhin kawngsir deuha tuihawk chu ka chil per puat a. Hmeichhe rak thatin a zui nghal bawk. Ding ka tum zet tawh chu side glass a mi hmuh avang chuan ka tlan liam vang vang. Minghal-i kha a nih kha. Tikhan lo inchingfel mai teh se. 

Pui-i te in ka thleng tep tawh tih ah chuan ka car chu a thi deuh hmak. A ngaihna hrelo zet chuan kan en kual vel a, engah mah chu ka en dik phah hlei law. Steering chu chum deuh pawpin ka chhuak zui a. Seat hnunga ka dah ka luggage chu la chhuakin Pui-i te inlam chu ka pan phei a. 

"My dear khawnge I car ?" Pui-i chuan alo ti hluai 

"A chhia a tahsawn ka rawn kalsan" ka ti deuh hmuk a. 

"Ummm lo lut rawh, Sawma kan call mai dawn nia" a tih chuan kan inzui lut a. 

________________

"Passenger te in seatbelt kha hreng vek turin kan ngen a che u, kan thlawk chhuak tawh dawn e" 

________________

"Sawma khawnge I bialnu chu ?" Pui-i chuan nuih kur kur pah chuan a ti a. 

"Ani chu a thleng daih tawh ang" pakhat pa lahin a lo to liam puat. 

"Min hrethiam lawk rawh u" tih pahin bathroom lam ka pan a. 

"Ka pu khalam kha chu a hman theihloh a, khawngaihin helamah hian min rawn zui ta che" a tih chuan ka zui ve mai a. 

Wash basin a kut ka dil lai chuan hmeichhe pakhat hi a rawn pai/pei lut nawk nawk a. Ka hawi chhuah rual chuan min rawn bawh nghal rawk rawk in min luak khum nghek. 

A thiannu niawm tak chu rawn lang chhunzawm nghal in "kan tihpalh lutuk ka pu" thupha a rawn chawi nghal mawlh mawlh a. Phun hluk in min luak khum tu hmel chu kan en a Minghal-i bawk. Engvanga intawng duh thei em em nge maw kan nih le ......?

"Atha e" tih pahin ka ban vel chu ka silfaia, a rim te lah chu la reh mai theilo zui. Aghhhh buaina anih kha!!!

"My dear tinge I va berh ve ?" Pui-i bawk. 

"Mi mawl ka va tawng fuh a" ka tih chuan Sawmzuala chu a rawn nui chhuak thawt a. Ka melh nghal hraw vang chuan a ka chu hup a. 

A la nui char char, hmeichhia ang mai. 

🍷🍷🍷🍷

"Welcome Mr.Simon" office ka luh rual chuan hnathawk ho chuan min lo chiauau tha hle a. Buk khum zeuhin ka room lam ka pan nghal. 

Dawhkana file lo awm chu ka en nel nual a, engkim a fela ka hriat avang chuan ka thawveng deuh huai. Mizoram lamah pawh buaina tam nen helam lehzela buai kha chu ka Ning ani. Kawngka arawn inkik karh karh chuan lo lutin ka hrilh a. 

"Sir, hei hi vawiina appointment I neih ho ani a, chuan hna thar rawn zawm ho khan lobbyah an nghak che aw" a tih chuan Ka kal tur thu sawiin ka tho chhuak a. Hotel lam ka pan tumin ka chhuak zui a. 

Hotel thlen hma chuan tu emaw nen hian kan insu chawrh a, a bawm ken a len em avang chuan a hmel erawh ka hmu theilo. Tihpalh tih thu sawiin a kal leh nal nal a. A kal enzui a phun hlukin ka kal ve nghal mai bawk a. 

"Good morning sir" Hotel manager Tafas chuan alo ti var a, bu zeuhin ka hmaa form nen a ding thap ho chu ka en a.

"Tafas" 

"Yes Sir"

"Tinge pakhat a kim loh" a lamah chuan ka thle hawi leh a. Hawi zawk zawk hian "ah sir... Sir alo thleng tep ang" a ti deuh nuai a. "Hna tan rawh u, chuan alo thlen hunah ka cabinah I rawn tir dawn nia" tiin chhawng chung lam ka cabin awmna lam chu ka pan a. 

Cabin bang glass vek a siam lam chu ka pan a, ka kut pahnih ka kekawr ipte dah lutin hnuailam chu ka thlir thla vang vang a, motor leh mipui zi nuai nuai bak hmuh tur a awm lo. 

Pawn lam atanga kawngka rawn kik ri karh leh rawn ri zui rak vang chuan ka lehhawi a. Ka mi hmuh vang chuan ka ni deuh hawk a, tinge maw kan intawn theih em em le? La hrelo leh hmu ngailo ang hmak chuan 

"Enge hetah I tih ?" Ka ti bung nghut a. 

"Manager Tafas in min...." A sawi zo hmanlo a min rawn hmuh ve vang chuan a tawp chawt a. Min en vang vang hnuin a kun lehnghal a "Manager Tafas in min rawn tir a" a ti bah deuh niai a. Ka nui suk. Amah hi maw staff member kimlo kha. 

 "Eng vanga hna tlai em em nge inih" kawngpui lam bawk en leh pah chuan ka ti a. 

"Aaa-ahh.... Tukin ka rawn thlen khan Storage lama bungraw dah turin...." 

"Simon" a sawi zawh hmaa tawng dang an lo awm vang nge a tawp chawt a. Keipawh aw lo chhuahna lam chu ka hawi ve vut. Pui-i chu Minghal-i hmu miah lo awm chuan min rawn pan vutin ka biangah a rawn fawp zeuh a. "I office lamah ka rawn kala mahse Sawma'n hetah I awm tih min lo hrilh a" a kut ka nghawng hnung lama suih pah chuan a ti a, a kut chu la dahthla deuh hmak a, Minghal-i awm vang pawh niloin hnathawh laia intihbuai hi ka thil ngainat loh tak anih vang ani "Tunah chuan hna ka thawk tih I hriat ve ka ring" ka ti deuh hmak bawk a. 

"Hna maw, nangkha I kal thei tawh ang" a tih chuan Minghal-i lah chu a chhuak zui nal nal a. 

"Tikhan hna chu a zo, lunch ei dun ka duh a"

"Pui-i ka hrilh ngun tawh che, hna ka thawh laia min tibuai lo tur hian" ka ti fak a. 

"Ka tibuai che em ni ? Ka rawn chingfel sak zawk che nih kha" a dar san akin a ti a. A hrilhfiah leh theih dawn Chuang loh. Thaw hakin lunch eitur chuan kan inkai chhuak a. 

||REMSANGPUII POV.||

"Engtin nge a lo tih che ?" Alice chuan min lo zawt vat a, ka lu ka thing mat mat. Mahse cabin chhunga ka mi hmuh kha chu ka awih theilo. Ka rinloh ber mai anih vang khan ka hawi â tep. 

"A hmeltha I ti ve em ? Thlawhna a ka mi hmuhpa lek kha alo nia" A rawn tih zawm a. Enga!! Thlawhnaah anlo inhmu tawh bik maw. "Engtik ah ?" Ka ti deuh haw a. "Awwww..... Mate, I ruih a I luah khum vak kha mawle" 

"Enga(h)!!!"

"Aw ni e, engtin mah atih loh danah che khan i hmel a hre tawhlo ani ngei ang" chek tlak tlak pah chuan a rawn tih zawm leh a. Awii Lalpa ka chhe vek!! Ka chal chu ka beng deuh chawrh chawrh a. "I â mi i inti na nga sin"

"I hrelo nih kha, Sawmzuala lo len zana tui min dil tu ka tih kha amah hi lawm" ka tih chuan Alice-i pawh chu a meng phawk ve hra. Tawngthei-a tepawh an rawn kal ve chiah. A bula hmeichhia zawk chu dak deuh vah hian a kal hawh hawh a, tawngthei-a ve erawh chuan rum em em hian min rawn en a, en rei ngam loin hnuai lam ka bih nghal daih. 

"Remruat thi sa-ah inngai rawh. I inhauh pui hrep hnuah I luak khum a, chutah I hna tan ni ah I la tlai zui" enzui vawng vawng pahin Alice-i chuan a ti a. 

"Alice helamah hian duty tur aw, chuan Remruati chu sir cabin lamah" kan manager chuan kan duty na tur min rawn hrilh in a kal leh a, Alice-i nen chuan kan inmelh nghal ralh. "Awi mate, Sawmzuala be rawh, a thianpa I ti nilawm ni. A sawifel thei hrim hrim ang" tih apahin kan inkalsan a. Aw Lalpa zahngai lul ang che. 

Amah pawh awm tawp silo a, enge a cabin ah chuan ka tih dawn ni. Tihfai bak tur awm ang hrelo zet chuan ka chho a, ka dak lut de de a. A reh thuap mai. 

Dawhkan leh thil eng eng emaw chu ka tifel nghal deuh zung zung a. File ka rem fel vel lai chuan ka phone a rawn ri a. Tumah an awm chuanglo tiin chhan tumin kan lek kang a, Ka nu ani. 

"Aw nu" 

"Hello bawihte, eng nge i an ?"

"Ka tha lawm nu, hna chu I zawm tawh em ? A nuam em ?" 

"Aw ka zawm tawh a, kan pi te nupa pawh an fel lutuk chuan nang vawiin atang hna in tan em ni ?"

"Aw nu hna ka thawk mek a" 

"Eee... Nakinah ka rawn be leh ang che aw bawihte, tha deuh in hna thawk la, chaw te kha ei tha la, tawngtai leh Bible chhiar kha theihghilh miah Suh aw. Ka hmangaih che"

"Awle ka hria e, ka hmangaih che" phone chu ka dah zui a.

"Hnathawh laia phone hman hi phal anilo tih I hria em ?" Ka hnung lamah rawn ti thum dut tu vang chuan phu chiam in ka thil rem khawm sa ho chu ka tidarh leh vek a. Ka awm chu dawn vang vang in "I â emni ? Thawm rawn neih hmasak tur che lawm" ka ti chiam a. A rawn luh lai reng ka hrelo. 

"Takzet che hian" awih loh hmel fe a min en in a ti zui a. Awii ka theihghilh "ka... Ka tihpalh ka pu" ka kut hma suihin ka kun ngur a, nichin ka awmdan nen chuan inhmeh viaulo. Naupang fel deuh te pawh ka ang ta ve ang. 

" *Ka pu* nilo in *Sir* chuan thawk zawm rawh" a rawn ti leh vut a. Bet lo deuh chuan ka tifai zawm leh mial mial a. A felfai thawkhata ka hriat hnu chuan chhuak vang vang tumin kawngka lam ka pan a. "Tunge I chhuak thei ti che ?" Tawngthei-an a rawn tih leh chuan ka tawp leh chawt. 

Zum dak hian ka leh hawi a "ka pu awh ka tih sir ka zo tawh sia chhuah...."

" I kalthei tih ka sawi hma chuan I kal theilo. Khangkha dah la coffee min rawn lak rawh" a tih chuan ka chhuak nghal vat a. A mi uap nat zia kha. 

"Enge a an ?" Alice-i chuan min hmuh chuan a ti leh zuk zuk a. 

"Engmah ang lo Coffee min lo pe teh hremhmuna awm ang mai ka ni" ka kut a ka hmai zap deuh hliau hliau chuan ka ti hlawih hlawih a. 

"Kha la rawh, phun phun lo khan kal rawh" a tih chuan melh hrepin ka kalsan a. 

_________

"Hei hi eng coffee nge ?" A rawn ti deuh thawt a 

"Eng.... Eng nge diklo a awm em ni ?"