ALPHA COMPLETE BY RAMDINI JAHAU
ALPHA COMPLETE BY RAMDINI JAHAU
ZORINSANGI Pov.
"Awiii Lalzorin kan inah rawn awm ngei ngei ang che" phone lehlam atanga rawn ti phawr phawr tu chu tudang nilovin ka thian thawveng em em Laldinsangi ngei ani.
Nikum kum tawp lam khan Aizawl lamah an in sawn a. Ka thiantha ber ani a, an insawn dawn zanah a lungleng tur thu sawiin a tap chiam. Mahse an han thleng a, azan azan in anawm zia a rawn sawi leh nghal chiam. Ani ang mi harhvâng leh tawng duh kha chuan hreawm a han tih tehchiam kha ka ring lo reng ani.
Zorinsangi ka ni a, kum lamah chuan chuti lutuk a upa ka ni la nilo. Ka tet lai hian ka pa in min boral San tawh a, ka nu in kei leh ka u mipa pahnih nen chuan min ṭulpui tawp a. Tunah chuan puitling ṭhiau kan ni tawh. Mahse khang hunlai a kan nun dan kha ka kalsan ve hleithei lova, a awmzia berah chuan introvert an tih ang chi hi ka ni mai awm e. Mite angin thilthar ka lawm tehchiam lova, mi zinga awm nuam ka ti velo in huau huau ka ngaina bawk lova, khawvel hmasawnna leh changkanna hian keimah ah awmzia an awmlo tihna anih ber chu. Hetiang mizia ka neih avang hian ka nu chuan khawpui lama collage kal zawm pawh min phal sak lova, mahse Laldini te an in sawn takah chuan ka dil fe hnuah a rem ti hram.
"Bawihte hreawm itih chuan min lo phone anga rawn hruai tur che in ka rawn thlawk nghal ang" kan milai overprotective brother chuan a rawn ti a. Ka nuih tawp, ani hi chuan ahma ang thovin min ṭan in min ngaihsak reng a, nuṭa neih man ati awm mah mah thin.
"Bawihte kal lo mahla a pawi lo mawle" ka nu chuan a rawn ti vawng vawng vawng a.
"Nu khatia itih ziah vang lawm matei pawn hma a sawn theih loh ni" kan upa ber umapuia (a û mapuia)chuan a rawn ti bawk a.
"Nia nia nia.... kha lut vat vat rawh damdawi te kha i ei em? Motor rui buaipui ngai khan i han awm leh nge" aumapuia thusawi hrelo ang hmak chuan a rawn ti bawrh bawrh a, aumapuia chuan ahnar a tum dut a aumala (a û mala) nen chuan kan lo nuih char char.
^_^^_^^_^^_^^_^^_^
"Mami mami" tia min sawi dat dat vang chuan ka harh zawk a. Phak deuh chuat chuan ka hawi chhuak a "mami inhnawh puar lawk ang u aw" rawn sawitu chu man sumo chuanna driver ani. Kawngchhia e tilo chuan ka damdawi ei a thawka ka lo muhil daih hi alo ni, Kawng chhiat vangin a tlan chak theih lova, khua pawh a chawhnu ruih tawh.
Muangchang lovin kan tlan leh beuh beuh va. Kan khaw kar kawng chhe lutuk hi chu buaipui tham chu ani Chiang alawm. Tar leh nu naupai tan phei chuan zin veivah a huhphurh awm thlawt.
Ka lo muhil leh ani ngei ang kan thlen dawn chuan ka harh leh chauh. Motor atanga ka chhuk hma hma chuan laldini chuan min lo au chul a. Henu hi chu a hahthlak thei ngawt mai.
A hnungah chuan u siamtei ka hmu tel ve a, u siamtei ka hmu thut chu ka hai thelh ani.
"Zoi hei ila hria em? U siamtei kha" Laldini chuan alo ti sawk sawk a.
"Ehee! Hei hi maw Zozoi kha i nula tawh lutuk a ka hai che lawm" usiamtei chuan a rawn ti nghal bawrh bawrh a . Ani pawh hi ahma ang in ala tawngduh reng anih hi.
"Nia, keipawh ka hmu thut che a ilo hmeltha tawh sia ka hai che lawm" nui deuh ṭhâ chung chuan ka ti a. Sawitur dang ka hre thlot lo.
"Ala ngai reng, tiraw usiamte" laldini bawk chuan alo ti a, ka tawngkam hman kha a sawi tih ka hria.Mahse engah mah ka ngai lo, a nghal a chhuah ve ani mai.
Ka bungraw ken ho chu kan in hlang fel zung zung a Laldini te inlam pan chuan kan tlanchhuak zui nghal. Usiamtei erawh tihtur ala neih avangin kan rualin alo kal ve talo a, zam lamah erawh Zorema nen an rawn len tur thu a sawi a.
Zoremsanga, a hmel landan tur mawlh chu ka ngaihtuah. Kum sawm chhung kan inhmu tawh lo ani a, min la hre ve angem. Nupui nei rual ani tawh bik ngei anga, nilo nupui neiin fa tepawh anei tawh hial zawk maithei.
"Zoi Zorema chu kan collage ah kan professor pakhat ai a lo kal asin" Ka ngaihtuah lai lai chuan laldini chuan a rawn sawi chhuak hlawl a. An chhungkaw chanchin min hrilh zui nel nual a. An intlawhpawh reng ani awm e.
"Laldinsang nang hi hostel ah i awm ani lawm ni?" Ka ti chuan "aw hei hruai i ngaia ka rawn chhuak ru" a rawn ti a. "Engmaw i rawn chhuak ru maw" ka ti let vak. Chutah nui vak vak pah hian "awii tihder i nuam e, engtin nge ka chhuah ruk theih ang. Ilo kal dawn vangin warden hnenah ka sawi vek alawm, enla pu nghaka pawn steering a her kual pap pap kha" a rawn ti a. Ka ngei lutuk chuan i hmelchhia tih in ka hawi tau hmak.
"Yo yo my girl i" tih pahin u rohlua laldini u chuan ka biangah a rawn chuk(fawp) vaka kei ka lo ṭeu hlar thung. Kan tet deuh lai khan ka biak hi a tai tek zel a hei hi lawm in a chuk(fawp) vak zel a tun thleng hian a sim hleithei lo.
"Lalrohlu tikhan inau te tivak zel suh" Nu sawmi, Laldini nu chuan urohlua a kut in a tin uaia urohlua lah in hlau der in inchungah a tlan chho daih.
"Mate motor i rui em? I nu khan min rawn phone" nu sawmi chuan a rawn ti a. Ka nu tak hi chu(h)
"Aaa rui love, khawng pa chhuana te hi" tiin ka zawt let hlauh va.
"Matei alo kal dawn sia atia bazarah ava kal anih kha. I chau awm si i duh leh lo han mu rih rawh chaw ei nan ala hma tho, Laldin a room tur han hrilh la mahse han chamhlen lo khan rawn thlawk thla nghal ang che" a tih zawm bawrh bawrh a. A tawng duhthawh thei lutuk hi a nuihza lamah hian akal thin.
Laldini chu phun nang nang in a chho a, a hnungah ka zui bawk. Room kan lut khumah kan thu chiah tih chuan urohlua chu a rawn lut a "mate thil ka hrilh ang che, laldin nangchu chhuk rawh" ka bag chu hai in a rawn ri phawr phawr. Laldini chuan a û chu insiamchhiat khum vakin a hmelchhiat thu a sawi a inhnuai lamah a tlan thla nal nal.
"Enge i zawn a ?"
"I u thil min rawn thawn ka zawng"
"Engmah min lo thawn hleinem"
"A hriatloh in a bag ah ka dah a ti lawm"
"Khawimaw ka lo zawnpui ang che" ka tih chuan a duh thak lo. Ka bag chu a lipse vek ani mai.
"Aaaa Lalmalsawma hi ka hmuh hunah ka hnek dawn" din hluai pah chuan a rawn ti a, a thil duh ahmu lo niang.
"Kha kal teh iti hnawk vek" tih pahin ka beng chawrh "anaaa.... e mate mi ka hmuh ang che aw" tih pahin a tlanchhuak a. Laptop nen a rawn let leh.
"Hei mate ka bialnu nih hi" tiin hmeichhe pakhat thlalak hi min hmuh a. Keilah pek chuan Laldini ka au vak a. Kan pahnih in kan han sawi sak tak tak mai chu maw urohlua kha a ṭap lo chauh.
^_^^_^^_^^_^^_^
"Awi ka ngei e an hausak vang mai a, midang luah sa pawh han chhuah tir leh chu ka roommate tur ala ni zui" Laldini chu a phun hlak hlak. Ni e, a thinrim thlak ve reng nimin lamah kan in be fel vek tawh a, vawiin ah ka han insuan lut a, ka inrem fel chiah tih a chhuak mai turin min ti leh a Chupawh kei ni aia sum anneih zawk vang maiin. Sum hian thil alo ti thei anih hi.
"Keichu a pawi pawh ka tilo, Laldini a awm silova Matei hi kan bulah awm rih daih anga atha nimai a" U rohlua chuan a rawn ti a.
"Ni e, Mate itan pawh anuam zawk daih ang hostel dang hmuh hma chu kan bulah awm rih mai rawh. I nu te pawh kan be dawn nia" Nu Sawmi chuan a rawn ti ve dap dap a. Ka nu'n a rem tih chuan pawi tawh ka ti hran lo. Khawiah mah ka la tlangnel bawk silova, an bula awm rih pawh chu a thlanawm rih zawk viau.
"Aaa.... Min tibuai reng reng hleinem hei kan nula ve hi inah a awm in lehkha azir tha thei silova, hostelah kan dah daih a. Kan lungleng hnemtu ah ani mai a" Nu sawmi chuan nui huah huah chung chuan ati a, thiam taka ka nu hnena a sawi chuan ka nu pawh chuan a rem ti ve hram.
Laldini te chhungkua hi chu kan tan hian vantirhkoh hi anni rigawt a, anni hi awm lo se chuan hetiang em em a kan chhungkua hi kan kang pawh ka ring lo. Hei vang hian ka nu hi a inthlahrung thei khawp a. Nu sawmi lah hian a inthlahrung lutuk hi an thinrim der khum thin a. An chhungkua hi chu engtikawng zawng pawn kan hlimna ti ila a dik ber ang.
^_^^_^^_^^_^^_^^_^^_^
Class a introduction ka pek lai chuan ka sir ami vang chuan ka sawi tha hleithei lo. Ka mitsir reng a kan khaw hming ka sawi chuan a nuisuk chu ka hmu thei. Ka class hmasa berah amah berkher a rawn lut hmasa ber a. Ka hmuh chak mahse hmuh ka hreh em em anih vang nge Ka zam chhe lo chauh, ka ṭhutna a ka kal theih thu a sawi chuan pen ka hma a ṭhutna ah chuan ka ṭhu thla nghal a. Tunah tak hian 'mithar chu tlar hma ah ṭhut tur' tia min hrilh tu kha ka ngei lutuk. Kan hma lama mipa nen hian duh aiin kan inhnaih mah mah.
A hmel chu ahma aiin a lang puitling tawh a. A khabe ah chuan hmul tlem a siar siar, saw saw chu ahma khan mawi ka tih thu ka sawi thin. A sam kir a duh loh avanga a meh kawlh vek zel kha tunah chuan a zuah buk tawh a, a hnar ngul sang tha tak leh a hnuaia a hmui sexy zet pawh chu hmuh hmaih har tak ani. A mitmeng zûn nei chuan min rawn en leh thin a. Ah... A engkim mai hian zûn anei vel vek anih hi.
"Zorinsangi kha la chhuak ve suh" rawn ti sup tu avang chuan ka chhuak ṭep ta2h chu ka lut ṭha leh a Class zawh hun ka nghakhlelh tehreng nen. Ka bulah rawn kal hnaiin chiang tawk hian min rawn en a, ka lo awm lai vel vek. Chutah nui suk hiam "Zorinsangi maw i hming kha(h) ?" a rawn ti a.
"Aw sir" 'sir' a rawn ti nawn ve sup. Hepa hian min hrelo tak tak e mawni le.
"Chuan Dilkawn aṭanga lo kal maw inih ?"
"Aw sir"
A bula ka awm hian ka pangngai lo tih hre miah lovin thil min zawt reng a, zawhna ala ngah em em zui. A tawp a tawp ah ka kal theih tawh thu a sawi a, rang mangkheng in ka chhuak zui hmiah ka hnunga nui suk ri chu ka hre hman tho.
"Awi Zoi ka lo zawng vak che a, hawh class neih leh hma in thil ei lawk ang" Laldini chuan min hmuh veleh chuan a rawn ti a. Canteen lamah chuan kan inzui thla a, a ṭhiante ni ngei tur mi pathum lo awmna ah chuan min hruai phei a.
"Hey Feli hei ka best anih hi" laldini chuan an ti nghal thawr a. Feli a tih ni ngei tur chuan "i sawi ve ziah kha maw, i sawi dan aiin a hmelṭha zawk anih kha" alo ti vat a. Kei ka lo lai leh ringawt tawh.
"Heyyy....khatin tilo ula, ka sawi vek tawh kha" Laldini chuan ati pawr hlur. Hmeichhe pakhat chu nui hak hak pah in "Feli kha chu a uang ve mai mai nih kha, Awmi ka nia chuan ka bula ami kha Babyi anih kha" a rawn ti a. Fiamthu duh ve tak an nih dawn hi.
Kan ṭhu fel chiah tiin kan hma zawn ah tak chuan Zorema leh hmeichhe pakhat hi an rawn ṭhu thla ve a, Zorema chu min hmu thei zawngin a rawn ṭhu zui a, hmeichhia zawk erawh min hnungchhawn zawnga a ṭhut avangin a hmel ka hmu theilo thung.
Ka zawn a ṭhu chu la va melh leh zeuh ṭhin a min lo melh ngur zel avang chuan ka che chhe zeuh zeuh zui. Laldini te lah chuan Zorema te chungchang ringawt chu an la sawi zui. A bula saw an sawi dan chuan kan collage a thawk ve tho Zorema bialnu deuh reuh ani awm e.
Kan in ei puar hnu chuan mahni class ah ṭheuh chuan kan kal darh hlawm a. Awmi nen erawh kan class a in ang hlauh va, la in be nel em em lo mah ila hmelhriat anih tawh vang hrim hrim khan a nuam ve deuh. Chawhma lam ang bawk in a hma lamah chuan min ṭhut tir a. Mahse chawhma lam ai kha chuan a zia viau.
"Zorin saw sir Zorema bialnu miss Apuii cgu anih saw" a ruk thei ang ber a kan hma a hmeichhe kawh pahin Awmi chuan ati a. Nichin kha chuan a hmel kha ka hmu theilo a mahse hmeichhe hmelṭha tak ani a. Kei ang lo takin a smart zaih bawk. Hmm beisei bo.......ka hnual nghal rawih rawih thei.
"Zorin, zorin, ZORINSANG" Awmi'n sehchilh deuh naka a rawn tih chuan ka ding nghal ṭhuai. Min rawn en nghal ṭhup "khawilai nge i hriat loh" Miss Apuiin a rawn tih chuan "hei helai hi" tiin ka text chu ka kawk kual a. Enge a sawi pawh kha ka lo hre miah lo. Nikhatna aṭang tiang hi ka ni nghal ania. Zoremsanga vang vek.
Engtin tin emaw chawhnu lam chu kan tlingtla ve thei hram. Urohlu an ka lo hruai ang che atih avang in gate pawn deuh ah chuan ka nghak a. ka hminga min ko ri ka hriat avang chuan ka hawi chhuak a. Usiamtei alo ni.
"Zorin class inei tawh lo mi?" Ka bula rawn thlen rual chuan ati a.
"Aw hei Urohlua ka nghak mek a"
"Oo... sawtah khan ka hmu a ka lo tir a, amah lah khan i nghak tih a sawi silova" a rawn ti bawrh bawrh a.
"aaa apawi lo ala tlai lutuk chuang lo, khawnge kal i tum hrim hrim a ?"
"nia saw Zorema ka rawn hruai dawn" a tih apaha a thlek zeuhna lam chu ka va en a. Zorema leh Miss Apuii chu in kai deuh ti tih chuan an rawn kal a. Kan bul an rawn thlen phei chuan Miss Apuii chuan usiamtei chuan a rawn be bawrh bawrh a usiamtei erawh in a rul tawk te te bakin a chhang lo.
"Ehe Apuii chu kan va inhmu khât ve" urohlua rawn chuan a rawn ti liam puat a, usiamtei in mitmei zeuh chu ka hmu hman.
"Nia induh hun hi ihre thei lutuk a" fiamthu ti tak chuan a chhang let a.
"Nia, mate i hman tawh chuan kan kal mai dawn em ni?" A chhana te tawp chu ka lo duhkhawp lo.
"Enga sawtah tih tur kan la neih kha, Zorini kha chu Zorema khan thlah mai rawh se" ka chhan hma hma chuan usiamtei chuan alo ti zung zung a. Nichin khan tihtur an nei tih a sawi miah silova.
"aih..taxi pawn ka haw......"
"Lo awmla motor ka va la nge Apui Rohlua te rual khan kalla i thleng hma zawk maithei" Zorema chuan rawn ti dut dut a, Miss Apuii tan chuan Zorema bula haw chi pawh ani tawh lo.
"Apui lo kal nghal dawn em ?" Usiamtei chuan ati lang lang a.
"Aih kalna tur ka la nei...."
"Anih chuan kan kalsan mai ang che aw" a sawi zawh hma hma chuan alo tih khalh a. Motor lam panin a kal zui nal nal.
Khawiah emaw ni kalna tur aneih avangin kan kal leh a. Sawi tur avang duh khawp mai. Ka en leh zawk zel a, ani erawh in hmalam a melh run thung. A khabe ruh kual te chu ka en a, a hma ang chiah kha ala ni. A ban a thahrui zam te chuan innghah tlakna ani tih a ti lang chiang em em a.A kut ṭang chu ka en a mahse ani chuan ka zungbun ang hi a bun ve tawh lo. Enge maw ka ngaihtuah le tun ang khawvel changkang tawhah tunge zungbun ṭhing tak chu bun reng duh ang.... ohh chupawh ka keimah bawk mawle.
"i nu leh i û te an ṭha maw ?" a rawn ṭawng avang chuan ka la phu zuk zui a.
"Ah aw an.... an ṭha e"
"Chuan anih nang" kei chu ka ṭha tih min hmu ve reng sia.
"ṭha"
"I lian tawh lutuk a ka lo hre lo che a" nui suk chung chuan a rawn ti a. Hah a lu a samzai awm zat pawh ka hria ang tih theih tur khawpin ka hria a. Ani erawh in min lo hrelo anih chu(h).
"Nia"
"Ngaihzawng inei ve tawh em ?" Ka lam a rawn hawi zawk a mahse rei ani lo.
"Kha chu ka milmal thil ania" ka tih chuan a kiai suk chu ka hmu hman.
ZOREMSANGA POV.
Ngaihzawng a neih leh neih loh ka zawh chuan a mimal thil anih thu in min chhang ve tlat. Amah ka hriat theih tirh aṭanga tun thlenga ka thusawi vawikhat a hnialna. Kum sawm chhungin alo danglam hman nasa anih dawn hi.
+++++++++++
Room chhung aṭanga naute rawn ṭap ri chuan pawn lam ami te chu ka ṭe nghal chel chul. Mapuia leh Malsawma chu farnu ka nei dawn tiin an rak nasa puitling awm ve ho chuan an nuih zui hlawm a.
"Lalrinrungi ti ila ani mai lawm" Lalrohlua'n a tih chuan ka duh ve tlat lo. "Aih Zorinsangi ti ang u" zorinsangi ti a an phuah loh ka hlauh em avangin ka ṭap zui. Khatih lai khan kum 6 mi ka ni ve tawh. Chutia ṭah a ka ngen tak tlat avang chuan an phuah ta a, khatih laia ka hlim zia kha tun a ka bula ṭhu ka hmuh tirh a ka hlim ang kha ani maithei.
+++++++++++
"Mate ka bulah thuruk ineih ngai loh kha" mak ti zetin min rawn en a "min la hre tak tak tiraw Zorem"
"immm.. tunge mahni naute te theihnghilh ang a"
"Ah nia ni tho, mahse kum sawm chhung kan inhmu tawh lova unau anga in en pawh ka duh lo" thil a sawi riat nawk nawk.
Tinge unau anga in en chu a duh loh le. Khang kum sawm chhung khan min lo hrechhuak ve ngai miah lo niang "tinge min ngai ve lo mi" ka zawt ta nge nge "imm ngai lo che urohlua'n ngai hman che in min siam lo" Lalrohlua mai mai chu(h) lo ngaihsak turin ka ti a mahse min theihnghilh tir turin ka tilo reng reng.
Steering chu ka chum ri pawp a ka bul ami chu a phu zuk. Phun hluk in ka inturn a "ka thlah hmasa ang che" ka ti ringawt. Lalmalsawma biak ka duh.
"Ka lawm aw uzorem" a rawn tih chuan ka bu zauhva ka let leh nghal nal nal.
In ka thlen chuan living room a Rohlua leh Siamtei lo ṭhu chu ka hmu a. Tih tur an nei khan ka hre sia.
"Ehe Zorem ilo va haw hma ve Zorini kha bazar pui ve ta che" siamtei chuan min hmuh chuan a rawn ti a.
"Tihtur innei ani lawm ni ?"
"hei thil kan ei hi" a rawn ti sam et a, kan melh rum deuh chuan "nei lo, apuii kha enge i kalpui ve ziah a ka ngei lawm, Zorini lo awm a, in inhmu khat tho bawk nen ka haw dun tir daih cheu anih kha" ner nawng hian a rawn ti a. Apuii hi a ngei tlat zu nia mawle, amah a fel bakah nula hmelṭha tak ani a. A smart em em bawk nupui tur atan pawh iai awm loh tak ani mahse amah ai hmasa an awm tawh tlat.
"Matei nen khan in inngaih kan ring ve em em a" Rohlua chu a rawn phun nuah nuah a, taka hepa hi mateiin ngaihzawng aneih leh neihloh zawt ila aṭha ang.
"Lalrohlu matei hian ngaihzawng a nei em ?"
"Ngatan ngw itih a"
"Ahh alo nei anih chuan matei tan a miṭha anih leh nihloh ka hre duh ani maithei a,anih loh pawn ka sawisa maithei"
"Anei tawh lo in ka hria"
"Ahma in anei ṭhin mi ?"
"Imm in insawn hnu khan a ṭhianten nei ve rawh antih avangin a nei ve a, ani pawh khan nangmah ngaih che kha azia ve deuh ang atia mahse kha kha afuh chiah lo alo duh ve hman tawh a. Mahse mipa khan alo kawp kual hi alo nia....."
"Tunge chu chu ?" tihpah in ka ṭhutna aṭang ka ding nghal hluai.
"Hriat ve zel zel angailo, Malsawma ka sawisa hrep tawh tunah pawh hian a kut vei lam ala hmang ṭha thei lovin ka hria"
"Awi awi awi i room ah han chho rawh, nangpawh haw rawh leng thei lutuk..... mipa pahnih in mi bialpa neih leh neihloh inkhel dun ania azia lo lam hret ṭhin ani"
"Mi ani lo" tih hmuk pahin roomah ka chho nal nal. Shower nei zuai zuai in ka hmu nghal hmak.
______________
Zanriah kan ei lai chuan Siamtei chuan "Zorem zanin chu va leng ve tawh ang a hmasa lah khan i hmanloh vang in engmah sawi lovin kan leng tawh lova, a rawn awmna a la reilo bawk nen keini hmelhriat sa min hmuh kha chuan a tan pawh anuam dawn a" a rawn ti a. Ka nu pawh chuan "ni e, va leng rawh u, mama pawh intih harh i mamawh hrim hrim chhuakvak lo lutuk. Nakinah amah pawh chu lo leng ve rawh se" a ti a Siamtei nen chuan an ti ti chhunzawm nghal pat.
Siamtei in a scooty a kal a duh zawk tlat avangin kan in phur phei a.Len chu ka chak rualin vawiin a thusawi avang khan ka huphurh. Lalrohlua a awm chuan min hmuh kan hmak dawn tihna nia. Ka hmuh kan ve tawh nga nimai.
Ka hma lama hmeichhe ding leh a bula mipa chu ka en ngur a nui sen sen a, mahse tunah tak saw chuan nuilo mahse pawi ka tilo. Tunge mipa saw anuih vel nia, mipa lah chuan thil enge mawni pek pah hian a kut a vawn sak a. Ka ṭang ṭun mai.
"Zoremsang ding rawh" rawn ti vin vak tu vang chuan scooty ka khalh tih ka in hrechhuak leh chiah. Zorini bula ding pa zawnah chuan ka lo tlan ka lo tum phet anlo nia. Anni pawh chu an rawn hawi rual ṭhawt a, Zorini chuan a bula mi chu a namsawm dawrh Break ka hmet thut a "ahh.... zoremsang mawl lian ding thut mah tache" a thinchhe hlik hlek sia. Zorini te pahnih pawh chuam mak ti zetin min lo en a ngai pawimawh lo niawm takin inlam ka pan nal nal.
Ava chet chukchu theih ve mawle.... Zorinsangi vang vek.
ZORINSANGI POV.
Inchhung lama Zorema lut chu ka en zui vawng vawng tinge maw khatia a awm thut le "i bialpa ami ?" Rinzuala'n a rawn tih chuan awih loh hmel tawk hian ka melh a. "Eng nge khatia min en vak, i bialpa anih duh hmel min melh nasat danah khan" a rawn ti leh a.
"Awi i mawl mai sia(h) engtin nge laldini hian aduh zawk che ni ka u anih kha" ka ti chiam.
"Awihawm loh e, nangin u angin en mahla anin nau ang in a en lo che tih ka chiang" a rawn ti leh chuan "thu pangngai lo sawi lo khan haw rawh" ka ti vak a phun muah muah in a kal ve mai bawk.
Ka thusawi kha ka ngaihtuah let a kei hian û angin ka ngai maw. Teuhlo anin nau angin min ngai mahse keimah zawk hian ka theilo.
"Mate Zorema hi ila hria tiraw vawiin ah pawh in rawn haw dun kha" Nu sawmi chuan a rawn ti a. Vawiin a min thlah kha alo hmu hman anih dawn hi.
"Imm min la hria lawm Nute mahse bialpa anei a a induh tawh lutuk" ka chhan hma hma chuan Zorema chuan naupang chhia zet hian a rawn ti a. Tinge hepa hi vawiin chhun atang tawh in ka bialpa neih leh neihloh ah hian a buai em em le.
"Ka nei thlawt lo"
"I nei aniang nichin pawh khan in inhmuh kha"
"I hmu sual anih chu" tih pahin choka lamah ka lut zui daih.
Ka chungchang hi chu ngaihven lo mahse a pawi ka ti lo sin le, hetia min ngaihtuah miah lova a awm pawh hian ka buai tawk tawh tehreng nen.
"Usiamte ti khan lo awm ru aw, dawrah ka va kal lawk nge" ka tih chuan Zorema chu a rawn ding uai a. "Kha Zorema pawh a kal duh va kal dun mai ru" usiamteiin a rawn ti nghal zat.
Kan inzui chhuak hna hna a Miss Apuii kan la hmu zui an im be ngei ngei ang.
"Ehe Zorem eng nge itih a ?" Ka hlauh ang ngei ngei in miss Apuii chuan a rawn ti a, "zorini pawh chu teh hlawl che chuan" a rawn tih chhunzawm zat bawk
"Nia dawrah kan kal lawk dawn a"
"Ehe Zorem ka lo hre lova i nau ami" inti polite tak hian a rawn ti a. Pakhat pa lah chuan chhan atum lo nge ni a ngawi ngul bawk si. "Ahh nilo ee miss khawkhat kan nia ka rawn awm tir sia min rawn tlawh ve a..."
"Anih chu... College pawn lamah chuan miss min ti kher Suh kum lamah pawh kei aia i nuapan vak ka ring Chuang lo chuvang in ka hming in min ko mai dawn nia" nui sang hian a ti a, ka chhan dawn veleh Zorema chuan "nakin ah in inbe leh dawn nia kan hmanhmawh tlat" tih pahin min kai nghal dawr dawr. A bialnu ka bia pawh chu a duhlo awm ngei mai.
"Min thlah teh" tih pahin ka ban ka pawt let vaka min vuan nget lutuk, ka ban chu keimah zawk chuan ka pawt dawk lo chauh ani.
"Mi i hmelhriat loh be mai mai tawh Suh"
"Hmelhriat loh pawh anih loh kha, kan miss anih bakah...."
"Mi hnial i hrat zit zet reuh si" tih pahin a kut zungchal in ka chalah a rawn nawr a. Kei ka lo teu hlar thung.
"Zoremsang ka chalah hian min nawr ve ziah suh" tih pahin ka beng pawp. "Min hnial ziah suh ka tih kha" tih pahin min la rawn nawr na ta deuh deuh. In thleng in kan la in um kawi.
Karhnih ṭha zet ka awm hnu chuan in lamah leh collage lamah pawh ka tlangnel tawh hle a. Zorema nen pawh kan inkar aṭha a, ahma ang em em nilo mahse inhriatloh der ngawt ai chuan a zia.
"Awiii kei chu miss Apuii ka thik e" Miss Apuii leh Zorema lo kal phei thlek vung vung pah hian Feli chuan a rawn ti hlai a. "Nia sir Zorema hian a duh hmel hliau hliau sia ka ngei letling zawk" Babyi chuan a rawn tuihnih ve zat. "Kei chu sir Zorema hian a zirlo ka ti, a mipa zawk hian a care over leh lutuk a miss Apuii pawh saw a induh larh saw" Awmi ve thung ani. Kan thianho hi tuihnihi te, thuithumi leh tuili-i te kan ni ringawt. Pakhat in thupui tur tha deuh a rawn sawi tawh hi chuan kan sawi chhunzawm nghal vek zel.
Laldini chu a rawn nui uar uar a ken en nghal thap. "Laldinsang ramhuai pitar ang khan nui ziah Suh" Feli chuan a rawn hau nghal zat. A nuihdan hi amawi lo ve em a tin ni. Midang thianho pawn amah ang hi chu an kawl vek ka ring. "Ninawm ka duh duh dan in ka nui ang"
"I nui mawi loh tehreng nen hian han hau che ila i haw ve khanglang lehnghal, mi zingah hi chuan nui ve thin Suh" Feli hian fiamthu ti tak deuh hian a rawn ti leh a. Kei, Babyi leh Awmi chu kan lo nui char char.
"U Zorema inhre dik lo lutuk kha ka nuih aza ani ve mai a"
"Enge adik lohna, a duh lutuk saw a kawr hnungah a pawtin a zui lo chauh anih saw"
"Awi awi lalnunfel i hrelo lutuk, Uzorema te chuan childhood sweetheart Zorinsangi a nei reng a ngatan nge Miss Apuii chu atih nga" a rawn tih chuan ka lam an rawn hawi thap keipawh phawk taka mengin ka en kual hlawm "chuvangin Uzorema hi chu zorini ta tih hria ula lo melh tai vak vak tawh Suh u" Laldinsangi lah chuan a rawn la ti ta deuh deuh.
"Laldinsang i duh duh sawi Suh, enteh u a kâ akua a a sawi ve mai mai anih kha" an hriatthiam loh hlauvin ban vai meuhin ka sawi a. Laldinsangi lah chuan "a zep anih kha, saw Uzorema alo kal lo zawt mai ru" ala ti zui. A sawi zawh rual chiahin Miss Apuii aw ngei mai hian "In va meng phawk ve thil thleng a awm mi" a rawn ti a. "Hemi te hian Uzorema nen in inngaizawng anti tlat a" laldini'n a rawn tih chuan a nuih zawnga a ha lang chu ahma aiin a lang nasa sawt a, "mahse in inngaizawn loh thu leh Uzorema leh zorini annih thu ka lo sawi a an awih lova" laldini'n a tih zawh chiah chuan Miss Apuii hmui chu a inkhar hmak. Zorema ka han en a min lo melh ngur mai, ka hawi thla rang teh sin.
"Sir Zorem ani mi Laldini hian Zorini nen Chilhood sweetheart ati cheu va" Awmi chuan a rawn ti a. "Nia Chilhood chu ka awih lo e, in inupat hleih hmel si" Feli'n a rawn tuihnih ve nghal zat.
"Laldini khan a ti dik chiah, a zir zawhah kan innei dawn lawm" ka bula rawn thut thlak pah chuan a rawn ti a. Eng nge a sawi kha inneih a, laldini dawtsawi rawn chhunzawm pui tur atan chuan a awm ang lo mah mah "Apui thu rawh, kha miss Apuii kha thutna lo kian ve ru" a tih chuan an thutha hlawm sup sup.
"Zorem i lo va inzep thei ve" miss Apuii chuan nuisâng chuan a rawn ti a. Mahse a nui hmel ah chuan eng emaw hmu in ka inhria.
"Nia bawihi hian sawi vak hi a duh lova" Laldini te ho chu anlo Einch nghal dual. Chhe zep zuap hlawm lutuk.
"Thai kual mai mai lo khan ei rawh" ka beng bul a rawn phun sep avang chuan ka phu zuk. Ka beng bul chet a rawn sawi anih vang niang Babyi lah chuan "awi insawi chhuah tawh vang mai a khatia inhnim dun dun reng angailo khaw lum lum nen hmuh in hahthlak" ner nawng nawng hian a rawn ti a. Zoremsanga lah pek chuan ka kawnga rawn vawn pah hian "nia kan inhmu khat sia, khaw lum leh lum loh pawh kan sawi theilo nih hi" a rawn ti zui. Miss Apuii chu ka en a, a hmel chu hmuh a nuam lo ngawih ngawih.
Inchhung lama Zorema lut chu ka en zui vawng vawng tinge maw khatia a awm thut le "i bialpa ami ?" Rinzuala'n a rawn tih chuan awih loh hmel tawk hian ka melh a. "Eng nge khatia min en vak, i bialpa anih duh hmel min melh nasat danah khan" a rawn ti leh a.
"Awi i mawl mai sia(h) engtin nge laldini hian aduh zawk che ni ka u anih kha" ka ti chiam.
"Awihawm loh e, nangin u angin en mahla anin nau ang in a en lo che tih ka chiang" a rawn ti leh chuan "thu pangngai lo sawi lo khan haw rawh" ka ti vak a phun muah muah in a kal ve mai bawk.
Ka thusawi kha ka ngaihtuah let a kei hian û angin ka ngai maw. Teuhlo anin nau angin min ngai mahse keimah zawk hian ka theilo.
"Mate Zorema hi ila hria tiraw vawiin ah pawh in rawn haw dun kha" Nu sawmi chuan a rawn ti a. Vawiin a min thlah kha alo hmu hman anih dawn hi.
"Imm min la hria lawm Nute mahse bialpa anei a a induh tawh lutuk" ka chhan hma hma chuan Zorema chuan naupang chhia zet hian a rawn ti a. Tinge hepa hi vawiin chhun atang tawh in ka bialpa neih leh neihloh ah hian a buai em em le.
"Ka nei thlawt lo"
"I nei aniang nichin pawh khan in inhmuh kha"
"I hmu sual anih chu" tih pahin choka lamah ka lut zui daih.
Ka chungchang hi chu ngaihven lo mahse a pawi ka ti lo sin le, hetia min ngaihtuah miah lova a awm pawh hian ka buai tawk tawh tehreng nen.
"Usiamte ti khan lo awm ru aw, dawrah ka va kal lawk nge" ka tih chuan Zorema chu a rawn ding uai a. "Kha Zorema pawh a kal duh va kal dun mai ru" usiamteiin a rawn ti nghal zat.
Kan inzui chhuak hna hna a Miss Apuii kan la hmu zui an im be ngei ngei ang.
"Ehe Zorem eng nge itih a ?" Ka hlauh ang ngei ngei in miss Apuii chuan a rawn ti a, "zorini pawh chu teh hlawl che chuan" a rawn tih chhunzawm zat bawk
"Nia dawrah kan kal lawk dawn a"
"Ehe Zorem ka lo hre lova i nau ami" inti polite tak hian a rawn ti a. Pakhat pa lah chuan chhan atum lo nge ni a ngawi ngul bawk si. "Ahh nilo ee miss khawkhat kan nia ka rawn awm tir sia min rawn tlawh ve a..."
"Anih chu... College pawn lamah chuan miss min ti kher Suh kum lamah pawh kei aia i nuapan vak ka ring Chuang lo chuvang in ka hming in min ko mai dawn nia" nui sang hian a ti a, ka chhan dawn veleh Zorema chuan "nakin ah in inbe leh dawn nia kan hmanhmawh tlat" tih pahin min kai nghal dawr dawr. A bialnu ka bia pawh chu a duhlo awm ngei mai.
"Min thlah teh" tih pahin ka ban ka pawt let vaka min vuan nget lutuk, ka ban chu keimah zawk chuan ka pawt dawk lo chauh ani.
"Mi i hmelhriat loh be mai mai tawh Suh"
"Hmelhriat loh pawh anih loh kha, kan miss anih bakah...."
"Mi hnial i hrat zit zet reuh si" tih pahin a kut zungchal in ka chalah a rawn nawr a. Kei ka lo teu hlar thung.
"Zoremsang ka chalah hian min nawr ve ziah suh" tih pahin ka beng pawp. "Min hnial ziah suh ka tih kha" tih pahin min la rawn nawr na ta deuh deuh. In thleng in kan la in um kawi.
Karhnih ṭha zet ka awm hnu chuan in lamah leh collage lamah pawh ka tlangnel tawh hle a. Zorema nen pawh kan inkar aṭha a, ahma ang em em nilo mahse inhriatloh der ngawt ai chuan a zia.
"Awiii kei chu miss Apuii ka thik e" Miss Apuii leh Zorema lo kal phei thlek vung vung pah hian Feli chuan a rawn ti hlai a. "Nia sir Zorema hian a duh hmel hliau hliau sia ka ngei letling zawk" Babyi chuan a rawn tuihnih ve zat. "Kei chu sir Zorema hian a zirlo ka ti, a mipa zawk hian a care over leh lutuk a miss Apuii pawh saw a induh larh saw" Awmi ve thung ani. Kan thianho hi tuihnihi te, thuithumi leh tuili-i te kan ni ringawt. Pakhat in thupui tur tha deuh a rawn sawi tawh hi chuan kan sawi chhunzawm nghal vek zel.
Laldini chu a rawn nui uar uar a ken en nghal thap. "Laldinsang ramhuai pitar ang khan nui ziah Suh" Feli chuan a rawn hau nghal zat. A nuihdan hi amawi lo ve em a tin ni. Midang thianho pawn amah ang hi chu an kawl vek ka ring. "Ninawm ka duh duh dan in ka nui ang"
"I nui mawi loh tehreng nen hian han hau che ila i haw ve khanglang lehnghal, mi zingah hi chuan nui ve thin Suh" Feli hian fiamthu ti tak deuh hian a rawn ti leh a. Kei, Babyi leh Awmi chu kan lo nui char char.
"U Zorema inhre dik lo lutuk kha ka nuih aza ani ve mai a"
"Enge adik lohna, a duh lutuk saw a kawr hnungah a pawtin a zui lo chauh anih saw"
"Awi awi lalnunfel i hrelo lutuk, Uzorema te chuan childhood sweetheart Zorinsangi a nei reng a ngatan nge Miss Apuii chu atih nga" a rawn tih chuan ka lam an rawn hawi thap keipawh phawk taka mengin ka en kual hlawm "chuvangin Uzorema hi chu zorini ta tih hria ula lo melh tai vak vak tawh Suh u" Laldinsangi lah chuan a rawn la ti ta deuh deuh.
"Laldinsang i duh duh sawi Suh, enteh u a kâ akua a a sawi ve mai mai anih kha" an hriatthiam loh hlauvin ban vai meuhin ka sawi a. Laldinsangi lah chuan "a zep anih kha, saw Uzorema alo kal lo zawt mai ru" ala ti zui. A sawi zawh rual chiahin Miss Apuii aw ngei mai hian "In va meng phawk ve thil thleng a awm mi" a rawn ti a. "Hemi te hian Uzorema nen in inngaizawng anti tlat a" laldini'n a rawn tih chuan a nuih zawnga a ha lang chu ahma aiin a lang nasa sawt a, "mahse in inngaizawn loh thu leh Uzorema leh zorini annih thu ka lo sawi a an awih lova" laldini'n a tih zawh chiah chuan Miss Apuii hmui chu a inkhar hmak. Zorema ka han en a min lo melh ngur mai, ka hawi thla rang teh sin.
"Sir Zorem ani mi Laldini hian Zorini nen Chilhood sweetheart ati cheu va" Awmi chuan a rawn ti a. "Nia Chilhood chu ka awih lo e, in inupat hleih hmel si" Feli'n a rawn tuihnih ve nghal zat.
"Laldini khan a ti dik chiah, a zir zawhah kan innei dawn lawm" ka bula rawn thut thlak pah chuan a rawn ti a. Eng nge a sawi kha inneih a, laldini dawtsawi rawn chhunzawm pui tur atan chuan a awm ang lo mah mah "Apui thu rawh, kha miss Apuii kha thutna lo kian ve ru" a tih chuan an thutha hlawm sup sup.
"Zorem i lo va inzep thei ve" miss Apuii chuan nuisâng chuan a rawn ti a. Mahse a nui hmel ah chuan eng emaw hmu in ka inhria.
"Nia bawihi hian sawi vak hi a duh lova" Laldini te ho chu anlo Einch nghal dual. Chhe zep zuap hlawm lutuk.
"Thai kual mai mai lo khan ei rawh" ka beng bul a rawn phun sep avang chuan ka phu zuk. Ka beng bul chet a rawn sawi anih vang niang Babyi lah chuan "awi insawi chhuah tawh vang mai a khatia inhnim dun dun reng angailo khaw lum lum nen hmuh in hahthlak" ner nawng nawng hian a rawn ti a. Zoremsanga lah pek chuan ka kawnga rawn vawn pah hian "nia kan inhmu khat sia, khaw lum leh lum loh pawh kan sawi theilo nih hi" a rawn ti zui. Miss Apuii chu ka en a, a hmel chu hmuh a nuam lo ngawih ngawih.
"Aa chawhnu class ka nei a in en lawk ka duh, ka lo va kal hmasa mai nge" rawn tih leh thawh a rual a, a kal zui nal nal. Nichin mai a a thu hriat ang kha hre ve ta ila ka rilru ana ve ngawt ang.
College lam mai nilo khawtlang ah pawh inkawp anga hriat vek anni a, an mahni atangin thuchiang awm lem lo mahse an awmdan vang hian dem rawn anni tho. Zorema thu sawi hmangah khan an inkawp lo tih chu achiang viau a Zorema'n thian angin en mahse Miss Apuii'n rilru dang alo pu ve theih a, nichin a hmel awmdan atang khan thian ang pel deuh rilru a pu tih chu a Chiang viau in ka hria.
Zorema'n ka kawnga a vawnna chu dahthlak ka tum ve ngat ngat a ahma ai nghet mah chuan min la rawn vuan ta deuh deuh.
"Zorin chawhnu class i nei em ?" Awmi chuan a rawn ti a, "aih nei tawh lo, nang ni inla nei mi ?"
"Aw Kan la nei a, anih chuan min lo nghak dawn nge ilo va haw dawn ?"
"Kan lo va haw ang Bawihi hi bazar pui te ka duh" ka chhan hma hma chuan Zorema chuan a rawn ti a. "Awi kal ang u hmelchhe dun si, inhnim dun dun reng mai" rawn tih hlak hlak paha kal chu laldini bawk ani. A kal chu nui thaw chungin midangin an zui bawk.
"Khaw maw min thlah haw ka duh"
"Kan bazar dawn ka tih kha" tih pahin a tho a.
"Ka peih lo, bakah chawhnu class i nei lo mi ?"
"Peih lo mahla kan kal dawn tho chawhnu class ka nei lo, chuvangin ka thu i awih thei" inhnial ti tih deuh hian a motor dahna lam kan pan a, bazar peih lo mah ila min hruai luih leh dawn tho avangin ka hnialbuai peih lo.
"Enge mamawh i neih ?" A rawn ti sup a, hepa hi ka mamawh lei tum a min bazar pui a tum Chiang mai. "Neilo, ka rawn kal ve mai mai dawn"
Ka ngawi deuh vang vang.
"Nichin kha min zawt dawn lo mi"
"Eng kha maw"
"Childhood sweetheart tih vel kha"
"Ka zawt peih lo che, Mahse Miss Apuii kha ka khawngaih"
"Timaw ?"
"Kan inneih dawn te kha iti sia, miin inkawp angin an ngai vek cheuva, nanglah khan khatin khan Laldini fiamthu kha ilo khuk pui vak bawk sia. A zah bakah a rilru ana ngawt ang"
"Kan inkawp miau lova a rilru chu ana lovang, chuan...."
"Ana ang i hrelo hmeichhia ka nih hi a hmel atang khan a duh che tih ka hre thei" a sawi zawh hma hma chuan ka lo tih khalh zung zung.
"Mi rilru tihnat hi ka duhlo viau a mahse i sawi anga min duhna rilru alo pu anih chuan a rilru chu ka tihnat sak ngei dawn, a chhan chu amah aiin ka sweetheart-i hi ka duh zawk tlat"
"Kha thu kha sawi sek lo teh mi hian thutak ah an lo ngai ang" ka sawi zawh rualin motor a ti ding ve nghal a. "Kan thleng tawh mi? Lei tur lei vat vat ila haw vat ang" tih pahin ka chhuk a, ka pensawn tur chu ka kawrah a rawn pawt.
"Eng nge ?"
"Ka thusawi kha thil tak tak anih kha"
"Eng kha"
"Inneih ang" a thil sawi avang chuan phawk lutuk in ka en chutah rawn nui chhuak hawk in "ka fiam che nih kha i mak ti hmel hmunawm zia kha" a rawn tih chuan ngei lutuk in ka beng nghal pawp pawp.
"Ana bazar anih hi miin min en thup ania" atih chhuak hrechhuak thutin ka hawi nghal vual vual.
ZOREMSANGA POV.
Zorini hawi vual vual chu ka nuih suk a, "hawi vak vak Suh mi â maw an ti ang che" ka tih chuan rum tawka min melh pahin a kal nal nal. A hnungah chuan ka zui ve nghal.
"Zorem eng ber maw kan lei dawn ?"
"Ka hre bik lo, mamawh ka neilo iti sia"
"Nia ka nei lemlo, mahse min lei talh i duh chuan ka nei thei tho bawk" phakhar zuk zel sia maw. Ka mitmei a hmuh chuan dawrah chuan a lut kual nghal zawk zawk.
Thawmhnaw an in tehkual vel chu ka en a, tinge nichin khan ka hrilh tlang mai loh, ka chhungril ah hian min tur tu a awm rualin hlauhthawnna a awm bawk si. Heng thil leh ngaihdam zozai te hi engtin nge keimah atanga a rawn chhuah pawh ka hrethiam tawh nei nuai lo. Ka duh a ka hmagaih zia hi kum sawm chhung ka ngawih bo pui mai mai thei a, mahse a hmel ka hmuh hian thup hleihtheih ani tawh meuh lo. Ka hmuh hian amah ka duhna hi a zual a, a nuih zawnga a biangsum khuar kak thin te, a hmui fawh cho hliah hliah ni awm a mawi te leh a vun deh nuam em em leh atet ang en aia a kim biak te hian keimah ah hian zun annei nimai hian ka hria a, keilo midang in an chul nel hmang ang tih ka hlau hle bawk.
"Hak tawk inei lo anih kha" ka tih chuan rum em em hian min melh a dawt ka sawi pawh ni tawp silo. Nichin atang tawh khan a in tehkual a in tehkual tawh a, a size a la hmu thei thlawt lo.
"Aaa ka zawng peih tawh lo, haw mai ang" a rawn ti ve ta nge nge e.
"Anih chuan ka hak tur min lo en mai teh"
"Aw hei hi nichin atang khan ka mit ala tawh, en chhin teh i duhzawng ani em" rawn tih pahin rawn pe a. A duhzawng anih vang hrim hrim chuan ka lei ang. "Imm anih chuan a in ang kan la dawn nia"
"A lian ee"
"Tunlai ah hmeichhia in thawmhnaw lian deuh deuh an thlawk dawn emaw tih tur khawp in an ha lian thin" ban phar meuha ka sawi chuan za tawk hian arawn nui a. Keilah chuan uar chuan ka phar a, a nui hmel hmuhna anih chuan thil atthlak tak pawh tih ngai dawn se ka ti zel mai ang.
"Phar tawh suh miin min en thup hi" a rawn tih chuan ka van ka dahthla ve chauh.
++++++++++++
"Zorem zanin chu lo leng la, naktuk Saturday ani tho a" leng tura vawikhat min sawm ve na ani.
"Ka hming hian min ko lawl lawl zel a nang ai hian ka naupan hmel thei ka ti"
"Anih leh Uzorem lo leng la"
"Ka peih lo tu emaw min thik tur an awm palh ang"
"Tu maw ?"
"Aww... 0Father te pawh ilo nei ve thei a, tunlai naupang ho hi chu naupang emaw kan tih chhung hian nulat tlangval hi inlo hre riau zel sia"
"I hmelchhe ee, tleirawl ka ni tawh lo bakah eng 0father mah ka nei lo" ka rawn ti deuh hmuk hmuk kei ka lo thaw huai. Khuh deuh chung si hian a relationship hi zawh zeuh zeuh a ngai tlat.
"Zorem Apuii alo kal" rawn tih leh room khawngkhar rawn chu a rual nghal a. Siamtei hnungah chuan Apuii alo ding ve bawk. "Ti khan lo inkawm ru ka chhuak dawn" tih pahin Siamtei chu kawng sawi bawih bawih in a kal a Apuiin alo nuih tha bawk.
"Enge i rawn tih dawn ?"
"Tinge ka bulah i hlauhawm theih bik em em a ?" A thusawi ngai pawimawh lo zet chua ka mit ko ka san ak a, Ka farnu te leh zorini lakah tih loh hmeichhe dang lakah hi chuan nelawm taka awm ka tum lem lo.
"Ahh heng paper hi min en fel pui lawk hman angem ?" Ka chhang dawn lo tih a hrethiam ani ngei ang.
"zanin chu chhuahna tur ka lo nei tawh a, a hmanhmawh thlak viau loh chuan naktuk lamah ni zawk rawh se"
"I chhuah pui dawn em ni ?"
"Chhan kher che ngaiin ka hre lo"
"Tinge Zorem, ka neih loh ang enge a neih bik ?"
"Apui ahma pawn ka sawi tawh kha, ani nen chuan in danglam lutuk"
"Anih chuan amah ang ni turin eng nge ka tih ngai ?"
"Theihghilh rawh, eng in nge ilo kal ?"
"Khawngaihin Zorem chance vawikhat chiah min pe rawh, min hmangaih dawn lo mahla amah i hmangaih ai nasa in ka hmangaih che nga min hmangaih dan i hre ve mai ang. Chuvangin vawikhat chiah aw Zorem ?" ti mawlh mawlh pahin min rawn kuah a, "Apui hriatthiam tum teh"
"Aih khawngaihin vawikhat chiah, Tinge min hmangaih ve theih mai loh ?" Mittui tling deuh Pam hian min rawn en a, ka khawngaih lo ani bik lo mahse keimah a ka khawngaihna rilru aia lal ka thinlung hi a lal vet vet em ani. A kut a vuanin Chiang takin a mit ah ka en a "Apui kei leh nang chu kan hrang hlak, kan thinlung pawh midang ta ve ve ani. Duhna leh hmangaihna hi thil in ang tak leh inhnaih tak ani a, Duhna kan neih a chapona in a chenchilh bawk chuan hmangaihna angin kan ngai thin a, kan duh em em te midang ta ani tih han han hriat hian kan chapona chuan a ngaithiam thin lova chutah chuan kan thinlung niloin kan rilru ngaihtuahna in min hneh tawh zawkin duhna chu hmangaihna angah ngaiin kan auchhuah pui mai thin, chu chu Tuna i awmdan chiah pawh hi ani. I rilru nilovin i thinlung kha ngaithla la, khawilai lai kil berah emaw khan a awm a, hmangaihna tak tak i tawn hunah chuan kaithawh chawp ngai lovin amah in a rawn tho mai ang" ka ti dap dap. "Mahse heng hi duhna mai mai atan ni tur chuan ka phallo" tiin a in sut ri faih a, ka kuah ta tawp.
"Zorem ilo kal har sia kalna...." Zorini'n kawngkhar hawn paha rawn ti lang lang chu Apuii nen kan lo inkuah a hmuh vang chuan a tawp chut a hnunga Siamtei lah chuan lut vat turin a lo ti bawk. "Ahh... Nakinah kan lo kal leh mai ang" tih pahin an let thla lehnghal, umzui dawnin Apuii alo awm ve bawk si. Nichina a mitmeng ah khan nidang a ka hmuh ngailoh ang ka hmu a, mahse chu chuan hriat siloh hian ka awm ati nuamlo em em lehnghal.
"Zorem ka tihpalh lutuk, kuah lo tur che ka nia...."
"A pawi lo ka thlah haw tawh ang che" tih pahin ka chhuak a ngawi rengin min zui ve mai bawk. Inhnuai ah chuan ka nu leh pa chiah an lo awm a Siamtei te awmna ka zawh chuan an chhuah lawk thuin min chhang, Lalnunsiami pawh hi min lo nghah ve mai tur nia.
"A lungawihloh phah ngem ?" Motor atanga chhuk a tum zet tawh chu min rawn zawt tha leh a.
"Ka hre lo"
"Ka tihpalh lutuk chuan ka lawm lutuk bawk" tih pahin a chhuk a, gate chhung a luh veleh chuan chak lutuk in ka tlan chhuak nghal.
ZORINSANGI POV.
Zorema leh miss Apuii an lo inkuah avang chuan inthlahrung takin kan let thla leh a, an pahniha ka hmuh khan ka thin engtin emaw ni sawifiah thiam siloh hian a awm a, a chham sawitur awm lovin ka tah a chhuak ringawt bawk. Thikna a ni thei ngem? Thikna thinlung min siamtur khawpin ka lo hmangaih tawh anih hi... Nilo an inkawp lo ang khan a sawi a tuna an inkuah leh si vang khan dawt min hrilh angin ka ngai a, dawt min hrilh vang ani.
"A pawilo anni chu tikhan lo awm mai rawh se, Zorin keiman ka kalpui mai ang che Zorema te kha chuan paper en fel tur annei in ka hria" Usiamtei chuan min zai ngai deuh hian a rawn ti a.
"Nia, kal ang" tih leh pensawn ka rual. Usiamtei chuan amah leh angaihzawng chungchang min hrilh mawlh mawlh a, a bialpa chu a landan chuan a romantic vak loh hmel tawp 😆
"Awi i hre lo nih kha, Christmas tlaiver zanin kan leng ve a, Christmas tree ler an dah arsi lem kha a han la a min rawn pe anih chu!! Amah lah chu 'i tan si ar sing sang sawmsarih lak ka huam' tiin ala zai ul ul zuia, ka zak lutuk kha ka kalsan nghal nal nal.
"Urohlua min ti hrechhuak..." Ka ngawi deuh vang vang a anin min lo en kiau bawk phawk tawka en chung hian "nangni pahnih hi!!" nui vur vur in a lu a rawn bu, awii Khawvel ramzauvah hian alo va hriatloh theih ve le. "Inneih te pawh kan sawi ri deuh reuh tawh sin" a rawn tih phei chuan ka khek nghal chul mai. Kei hi ka mawl anih hi ka chhevela thil thleng pawh ka hrelo ania.... Ka biang chu a rawn lum thla pap a Usiamtei pawh chu anui tawp nghal, "Tap Suh, atha vek mai ang" Tih pahin min rawn kuah a. Ni e, kei hi ka mawl takzet, Zorema'n rilru dang pu mahse Miss Apuii rilru chu awlsam takin a inthlak ve dawn silova, an inkawp loh thu min hrilh avang khan ka ta niturin ka lo ngai ve ngawt a chutak chuan ani min tina ni.
"Zorin, Zorema alo kal dawna nghak lawk ang aw"
"Umm"
"Awiii eng hria a tap nge inih lee, vawiin ah tibuai che an awm mi" min en vang vang pah hian a rawn ti hlawl.
"Aih"
"Hmmp...... I lungleng anih kha iu malsawma ko thla ila tha ang" a rawn ti bawrh bawrh. Ka tah chhan leh ka rilru put dan hi hria se, tun aia mi pangngai lo hian min hmu ngei ang.
________________
"Siamtei khan i tap atia, i lungleng em ni ?"
"Leng lo"
"Anih tinge i tah? Vawiin class velah chheih nawmnah che an awm mi"
"Awm lo"
"Anih tinge Mate" a rawn hawi vut a mittui tling piau a ka en chuan motor ading zawm nghal zat bawk "sh*t!!! Tinge? Tunge ti tap che" tih pahin min rawn kuah a. "Min ti tap tu in 'tunge' tiin min zawt maw? Tinge i kuah kher? Thik loh a, ka mittui te hi tih tlak loh chu ka duh lutuk mahse ka tumna aia lian zawk ka thinlung hi thikna in a khat bawk si"
"Min hmangaih... Kei hi min hmangaih thu sawi leh rawh" ka biang tawn tawn a rawn vawn pah chuan a ti a, "aw kei hian ka hmangaih che, tun hnai chauh pawh ni lo kum sawm kalta zawng zawng thleng khan ka hmangaih che chuvangin min hua la, thian nih pawh ka duh tawh lo, inhmu tawh lo bawk ang. In hlim reng dawn nia" min kuahna atanga awm hla in motor atanga chhuah ka rual a inlam panin ka tlan vak bawk.
Kawngkhar pawnah chuan dingin ka mittuite chu kan hru hul a, ka luh chuan min lo en thap "Mate tinge bawihte ?" Nusawmi chuan lo ti vatin min rawn pan a, min rawn kuah nghal hlu hlu. Tinge maw ka tah tak chiam chhan pawh hi ka hrethiam lo. "Rohlu i nau hi han hruai chho rawh" Urohlua pawh chuan engmah sawi lem loin min kuah chho mai.
Khumah ka mu a, Urohlua ka bula a thu reng bawk, ka tah chhan min zawt a ka sawi duhlo ani pawh hian min ngai diklo ang tih ka hlau. Usiamtei nena an chanchin sawi tura ka tih chuan phur tawk hian a sawi a, mahse ka vei lama lut hi ka beng ding lamah a chhuak lehnghal zel.
Ti khan ka inpuang ta ringawt ania, min nuihzat a ngem? Nge ni a ka ngaih ang chiah hian ngai ve zawk.
Tumah ka hrilh duh lova, Laldini erawh phone call a min rawn zawh tawk tawk avangin ma hrilh ta hram. Buaina em em nei lovin Weekend kan hmang zo a, College kal ka duh rual rual in phurna ka nei hlawl lo.
"Mate vawiin chu ka thlah ang che, i ban hunah min lo call la kan leng dawn nia" inhnuai lama ka chhuk chuan Urohlua chuan alo ti vata. Hman Zana ka tah chhan kha ka lunglengah a puh deuh tlata min lenpui a tum deuh tlat.
Gate ka lut chiah a ka hmuh duhloh ber te ka hmu nghal, hmu lo ang hmak chuan kal tlang ka tum a "Zorin" miss Apuii ngei mai chuan min lo ko hram. Nui sâng chungchuan ka hawi let a "Biak lawk che ka duh a" Zorema erawh chuan melh khat pawh min melh lo.
"Imm eng nge ni ?"
"Hman.... Aaa nakin ah nimai rawh se paper en tur ka nei a ka lo va kal phawt ang" Zorema alo rum deuh nghut avang chuan a kal sawn nal nal a min kalpelh dawn chuan ka bengbul ah "tha deuhin sawi ru aw" a rawn ti hrethiam lo tawkin ka en a min lo nuih sang ringawt. Kal ve nghal mai kan tum ka bana min pawttu avang chuan ka ding chawt "eng nge ?"
"Sawitur engmah inei lo mi ?"
"Eng nge kei hian sawi se min tih ?"
"Takzet" awih loh hmel zet chuan min en. Ka kut a vawnna chu thingthla in ka kalsan nal nal. Kei hian enge maw sawi se min tih le? Hah a awihawm loh zawk e, ka rilru ka puan hnuah sawi zawk tur in min la ti nia hah....
"Awii...Ka thinrim e, Zorema hi ka hua"
"Amak ee tawng zawk ve deuh rawh" rilru hah lai phei chuan a bula awm hi a hahthlak.
"A thu hrimin nangpawh chutiang rilru ipu tih te chu min hrilh ta che"
"Amak sawi sawi lo te ang" ka tih chuan a thu tum deuh hmuk.
________________
"Ee Zorini chu(h) hetah" rawn ti tu lam chu ka en a ka rak nghal chul.Kan inngaihzia inhrilh pahin kan han inkuah thuak thuak a.
"Engtik in nge i rawn haw ?"
"Kar hmasa khan, chuan nang hetah ka hmu hlol bawk che a. Eng nge i tih reng reng a ?"
"Ka nu'n collage kal a phal tawh lawm ?" Inti thei tawka ka tih chuan 'ila ngai reng anih hi' tih pahin na tawkin min rawn kuah.
"Ehe LalDenisa chu(h)" Urohlua rawn thleng chuan a rawn ti nghal a.
"Ka hmingah hian lal hi tel ve ziah lo te aw" Denis an a tih nang nang chuan ka nui hawk,a hming a lal tih tel hi a ngaithei thak lo. Denisa hi Aizawl khaw mi ania, a tet deuh laia anu leh pa an inthen avangin anu khua Dilkawnah a rawn awm ve thin a, khaw lian tak anilo bawk nen school khata kal na na na chu kan inkawmngaih khawp mai. Highschool kan zawh khan apa in phai lama zir zawm tura atih tak tlat avang khan inthlahna pawh awm lovin a kal ta kha ania, tunah ka inhmu leh hlawl bawk a, a lawmawm lamah ngai mai ang.
"A mawi ka ti, enge itih dawn I buai em ?"
"Buai em em lo e"
"Anih chuan Zorini hi lenpui teh a, nangpawh ilo haw na ala reiloh chuan len chu i duh ve tho ka ring a" Lalrohlua han at phelh phulh zia hi, chutiang lenpui teh han intih tawp "ka duh lo, nangmah i hman loh chuan nakinah kan leng mai dawn nia, tih tur pawimawh te pawh a nei thei â viau zel Suh" ka lo ti nghal sawk sawk a.
"Ka hman reng min lenpui duhlo maw" pakhat pah lah chu a ti tau deuh reuh emaw ni lehnghal ni. "Hey LalDenis i ti tau ringawt law, i buai ka ring vang anih kha kan leng dawn nia"
"Ka lo kuah leh lawk che ka ngai che sia" rawn tih ngher ngher pah chuan a ban a rawn phar duai. A che naupangchhia thei sia.
"Zorem" Urohlua'n a tih avang chuan ka han hawi chhuak ve a, Zorema chuan min lo melh ngur mai.... Nilo kei niloin ka dara kut awm zawk chu ni amelh ni, "siamteii in 'hei lo pe mai rawh phone ala theilo" ati che a tihpahin paper bag pakhat hi a pe.....a bana miss Apuii kut chu ka hmu lian hle . Miss Apuii chuan a kut chu laksawn ahan tum a Zorema chuan akut chu va vawnhnan sak hmiah ka en chho a min lo en ngur kan mit chu intawng Chiang tak ani. "Nia Apuii nen hian kan buai deuh a ka lo silent ani maithei" Urohlua pawh en chuanglo chuan a rawn ti a. Ni e, a buai reng ang chu Apuii nen an awm miau lawm.
"Urohlu kan kal mai ang" min chhan hun pawh nghak lo chuan Denisa banah chuan ka kuah a ka kal pui nal nal. "Ehemss tu emaw thikthu chhe deuh kan awm a" Inti hre tawk hian a rawn ti a.
"Eng maw ?"
"Ka hre lo, i rawn lawn dawn nge ka kalsan dawn che" a hmelchhiat thu sawiin a bike ah chuan ka lawn ve nghal.
_______________
"Bazar i duh em ?"
"Tinge mipa hian hmeichhia te hi bazar pui hi intum ngawt zel a ?"
"Kannu kha chu bazar hi nuam atia, achang chuan ka butget hian a tlin lo thin" a rawn ti deuh vawng vawng "chutiang chu i sum bak a duh lo then daih rawh" fiamthu tih tak deuha ka tih chuan "nia keipawh then mai ka duh tawh, amah hi ka duh em pawh ka hre lo a"
"Awi i mawl sia, Taka enge khulai chu a an a ?"
"Ka ngai thei lutuk che tih loh chu anuam vek" nui vur vur chuan a rawn ti a, kei ka lo lai leh ringawt tawh "Ninawm i hmelchhe si min ti lai reng Suh" ka lai hma lutuk hi keipawh hian ka Ning ani. "Lai hma mai sia maw" tih pahin ka biang a rawn piai leh vak a kei ka lo teu hlar thung "aha saw Laldini" ti a enna lam chu ka va en ve a, Laldini ngei ani chawhnu class nei khan a in sawi sia hetah enge a tih le "i ngai ami ?" Ka sawi tawh em Denis hian Laldini hi a star thei tawp amaw. "Teuhlo nasa e nangmah chiah ka ngai che, ka ril tam e thil ei ang".
Ni akal ve beuh beuh a thla hial aliam tawh. Zorema nen erawh inbiak that kan nei mang lo ani a, ka sawithiam dan ber chuan lang mang silo hian ka thiktur tawk lek lek a awm hi a thiam em em a, miss Apuii nen an inkawp nghet ta ah ka ngai mai. Denis a awma ka la na lo mai mai zawk niin ka hria.
"Zorin, kan project khawih lai ah khan Sir Zorema biak angaia ka be hreh e, nangman bia la" Awmi chuan a rawn ti a"Amah lo midang a theih lo mi ?"
"Nia nangman be mai rawh kei chu ka be hreh nia" Feli'n a rawn tih chhuanzawm ve zat. "Nangchu tha deuhin a tihsak dawn che a keini chu a hriat siloh a" Babyi chuan alo ti ve bawk. Ka biak chakloh zia an hre ve awm tawp silo a, phûr lo zet chuan ka âw hram.
____________
Zorema room kawngkhar chu vawihnih vel kikin ka hawnga "ahh... Nakinah ka lo kal leh mai ang"
"Angailo ka kal dawn chiah zawk a" miss Apuii chuan alo ti vat a, pha dui chuan ka lut a miss Apuii pawh achhuak zui mai.
"Eng nge nita ?" A mood afuh viau aniang nui hmel tepawh a pu ve. "Aaa... Project chungchangah biak lawk che ka duh a"
"Sawi rawh" leh hmel hmuk tawh a. Project chungchang ka sawi mial mial lai chuan "hei chu kei nilo in Sir Muana tur zawk ani ang" nuih za insum zet chuan a rawn ti a. "Ma... Maw"
"I rawn kal sual lui nge ni a i hrelo hrim hrim zawk ?" A hmel hlim ve deuh pawh kha abo leh vek tawh "aa... Ah ka hresual palh aniang ka lawm lutuk, ka kal leh nghal mai ang" tih pahin ka tho a. Kawngka ka hawng dawn chuan min rawn pawt let nawkin kawngkhar ah min nawr bet nghal hmiah. "I rawn kala engmah sawi lovin kal leh mai i tum maw" eng nge maw sawi se min tih ziah le. "Sawitur ka nei lo"
"Takzet che hian midang nei reng chunga min hmangaih thu sawi a rilru buai taka min siam kha nuam iti viau ani maw"
"Eng....engmaw i sawi kha tumah ka nei lo, nang ang vek turah min ngai suh" ka tih chuan min nawr na sauh. "Kha mihring phiangsen vang khan ni lawmni kei hi min pehhel kual" a âw chu ring lo mahse a dawngtu tan dawn anuam viau lo. "Ka hua che nang anga lerh kawh ka nilo" tihpahin tal chhuah ka han tum a, awi tum lo law law zawk ila ka hahdam zawk ang. Ka beih fat fat hnu chuan min thlah thawl deuh a.
"Ani kha kei aia i thlang anih ngat chuan anun a hmang nuam viau lovang, ka nula inih dawn loh chuan midang ta ini dawn Chuang lo" a rawn ti vawt ruih a. Amah zawk chuan khawngkhar chu hawng a, min theh chhuak deuh lawp ani ber. Room pawna lo awm te chuan min la en haw hlawm zui.
"Lalduhawm Sir Zorema anih loh kha Sir Muana lawm, min ti zak lutuk nangmahni va kal rawh u" ka ti bawrh bawrh room chhunga thil thleng erawh sawi chi lohah ka dah hmak.
"Zorinsang i phone kha Chuang ta che" pawr fê a Laldini'n a rawn tih chuan ka harh zawk. Kan en a Denisa lo ni, Zorema thusawi kha hrechhuak uar mai.
"I van la har ?" Hello pawh ka tih hma hma chuan mi rawn tih khalh a. "Thil ka ei laklawh raps a"
"OOO nakinah ka rawn be leh mai ang che"
"Aih sawi rawh, ka ei tawh lo"
"Ka nu a rawn chho dawna tlai lamah i buai loh chuan min lam pui ta che"
"Awww.....lampui dawn Chiang che e......." Eng eng emaw sawiin kan inbia a, kan nui leh huk zel mipa si hi sawitur hi a hrethei ania aw. Babyi'n ka naka a rawn keuh zeuh zeuh chuan Ning zetin ka hawi chhuak a a melhna lam ka en be chu(h) Zorema chu ka hma a rum tawka min melh hian alo ding ngur anih chu "aw ka rawn kal ang" tiin ka phone ka off a. Ka bag la in chawhnu last chiah ka nei tawh a chumi hma in kal lawkna tur ka nei a, ka va kal lawk nge" tih pahin ka thawhchhuahsan nal nal.
Ni asa si Taxi lah chu ala vang phian zui, pawilo ke in kal mai ang. Ka zawna hron rawn ri reng chu ngaihsak lo zetin ka kal chhunzawm hmiah hmiah. Ka ngaihsak miah loh avang chuan a beidawng ta niang a reh zawm mai. Vawi lehkhatah ka vir nawk, "fimkhur ta che" rawn ti ri hrawk in a rawn zui zat.
"Tinge min zui reng a" a zawhna pawh chhang lem chuang lo chuan ka ti pawr hlur a, "zui lo phei che ila chuan helaiah hian thi chhawng in i let tawh ang" kei ai ring zawk mah chuan a rawn ti ve leh. "Enge tawhsual pawh lo tawk ila a pawi viau mi, min thlawhbosan rawh" a motor lamah chuan a let a, keipawh chu inher in ka kal ngaiin ka kal leh nal nal. Ka zawnah chuan motor a rawn ding a ka tawp deuh chawt "rawn Chuang rawh" a thusawi ngai pawimawh lo zet chuan ka kal lui leh ngat a. Vawi lehkhatah ka kang deuh nawlh.
"Nang hi min thlah nghal rawh, eng nge i hriat a" tih pah in ka tal chiam a, chutah na mangkhenga ka mawnga a rawn ben hnuin "awm hle hle rawh ka pawngsual mai ang che" a rawn ti a, ka che ka tawp nghal hmak. Kawrfual ka ha a, a hnuaiah kekawrbul ha tho mah ila ka mawng chu na vawt vawt tak ani.
"Vawikhat thusawi hi awih ve mai thin rawh" tih pahin a hma seat ah chuan min nghat thla deuh chawrh in kawngka a lock zui nghal hmak bawk. Vawiin hi tinge maw min tihbuai tlat reng le.
"Kal na tur i nei ani lawm ni kan pahnih kan kal ang. Khawi ah nge ?" Chhan tum lo zet chuan ka kut ka kuangkuah at a hma lam hawiin ka thu hmak. Nem deuh zawk hian "khawiah nge sawi rawh le" a rawn ti a, ka la chhang chuang lo.
"Khawiah nge ka tih chu" a rawn ti vin vak a, "Denisa te inah" a ai mah a vin chuan ka ti a, a nui suk ri chu ka hre thei. Kan tawng hrepha chu awm se an nui nasa ngawt ang.
Dilkawn atanga Aizawl Suma tlan thin dinna ah chuan motor ding turin ka tia thuawih tak hian a ding ve mai bawk a. Ngawi reng in ka chhuak a ka kal nal nal min rawn au pawh chu ka hre reng mahse ka chhang lo, a duh leh min rawn zui ve mai rawh se.
"I rawn kal dawn lo maw ka lo ti tawh a" Denisa chu alo awm vang tawh a, ka kal dawn lo maw alo la ti hman zui emaw ni. "Nia ka...."
"Waissss Pu berin a rawn hruai deuh thlap che nimaw" ka sawi zawh hma hma chuan a rawn ti a, tunge a tih ka hriatchian em avang chuan hawi pawh ka hawi let peih lo ka lei ka chhuah khum ringawt. Ka kawnga a kut a rawn zen luh chuan ka mur nghal chuai mai (a vai film e 😆)
"Denis chu nangmah hi em ni ?" A rawn ti thum deuh dut a, Denis chuan amah leh amah chu a in kawk a tawng tum a a ka a an zuau chuan pakhat pa chuan rawn tawng khalh in "nangmah kha ka bia che" a rawn ti leh deuh nghut. Denis chu nui deuh hak in "aw ni e, Zorini thiantha ber" tih pahin a kut a rawn phar a Zorema chuan a kut va vawn pah chuan "Zorema, Zorini pasal tur" a ti a, kei leh Denis chu kan meng phawk teh asin. Chutih lai tak a "Tumaw pasal nei dawn ?" rawn ti tu vang chuan ka phu dawr Aumala (a u kha aw) aw ani. Thinrim hmel tawk hian a rawn kal phei a Zorema nen a kan lo ding dun chu min pawt hrang nghal dawrh. "Tinge i rawn kal ve, khawnge Denis i nu chu ?" An pahnih chuan ka zawt rual a. "Denisa nu te chu alo thleng daih tawh, keini pawh kal ang u" Ka u chuan a rawn ti a, kan bul lawk a ding Zorema chu a Biak pawh a tum lo tinge maw. "U Zorema rualin ka kal sia...."
"Keipawn motor ka rawn kenga Denisa pawn bike a Keng bawk a ani motor a i let kher angailo. Zorem lo va kalsan mai rawh kan inchhawm haw thei" a rawn ti deuh hmuk hmuk a. Eng mood fuh lo tak ni ang maw.
Zorema chu kan en a, mak tih hmel tawk hian min lo en ngar. "Lut rawh" tinge Vanlalmalsawma hi a mood a uih em em a. Titau chuan ka thu deuh chawrh a "titau eng ang mah la khatah bak khan i thu dawn Chuang lo" a la rawn ti hram. "Tlan hmasa la ka lo zui ang che, helama in in pawh hi ka la hmu lova han hmuh ve te pawh a chakawm lawm" Denis nen an inbiak leh hrep hnu chuan a rawn thu lut ve chauh.
"Bawihte collage chu anuam iti em?" Nichin ang lo takin a rawn ti dam leh thluam a. "I mood a fuh loh kha ka be peih lo che"
"A fuh em hi" ala nui ang hui zui. A ât hmel bik ngawih ngawih.
"Tinge ilo kal a, min hrilh lawk bawk silo a"
"Ka rawn awmpui dawn che lawm"
"Ka awih lo eeee" ka hmel ber nawng nawng pah hian ka ti a.
"Awih rawh ka nu'n mi in a awm chu nuamloh itih a hlau a chuvangin min rawn thlawh thlak tir nghal anih hi, naktuk pawh class i kal loh mai angai ang bungrua vel lei a bazar te kan ngai awm sia"
"In luah tur i hmu tawh mi ?" Tung ang laiah in luahtur van van nen a ni khan a rawn hmuh bik nawlh kha ka ring love,
"Aw hmu e, mahse in college nen a in hlat deuh a" a rawn tih chuan au pah hian ka va kuah nghal chung chung. A hmuh chu ka ring ta ngei e.
A zan ah chuan ka u chuan Nu Sawmi te chu an hrilh a an ngaihdan ani lo viau "helai ah keini kan awm lai a miin lo va luah kha a, i nu pawh hi a ti mak reng reng mihrang ang in min ngai anih hi" tih pahin a han hawi tau deuh hmak hmak a, a hahthlak duh sin aw. Mahse ka u in thiam taka an sawi tak ah chuan lung silo zetin an pawm ve hram.
__________________
"Hei hi a mawi zawk"
"Hei hi"
"Hei hi amawi fe" ka mi kalpui te pahnih hi thleng set vangin an la inhnial char char. A tawp ah ka ning lutuk chuan "a mawi ve ve mahse kan lei lo ang, hei hi a mawi ber" tih pahin an mawi tihloh ve ve chu ka la a, an 'eeee' duai mai.
"Tinge thil kan ei dawn lo mi a ?" Ring mangkheng hian Denis chuan a rawn ti a, a lu ari nghal fawk. "Enge ka ril tam lawm" a lu tuai vut vut pah hian a ti a. "Khatia au vak ngai mi, mi an tam em hi" Ka u chuan alo ti hlur in a kal nal nal a Denis pawh a riltam chu phun nuah nuah a sawi in a zui ve a, ka kal ve tur chiah chu ka ding leh deuh dat a. Kan piah deuh thawmhnaw dawr a Zorema leh hmeichhe pakhat hi inhuat loh hmel tak hian an lo nui dun a ka thin hi engtin emaw hian a rawn awm leh zawk a, ka lo thik leh ringawt tawh emaw ni. A nula ani ngei ang, a hna kalsan phah nana a hman meuh chu a tan mi bîk tak ani ngei ang. "I va rei ve ?" Denisa'n ka dar a kuah paha a rawn tih chuan ka phu zawk. Ka duh aiin ka ngaihtuahna hi ka lo kawm thui leh thin.
"Saw kawr nge i en nasa riau in ka hria" tih paha a kawh zeuh chu ka en a, "i â mi i duh leh va ha rawh" ka ti vak. "Shhh, mi an tam em hi" tih pahin a kut zungchal chu ka hmuiah a rawn nawr a. "Kal ang I u in min nghak, ka riltam tawh zia hi" kan in chhaih nui thla har har a.
ZOREMSANGA POV.
Ka hma darthlalanga thla lo lang avang chuan inher nawk a. Mahse a bulah chuan kha Denisa kha alo awm ve, a darah a kuah a, lawkin a hmui te a khawih nia, inchhaih nui hawr hawr in an kal daih. Awm hmunah ka lo inhum ruh vak ringawt. "Ka khawngaih che ee" chek tlak tlak pah a rawn ti tu chu ka en a ka thaw hak.
"Tihtur pawimawh nei angin an sawi a mahse kha kha tihtur pawimawh anih kha ka hre lo"
"Oooo a bialpa nen an leng duh ve ani mai a"
"A bialpa a nilo" ka lo ti deuh hmuk "anih tunge ?" Chimawm zet hian a rawn ti leh a "tawng tawng lo khan thlang vat rawh, kan in bulah insawn thar tur an awm dawn a puih an ngai"
"U kei chu I bialnu kha a sual hmel ka ti"
"Tumaw ?"
"In college a thawk ve pakhat kha"
"Tunge kan inngaizawng ti a ?"
"Zorini thiante zing ami kha niin ka hria, ee enteh chuan Zorini'n a duh thu che a hrilh che mi ?" A thu rawn sawi avang chuan ka en nghal haw "Engtin nge chu chu i hriat ?" Ka tih chang fak avang chuan min rawn en a "in college mi zawng zawng chuan an hre vek ang chu...." A phone a rawn rik avang chuan sawi zo ta lo chuan a chhang phawt a. Siamteii aw ngei mai chuan 'in va rei ve' ring mangkhenga a rawn tih chu keipawn ka hre phak. Elle chuan chhang buai peih lo in a cut hmaka "ninawm nakinah min lei mai dawn nia, min eizawh a hlauhawm haw ang" a ti hmuk a a chhuak zui nul nul.
Nichina a sawi kha ka ngaihtuah a, khami zan khan kan pahnih chiahin kan awm ani si a, keiin tumah ka hrilh lova, a tumah a hrilh ka ring bik bawk silo. Tuna a thiante lah hi chutiang hrilh dawn in an la inhre rei vak lo bawk nen a hrilh awm silova, Laldini chu lo hrilh pawh nise a sawichhuah duh ka ring hlawl bawk silo. Tunge maw Apuii nen kan inkawp ang chuan lo sawi reng reng lehnghal ni a, thil thleng hi a zia lo lam zel zawng chu anih hi.
________________
"Inhnaih dawn ve.... Kal tlut tlut Suh aw" Elle chuan min keuh zeuh zeuh pah hian a rawn ti ri su su a, kei ka lo rum nghut thung. Kan thenawm thar tur te chu tudang nilo in Zorini te unau an ni tlat. A tha ka ti viau, veng hran atanga ngaihtuah reng ai chuan in thenawm lawk a awm hian a ingaihtuah that theih zawk daih ang.
"Ehe Lalmalsawma ve mai mai maw" Siamtei chuan a ti deuh lang lang a, malsawma lah chuan "Siamek khatin min ko ve ziah Suh"
"Hah... Siamek a engmah pawh ka rempui dawn lo che" Siamtei lah chuan ala na ngang mai. "Khaih khaih...... Lalnunsiam mi hi lo inhnial pui zut zel Suh, Sawmte in rawn thleng tluang thei maw? Enge in dam tha em ?" Ka nu chuan alo ti bawk a. Chhungkuaa awm tur atih chhan hi anmahni anni tih a hresa ani ngei ang. "Zorema nu thut thut thin hi, inchhung te han lut ve phawt ila, kha a lum an ti ang chu" ka pa chuan a lo ti ve bawk.
Bungrua eng eng emaw ni chu kan thiar lut a, pahnih chuah Cheng tur anni bawk a bungbel leh thil dang pawh an ngah lem lo a, hahthlak a awm lem lo, mahse Zorini leh Denisa inchhaih nui leh har har thin chuan ka mit anti kham hle. Choka a an pahnih awm lai chuan ka va lut a, "Denis lo va chhuak lawk ta che" Denis chu kal mai a han tum chu Zorini chuan "lawk min lo nghak rawh" tihpahin zui chhuah ve mai ahan tum chu a banah ka lo man a, min rawn en kal chung hian "eng nge ?" a rawn ti hui.
"Inbiak kan ngai "
"Sawitur ka nei ve hleinem"
"Keiman ka nei lawm"
"A nih chuan sawi rawh" a rawn ti deuh hmuk a, Denis chu melh in lo va chhuak lawk tur chuan ka ti a, Zorini lah chuan awm ve turin a ti deuh tlat. Mahse ka melh rum em avang chuan a chhuak ta hram.
"Eng nge sawi vat rawh tihtur ala tam ania"
"A bula nuih vel kha anuam viau mi ?"
"Aw. Chu chauh chu i sawi duh chuan ka kal mai" a kal tur chu a kawngah ka kut rawlh lut in ka lamah ka pawt hnaih a, "engthil nge itih hi min thlah nghal rawh" tih pahin ka kut phelh a tum ve ngat ngat.
"A bula nuih kha anuam iti viau maw ?"
"Ka ti emaw tilo emaw lo buai turin ka enge inih a ?"
"Takzet, i tan enge ka nih ka hmuh tir dawn che em ni ?"
"Min han entir la ka ta....." A sawi zawh hma chuan a kawnga ka vawnna chu ka thlah thutin a biangah ka dawm a ka fawk nghal chawt. A tirah chuan a tang deuh naa a tang rei lo, a inthlahdul a min chhang let chhuang loin a dawh tawp. A kut chu la in ka nghawngah chuan ka suih tir a, ka kut pakhat in a kawngah ka vuan a, pakhatin a biang ka dawm bawk.
Ka fawh zel avang chuan min rawn chhang let ve ta nge nge, zei tak ani hran lo a, mahse ka fawh tawh ah chuan fawh nuam ber ani thung ani.
Thaw chham lek lek kan infawh hnu chuan kan inlahrang thei hram. A thaw deuh ham ham chu en in ka nuih sak "ti khan i he tawh em i tan eng nge ka nih ?"
"Hre lo" ava han chimawm mai mai tak.
"Lalpa!!!! Engpawh a itan hmasa ber leh i mipa hmangaih awm chhun ka ni"
"I va confee ve" lungawi loh hmel deuh a a rawn tih chuan a fawk leh nawk nawk a. Ani lo teu hlar thung.
"Eng nge intih kha ?" A rawn ti vawt ruih tu vang chuan kan inher dun nghal zawk. Malsawma chu choka kawngka bulah hmel rum em em hian alo dinga mi melh dan lah chu min thah chak hmel em em zui.
"Zorinsang rawn kal rang rawh" a rawn ti khauh fur a, a aw ri chhuak hlauhawm deuh vang nge ni Zorini chu a kal mai lo. "Lo kal ta che" tih pahin a rawn pawt hrang nawlh a, Zorini chu a tlu tep "Dim ve ta che" ka ti deuh tuar a "I lo sawi angai lo ve" tiin choka atang chuan a kai chhuak a. Sitting room lama a tawng pawh chu ka hre pha, an unau a awm lawk an ngaih avanga lo va haw mai turin ka nu chu a hrilh a. An pahnih chauha awm dun kher chu eng nge a tul na, Zorini lakah sual chhuah a duh vang ani ngem nichin mai pawh khan chutiang ti duh hmel a pu si a.
"Zoa kan phei mai dawn mi ?" Phei tura min ti tawh chung pawh a chutia ka nu in min rawn râwn der chu ka zak zawk lek lek. Ka lu chu ka bu zeuh a, kan chhuak zui mai. Ka chhuah dawn a Zorini hmel hlauhthawnna kha ka hmuh hmaih lo. Vanlalmalsawma hian engtin pawn a ti anih chuan a let a hmu khawp ang, a nutapa pawh nise tuar Chiang viau ang.
"Rohlu lo leng mai rawh, Zorini te an buai tawh Chuang lo" Siamtei chuan a ti deuh zat zat a, hemi te pahnih hi an inngai hman thlawt lo, pangrem ang mai hian an bet dun reng. "Rawn len a ngailo, khaw lum nen in insi leh chawt anga khaw lum inti zual" ner nawng nawng chunga ka tih chuan "awi awi awi,,,,, khua hi e insi lo mah ila a lum dawn tho" Siamtei chuan a rawn ti a. "Inti zual ka ti reng lawm" ka tih leh chuan rum tawk a min melh hian "nangni fee, saw I duatlai pawh a lo thlen tawh saw" ti a a hawina lam ka en chuan Apuii chu a scooty in gate ah arawn in khalh lut mek a, siamtei chu mawng sawi lah lah in inchhung lam apan a, a hnungah support zetin Rohlua'n a zui bawk. Siamtei inchhung lut tep tawh chuan "hmangaih in duh thlerh thlawrh viau mah la, I nei dawn Chuang lo" Apuii sawichhan zet chuan a rawn ti a,Apuii nui var var chung hian a rawn kal phei a, Siamtei thusawi kha a hria ang tih ka hlauh nen a hmel landan ah chuan a hrelo ani ngei ang.
"Enge...."
"I nu in chaw ei ah min sawm" ka sawi zawh hma hma chuan a rawn ti a. In en in kan nui hak. "A sawm thu che a sawi lova, ka nu hi chu rinloh lam deuh hian a che leh thin a"
"Nia, thenawm thar innei dawn niin a sawi a, bakah chaw khawm te I rawn leng duh lo lutuk min tia"
"Chuan I lo aw ve mai a"
"Niang chu ka chhungkua nimai tur te chu belhchian ve ka duh lawm" a sawi zawh rual rual chuan amah chu a nui hak hak a, Keipawh chuti tho. Hetia han fiamthu leh zeuh hi a ching thin.
"Ehe Zorini chu,, kan inhmu thei mange iti ve em? Hetah eng nge i tih a ?" Apuii chuan ka hnung lam hawi chuan a ti a, kei pawh ka inher let nawk bawk. A landan ah hi chuan Malsawma khan engtin mah chuan a ti bik em lo anih dawn hi, min rawn en chuan hriatchhuah zawk ka nei. Nichin a Apuii thusawi kha a rawn hre hman em?
ZORINSANGI POV.
Ka u hmel rum lutuk chu en pawh ka en tha ngam lo, tihsual ka neih awm pawh ka inhre silo a tinge a thinrim em em mai le.
"Tinge bawihte i fawh a ?" A hmel ang lo taka a rawn tih dam diai chuan ka hawi phawk hra, chubakah nichin khan min lo hmu tihna nia, zahthlak thei ee....."aaaa ihmaw,,,,,,, ka hre biklo englo...." Ka sawi tur hrelo chu ka kut sik in ka hriat bawk niah niah, ka kun ngul bawk. "Bawihte, Zorema hi hnaih vak lo la ka duh" a rawn tih chuan ka en nghal vat a, a hmelah chuan thinrimna hmuh tur engmah a awm tawh lo. "Tinge ?" Ka ti let hu a.
"Bawihte kawplai nei....."
"Ngaihzawng a nei lo u" ka lo ti vat a, min rawn en vang vang a keimah bawk chuan "aman a sawi" ka ti leh a. Thaw hak hian "bawihte a thusawi apiang rin pawh hi bansan rawh, mipa te hi chuan engpawh hi sawi kan awlsam a, ani ang mipa leh lek phei chuan. a sawi ang in ngaihzawng lo neilo tak tak pawh ni se, I hnaih ka duh Chuang lo" chhangzui chak awm lo khawp hian a rawn ti a ka ngawi deuh hmak. "Siamtei te inah chaw kan ei dawn a, rawng lo va bawl pui rawh, ka inthlak lawk anga ka rawn kal ve nghal ang" a tih chuan ka chhuak nghal nal nal. Zorema te in kawt a Miss Apuii leh Zorema lo nui dun hak hak lam chu ka pan a, miss Apuii'n "ka chhungkaw nimai tur te chu hriatchian te pawh ka chak ve a" a tih chu ka hre pha a, an nui dun hak hak. Zorema hnung a ka ding reng chu Miss Apuii chuan min rawn bia a. Ka chhan dawn lai tak chuan kawngka bul atang hian Zorema nu chu a rawn au a "Zorin lo lut ta che u, ee Apuii pawh I lo thleng tawh ni maw, Zorem rawn luhpui hlawm ta che" a rawn ti bawrh bawrh a. "Tiru lut ang u" Tih pahin Zorema chuan min kuah tum niawm takin a ban a rawn phar a mahse min rawn kuah hma chuan ka hnunglam atang chuan ka u chuan "kal ang" tih pahin min rawn kuah a, engmah sawi zui lem lo in kan inkuah lut a.
∆∆∆∆∆∆∆∆∆∆∆∆
Ka tukhum za reng avang chuan min enzui tih Chiang takin ka hre thei. Miss Apuii'n luh ve tura a tih chuan kan hnungah chuan an rawn lut ve nghal a. Ka u chu Zorema pa in alo biak avang chuan sitting room ah chuan a tawp a kei erawh choka lamah ka tlang nghal thung.
"Mate kha hei hi lo ti teh" Urohlua chuan a bean then lai chu min lo pe vat vat a, ka lo ban ve mai bawk. "Zorinsang amah kha tih tir rawh" Usiamteii'n a rawn tih deuh that phu nghek a, ka phut na lamah bean chu ka la tibaw vek zui. "Amak ee Siamtei chu I thinrim hi insum thin teh" tihpahin Urohlua chuan min rawn chhar khawm pui a, a thinrim chhan ka lo zawh chuan zawi te te a phun chung hian "Apuii'n chaw a lo ei dawn a, a thinrim anih saw" a rawn tih chuan mak ka ti viau. "Rohlu, Siamtei saw va bengdai teh" tih paha rawn chhar ve tu avang chuan zawt zui lovin ka ngawi deuh hmak a, "khawnge ka nu kha" tih pahin Usiamtei chu a au phei deuh lang lang a, a hnungah Urohlua'n a umzui zat bawk.
"I tha em ?" A rawn tih chuan Ka lu ka bu zeuh ringawt a, bean chu dahkanah dahin ka then chhunzawm nghal mawlh mawlh.
"Malsawma khan a khawih lo che tiraw ?"
"Engvangin nge min khawih ve ngawt ang, ka lakah thinrim mahse a farnu neih chhun ka nih hi"
"Aahhhh nichin khan...."
"Kha chu sawi tawh lo ang tihpalh thil liau liau anih kha" keimah ngei pawh chuan ka sawi ka awih lo ka duhvang renga chhanglet ve ka ni a, mahse tun maia ka thil hmuh te khan a tak anih thu tihlan a remti lo tlat. "Engmaw thil thleng palh a? Thil thleng palh ani lo, I laka ka rilru put ang chiah hi ka lakah pawh I pu ve a, anih chuan engtin nge thil thleng palh anih theih ang, ti nge i danglam nghal thut a ?"
"Ka danglam lo, nichin a Apuii thusawi khan kan inkar hi chu hei baka thui hi kalpui tawh lo turin min ti tlat chuvangin la thutak vak duhsuh" ka tawng ring hran lova, mahse a mit a Chiang taka en chunga ka sawi anih vangin a hrechiang hle ang. "Zorin kha kha...."
"Bawihtle, Denisa alo kal a inlamah kan phei lawk dawn mi" ka u in choka rawn luh paha a rawn tih avang chuan a sawi tum pawh chu a sawi hman lo va, min rawn ban tum a kut phar uai tawh pawh chu a dahthla leh riai riai.
Zorema nu chuan Miss Apuii chu a be siam siam a, midang erawh chuan an uksak vak lovin kan unau chuan min vil deuh chawt in ka hria. Chaw kan ei a, Zorema nu in Miss Apuii a duhsak leh ngaina bik lutuk te chu ka thik lek lek. A lo len khat thu te a sawi a anlo innel hman viau tawh ani ngei ang, ni tak nichin ah pawh khan 'ka chhungte nimai tur' atih tak kha(h). Zorema lam chu ka va hawi a, min lo en ve ngur te chuan amah chu min ti haw ngawih ngawih, bum hmang. Hrechiang viau emaw ka lo inti te hi ka mawl vang alo nih hi.
^_^^_^^_^^_^^_^^_^^_^
"Ka lo riak ve dawn" Denisa'n a rawn tih rual chuan a lu a ri nghal fawk. A lu tuai vut vut hian min rawn melh a "Zorinsang ka lo riak ve duh ani maia, Rohlua pawh a rawn riak dawn tho a" a rawn ti deuh tuau a,a mittui a tling par reuh bawk sia ka khawng na viau maw ni le, "khawimaw lo kal teh ana viau mi" ka tih chuan a lu chu a rawn kun nghal a. Keiin ka lo en vat bawk, " a pawng deuh anih hi" tih paha khawih ka tum chuan ana tih pahin ka kut a rawn man thut a,phu nasa lutuk in ka er dawrh a. Chhuatah mawng zawh ri bawp khawpa tluk ka in rin teh reng nen Denisa chuan min man hman hram a.
Chutia inpawm ti tih deuh a kan awm lai chuan aw thian kharh ri hi a rawn awm a, kawngka lam chu kan hawi rual thawt. Zorema leh Miss Apuii, miss Apuii chu a lo khi thu a Zorema erawh a hmel a rum ul mai. "Tinge in rik leh rawk rawk tak a" tih pahin ka u chu a room atangin a rawn chhuak ve chiah bawk a. Zorema te hmel a hmuh chuan a lawm hmel tehchiam lo. Inbe chak lemlo tha kan awm vang nge ni inchhung lut tura sawm tu pawh kan awm lo.
"Ehe Apuii chu I lo kal ve ni maw ? Hawh u lo lut ru" Urohlua chuan inchhung rawn luh pah chuan a rawn ti hlauh a. "Nia hei Zorema nu hian thenawm thar anneih thu min hrilh a, Zorini te lek hi an lo nia. Ka kal remchang em a inthar enpah in ka rawn kal a nih hi" Miss Apuii chuan eng eng emaw ni hi a rawn khai lut a, chawhmeh ni awm tak ani.
"Hei Malsawma, Zorini u chiah a nih hi" tih pahin inhmelhriat tirna chu an nei zung zung a, an pahnih tih loh chu tawng pawh kan tum lo kan din ngai chuan kan ding reng hlawm mai.
"Kha eng nge ni zozai a" tih pahin Urohlua chuan a thil khai chu an kawk kual a "aa hei inthar te ania inthar lawmna tur tepawh ani mahna" tih pahin a nui hak hak. Zorema erawh kei min en in a la meng rum ul. Miss Apuii leh Urohlua chu choka lamah an inzui phei a, kei leh Denisa erawh room ah kan lut daih. Khatiang inmelh rengna ah khan ka awm peih teuh lo.
"Waiii.... In miss kha a khal ka ti, a number I nei lo maw ?" Denisa chuan room luh veleh chuan a rawn ti leh thawr a. Kei in ka lo melh hraw a bana a awm vel hliah pah hian "min chhan ru min pawngsual a...." A sawi zo hman lo a ka chu ka va hup a. Ka hupna kar atang chuan ala rawn phun chhuak tho. "Thui... I kut kha va sil rawh a al bal khak lutuk" tih pahin a thui deuh vak vak a, a bal khawp ang chhuat ka nawh laklawh lai khan inleng kan nei ta daih sia ka sil leh lo reng reng 😆
"Tih tur a awm lo e" khuma leh thal tap tap pah chuan a ti a "ka hria ka nu bia ang" ka tih chuan a hmel a ner nung keiin ka lo nuih. Ka nu hi a be duhlo reng reng achhan chu hmanna a bialnu hlui an inkawp laia pasal umsan daih tu an awm a, chu chu ala chhaih thin a.
"Ka peih lo tih pahin" a chhuak tau deuh hmak, keimah chuan ka nu chu ka bia a, kan inbe khat bawk a kei ai mah chuan sawitur a hria. Mahse Chupawh fimkhur tura intihna hlir ani. Kan inbiak zawk meuh chuan zan dar 10 ari tawh. Midang kha chu an duh duh naah lo mu mai te se tiin khumah chuan ka thu kai a. Ka tawngtai zawh hnu chuan puan inkhuh tha in mangtha mang tum zetin ka chhing zui hmak.
^_^^_^^_^^_^^_^^_^
Nithum lai class ka kal loh hnu chuan kan inthar chu kan ti felfai thei hram. Keichuan a awmdan pangngai khan pawi ka tih loh tehreng nen u fimkhur uchuak lutuk ka nei maw. Engkim chu kan siamtha vek, hahthlak hian....
"Zorin vawiin chu lo kal ve tawh la ka lo lam ang che" lehlam atanga Awmi'n a rawn tih vak chuan phone chu ka dah hla phawt "hey ka sawi I hre thei lo mi" a la rawn ti vak zui.
"Hre thei.... Min lo lam lo mai rawh ka u in min thlah dawn a"
"Hmmm.... I u a awm tak vang hian indah u nei viau Suh aw keipawn ka nei ve tho" a rawn ti deuh hmuk hmuk a hahthlak thin. "Min lam chak viau mahla kan in ila hre lo" ka tih chuan a rawn au vaka phone a cut hmak. Chhe teng tung thei ee.
"Bawihte vawiin ka hna tan ni ani sia, kal hma ka ngai leh thut sia Denis hian a thlah mai ang che" ka u chuan chet sawk sawk pah chuan a ti a ka lo aw ve mai. Ka sawi tawh em ka u hi Doctor ani, kan khua PHC ah a thawk thin a, mahse helama min ngaihtuah avangin transfer alo dila an pu te pawn hrethiam takin an lo remti a, ti hian kan awmdun theih phah ta ni.
"I va rei ve" ka hma bike rawn ding khalhtupa bulah chuan ka lo ti deuh thawr a "chutia hmanhmawh si te chu rawn Chuang vat ta che" a rawn tih chan lei chhuah khum in ka lawn kai ve zat. A khalh kawi deuh zuk zuk avang chuan a hnung a ri deuh zawt zawt reng a, kawng tluan chuan chutiang chu kan ni.
"Hey hey ding teh" a rawn tih chuan ka hawi let a. A helmet chu dahtha in ka lam a rawn pana keiin ka lo en ho, a rawn thlen phei chuan ka sam chu a rawn tuai tha a ka beng bula rawn kunin "vawiin chu I beng ch$ ngawng lui tlat ang che" a rawn ti a ka en haw, nui deuh suk chungin ka biang ah a rawn fawpa a kal nal nal. Gate lam hawi a ka kal leh chiah chu ka mi hmuh avang... Nilo a hmel vang zawk chuan ka ding leh dat a mahse amah hmu lo ang chuan ka kal a, a zawn ka thlen chuan ka banah min man chat a engmah pawh ka sawi hma hma chuan "In biak kan ngai" a ti ram hmak a. Kan bul vela zirlai thenkhat chuan min en in an phun zui bul bul a "Sir Zorema nen an inkawp ami ?", "Sir Zorema te chuan bialnu a nei", "Nichin a mi kha a bialpa aniang", "bialpa nei tho si tinge Sir Zorema leh Miss Apuii inkar a tihbuai kher le ?" An sawi thenkhat ka hriat theih te ani. An sawi awmzia chu ka hrelo takzet bawk. Ka hawi kual a min lo en hrek hrek hlawm. "Min thlah teh" tiin ka ban chu ka pawt a, a vuan nghet lutuk keimah zawk chuan ka ban chu ka pawt dawk tep ani. "inbiak kan ngai ka tih chu"
"Engmah sawi dun tur kan neilo, saw Miss Apuii a lo kal min thlah teh" a hnung lama miss Apuii lo kal chu ava thlek zauh a min thlah mai dawn maw ka tia rum nghutin min kai phar nghal dawr dawr.
"Hey khawnge min hruai I tum a, class ka tlai dawn nia" tiin ka tang ve tung a awmzia erawh a awm lemlo min kaitu pa chu a kal ngaiin a kal reng. Ka thiante ho ka hmuh chuan kan ko zui ve tak na a anni erawh in mit tla lek loin min lo en thung. Inchung zawl kan thlen chuan min thlah ve chauh. Chhukthlak leh nghal tumin ka inher a min kuai her lawp in ka hmui chu a rawn fawp nghal chat a, a kut chuan a awm ah ka nam ve tang bawk. Min nawr na lutuk chu ka tlak hlauvin railing ah chuan ka invuan tawp, "helai ah hian tiraw" tih pahin Denisa'n ka biang a fawh na lai te chu a fawp kual a, ka hmai pum chu a fawp chhuak vek ani mah, a awmdan hi ka hrethiam lo sakhawlh ang mai ani. Ka hriat thin Zorema kha ani miah lo, Ka hmuiah a rawn fawp leh a keiin a hmui ka lo seh sak a, a inlak hran rual chuan a biang a ri nghal pawp. A biang dawm pah hian min rawn en a keiin thaw hrawk hrawk in ka en bawk.
Min rawn ban a tum a kei ka lo tawlh hla thung, ka mittui luang a hmuh vang nge ni a rawn pen hnai leh hrut a kei in chang fahran hian "min rawn hnaih tawh hlek suh" ka lo ti a. "Zorin ka...."
"Min rawn hnaih tawh suh ka tih kha" ka tih leh tuar chuan a ding leh dat a, thinrim bawk nen tah chhuak bawk nen hremhmun hi a ni ringawt "Engtin nge tiang hian min tih theih ? Ka haw lutuk che, tun atang chuan nangnen hian eng inzawmna mah kan nei tawh lo" tih khum deuh tuar pah a chhawng hnuai lama tlan thlak ka rual a
Author Pov.
Class ah pawh kal chuanglo chuan Girls Restroom ah chuan Zorini a tawm reng a, inkalhhnan in commode pan ah chuan a thu reng a, backsplash a rawn inchei tha ho thusawi chu pawh bengkhawn lemlo chuan a ngaithla liam mai mai a. Mahse Jeny te thian thum thu rawn sawi luh chuan a beng a verh zar mai. A han ngaithla Chiang a Zorini chuan ama chungchang ni ngeiin a hria.
"Kei chu a nasat hmel reuh ka ti" Jeny chuan a hmai chei that mawlh mawlh pah chuan a dawn ti a
"Tu chu maw ?" Asawmi chuan bangbo zet hian a rawn ti ve bawk a
"I van hrelo tak, Sir Zorema a duh thu hrilh ngam tu kha" Jeny bawk chuan a rawn ti leh a
"Nia tukin a rawn thlah tu kha a bialpa mi le" Ruattei chuan a rawn ti ve bawk.
"Chutiang ka lo hre ve hleinem" Asawmi chuan ngaihpawimawh loh hmel zet a a rawn tih chuan
"I va kaw lo tak kan collage pum a sawi ber anih hi, miss Apuii phei chu an khawngaih hlawm asin aw" Jeny bawk chuan a rawn ti hluai a
"Keipawh ka khawngaih reuh, an inzui rei ve tawh sia sir Zorema pawh hi mak ani ang te lo ngaihzawn duh reng reng" Ruattei chuan a rawn tuihnih zat bawk.
An thusawi chu Zorini chuan alo ngaithla ve kar.
"Hah... Nangpawh hi I hre lo ve e lut thari kha Zorini an ti mawni Sir Zorema nen hian hman atangin an lo induh tawh an tia, sir Zorema phei chuan a duh lutuk ringawt an ti" Jeny in a rawn tih veleh chuan Asawmi chu chek hlak hian "Amak inbuai peih mi buaina nia, an duh leh lo inkawp kual se, a hlim leh rilru na tur chu an mahni tho ania eng nge inlo buai vak. Kei chu Zorini intih chu a khawngaihthlak ka ti" a rawn ti a
"Kal teh a" Ruattei chuan ei loh hmel fe mai hian an ti vak a. Chutah Asawmi chu thutak ang reng tak hian "Eng nge a nia lawm, ngaihtuah ve ula Zorini chuan a duhthu pawh chu lo hrilh se a pawi lo a duh ve nimai a, Sir Zorema a duh thu lo sawichhuak tu zawk chu ka khawng thlu tawp chak, hman atanga an lo induh tawh sa annih phei chuan Zorini chu nilo in Miss Apuii zawk chu a dem awm zawk daih lawm...." A rawn ti ve leh run a.
"Ngawi mai mai teh mahni ngaihzawng te pawh......" Jenyi'n a rawn tih chuan pawr fe hian "kha kha sawi ve ziah Suh, kei chuan an hlimna kha ka duh a. Ka....." Zorini chuan a hre zawm mang tawh lo a. A chanchin collage pum in an sawi chu a ngaihtuah zawm a, a zak leh thinrim lutuk bawk si chu tih ngaihna hrelo in a awm hmunah chuan a in pet ruh teuh ringawt.
MALSAWMA POV.
"Hey" ka hnung lam atang hmeichhe in a rawn tih vang chuan ka hawi let a, nizana lo leng Apuii kha ani.
"Eng nge ?" Ka ti deuh hmuk a, ka be chak lem lo bawk a tha taka chhan kher a tulna ka hre lo.
"Min hre tawh lo mi, min va theihghilh hma nizanah kan lo len kha" nuisâng tho si chuan a ti a "hria e Apuii tih khan niin ka hria" ka tih chuan a lu a rawn bu deuh nghut nghut a "Awii a tihzia tah hian I thawk ve ami ?" Nuisâng min biak tak reng avang chuan chhan loh tum mah ila chhan loh chu thil har tak ani.
"Apuii chu min rawn zawng leh tawh ni maw ?" Inti thei zet a Muana kan damdawiina naupang lam speciallies chuan intithei zet chuan a rawn ti a. "Teuhlo hei kan pa hi ka rawn en kawi lawk anih hi" tih pahin ka banah chuan a rawn vuan a, ala hawi deuh lah zui ka en mawl tawp. Muana chu chek deuh tlak tlak pah hian "I va han chhe ze zaw tak. Malsawm nangpawh eng nge ilo va che rang ve ka hual ruk ve em em" tih pahin a kal nal nal a hnung lam chu Apuii chuan ala chhiatkhum hram.
"Tinge I bialpa ang a min sawi a ?"
"Khapa kha ka ning lawm heta ka rawn kal apiangin min umzui ziah a ka hne dan chu..... A thu hrimin ka bialpa nih chu I va duhlo awm ve ?" Hmel nûr deuh nang chuan a rawn ti a, "aa duhlo hran lo ve, I bialpa zawk in min thik ka hlau deuh mawle"
"Tumaw ?" A rawn ti deuh duai a.
"Zorema..." Ka sawi zawh hma chuan a rawn nui deuh hak hak a, "Ti teh min hmehbel awm ang tur deuh hi hre ve la...." A sawi zawh hma chuan hmeichhe pakhat hian a rawn au va "aw ka lo kal, Mala I number min pe la" a tih chuan ka lo pe ve mai a. Min rawn biak tur thu sawiin a tlan zui chawn chawn a, a tlan chu en in ka nuisuk ka nui tih ka inhriat chuan ka hmui chu ka chip hmak. Ka thiltih chu atthlak ti zet a nui leh sukin ka cabin ka pan ve mai bawk.
"Ka pi heng damdawi hi ka ziah ang hian ei la, I na a chhuah lohvang ngawtin ei tawp suh aw, a course chin hi chu eizawh vek tur" ka hma a nu upa lam ve tawh chu damdawi kawh kual pah chuan ka hrilh mawlh mawlh. "Vala ka va hmu ngai lo che ve, thawk thar em ni inih a ?" Muang ban charh chuan a rawn ti a. "Nia.... Ka nau awmpui ka duh vangin transfer ka dil a" ka ti tha ve mai a.
"I fel hle mai, I hmeltha si a..." a rawn ti leh a chhan vak ngaihna hrelo chuan ka nui ringawt. "Pi kan tibuai rei lutuk palh ang" tih pahin a tunu niawm tak chuan a rawn kai chhuaka a hmeltha reuh zel lehnghal.
Damlo an thahnem deuh avangin chawhnu lam fe ah chuan ka awl veleh thei chauhava, ka nu nen kan inbe zuai a, Zorini chu rawng lo bawl mai tura tih tumin ka han call a, vawitam ka call hnu pawh chuan ala theilo. Class a le nei anih ringin ka call zui duh ta biklo.
Tlai dar nga velah chuan in ka thleng a, alo la inkalh bam. Zorini haw tawh ka rin nen, a leng kawi anih ka ring thla ve rawk. A awm silo a tiin rawng chu keimah bawk chuan ka bawl leh a alo haw hunah ei mai turin ka peih sa diam. Sana chu ka en leh thin a dar sarin a ni tawh Zorini alo haw thei reng reng lo ka phone lahin a chhang thei silo a ka ngaih a tha tawh lo viau.
A thiante tumah han hian biak tur ka hre silo a, Laldini chu hostelah a awm tih hre tho mah ila ngaihthat nan chuan kan call ve a, mahse vawiin ah an class a in an loh vangin an inhmuh loh thu a sawi a, "Eng emaw tih laklawh ala nei pawh ani maithei, collage velah ka lo va zawng chhin ang" a tih chuan aw ka pawh vat a. Denis nen an lo awmdun tak mialin tiin ka call leh a a ni lah chu keiin a a ngaihna a lo la hrelo leh chhawng a, zawn a tum thu sawiin a a cut nghal hmak. Call a la theilo a, kan call deuh tlut tlut a a tawpah chuan switch off a in ti hmak. A thian te inah a leng kawi aniang tih dawnin hmanni deuh lawka awm ani a, heti chen chen a lenna tur thian a neih hman ka ring bawk silo a, thluak amang duh ang reng khawp mai.
Inkawtah chuan ka vei sek a, awmzia erawh a awm lem lo hle. "Malsawm I va buai hmel ve ?" Kawngpui lam thlek deuh vang vang lai chuan Siamtei chuan a rawn ti a, "Zorini tun thlengin a lo la haw lova, ka ngaihtuah deuh a"
"Tinge a tun ang tlai tawh a" kawng thlek pah chuan a rawn ti ve vawng vawng a. "Taka thian kawm deuh bik, han kawina tur a neih awm te hi I hre lo maw ?"
"Chutiang a neih pawh ka va hre lo, Rohlua te kha phone teh ani pui hian alo hruai haw lehpek tawh teh hi ani lo maw" a tih chuan ka phone vata, anni lam lah chuan a kal loh thu in min lo chhang a. Nusawmi chu mangang zet hian phone atang chuan a rawn rak chul bawk a, Rohlua pawh zawng tura a rawn chhuah ve tur thu a sawi a.
Ka phone message tone a rawn rik chuan ka en vat a, number lawng ani message chu ka en a video hi alo ni. Video chu kan en a.....phiangsen hian!!!!! Kan hma gate chhunga rawn lut mek chu va pan in ka hnek nghal thuai. "Khawng I dah mi tenawmpa ?" Zorini awmna zawt chung si chuan a hnek buan buan a. Amah pawh chu rawn tho chhuakin kan insual zui buan buan a. Kawng kal tlangval thenkhat chuan min rawn thelh a, kan thawmah chuan inchhung lama Siamtei nu te pawh an rawn chhuak a. "Eng nge ni ta buan buan a ?" Siamtei nu in a rawn tih chuan zaidam lo fe hian "I fapa thil tih hi en ta che" tih pahin ka phone tla chu ka char a. Inchung zawl niawm taka Zorema'n Bawihtei a fawp lai vel chu ka hmuh ta a. An meng phawk hra mai.
ZOREMSANGA POV.
Ka nu chu phawk fe a rawn hawi in "mama engthil nge i tih tak hi le ?" a rawn ti chuai deuh raih a. Kei erawhin hrethiam lo zetin ka lo en thung. Malsawma'n min rawn hnek ngawt chhan kha ka hrelo hle bawk. "Malsawm khatiang ah buai a hun rih lo, Zorini an hmu nih chu damdawiin an kalpui mek" Siamtei phone hmang zo chuan a rawn ti a. Eng nge awmzia Zorini a an hmu a, a bo tihna mi? Malsawma chu tumah ngaichang lo chuan a motor chuan a inkhalh chhuak nghal a. Zui ve mai kan tum chu Siamtei chuan ka banah manin "kal rih Suh, tunah chuan kan vai hian min hmu chak lem lo ang" a rawn ti a rum nghut chuan inchhung lam ka pan nghal.
Ka room ah lit zuiin shower ka neih zawm a, Malsawma min hnekna chu ka hmui sir tlem a kak deuh a, a thip reuh zek. Zorini nen a kan that hi duhlo tu chu an awm ani. Vawiinah buaina pakhat ka chingfela tunah buaina dang. Eng nge thleng zozai pawh hi ka hre tawh lo.
Inthlak sawk sawk in damdawiin lama kal turin chhuah mai kan tum a, ka pa chuan min lo au ding leh rih a. Hmanhmawh nen ava hun lo tak Sofa ah chuan ka thu thla deuh hnawk a. "Mama nichin thil kha han sawifiah teh" ka pa in a rawn tih chuan bangbo zet hian "eng nge ka sawi nga, in pawh ka rawn thlen hma in malsawma khan kut min thlak anih kha" ka ti a. Siamtei chuan "Zoremsang anih chuan hei hi min han hrilhfiah teh" tihpahin a phone chu ka hmai zawnah a rawn lek kang a ka thil hmuh chuan min ti phu zawk. "He hei heihi engtin....."
"Sawifiahna pawh a awm dawn nange ?" Ka sawi hma chuan ka nu chuan a rawn ti chang fak a ka pa erawh a ngawi ran thung. "Hetiang tur hian ami kan enkawl che, tunah phei chuan damdawiin ah a awm a, I khawih vanga rilru na intihhlum tum angin a chhungte hian puh ta che sela engtin nge itih ang" a thinrim lutuk vang chuan a âw te chu a khûr thei hialin ka hria. An hma zawnah chuan ka thingthi thla a "ka nu, ka pa ka tihpalh ani, he video hi tu lo lak nge ka hrelo, Zorini kha ka fawp ngei a mahse khawih erawh chu ka khawih lo, video ah hian ka khawih angin lang mahse ka khawihlo ka fawp ringawt"
"I thiltih pawi zia hi ihria em? He video pakhat vang hian inpahnih hian inchhiat ve ve phah thei sin, tuin nge mi khawih hnu chu nupui atan duh nga, tuin nge mi khawih ching chu pasal atan duh ang ?"
"Ka nei mai ang" ka tih chuan vin that hian ka room a chho nghal turin min ti a. "Nu, pa khathil ka tih chhan kha amah ka duhna a hriatthiam theih nan a ti ka ni a, ka duhna ka lantir dan avang khan midangin an lo iai phah anih chuan kei chuan neih ka duh zawk" ka ti leh a. Ka nu tawng tum a ang zuai tawh chu ka pa in a rawn tawng khalh in room a chho tura min tih chuan tho chhuakin ka room ka pan nghal vat.
Room ah chuan ka vei sek a, thil thleng te kan ngaihtuah a, tu hian nge maw kha video kha lo la hman ni. Ka nu min hauh dan pawh kha a dik ka ti viau mahse ka sawi ang tak tak khan kha ka thil tih avanga a midangin an lo iai phah dawn anih chuan pawi tihna lam ai mahin pawi tih lohna ka ngah zawk, chuhpui tu awm lovin ka pumbilh hmiah thei dawn miau a.
Chhuah theih loh nen Zorini ka ngaihtuah ngut ngut bawk si. A chanchin hre tal ila chuan a zia ve deuh tur nia. Kawngka arawn rik kharh kharh rualin Siamtei hmel ka hmu nghal zat. "Zorem, Zorini chu ngaihtuah awm ani tawh lo aw" a rawn tih chuan ka thaw huai mai. "Engtin nge a awmdan ? Chuan khawiah nge an hmuh ?`" Thaw veng deuh tawh mahse a la veng tluantling lo tlat. "Amak thawt thawt thin. Laldini khan collage velah ka lo va en ve chhin ang tia a kal kha ava hmu ani awm e, a lu ah vuak na hnu a awm an ti bawk a, mahse ngaihtuah suh ngaihtuah ngai ani tawh lo"
"Hliam anei maw ?"
"Ka sawi chu atha tawh, malsawma pawh doctor ania a tha dawn Chiang sa, ti daih ila video kha eng nge awmzia, kha kha ka grp awmna pakhat a an rawn post anih kha" a rawn tih chuan ka meng phar awk mai. "Enga..... Video kha a leak out tihna" ka chal chu kan dawm deuh vang vang a, Siamtei chu buk deuh nghat nghat pah hian "imm amak ka ti, a thu hrimin nangpawh ti nge i sual luih reng reng a ?"
"Ka sual lo ka tih kha. Ka fawp ringawt Chupawh Denisa kha ka thik vangin, engtik lai pawn kha pa bulah khan a nui a, inngai em em hian an awm dun reng a, ka bulah ve lem mithi tawh hmu ang mai hian min melh phaw hra reng a, hnaih han tum ila min pumpelh dan ringawt a zawng a" ka sawi zawng pawh chuan ka in pet ruh teuh thei. "Eng nge chutiang ilo beisei ve ngawt a, I ngaihzawng pawh anilo a, Denis chu Zorini ngaihzawng pawh alo ni ......"
"Ani lo" a sawi zawh hma chuan Ka lo tih chang fur a, Siamtei zawk pawh chu a phu lek lek. Chek hluk Chuang hian "chhuak teh, thaw I ti pik" a hnungah lam atang ka nawr chhuak det det.
Khumah chuan ka let thla hnawk a. Video leak out ka ngaihtuah deuh char char a, engtin nge anih theih ni. Ka phone chu phawrh chhuakin thianpa Kima chu ka phone a, "aw I va reh ve" a lak rual rual chuan a rawn ti nghal a kei ka khi suk. "Nang alawm, nupui neih induh ang tih hi chu a lo awm tak tak anih hi"
"Hey hey hey......" A rawn nui huah huah a, a nui duh lutuk hi thusawipui ahar mah mah thin. "Chuan min rawn biak chhan hi ka hria in ka hria" a rawn tih zawm leh a "nia kha thil kha..... Min enfiah sak la ka ti deuh a"
"Ni e, naktuk lamah I hman chuan station lamah rawn kal la ti raw" a tih chuan aw ka pawh vat a, mut chhuak lem lo tak chuan mut mu ka tuah ve ta a.
®®®®®®®®®
Chawhnu lam chuan Kima te station lam chu ka pan a.
"Tracker hi hetah hian a tawp a, he device a tanga chhuak hi ani"
"Tah hian number a lakchhuah theih ngem ?"
"Theih e, kha Sanga lo lak chhuah tir rawh. Muana chhuahna tur kan nei e" Ani chu a chhuak zui nghal a,Sanga'n number a lak chhuah min pek chu ka phone ah kan ch$ lut a, lawkin number hi Laldini number maw!!!! Eng nge awmzia? Anih chuan video hi.... Ka rei leh!!!!!
Ka phone chu a rawn ri chhunzawm nghal zat a Apuii alo ni kan la a "Zorem damdawiin lamah I kal ve duh ka ring a ka rawn sawm che" henu hi chu ka rilru hi a hre thei reuh emaw ni, keimah ah ka kal kha chuan Malsawma khan ka hmuh kha a phal lo ngei dawn a, Apuii sawm mai ang ka ti rilru reng a sawm ngai lovin Aman min rawn sawm leh hlauh sia "aw station ah ka kal lawk a, khawnge I awm ?"
"College ah ka la awm. Station ah chuan eng nge itih reng reng a ?"
"Nakinah ka hrilh ang che, ka rawn lam nghal dawn che nia" phone dahin Station lam atang chuan ka inkhalh chhuak a.
"Ka nghak rei lutuk che, awi a lum dam hi" motor rawn luh pah chuan Apuii chuan a rawn ti lut bawrh bawrh a. "Zorem zawh awm che ani em ka hre lova mahse video chungchang kha...."
"Nia keipawn ka hmu..... Mahse videoa a landan leh ataka a thlen dan a in ang lo"
"Ka ring thlap che, mahse ka ngaihtuah zawk chu Zorini hi hemi vanga....." A ngawi leh deuh vung vunga sawi chhuah nuam ati leh chiah lo niang "aaa engmah nilo........ I hna pawh hian a tuar phah ang a"
"Ka hre bik lo le, mahse an beng hriat leh hmuh chin atanga thil rel tur anih vangin ka kal pawh ka in ring tawh chiah lo" Ni e ka kal zawm chu ka ring lo ve chiang, tukin ah ai ka kal sak khan min rawn phone tlata. Chanchin te pawh min rawn zawt nghe nghe a, a pawi atih thu te pawh a rawn sawi ve luam. Mahse pawi lo intih pui vak chi ani pawn ka hre lo.
_________________
"Tinge ala harh loh ?" Damlo khuma mu mek chu a kut a vuana a hmel en ngawih ngawih in ka bula nurse chu ka zawt a "tukin khan a rawn harh tawh a mahse damdawia kan Chiu leh hnuin a muhil leh anih kha" min chhang felfai thlap mai. Tukin ah a harh tawh, a mit a men rualin min zawng a ngem, ka hming a lam ve ngem ? Zawhna hlir
"Engtin nge i rawn kal ngam zawk a" rawn ti hrawk ti chu hrelo derin ka thut ngai chuan ka thu reng a "chhuak nghal rawh" tih pahin min rawn tham tho nawk a, chutih rual in "ti Suh" khum a mi chuan rawn tih a rual a. Ka hawi nghal zawk, meng deuh diar diar chung hian ka kawr hmawr chu alo vuan ve tang a.
"Lo kal rawh Malsawm" Apuii chuan alo kai hranga a chhuahpui daih. Kei erawh Zorini kit chu vuanin ka thu thla leh vat a, a kut chu ka fawp a thei thei lo hian alo nui bawk.
MALSAWMA POV.
Ka cabin ah chuan lutin kawngkhar chu ka khar deuh pawp a pawn lam atanga te deuh that in a rawn zui bawk. Kha mihring vang khan ti hian a awm a, ani lah chuan a harh hlim atangin a hming a lam chamchi lehnghal. Ka dawhkan chu kan hnek deuh thuai a, ka kut chu a thip zawk. Ka thinrim luatah thisen testna glass Ka dah chu ka lo hnek keh vek. Thisen chu a dir nghal char char "awiii.... Tinge khawimaw" tih pahin Apuii chuan ka kut chu a rawn la a keiin ka lo vai per lawp. Ka kut chu ka hru fai mawlh mawlh a, pakhat nu chu lo tel ve zel a tum bawk nen amah chu ka tih tir tawp "Thinrim pawh hian tha hi chu thawh thin loh tur" keiin ka lo en reng thung. "Ahh khi lam ami te I hrilh tawh em ?"
"Aw"
"Rawn kal te an tum em, Zorema sawi dan chuan I nu khan Zorini hi a ngaihtuah hmel thei sia"
"I tan a tangkai lo chu ngaihtuah vak duh Suh" tih pahin ka tho chhuak a, Zorini kam dahna cabin lam chu ka pan nghal. Ka Hawn dawn chiah chuan "kal rih Suh" tih paha ka kut rawn vawn hnan chu Apuii chuan a rual a. A kut ka melh chuan a la sawn nghal vat. Lut ta lem lo chuan a lang thei chin atang chuan Zorini te chu ka en reng a. "Hrilh tur che ani em ka hre lo mahse Zorema hian Zorini hi a hmangaih takzet ani" ka en a, a rawn hawi ve chiah kan mit chu a intawng Chiang asin "Zorema I huat chhan hi ka hre lo, mahse I farnu hi I hmangaih anih chuan huat loh hram I tum dawn nia, achhan chu I farnu pawh hian a hmangaih vang in" Zorini te lam chu kan hawi a, Zorema'n a kut vawn pahin a sam chu a chul deuh hliau hliau a, a changin a fawp leh zeuh zel bawk a, kei hian an hlimna ka dal emaw ni chu aw..... Mahse ka thu hriat te kha Apuii pawh hi ka ring lo "eng vang in nge ka rin ang che ?"
"Min ring raw...."
"Amah ti mualpho tute ngei hian amah ring turin min ti amaw ?" Awih loh hmel ve chuan ka en a. "Eng nge i sawi awmzia ?"
"Zorini'n a rilru a puanchhuahna thu kha I sawichhuah ani tih hi ka hriatloh I ring em ni? Saw mihring phiangsen nen sawn inla nuihsawh zui ani lawm ni, Zorini hetia a awm hi I lawm hle zawk ang chu Zorema chuhpui tu tur che an awm dawn lo a" za lo zet chuan ka nui ro halh bawk.
"Ahhhaha..... Kei hian chutiang chuan ka ti maw? Chu thu chu tuin nge hrilh che a? Ka awih theilo.... Engvangin nge Zorini chu ka nuihsawh nga, hetia a awm avang hian ka lawm ngawt an ?"
"A chhan chu Zorema hi I hmangaih ve miau alawm ?"
"Zorema hi ka hmangaih a, hmangaih chu sawiloh duh pawh ka duh lo"
"Duhlo nila an pahnih inkar chu iti buai reng peih nang"
"Ka duh lo ka tih chu, an inkar tibuai tu pawh ka ni lo nangmah zawk hian Zorema I pawn thei lova" kan tawng ring dun tawh khawp mai.
"An chanchin kha sawichhuak lo ni la, a lehlamah lo awm ve reng lo la chuan ka pawm ang, I duh tih hi phat tum lo mai rawh"
"Ka duh lo keichuan midang ka nei"
"Anih chuan fiah ta che sawi rawh tunge chu chu, sawi tur I hre leh si nange...."
"Aw ka duh chu nangmah a Chiang em" a reh nghal duk. Apuii chuan pawr fe hian min en a, ka han hawi kuala nurse leh damlo thenkhat chuan ding meuhin min lo en. Room chhungah chuan luh mai ka han tum a kawngkhar bulah chuan Zorema te pahnih chu an lo indawm ding ve ngur bawk a. Thil tla ri deuh rak thawm hi a rawn awm a ka han hawi chhuak a Laldini ani, a rawn khek nghal chul a. Hawi ngaihna ka hrelo lutuk chu Apuii chu kaiin inchung lam panin ka kalpui nghal hlawk hlawk.
ZORINSANGI POV.
"Eng nge kha kha awmzia ?" Ka u te kal en pah chuan ka ti a. "Ka hre bik lo, va mu leh tawh ang I chau lutuk palh ange" a rawn tih chuan ka melh deuh ha a. Zawimuanga ka kal chu a ning deuh nge ni min pawm lawp a khumah min nghat nghal der. Ava rang ve!!
"Awii Zorin ka lo kal vat thei lova ka tihpalh lutuk" Laldini chuan thil kai bawr teuh chung chuan a rawn ti lut a, amah hi ka hmuh hian ka hlau deuh tlat achhan chu restroom atanga ka chhuah a ka lu a min vaw tu kha amah hi niin ka hria a, a âw pawh kha amah ngei hi niin ka hria. Zorema bula ka awm duh tlat chhan pawh
"Apawi lo...." Ka lo ti tha mai a. A thil rawn ken te chu a phawrh a eitur vek ani🤦🏼♀️
"Zorin College vela thu thang kha pawi ka tihpui lutuk che a zia lo tak tak ani. A sawichhuak tu hi ka ngei tawp, mahni tana tangkai lohah hi chuan kam tam vak thin lo ila atha mawle" apple vel mawlh mawlh pah chuan a ti a, a thusawi a Zorema lo thaw leh hawk zel chu a ngaihna ka hrelo viau.
"Eng nge vawiin lam chanchin ?" Thupui thlak tum zet chuan ka ti a. "A tha ani mai, e taka Babyi kha aputea a boral a. Rawn kal kha a duh viau nain a rawn kal thei ta silova. Feli leh Awmi te hi vawiin ah pawh kan inhmu lo, an chawl zawk nge pawh ka hre lo. A thu hrimin nangmah eng nge i an hrim hrim ?" A rawn tih zawm lehnghal zat a. "I sawi a na ka nei tih ka hre leh chiah" Ka lu tuamna chu ka khawih a alo ni deuh bur mai.
Kawngka chu a rawn ri rak a Police form ha pahnih an rawn lang a, ka nu, Zorema nu leh aumapuia chu an rawn inzui lut ve bawk a. "Hei hi maw Zoremsanga chu ?" Police pakhat chuan Zorema rawn kawh pah chuan aumapuia chu a zawt a aumapuia chu alo ni nghauh.
"Station lamah I rawn awm rih Ava ngaih hmel ve" Police pa chuan ati a, Zorema pawh tha tak chuan a kal ve mai bawk a. Ka nu chuan "bawihte a va han pawi tak em" tiin tap tuau chung hian min rawn kuah a, kuah let ve nachang pawh ka hrelo. Tinge Zorema an rawn hruai nachhan kha rin ngaihna pawh ka hrelo. Ka u leh Miss Apuii chu an rawn lut ve chiah a, "Nu a mut a hun leh tawh nia" ka u in a rawn tih chuan min thlah a, mutna damdawi chuan min chiu a Miss Apuii thlah turin an chhuak zui nghal. Aumapuia an ka nu chu thil eiturin a hruai chhuak a Laldini nen chiah kan awm tawh.
"Dini tinge Zorema kha an rawn hruai a ?" Ka chung seiling var en chung chuan ka ti a, ka rin aiin damdawi kha a thawk chak.
"Hrilh lo tur che chuan min tia mahse I hriat ve tha ka ti. Nimina Zorema nen a inchunga in awmlai video kha tu emaw in la in alo ti leak out ani awm e"
"Chuvang ringawtin a man theih mi ?"
"Ahh.... Ni e chumi vang ngawt chuan man theih loh ang, mahse video a alandan kha chuan Zorema khan sualluih a tum che angin a langa a inhnuai inchhuk leh thleng kha a lang tawp silo a, nang in tawhsual ilo tawk chiah bawk nen, Zorema chu a rinhlelh awm ta ber a"
"Mahse min khawih hleinem"
"Ni e, lungngai lo la kan awm a engkim atha leh mai ang. Muhil rawh le I mut a chhuak anih kha" ka puan sin chu min rawn khuh tha a, ka mit chu ka chhing zui ve nghal.
_____________________
Ka harh chuan bang thlang lama sana vbh ka en a zan dar 10 lai alo ni tawh. Ka va han mu rei ve le. Room chu ka en kual a. Thutthleng tê ah chuan Laldini leh Aumala chu an lo mu a, a tet nen engtin nge an mut theih zawk ni. Ka nu leh Aumapuia ka hmuh loh vang chuan inlamah an riak anih ka ring a. Ka zun a chhuah em avang chuan bathroom lam pan chuan ka kal them them a. Kawngka rawn ri rak chuan keimah zawk chu min ti phu chiamin ka rak deuh that a. Ka phu hma leh lutuk hi awmzia pawh ka hre lo e a. "Ehee ilo harh elaw" Usiamtei lek chu lo niin. "Aw ka zun a chhuak lutuk a" tih pah chuan bathroom ah chuan ka lut a, ka zung zo chu ka thaw deuh huai mai.
"Ilo kal ve duh kher a, au te pawh an awm tho sia" khumah lawn pah chuan ka ti a.
"Kan tih ve theih tawk anih hi. Mu leh rawh ala hma lutuk ila meng tlang thei lo" Khum bul chairah chuan a thu ve bawk. Mutna tur a awm silo a ti hian a thu zankhua mai dawn chu ani sia "I lo khawhar lutuk palh ang, bakah ka mut pawh a chhuak tawh rih lo" ka tih chuan min hnial zui bik em em lo. Laldini leh Aumala tep chuap chuap leh inbeng ri leh chawrh zel chu en in kan nuih tawp a, an harh vanga inbeng pawh an nilo an mangchhiat vang zawk ani.
"Zorin"
"Hmm"
"Zorema nen hian eng nge in awmzia hi nichiah"
"Aaa.... Ka hre bik lo"
"Ngaihzawng I nei em ni ?"
"Teuhlo mai"
"Anih chuan tinge Zorema nen hian inrem taka in awm theih loh le"
"A kawppui nen a an inkar tibuai tu nih ka duh hleinem"
"Kawppui a..." A nui deuh hak a "Zorema hian a nghak char char che" kawngka lam chu a melh deuh vang vang a "hman atanga tun thlengin a nghak che, I rawn pian tirh atang tawh khan a hauh nghal bur che a, 'Zorini hi chu ka ta liau liau anih hi, nula anih veleh nupuiah ka nei dawn' a ti thin a, kha tih lai khan kum 7 mi chauh ani a, a thusawi te kha naupang engmah la hrelo sawiah kan ngaih sak mai thin. Zorin I rilru ka hre ve duh, hengthil thleng zawng zawng avang hian I rilru nilo pui I sawi chhuah ka hlau ani" ka lam rawn hawiin ka kut chu a rawn vuan a. Keiin ka lo en kiau bawk. "Video chungchang kha I hriat tawh ka ring a" a tih chuan ka lu ka lo bu zauh a "khata thil thleng diktak chu Zorema nen in hriatchian ber zawk ka ring a, chutiang chiahin kha thil avanga mualphona tawk tu chu nang chauh nilo in Zorema pawh ani. Zorema sawi ang takin lo fawp ringawt che pawh nise tunlai ah chuan hmeichhia hi kan lal tawh a chuvang chauh pawh chuan Zorema dinhmun hi a chhe viau thei. Naktukah statement la turin an rawn kal dawn chuta I tih tur chu I hriat ve mai pawh ka ring" a sawi awmzia berah chuan Zorema puh chhe zawnga thil sawilo turin min ti niber in ka hria, engtin nge amah kalh zawng chuan ka sawi theih ang ni "Usiamte chutianga, Zorema chanchin sawi ka duhlo, ka duh ber chu engkim hi fel se tha taka awmdun chiah ka duh"
"Zorema hian a hmangaih lutuk che a ka hmuh thiam ve chinah pawh hian a hmangaihna che hi nasa tak ani. Thikthu chhiatna avanga heng hi thleng ani tih hria la, chuvangin in pahnih hian tudang mah ngai lo hian awm tawh ang cheu"
"Eng nge awmzia ?" Ka tih chuan nui hak hak hian "taka ka hrilh lo che tiraw, Zorema hian Denisa kha a thik lutuk em em lawm, in â dun lutuk a induh ve ve si kha inhmuh sakhi kha inlo tum talh a. Lalmalsawma lah hi tu dawtsawi nge alo awih ni â thei phel phual hlawm lutuk. Muteh zingah i u sawn min lim hrep mai ang"
+++++++++++++
"Ka duh em em nu" tih paha ka bianga rawn fawp vak tu chu nawr sawnin ka beng deuh pawp a. "I mawl thei lutuk" ka ti deuh hlak hlak a ani titau in inhnuai lamah a let thla leh nghal daih. Hahthlak thin hian.
Tunah chuan thil a pangngai chho tawh a, Zorema nen pawh kan inkar a tha tawh hle a. College ka zawh hunah inneih turin thu kan rel bawk a, kan boruak tawn chho mek chu nuam tak ani.
"Khawnge Zorema kha ?" Step atang chuan Miss Apuii chu ka zawt a "saw pawna saw a nghak che in ka hria" tih pahin pawn lam chu a kawk a, Zorema chu a car bulah alo ding tum viau mai.
Vawiin Saturday ani bawk a Zorema dawra kal ve tum a, thil thleng vel vang khan hna a kal zawm ta lova, Sipai training tur ani tho a mahse pawi ati hran lo,tranning turin a kal har tho dawn bawk nen awm tawp aiah Stationary dawr a hawng a, a hawnna la reilo nen rin aiin a lun phian a, dawr pawh a phuisui sawt hle. Ngawi reng chuan kan awm a, ka bula thu pa chuan hma lam a melh ngar bawk si biak a huhphurh awm thlawt.
"I thinrim mi ?" Ka Ning lutuk chuan ka zawt ta tawp a.
"Aih" lehlawi si chuan.
"Anih Tinge khatia I thut luau renga ?"
"Motor khalh lai chuan fimkhur tur" a rawn ti nghut chuan 'hmm' tih pahin ka kut ka kuangkuaha hmalam hawi chuan ka thu ve deuh hmak. Traffic lah hi jam leh ve chhen mai hnemaw lutuk. Ka phone message rawn thlen chu ka en a Denisa a ni. Kan en a ka hman leh hman lo min rawn zawt alo ni. Ka reply a, thil ho te te sawi chuan kan in text a boruak ninawm lutuk pawh a rawn ti zia deuh. Message a rawn lut leh a ka en chuan Zorema chungchang bawk a rawn sawi. Ka nui deuh hak a ka reply tur chiah chu Zorema chuan ka phone chu rawn phi thutin a ak zui hmak.
"Heyy rawn la teh, mi ka be laklawk nia" tih pahin ka va chuh a, a nin min lo dang bawk a kan ni deuh laih mai. Khawlum nen ka ning lutuk "eng nge i hriat a ?" Ka thutna atang chuan melh hraw hraw pah hian ka ti a. "Nangmah"
"Zoremsang ka fiamthu peih lo, ka phone kha min rawn pe teh"
"I phone maw, min fawp phawt la ka pe ang che" tih pahin ka lam hawiin a hmui chu a rawn ti pawrh a eng fiamthu nge mawni thawh a tum ni. Hma lam chu ka hawisan deuh hmak a. Ka zak tawn tawn kut a rawn dah vang chuan ka hawi phawk hra a, nui deuh suk a, a mal chungah ka thu fel der.
A zak hnuaiah a ban rawlh lutin steering a vuan a, a tlan chhuak zui nghal.
"Zorem â viau thin Suh aw, min dahthla teh a lum si" ka tal deuh laih laih a.
"Che che Suh, accident a thih daih I duh mi ?" a rawn tih chuan ka chawl dat a. "Naupang fel lutuk" tih pahin ka hmuiah chuan a rawn fawp zauhva, a rang lutuk a min fawp lo maw ka ti zawk tep.
"Zorem min dahthla teh a lum si" ka ti deuh nar nar a "ka tih din chuan min man mai dawn sin"
"Reilo te chiah lawm anih dawn"
"Dan thar a tam lutuk amaw bawihi chuvangin kan ding thei lo" ka hmuiah chuan a rawn fawp leh tâwk a, keipawn chhang zui tawh bik lo chuan ka thu ta hle hle. Ka kut chuan a nghawngah kuahin a kawngah ka kherh bawk a, a darah ka lu nghatin ka awm ta hle hle.
"Mut duhnu tho tawh la" ka beng a rawn phun ri sur sur avang chuan ka meng deuh riai riai a. Ka hmuh theih chin chu thingkung anni. A âwm atang chuan ka innawr hla deuh a, kan kawr hma chu a huh deuh a, alum bawk nen ka thlan aneih ngei ka ring "mmm..... khawnge kan awm a ?"
"Kan tlanbo" a rawn ti chiah chu thawhphan pawh awmlo hian. "Maw!!! Hey hey khawnge" kawngkhar chu hawngin pawn vel chu kan hawi kuala kham nisi mahse thingkung daihlim hnan vek ni bawk si ah chuan kan lo awm reng a. Hetiang hmun hi a awm ngai reng reng amaw ni. "Ahhh Zorem tinge dawrah kan awm loh a ?" A rawn chhuk ve mek chu ka lo zawt a. "I muttui lutuk a tah hian ka hruai daih che, haw lamah kan kawi mai dawn nia" sana ka en a chawhnu dar 1 ani der tawh, ka lo va mu rei awm em em. "Anih chuan haw tawh ang, a tlai tawh si"
"Timo min hlau ami ?" Min rawn panhnai in inhmatawn zawng chuan ka kawngah a rawn kuah a, a awm a nem in er deuh tan hian ka en a "aih atlai tawh sia, dawrah pawh kan kal bawk silo Rema alo buai viau ang"
"Het eng nge kan sawi kha..... Mipa dang I sawi avangin hremna i hmuh angai" ka theihghilh kan pahnih a awmlaiin mipa dang sawiloh tur, "inah min hrem mai la" inti khawngaihthlak zet chuan ka melh vel a "inah chuan I duh leh dawn lova"
"Eng a, min pawngsual I tum ami a ?" Ka kut chuan ka awm vel chu kan hliah a,"Lalpa leh!!!" van lam hawiin a nui hak a "I duh em ni ?"
"Anu ka duhlo, Min pawngsual a tum min...." A hmui ina ka hmui arawn khar hnan hmiah a vang chuan ka ngawi chawt a, hei hi a duh chu a nih chian hi. Ka kut chu a nghawnga suihin ka thiam dan dan chuan ka chhang let a, a kut chu ka nghawng lamah a rawn sawn chhova, ka tukhum leh ka bek chu vuan nghet sauhin a ai uar chuan min rawn fawp a, min fawp duhthawh lutuk chu ka ngaih a tha lo zawk. A ai thui a kal dawn ni tlata ka hriat avang chuan ka inla hrang a, thaw deuh ham ham hian min rawn en a "I tha em ?"
"Aw.... Aaa haw tawh ila" nui suk chuan ka hmuiah a rawn fawp leh zeuh va, "nilo e, thil hmuh tur che ka nei" ka kutah min kaiin Kan piah deuh kawng pengah chuan min kalpui a. Thui lo te kan kal hnu chuan in pakhat hi ka hmu a, a bang leh a chung te chu thing vek ani a, a ban vel chu hnim zam chi in a zam hman bawk a, a zam dan te lah chu awmze nei thlap ang mai hian a awm a, a landan leh a sak dan chu ka duhdan chiah chiah. Zorema chuan kawngka chu hawngin a lut a ngawi reng chuan ka zui lut a, a chhung chu pawn lam ai mah chuan a mawi zawk. A zau hran lova, choka leh inpui pawh awm hrang chuang lo, room pakhat hi a awm a, mei chhemna chimney a awm a, a piah deuha dawhkan a awm leh a, tukverh pahnih a awm leh a azo der.
"Helamah" tih pahin room lamah chuan min hruai a, room chhung chu ka hmuh theih nan an kal kiang deuh a, Lalpa leh!!! Ka mak ti lutuk chu hmui hup in amah chu ka en a "I en Chiang duh ka ring" tih pah chuan ka hnung lam atang chuan min nawr lut det det a.
Ka nausen lai thlalak ni awm tak chu ka la thlain ka en a '4months' tih hi alo inziak a, a dawt chu ka han en leh a '1yrs' a bulah chuan present bawm chu ka han hawng a sweet leh chocolate hi alo awm a, "a kawr chiah ka chang anih hmel" tiin ka nui hak a, adang chu ka han en zel a, room chhung chu ka thlalak leh present bawm in a khat ani ber. Ka han en zel a, a thenah chuan ka tap lai te, a thenah ka chaw ei lai te, a thenah Laldini nena kan school kal lai thlalak thlengin ka hun hmang tawh dan zawng zawng ka hmu let nimai in ka hria. Ka hnuk a ulh tlat, ka insut hraih a "tinge heng hi I duhzawng anni lo mi" ka lu chu ka thing deuh nar nar a "tinge ?" Ka mittui chu a hru hul a, "heng thil hi ka beisei leh ka rin phak loh thil vek anni. Nangin ka chanchin engkim I hriain a tha ber zel min ngaihtuah sak a, chutihlaiin keiin nupui nei a fa te hial nei tawh turah ka lo ngai che a"
"Shhh..... Tap tawh Suh le, khang kha chu hriatlohna leh kar hlatna vang vek anih kha, tunah chuan kan awmdun tawh lawm. Leee haw vat I duh chuan va hawng vat vat rawh le" ka chalah chuan a rawn fawp leh a. Bawm ho chu kan hawng leh a.
Kum sawmpariat ka tlin lawmpuina present chu kan hawng a....... Awiii engtin nge anih theih!! ka han en a "kha thil nei tur khan ka bei nasa sin" ka kut a lehkhabu chu ka en a 'DON QUIXOTE NOVEL BY MIGUEL DE CERVANTES' he lehkhabu hi ka duh lutuk.....kum tinin ka u ka dil thin a mahse lehkhabu vang tak anih vangin hmuh tur a awm ngailo. Tun ami hi original chu nilo mahse a hlu lutuk ringawt. "Chuan hei he in pawh hi I ta ani" atih chuan ka en vat a. "I piancham a pel tawh tih ka hria, mahse he in hi chu pek ngei che ka duh I tan liau liau a ka sak anih hi"
"Zorem" tap deuh tiau chuan ka en a, "shhh tap Suh le I hmelchhe vek dawn nia" tih pah chuan ka mittui chu a rawn hru fai a min kuah hlu hlu a, hetia ka awm hian ka thla a muang bik thin. "Bawihi hetah riah I duh chuan kan riak thei tho"
"Aa aih..... Haw ang" tih pah chuan a ka inla hrang a ka chhuak nghal vut "lo ding teh, heng hi hawn I duh lo em ni"
"Aaa nakinah kan kal leh hunah ani mai" pahin motor lam chu ka pandan nal nal. Ka hnunga a mi chuan nui hak hak in min rawn zui bawk a.
______________
Lehkhabu chu ka en a, atak anih pawh hi ka ring lo lek lek zawk "ka biak che hi, lehkhabu kha ka hralh leh daih ma ang" hma lam melh reng chung si chuan a rawn ti deuh nang nang a "ahh...ka lawm em alawm, engtin nge ka duh tih I hriat a ?"
"Min ring rawh I engkim, I rilru leh ngaihtuahna thleng khan ka hre thei" a nui deuh suk a "sawi tha mai mai teh lehkhabu vang tak anih hi aw"
"Kha thil neih nan khan maw, Khawvel hi ka fang chhuak" a rawn ti deuh hluai a, a awih thlap Khawvel a lehkhabu vang tak anei bik tlat. "Mahse Zorem engtin nge pawisa ineih a ?"
"Ka kum zat hi han chhut teh, ka kum zat ngaihtuah chuan hna tha neih nen chuan Hausa viau tur ka ni"
"Anih in kha engtin nge in kha I sak theih ?"
"In kha chu ka thilpek hrim hrim che ania, College a ka hlawh a ka sak anih kha"
"Pawisa pawh inei tawh dawn silova, innei lo mai ang kan rethei dawn e" fiamthu nisi tak deuh si chuan ka ti a.
"Whatss???" Motor a break thut avang chuan hma lamah ka bu dawrh a "inneih loh maw!!! Vawikhat pawh sawi tawh miah Suh ang che, I sawi leh nih chuan..." A kut chuan min tin deuh uai uai a, keiin mittui tling piau chuan ka en a. "Bawihi ka tihpalh, ka tum pawh anilo I rilru I thlak tak tak emaw ka ti a, ka tihpalh lutuk" min kuah a. Ka tap zui bik ta lo.
"Khatiang em em a I thinrim kha ka ring lova, ka fiam tawh lo ang che"
"Aih nilo bawihi, fiam chu ka duh mahse inthen lam kha chuan ka duhlo, min then in min kalsan tum mahla engtik ah mah ka phal dawn loh avangin chutiang lam sawi chu sawiloh ngaihtuah pawh ngaihtuah tawh Suh ang che"
In be tawh lem lo chuan kan thu ngawi ta reng a, "dawrah chuan kawi tawh lo mai ang aw" a rawn tih chuan ka bu zauh ringawt.
_____________
"Zorin engtik ah maw in inneih dawn ?" Awmi chuan a rawn ti a
"Awii inneih lo mai ru, ka thik che e sir Zorema hian a duh biak che sia maw" Babyi chuan a rawn ti ve bawk a. Hahthlak hian a.
"Hah lo thik mahla an inneih dawn tlat I leng lo" Laldini han nghal dan em em hi chu(h)
"Ngawi mai mai teh u, Zorin thianah min hmang rawh aw..." Feli chuan nau duau hian a rawn ti a. "Lalfel keimah hi lawm thian tur I hope sang lutuk, nangpawh I leng lo"
"Laldinsang ka bia che mi ?"
"Tel ve zel hi tum Suh u"
"Chhe ve saw I Romeo alo kal" tih pahin a dawt nghal kulh kulh a, "awii a lum zia hi" tih pahin Lalrinhlua chuan ka hma mi chu a rawn ban ve nghal zatin Denis chu a pe a,a nin Laldini hma ami chu a in zawm zat.
"Thu dun Suh u, khua a lum si...." Babyi chuan a rawn ti deuh that a, canteen a awm ho mit chu kan chungah a fu thapin ka hria. "Lalzamlian min ti zak thei e" tihpahin Laldini chuan a lu chu dawhkan ah chuan a awp rawk a. Awm ho hi chuan maw inhnial na hlir hi an zawng a, awm ho loh hian kan in ngai zawk a atha zawk mah in ka hria.
"Ehe Zorin saw te, mahse nula a kalpui tlat" Denis chuan a rawn ti deuh vang vang a. Ka en ve chuan Miss Apuii leh Zorema gate chhuak chu ka hmu ve hman. "Ehe Zorin titau chhin teh" Laldini ang chiah a mawl a bialpa Lalrinhlua ani.
"Ka peih lo"
"A thlem ngai lo che anih chiang" Babyi chuan min than lo zet chuan a rawn ti a. "Nilo e, ka lungawi hma chu min thlem namen lovin min thlem leh dawn a"
"Sir Zorema kha inlo hmu em a chhiatloh zia kha, Miss Apuii nen khan an ni leh tawh mi le" kan hnung lam counter a rawn tawng thawm chu ka ngaithla kar a. "An inkawp leh tawh nih ka ring, Zorini kha chu a duh tak tak pawh ka ring lo reng a"
"Bakah amah vang khan hna a chan a a hmingchhe tel sia..... Engpawh chu nise a chhiatloh zia kha I hmu em ?"
"Tawng zawi rawh hei a awm ania"
"Awii ka duhlo kal ang, kan thusawi kha a hrepha ngem le ?" An thawmah chuan an kalsawn zui niin ka hria.
"Zorin I rilru ana viau lo maw ?" Babyi bawk ani.
"Lalzamlian sawi awm hi hre ve thin rawh" Awmi chuan a rawn ti deuh fak a.
"Na lo nat na chhan tur a awm hleinem, Apui pawh ka thik lo. Achhanchu Zorema hian keilo hmeichhe dang a melh loh tih ka hria a, mi mitah chuan kei aia tha an tam a, mahse a mit a tling leh tha ber chu keimah ka ni"
ZOREMSANGA POV.
"Tinge he video hi inla buaipui char char a ?"
"He thil ti tu leh Zorini khawih tu kha thuhmun annih ka ring"
"Cctv records kha vawi engzat nge en I tum engmah hmuh belh tur a awm lo" Apuii nen a records kan en lai chuan Kima chuan a rawn ti a. "Ka hrelo mahse eng emaw tak chu a awm lawm"
"Lawkin Zorem pause lawk teh" Apuii'n a rawn tih chuan ka pause vat a. "Khalai kha zoom teh" Zorini vawtu ke lam chu ka zoom a. "Ka hria e mahse ..... Hei chu Babyi anih hi"
"Engtin nge i hriat theih a ?" Kima chuan alo ti vat a. " A chhan chu pheikhawk hi ka ta lawm"
"Enga ?"
"Ka sawi awmzia chu khami ni khan Babyi hian heels a bun a, a ke a tih ulh deuh avang in ka bun tir a lawm"
"Anih chuan video pawh kha amah tih hi tihna mi ?" Kima chuan a rawn ti ve bawk a.
"Ka Chiang ngam tawh lo, Divice hnuhnung berah kha chuan Laldini ani tlat"
"Mahse Babyi chuan Laldini phone a hmansak pawh ani thei tho a" Apuii chuan a rawn ti vat a, ni e heng thil hi Babyi tih vek maw ni. Zorini thian ani in ka hre si a, eng vanga ti nge anih ang.
"Zorem ka lo va kal hmasa nge.... Damdawiin lamah kal ka la ngai tlat"
"Aw ka lo thlah dawn che em ni ?"
"Aih angailo thik tu tur hi an tam ropui si" nui deuh tha chuan a rawn ti a. Malsawma ka hrechhuak zawk, Apuii'n namen lova a beih hnuah an inrem thei hram ania, an la nghet phian zui a an awhawm lek lek.
"Anih ka lawm lutuk ania....."
"Lawmthu sawi angailo ka makpa tur inih kha" tia nui huah huah in a chhuak zui a. "Thu dun lawk ang hmiang" Kima chuan ka hnunga min ben thak pah chuan a cabin lam chu a pan a, Ngawi reng chuan ka zui a.
"Training hun tur kha an sawn hma niin ka lo hria a" a chhiarah chuan a thu thla anau te chu thingpui rawn la tur in a au zui nghal bawk a. A hma zawna thut thlak ve pah chuan "Nia kum thar lam antih kha thlaleh lamah an rawn sawn alawm mawle"
"Zorem ka ngaihtuaha, I naupang zawk zawk tawh lo nen I training chhungin I tar chhe hman vek ange..... Bakah Sipai lam hi chu(h) a ralmuang lo e, nupui nei mai tur lehnghal inia innu hian I rawn haw hunah chuan tar ati che nga alo duh tawh lo mai tur che nia" a rawn tih chuan ka nui deuh hak. A ngaihtuahna mai mai thin hi.
"Sipai ka chak hi I ring reng reng em ?"
"Ring chiah lo"
"Ni chiah e, mahse a changtunu te saw a lal vet vet reuh lutuk a athu kan hnial ngam mang lo anih hi" ka tih chuan za mangkheng hian a rawn nui a. "Tun atangin I thaibawih nghal ania, in inneih hunah phei chuan...."
"Ngawi mai mai teh, thaibawih te chu nang hi lawm duty awl apianga nau paw chunga rawng bawk kur kur a insu thin kha" ka tih chuan anui tawp hmak.
"Zanin sawlai an dawr tharah khan kan ve kal dawn em ni ?" Thupui thlak tum zet chuan an rawn ti a, aw chu ka pawh hram. Mahse a changtunu hian a phal ngawt dawn emaw ni.
___________________
Khuma min nghat thla tu chu Zorini hming in ka ko chiam a, "aw duhtak ka lo thleng e" tih pahin min rawn kuah a, ka fawp a. Zorini anih tak tak leh tak tak loh pawh ka hre hleithei lo.... A ai uar chuan ka fawp zel a, ka thil in hian tunge ka fawh tih thliar ve tawh hek lo le a hma ai uar chuan a thawk ta sauh sauh va, ka kut pawh chu a awm hle hle thei tawh lo, a awm atangin a kawng vel chu ka zut thla a a mawng chu ka sawk leh tâwk zel a, ani lah chuan hrethiam tak mai hian ka kekawr kawng lam chu alo ban bawk a, khumah chuan min nam thal thuai a, a kut in a ka mipatna a rawn tawk tih loh chu hriat ka nei zui tawh lo.
Zing ka tho chu ka lu a rut bur mai. Thil hriatchhuah nei zawkin kan in en kual a, thawmhnaw ka inbel vek. Dawhkana chahbi chu la in room atang chuan ka chhuak vut a "ehe Zorem I haw nghal mai dawn mi thingpui te in phawt la" Kima nupui chuan min lo ti a mahse a tlai deuh tawh thu leh in lam ami ten min ngaihtuah ang ti a chhangin ka chhuak zui a.
Tukin ka thawh khan engkim a pangngai vek a anih chuan nizan khan mumang ka nei tihna maw ni dawn le. Ka mumang anih chuan a vanneih thlak hlauh, rilru nawm lohna tur a awm dawn lo tlat.
Gate a ka inkhalh luh chuan Zorini chu pawn lamah a lo vei tawn sek a, Garage a motor ka dah a ka chhuk leh chiah chu alo awm vang mai.
"Nizanah khawnge I awm ?"
"Nizanah Kima te inah hna tlem...."
"Hei hi mi i hna chu" ka sawi zawh hma hma chuan ka hmaah hian a phone rawn lek kang va a, chhan nachang pawh hrelo chuan thlalak chu ka en a kei leh Zorini thiannu Babyi ruak vek a kan mu dun lai hi alo ni.
"Ka zawh che chu hei hi mi i hna chu ?" A mit sen ram atang chuan mittui a rawn luang a. "Ka zawhna chhang tur khawp pawn i lakah awmzia ka lo awm tawh lo ani maw ?" A in hnit deuh hraih a kal mai tum chuan a inher a, a pen tur chiah chu a kut ah va man in "Zorin ka sawi...."
"Engmah sawi dun ka duh lo, min rawn hnaih ngai tawh Suh ang che" ka ban chu a vai thla nawk a, chak mangkheng chuan an in lam pan chuan a kal a, umzui duh viau mah ila tun atan rih chuan atha ber a ka hriat loh avang in inchhung lamah chuan ka lut ta zawk a.
Chhun lamah chuan dawrah ka phei a, rin ai tak hian dawr hi a lun a, ka awm chang pawh hian mawng ka hun hman meuh lo. Thil Xerox leh print chi hrang hrang kan tih avang hian kan buai hle ve thei hle a, Siamteiin a thutchilh hunah phei chuan thawktu a dah belh duh ka ring. Ni leng a ka buai tak avangin Zorini biak na hun pawh ka nei ta lova, hun nei pawh ni la ka be ngam kher lo ang. A thinrim lai a biak hi chu den fia fia thei tak ani.
Tlai ka haw chuan in pawh lut hmasa lovin Zorini te inlam chu ka pana, a thinrim a reh tawh ngei ka beisei. Inchhung ka lut a, choka lam thawm rawn ri deuh sat sat lam chu ka pan a, Apuii chuan rawng alo bawl hi alo ni ka thawm hriain a rawn hawi a "E Zorem lo leng rawh, mahse Zorini a awm lo nia" Henu chat chat thin hi chu(h)
"A awmloh chuan ka kal leh zawk mai ang in pawh ka la thleng bik lo"
"Aw va inthlak la I peih chuan lo leng phei zuai la tiraw" a tawng dan chu chhungpuinu te pawh a ang a lawm le, ka lu chu bu zeuhin ka chhuak zui a. Sitting room ah chuan Siamtei leh ka nu an lo awm a be lem lo chuan room ah ka chho tlang a, ka bag ka dahthlak rualin Siamtei a rawn lut a.
"Zorem, thil sawi lawk ang"
"Aw sawi rawh"
"Babyi kha I mutpui em ni ?" A rawn tih chuan ka hawi dawrh thei "ka hre lo"
"Eng nge ka hrelo tih chu awmzia ?"
"Ka rui lutuk a eng nge thleng engmah ka hre lo, Kima ka zawh lahin kei aia mah in a hrelo zawk bawk si" khumah thuin ka lu chu ka dawm a. "Malsawma'n vawiin nileng deuh thaw a Zorini a tah thu a sawi a" ka en a. "Hna ah pawh a kal loh phah ani awm a, mahse chawhnu lam khan zai ngai an awm ta thut sia Apuii a ko phei tawp alawm"
Ka hmai chu ka tuai puak a "tihvak ngaihna pawh ka hrelo"
"Eng nge I thil buaipui hi ni reng reng min hrilh teh ?" A tih chuan ka en deuh vang vang a. "Nakinah ala hun rih lo" tih pahin bathroom lamah ka luhsan daih. Ka chhuah leh chuan alo awm tawh lova inthlak in Zorini te inlamah chuan ka phei leh a. Zorini haw nen kan intawk chiah, mahse amah in ani lo tlat. Denisa nen niin an in a nui har har a ka hmel ahmuh veleh chuan tum hmakin inchhungah a lut a, biak zui tur awm lovin room ah a tlang hmak bawk. "Inhmuh ava khat vê I tha maw" Denisa chuan a ti var a ka lu buk khum zeuh in ka luhsan ve nghal.
Choka ah chuan ka lut tlang leh pawrh a "va rang leh si ve, lo thu rawh malsawma pawh alo thleng tep ang" tih pahin a vel chhuan chu a suan a. A chelai chu ka lo en reng, hmeichhe tha leh mo atana iai awmloh tak hi chu ani ve Chiang alawm.
"Kha thingpui" tih pahin a rawn thu thla ve nghal a "vawiin eng nge dawr lam te ?"
"Imm a zia viau" thingpui chu kan dawt ve ngawt a "A sa lutuk"
"Tinge I in pawp chhuan so hlim anih kha" Ka kam chu ka thuah nghal a, ka lei a kang hman hram in ka hria.
"Nichin khan I thinrim em ?"
"Engtik in maw ?"
"Kawngka bulah khan" a rawn tih chuan Zorini leh Denisa a sawina tih ka hrethiam mai.
"Thik lo"
"Takzet ?"
"Mmm.... Thik e, theih se chu ka hnek let tawp ang mahse a thinrim lai ania engtin mah ka sawisel ngam lo"
"I va han dawih tak" tih pahin Malsawma chu a rawn lut ve a, Apuii thu chu alu ah fawp zeuhin a rawn thu thla ve nghal a "In zai tluang thei maw ?"
"Umm tluang tak ani chuan eng maw Zorema chu ?"
"Kha thlalak chungchang kha a hre bik lo anih hmel" Apuii chuan alo ti a.
"A thu hrim in I lo mutpui ami a ?" Malsawm an a rawn tih chuan thil thlen dan ni a ka hriat ho chu kan hrilh a. Malsawma min be tha lutuk hi ngaih te pawh a tha lo zawk a lawm le.
"Anih chuan tinge Babyi chu I hmuh mai loh" Apuii chuan a rawn ti a.
"Ka hrethiam tawh bik lo, amah hi biak hrehna tlat ka nei, kan mu dun lo niang amah pawh a reh hmak hi"
"Nilo, ka rindan chuan in mu dun ngei ani, I biak hreh tlatna pawh kha in mut dun vang anih dawn chian kha" thil keh ri avang chuan kan hawi chhuak rual thawt a. Zorini chu kawngkhar bulah chuan alo ding a, vase keh chu en in kan lam chu a rawn hawi a "ka ka tihpalh" tih bah deuh nak pah chuan a room lam pan chuan a kal a, ka thutna atanga tho chhuak in ka zui vat a. Ka nang hman lo kawngka chu a kalh hmak a, kawngka chu hawng tur a hrilh in ka chum ri bur bur a awmzia erawh a nei lem lo.
Room pawnah chuan ka awm reng a darkar hnih zet a liam hnu pawn thawn engmah ka nei theilo ka ngaih tha lo chuan Malsawma chu ka va pun ta tawp a. A room ah lut leh te te in a rawn kal a, chahbi rawn phawrh chhuakin awlsam te chuan a rawn hawng a chahbi nei si chuan nichin ah khan rawn hawn daih tawh awm. Room ka lut a Zorini ka hmuh mai loh avang chuan bathroom lam ka va en leh a "Lalpa leh!!!!" A thawmhnaw zawng zawng nen a huh vek Chuang hian darthlalang hmaah a lo ding a, a kut a bakcheh chuan a sam chu a lo tan hmawk hmawk a. Tlan phei vutin ka va chhuhsak a, "engthil nge kha kha, I thluak hi khawnge a awm zawh a" a dar tawn tawn ah vuan in ka thing deuh nawk a min en kiau a, a mit a hul hiau danah hian a tap lo chu ani phawt a. Ka biangah chuan a rawn chul a "ka thluak, ka thinlung, rilru leh ngaihtuahna, ka thlarau leh taksa thleng hian nangmah ah an awm vek" a mittui chu a luang pap a ka kawngah min kuahin ka awmah a lu a nghat a, "chuvangin min kalsan anih chuan ka awm thei dawn lova, khawiah mah min kalsan suh" ahma ai nghet chuan min kuah a, a awmdan teh thut chuan min ti hamhaih letling zawk alawm.
A huh vek hi tih hrechhuak thutin ka nawr hla deuha a chal chu kan dek a, "I khua a sik anih hi" ka tih chuan "imm" tih pahin min nuih ber ver. Pawn lawpin bathroom atang chuan ka chhuahpui a khum bulah chuan Malsawma te pahnih pawh chu anlo ding ve bawk a. "Apui a thawmhnaw hi I thlak lawk mai dawn em ni" tih pahin khumah chuan ka nghat thla a, Apuii chuan Zorini thawmhnaw chu a rawn phawrh nghal zat bawk a. Malsawma nen chuan kan hawisawn a
Malsawma chu a chhuak vut a, a hnu reilo te ah rawn lut leh in "Apui damdawi kawl sa ka lo nei tawh lova, kan va tlan zawk dawn mi ?" A rawn ti a "Va tlan zawk mai la, ka laklawh emai"
"Kha Zorema kha tih tir rawh" hepa cheng chung hi Apuii tello pawn a kal theih tho sia. An in zui chhuak a. Zorini chu mit chhing chung hian ka thlak a, amah chet a tum bawk silova kawr in hak tir chhung chu rei duh tak ani. En loh chu duh viau mah ila en loh theih ani tawh lo, ka inher a a awm phir thaih chu a ruak deuh kang a, ka lo en rei deuh nge ni a rawn nui chhuak hak thawm ah chuan ka hawisawn zawk a "mipa mit la lo tur khawpa mawi lo chu ani bik lo tiraw ?" Ka lu chu ka bu zeuh ringawt in a kawr hak tur chu ka ban a "I ngaihdan ani takzet em ?" Chhan phût zet a a rawn tih leh chuan a kawr ban chu pawt chho in ka en a, ani lah chuan min lo en ngur tawh zawk a "I mawi ber, Khawvel hmeichhe awm zawng zawngah hian I tha in I mawi ber a, chuan ka hmangaih ber bawk che"
"Anih chuan I hmangaih leh mawi itih miah loh chu tinge I mutpui ?" A zawhna kher chu!! Ka mutpui lo ti thla ngawt dawn ila nichin maia a nutapa ngaihdan sawi pawh kha a rawn hre ve hman vek si a, ka mutpui nachhan tiin han ti thla ngawt dawn mah ila ka mutpui nge mutpui lo pawh ka Chiang lo ani a, chhan har ka va ti em. A mittui chu a rawn luang thla ngiai ngiai a, tih ngaihna hrelo lutuk chuan ka kuah bet ta tawp. A sam ah chûl in nghet zet chuan ka kuah a, chhuak em em a tap chung hian ka kawr awm chu a tham ngawt ngawt bawk a. "tinge hetiang hi ka chungah I tih a? Mawh tinge? Ka tih theih loh vang ami ? Vawikhat tal min nawr lui la, min nawr lui ni ngat la chuan ka ti em em ang, mahse tinge tiang zawng kher hian ?"
"Nilo bawihi ka tihpalh, ka tihpalh" ka âw chhuak te chu a khur a, ni e ka mittui a tla, kei mipa a pawh pâ inti ve ngam chin ngat hian ka mittui ka dang zo lo. Pawnlam taksa natna vang chu ni ngat se ka dang zo ngei ang mahse a na lai hi dan zawh rual loh chhunglam thinlung ani tlat. Ka hmangaih ka phatsanna chuan ka mittui a ko chhuak lova, mahse ka hmangaih ka phatsanna tuartu hian awihawm loh khawp a nâ min siam tel ve ani. Ka duhthlan vanga ka tihsual nilo mahse ka inchhir a, inneih hma chu ti a a hum ve hram hram a thianghlimna pawh nawr ni ngat ila chuan min pek tur thu hial ka sawichhuah tir a, mipa nep tak ka lo nih hi. Han thlem leh han hnêm emaw sawitur engmah ka hre lova nghet taka kuah a, duat taka a sam a chul chu ka tih theih awmchhun ani.
A hnunga chul chung chuan ka awi ti tih a, a reh danah chuan a muhil ta ni ah ngaiin khum ah chuan ka nghat thla a, Malsawma chu an reh hmak bawk si a an damdawi lei chu an lo haw tawh nge haw lo en tur chuan chhuah ka tum a, lei ka rap hman chauh tih chuan "kalsuh" tih pah hian ka ban a rawn man leh a "bawihi damdawi ka la nga ka rawn let leh nghal ang"
"Aih hetah awm rawh" a tih deuh tlat avang chuan hnial duh loin a sirah chuan ka inthawlh zui a. Ka ban chu kham in ka kawngah a rawn kuah a, a ke a min khan in ka awmah a bei hle hle bawk a. A lum chu ti viau mah ila ka bula mu te hi a pang a dam zan loh vangin puan chu kan khuh tha a.
"Zorem innei ang"
"Bawihi ka...."
"Aih engmah sawi belh Suh, inneih ka duh" thu chhuak deuh ur ur chunga a rawn tih chuan ka kuai mu leh a, "mu hahdam phawt rawh naktuk ah kan sawi tha dawn nia" tih pahin a bek ah chuan ka fawp a ka mit ka chhing zui daih a, a tang deuh tung ah chuan min en tih ka hre thei. A dar ben thek thek pah a 'hmm hmm hmmm' ka tih takah chuan ka awm ah bawk chuan a bei thla leh a.
Ka lo muhil ve daih nge ni thil ri rak ah chuan ka harh a, Malsawma chuan damdawi vel emaw ni chu dawhkan ah chuan alo dah a, thawh mai kan tum chu "tho Suh, hetah riak mai rawh I nu te pawh ka hrilh tawh" tih pahin a chhuak zui nul nul a. Khum mawng lama sana chu kan en zeuh a tlai dar 5 ani. A la hma tho avang chuan ka mu tha leh a.
ZORINSANGI POV.
Ka ban ka chet zawng a mur chum chum avang chuan phak zetin ka meng a, ka ban pawh nilo ka bawp vel thleng chuan a mu vek. Ka hmai zawna thaw ri sak sak chu ka han en a, hetiang pa lian ther thur in min delh chuan ka taksa chu mu lo chi pawh ani lo. Ka mal min khan na bawp chu dahthlak mai kan tum awii a rit lutuk thawh Phan tha zawi nen ka zo lo nasa "hey tho teh" a bawp ah chuan ka sawi deuh dat dat a harh chu sawiloh chet pawh a chet zawm lo reng reng "tho teh, I bawp hi dahsan rawh a rit lutuk" tih pahin a bawp ka chum deuh taih a "immm" a rawn ti tuak a a duhtawk der "tho teh ka tih chu" tih pahin rem leh rem lo chuan a hmaiah kan beng pawp a.
Rawn in perh tho zawt hian "eng maw, khawiah" a rawn ti vak a, a tho â mi le. "Hey I tho â mi ?" Ka tih chuan a rawn hawi thla vut hian "khawnge nichin a rukru kha ?" a rawn ti nih chu(h) hahthlak hian "eng rukru mah an awm lo, I mumang I rawn thawh pui anih kha"
"Rukru kha alo kal emaw ka tia, khawnge I kal dawn ?" Ka ke ka hlangthla tawh chu hlang chho leh in "Ka ril a tam" kan ti deuh duai a. "Aw ka naute, lo kal teh" tih pah chuan a hnung chu an rawn dawh rem a, kei ka lawn kai vat bawk a. Kan in paw chhuak a, sitting room ah ka u alo awm tawh loh vang chuan a mu tawh turah ka ngai a, sana kha ka en lova zan rei lam ani tawh zawk ngei ang.
"Tah khuan cup noodles ka dah kha kha siam mai rawh" ka thutna tanga kawk pah chuan ka ti a. Min en deuh vang vang pah hian "tinge nangman I tih mai loh ang"
"Ka taksa hi maw a zawi vek" thawk deuh halh pah a tih leh dawhkana ka kiu nghah a ka biang dawm chu ka rual a. "Ti nge i khua ala sik ami, damdawi kha I ei lova" tiin ka chal leh ka biang vel chu a rawn dek kual a, ka lu thing nar nar pah hian "aih min delh nasa lutuk a"
"Keiman maw ?"
"Imm taksa lian leh hrawl zet khan a zatve deuh thaw chuan min delh lawm"
"Ka naute ka van khawngaih che, eitur chu kan siam vat vat ang e" ka biang khuapin ka hmui ah chuan a fawp zeuh a Gas chu on in tui a chhuang nghal zat bawk a. Keiin a che chu ngawi reng in ka lo en bawk a.
*FLASHBACK*
Ka thusawi vang nge ni Babyi chuan min melh rum deuh ul a mahse rei erawh ani lo "nia tiraw" nui sang chuan a rawn ti ve leh mai bawk a, henu hi tunlai chu ka thinkhai tur zawng a tawng hi a Ching riau mai ni.
"Kei chu class ka la nei a, ka lo va kal mai ang" tih pah Feli a thawh chuan Babyi chuan rang fe hian "keipawh ka la nei a, kan kal rual mai ang, min lo nghak lo mai rawh u" tiin thawh ve a rual nghal a, Laldini'n a rawn 'im im' vak chuan an kal a. "Awmi class I neih loh chuan min bazar pui lawk la" Denisa chuan a tukhum hiah neuh neuh pah chuan a ti a, Awmi chuan an tih tur te an zawt leh te te a, an sawi fe hnu chuan a kalpui hram. Awmi hi chu mi ti thlep thlep, nû zem reuh bawk si hi nia.
"Denisa khan Awmi kha a duh Chiang lutuk" Laldini a rawn ti deuh lar lar a, "I tawng ring lutuk" tih pah in Lalrinhlua'n a hmui a pen sak chuan alo teu hlar a, aw rawl a nei bik leh lutuk hi a buaithlak thin zahna te hi min thlen tam a, amah lah hi a la zak ngai miah lo zui.
"Zorin Apuii kha I thik tawh lo mi ?" Rinhlua'n a tih chuan chiang fek fawk hian "vawi engzat nge ka hrilh tawh che, Miss Apuii chu umalsawma nen an inkawp" Laldini chuan a rawn ti a, a sawi chiang lutuk chu rinhlua'n tawng zawm ngaihna hre lovin a theitui in chu in leh tawp.
___________________
"Tinge in awm dun reng zel a" inchhung ka luh rual rual a ka mi hmuh dun te vang chuan ka ti thlawt a. "E I lo haw tawh maw, haw ka lo tum chiah a" Miss Apuii chuan nui ver ver chuan a rawn ti a. Hemi te pahnih pawh hi Rokunga leh Siamkungi ang mai an in ngai hman lo re re.
"Awi a rawn zui haw leh duh tho ang che chaw ei nghal mai rawh" ka tih chuan za fe a nui hian a aw veleh tho va. Ka tawngkam hi a thlum bik nge pawh ka hre lo hnialna âw hian min pawh khat ve e.
"Mate chaw ka ei nghal mai ang" rawn tih lang lang a hui deuh pap in room ah ka lut nghal daih.
"I ngai ani maw" kawngkhar bula din pah a Zorema te in lam ka thlir deuh vang vang chu min rawn keuh zeuh pah hian Laldini chuan a rawn ti a "aih chulam a ni lo, a la rawn haw lova a call ka dawng bawk silo a" ka phone melh deuh pah chuan ka ti a "hna ah a buai deuh a niang, hawh gate thleng saw min lo thlah la" a tih chuan kan inzui phei a. "Zoi a u te inneih an ti Chiang tawh sin"
"Engtik nge ?"
"Apu khan ka birthday nen a rual chiah tur khan a duh a, chuvangin September lamah daih an ti"
"Eheee, a van hla daih ve, Urohlua khawngaihthlak awm" nuih deuh kur kur pah chuan ka ti a. "Ni chiah mahse pawilo, hrem deuh an la ngai lawm, helai thleng hi nimai saw Rinhlua lo thleng" a tih chuan kan in mangtha zui a. Urohlua te inneih hla ta duai
Chu Urohlu a phun nasat in nia ka rin ni, inneih kha a hmanhmawh vut vut nen.
Ka let hna hna a, khua a thim tawh a Zorema a lo la haw bawk silova, call ka dawng lova an buai viau anih ka ring.
Ka u chuan sitting room ah inkhel a lo en a, Zorema emaw Denisa emaw tu emaw an awm loh hi chuan zan lamah hian min lenchhuah san ngai lova, keimah ah ka awm ngam thu ka sawi pawn hmeichhia mahni chauh a awm chu a him loh thu sawiin a lengchhuak lui ngai lova, a len loh tur a hrilh chang pawn Miss Apuii hian hrethiam takin alo aw mai zel a, a lawmawm lam zawk phian zel. "U reilo te project ka en lawk nga ka mu nghal dawn nia aw" ka tih chuan a lu a rawn bu zeuhva keipawh room ka lut nghal.
Project thar chu ka en deuh nel nual a. En thuak ringawt tum kha ka lo tui lutuk a, ka en zawh meuh chuan zan dar kua a ri tawh. Ka phone chu kan en a, Zorema call emaw message engmah a awm lo a buai viau emaw ni le. Ngaihtuah neuh neuh chung chuan mut mu ka tuah a, ka phone rawn en leh pap thin chu ka en a, mahse Zorema a ni thei lo.
Engtik in nge ka lo muthilh hman ni ka phone ri chuan min ti harh a, ka lak hma chuan a tawp a ka en chuan Zorema a lo ni Sana chu kan en a Dar 1 a ri thuak tawh, call let ka tum lai tak chuan whatsapp message alo lut a Babyi ve thung a ni. Tun ang zan rei tawhah chuan a pawimawh viau anih ringin message chu kan hawng a. Awi ka duh lo, ka phone chu khumah chuan ka theh thla tawp a. Message rawn thleng leh chu ka en leh a 'Sweet dream my dear' tih ani. Thlalak chu kan en chiang a, Zorema ngei niin ka hre bawk si, a tak ngei ani em tih hrelo mah ila thlalak chuan ka mittui a ko chhuak nghal a. Khum ah chuan ka phone chu ka dahthla a, vawilehkhat ah a baw chhuak hawk, thawm ka nei deuh nge ni ka u chuan kawngka chu rawng hawngin a rawn dak dek dek a, khuma thu chunga ka lo tah avang chuan ka lam panin a rawn kal a, a rawn thlen rual chuan ka lo kuah nghal thlawp.
"Bawihte" a hamhaih nge min kuah ve mai lo chuan a ding ren rawn a. Ka sir a ka phone let bal chu lek kang in an hmet eng a, a hmu ngei tih chian nan phun hluk chung chuan min rawn kuah vat a "shhh...bang tawh rawh le bawihte, engkim a tha vek mai ang" tih deuh bul bul pah chuan ka hnungah a beng thek thek a.
Ka muhil emaw tiin ka u chuan ka room chu a chhuahsan a, a chhuah hnu rei vak lovah ka chhuak ve a, dar li a ri tawh a khua a eng deuh riai riai tawh. Pawnah chuan ding in Zorema law haw hun nghakin gate lam chu ka thlir reng a.
Dar nga, Dar ruk, alo la haw thei lo.
Dar sarih, gate a a motor rawn tlan lut ka hmuh chuan ka ding vatin an garage lam chu ka pan phei ve nghal a. Motor atang a rawn chhuk fel chiah chuan a hma a ding run chung chuan nizana a awmna ka zawt a, Kima te inah hna an khawih thu a sawi dawn chuan ka phone chu lek kang va va in thlalak chu ka hmuh a. Min chhan mai loh avang te chuan ka tah a chhuak ut ut, ka inrin hma in ka mittui chu a rawn luang a. In lam pan tum a ka inher chuan ka banah min man in "Zorin ka sawi...."
"Engmah sawi dun ka duh min rawn hnaih ngai tawh Suh ang che" a ban vai thlain in lam chu ka pan a.
Min koh emaw min dang zui a tum lo hrim hrim, in ka luh dawn chuan ka hawi zawk a inchhung lam panin a kal chiah. Ka thil sawi vanga min dang lo anih chuan ka sawi kha ka inchhir nghal, mahse min hnaih lo turin ti mah ila min koh din a, a insawifiah luih kha ka ring a, mahse ka rindan mai ani min enzui eih lovin a lut thei ani a. Thil thleng chu a ti chiang viau.
Room ah chuan ka awm reng a, tah a au chiam ka duh a, mahse ka mittui a hul vek. Ka phone rawn ri chuan min ti phu chiam a ka en chuan Laldini alo ni "imm"
"Zoi I va zawi ve, ka rawn lam phei dawn che nia"
"Vawiin chu ka nuam vak lova"
"Ti nge, I damlo mi ? I u in nizanah I khua sik a ti a, I kal peih dawn loh chuan keipawh ka peih lo. Ka lo phei ang" a sawi zawh rualin phone a dah hmak a, pawilo lo kal rawh se ka thawl phah hawk maithei asin.
______________
"I sawi duh chu sawi vat rawh" ka hma thu melh kar chuan ka ti a.
"Hmanhmawh Suh, ka sawitum chu I hriat thawi ve tho ka ring" nui sanga min en chung chuan a ti a.
"Ka hre hauh lo"
"Takzet nizan...." a sawi pawh a sawi hma chuan ka awm zawn chu a thip zawk thei.
"Ohh.... Kha chu thil thleng tawh ani a, thil lo thleng tur lam zawk hi sawi ang. Zorema nen inhualna hi ti tawp rawh"
"A chhanna I hriat chak viau chuan 'aih' tih ani e"
"Ti teh, ka rai anih chuan nang ni lovin kei hi a nupui ka ni dawn tho"
"I vanneih viau anih loh chuan vawikhatah I rai nghal dawn lo tlat"
"I hria em vanneihna hi ka ta ani, diktak chuan nizan khan min rawn pan khan keipawn mak ka ti a, min kohna hmun ka thleng a eng nge thil thleng I hre duh em ? Ka thlen rual rual khan ramsa koham tak ang mai hian a khawsa nghal a, ka taksa......." Ka ngaithla zawm ngam tawh lo ka au vak a "Engvangin nge hetiang hi ka chungah I tih a ?" Nuih deuh suk pah hian "rawn lang miah lo ni la chuan Zorema hi ka ta ani tawh ang, mahse I rawn langa engkim a buai zo vek"
"Engtik ah mah a duh Chuang lo ang che"
"Ka hria lawm,mahse naute chu a duh dawn. Hmangaih viau che mahse a fa ka pai anih ngat chuan nang chu i mangtha hmak ang che a kalsan dawn che tihna nih chu" a bag chu la in a ding a "ka sawi chu awih rawh, a kalsan hma che in nangmah hian kalsan la, phuba ila tihna ania a nangpawh I hlim anga keini pawh" tih pah in achhuak a.
*END OF FLASHBACK*
Zing ah pawh Zorema chu ahaw ka phal lova, ka vuan bet reng ani mai. Ka u a rawn thawh veleh inneih ka sawi nghal a, engtin mah min chhang lovin ka nu te a biak phawt tur thu a sawi a, Zorema pawh a chhuah ka phal miau loh avangin phone in a nu te a be tawp a. Ka u in a sawi dan in ka nu te chu lo chhuk phawt a Zorema nu te nena rel an ti a, ka nu te chu vawiin la la a lo chhuk tur a ka tih chuan an rawn chhuk tur thu chuan a sawi a. Thleng teh thut dawn mahse an fanu mal in ka duh anih chuan an rel fel nghal dawn tih ka hria a mahse Chupawh chu a rei ka ti. Ka inhriatthiam dan ber chuan Babyi thusawi kha a thlen dik hma a inneih a Zorema training a a kal daih kha ka duh zawk. Vawiin lam ka u thut dawn vangin a chhuak hma hle a, Zorema nen kan awm dun rek rek a, thil ho te te sawiin kan hlim ve hle.
Inneih nan karkhat chiah a awm tawh a, a hnai telh telh a kei ka hmanhmawh telh telh. Babyi'n eng chet mah a rawn thawh chhunzawm lova, ngaih te pawh a tha lo lam mah zawk.
"Zoi"
"Imm"
"Ni thum chiah in a dang tawh sia, I huhphurh em ?"
"Aih ala rei ka ti"
"Ti maw ?" In beng kang deuh chuan a rawn ti a.
"Ka hlau thawng, inneih vat vat ila Zorema hi training turin kal bo daih rawh se"
"Hmmp.... Timaw I thlakhleh a I ngaih vangin inneih I hmanhmawh emaw tia, kalbo leh daih se I tih a ?" Bangbo hmel zet chuan a rawn ti a. Chutah ka hlauhthawnna zawng zawng chu ka hrilh ve ta a, a hriat chuan Babyi chu mak ati viau a, anchhiah a lawh deuh phiar phiar a, insum tur a tih hial angai let zawk tlat. Ka ngaihtuah a, Laldini hian ti khawp hian min hmangaih in a unau an tak tak in min en ani a, ka mi huat deuh leh ngei duh hre miah loin an pawi awh sawi ve miah lo mahse a ngei ve hmiah zel a, ka lo ringhlel te kha mawl kan inti takzet. "Laldin"
"Immm.... I tap ringawt law lo kal teh" tih pah chuan ka mu chu min rawn kuah hlu hlu a.
+++++++++++++
"Kan inneih zawh veleh ka kalsan daih dawn che sia I lungleng awm" Zorema chuan thil Xerox pah chuan min fiam zuk zuk reng a, enge maw hriat ni vawiin chu min fiam reng mai ni.
"A ngai dawn aw zawng lo che, I kal a nghahhleh tawh nak laia" Ladini chuan a lo ti hlak hlak a, Zorema chu a nuih za za ah ala tang zui.
"Laldin nang ni pawh hi ti vat ula tha ang, book lawk ang chi te kha inlo tum ve ngawt Ange, ka vaw hrep dawn cheu nia" Zorema chuan a rawn ti leh a.
"Teuh lo , ka collage zawh hun min nghak dawn" a rawn ti vei lar lar a.
Ka Phone ri chu ka en a, ka u alo ni. Ka lak chuan hmanhmawh a haw turin min ti a. Zorema te chu hrilhin hmanhmawh tak chuan kan haw a. Ka u in Zorema te in lamah a tih vang chuan Zorema te inah chuan kan lut dial a. Sitting room a lo thu ve kar ka hmuh vang chuan ka hlauthawng takin Zorema chu ka han en a, a chhan chu kha zan chungchang kha a hria ten kan sawichhuak lova, kan chhungte dang hian an hre lo miau.
Babyi hma tawn zawng chuan kan thu a, hlauthawng tak hian ka en a, mahse a hmel ka hmuh chuan ka awih lo zawk, a biang te chu a ki deuh rut a, a mit lah chu mut hmu tha ngailo ang maiin a val kual ralh bawk a, a nghawng a thuam in a hliah phak loh chin chu a duk deuh bawk a.
"Hei mama, nula hian I fa pai ni ang in a in sawi a, eng nge maw awmzia le? Han awih ngawt a, han ngawih sak loh ngawt chi ani lova, nangin han sawi teh" Zorema pa chuan a rawn ti a. Zorema chuan kun in zawi em em hian "aw" a rawn ti a. Thawm a reh nghal vek. Zorema nu chuan phawk zet hian "eng maw mama I sawi kha ?" A rawn ti a, a aw ah chuan mak a tih zia alang. A âwm ka tihpui lutuk, nupui nei mai tur ani a, hetia a nupui tur nilovin a afa a han pai daih mai chu thil mak chu ania lawm.
"Ka nu, ka pa ka..."
"Ka thiamloh ani" Zorema chu tawngkhalh in ka ti a. "Keima thiamloh liau liau ani, kei chuan he thil hi alo thlen ka ring lawk sa a, chumi vanga inneih pawh kha hmanhmawh ta ka ni"
"Engmaw bawihte I sawi kha ?" Ka nu chuan alo ti ve bawk. "Nu, pate in zavai hian min ngaidam rawh u, Babyi hian naute hian naute aneih chuan Zorema hian a bulah min kalsan mai ka hlau va. Mahni hma ka sial luat vang ani min ngaidam rawh u, tunah chuan thil a Chiang tawh tho va, naute tihsual engmah neilo hrem ve ai chuan inneih pawh tih tawp ni rawh se" ka tih chuan Babyi chuan "aih khawngaihin keimah vang chuan engmah ti Suh u, in hlimna tih chhiat tuma lo kal ka ni lova, in ngaihdam a leh khawngaihna dil tur a lo kal ka ni" a mittui luang chu a hru fai a. "Engtin nge min chhan dawn ka hre lova, mahse min ngaidam rawh u, Zorema leh Zorini inhmangaih zia hi ka hria a, an inkar tih chhiat tuma tan ka lo la thin te kha ka zak zawk hial. Kha zan khan Zorema kha ka hrai rui a, engthil thleng mah a hre velo mahse ka pum chhung ami hi chu a fa ngei ani. Mahse kha Zana ka thil tih kha ka inchhir ber ani a, Zorema'n Zorini a hmangaih zia ka hriat khan ka thiltih te kha ka zak ngawih ngawih a, chuta kar ah ka lo rai zui. Tih tlak mai te kha ka duh rum rum a, mahse chutiang tur khawpa nunrawng ka ni bik silo. Ka pa in a hriat tirh hian nasa takin min sawisa a, nithum room ah min kalh hnanin eitur leh in tur min pe lova, a ngaihdan chuan thilsual rapthlak tak ka ti a, mi inhmangaih te inkar tihchhiat ka tum chu min dem em em a, ka awm awm a awm turin min hnawk chhuak a, nau ka pai tih hi rawn hriattir cheu a rawn tihbuai cheu hi ka tum bik lo. Mahse han belh leh pan tur dang ka hrelo. Ka hriselna a tha lova, chuvangin nau pai pawh hi ka tan athalo mahse pai luih ka duh a, khawngaih takin min ngaidam ula, ka Harsatna hi min sut kian sak hram rawh u" a tap a. A thusawi chuan keimah zawk pawh hi min vel tap. Va kal hnaiin ka va kuah a, kan pahnih chuan kan tap ta chiam mai. Kan tap thawm tih loh chu thawm dang a awm lova, Babyi chuan min kuah chung hian "ka tihpalh, ka tihpalh takzet" a rawn ti khur deuh dar dar a ka chhang zui lo kuah nghet sauhin ka tap zui par par.
In zeina room atanga doctor a rawn chhuah chuan ka u chu a ding vat a "Doctor pawi ka ti khawp mai Naute chu a tha a mahse anu erawh kan chhan hman ta lo ani. A rawn tih chuan ka rum chhuak nghal hawk. Ka u chuan min rawn kuah vat a, naute an rawn pawm chhuah chuan ka lo en a, en chiah chu ka tih theih ala ni rih, Babyi chu a rawn nawr chhuah leh chuan ka u chuan a hmai khuhna chu a keu a, en zawk bak ka ngam lo. Thlakaw chhung te meuh Nitin kan in awm thin a, hetia a kal mai hi ka hrethiam lo. A tel talo tur hi ka ngai thiam lo. Ka u kuah chung chuan ka tap a. Tah mai loh chu tih theih ka nei silo.
A ruang chu anmahni in lamah an phûr phei a, apa pawh chanchin a han hriat meuh chuan chhungkhat pa ber pawh a a inti pachang zo meuh lo.
Vui ni tih lohah chuan ka inlan leh lova, kan in chu hreawm ka ti ngawih ngawih zel a. Hmun tinah chuan Babyi sulhnu vek. A chang chuan a awm emaw tiin amah bia ang a lo tawng leh te hi ka ching thin a.
Naute pawh a nu duh ang ngeiin a hmingah Lalruatsangi tiin kan sa a, a birth certificate ah erawh nu hmingah ka hming kan ziak thung.
"Baba" tiin ka fanu chuan apa chu kut veiin alo au a kan lam pana rawn kal mek chu ka nui sak a, Roma chu apa lamah chuan a tlan phei ter ter a, apa chuan a rawn la kang nawlh a. A hmelah chuan a hlim zia ka hmu thei, video call velin inbe fo mah ila kumhnih hnuah a til arah a fa ngei chu a hmu ve thei ani a. A hlim hmel ka hmuh chuan ka lo hlim ve veng veng thei.
A fanu pawn chung chuan a rawn kal phei a, ka hmuiah fawp zeuhin min rawn kuah vawng vawng a, "ka ngai lutuk che, chuan tha taka ilo enkawl avangin ka lawm e"
"Ka fanu ania lawm" ka mitah Chiang taka min en in "ka hmangaih che" a rawn ti sup a "ka hmangaih che" ka tih ve rual chiah chuan ka hmui chu a rawn khar hnan hmiah
ATAWP TA.
Comments